الفصل السابع
بقلم ايمان المهدي
زين. إزيك يا عصفورة. وحشتينى ...
حياة الحمد لله يازين.
زين. نورت البيت ياريت متكررهاش تانى
حياة. لا مش هيحصل دا بيتى ومش هخرج منه تانى لأي سبب
عزالدين. زين انت جيت ازاى مش وقت اجازتك
زين. استأذنت ف أجازة عشان اطمن على ماما
عزالدين. عرفت. منين. اااه أكيد مفيش غيرها ست عيشه مبتخبيش سر لدقيقتين
عائشه. هو سألنى على ماما. أكدب يعنى.
عز. لا ازاى متكدبيش طبعا
زين طلع لمامته يطمن عليها. ألف سلامة عليكى ياست الكل.
ياسمين. تعبت نفسك ياحبيبى. انا كويسه يازين
زين. ولا يهمك المهم أنك بخير واطمنت عليكى وكمان شوفت العصفورة
دخلت. نهله. وانا يازين مش وحشتك. ... حمد لله على سلامتك ياحبيبى.
حياة كانت واقفه.الغيرة تتآكلها لكن بتحاول ترسم الضحكة على وجهها وكأن ما يحدث لا يعنيها. ونظرات زين متعلقه عليها.
نهله. زين انا بكلمك. على فكرة.
زين. أه ... الله يسلمك
نهله بدلع مش كنت تقول أنك جاى كنت حضرتك اكلك ال بتحبه
زين. واقولك ليه وبعدين انا مش باكل غير من ايد ماما
نهله. وماما مكسورة مش هتقدر تعملك أنا مراتك ههتم بيك
زين. بعصبيه. لا متتعبيش نفسك. الخدامين يعملوا ال نفسى فيه. شكرا ليكى
نهله. انا عارفة أنك مش بتحب تتعبنى
زين . بقولك يا نهله انت مش شوفتى مامتك من فترة روحى زوريها وانا هبعت معاكى السواق
نهلة بغيظ ماشى يازين وخرجت فى حالة من الغضب مسيطرة عليها
عائشه. ههههه أحسن هنخلص منها شويه
ياسين. ههههه عيب يا عائشه دى بردوا مرات أخوكى
عائشه. مشفتش يابابا العصفورة عملت ايه معاها ... وقفت عائشه تقلد أسلوب حياة. ف الرد على نهله
والجميع يضحك. على حركاتها
عز الدين. عائشه. خلاص احترمى أخوكى على الأقل
زين. سيبها براحتها يابابا. نهله تستاهل. مينفعش حد يقلل من العصفورة
سيف. ومين دى ال تقدر تقلل من العصفورة. .... السلام عليكم
حياة. سيف حبيبى وجريت عليه احتضنته
سيف. وحشتينى ياعصفورتى كدا بردوا نهون عليكى
حياة. حقكم عليا مش هيحصل تانى
ياسين ليه بقى يا سيف. احنا كمان لينا حق ف العصفورة
سيف. طبعا بس متعودناش إن حياة تبعد عننا
زين كان واقف متعصب وبيستمع لكلام سيف وياسين وهما يتوددوا لعصفورته هو عارف ان كل ال يشوف العصفورة يحبها وبتعلق بيها بسبب عفويتها. بس مش قادر يسمح لحد يتودد لحبيبته.
عائشه. بس مش ملاحظين ان العصفورة متغيرة. .. لو مش عارفاها كنت قولت بتشيلى حديد من ورانا
حياة. بنظرة متفحصه لزين أنا فعلا بشيل جديد وبتدرب بقالى فترة.
عائشه. نعم !!!
زين. حديد وبتدربى ليه ياعصفورة
سيف. ههههه شكلها عايزة تنافس حد.
حياة. لأ. انا قدمت ف الشرطة وكمان تقريبا كدا اتقبلت
زين. نعم. يا أختى. شرطه إيه دى ال قدمتى فيها. حياه بطل هزارك وسخافتك دى
حياة أنا لا بهزر ولا بستخف بحد. أنا بتكلم جد
زين.بعصبيه جد ايه دا وبعدين مش اخدتى رأيى ليه ولا انتى بتتصرفى من دماغك
حياة. أولا متتعصبش عليا. ثانيا أنا أخد رأيك ليه. إذا كان انت بتعمل ال انت عايزه ومهيمكش مشاعر حد
زين كان يعلم انها تقصد زواجه
أولا أنا راجل وقراراتى أنا حر فيها وبعدين ازاى بقا تدخلى شرطه مستحيل يقبلوكى
حياة. بس أنا قولت انهم قبلونى
زين. ازاى دا أنا اتمرمطت على ما دخلت انتى بقا تتدخلى بالسهوله دى أكيد حد ساعدك
حياة. ميخصكش أنا حرة ف حياتى. وانا محدش ساعدنى
زين. لا انت مش حرة. وانا هعرف مين اتوسطلك ف كدا
عز. زين خلصنا. حياة حرة ف مستقبلها تدخل الكليه ال عايزاها
زين. الله الله. يبقى انت كنت تعرف عشان كدا متفجأتش متقولش. انت ال ساعدتها
عز. انااا... زين انت بس خليك ف نفسك....
