رواية عشق السيف الجزء الثالث3 الثامن8 والتاسع9 بقلم دنيا مختار

 الثامن والتاسع

بقلم دنيا مختار

البارت الثامن

بنحب يا ناس نكدب لو قولنا مبنحبش والدنيا من غير الحب متتحبش 

كانت تجلس هي واية يسمعون الاغنية باستمتاع شديد 

اية: الحمد للة واللة معتز      اخويا مفيش احسن منة 

منار بحرج: هو عندة حق يا اية وانا هشوف حيااتي بقاا لازم طب لما انتي تتجوزي انا هعمل اي 

اية:  هتتجوزي معتز 

منار:  اي 

اية:  معتز شكلة وقع يا منار اسمعي مني مشفتيش كان بيبص عليكي ازاي وانتي بتعيطي  

منار:  اسكتي يا اية ع اساس اي ما هو السبب اني اعيط هل انت عبيط يا بت انتي 

اية:  هتشوفي بس احنا بقينا نص الليل ياتري راح فين

...............................................................

كان يجلس ينظر الي صديقة بغضب 

معتز: عاوز افهم ازاي عملت كدا لية 

مازن: عشان...بحب اية و     عاوز اتجوزها 

معتز بضحك: طب انكر قول اي حااجة محصلش حتي دا انت 

مازن: لا مش هخاف انا معملتش حاجة عشان اخاف الحب مش عيب وانا بحب اية من زمان ومش مستني رايك عشان انا هاجي اتقدم ليها بكرة اشطاا سلام 

يقوم مازن لكي يذهب ينظر الي معتز بضحك ويجري جري وراة معتز: مش هسيبك خد ياض 

بعد مدة... دخل معتز الي البيت وهو يضحك جرت الية اية ابتسم لها ونظر الي منار التي كانت تجلس تنظر الية بحرج. معتز وهو يضع يدة ع كتف اية: كبرتي يا يويو وجالك عريس 

اية بستغراب: عريس اي 

معتز: مازن صحبي طلب ايدك بصراحة انا موافق هيجي بكرة مع نجاات عشان يشوفوا رايك اي 

لو كدا ف هتكون الخطوبة بعد بكرة 

نظرت اية الي منار التي كانت تقف بسعادة شديدة من اجل اية.تجري اليها اية: هتجوز مازن لولولولوي سيبوني افكر شوية تضحك وتجري الي الغرفة 

يضحكون عليها.ينظر معتز اليها: استني زي ما انتي 

منار: لية 

معتز: اضحكي بس. وياتي بالكاميرا ويصورهاا

ينظر اليها: لا حلوة الصورة     يضحك ويدخل الي غرفتة 

تنظر باستغراب وتجري الي اية

................................................................ 

كانت تجلس بجانبة ف السيارة

اسماء:  ع فكرة انا زهقت من الصبح وانت ماشي بالعربيه خير من النادي لحد دلوقتي الساعة 1 

يقف مرة واحدة بالعربية:  كنتي بتضحكي لية مع ماهر

اسماء:  عاادي مكنتش بضحك اصلا وبعدين انت مالك 

جاسر:  مالي ازاي مش انتي مراتي 

اسماء:  واللة ولما سيبتني     لوحدي ع البحر ورحت سهرت مع البت الي انت شوفتها اي 

جاسر:  انتي مش زي وبعدين مالك انت بمنظرك دا مش رايحة النادي.  يبتسم بخبث:  انتي رايحة تشقطي عريس 

اسماء:  واللة وفيها اي مالك مش انت مش عاوزني انا زهقت منك انت مش مهتم بوجودي واشوف حد تاني بقاا. لم تكمل بسبب     تلك الصفعة التي نزلت ع وجهها بالقوة. جاسر:  انتي زبالة ومش من حقك تجيبي سيرة راجل ع لسان     ك فااهمة وهنشوف الموضوع دا يا ست هانم. نظرت الية بدموع ونظرت ف النافذة 

انطلق بالسيارة وهو ف قمة غضبة 

(مش دايما جواز الصالونات بينفع.متتجوزيش صالونات ولا حب اتجوزي الي يحب الاكل زيك دا انجح زواج 😂😂)

...........................................................

