Ads by Google X

القائمة الرئيسية

الصفحات

رواية اغتصاب بعد منتصف الليل الفصل الاخير


 رواية اغتصاب_بعد_منتصف_الليل 

الفصل  الخامس عشر والاخير

بقلم ساره العبيدي


عامر:  اني ماريد أكون  مثل أبويه  ولا أريد اهلي يصيرون ضدي  ويكرهوني ولا أريد  إبني بيوم من الأيام يعتبرني عدوه أبني يبقى عد أمه ومحد له حق يدخل هذا ابنها وهيه لتعبت بي هاج يمه شيلي وشوفي حتى ارجعه لريم


ام عامر:  ما اكول غير امداك وامده بطني جابتك غيرت رأيك بكلمتين ماريده ولا ريد شوفته ولا تجي وياي ابقى عدهم لا ابني ولا عرفك 


امي:  الله يوفقك ابني ويجازيك كل خير إن شاء الله مثل ماخليت الولد عد أمه  


راحت ام عامر  وعامر بقى لازم ابنه بحضنه مايقبل ينطي لأحد  


أم محمد:  خيه اني هسه اترخص بعد ماكو داعي ابقى  عامر  وياكم واي شئ تحتاجين بس خابريني تلكيني عندج بعيوني  


امي:  لا خيه والله  ماتروحين الا تتغدين ويانا عود العصر توكلي روحي  ولو عندج بنيه بالبيت يم ابو محمد  فلا اخليج تروحين ههههههه 


ام محمد:  لا خيه  خلي اروح هم ابو محمد  خطيه وحده 


امي:  لا تخلين ابو محمد  عذر هسه  اني  اخابره واخابر محمد  واعزمهم على  الغده  خلص كعدي  وسكتي ويلا خلي  نروح  للمطبخ نسوي غده اليوم على  كولتهم عالمي 


أم محمد: ههههههه ماشي خيه إذا هيج تمام


امي: توته توته وينج 


توته: ها ماما اجيت 


امي: حبيبتي خابري محمد خلي يجيب أبو ويجي على الغده او لا اتصلي وانطي لي احجي ويا


توته: ماشي ماما


هسه اتصل غير يرد شكد يتأخر برد 


هاج ماما رد


محمد: الو الو حبيبي


امي: عوف حبيبك اني عمتك ههههه


محمد:هلا عمه شلونج


امي:   بخير ربي يحفظك وليدي اليوم غداك انت والوالد يمنا ننتظرك


محمد: ليش عمه امي ماراحت علينا 


امي: لا راح تتغده عود تروح ماتكولي شعدكم جيب الوالد خلي ننجمع جمعة أهل لو حرام مايصير


محمد:لا عمه أكيد أهل وحبايب تدللين اكمل شغلي واروح اجيب أبويه واجي 


امي: ماشي ابني انتظرك 


محمد: ماشي عمه بلا زحمه انطيني توته 


امي: توته هاج محمد


توته: ها محمد


محمد: وعلاه كولي حبيبي حضري روحج تروحين ويه امي كافي كعده نريد نجيب بيبي 


توته:ان شاءلله اشوف امي شتكول 


محمد: حضري روحج حبيبي  لا ضوجيني


توته:  ماشي  محمد  تجي ونحجي  يلا باي 


محمد:  أحبج  وبسلامه كلبي 


سد محمد الخط وكفت يمهم بلمطبخ ياريت مو واكفه روحي  تعالي جيبي ؤدي 😥


عامر:  ريم اتمنى  سامحيني غلطت بحقج الفتره الراحت اسف 


ريم:  خلص حبيبي  أنسي  الصار بينا شي راح بوكته المهم هسه  نعيش صح ونربي ابنا صح


عامر:  ان شاءلله عمري بس  ممنوع تخلين احد يبوسه لو يقرب عليه تصير عليه غرامه فرض 


ريم:  ههههههه  ماشي بس ها حتى  أنت  تدفع غرامه 


عامر:  لا اني إبني  ما ادفع شئ  بس  غيري أي 


ريم:  ماشي  ماشي ممكن تنطي لي خلي  ارضعه خطيه  


عامر:  ماشي  بس على كيفجلا يختنق تردين  اصيح لامج تعلمج


ريم:  عامر  فدوه  كول عمتي ليش امج تحسسني تكره اهلي 


عامر:  لا عمي  احبكم شلع قلع  لخاطر ابني حبيبي شنو نسمي هسه


ريم: اني سميته ادم لان كنت ماموجود بلمستشفى سجلت إسمه آدم 


عامر: عاشت الاسامي عمري 


كملنا غده واجه محمد وابوه وصبينا غده واجتمعنا كلنا بس ريم وحدها بالغرفه ماما شوت لها كبد لان خطيه جايبه جديد 


