رواية فرصة تانية
الفصل الخامس عشر والسادس عشر
خديجة:احم ممكن اتكلم مع حضرتك شوية
غيث بأستغراب:تعالي ي خديجة
وخلع النظارة
خديجة قعدة قدامه واخدة نفس: انا مش جيا اتكلم معاك بصفتي خطيبتك القديمه او انك انك اخو يوسف
غيث:تمام اتفضلي اتكلمي
خديجة بهدوء:انا جيا اتكلم معاك بصفتي طالبة عندك ربنا يعلم من أول يوم جيت في الكليه وانا احترمت حضرتك ازاي وبجد حبيتك حبيتك كا اخ كبير وواعي واكملت بخجل واتمني أن مش عشان انا ويوسف يعني..
غيث قاطعها: خديجة مدام انتي ويوسف مبسوطين مع بعض انا هبقي مبسوط
خديجة:اهو انا جيا عشان كدة مش عشان اتقدمتلي قبل كدة وبعدها اخوك قلك انو انو بيحبني نظرتك ليا هتتغير وتتعامل معايا بجفاء كدة انا قلتلك اني بعتبرك اخ كبير بجد واتمني تبقي زي اخويا لان واثقة نظرتك ليا مكنتش حب بالمعني الحقيقي
غيث بصلها وسكت
خديجة قامت:اتمني تفهمني
وكانت هتخرج وقفها صوت غيث
غيث: خديجة خلي بالك من يوسف يوسف بيحبك بجد وصعب علي يوسف اوي لما يحب بجد ان اللي بيحبه يجرحه
خديجة بصتله وابتسمت وراحت علي محاضرتها
__________________________________في أحد الكافيهات
سليم:وبعدين ي فريدة هنفضل كدة لغاية امتي
فريدة بأرتباك:ملنا ي سليم محنا كويسين اهو
سليم:انتي بتضحكي علي نفسك ولا عليا فريدة احنا بنتعامل مع بعض ولا اكننا نعرف بعض ولا اكني خطيبك وكام شهر وهبقي جوزك انا بجد مش فهمك
فريدة قلعت دبلتها:سليم انا اسفة
سليم بصدمة:يعني ايه
فريدة:انت حقيقي تستاهل واحدة احسن مني بكتير انا بجد اسفة
وقامت خرجت برا المحل وراحت قعدة في مكان لوحدها
فريدة لنفسها:ايوا ي فريدة انتي كدة عملتي الصح انك مظلمتيش سليم اكتر من كدة وانسي غيث وملكيش دعوة بيه انسي كل الناس ومتدخليش في اي علاقات تاني وعيشي لنفسك
__________________________________________في المساء
يوسف في الڤلة
لقي الباب بيفتح بيبص لقاه غيث
غيث:لسة منمتش كويس
يوسف ببرود:انت جاي ليه مش عندك بيت
غيث بأحراج:ربنا يخليك ي حبيبي مش عارف قد ايه انت بتحترمني والله
يوسف ضحك
غيث:صحيح اعمل حسابك بكرا هنروح عند معاذ اخو خديجة
يوسف برفعة حاجب:ليه أن شاء الله
غيث وهو بيفتح التي في:عشان نطلب ايد خديجة لساعدتك ي باشا
يوسف ابتسم بخفة:ي سلام ودا ازاي
غيث بأبتسامة:خلاص انا ا قتنعت ان مكنتش بحب خديجة بجد خديجة من هنا وطالع بالنسبالي اختي الصغيرة
يوسف ضحك بذهول:والله
غيث بلا مبلاه:اهاا
يوسف بشك: حاثه مش كلامك مش عارف ليه
غيث ضحك وقعدو
★★★★★★★★★★★★★★★★★★★★تاني يوم
في بيت خديجة
يوسف بأبتسامة ولهفه:نقرا الفاتحه بقي
غيث ضحك:ي حبيبي اصبر متبينش انك واقع اوي كدة خليك تقيل
الكل ضحك واللي مستغرب معاذ نفس المشهد بيتكرر بس بدل ما يكون غيث العريس لا دا جاي يخطب لاخوه كان بيحاول يكون طبيعي
حسين بأبتسامة:علي بركة الله الخطوبة كمان اسبوع
معاذ بأبتسامة: بأذن الله والفرح لما تتخرج
وفعلا قرؤ الفاتحة ويوسف وخديجة كانو فرحانين اوي
يوسف بأبتسامة:من حقي اقعد مع مراتي شوية لوحدنا بقي قدام الكل
معاذ بضيق مصطنع:هما خمس دقايق ومطولوش
يوسف بصله بغيظ ودخل هو وخديجة البلكونة وغيث وبباه مشيو
يوسف بفرحة:يااااه بجد انا النهارده اسعد يوم في حياتي