ف صباح يوم جديد سعيد جدا ع البعض وحزين ع البعض الاخر كان يجلس ف مكتبة ف انتظار رد ايمان علية

ف بيت سالي ويوسف

كانت ننظم سالي البيت من اجل الخطوبة كانت تجلس ايمان ف غرفتها وهي تبكي فهي لا تعلم ماذا تفعل اذا اتمت هذة الخطبة سينتهي مستقبل اخيها 

تتدخل اليها سالي:  اي يا ايمي كل دا نوم اي دا عروستنا القمر بتعيط لية 

ايمان: هو يوسف فين 

سالي:  برة مالك يا قلبي ف اي 

ايمان:  سمحيني مكنتش عاوزة اعمل كدا صدقيني 

تخرج الي يوسف. كان يقرا ف المصحف بصوتة الساحر.  ايمان:  يوسف.  ينظر اليها يوسف:  عروستنا تعالي يا قلب اخوكي 

تاخذ نفس.  ايمان:  انا مش عاوزة محمود 

يوسف باستغراب:  اي لية يا حبيبتي 

ايمان:  انا فكرت ولقيت ان فهد احسن منة 

يوسف:  احسن ازاي يعني من حيث الفلوس 

ايمان:  انا عمري مابصيت للفلوس بس لقيت نفسي بفكر ف فهد اكتر انا موافقة اني اتجوز فهد 

............................................... 

-مقدرتش اصبر يوم من بعدة الصبر عاوز صبر لوحدة 

كان يجلس ف انتظار ان ترن علية ياتي اسمها ع الشاشة يبتسم. فهد:  نقول مبروح يا عروستي

ايمان ببكاء:  ايوة تقدر تيجي ف اي يوم 

فهد: انتي بتعيطي لية لدرجادي بتحبي محمود 

تغلق ف وجهة الخط. فهد: مااشي يا ملاكي 

يرن علي يوسف ويحدد معة معاد. 

اتت كل من نهي ونادين لكي يحتفلوا معهم بخطبة محمود وايمان. 

نهي: اومال فين العريس فين الاغاني اة عشان الشيخ يوسف مش هنا فين العروسة 

نادين بضحك: اسكتي شوية اي يا سالي مالك 

تحكي لهم سالي.نادين: يا خبر لية 

نهي: عشان بيحبها وهي كمان بتحبة مفيش غير السبب دا 

تنظر اليها سالي: تفتكري فهد حبها بجد وهي كمان اي دا.تجلس بجانبها نادين: اي يا سالي دا نصيب 

سالي: ايوة عاادي بس قالتلي سمحيني مش عارفة لية 

نهي: يمكن عشان فهد حبها وانتي لا اوبس 

تنظر لها نادين بغضب. سالي: لية عاادي انا خت نصيبي وحبيتة فهد معتش ف قلبي قبل تفكيري يلا ندخل ل ايمان فهد جي النهاردة بس يوسف مشي مش عارفة راح فين 

نهي: اكيد مش طايق فهد 

نادين: استاذ حريق اهدي شوية تعالي يا سالي نشوف ايمان 

...........................................................

كان يجلس اياد ف مكتبة ف انتظار اكبر بزنس مان ف العالم وهي ميرا.اياد: مش عاوز غلط لازم نكسب ف الاجتماع دا مفهوم. يبتسم الية مصطفي: متخفش هنكسب ياعم اهدا 

اياد: مش عارف اشكرك ازاي يا مصطفي انك قدرت تخليها تيجي 

مصطفي: انت عبيط يا بني انت اخويا 

كانت تتدخل مبني الشركة والجميع ينظر اليها باعجاب ف رائحة برفانها قد ملئت المكان وصوت حذائها وشعرها الاسود الفحمي الطويل للغاية وفستانها الاسود كانت جميلة للغاية(مزة يعني يعيني عليكي يا بت يا نادين😂😂🙆🏻‍)

تتدخل غرفة الاجتماع تنظر الي مصطفي واياد وتبتسم.ميرا: مصطفي ازيك    

مصطفي: انا بخير نورتي مبني     الشركة عاوزك تخلي بالك بصحبي بقاا وزي ما حكيت ليكي دا احسن بزنس هنا.