زين. الله ياسياده اللواء. تخليت عن مبادئك بسهوله كدا
حياة تقترب من زين بعصبيه. انت ايه مشكلتك معايا وعايز ايه بالظبط. انت مش اخترت حياتك واسع ال يسعدك. مالك ومالى يا عم انت. ما تفكك منى
كل الموجودين. كانوا خايفين على حياة من زين ازاى تتجرأ وتكلمه بالأسلوب دا.
زين. كان بيكز على اسنانه. ومتضايق من اسلوبها المستفز ليها وسابهم ومشى قبل ما يتهور ويقول كلام يضايق حياة هو عارف انها بتعمل كل دا عشان تبان قدامه قويه وان زواجه مكسرهاش دخل غرفته وقفلها عليه. وقعد يلوم نفسه انا السبب أنا ال وصلتها لهنا. كنت براهن عليها. وانها هتفضل عصفورتى البريئه أه. تمردت. عليا وعلى حياتها وعلى احلامها انا السبب بس لو عايزة تثبتلى حاجة مكنش يبقى على حساب مستقبلها وحلمها يستحيل تتحمل تدريب واحد أكيد البنت دى مجنونه
بعد وقت كل واحد راح قوضته. الا العصفورة قعدت قدام البيسين تتذكر كلام زين. وتبكى.
ولأمتى ياعصفورة هتفضلى كدا.
حياة. سيف أنت هنا
سيف. ممكن تفهمينى ليه عملتى كدا ليه عايزاه تدخلى شرطه بالذات. وبلاش تقولى عشان اثبت ان قويه
حياة. أه عشان كدا
سيف تبقى مجنونه فعلا ياعصفورتى. لان نوع الكليه ال هتدخليها. مش دى ال هتثبت قوتك
حياة بغباء. يعنى ايه مش فاهمه
سيف. القوة. بتكمن ف الشخص على حسب الظروف ال بيمر بيها. يعنى وانت دكتورة وبتحققى حلمك. ال نفسك فيه هتبقى قويه. انتى إزاى فاهمه القوة ان ابقى ظابط هبقى قوى
تعرفى ان الطبيب قوته تفوق قوة الظابط أنا مش بقلل منه. بس احب اقولك لما يبقى حياة شخص متعلقه بيكى ومحاولاتك الكتير ف انقاذه عشان يرجع لاهله دى قوة. انك تسيطرى على نفسك داخل غرفة العمليات وتنسى كل مشاكلك. دى قوة
حياة طيب ما زين. كمان بيقف يحمى بلده والآف الناس وكتير منهم بيضحوا بحياتهم عشان احنا نعيش
سيف. تمام. ودا ال عايز اوضحولك. زين بقى ظابط ف الجيش عشان عايز يخدم بلده ويضحى بنفسه عشانها
انت بقا عايزة تدخلى ليه مجرد تحدى مش أكتر واول ما يخلص شغفك هتكرهى نفسك وهتحسى أنك ف مكان مش مكانك. بخلاف حلمك ف الطب أنك عايزة تخدمى المرضى وتكونى سبب ف انقاذ شخص فكرى ياحبيبتى ومحدش هيجبرك على حاجة. ممكن قوى تثبتى قوتك لأى شخص حتى لو كنتى ربة منزل
وصلت نهله القصر وشافت سيف وهو حاضن حياة أمام البيسين
لتقول بشر هههه شكلك ياعصفورة بتلعبى على الإخوات
وطلعت غرفتها لتجد زين مستلقى على السرير
نهلة زين انت هنا
زين. انت جيتى ليه
نهله. نعم.
زين اقصد مش قعدتى مع مامتك كام يوم ليه تطمنى على صحتها
نهله هي كويسه وبعدين متشغلش بالك انت
زين. وهو خارج من الغرفة طيب براحتك
نهله. انت هتنام فين. العصفورة جات خلاص. نام هنا يازين وانا مش هزعجك
زين. نهله. قلتلك كذا مرة مفيش مكان هيجنعنا لوحدنا متتعبيش نفسك.
نهله. براحتك يازين. بس متتعبش انت نفسك وخد بالك منى ال واخد بالك منها. شايفه غيرك وانت ولا على بالها
إلتفت زين وبغضب. قصدك ايه. بتتكلمى عن مين
نهله حست بتسرعها فى الكلام .. ولا حاجة خلاص
زين بعصبيه مسك ايديها. نهله انطقى تقصدى مين بكلامك
نهله. ااه إيدى يازين. حرام عليك
زين. انطقى ....
نهله. بألم. العصفورة بتاعتكم ال طايرين بيها السما شوفتها ف أحضان سيف أخوك عند البيسين. ... والله أعلم ايه ال بينهم
زين. انت. ... انت بتقولى ايه انت أكيد اتجننتى. سيف وحياة. مستحيل
نهله. لو مش مصدقنى. تقدر تروح تشوفهم بنفسك وهما ف احضان بعض
زين. مستحيل .....