رواية عشق السيف الجزء التاني
الفصل الرابع
والخامس
بقلم دنيا مختار
هدي: الخطة نجحت يا خالتو بس عارفة
نورة: اي يا قلب خالتك
هدي: سالي فعلا بتحب فهد نظرة الغيرة الي كانت ف عنيها بتقولة انها مش بتحبة بس لا دي بتعشقة
نورة: ما انا عارفة ان هي وامها حطين عنهم ع ابني
كل شوية عزومة ولازم فهد يجي ونظرتها لية يوم لما كنا عندهم بس متخافيش يا قلب خالتك وحياة امك عندي فهد مش هيكون غير ليكي
هدي: يارب يا خالتو
نورة:ان شاءالله دا حتي انا هكلم عمك صقر النهاردة
عشق وبنتها طمعنين ف فلوس ابني وجوزي بس لا
انا مش هسبهم ياخدو فلوس ابني.
....................................................................
تذهب عشق لكي تفتح الباب
عشق:اهلا يا بنات تعالو
نهي:سالي موجودة يا طنط
عشق:ايوة يو حبيبتي ف الاوضة جوة تعالو
ف غرفة سالي كانت تجلس وهي غاضبة بشدة بسب ذالك الموقف الذي يمر امام عينيها.سالي:لو شوفتك تاني والله.ولم تكمل كلمها بسب صوت الضحك الذي ملا الغرفة. نهي بضحك:الحقي يا نوني سالي اتهبلت
نادين:عندك حق انتي بتكلمي نفسك يا سوسو
سالي:تعالي يا ختي انتي وهي تعالو شوفو صحبتكم والي جررها
نهي:اي احكي
حكت لهم سالي موقف هدي وفهد
نهي:طب لية مجبتهاش من شعرها
سالي:كان نفسي بس اعمل اي ابن ال هو كمان كان حضنها وقال اي مش بيحب الستات دا انا عاوزة اولع فية وفيها
نادين:طب هي تبقي اي ل فهد
سالي:مش عارفة ما دا الي هيجنني ان انا مش عارفة مين وش البورص دي
تتدخل عشق وهي تضحك ع كلمة ابنتها:مين وش البورص يا بت ها
سالي بتوتر؛دي..
نهي:وحدة معانا ف الكلية يا طنط عشق
عشق:بس للدرجة دي انتي متعصبة منها يا سالي دا انتي عمرك ما غلطي ف حد
سالي:واكتر يا ماما والله واكتر
يضحكون بشدة ع طريقتها ف الكلام. عشق:طب يا بنتي ربنا يبعدها عن طريقك
سالي ونهي ونادين ف نفس الوقت:يارب
...........................………….. …..................
صقر:القرار الاول والاخير ل فهد مش ليكي انتي
نورة:فهد هيوافق وهتشوف وبعدين هو هيلقي زي هدي فين ف جمالها دا كفاية الفلوس الي معاها والي ابوها سيبهلها ف البنك وبعدين شرط ابوها الوحيد عشان يدخل شريك مع ابنك ويكبر الشركة هو ان ابنك يتجوز هدي
يدخل فهد:فهد: مساءالخير
نورة:مساءالورد يا قلبي بقولك اي يا فهد ممكن تقعد شوية عاوزاك ف موضوع مهم
صقر:انا رايح انام
نورة: فهد انت عارف اني اكتر واحدة بخاف ع مصلحتك
فهد:اكيد يا ماما بس خير ف اي
نورة:انا عاوزة افرح بيك قبل لما اموت يابني
فهد:وانتي عارفة اني انا مش عاوز اتجوز دلوقتي ياماما
نورة:حرام عليك يا بني انت دايما كدا وجع قلبي
فهد:يا ماما انتي عارفة ان الموضوع دا مفيش فية نقاش عن اذنك
نورة:الحقني يا فهد الحقني
فهد:مالك ياماما اجيب الدكتور
نورة:ضغطي عالي
فهد:طب فين علاجك يا امي فين
نورة بتمثيل:انا مش هاخد العلاج وهموت انا خلاص انت مش عاوز تفرحني اعيش لية
فهد:يا ماما طب خدي العلاج ونتكلم
نورة:مش واخدة وهموت وانا زعلانه منك
فهد:خلاص يا ماما ماشي طب مين العروسة
نورة:هدي بنت خالتك
فهد:نعم لا طبعا دي اختي الصغيرة
نورة:اختك اي وبعدين فكر كدا ف الفلوس الي معها
فعد:انا مش عاوز فلوس
نورةيا فهد طب اخطبها فترة
فهد:ماشي يا ماما الي انتي عاوزة
نورة بفرحة: اروح انا اكلم خالتك
.....................................................................
بعد مرور يومين...
عشق:سالي يا رحمة
سالي:نعم يا ماما
عشق:خدي اختك وانزلي اشتري فستان ليكي وليها عشان تروحو بيها الشبكة دي
رحمة بفرحة:شبكة مين يا ماما
عشق:شبكة فهد ابن عمك صقر
سالي:مين يا ماما فهد
عشق:ايوة نورة لسة قافلة معايا كانت بتقولي ان الشبكة بكرة
رحمة:مين العروسة ياماما
عشق:هدي بنت خالتة
دخلت سالي غرفتها لا تتحدث واغلقت باب الغرفة
رحمة:هي مالها ياماما
عشق:مش عارفة
.................................................................