خديجة بأبتسامة هاديه: يوسف انت بجد بتحبني يعني ممكن تعمل في يوم حاجة تجرحني
يوسف قرب منها بأبتسامة وحنيه:بصي ي خديجة انتي يمكن متعرفنيش كويس لكن اللي متعرفهوش عن يوسف الطاوي ان قلبه فاضي من يوم موت والدته لكن مدام حب من تاني وعد ان عمره ما هيجرحك وهيعيش بس عشان يسعدك
خديجة بصتله وابتسمت بحب
بعد ما مشي
معاذ باستغراب:فعلا سبحان مغير الاحوال
خديجة ابتسمت:طب انا وخلاص كام شهر وهجوز انت ي اخ هتفضل سنجل كدة
معاذ قام:احسن حاجة
خديجة قامت وراه:معاذ متتهربش زي كل مرة انت مش هتفضل كدة الزمن بيعدي وانت بتكبر لازم تتجوز انت بقي عندك ٣٣ سنة اللي قدك عنده بدل العيل تلاته
معاذ بصدمة وهزار:زهقتني مني وعايزة تطرديني برا الشقة عايزة تستولي عليا اااه قلبي انتي لا يمكن تكوني اختي لا يمكن
خديجة بغيظ:معاذ بطل انا بتكلم جد انت لازم تلاقي عروسة
معاذ باس راسها: حاضر ي حبيبتي هنام واول ما اصحي هدور علي جد اقصد عروسة وسبها ودخل وخديجة متعصبه
★★★★★★★★★★★★★★★★★★بعد اسبوع
عملو خطوبة في كافيه ومكنتش كبيرة اوي
وغيث طول الوقت واقف جنب يوسف وفرحنله اوي
فريدة بأبتسامة:مبروك ي حبيبتي
خديجة بأبتسامة:الله يبارك فيكي ي روحي عقبالك
فريدة بلا مبلاه وضحك:لا بقي ما خلاص شطبنا
خديجة بعدم فهم وكان صوت الاناشيد عاليه:بتقولي ايه وصحيح فين سليم
فريدة بتعلي صوتها وبتضحك:بقلك خلاص رجعت سنجل
غيث بأبتسامة وفرحة:ايه بتقولي ايه
فريدة بصتله برفعة حاجب:وانت مالك انت خليك في حالك
غيث بصلها بضيق وخديجة ضحكت
واثناء ما كانت الخطوبة شغالة والكل مبسوط وفرحان اذا ب بريهان تدخل والكل باصصلها بذهول
وكانت بريهان علي وشها ابتسامه عريضه
قربت من يوسف وخديجة وخديجة بصلها بغضب
بريهان بأبتسامة ليوسف: مبروك ي يوسف مش متخيل فرحتي بيك قد ايه
وقربت من خديجة حضنتها:مبروك ي ديجا
وهمست في ودنها:متفرحيش اوي يوسف دا ملكي انا وعمري ما هسيبك تتهنو وتبقو مبسوطين صدقيني حسابك تقل اوي ومعايا
وبريهان بعدة عن خديجة وخرجت
وكملت الخطوبة وطول الوقت خديجة قلبها مش مطمن
(عرفاكم انا خفتو وعمالين تقولو ي رب البارت يخلص علي خير 😂)
★★★★★★★★★★★★★★★★★★تاني يوم
في المستشفي
يوسف وخديجة وزعو شوكولاته علي كل الناس وكانت فرحتهم متتوصفش
عند فريدة
فريدة مشيا في مرر وغيث ماشي في اتجها المعاكس وماسك كوباية شاي
وجم عن الملف وهوب دبل كيك غيث خبط في فريدة وإذا بكوباية الشاي تتكب علي فريدة في نفس اللحظة اللي فريدة رجلها اتلوت
فريدة بوجع:اااااااه
غيث بصدمة:انا انا اسف والله مشفتكيش
فريدة مسكا رجلها بأيد وبتحوش البالطو السخن بأيد
فريدة بوجع:ااااه منك لله منك لله
غيث بأحراج:خلاص بقي وطي صوتك
فريدة بوجع:ااااه منك لله بكرهك ي غيث بكرهك بعدد شعر راسي بكرهااااك
غيث ضحك جامد:طب انا كبيت عليكي الشاي ماسكه رجلك ليه دلوقت
فريدة بوجع:رجلي اتلوت تحتيا وانت كملت عليا و كبيت عليا الشاي ااااه منك لله
غيث بص لقاها كلها بتتوجع مستناش وهوب شلها بين اديه الاتنين ومشي بيها
فريدة بزعيق وخجل:انت ي حيوان ابعد كدة نزلني
وكان يوسف وخديجة معدين صدفة لقوهم كدة بصلهم بصدمة وضحكو
فريدة بزعيق:نزلناااااااااي ي متخلف
غيث دخل بيها اوضة ورماها علي السرير بغضب
غيث:ما براحة ي يختي يعني من حبي فيكي شايلك من شايفك عمالة تتوجعي جبتك عشان اعالجك
