روايةاغتصاب بعد منتصف الليل
الفصل الاول والثاني
بقلم ساره العبيدي
هاي اليوم شيوصلني للكليه بهذا الجو
هسه اني الا اكمل دراسه ما جان كعدت بالبيت مثل خواتي اخ اخ
امي: ولج توته كومي كافي نوم راح يجي ابو الخط
توته: ماما والله الجو مال نوم خلي شويه واكعد
امي: ابو الخط ماينتظر تره وابوج لو تموتين مايوصلج عنده شغل وكليتج بعيده يلا كومي
توته: كمت كمت ست الحبايب يا حبيبه داومي بمكاني ههههههه
امي: ياريت من مكمل دراسه شحصلت من زواج والبيت عود انتم مثل اهل كبل بنات اخر وكت
توته: اهو ماما بدينا فيروز الصباح
خلي اكول ابدل احسن لي
رحت ابدل واحضر روحي قبل مايجي ابو الخط
هووووووووب خلي اعرفكم على نفسي
اني توته اكبر وحده بالعائله فديتني
مواصفاتي بيضه وطويله عيوني لونهم طبيعي عادي نفس الناس لا اخضر ولا ازرك 😂
جسمي وسط لا سمين ولا ضعيف كلها صيحلي توته ناسين اسمي الحقيقي مرحله ثالثه جامعه
عندي خوات اثنين وسن وريم تركوا دراسه من السادس ابتدائي
بقيت اني النادره اريد أدرس
عندي بابا موظف وماما ربة بيت كلش على نياتها
عائلتنا صغيرة ودائما يدخلون ويحجون على ماما ليش ماتخلفين ولد وليش بس بنت وليش وليش بس بابا وماما كلش متفاهمين لان هيه عاقله ماتحجي ابد
كملت ترتيب ونزلت اتريك ما اروح لدوام بلا ريوك حتى لو بس شاي المهم افتح ريكي عفيه
اجه ابو الخط عبالك احد يركض ويا يلزمها دك هورن ولا ينطي مجال ابدا
توته: ماما راح اروح مع السلامه
طلعت على الخط اسمه وعد
توته: صباح الخير
وعد: صباح النور يالعروسه ساعه يلا شعندج
توته: احد يركض وراك ساعه هورن تره مره وحده كافيه اسمع مو طرشه
وعد: لسان لو رشاشه يلا صعدي عندي بنات بعد ماخذتهم
صعدت سلمت على بنات صديقتي بلخط وبدوام وبلمصايب هدى ههههههههه
توته: هلاو هدوش اكلج نعسانه تره انطيني ايدج خلي انام من نوصل جامعه كعديني
هدى: كولي صباح الخير مشتاقه عود انطمري
توته: هسه مو كلت صباح الخير شنو كل شويه نكول يلا خلي انام من نوصل نحجي عود
نمت من وصلنا جامعه كعدتني هدى ونزلنا للكليه اكلج بس لا هذا استاذ يوم عدنا
هدى: ياهو قصدج
توته:هذا العصبي عبالج بايكين فلوسه يطب يصيح يطلع يصيح
هدى: ههههههههه لا بس يجوز يوكف علينا بلامتحان
توته: اني كلت اليوم واضح من أوله حتى اذا اريد اجاوب ماراح اجاوب
هدى: دمشي هسه خلي نطب للقسم نشوف شكو ماكو اول محاضره شعدنا والله كريم
توته: اي هم صحيح يلا
طبينا للقسم لكنا بنات والشباب سلمنا وكعدنا بمكانا وكل طالب ملتهي ويه ليمه
هدى:اكلج خلي نراجع امتحان احسن من صفنه
توته: اكول انزلي جيبلي عصير عفيه بارد حتي اكدر اراجع الج
هدى: هو الجو بارد ونوب لا كل ما اكلج شي تردين مقابل شويه ادب خلي عندج
توته: خاب دنجبي وكومي جيبلي عصير قبل مايجي استاذ يلا
خطيه ماتكدر تكول لا راحت نزلت جيب عصير
ذكرت اوراق امتحان ماجبنا خلي اخابرها
توته: هدوش عمري اوراق امتحان ماعندج اني عندي بس وحده كلت اذكرج علمودج خطيه مابيج تنزلين بعد
هدى: يالحنينه علمودي ماشي هسه اجيب وانتي تدفعين الحساب
