الفصل الخامس
بقلم ايمان المهدي
كذب خداع
بعد مرور اسبوع وبالتحديد يوم كتب كتاب زين ونهله
داخل الغرفة كانت نهله تجلس على السرير تنتظر زين. الذى طال انتظاره بالخارج ولا تعلم أين هو لهذا الوقت المتأخر
Flash back
ف كافيه على النيل.
زين. ازيك يا آنسه نهله
نهله. اهلا وسهلا مين حضرتك وتعرفنى منين
زين. انا صاحب رامى
نهله. رامى. مين
زين. بإستغراب. انت ازاى بتنكرى معرفتك برامى بالرغم من ال كان بينكم. .؟.. متقلقيش. انا مش جاى هنا لسبب يأذيكى. استأذنى من مديرك وتعالا عايزك. بخصوص رامى
نهله. بس رامى مات. عايزنى ف ايه تانى وعرفت مكانى ازاى
زين. رامى. طلب منى اقابلك قبل موته بخصوص عرفت ازاى. فأنا عرفت. من اخت رامى أنك بتشتغلى هنا
.... نهلة من الآخر رامى حكالى على كل حاجة. ومدى العلاقه ال كنتم فيها
نهله. انت بتقول ايه مفيش حاجة بينى وبينه
زين. لوسمحتى انا تعبان ومضغوط بما فيه الكفاية مش عايز مجادله كتير رامى طلب منى اتجوزك عشان ال ف بطنك وعشان خايف عليكى من اهلك ال ف الصعيد
نهله بدموع. هو مات وسابنى لوحدى اواجه قدرى.
زين انت مش لوحدك ولحد ما تولدى وتطمنى على ابنك هكون جمبك وهتكونى مراتى وبعدها تقدرى تعيشى حياتك من غير ما حد يتكلم ف حقك.
نهله. بس انت ازاى توافق تعمل حاجة زي كدا
زين. عشان وعدت رامى وهو على فراش الموت
نهله بس أنا م..... قاطعها زين. هروح لولدتك دلوقتى اطلبك منها نتجوز وتعيشى معايا ف القصر لحد ما تولدى وتقررى تعملى ايه
نهله. قصر انت قولت عندك قصر
زين. أه مالك مستغربه
نهله هاااا لا ولا حاجة
Pack
بقى أنا وأخيرا بقيت سيدة القصر دا كله بعد ما كنت عايشه ف أوضه ف السطوح ومطمرطه ف شغل الكافيهات. قال وانا ال كنت فرحانه برامى عشان ظابط وهو طلع كحيان اما زين. دا بقى شكله هيبقى أخرة صبرى بس المشكله لو عرف السر ال خبيته عليه هعمل ايه ساعتها
أما عند زين فمازال مستلقى على سرير العصفورة يقرأ مذكراتها ف شغف وحب تارة يضحك وتارة أخرى يبكى. وهكذا وضعه منذ غياب العصفورة عن قصرة ينام ف غرفتها ويحتضن مذكراتها لكن اليوم مختلف
يقوم يذهب بإتجاه غرفته يطرقها بهدوء لتأذن له العروس
زين. احممم انت لسه بفستانك مغيرتيش ليه
نهله بخجل مستنياك
زين. امممم. طيب عايز اقولك كلمتين تفهميهم كويس. انت عارفه ظروف جوازنا أنت هنا ف قصرى هتبقى ضيفه معززة مكرمه. فيه لحد ما نعرف هنعمل ايه بعد كدا يمكن تكونى مراتى بس مش هقدر اتعامل معاكى كزوج أبدا فهمانى. انا كان أيا حياتى وبسبب وعدى لرامى كل حاجة إتغلبطت فسيبينى يابنتى الناس ألملم
نفسى
نهله انا آسفه يا زين. ان دخولى حياتك لغبطها أكيد كنت بتحب حد. ووعدها بجواز
زين. سواء كنت بحب أو لأ دا شئ يخصنى
نهله بمكر. هو انت ممكن تتجوز وانا مراتك
زين وبدأت للدموع تلمع ف عينه. اتجوز. إيه بس لا يابنت طول ما انت. على زمتى مش هيحصل
نهله. اوعدنى يازين
زين. بتفكير. اوعدك. مش كفايه وعود يازين. باقى ايه هتخسره.... نامى انتى تصبحى على خير
نهله رايح فين. مش هتنام هنا ... ولكن نظارة زين لها ألجمتها. لتكمل اقصد أنا هنام على الكنبه وانت على سريرك.