فريدة بتقوم وبتنزل من علي السرير:شكرا العلاج اللي يجي مش وشك مش عيزاه
ااااااه
غيث سندها قبل ما تقع
غيث بعنين حادة وغيظ:رجلك مجزوعة ولازم تتربط اتهدي متعنديش في كل حاجة وقعدها علي السرير بعفوية وجاب رباط
فريدة قاعدة علي السرير وقربت تطق
غيث جاب كرسي وقرب منها
غيث بحدة:هاتي رجلك
فريدة بصدمة وغباء:نعم
غيث نفخ بزهق:هاتي رجلك عشان الفهالك
فريدة بصتله بضيق وقربت رجلها
غيث وهو بيلفها وبيبرطم:دنا اكيد امي دعت عليا دعا عشان اقابل واحدة زيك
فريدة بغضب:ليه ي عنيا مالي دنا ملاين الناس تتمني انها بس تبصلي
غيث بقرف:ليه يعني انتي مين
فريدة بغرور:دي كفاية عنيا العسلي اللي بتوقع اي حد
غيث بصلها وركز في عنيها و كانت اشاعة الشمس دخلي علي عنين فريدة ومديا لمعة دهبي وهو اول مرة يركز كدة وتاه في عنيها
بعد كام سانية
فريدة بخجل:شششش انت خلصني يلا
غيث بصلها بغيظ وكمل
عند خديجة
خديجة بابتسامة:كدة كله تمام عايزة حاجة تاني
ماجدة (العجوزة فكرنها):شكرا ي بنتي ربنا يخليكي متخليكي قاعدة معايا شوية
خديجة بأبتسامة وقربت منها:يلا وادي قاعدة مش مهم اترفد قعدتي معاكي بالدنيا
ماجدة ابتسمت:قوليلي انتي والواد ابو عنين زرقا دا الحليوة متجوزين من امتي
خديجة ضحكت بخفة:لا انا والواد ابو عنين زرقة الحليوة دا لسة مخطوبين
ماجدة:اها بس بقلك حتت شاب زينة الشباب بجد
خديجة ابتسمت بحب
ماجدة:قوليلي بتحبيه
خديجة بخجل:اهو يعني ايوا
ماجدة بابتسامة:يبت متتكسفيش دا انا زي والدتك
خديجة ابتسمت: الصراحة حبيته اوي
ماجدة:لا هو انتي مكنتش بتحبيه
خديجة ضحكت: الصراحة لا علاقتنا ابتدت بخناق وكره وزعيق كدة ومكناش بنطيق بعض بس سبحان الله فجأة حسينا بشعور غريب اتجاه بعض واكتشفنا انو الحب
ماجدة ابتسمت:فكرتيني بزمان
خديجة بابتسامة:طب احكيلي ي ماما
ماجدة بصتلها
خديجة بحزن:اسفة بس انا حقيقي حسيتك زي ماما الله يرحمها
ماجدة حضنتها:ي حبيبتي من هنا وطالع انتي بنتي اللي ربنا رزقني بيها بعد ما حرمني من اني اخلف طول عمري
خديجة ابتسمت بحب:طب يلا احكيلي
ماجدة بابتسامة وحب:من ٤٥ سنة كنت لسة شابة عندي ١٨. بس كنت ايه شابة بحق وحقيقي شباب المنطقة كلها كانت بتتمني ابصلها في يوم كنت بنشر علي سطع بيتنا وبغني بقي كنت لسة بصحتي وشابه مش بتهته زي دلوقت وبكلمك بالعافيه
خديجة ابتسمت بحب
ماجدة اكملت:ورحت جبت طبق الغسيل وكبيت الميا من فوق اتاري مصطفى اللي هوا جوزي وحبيب عمري الله يرحمه كان معدي من تحت وجاي المنطقة جديد وجاي من بحري بقي وعامل نفسه عبدالحليم حافظ وكبيت عليه ميا بكلور وهاتك ي زعيق وخناق وانا هزقته بس بعدها ايه بقي قلبي بدء يميل ليه وعيشنا اجمل ايام حياتنا مع بعض وذكريات مهما عدي العمر بيا مقدرش انساها واهو النهاردة عيد جوازنا ال٤٦ وهو في مكان وانا في مكان
خديجة عنيها دمعت:كنتو بتحبو بعض الدرجة
ماجدة ضحكت بحب:يووووه ولا عمرك تقدري تتخليه حبنا بس عرفة شكل الواد ابو عنين زرقا بيحبك اوي
وهنا يوسف دخل وعلي وشه ابتسامه بعد ما سمع الحوار كله
يوسف:اهاا انا سامع حد بيجيب في سيرتي
خديجة ضحكته
ماجدة بأبتسامة:اهو الولا الحليوة جه تعالي ي واد اقعد جنبي
يوسف بأبتسامة:ي سلام وقرب قعد جنبها