كعدت اني وسن كدامنا محمد وابوه 

وبصفنا امي وام محمد 


كل ما ارفع عيوني محمد يغمز 


أم محمد انتبهت ورزلته بقينا نضحك عليه 


كملنا غده تحضروا يرحون 


أم محمد: ام توته كافي ابو غمزه مبتعد عن زوجته واعتقد بعد ماتحتاجون وجودها وشوكت ماتردون هيه يمكم 


امي: ههههههه لا خيه ماقصرتوا لا انتي ولا ابو محمد ولا ابو غمزه وربي يحفظكم أهل يشهد الله


أبو محمد: اخت عزيزه وغاليه وهذا واجبنا 


محمد: تدللين عمه يلا حضروا نفسكم اني طالع قبلكم 

 اي شي تحتاجي عمه بس خابريني  يلا نترخص مع السلامه


توته: رحت بدلت ملابسي وسلمت على ريم نطيتها هديه فلوس نطاها محمد لي و وصيت وسن عليها وطلعت ويه عيالي 


كل هاي الفتره مرت بهدوء عامر ويه ريم.عد أهلي 


اني.ومحمد تعودنا على بعض وأهله ورده مال آلله 


ورا أسبوع خابرتني امي اجي مسوين سبعة ريم وعامر عازم اصدقائه على عشه لان اجاه ولد 


أخذت اذن من عمتي ام محمد ومحمد 


وصلني محمد الصبح لهم من راح.للدوام 


سلمت عليهم وكعدنا نحجي ونذكر الصار ونكص بخوالي وندعي على عمي ونترحم لبابا 


للعصر كامت وسن رتبت الاستقبال وعطرته 


واني وماما بلمطبخ ماخلينا شيء ماسوينا وامي تجيب وتسوي كثثير ماتحب شئ شويه واني اصيح هواي هواي هسه.يبقى منه وين نروح بي وامي تعاند تكول يبقه نوزعه ولا اكول مابقه عندي من يريد 


وريم يم.الطفل 


ب8 اجوي اصدقائه تقريباً 14 شخص 

طبعاً احنا بنات بينا طبع نوكف ورا شباك المطبخ ونشوف راح يطبون للبيت 


أمي ترزل ههههههه بينا

واني و وسن واكفين هذا حلو هذا قصير 


فجأه


 وسن:: كامت تصيح هذا هذا هو شجابه اهنا 


هذا نفسه نفسه اي نفسه 


توته: شبيج منو هذا لي نفسه 


وسن: ولج هذا هو نفسه والله العظيم نفسه اعرفه لحد الان صورته بالي 


توته: ولج شبيج منو هذا اعرف نفسه بس منو 


أمي: شبيج منو هذا منين تعرفي 


وكعت وسن تخربطت ظلينا نرش مي على وجه اضرب على خدها يلا صحصحت 

 ؤديتها يم ريم ترتاح لان لازم نحضر عشه لعامر وزلم لي وياه


وسن: ولج ريم هذا كرار نفسه صديق عامر ولج ريم صديق زوجج لكسر ظهري


ريم: شنو صدك تحجين وين شفتي شلون عرفتي 


وسن: هسه طب ويه اصدقاء عامر ولج اريد حقي منه كسرني وعافني الله لا يوفقه 


ريم: اسكتي لا تفضحين نفسج اني احل الموضوع عوفي سالفه عليه بس متأكده هو هذا نفسه لي اعتده عليج وسن تأكدي زين 


وسن: اني مستعده انساكم بس ما انسئ الشخص لكسرني وخلاني وحده بلا شرف وبنت شارع وكعد يساومني بلفلوس على شرفي.