توته: ماشي بعيوني يلا باي
اجت جايبه عصر واوراق امتحان
توته: اريد ورقه امتحان بلا زحمه ماعندي
هدى: توني تكولين عندي هسه طارت
توته:لا ما طارت تبخرت 😂😂😂😂
يلا أريد وحدة
هدى: يجوز اني جايبتج للدنيا ما ادري بروحي اخذي عيوني اخذي امري لله
توته: لو هيج صداقه لو بلاها
هدى: قصدج لو هيج الضحك على الناس لو بلا
توته: انتي مشكلتج مو مال حب وغزل وعيوني وكذا مال غلط بس تمشين عدل
كعدي نراجع احسن بله يلا
بقينا نراجع الي ان اجه أستاذ هو
وكام يرد الاسئله هو يرد واني وهدى وحده ذكر ثانيه بجواب ههههههه
الحمدلله كملنا امتحان وطلعنا وبقينا من محاضره لمحاضره استراحه كانت اخر محاضره
رحنا للنادي اخذنا لفات وعصاير وطلعنا للحديقه ناكل احسن من خنكة نادي و الهوسه
جاي ناكل واجه ولد على هدى معجب اني غصيت ههههههه هيه ماتعرف شنو تحجي بس تهز برأسه تباوعلي
هو مستمر يحجي
توته: اكولك ممكن تروح منا احسن الك هاي طرشه تره ماتسمع لمنو جاي تحجي أنت
انصدم وبقى يباوعلي وطفر
هدى: بنت اوادم كولي مخطوبه خليتيني طرشه
توته: هو طافر بلحالتين مايهم يلا كملي حتى نروح للخط احسن مانبقي اهنا
هدى: لا عفيه الجو حلو خلي نتمشه شويه وبعدين نروح
توته: ماشي نتمشه ليش لا
كملنا اكل وتمشينا شويه ورجعنا للخط
طبعاً هذا الطبع مو حلو يجمع اصدقائه يكعد بالخط عبالك كهوه شهلطبع
توته: وعد اصدقائك ليش يجتمعون اهنا واحنا نجي نبقى واكفين ننتظر يحسون ويطلعون تره اكو كوفي خلي يكعدون بي
وعد:والله اني ابقى بالخط وين اروح وهم يشوفوني ويجون ومكدر احجي شكول اطردهم
توته: اي طردهم واذا يعني والله يالله
هدى: عوفيهم شنسوي تعودنا اصلا
اجوي البنات البقيه ورجعنا.كل وحده لبيتها
اني متعوده ارجع اطب بملابسي للحمام اسبح وانام واكعد بعد العصر اكل واشوف محاضرات لعندي شغل ما اشتغل بس بلعطله اساعدهم وبس
اجه عمي بالليل علينا يتعلل يم بابا
عمي: اخويه بالي موضوع بصراحه
بابا:اي اتفضل احجي ليش متردد
عمي: شرايك بابني عامر يعني احجي كأنما ماتعرفه مو ابن اخوك
بابا: شوف خويه ابنك ماكو منه عاقل ويشتغل سبع ماعليه قاصر بس ليش احد شاكي عليه يمك سامع شي
عمي: لا والله ياخويه محد كال شي بس اريد ازوجه
بابا: هنيال تاخذه والف مبروك مقدما
عمي: يبارك بعمرك بس اني اريد وحده من بناتك لابني ماريد اخذ غريبه
بابا: اتشرف بيك خويه انت تأمر امر وهذوله بناتك بس لازم تاخذ رأي الولد اول احسن ماريد نجبرهم نتخارب اني وياك
عمي: لا على بختك خويه عيبة العيبه اتخارب وياك علمود ابني والله لو تبيعه بسوك ما اكولك ليش
بابا: على راسي وساعة المباركه شاور إبنك وما يصير الا الخير ان شاءلله
عمي: ان شاءلله باجر اشوف رأيه وارجعلك خبر حتى اذا صار اتفاق نفرح بيهم هاي الايام
بابا: متفقين ياخويه على راسي وين لكه احسن منك امن بنتي يمه
عمي: يشهد الله نفس بناتي ان شاءلله بعيوني اخليها
راح عمي وثاني يوم رحت لدوام رجعت لكت زوجة عمي وبنت عمي
توته': ريم ريم شعدهم شكو عجب جاين علينا
ريم: خطابه يردون وحده لعامر