ماجدة بأبتسامة:انا حبتكم اوي ي ولاد بجد حسيتكم ولادي
الاتنين ابتسمو بحب
ماجدة:اوعدوني انكم هتفضلو كدة لاخر العمر مهما الظروف قست عليكم مهما القدر فرقكم اوعدوني انكم هتفضلو تحبو بعض ومتتخلوش عن بعض ابدا
يوسف باس اديها بحب:نوعدك ي اجمل ماما ماجدة في الدنيا
خديجة حضنتها:نوعدك ي احلي واحن ماما
علي باب المستشفى
خديجة مشيا بس ماشي تعرج عشان رجلها
امير:ايه دا الف سلامة عليكي ي دكتورة
فريدة بأبتسامة هاديه:الله يسلمك ي امير ايه دا انت خلاص ماشي
امير بأبتسامة:ايوا خلاص بقي وللاسف مش هشوفك تاني
غيث من وراه: الحمدلله ي امير ي حبيبي يلا مع السلامه
وبصله بعنين حادة
امير بأبتسامة مستفزة:سلام ي دكتورة هنتقابل تاني قريب
فريدة بأبتسامة: أن شاء الله
غيث بغيظ:في موتك بأذن الله
امير ضحك ببرود
غيث بحدة:وانتي متفضليش تكلمي وتهزري مع اي حد كدة
فريدة قربت منه بعنين حادة:وانت مالك انت هاا مالك بتدخل ليه اكلم دا اهزر مع دا اقتل دا انت مااالك
غيث بيرجع لورا بخوف: براحة طب نتفاهم
فريدة بصتله بقرق ودخلت
وغيث ضكك
★★★★★★★★★★★★★★★★★★★بيعدي تلات شهور
علي نفس الحال خديجة ويوسف عشقهم لبعض بيزيد وفريدة وغيث ديما ناقر ونقير وغيث بيحاول يقرب منها ويكنلها صديق وفريدة رافضة وديما مهزقاه ومعاذ زي ما هو وحيد ولائي
وجه يوم حفلة التخرج
الكل مبسوط وسعيد
يوسف بفرحة:يااااه مش مصدق ان فرحنا بكرة يااااه علي فرحة قلبي
خديجة بأبتسامة:لا بس طلعت قد كلامك وبعد ما كنت بتاخد السنة بتنين اديك اتخرجت وبأمتياز
يوسف بأبتسامة:كل بفضلك وتعبك بعد ربنا
خديجة ابتسمت بحب
يوسف بأبتسامة:بحبك
★★★★★★★★★★★★★★★★★★★تاني يوم
خديجة اخدة فريدة وباقي البنات وراحو الاوتيل عشان يجهزو للفرح وكانت خديجة قلقانه اوي من امبارح عمالة ترن علي يوسف وهو قافل تليفونه وقلبها مقبوض وحثا هتحصل حاجة تبوظ كل حاجة
خديجة في الاوتيل ومعاها فريدة والميكب ارتست
خديجة بقلق وتوتر:يعني ايه ي غيث يوسف مشفتوش من امبارح النهاردة فرحنا
غيث: خديجة اهدي وكل حاجة هتبقي تمام
خديجة بعصبية:يعني ايه ايه التهريج دا هو اكيد بيهزر
وقفلت
فريدة بقلق: خديجة اهدي ومتوتريش نفسك ويلا عشان تحطي الميكب وتلحقي تجهزي
خديجة بعصبية:اجهز اجهز ايه وانا مش لاقيه جوزي
فريدة بصتلها بقلق وخديجة راحة جيا في الاوضة ومخها قرب يقف من التفكير
فجأة جنبها مسج من يوسف فتحتها بسرعة وبدأت تقرا
(حبيبتي الخايفة المرووشه كل دا عشان غبت كام ساعة طب تعالي بسرعة انا في الاوضة اللي جنبك في الاوتيل والباب مفتوح بسرعة)
خديجة ارتسمت علي وشها ابتسامه عريضه وخرجت من غير ما تتكلم حثت ان يوسف عملها مفجأة وحب يبسطها
خديجة وقفت قدام الاوضة اخده نفسها وبدات تفتح وكان قلبها عمال يدق بسرعه
واخيرا فتحت لحظات من الصمت والصدمة
يوسف نايم علي السرير بشورت بس وبريهان لبسة فستان احمر قصير جدا ومقربة منه بطريقة مقززة
خديجة فضلت تبصلهم شوية كتير ولسة مبتسمه مستنيه اي حاجة تحصل مستنيه تفوق من الكابوس دا بسرعة لان حثا ان روحها بتتسحب خلاص ومش متحملة
يوسف بيبص بالصدفة لق ي خديجة واقفة قام فط من مكانه
يوسف بصدمة: خديجة
خديجة بصراخ:اييييييه داااااا اييييييه داااااا اضربني اقتلني خليني افوق من الكابوس دااا لييييييه كدة
يوسف:....
