رواية اغتصاب_بعد_منتصف_الليل
الفصل الثالث
بقلم ساره العبيدي
بقينا نص ساعه ندور طلعت الخاتون نازله للشط
توته: ولج تماره هذيج مو رزان لو اني غلطانه
تماره: اي ولج خيه هاي هيه صدك تحجي صار شكد ندور شنو طفله ماتحجي ماتكول
توته:' امشي صيحي بنات وخلي نرجع يم اهلنا كلشي يصير اني اروح اصيح ثوله كاعده تحلم تلكيها هسه
مشيت على رزان
توته: ولج انتي من تروحين ماتكولين راح اروح ليش تخلينا مثل ثولات ندور عليج ماتكولين ناس تسأل يظل بالها
رزان: توته هذا مختفي من بارحه عود اني مصدكه وعايشه الحلم
توته: هو انتي عمرج كله 18 معرف 19 لاحكه تحبين وتزوجين وتملين يلا كومي خلي نرجع عوفي هاي الافكار مايريدج لا تردي هو الخسران
رزان: اوف اوف يلا شسويله بس ليش يجذب والله حرام عليه حسبي الله ونعم الوكيل..
توته: عوفي الحجي هسه امشي خلي نرجع
رزان: ماشي بس خلي اغسل وجهي شوفي المي تخبل منظرها
نزلت تريد تاخذ من المي زحلكت وكعت لحكت لزم ايدها نثولت عفت ايدها كعدت اصيح
رزان: ولج توته لحكيني راح اموت ياربي لحكوني
هيه بلمي ماتعرف تسبح واني لميت النااس على صايح مالتي
لتموا الناس مابقى احد ما اجه
امي وخالاتي يجيب ويرزلن
خطيه ساعدوها شباب وطلعت هيه تصك بسنونها لان المي بارد والوجه ازرك خطيه
ام رزان: بس كوليلي تريد تموتين طابه بالليل بلمي توبه بعد اذا اطلعين هو أنتم شكول طلعه
خابرت على خالي يدز سايق لنا
بين ما صارت رزان احسن ولمينا اغراصنا اجه سايق ورجعنا كل واحد لبيته
وصلنا طبينا للبيت لكنا بابا بصاله
بابا: هسه نور البيت ضوجه بدونكم
امي: سلام عليكم ابو توته اي حتى تحس بقيمتي عيوني
بابا: ليش اني مو حاس بقيمتج الا تروحين غلطانه تدرين شكد احبج
توته: تره احنا موجودين اهنا لعد احنا شنو لا منهم لا عليهم
بابا: انتم الاصل بنتي بس امكم غير
توته: ظاهر مالنا. مكان بعد خلي نروح نرتاح احسن تصبحون على خير
رحت اني وسن وريم كل وحده بمكانها اني سبحت ونمت
ريم كعدت تحجي ويه افندي معرف ليش مارتاح له احسه يفيك هواي براسنا
بدت امتحانات الكورس
لازم بلامتحانات ابدا ما اطلع ولا اكعد وياهم فقط ادرس حتى انجح بمعدل زين
توته: صباح الخير ماما فدوه ادعيلي اليوم استاذ ماده صعب خايفه من اسئلته
امي: الله يسهلج بنتي ادرسي ماعليج تنجحين ان شاءلله
كعد بابا اجه علينا سلمت واجه الخط طلعت للجامعه وكعدنا نراجع اني وهدوش
والحمد لله الاسئله كانت مركزه مفهومه
كملت امتحانات بخير الحمدلله
الايام عاديه تمشي
بيوم اجه بابا ورا ماطلع العصر معصب
امي: خير ابو توته شكو شصاير وياك
بابا: مصيبه معرف شلون راح تنحل
امي: خير ياستار شكو احد من أهلي بيهم شئ احجيلي لا تضم عليه
بابا: لا مابيهم شي السالفه بيه مصيبه وكعت على راسي شورطني خليت نفسي بهذا الموقف
امي:احجي الله يخليك شكو مو وكفت كلبي
بابا: ابو كرار وياي بدوام اشترئ سياره كان محتاج فلوس
داين من واحد ويانا بدوام واني كفلته كال شهر واردهم هاي صار شهرين ماردهم والمشكله ماله اثر حتى جهازه مغلق
هذا يوميه يجي عليه يريد اني ادفعله الفلوس
اليوم جاي يهددني