تنظر الي اياد باعجاب شديد ولكن كان ينظر اليها

اياد عادي ف هو لا يرا غير نادين (اصيل يابني😂)

يمد يدة لكي يسلم عليها ولكنها تنظر الية وتسلم علية 

ميرا: اتشرفت بمعرفتك اياد مكنتش اتصور انك  صغير ف السن 

اياد: الشرف لياا اتفضلي 

تنظر الي الدبلة ف يدة: انت متجوز ياخسارة(ملكيش دعوة بالواد يا بت انتي👊)

اياد: اة متجوز وبحب مراتي جدا هي كل حيااتي 

ميرا: بجد لا لازم اشوفها بقاا هستنها ف الحفلة 

اياد: حفلة اي 

ميرا: اصل خلاص قرر      ت امضي معاكم العقد مبروك 

اياد: انا لسة متكلمتش معااكي ف المشروع 

ميرا: خلاص بقاا انا قبلت 

ينظر بفرحة ويحضن مصطفي: اخيرا تمام يلا نمضي العقد.

ميرا بضحكة عالية: يلا يا قلبي

...........................................................

ف الساعة الثالثة ظهرا اتي كل من نجات ومازن لخطبة اية 

كانت تجلس ف الغرفة بتوتر شديد وخجل 

اية: اي رايك حلوة 

منار بفرحة: قمر يا خراشي عليكي هتخلي الواد يقع اكتر 

اية: تفتكر . تتدخل اليهم نجات وتسلم ع منار وتاخذ اية ف حضنها: اي يا بت الجمال دا الواد ابني محظوظ بيكي.تبتسم لها اية: ربنا يخليكي ليا

نجات: يلا يا حبيبتي عشان تطلعي للواد مستنيكي برة 

ف الخارج 

- ياما عيون شاغلوني لكن ولا شغلوني الي عيونك انت دول بس الي جابوني.

مازن: هي فين اي التاخير دا وامي دخلت غابت هي كمان 

معتز: اقعد يلا 

كان سيرد علية لكن تخرج اية مع نجاات وتخطف الجوو. يقف مازن ظل ينظر اليها لا يتحدث 

معتز: احمم اقعد يا عم ما تقعد يالا 

ينظر الية بغضب مازن: دا انت غبي اي القمر دا 

بعد مدة قد اتفقوا ع الغد موعد الخطبة ونزل جميعا لجلب الشبكة. بعد مرور وقد جلسوا ف حديقة جميعا 

لكن اخذ مازن اية وجلس     طربيزة اخري 

مازن: ايتي اوعدك من النهاردة هتكوني كل حاجة ف حياتي ف كلمة دلوقتي عاوز اقولها بس عشان ربنا يباركلي فيكي مش هقولها غير يوم كتب الكتاب يا ايتي.

تنظر الية اية بحب وفرح: ربنا يخليكي ليااا 

عند الاخرين 

نجات: انا هروح انا يا معتز 

معتز: طب استني نمشي كلنا 

نجات بضحك: لا الواد صدق      ان هو قعد معاها يارب افرح بيك انت كمان قريب 

تنظر اليها منار بحرج وتنظر امامها. بعد مدة كان الصمت هو الموجود 

معتز: تيجي اعملك سيشن بدل القاعدة دي 

منار: مش عارفة مش بحب اتصور 

معتز: لية ف حد يبقا بالجمال دا وميحبش التصوير عاوزة الحق الكاميرا بتاعني حبيتك 

منار بضحك: ازاي هو ف كاميرا بتحب 

معتز: لما صاحب الكاميرا يحب تعرفي ان الكاميرا حبت يلا تعالي اعملك سيشن دا انا اشهر فوتغرافر ف مصر 

كان يوقفها ويلتقط لها الصور كانت فرحانة للغاية وهو ايضا لا يعلم لماذا هو بكل هذة السعادة 

كانت تراقبهم عيون تضحك وفرحانة من اجلهم وعيون اخري كانت بداية المصايب. 

يرن احد الرجال ع حمدان           ويخبرة بان منار تجلس مع شاب يامرة حمدان بان يظل خلفهم حتي ياتي من الصعيد.

...........................................................

اياد: ايوة يا حبيبتي الحمدلله خلصت الصفقة 

نادين: مبروك يا حبيبي انا عند سالي هستناك 

اياد: ماشي مش هغيب عليكي 

كانت تقف تنظر الية 

ميرا: اياد اي مش هتعزمني ع العشاء بمناسبة الصفقة 

اياد: اة اكيد ف الوقت الي انتي عاوزاة 

ميرا: دلوقتي اي رايك 

اياد: بصراحة مش هينفع يا ميرا مراتي مستنياني خليها ف وقت تاني 

ميرا: شكلك بخيل هتخليني اغير راي فيك 

اياد بضحك: لا مش بخي    ل خلاص تعالي معايا وتتغدي معايا انا ونادين وتتعرفي عليها 

ميرا: اوك هجي النهاردة الساعة..