#السادس_عشر
يوسف بصدمة: خديجة
خديجة بصراخ:اييييييه داااااا اييييييه داااااا اضربني اقتلني خليني افوق من الكابوس دااا لييييييه كدة
يوسف بتوتر وارتباك: خديجة اهدي و اسمعيني
خديجة بهدوء رغم البركان اللي جواها:اهو انا هديت وكمان هقعد يلا يلا اديني سمعاك يلا ا رجوك برر موقفك قلي انها هي اللي ضحكت عليك وشربتك حاجة قول انك برئ ومستحيل تخلف بوعدك ليا انطق
يوسف باصصلها وعنيه اتملت دموع بحرقة ولوم لنفسه
خديجة بصراخ:يعني ايييييه يعني اييييه انت عملت كل حاجة برضاك مكنتش شارب
يوسف قرب منها من وقعد علي علي الارض ومسك اديها
يوسف بدموع وحزن: خديج ة اديني فرصة واحدة بس اشرحلك انا انا كنت كنت تعبان كنت ضعيف مقدرتش اقاوم صدقي..
خديجة زقته بغضب شديد وقامت
خديجة بعنين حادة:يعني كل دا كان برضاك صح كان برضاك
يوسف حط وشه في الارض
وبريهان بصلها ومبتسمه ابتسامه صفرا
خديجة بصتلهم شوية وبعدها ضحكت علي ما اخر ما عندها بس كان واضح في ضحكتها الوجع والحزن
خديجة بجمود:ههههه انا انا اسفة اسفة اني قاطعتم في الليلة الجميلة دي بس لو تفتكر ي يوسف أن النهاردة كان فرحنا فاكر وعد اني عمري ما هجرحك فاكر مش كدة بس اقلك انت مغلطش انت صح انا اللي مغفلة تخيل الكل حزرني منك بس انا وقفت قصاد الكل وقلت انو بيحبني وهيتغير عشاني وهيحاول يبقي راجل للاسف وقربت منه ضربته بالقلم
ويوسف بصلها بصدمة
خديجة بعنين حادة وجمود:انت ط لعت زبالة وعمرك ما هتكون راجل انت كنت اكتر بني ادم بكره دلوقت كرهي ليك بقي اضعااااف فااااهم ي يوسف بيه الطاوي بكرههههههك
خديجة خرجت من الاوضة وهي بتجري عشان متضعفش قدامه وتنهار وخرجت برا الاوتيل كله
يوسف بيلبس تيشرته وبيجري وراها
بريهان وقفته بدلع: يوسف سيبك منها
يوسف بصلها بغل وراح مسكها من رقبتها وفضل يخنق فيها جامد وبريهان وشها بقي زي الدم وعمالة تكح وخلاص هتقطع النفس
يوسف افتكر خديجة راح زقها علي ما اخر ما عنده واخد فونه وراسها جت في الازاز اتفتحت
يوسف نزل يجري وبيدور علي خديجة وراح علي جراش الاوتيل عشان يركب عربيته وعمالة يرن علي خديجة مش بترد وسايق بسرعة واكتر من مرة كان هيعمل حادثه
__________'__________________________★عند خديجة
خديجة بتلم شنطة هدومها وبتكلم نفسها
خديجة بتضحك بهستريا:هههه ولا هزعل علي ولا هزعل علي واحد زبالة زيه انا اصلا من الاول مكنتش بحبه انا بكره بكره ههههه ولا هعيط علي واحد خاين زيه ههه
معاذ دخل عليها بخضة: خديجة بتعملي ايه هنا انتي مش المفرود في الاوتيل بتجهزي للفرح
خديجة بصراخ:انا بكرهههه بكرههههه بكرهههههه
ومسكت كل حاجة علي التسريحة كسرتها
معاذ بيمسكها بخوف: خديجة اهدي حصل ايه لكل دا
خديجة بتصرخ في حضن معاذ:انا بكرههههه بكرههه بكرهههه
وفضلت تضرب نفسها بالاقلام
معاذ بخوف ومش قادر يمسكها: خديجة خديجة اهدي
وهوب خديجة فقدة الوعي
(محدش يقولي ليه الاوفر دا يعني لو شوفتي عريسك قبل الفرح بكام ساعة علي علاقة بوحدة تانيه هتعملي ايه 🙄😏)
_______________________________________عند غيث
مهندس ما:ها ي غيث بيه كل الحاجة وصلت نبدا في الديكور