توته: خلي أسلم واطفر لغرفتي أنتم وعامر تنجازون اني شعليه
ريم؛: يجوز انتي العروس ههههههه ازفج بيدي
توته: لا عيوني ماضيع تالي تعبي و دراستي ازوجن انتم اول يلا خلي اروح اسلم واطفر
طبيت سلمت عليهم ورحت لغرفتي سبحت ونمت
بالليل اجه عمي وعامر
بابا يهلي ويمرحب عبالك غرب مو اخو وابن اخو هو هذا طبعه اي واحد يجي علينا يظل يهلي ويحير شنو يسوي له ربي يحفظه ويطول بعمره يارب
عمي: بعد ماخذت رأي الولد واجت المريه العصر عليكم هسه جاي اخطب بصوره مباشره واذا صارت الموافقه حالي حال العالم اجيب الناس وشيوخ اجي اخطب على سنة الله ورسوله
بابا: لا خويه انت مو غريب لتريده يصير من عيوني هاي قبل هاي
عمي: ربي يحفظك ويديم جمعتنا الحلوه اريد بنتك ريم لابني وان شاء الله مايقصر بحقها واني اكون ابوها قبل عمها
بابا: البنت بنتك بس لازم اشاورها واخذ رأيها خويه تعرف الزواج مابي غصب
عمي: هذا حقك وحقه وشنو يكون الجواب ماراح ازعل منك مهما يكون هذا زواج مو لعب و دوم مو يوم ويومين
بقى عمي لل11 بالليل يلا راح هو وابنه
ثاني يوم عطله ماداومت وكعد بابا يحجي
بابا: بنتي انتي تعرفين عمج على ششنو جان ماريد تخجلين مني شنو جاوبج عادي باباتي لان هذا زواج بنتي
ريم: بابا اني ماريد ازوج هسه
بابا: غير اكو سبب يابنتي عمرج مناسب وهواي زوجن بهذا العمر
ريم: ماريد ازوج هسه ابعد عنكم وخاف مايخلوني اجي عليكم
بابا: ههههههه منو مايخليج غير اهجم بيتهم شعندي غيرج انتي وخواتج
ريم: الله يخليك بابا لنا
بابا؛/: ماشي بنتي امج تحجي وياج وبراحتج
امي كملت الموضوع ومن اجه بابا بالليل كالت له جواب ريم شنو
الفصل الثاني
رواية ساره العبيدي
اجه بابا
بابا: السلام عليكم ها مجتمعين الحبايب اليوم
ع
امي؛: وعليكم السلام ورحمة الله اي مجتمعين وعدنا خبر حلو
بابا:ه٨ه يالله نسمع شنو هالخبر
امي: ريم وافقت على زواج بس خايفه مايخلوها تجي علينا
بابا: ههههههه شنو منطيهم فصليه غير اخويه وابن اخويه وكلنا بنفس المنطقه شنو مايخلوها لا اني بنفسي اروح اجيبها كل اسبوع أن شآء الله
أمي: هاي هيه لعد توكل على الله رجع خبر لأبو عامر موافقين
بابا: أن شآء الله الله يقدم لبي خير لنا ولهم
أمي: ان شاءلله عيوني
بابا: ايباه تذكرين شلون جانوا صغار والله بعدني شاب هسه انتي كبرتي بس انا بعدني شباب
أمي: ليش اني اكبر منك هو احنا عمرنا سوه شدعوه أكبر أني وأنت تبقى شاب
بابا: طبعاً انتي أكبر مني لو نسيتي
أمي: هسه أنت شجاب هلموضوع بنص لو رايد تزوج ويه بنتك دام مسوين حفله فدمره
بابا: هو اني اريد اجدد شبابي ان شاءلله بس مو زوجه جديده أريد اجدده وياج أنتي
أمي: ههههههه عبالي كمت أفكر السم ويه العشه اخلي لو مصباحية العرس
بابا: لا ياظالمه ماغزرت بعينج العشره تسميني
أمي: هيه خلي توكف بعينك اول شي بعدين تغزر بيه اروح انام أحسن أنت تبقى داهر بيه واني مابيه عليك
بابا: اي روحي كولي أريد ارتب الغرفه قبل ماتجي اعرفج تموتين عليه
بابا وماما رغم كلشي يحبون بعض يبقون يشاقون ونسمع صوت ضحكاتهم. الله يحفظهم لنا
ثاني يوم رجعنا خبر لبيت عمي موافقين