اياد: هنكون ف الانتظار 

.............................................................

قبل محادثة اياد ل نادين بساعة 

ياتي فهد ومعة والدة والدتة كان يجلس معة يوسف بعصبية فهو لا يريدة..

فهد: احنا هنكتب الكتاب بكرة والفرح نهاية الاسبوع 

تنظر الية ايمان بصدمة     .يوسف: لا احنا هنعمل خطوبة شهر. ينظر فهد الي ايمان ويبتسم 

ايمان: بعد اذنك يا يوسف انا موافقة

يوسف بعصبية:  بس انا مش موافق هو انا هرميكي ولا اي اتفضل معندناش بنات للجواز 

ايمان ببكاء:  انا موافقة يا يوسف دي حياتي انا وفهد بنحب بعض زيك انت وسالي سيني اختار حيااتي 

يوسف:  انتي حرة بس هتندمي. يطرقها ويدخل الي الغرفة ويغلق الباب خلفة بالقوة

نورة:  اي قلة الذوق دي احنا اصلا مش عاوزين بنتكم بس هي الي عاوزة فهد 

صقر:  اسكتي يا نورة مبروك يا ايمان يابنتي 

ايمان ببكاء:  اللة يبارك فيك. تنظر الي ذالك البارد الجالس امامها لا يفعل شي سوء النظر اليها وهو يبتسم.. 

نورة: ازيكم يا بنات معرفش انكم هناا ياتري فرحانين ل ايمان ولا كنتوا بتعيطوا مع صحبتكم جوة 

نهي: احنا فعلا كنا بنعيط بس من الضحك عليكي يا حجة 

نورة: مش متربية صحيح يلا يا صقر 

يذهب صقر الي سالي: عاوزة حاجة يا سالي يا بنتي 

سالي بابتسامة: عاوزة سلامتك يا عمو 

ينظر فهد الي ايمان: شطورة يا ملاكي بااي 

بعدما خرج شالت ايمان النقاب وهي تبكي بشدة ع هذا الحظ تجري اليها سالي وتاخذها بالحضن وتهدائها هي و نهي ونادين.

...........................................................

كانت تجلس بجانبة ف السيارة 

اياد: متتصوريش مبسوط ازاي يا قلب اياد 

نادين: يارب دايما يا قلب نادين 

اياد: اة هيجي ضيفة ف العشاء يا قلبي 

نادين: مين 

يحكي لها اياد عن ميرا 

نادين: واللة هي مهمة للدرجادي 

اياد: ايوة بقولك هي سبب اني اكسب الصفقة 

ف المساء.اتت ميرا وكانت جميلة للغاية وهي ترتدي فستانها الازرق القصير للغاية وتاتي بشعرها الطويل ع جنب فهي تشبة عارضات الازياء. 

يفتح لها اياد الباب كانت تقف خلفة نادين الذي ترتدي دريس نبيتي بحجابها ولا تضع اي مساحيق. 

تتدخل ميرا وتاخذ اياد بالحضن وهي تضحك: وحشتني يا اياد 

ينظر اليها اياد بصدمة وينظر الي تلك الواقفة تنظر الية وهي ترغب ف قتل تلك الواقفة امامة 

تنظر ميرا الي نادين وتكتفي بالابتسامة وتتدخل تجلس: بحب قبل العشاء اشرب قهوة مظبوطة 

تنظر اليها نادين وتنظر الي اياد الذي لا يتحدث وتتدخل الي المطبخ يذهب ورائها اياد 

اياد: مالك يا قلب اياد 

نادين: هو انت معرفها اني الخدامة ولا اي هي جية حفلة ولا جية عشاء عند ناس اي المنظر دا اطلع خليها تمشي يا اياد مش عاوزة اشوفها انتي مش شايف واكيد مبسوط بيهاا 

اياد وهو يبتسم: انتي غيرانة يا قلب اياد دا مفيش غيرك ف قلبي وعقلي ودنيتي انتي مفكرة الي برة دي تفرق معايا ولا اكنها موجودة اساسا انتي قمر حياتي 

ويقبلها من خدها بحبك تعالي يلا نخرج ليها ومش عاوزك تقومي وبعدين فين الخدامة 

نادين: مشيت انت مش ملاحظ ان الساعة ٩ هو حد يجي دلوقتي يا اياد 

اياد: دا انتي مخنوقة بقاا طب يلا يا قطتي  

ظلت تنظر الي نادين بتكبر ولم تسكت نادين بلا كانت هي الاخري تنظر اليها. 