غيث بخوف ظاهر:وقف كل حاجة ي محمد انا لازم اطمن علي اخويا الاول
غيث عمال يرن علي يوسف ومش بيرد
يوسف اخيرا رد
غيث بخوف: يوسف انت فين من امبارح قلقتني عليك
يوسف بزعيق وحرقة:انا غبي ي غيث انا فعلا عالة علي كل الناس انا فعلا المفرود الكل يكرهني عشان انا انسان زبالة وصايع ومليش قيمة
غيث بخوف وقلق: يوسف اهدي حصل ايه لكل دا
يوسف:انا ااااااااااه وهوب صوت اصتدام
غيث بخوف وصراخ:يوووووسف بووووووووسف رد عليا قلي انت فين انت فين ي يووووووووسف
_________________________________عند خديجة
معاذ بيحاول يفوقها
خديجة بتفتح عنيها بتعب
معاذ بقلق:حبيبتي انتي كويسه
خديجة بأبتسامة: يوسف جه ولا لسة وانا بعمل ايه هنا الفرح خلاص قرب
معاذ بصلها وسكت
خديجة فضلت تبص حواليها والاحداث كلها بتتجمع قدام عنيها من تاني
خديجة قامت بغضب:فين شنطة هدومي
معاذ مسكها: خديجة انتي راحة فين فهميني والفرح اللي بعد كام ساعة
خديجة بصراخ :خلااااص خلاااص مبقاش في فرح ولا زفت انا مش جتلي منحه لالمانيا خلااااص هرحها وملعون ابو الحب علي اللي بيحبو بكرههههه
وخديجة قامت تلم هدومها بعفوية ومعاذ مش فاهم حاجه
فونها رن وكان غيث
خديجة ردت بغضب:ايييه بتتصل عشان تدافع عن اخوووك هااا عيزاك تقله اني بكره بكره بكرهكم كلكم ي يا رتني ما شفتكم ولا قابلتكم في حياتي
غيث: خديجة يوسف عمل حادثه وقع من فوق الجبل
لحظات من الصمت خديجة وقع الفون من علي ودنها وهي كمان وقعت في الارض
(عرفين الافلام جت لزقت في الحيطة وقعت 🙂😂)
معاذ اخد الفون
معاذ بقلق:في ايه ي غيث حصل ايه
غيث بعياط ووجع: يوسف وقع من فوق الجبل ي معاذ مش عارف ايه اللي وداه عند الجبل اصلا مش عارف
معاذ بخوف:طب انا جييلك علي طول هو في مستشفى ايه
غيث بعياط: هو لسة في الطريق الاسعاف جيباه هما لسة هيجبوه مستشفى****
معاذ:تمام هنيجي علي طول
معاذ: خديجة هتيجي معايا
خديجة ردي عليا
خديجة فاقت ومسحت دموعها بجمود:ايوا هاجي هاجي وهشمت في وهو بين الحياة والموت
معاذ بصلها ومش فاهم اي حاجة
عدي وقت ومعاذ وخديجة في الطريق وخديجة مش راضيه تقول لمعاذ اي حاجة هي بس بتردد بكرهك ي يوسف بكرهك
___________________________________________بعد وقت
بيوصل خديجة ومعاذ المستشفي في نفس الوقت اللي بتوصل في عربية الاسعاف وكانو الممرضين بينزلو يوسف وهو نايم علي الترولي وبيبعدو غيث عنه
اما يوسف كان فاقد الوعي وكله دم وكله كدمات شديدة ومش في الدنيا بس طول الوقت بيهمس بأسم خديجة
خديجة قربت بعياط وصراخ:شفت ي يوسف ربنا اخدلي حقي اخدلي حقي منك حق خيانتك ليا عشان تخلف بوعدك ي خاااااين بكرههههك ي يوسف بكرهههههههك
معاذ كان بيبعدها بكل قوته وبردو مش قادر واضطر انو يركبها العربية ويرجعو البيت
________________________________بعد مرور عدة ساعات
غيث وحسين وقفين قدام اوضة العمليات والخوف هيقتلهم ومعاذ بيحاول يهديهم
اما خديجة كانت في بيتها ونايمه علي سريرها وعمالة تعيط
عند يوسف
الدكتور خرج من اوضة العمليات وخلع الماسك وكان باين عليه الإرهاق والتعب