زين تصبحى على خير وسابها وخرج متجه لغرفة عصفورته التى أصبحت مئواه الوحيد الذى يرتاح فيه وسط أغراضها وذكرياتها
ف الإسكندريه
كانت تبكى العصفورة بدون صوت حتى لاتيقظ إبنه خالتها النائمه بجوارها ... كيف لعاشقه مثلها ان تتخيل حبيبها ينام بجوار آخرى اليوم زفافه اليوم قطع زين كل آمال بيننا.قامت وخرجت من الغرفة ببطئ حتى لا تستمع آيه لشهقاتها المتتاليه. تذهب وتجلس على كرسى ف البلكونه المليئه بالورود ليبدأ نحيبها ثانيه
بتحبيه ..... كان هذا صوت ياسين
لتنظر حياة ف استغراب. وتمسح دموعوها.
انا عارف أنك بتحبيه. وقلبك وجعك منه. عشان النهاردة كان كتب كتابه
حياة مستغربه ازاى ياسين عارف
ياسين. انا كلمت عائشه كنت عايز أفهم انت ايه متغيرة وفهمت منها كل حاجة بس مش جديد عليا ان أعرف بحبك لزين كان واضح عليكى جدا تعلقك بيه
حياة. ودا كله هيفيد بإيه دلوقتى خلاص. ربنا يوفقه
ياسين. ال مش قادر افهمه ازاى زين يتجوز غيرك. نظراته ليكى وغيرته الواضحة بتثبت ان هو كمان بيحبك.
حياة. ومش يمكن زي ما قال ان بيعمل كدا عشان يتيمه مش أكتر.
ياسين. مستحيل نظرت تخيب. طيب لما هو بيحب ال اتجوزها ايه معملش فرح وعزم اهله على الأقل اقربائه زينا كدا واستكفى بكتب كتاب بسيط هو وابوه واخوه وبس. ف حلقه مفقودة احنا مش قادرين نفهمها
حياة. أي كان. زين اختار وهو حر ف حياته. زي ما أنا كمان اخترت طريقى
ياسين أنا كدا فهمت انت ليه غيرتى اهدافك وحلمك كطبيبه. عايزة تثبتى أنك قويه بس دا كله تمرد. بس مش على زين تمردك دا على نفسك وصعب جدا أنك تحاربى نفسك. لانك هتقتلى العصفورة ال جواكى.
حياة. انا ادرى بحياتى وال هعمله يخصنى لوحدى بعد إذنك. دخل انام وسابته واتجهت نحو غرفتها
ياسين بصوت مرتفع حياة. متأسيش على العصفورة. حياة قويه.
والعصفورة رقيقه ومحتاجة بس تكون حياة رحيمه بيها
ف قصر العابدين.
عائشه تطرق باب غرفة سيف ليأذن لها بالدخول
انت صاحى ياسيف. انا آسفه ان ازعجتك دلوقتى
سيف. بطلى هبل تعالى اقعدى. قوليلى مالك
عائشه. مخنوقه. وحاسه ان الليله طويله ومش عايزة تخلص بقى دا بيتنا ال كان كله فرح ف أيام يتحول بالشكل دا
سيف ومين سمعك من وقت خروج حياة من البيت وهو بقى كئيب
عائشه. تعرف يا سيف ان الأقدار دى غريبه اوووى
سيف مش فاهم
عائشه. ليه القدر دائما بيكون عكس رغباتنا عكس أحلامنا
سيف. مالك يا عائشه. احكيلى ال جواكى
عائشه سيف أنا بصراحة كدا. بحب ياسين.
سيف. معقول. طيب مش قولتيلى ليه ... ياسين شاب ملتزم ومحترم وخالتو فعلا عرفت تربيه صح.
عائشه تضحك بقهر. مش بقولك الأقمار دى غريبه اوووى. يعنى انا بحب ياسين.... وياسين بيحب العصفورة ... والعصفورة بتحب زين .... وزين اتجوز نهله عرفت بقى ان دايرة الأقدار. عبارة عن وجع. حرمان. زى مايكون كل واحد فينا عامل ذنب وبسببه هعيش محروم. من حبه
سيف. وليه متقلوش ان دى تدابير الخالق هو أعلم منا. لو. ويعلم أين يمكن الخير لنا وان كان لنا من أحلامنا إرادة الخالق لنا ف تحقيقها فستكون لنا ولو بعد حين.