كانت تضحك بشدة هي واياد وقامت جلست بجانبة وهي تضحك مثلت بانها تضحك بشدة ووضعت راسها ع كتف اياد تنظر اليها نادين بغضب اتت لها فكرة 

نادين بصراخ: الحقني يا اياد 

يجري اليها اياد: مالك يا قلب اياد 

نادين: مش عارفة حاسة اني تعبانة ومحتاجة انام خدني الاوضة ويلا سوري يا ميرا اصل احنا بنام بدري 

ولا اي يا اياد

ميرا: خلاص همشي انا باي اياد وتذهب تضمة وتذهب 

بعدما نزلت واغلق اياد الباب تقف نادين وتنظر الية 

وتتدخل الي الغرفة وتغلق الباب 

ينظر اليها اياد ويضحك: احسن عشان تحسي شوية بغيرتي 

...........................................................

دخلوا الي البيت وهم يضحكون بعدما وضع معتز مازن الذي كان لا يرغب ب ترك اية. اخبر الرجل حمدان بمكان البيت. كانو يجلسون ف الصالة يسمعون صوت خبط شديد ع الباب يفتح معتز وياتي بة تلك اللكمة الذي جعلتة ينام ف الارض. تصرخ اية وتقف منار وهي خائفة بشدة وهي ترا حمدان ورجالة سحبها حمدان من شعرها ولكن اوقفة كلام معتز 

معتز:...

#البارت التاسع قبل الاخير

الحب.. اكتر من معني اكتر من شعور الحب اهتمام الحب صدق ف المشاعر الحب غيرة الحب مشاعر نحلم بالحب ونتمني ننسا الحب.. 

خرجت نادين من الغرفة وهي تنظر الي اياد الجالس ينظر الي الحاسوب باهتمام تقف بعيدة ثم تجلس بالقرب منة ينظر اليها اياد ثم يكمل عملة.  

نادين ببكاء:  هي عجباك للدرجادي يا اياد 

ينظر اليها اياد:  انتي بتعيطي لية. يسحبها الي حضنة ويقبل شعرها: مالك يا قلب اياد معقولة غيرانة منها 

نادين: انت يعني مش شايف بتبص ليك ازاي وانت كمان شكلك معجب بيها 

يتحدث اياد لكي ينرفزها: هي بصراحة قمر ولا انتي شايفة اي 

تنظر الية وهي تمسح دموعها:  شايفة لو الدبلة دي انا خلعتها مش هلبسها تااني بلاش تتكلم عن اي واحدة وانا جمبك عشان صدقني مش هتلقيني تاني. تتركة وتغلق الباب خلفها.

يدخل ورائها اياد:  نادين اي الكلام دا انا بالنسبة ليكي مش حاجة للدرجادي تقدري تستغني عني بسهولة كدا 

نادين بعصبية: يعني انت عاوز تتكلم عن واحدة قدامي واسكت لا يا اياد ممكن اكرهك ف لحظة ف بلاش تختبر صبري 

اياد: انتي هبلة يعني انا مش فارق ف حياتك جوبي ع السوال 

نادين: معرفش.. تنظر للخلف يسحب اياد مفاتيح سيارتة ويذهب ويتركهاا.

تجري الية نادين ولكنة كان قد ذهب.

نادين ببكاء شديد: اياد متصبنيش 

...........................................................

معتز: سيبها ملكش دعوة بيها 

حمدان: بجد واللة ضحكتني ياشيخ امشي 

معتز: لو مسبتهاش ومشيت هرن ع البوليس 

حمدان بضحك: ههههههه والل رن انا مبخفش وجولي هتخبر الظابط ايش انك سارقها ومش عاوز تعطيها ل اخوها رن 

معتز: بقولك اي انا عاوز اتجوز منار 

حمدان وهو يسحبها من حجابها للخارج: وانا مش موافق عريسها مستنيها هنااك سلام 

يحاول معتز الوقوف ولكن انهال علية رجال حمدان بالضرب اتي مازن وقام رجال حمدان بضربة هو الاخر

ذهبوا جميعا وتركوهم غارقون ف دمائهم تاتي اية لكي تساعدهم ع الوقوف. بعد مدة كانت تبكي اية بشدة ع منار. اية: انت هتسيب منار يا معتز 

معتز: اهلها خدوها مش بايدي اعملها حاجة 

اية ببكاء شديد: يعني اي حرام عليك هتسببها تتجوز واحد اكبر منها وهي.. وهي بتحبك ياخسارة. تتركة اية وتذهب الي الغرفة.