امي: يمه عزه بعيني ليش هيج سويت ليش هيج سويت بروحك كم مره كتلك مالك دخل بغيرك ولا صدك بي واحد يكولك شئ هسه شلون شسوي
توته: بابا أنت ليش تكفله أنت شعليك بي بس لا يأذيك هذا بعد لا داوم بابا الا نلكه حل
بابا: شسوي كتله انطيني مهله يومين اريد اروح على أهل الولد اشوف حل لهاي المصيبه والله يابنتي اجه يتوسل بس عوزه يبوس الحذاء كلت خطيه واحنا زملاء عمل شعرفني راح يصير هلشكل بيه
امي؛: أخذ ابو عامر وروح عليهم بالليل بلكي الله تلكه حل حسبي الله ونعم الوكيل بي ليش هيج يسوي
بابا: خلي اخابر ابو عامر يجي نروح اني ويا ونشوف أهله شنو يكولون
خابر على عمي ربع ساعه واجانا
راحوا على أهل الولد تأخرؤا هواي
ماما: كم مره كتله ماعليك باحد الناس ماتنحزر بعد أبعد عنهم هو كل محد كال له شي صدك بي
توته: ماما كولي يالله ان شاءلله يطلع ابن اوادم ويدفع الفلوس عليه
وسن: ان شاءلله يارب مايصير شئ على بابا
ريم: ماما لا تنقهرين ان شاءلله تنحل هسه وين راح بابا تأخر هواي
بعد مرور الوقت اجه بابا
رحت افتح الباب له
شفته وجه مايتفسر
امي: ها ابو توته بشر شصار وياك لكت رجال أهله شكالوا لك
بابا: الفأس وكع برأس أهله متبرين منه طلع ماخذ من الناس ملاين يكول لهم اشغلها الكم وطافر محد يعرف له اثر
امي: حسبي الله ونعم الوكيل عليه هسه شراح اسوي ماكو غير بيع ذهبي اخذ من احد خو ماتبقى تباوع وتنتظر الرجال يأذيك
بابا: كولي يالله وان شالله الله يحلها
ورا يومين كعدنا الصبح لكنا طلقه بظرف رامي بطرمه وامي كلبت الدنيا كعدت تلطم على خدها
بابا: مو هاين عليه يبيع ذهب امي يحاول يدبر من أحد حتى يدفع الفلوس
الصبح لكنا الطلقه الظهر ب2 ندك الباب قوي
طلع بابا يفتح الباب انتظرني دقايق وبابا مارجع
امي: ولج وسن وسن تعالي لبسي شال واطلعي بره شوفي ابوج على باب شو ندك وطلع يفتحه لحد الان ماكو حس والله قلبي ناغزني اكو شي
وسن: اي ماما رايحه
طلعت وسن رجعت تركض
وسن: ماما ماما ماكو احد على الباب لا بابا ولا غيره
امي: ولكم لحكوني ابوكم راح راح يمه راح والله كلبي نغزني كلت راح يصير شئ
خابري عمج يجي ركض خابري خوالج
خلي يشوفوا لي حل راح ابو طول الحلو
شدعي شكول الله لا يوفقك مثل ماسويت هيج برجال كفلك وآمن بيك تالي هذا جزاته تضيعه بين رجلين حسبي الله ونعم الوكيل حسبي الله ونعم الوكيل
يمه وينج لحكي بنتج نكسر ظهره
ريم: ماما لا سوين بروحج هيج ليش تتفائلين على بابا يجوز واحد من اصدقائه عنده شي واخذه
امي: ولج يا اصدقاء بملابس النوم يروح وياهم جان رجع بدل كال تره راح اروح الله ينتقم منه حسبي الله ونعم الوكيل
وين اروح وين ادور
توته: هسه يجي عمي ان شاءلله يارب بابا امانه عندك رده سالم لنا نضيع بدونه يارب
اجه عمي وكعد يخابر على اصدقاء بابا وخوالي اجوي كل واحد حاير وين يروح وين يسأل وين يدور
هذا تالي طيبت كلبك.يابويه رحت ومانعرف وين نروح نسأل وين ننطي الوجه
من يوم الرحت لليوم متانيتك يالغالي
وعيونك ماشفت النوم ولا شلتك من بالي
وماشفت واحد يشبهك وانت مثلك ماكو ثاني
وين ادورلك كلشي سكته وبردت بعيني الثواني
يالحنين الماخذ بناتك مو يبس گلبي وبچيتك
او يبست على اشفافي چلمة بويه وينك مالگيتك
يشهد الله لحظه وحده مانسيتك