الكل جري عليه
غيث بعياط وخوف:ها ي دكتور طمنا يوسف كويس صح هو بخير
الدكتور بحزن:انا اسف ي جماعة ا حنا عملناله كل اللي نقدر عليه لكن للاسف
حسين بصراخ:يعني اييييه ابني راااااح انطق
الدكتور:اهدي ي حسين بيه يوسف بيه الحمدلله عايش لكن للاسف الوقعة اللي وقعها اثرت في كل جزء في جسمه جسمه كله كدمات شديدة وفي كدمات بسيطة لكن اكتر حاجه اضرت فيه مخه حصل نزيف بسيط وهو حاليا دخل في غيبوبة والله واعلم هيصحي امتي وحتي لو صحي هتكون حالته ايه
الدكتور مشي
وحسين قعد علي اقرب كرسي وحس ان الدنيا بتسود قدامه وفجاه فقد الوعي
غيث بخوف وعياط:بابا بابا ارجوك فوق متسبونيش كلكم ارجوك
معاذ نده دكتور بسرعة ودخلوه اوضة وكشف عليه
الدكتور بحزن:ضغطه واطي جدا ودا غلط عليه حاولو تحسنه من نفسيته
الدكتور خرج وغيث قعد علي اقرب كرسي وحط راسه بين كفوفه وفضل يعيط وحث ان الدنيا كلها جيا عليه
معاذ قرب منه بحزن:غيث مش كدة شد حيلك عشان تكون جنب اخوك والدك محتاجك
غيث بعياط:طب ليه ليه كل حاجه اتقلبت فجأة هو ايه اللي حصل بين يوسف وخديجة فجأة والفرح والمعازيم
معاذ بحزن:مش عارف خديجة مش راضيه تتكلم انا هعمل تليفون واخليهم ينهو الفرح كله
____________________________معاذ رجع البيت
واول ما فتح خديجة جريت عليه
خديجة بغل وكره:قلي حصله اتشل ولا مات ولا حصله ايه
معاذ بحدة: خديجة ما تهدي شوية حصل ايه لكل دا فهميني
خديجة بغل وغضب:بسألك حصله ايه
معاذ نفخ بقلة حيلة:حصله نزيف وكدمات شديدة ودخل في غيبوبة واكمل بحدة ممكن افهم ايه اللي حصل
خديجة مردتش عليه ودخلت اوضتها وقفلت عليها
محدش يستغرب حالة خديجة وانها فجأة بقيت تكره يوسف كدة وبتمناله الموت هو الواحد لما اللي بيحبه يجرحه جرح كبير بيبقي عايز يخنقه بأيده لكن مع الوقت ناره بتبدي تطفي واحدة واحدة
★★★★★★★★★★★★★★★★★★بعد مرور شهر
يبقي الحال كما هو عليه يوسف لسة في غيبوبة مفقش وحسين بباه تعب جدا وغيث من التعب والحزن شكله اتغير جدا خس جدا وشعره ودقنه طولو وتحت عنيه اسود من الارهاق وحالته صعبه جدا وهو حاسس بالوحدة ومفيش حد معاه
ومعاذ كل شوية يطمن عليه
وفريدة زي ما هي مش بتكلم غيث خالص بس متنكرش انو واحشها ونفسها تشوفه من شهر
اما خديجة زي ما هي قاعدة في اوضتها من يوم اللي حصل ومش بتخرج والكل هيتجنن عشان يعرف اللي حصل بينها وبين يوسف وهي مش راضيه تتكلم بس هي بدأت تهدي وتتحكم في عصبيتها وقررت انها هتروح تزور يوسف
_______________________________في المستشفي
خديجة وفريدة دخلين وفريدة ماسكه بوكيه ورد
فريدة:بردو مش هتحكيلي ايه اللي حصل
خديجة بجمود: فريدة متفتحيش الموضوع دا تاني
فريدة بصتلها بحزن وسكتت
وصلو للدور اللي فيه يوسف
لقيو غيث قاعد لوحده ومربع ايده وشكله صعب جدا
فريدة اول لما شافته كدة قلبها دق بسرعة وزعلت عليه كانت بتتمني انها تجري عليه وتاخده في حضنها وتقله ارمي كل الحمل اللي عليك وخليك معاية
قربو من غيث
خديجة بجمود:احم ازيك ي غيث
غيث رفع راسه بدهشه وسخرية:يااااه انتي لسة فكرانا ي خديجة ي شيخة دنتي لو تفتكري اللي بين الحيا والموت دا كان هيبقي جوزك