مازن: معتز انت بتحبها ولا لا 

معتز: مش عارف انا بحبها ولا لا 

يقف مازن' انا همشي بس بلاش تندم يا معتز انا واثق انك بتحبها حتي لو مش بتحبها تعالا نلحقها من مستقبلها الي هيدمر دا.يتركة مازن ويخرج.

ف شقة نجاات 

يدخل مازن. نجات: اي الصوت الي كان هناك دا يالهووووي مالو وشك انت متبهدل كدا لية 

مازن: انا خت علقة انا ومعتز مخدهاش حرامي ف مصر علقة محترمة.ويحكي لها 

تبكي نجات: يعيني عليكي يا بنتي منة للة طب دلوقتي معتز هيسكت 

مازن' مش عارف معتز عاوز اي 

...........................................................

منار ببكاء:حمدان ارحمني انا مستعدة اتنازل ليك عن كل ميراثي بس متجوس الرجل دا 

حمدان وهو يمسكها من حجابها بقوة: اخرسي مش كفاية جبتيلي العار سيرتنا بجت ع كل لسان مش هرحمك وهتتجوزي جابر غصب عنك 

عند معتز 

حاول اكثر من مرة بان ينام ولكن لم يستطيع النوم ف صورتها ف خيالة لا تفارقة. قام واتي بصورها التي معة ظل ينظر اليها بحب.

معتز: انا مش هسيبك يا منار وعد انتي لياا 

...........................................................

ف تمام الساعة الثالثة فجرا..

كانت تقرا ايمان القرآن وهي تبكي وتنظر الي خاتم فهد ف يدها تسمع صوت الهاتف يرن.

فهد: كنت مفكر هتكوني نايمة اي بتفكري ف محمود 

ايمان: انت مش طبيعي لانك كنت عرفت ان دا وقت الفجر ياتري بتصلي يا فهد طبعا لا واحد شيطان زيك ميعرفش يعني اي صلاة ولا حتي قرايت قران ساعة الفجر كان نفسي اتجوز واحد يكون امامي ف الصلاة بس شكلي هفضل اصلي لوحدي.

فهد' خلصتي خطبة الجمعة يا عروستي انا رنيت عشان اعرفك ان كتب الكتاب الضهر والفرح بعد بكرة يغلق ف وجهها السكة 

تتنفس بضيق: استغفراللة العظيم واتوب الية 

بعد مدة تضع المصحف ف المكتبة ترا يوسف يجلس ف ركن الصلاة يقرا القرآن هو وسالي ويحفظ سالي 

تبتسم ايمان: ربنا عوضك يا سالي 

تذهب اليهم وكانت تود ان يجلسها يوسف معهم مثل السابق ولكنة لم يتحدث اليها. 

يقبل يوسف راس سالي: يلا يا حبيبتي هنكمل بكرة 

يمر من امامها. ايمان ببكاء: يوسف استني 

يغمض عيونة يوسف فهي بنتة قبل ان تكون اختة

ايمان: سمحني  يا يوسف مقدرش ع زعلاك مني وغلاوتك عندي تسمحني 

يسحبها يوسف ف حضنة ببكاء: لية عملتي كدا لية دا مش انسان انتي لو تعرفي بيعامل المواظفين ازاي دا مش طبيعي دا شيطان عارفة طلق مراتة لية عشان مش بتخلف بدل ما يقف جمبها 

تتنهض بضيق: انا هصلح منة يا يوسف وهخلية يتغير بس سمحني 

يوسف وهو يقبل راسها: مقدرش ازعل منك يا بنتي 

انا سندك و معاكي.

...........................................................

كان يلف بالسيارة ف كل مكان كان يتذكر منظرها وهي تبكي ولكن هو بالنسبة لها لا شي لماذا اذن يحمل لها بداخلة عشق وليس حب يقف امام العمارة يفتح الباب كانت نائمة ف نفس المكان الذي تركها فية يجري اليها اياد. تستيقظ وتاخذة بالحضن وتبكي: انا اسفة بس مش متخيلة حد ياخدك مني اسفة 

اياد وهو يرتب ع شعرها: اهدي يا قلب اياد. يساعدها ع النهوض اخذها ف حضنة ونام.