والعصر اجوي علينا جابوا عصير وكيك وفواكه لان. خطبة وعقد. السيد بالليل
بقوا تعشوا يمنا وهوسه يبؤؤ وبنات عمي ناس تتمكيج وناس تلم مواعين العشه وتنظف المطبخ
كل وحده تركض بجهه وريم لزمتها بنت عمتي لان كلش تعرف بلمكياج
وفستان وحذاء جابوا بيت عمي لها
لان عمي يكول مثل بناتي اني اشتري لها
ورا اذان العشاء اجوي خوالي وخالاتي وبناتهم وعماتي وصار حفلة عرس مو عقد سيد
وناس تركص وناس تغني
توته: اكول ام عامر غير يطب عامر يكعد شويه يمها يلبسها الحلقه لو شنو
ام عامر: عامر يخجل من بدايه كال ما اطب يخجل عود من يرحون الناس يجي عليها
توته: كل البلاء بهذا لتكولين عاقل
ام عامر: شنو
توته: لا خاله ماكو شي كلت على راحته
من هسه بقلبي بدا يتعيقل علينا
اجه ورا ماراحو ناس يلبسها الحلقه ماقبل لازم نطلع يخجل حطيت وتكاونت وياهم ورحت للغرفه بدلت وغسلت وجهي جذاب على أساس يخجل هلجذب هو منو اكو غريب
بقيت بالغرفه الي ان طلعوا وطلعت نظفت البيت اني و وسن خطيه تمشي وهيه نايمه من تعب ههههههه
كملنا باوعت للساعه ب2 بالليل
وسن: توته خلي نام باجر نسبح ولج مابيه
توته: روحي نامي ياوصخه دباوعي لنفسج بلمرايا شوفي شصاير بيج
بالنسبه لي مانام الا اسبح واكل هم
وسن: شنو انتي كل حركه جوعين امشي سوي اكل لعد بين ما اسبح حتى اكعد وياج على اكل افتح نفسج
توته: ههههههه عفيه ناس منافقه كولي تردين اكل تفتح نفسي قابل صايره قصي لو هذا لهندي نسيت اسمه طول بعرض يخبش فديت
وسن: دكومي يازركه سوي اكل والله يالله
توته: انجبي ولج اني اختج جبيره شنو هالتربيه
اكلج احنا صدك زودناها ساعه ب2 كاعدين نحجي كومي اسبحي بين ماسوي اكل هو هذا الفقير كلها عليه
رحت سويت اكل وسن سبحت واجت كتلها اروح اسبح ركض بين مايبرد شويه الأكل
سبحت جيت اركض لكت الأخت نايمه
توته: ولج وسن كومي كومي حرامي كومي
وسن: يبؤؤؤؤ يمه يابه لحكونا
توته: شهرتينا ولج جذب صوتج عزه العزاج
كعد ابويه طلع بالباس مالته من الغرفه شايل سلاحه عباله اكو شي خطيه
بابا: شكو ولكم شعدكم كاعدين شنو شفتوا وين حرامي
توته: بابا ماكو شي هاي طفرت بزونه عبالها حرامي كامت تصيح
وسن:بابا هاي مو اني هيه كالت حرامي عبالي صحيح كمت اصيح
توته: ليش جذبين اني شوكت كلت
بابا: انتم اثنينكم شعدكم كاعدين لحد الان ما تنامون
توته: يا بابا غير جنت انظف اني وياها
بابا: الله يساعدكم يلا كملوا خلي اتاكد من سد الباب زين بين ماتكملون اكل حتى طبون تنامون يلا
راح بابا طلع بره يتأكد من الابواب
اني ضربتها سويت لفه لي على سريع قبل مايجي بابا ورجعت الاغراض على مطبخ
وسن طبت للغرفه تنام واني كعدت بالغرفه اكل
ورا يومين اجوي بيت خالي وزوجته وبنته وابنه تقريباً اني ويا نفس العمر بس كلش مؤدب بس وصلهم ورجع يمنا يباركون ل ريم امي لحت عليهم يبقون يتعشون يمنا وطبعاً اجه لليل وسوالف اخذتنا لل12 امي ماقبلت يرحون كالت لهم ابقوا ناموا
بنت خالي متعرفه بجات على ولد
فكاعدين احنا البنات بالغرفه وحدنا
رزان بنت خالي اكلج توته هذا يريد يخطبني يكولي كواي لامج ولابوج