خديجة بغل وغضب:كان كان وعمره ما هيكون ويا يريت تبطل طريقتك دي معاية مدام متعرفش اللي البيه اخوك عمله تمام وياريت تحافظ علي مكانتك عندي
غيث بصلها بقلة حيلة وقعد مكانه
خديجة شافت الدكتورة خارج من عنده
خديجة:احم لو سمحت عايزة ادخل للمريض اطمن عليه
الدكتور:غلط عليه وممنوع أن حد يدخله العناية المركزة تقدري تبصيله من الازاز
الدكتور مشي وخديجة نفخت بضيق وبصت من الازاز كان يوسف نايم علي السرير ورجله متجبسه وايده كمان وجسمه كله كدمات وعليه قطن ومتوصل بيه اجهز كتير
خديجة سندة علي الازاز ودمعه نزلت منها مسحتها
خديجة بحزن:ليه ي يوسف ليه تعمل كدة كان زمنا متجوزين وفي شهر العسل ليه تعمل كدة ليه
خديجة مسحت دموعها بجمود:مش هضعف مش هضعف ي يوسف ولو موت قدامي وهسيبك تتعزب وهوريك النجوم في عز الضهر
فريدة لغيث:الف سلامه عليه شد حيلك وادتله الورد
غيث بصلها وعنيه اتملت دموع: فريدة انا انا محتاجك جنبي
فريدة بصتله وهي كمان عنيها اتملت دموع وبعدة عنه
فريدة بأرتباك:يلا ي خديجة عشان نمشي
خديجة بصت بصة اخيرة ليوسف ومشيت
________________________________في المساء
خديجة نايمه في اوضتها وبتفتكر ذكرايتها مع يوسف وعمالة تعيط
فجأة حست بنغزة في قلبها وقلبها عمال يدق بسرعه ومش عارفه السبب
_____________________________عند غيث
غيث قاعد علي نفس حالته ومفيش جديد وحسين كمان قاعد معاه وعمال يقرأ قران ليوسف
فجأة لقي الدكتور داخل بسرعة ليوسف ووراه الممرضة
غيث بخوف: في ايه ي دكتور يوسف كويس صح
الدكتور:اهدي ي غيث بيه عشان نطمن يوسف بيه بدأ يفوق
غيث فرح جدا وكمان حسين
بعد وقت
خرج الدكتور
حسين وغيث جريو عليه
حسين بخوف:طمني ي ابني يوسف كويس مش كدة
الدكتور بأبتسامة: الحمدلله هو فاق من الغيبوبة بس هيفضل كام ساعة تاني في العناية عشان نتاكد من صحته
غيث بفرحة:شكرا ي دكتور الحمدلله ي رب الحمدلله
الدكتور بحزن:بس للاسف لانه وقع من فوق الجبل حصله كسر في رجله الشمال وهيفضل ماشي علي عكاز كذا شهر وكمان ايده اليمين في كسور وركبنا فيها شرايح ومسامير
حسين بحزن: مش مهم المهم انو نفسه في الدنيا المهم انو موجود
بعد كام ساعة
يوسف اتنقل اوضة عاديه وغيث وحسين كانو معاه ويوسف كانت حالته صعبه جدا وكله متكسر ومش قادر يتكلم
حسين باس راسه:الف سلامه عليك ي ابني الف سلامه عليك ي رتني كنت انا وانت لا
يوسف بتعب وحب:بعد الشر عنك ي بابا انا كويس
غيث بمشاكسه:ولا ولا متعش الدور يلا فوق كدة بقلنا شهر قعدين جنب سعادتك وانت بقالك شهر نايم في غيبوبة ولا هنا اصلا
يوسف ضحك بتعب: امشي ي غيث امشي مش عايز اشوفك
غيث بغيظ وضحك كأنه روحه رجعتله:ااااخ ي ناكر للجميل وانا قاعد جنبك بقالي شهر وموقف حياتي عليك اخص
يوسف ضحك بتعب:ربنا يخليك ليا ي حبيبي
غيث ابتسم بحب
وقعدو يهزرو ويضحكو شوية وكانت الشمش بدأت تطلع
غيث بصله واخد نفس واتكلم
غيث بهدوء: يوسف بما انك الحمدلله فوقت وصحتك يعني عايز اعرف ايه اللي حصل بينك وبين خديجة خلي كل دا يحصل
يوسف بتعب: خديجة خديجة مين
غيث بصدمة:.....