نادين: اياد انت كنت فين 

اياد بضحك: انت لسة فاكرة. يمد يدة ف الجاكت الجلد الذي يرتدية ويعطيها شيكولاتة' كنت بجبلك شيكولاتة يا طفلتي اغنيلك 

نادين وهي تاكل الشيكولاتة: امممم بلاش الاغنيه الي بتغنيها ع طول غني حاجة تانية.

اياد وهو ينظر اليها بحب ويغني: اوعي تفتكري اني ممكن انسي حبك مهما يمكن هو ف الدنيا غيرك حد يتقالة بحبك.(🤗🤗😍).دنيا مختار

...........................................................

اتي نهار جديد ليس سعيد ولا حزين بل يعطي امل بان الظلام ياتي بعدة نور..

كانت تجلس ف غرفتها تبكي بقوة: حرام عليك يا حمدان سييني امشي من هنا الحقوني. تتدخل اليها زوجة حمدان. ماجدة: نورتي يا عروسة الحاج جابر جي ف الطريق عشان الفرح هههههههه متتصوريش فرحانة فيكي قد اي 

منار: حرام عليكي ساعديني اني اهرب ومش هتكلم ولا هقول لاي حد انك الي هربتيني. 

ماجده وهي تضحك بصوت عالي: ههههههه بقا عاوزاني اهربك دا انا بتمني كل يوم اشوف الحزن الي ف عينك دا متتصوريش بكرهك ازاي 

منار بصراخ: لية عملت اي لكل دا عمري ما ازيتك لية 

ماجدة: دايما شيفاكي احسن مني دايما الكل بيحبك عندك موهبة مش عندي الحظ دايما معاكي  

تنظر اليها منار بقهر وحزن: فرحانة دلوقتي وانتي شيفاني بدمر فرحانة وانتي شايفة مستقبلي وعمري هيروح وهتجوز واحد عندة 70 سنة فرحانة منك للة انتي وحمدان عمري ما هسمحك انتي وهو.

- عند معتز و اية 

اية: هتروح يا معتز 

معتز: ايوة هنروح كلنا عشان اطلب ايديها من اخوها انا بعت الكاميرا هي جابت مبلغ محترم وكمان بعت العربية عشان اقدر اطلب ايديها يلا البسي بسرعة وكمان نجاات ومازن هيجوا معانا 

تحضنة اية بفرح وتجري لكي تجهز نفسها

...........................................................

يستيقظ اياد و نادين ع صوت رن الهاتف وكانت المتصلة هي ميرا. اياد: صباح الخير يا ميرا.ولكن تضربة نادين بزراعها ف كتفة.اياد: اي يا ميرا 

ميرا: كنت عاوزة افكرك ان الحفلة النهاردة 

اياد: ان شاء اللة هنيجي انا ومصطفي ونادين و نهي 

ميرا:نهي مرات مصطفى مش كدا 

اياد: ايوة 

ميرا: تمام هستناك 

اياد: مااشي سلام 

نادين: هو ف اي 

اياد: دي حفلة ميرا عملها عشان اتمام التعاقد 

نادين: واللة امممم ماشي 

اياد: انتي رايحة فيم 

نادين: رايحة اشوف انا هلبس اي واشوف الميكب 

اياد: نادين هتيجي زي ما انتي مش هتحطي حاجة ع وشك وهتلبسي دريس مش ملفت فاهمة 

نادين: اوعدك مش هلبس حاجة ملفتة بس هخطف الانظار من الست ميرا 

اياد بعصبية: طب ع اللة وشوفي اي الي هيحصلك

........................................................

مازن: بس استني فكر لو روحت اخوها عمرة ما هيسيبك تتجوزها بسهولة كدا فكر فيها 

معتز بعصبية: اومال اعمل اي يعني اسيبها 

مازن بخبث: لية انت بتحبها 

معتز: ايوة بحبها وجدا كمان 

مازن: اللة اكبر عشت وشوفتك بتحب طب انا جالي فكرة بس محتاجين بطاقة منار 

معتز: استني فكرة اي اية تعالي 

تاتي اية التي تبكي وتجلس بجانبها نجاات 

مازن: انتي بتعيطي لية اهدي هنرجعها اوعدك 

معتز: هي منار كان معهاا بطاقة لما جت 

اية: باين استني هي ليها شنطة جوة 

تتدخل تبحث وتجد بطاقة منار ( المخرج عاوز كدا😂) هئ هئ لقيت ال بطاقة 

يجري معتز ويمسك بالبطاقة ويجري هو ومازن 

.........................................................