توته: عيوني كوليله امي ماتقبل رزان خابري ماعليج شو خابري
رزان؛: ولج قافل يكول الا تكولين لامج وابوج حتى اجي اخطبج
توته: امداني مصدكه من كل عقلج
هذا ناصب عليج ياثوله خابري خلي اضحك شويه
خابرته رزان
زران:الو
الولد: هلاو عيني فدوه لهذا الصوت شلونج
رزان: بخير الحمدلله أنت شلونك شخبارك
الولد:تمام الحمدلله كلتي لامج على الموضوع
اني اهنا كعدت أشر لها صرت اني امها وخثنت صوتي وخليت وسن تقلد تخشن صوتها وعبالك رجال
ميته من ضحك
رزان: اي كلت لها وماما موجوده يمي
الولد: ها تعرف بيج تحجين وياي يعني موافقه اجي
رزان:اي هسه كدامك راح اخذ رأيه
ماما هذا يريد يجي يخطبني شتكولين
توته: غير اعرف منين هو شنو شغله عمله وبعدين لازم اكول لابوج
طبعاً احجي بصوت مو صوتي ميته ضحك 😂
حجي حجي شنو رأيك يجي نتعرف عليه
وسن: اني ما انطي بنتي الوحيده لياهو ليجي
رزان: سمعت بابا شيكول
الولد: اي حقهم اجي ويتعرفون عليه
رزان سدت الخط
رزان: هذا وين يجي عزه بس لا يريد عنوان بيتنا
توته: ثوله مو جاي نمثل ماصدكت بحة صوتي خشنت شكو سديتي الله ما كثر غير مناطق انطي اي منطقه صدكتي يجي
رزان: اتصل اتصل
توته: جاوبي كوليله بابا عصب يريد بيت وحدي هههههههههههههه
رزان: الو هلاو
الولد: ليش سديتي الخط عمري
رزان: لا عمري بس بابا عصب يكول الا بيت وحدج انتي الوحيده عندي
الولد: اي عادي حقه شوكت اجي اشوفج
رزان: معرف خلي اكول لماما
هيه تحجي اني ميته ضحك نوب هيه مصدكه
كل شوي راح يجي
بلاخير ورا ماسدت الخط لكته حاضرها معرف طالع من غرفة الجات بوكتها
توته: شفتي ياثوله جذاب هذا لا صدكين بكلشي
رزان: خلي يولي اتعرف على غيره احسن😂
توته: لا يروح يلزمج خالي يعرفج النبي عربي عود كعدي لطمي وكتها
بقينا نحجي ونشاقه ونكص بناس الي ان تعبنا ونمنا
قررنا هذا الاسبوع ننجمع كلنا خوالي نطلع سفره لحديقة الالعاب
الجمعه لان عطله
بهاي شغلات محد يغلبني كعدت بالليل اني و وسن نلف جدر دولمه وهم كل واحد راح يجيب شي ناس برياني ناس مشويات وعصاير وفواكه
ابن خالتي عنده سياره جبيره ياخذنا بيها
ريم شبه نعزلت اكثر الوكت لو تحجي تلفون لو مهمومه ماتحجي من اسألها
طلعنا لحديقة الالعاب لكنا بعد وكت ماكو أحد
كلنا احسن حتى براحتنا نلعب وطبعاً ناكل هم لان عراقين كل سفره يعني أكل 😂
نوب يم حديقه صاير بستان مزروع كل فواكه رحنا على أهله اخذنا اذن منهم نطب للبستان نصور ونتمشه خطيه ما كالوا شيء حتى فواكه كالوا اخذوا خير الله كثير محد بطيبنا أهل كرم العراقين رغم كل الحزن لبينا والصار بس من ننخه واحد نلكا كدامنا رب يحفظ شبابنا عوائلنا
بدت ناس تجي رجعنا لحديقه الالعاب احلى شيء بالليل كلش حلوه الاجواء
رزان وسن وفرح وتماره وكل بنات خالي البقيه
تعالي خلي نروح نتمشه
اني ماحب امشي وحدنا لان اكو شباب يبقون يتحرشون من يشوفون بنات وحدهم مع احترامي للزينين
رحنا نتمشه نباوع منا منا
رزان ماكو لا نكدر نرجع نسأل عنها لان راحت ويانا ولا نكدر نرجع
بقينا احنا البنات كل اثنين بمكان وندور