الفصل الحادي عشر
✍️ إيمان المهدى
مر كام يوم على وصول زين لمكان التدريب ال دايما بيرهق نفسه فيه على أمل إن ينسى كل الأحداث ال مر بيها وطبعا دا كان بيرهق كمان المتدربين الجدد لإنه المسؤول عنهم ودا لحد ما وصل أحمد زميله ال مش عجبه حال زين.
أحمد. زين كفايه انت كدا هتنهيهم مش هتعلمهم
زين. هما جايين هنا وعارفين مدى خطورة التدريبات ال هيعملوها وبعدين أنا وهو قدامك متعبتش ولا حاجة
أحمد. زين انت غيرهم. ان التدريبات بالنسبالك شئ عادى انت متمكن منها وكمان دا شئ يومى متعود عليه لكن هما لسه أول تدريباتهم. وانت بصراحة زودتها عليهم. سيبهم يرتاحوا وانت كمان لازم ترتاح شويه
زين. أحمد. والنبى العواطف بتاعتك دا مش مكانها
أحمد. ماشى بس عشان خاطرى راحة ساعتين حتى وكمل. العيال هيموتوا تحت إيدك
زين ماشى.
أحمد. يالا ياشباب راحة ساعتين
الطلبه كانوا فرحانين وأخيرا هيقدروا يتنفسوا شويه من ال بيعملوا فيهم. زين.
زين. بصوت جهورى. قبل ما الساعتين يخلصوا تتجمعوا هنا تانى. دقيقه زيادة. تدريباتكم هتزيد الضعف
الطلبه. تمام يافندم
أحمد قولى بقا مالك. ومن امتى وانت قاسى كدا.
زين. .....
أحمد. من وقت موت رامى وانت اتغيرت كتير. انا عارف انه كان قريب منك وكان سركم مع بعض بس كمان أنك تتغير بالشكل دا مش صح لو عايز تتكلم أنا جاهز
زين. لازم اتغير ال بيحصل ف حياتى آخر فترة غير فيا كتير
أحمد. كلنا بنمر بظروف صعبه. بس لازم نحاول نخرج منها بأقل الخساير
زين. أقل خسارة هتكون حب عمرى وتنهد بصعوبه وبمحاوله للهروب أنا هقوم كفايه راحة كدا
أحمد. مفيش فايدة يا زين
عند عائشه. مبسوطة اووووى حسيت براحة ومليت وقت فراغى
ياسين. كويس جدا. أنك بتحاول. تعملى حاجة بتحبيها
عائشه. شكرا يا ياسين على وقفتك جمبى ومساعدتك وتفهمك ليا
ياسين. مش يمكن انت ال بتساعدينى.
ياسين وعائشه كانوا بتقربوا من بعض واحتواء ياسين ليها وسماعه لأحديثها الكتير. ال بالنسباله تافهه بس بيتبسط وهو بيسمعها
ف كافتيريا. كان سيف منتظر هبه
هبه. ازيك ياسيف عامل ايه.
سيف. الحمد لله بخير
هبه. مالك ياسيف متدايق ليه. بقالك يومين صوتك مش طبيعى
سيف. بخصوص نهله. وحكالها كل ال حصل
هبه .....
سيف. ساكته ليه. ايه لسه مش عايزة تحكى ارجوكى يا هبه. احكيلى يمكن لو فيه حاجة أقدر أعملها لزين. من الآخر أنا مش مرتاح للإسمها نهله
هبه مش هقدر أسكت بعد ال حكيته دلوقتى انا فكرت ان نهله ممكن تغير من نفسها بس للأسف أنا فاهمه الاعيبها كويس
سيف. ايه ال تعرفيه عنها ...
هبه. ........
سيف معقول ال بسمعه دا يعنى نهله إتجوزت اخويا بعد ما نزلت الجنين وكمان عملت عمله. طيب ليه مش قالت كدا لزين لما راحلها
هبه لان وببساطه طمعت فيه وف فلوسه بنت لاحلام تكون على سيدة القصر
سيف. بالكدب والخداع دى دمرت زين ودخلت حياته بالغصب وبعدين فيه حاجة لو زين فعلا كان معاها زي ما بتقول. فأكيد هيعرف انها عملت عمليه زي مابتقولى ورجعت بنت. كدا فيه حاجة غلط. وزين فعلا ملمسهاش. بس ليه بتعمل كل دا.
هبه نهله من وقت ما عرفتها وكل ال يهمها مصلحتها أولا حتى لو على حساب أى حد
سيف. أنا لازم اواجهها بكل حاجة هي مش ف البيت من يومين قالت رايحة لأمها تقعد معاها
هبه ازاى ياسيف وانا جايه من عند مامتها وبروحلها يوميا بسبب ظروفها الصحيه ودا لإن ست نهله مش بتهتم بيها نهائى.
سيف بس هي قالت أنها رايحلها ..طيب هى فين بقالها يومين ...
داخل غرفة حياة. تجلس معها ياسمين.