ريم: كافي بجي سكتي اني.اخلي يجي مثل خوش ادمي ويستر على سالفته وهو مثل الجلب 


كملت توته وامي العشه وراحوا هم وتوته اجي محمد اخذها 


من اجه عامر.يم ريم.كمت طلعت اني.نظفت البيت هم عيب اظل كاعده رجال يريد يحجي ويه زوجته 


ريم: عامر أنت لي عزمتهم اليوم تعرفهم


عامر: اي ليش تسألين 


ريم: يعني تعرف سوابقهم لو كانوا وياك يشربون وعزمتهم


عامر: ريم.صدك اني اشرب بس يشهد الله تركته من صارت هاي المشاكل ومن حبلتي بابنج عفته والله هذوله كل لي اعرفه عنهم ناس تعرفت عليهم بشغلي وناس عن طريق ناس وهيج شباب وجمعنا 


ريم: أريدك تحلف على راس إبنك هسه راح أحجي حجي واريده يبقه بينا فقط


عامر: احجي شبيج شصاير احد سمعج.شيء


ريم: هسه احجيلك تعرف كرار منو ومنين 


عامر: لا هذا صديق بسام.اني اعرف بسام.فقط صديقي وهو صديقه وعزمته وجابه ويا وهذا ثاني مره اشوفه بس مبين خوش ولد 


ريم: هذا الولد.هو نفسه لي اعتده على وسن من.اجت ذيج الليله من نهزمت من شين افعال امي وابوك 


عامر: انتي بيج.شي صدك.هذا كلامج وساكته وخليتيني اليوم اخلي يأكل بنفس البيت لي طعن بشرفه واعتده عليه 


ريم: عامر اهده هسه لا تعلي صوتك ويسمعوك اني ماعرفت بس وسن شافته وعرفته ونوب تريد ننفضح كدام الكل. 


عامر: كلمه لا تحجين قسم بالله ماخلي ينام بيتهم اليوم.


ريم: هدي عامر.الله يخليك.اريده يستر عليها مو يفضحنا لا تنسه وين عايشين احنا 


عامر: كلمه لا تكولين  اشششش لا اكفر بيكم هسه هيج سالفه هينه عندج ماتحجين 


خلي اتصل على بسام 


بسام:الو


عامر: الو بسام وين أنت


بسام: بالبيت ليش 


عامر: راح.اجي عليك.هسه لا تطلع ولا تنام 


بسام:ماشي 


طلع عامر وعيونه شرار 

راح.علئ بسام.واخذه ورايح على كرار 


عامر: أنت تعرف البيت لي أكلت بي اليوم بيت منو


كرار: بيت عمك اهل زوجتك غير 


عامر: بيت لبنيه لي اعتديت عليها تريد اذكرك شوكت ابن جلب نعال حيوان ولزمته دك كتل 


بسام: على كيفك عامر لا تبتلي بالولد والله هو اتندم وشكد راد يوصل لها بس ماعرف شلون 


عامر: ولك ماعندك خوات ماخفت ربك منا لباجر الظهر بس ماتجي امك تخطب قسم بالله طلقه براسك وبراس بسام هم لان اثنيكم تدرون 


بسام: ماكنا نعرف بنت عمك تصير بس استهدي بالله والله باجر الصبح يدز أهله بس عوفه 


كرار: والله اني ردت اصلح غلطتي من عرفت بيها بعدها بنيه وكسرتها بس ماعرفت شلون اوصل لها


عامر: شوفوا خاف عبالكم تضحكون عليه تره اني قبل ماصير خوش ادمي كنت احقر خلق الله وسوالف هاي اعرفها واعرف كلشي عدكم منا لباجر الظهر اذا ما اجت اخلي طشاركم ماله والي فهمتوا 


عفتهم ورجعت للبيت ثاني يوم دز أمه واخته وخطبوا وسن 


كلت لريم كولي حفله وزواج بنفس الأسبوع احسن..


توته طلعت حامل 


وسن زوجت هيه وكرار الحمدلله مانفضح أمرها 


اني وعامر بقينا ويه امي وعامر كام يشتغل وروحه من دنيا آدم ويريد احبل بعد بس اني ماجله الموضوع الي ان يصير عمر آدم سنه 


اتمنى اخذتوا عبره أن ماتثقون بي شخص بسهوله حتى لو كان اقرب شخص الكم دائما حافظوا على حدود بينكم وبين الاشخاص  الاخرين لان الزمن تغير ونفسيات بعد  ماتنحزر 

                                النهايه

تعليقات