يعنى لو زين مكتوب ان القدرة يجمعه بالعصفورة. يبقى هيجتمعوا. حتى وان تقطعت كل السبل والله أعلم بما هو خير لهم
عائشه ونعم بالله. تعرف ان كتير بلوم العصفورة بسبب حب ياسين ليها ال اصلا مش شايفنى
سيف. بس هي ملهاش ذنب
عائشه عارفة بس مش بإيدى تفتكر ياسين ممكن يكون ليا ف يوم من الأيام
ياسين. ادعى ان كان فيه خيرا فليكن
فى صباح يوم جديد
تستيقظ نهله على رنه هاتفها.
اوووف عايزة منى ايه دى على الصبح .... الووو نعم خير
لا مش خير يانهله ايه ال عملتيه دا ازاى تتجوزى زين صاحب رامى أخويا
نهله. هبه مش نقصاكى على الصبح وبعدين فيها ايه
هبه. نهله أنا فاهمه كل حاجة وعارفة دماغك كويس. وبعدين انت ازاى توافقى تتجوزيه من غير ما تقولى الحقيقة. أنك مش حامل. وانك نزلتى الجنين تانى يوم وفاة رامى وكمان عملتى عمليه ورجعتى تمام وكل دا على إيدى
نهله. انت عايزة منى ايه متسيبنى ف حالى بقا
هبه. انت ايه يانهله حرام عليكى. ال بتعمليه. انا عرفاكى كويس. وجوزاك من زين طمع وبس.
نهله. هبه. أنا نفسى أعيش زي كل الناس ليه مستكترة عليا عيشه كويسه
هبه. انت عارفة ان بتمنالك الخير. بس مش بالكذب والخداع. لو كنت بتحبى اخويا زي ما قولتى مكنتيش
إتجوزتى غيره بعد موته بأسبوعين. بكذبه أنك حامل ومش بنت. انا ندمانه ان عرفت أخويا عليكى
نهله. طيب إقفلى دلوقتى نتكلم بعدين
مر شهر كامل بدون أحداث تذكر. بغير نهله ال بتحاول تتقرب من عائله زين بكل الطرق وتتود لزين لكن لا إستجابه ل محولاتها مازاد من حقدها. ما تسمعه يوميا عن العصفورة التى تذكرها العائلة يوميا وكأنها تجمع هذا القصر. كان الحقد على العصفورة يتآكلها
سيف حمدلله على سلامتك يا زين وأخيرا فكيت الجبس
زين الحمد لله وأخيرا ..
عز الدين. الحمد لله
زين. الحمد لله وانت يا ياسمينه مش هتقوليلى سلامتك
ياسمين. حمد لله على سلامتك
زين. هتفضلى كتير زعلانه منى ومش بتكلمينى.
ياسمين. مفيش حاجة يازين أنا طالعه انام
زين. نهله تعالى عايزك
نهله. زين هو إيه سبب ان مامتك مش بتكلمك.
زين. دى أمور تخصنى أنا وماما ومحبش حد يتدخل فيها.
نهله. أنا آسفه مقصدش
زين. جهزى نفسك. عشان نروح لدكتور نطمن عليكى وعلى الجنين
نهله بخوف. جنين. أصل
زين. أصل إيه. مالك. مش عايزة تطمنى على الحمل
نهله. بدموع مزيفه زين أصل بصراحة ... الجنين نزل.
زين. ازاى دا حصل. وامتى
نهله. من يومين. وخفت اقولك. لتطلقنى واحنا لسه مش كملنا شهر جواز. خفت الناس تتكلم عنى.
زين. وازاى مش تقوليلى. حاجة زى كدا أنا ال اقول أكمل ولا لأ
نهله خفت يازين. السبب ال خلاك تكمل تمثيليه جوازنا خلاص مبقاش موجود. فخفت. تطلقنى.
زين سابها وخرج راح للمكان ال دائما بيرتاح فيه. بس اتقاجئ بياسمين بتبكى ف غرفة العصفورة
زين. ماما. انت بتعيطى.
ياسمين. كانت نظراتها كلها عتاب. لإبنها
زين. صدقينى كل ال حصل والله كان غصب عنى
ياسمين. ايه ال ممكن يغصبك ان تكسر قلوبنا وتقهرتنا
زين .....
ياسمين. خلاص مبقاش ليه لازمه الكلام انا مش هسامحك يازين.
زين. لا ياماما ارجوكى لو عرفتى الحقيقة. مش هتقولى كدا انا اكتر واحد موجوع خسرت جنتى يا أمى
ياسمين أنا مبقتش. قادرة افهمك ولا عارفة انت بتعمل فينا وف نفسك كدا ليه
زين. انا تعبت. من الحمل التقيل ال شايله أنا هحكيلك
كل حاجة بس ارجوكى محدش غيرك يعرف بالحقيقة دى
ياسمين بإستغراب. حقيقه إيه.....