كان يجلس المازون وهو يمسك بيد فهد ويوسف.

تم كتب الكتاب واصبحت ايمان ع اسم فهد 

نظر يوسف الي سالي لكي يراها كيف ترا الموقف 

كانت تنظر وتبتسم ونظرت الي يوسف وذهبت وامسكت يدة ونظرت الية وابتسمت.نظر اليها يوسف وقبل يداها وضحك. سالي: بحبك يا شيخي 

يوسف: بحبك يا قلب الشيخ 

كانت تنظر اليها نورة ف غيرة وغيظ 

يدخل فهد الي الغرفة التي تجلس فيها ايمان هي وعشق ورحمة ونادين ونهي ونورهان. 

ينظر اليها ويبتسم. فهد: اي يا عروسة مش هشوف وشك ولا اي 

تنظر الية ف توتر يخرج من ف الغرفة 

فهد وهو يتقدم اليها لكي يخلع عنها النقاب خلع عنها وعندما نظر الي وجهها اخذ قلبة يدق بشدة ابتسم ابتسامة عاشق وظل ينظر اليها ويبتسم 

فهد: زي ما اتوقعتك ملاك 

يدخل جاسر واسماء ويتفاجأ بوجود دارين 

يذهب اليها جاسر وهو يمسك بيد اسماء: دارين 

دارين: جاسر ازيك كنت عارفة اني هشوفك بس لحد دلوقتي مش متوقعة ان انت وفهد تتجوزو 

جاسر وهو ينظر الي اسماء:  النصيب بقاا 

يخرج فهد وهو يمسك بيد ايمان ويجلس مع الجميع مع فرحت الجميع والاغاني تاتي اليهم دارين 

دارين: فهد مبروك قد فاضل انا ههههه 

فهد وهو يمسك بيد ايمان وهي تحاول ان تسحب يدها: عقبال يا دارين 

دارين: هي لية لبسة دا 

فهد وهو ينظر اليها ويبتسم:عشان جمالها يبقا ليا لوحدي وعشان هي ملاك

تنظر الية ايمان هي لا تنكر انها تحبة ولكن كانت ستضحي بهذا الحب من اجل سالي لا تحزن 

عند نهي ونادين وسالي 

نهي: يلا يا نونو عشان نجهز نفسنا للحفلة دي 

سالي: حفلة اي 

تحكي لها نادين عن مواقف ميرا وايضا عن الحفلة 

سالي: نهي انا عاوز نادين تكون احلي واحدة ف الحفلة احلي حتي من ميرا 

نهي: عنيا يا سطي 

تخرج نهي ونادين وتاتي الي سالي نورة. 

نورة: انا مش عارفة انتي ازاي باردة كدا تشوفي الي بتحبية بيتجوز مرتين غيرك وساكتة 

سالي: بقولك اي انا عاملة احترام ل عمو صقر لكن اقسم باللة لو اتكلمتي معايا بالاسلوب دا تاني مش هعمل اعتبار لحد وبعدين انا اتجوزت سيد فهد وسيد الرجالة جوزي حبيبي يوسف. وهي تشاور ع بطنها: وابو عيالي مااشي صحيح ع راي نهي ولية فقر 

تتركها وتذهب وهي تشيط من الغيظ

........................................................ 

كانت تجلس منار وهي تبكي وتنظر الي الرجل الكبير ف السن الذي ينظر اليها بطريقة جعلتها تشتمة ف سرها منار:  منك للة يا حمدان مش هسمحك عمري كلة 

حمدان:  انجز يا شيخ يلا واكتب الكتاب 

:  موافقة يا بنتي 

تنظر الي حمدان وهي تتوسل لة بعيونها وهو يرد النظرة بشر وغضب:  انجزي يا ختي ردي ع الرجل 

تنظر الية وتفتكر كلام حمدان بانة سيقتل معتز واية ان لم توافق ع الزواج.  يدخل معتز هو والباقي 

حمدان بعصبية:  انت ليك عين تيجي هنا فين الحراس 

معتز وهو ينظر اليها ويبتسم وينظر الي المازون

معتز:  هو ينفع يا شيخ واحدة تتجوز وهي ع ذمة راجل تاني 

                     الفصل العاشر من هنا

لقراءة باقي الفصول الجزء الثالث من هنا

لقراءة الجزء الاول جميع الفصول كامله من هنا

 القراءة الجزء الثاني جميع الفصول كامله من هنا