رواية أحبَبَتُ مَرِيضَتِى
الفصل الخامس عشر
بقلم منار السيد
أيسيل: هحاول
والد أيسيل: روحى. ربنا يفرحك يا بنتى زى ما إنتِ جابرة خاطرى
في المساء أيسيل ارتدت دريسها وحجابها وكان بهاقها قد زادها جمالاً کجمال القمر
حضر العريس وجلس مع والد أيسيل ثم حضرتك أيسيل لتسلم على العريس وأهله
والدة العريس: إي اللى في وشك دا يا بنتى
أيسيل: بهاق يا طنط
والدة العريس: بهاق يا نن عنيا يعنى دا بجد مش بهزار
أيسيل (بخنقة): أيوة يا طنط
والدة العريس: قوم يا ابني ملقناش غير البهاقية اللى تتجوزها ليه يعنى
أيسيل دموعها إنهارت ثم دخلت غرفتها سريعًا تبكي وأخذت تقول يارب. إرضيني وراضيني يارب أنا محتاجة ل كرمك وجبر قلبي
سارة: هكلم دكتور مراد
مامة أيسيل: تمام كلميه بسرعة
سارة: حاضر
سارة: الو دكتور مراد
مراد: خير يا سارة أيسيل فيها حاجه حصل جديد
سارة: للأسف حصل اللى كنا متوقعينو
مراد: طب أنا هاجي بسرعة عشان تخرج إللى جواها
سارة: في إنتظار حضرتك
وبالعفل مراد وصل سريعًا
مراد: أيسيل إتكلمى
أيسيل: مش هتكلم حضرتك إتفضل روح شوف شغلك متضيعشي وقتك مع وحدة بهاقيه مش هتخف كل فترة هتتعب عشان هتمر بالموقف دا كتير وكمان هيا لسه مش مارست حياتها بشكل طبيعي ولا خرجت الشارع ف طبيعي لسه هتقابل من دا كتير ف الأحسن حضرتك متضيعشي وقتك
مراد: لا دا مش تضيع وقت أنا هفضل جنبك لحد ما تخفي وتبقي كويسه وتتحدى عواقبك كمان إي رأيك بقا
أيسيل: ههههههههههه حضرتك قررت تفضل جنبي لحد ما أخف وعمر قالى هفضل جنبك طول العمر وكدب ف بلاش تضيع وقت أصل الوقت كنز
مراد: هتخفى يا أيسيل وهتبقي تمام كمان
أيسيل: بتمنى كدة فعلا بس أعتقد إني مش هعرف
مراد: لو سمعتى عنى قبل كدة هتعرفى إني لما بقول كلمة بكون قدها
ومراد قام مشي وقرر يسيب أيسيل يومين من غير جلسات وهيا كانت بتحاول تكون طبيعية بس كان بيبان عليها
وكل يوم يأتي لها عريس وأيسيل ترفض الخروج وتطلب من أبيها أن يعرفهم أنها بهاقيه تجنبًا ل حزنها أو كنوع من التخفيف يعنى.
وفي يوم أيسيل تجلس في غرفت بلكونتها
مراد: هتفضلي كدة كتير انتى معندكيش فرصة للعلاج
أيسيل: دى حياتى وأنا رضيت بيها
مراد: بإيدك وبتفسيتك تقدرى تغيريها
أيسيل: مش محتاجة أتكلم ممكن بلاش النهاردة
مراد: تمام قريب أوى يحصل اللى أنا عاوزة
ومراد مشي
مراد لـِ نفسه
مالك يا مراد هوا إنتَ حبيتها بجد
لا لا دا عشقتها
طب ليه
يمكن عشان مختلفة عن الكل وجميلة حتى البهاق بتاعها مقصرشي في جمالها بالعكس ذادها جمالاً يارب اجعلها من نصيبي
لا لا لا أنا هكلم باباها
مراد: السلام عليكم يا عمى
والد أيسيل: وعليكم السلام يا دكتور مراد
مراد: هقول ل حضرتك حاجة بس فعلا أنا معنتش عارف أصبر
والد أيسيل: قلقتنى يا دكتور
مراد: أنا عاوز أتجوز أيسيل بس أقسم بالله مش قصدى شفقه أو حاجة. بس فعلا لقيتها مختلفة عن الكل وجميلة ومحافظة على حجابها وكل حاجة بجد أنا نفسي تكون مراتى
والد أيسيل: وتفتكر إنها هتوافق
مراد: مش هتقولها إني جاي وأنا لما أقعد معاها هقنعها بس أهم حاجه تقنعها إنها تقعد مع العريس الجديد اللى هوا أنا. وطبعا عاوز رأيك يا عمى لو موافق ف أنا هاجى أنا وولدتى بكرة
والد أيسيل: موافق يا ابني مش هلاقى حد زيك أءمنو على بنتى
مراد: وأنا هكون قد الثقة وأخليها توافق
وقفلو المكالمة
والد أيسيل: مراد عاوز يتجوز أيسيل
والدة أيسيل: شفقة
ياسمين: لا يا طنط مش شفقه مراد بيحبها شفتها في عيونو وأبسط حاجة إنو مازال وفضل جنبها وعاوزها تخف دا كدة كفاية وكمان مراد كويس جدا والدليل إنو مكلمشي أيسيل في الموضوع لاء راح ل عمى في الأول
سارة: اتفق معاكى يا ياسمين
والد أيسيل: وأنا موافق هوا هيجي هوا ووالدتو بكرة ومش هنعرف أيسيل إنو جاي
ياسمين: أيوة دا أحسن قرار
وفي اليوم التالي...
والد أيسيل: أيسيل يا حبيبتي
أيسيل: نعم يا بابا
والد أيسيل. في عريس متقدملك ونفسي تقابليه
أيسيل: لاء يا بابا بعد إذنك .
والد أيسيل: عارف كل حاجة عنك وأنا هطلب منك تقابلية بس لو مفيش نصيب وعد منى هقفل على الموضوع
أيسيل: تمام حاضر