ياسمين زين كان كل يوم يدخل قوضتك ويقرأ ف مذكراتك لحد ما ينام
حياة ببكاء هو ليه مش حكالى واستحمل كل حاجة لوحده استعمل معاملتنا السيئة
ياسمين اوعدك أول ما زين يرجع يطلقها
حياة. ليه
ياسمين. هو الي ال ليه
حياة ال انت عايزاة يحصل إنسيه. حتى لو طلقها. انا وزين طرقنا اختلفت. انا لو اتجوزها مجبور. لازم يرضى بقدره زي ما رضيت بقدرى
ياسمين. انت كدا بتظلميه ياحياة
حياة بالعكس. انا عايزاه يعيش حياته ويكملها بعيد عنى لان مش هقدر أنسى ان كان متجوز ولا عيونى ال شفته ف أحضانها
ياسمين مستحيل اصدق ان زين كان مع نهله واكيد دى كذبه.
حياة حتى لو بتكذب. من حقهاعايزة تعيش حياة طبيعيه من زوجها. هي ملهاش ذنب ال عملته بدافع استقرار حياتها ودى مش انانيه منها بالعكس دى انانيه منى أنا لما انتظر طلاقها عشان جوزها يبقى ليا
ياسمين. معقول انت ال بتقولى كدا
حياة إيوه ياخالتو لو سمحتى بلاش نفتح موضوع زين مرة تانيه أنا دراستى هتبدأ. وعايزة أبنى مستقبلى مش وقت خالص التفكير ف أى حاجة تانيه
ياسمين. يعنى مش هتفكرى ف زين هتنسيه
حياة معدش مشاعر ف قلبى لزين غير ان ابن عمى وال مربينى
ياسمين. خرجت. وهى بتبكى. مش عارفة ترجع بيتها وعيلتها زى الأول
بعد كام يوم
سيف اهلا يا نهله هانم. نورتى
نهله يإستغراب. اهلا
سيف. مامتك عامله ايه
نهله.كويسه
سيف. بجد يا نهله
نهله. سيف فيه ايه
سيف. فيه أنك مكنتيش عند مامتك ومش روحتلها وكذبت علينا
نهله بتوتر وخوف من سيف. ايه ال بتقوله دا أنا كنت عند ماما
سيف. احسنلك بلاش كدب وعايزك تقولى كنت فين الكام يوم دووول
نهله. وانت مالك كنت فين وبعدين انت هتحاسبنى
سيف. لا مش هحاسبك بس زين يقدر يحاسبك كويس
نهله بخوف. ايه يعنى هو أنا عملت إيه أنا حبيت اطلع من ال أنا فيه شويه وروحت قعدت كام يوم عند واحدة صحبتى تخرجنى من ال أنا فيه
سيف. اااه طيب ومش قولتى ليه
نهله خوفت مش توافقوا وانا كنت محتاجة ابعد كام يوم نفسيتى ترتاح
سيف ماشى يا نهله متعديهاش تانى
نهله. ماشى وطلعت على اوضتها وأخيرا اتنفست بهدوء وحمدت ربنا ان كذبتها خالت على سيف
الوووو ايوه ياعزت. اسكت كنت هموت
عزت. حصل ايه
نهله الزفت ال اسمه سيف عرف ان مكنتش عند أمى وقعد يستجوبنى وانا قولتله ان كنت عند واحدة صحبتى عشان مخنوقه وكدا
عزت. وصدق
نهله تقريبا كدا
عزت. مش حاسس ان صدقك خائف يكون بيشك فيكى وبعدين عرف منين أنك مروحتيش لأمك
نهله. معرفش
عزت. يبقى تهدى وتكنى الكام يوم دوول لحد ما نشوف آخره إيه
سيف لنفسه. انت فاكرة ان صدقتك أنا هسيبك تعملى ال انت عايزاة احد ما اكشفك واعرف انتى بتروحى فين
مرت الأيام وكانت حياة بدأت دراستها واهتمامتها كلها اتحولت لمذاكرتها وبس.
سيف كانت عيونه دائما مراقبه نهله وبيترصدلها أى خطأ كان ونهله لاحظت دا كويس. وان بيراقبها حتى وهى خارجه تقابل عزت
عزت. لا كدا كتير يعنى ايه مش جايه
نهله. بيراقبى وبيعد عليا خطواتى لما شوفته روحت على بيت ماما عشان ميشكش فيا
عزت لا كدا فيه حاجة غلط. الواد دا زودها
نهله بصراحة شاكة ف حاجة. هبه اخت رامى كانت قالتلى مرة انها بتحب شاب معاها ف الجامعه اسمه سيف. متخيلتش ان هو نفسه سيف. غير لما سمعته مرة بيكلمها وسمعت بيقول هبه. انا حاسه ان هبه حكتله ال حصل قبل ما اتجوز زين
عزت. بس كدا لو زي ما بتحكى وهما يعرفوا بعض. يبقى هى فعلا حكتله وبكدا خططتنا هتنكشف وكل حاجة هتضيع
نهله. وبعدين. دا زين لوعرف كدبتى ممكن يأذينى
عزت مش هيعرف. ولو اتأكدت من كلامك يبقى لازم سيف دا يبقى خاتم ف صباعك
نهله. مش فاهمه
عزت. لحد ما يجى زين. هيكون سيف بقا شخص تانى
نهله. ناوى على إيه
عزت. اكيفه على الآخر
نهله. قصدك ...
عزت. مخدرات. ....