نادين:دا الملف الي حضرتك كنت عاوز
اياد:ماشي
كانت تخرج من الغرفة و لكن اوقفها صوتة
اياد:نادين
نادين:ايوة يا فندم
اياد: اخبار المحاضرات معاكي اي
نادين: الحمد الله تمام
اياد:طب لو عاوزة حاجة ف المنهج تعالي وانا افهمهالك
نادين:شكرا بس انا دايما براجع ف عشان كدا معنديش حاجة صعبة
اياد:طب ربنا يوفقك
نادين:عن اذنك
اياد:عمو محمد اخبارة اي
نادين:كويس بعد اذنك عندي شغل
اخذ يقترب منها وهي ترجع الي الخلف
اياد:هو انتي لية كدا لية فيكي حاجة مميزة عن غيرك لية
نادين ببكاء:استاذ اياد ابعد بعد اذنك
عندما راي دموعها. اياد:انتي لية ضعيفة كدا وبعدين مدام اياد مروان متعيطش فاهمة
نادين:اي مدام مين
دخلت نهي.نهي: اي بتعيطي لية يا نوني
نادين:مفيش دا حاجة دخلت عيني
اياد بعصبية:عاوزة اي يا نهي انتي مش ف مكتبك لية
نهي:مفيش وقت اشرح الموضوع تعالي معايا
نادين:فين ف اي
نهي:طنط كلمتني دلوقتي بتقول ان سالي قافلة عليها باب الاوضة ومش بترد عليهم
نادين:اي طب يلا عن اذنك يا استاذ اياد ممكن اروح انا عارفة اني عندي شغل كتير بس والله بكرة هيخلص
اياد:تقدري تروحي وبعدين سالي غالية عندنا كلنا ابقي طمنيني عليها يا نهي
.................................................................
كانت تجلس ف غرفتها وهي تبكي بشدة كلما تذكرت انة لم يعد لها واخذت تكتب فهذا هي الطريقة التي تفرغ بها همها كتبت (*صـرخهہ عآليهہ فى آوضـهہ ضـآلمـهہ ولسـهہ آلوجع مـش مـسـمـوع.) تسمع صوت خبط ع الباب. سالي: مش عاوزه حد يكلمني عاوزة اكون لوحدي. نهي: افتحي يا سالي دا احنا
نادين: عشان خاطري يا سالي افتحي
تفتح الباب وتاخذ نهي ونادين بالحضن وهي تبكي بشدة. سالي: انا موجوعة اوي. فهد هيخطب فهد راح مني خلاص
نهي:طب اهدي يا سالي اهدي تعالي اغسلي وشك تعالي
تاخذها نادين ف حضنها: كل حاجة هتكون بخير متقلقيش دا نصيب وبعدين مش كل واحد نفسة ف حاجة ممكن تتحقق وهو اكيد مش خير ليكي
سالي ببكاء:لية لية مش ليا هو انا بطلب حاجة مستحيلة انا طول عمري بحلم بس باليوم الي اكلمة فية انا بحبة انا خلاص انتهيت
نهي:سالي فوقي هو اصلا مكنش شايفك انتي بالنسبة لية ولا حاجة افهمي بقا
سالي: يعني اي يعني انا احبة وهي تاخدة حرام
نادين بعياط:طب اهدي يا سالي اهدي كدا قلبك هيقف
سالي:ياريت يقف عشان خلاص الي كنت عيشة عشانة مش ليا دا كان معايا ف احلامي عمرة ما راح من بالي
نادين:طب اهدي
نهي: اكيد امة السوسة دي هي السبب حسبي الله ونعم الوكيل فيها
نادين:خلاص يا نهي اسكتي مش وقتة
اخذت نهي سالي ف حضنها:انتي احسن منة وبكرة ربنا هيعوضك باحسن منة وهتقولي نهي قالت
تتدخل عشق:اي يا سالي اي الحالة الي انتي فيها دي
سالي:مفيش يا ماما
عشق بعياط:بتحبية يا سالي
سالي وهي تهز راسها بعياط :كلمة حب علية شوية يا ماما شوية. وتجري سالي الي حضن عشق. سالي:انا موجوعة يا ماما قلبي انكسر
بعد مرور وقت
عشق:بس بقا يا سالي احنا بكرة هنروح الشبكة دي
سالي:لا انا مش هروح مش هقدر اشوفة مع وحدة غيري ياماما
نهي:طنط عندها حق يا سالي احنا هنروح معاكي انا ونادين وهنروح لبسين احسن حاج.عندنا ونقعد ونرقص كمان
سالي:بس انا
نادين:سالي انا عارفة ان الموضوع صعب بس دا قدرك واختبار من ربنا عشان يشوفك قد الاختبار ولا لا احتسبية عند ربنا وان شاء اللة العوض هيكون احلي
الجزء التاني
الفصل الخامس
كانت تجلس حزينة وهي تسمع صوت الزغاريت يعم المكان. نورة: عقبالكم يا بنات وتنظر الي سالي: عقبالك يا سولي
نهي: عقبالك انتي كمان يا طنط
نورهان: كدا عيب يا نهي
سالي:انا مش قادرة انا ماشية
نورة بخبث: استني يا سالي هيلبسوا الشبكة دلوقتي
يلا يا فهد لبس عروستك الشبكة
كانت تنظر الية وهو يلبسها خاتم وتتخيل انها مكان هدي. نادين: نهي يلا نمشي
نهي: يلا ياسالي
سالي: لا انا مش عاوزة ا مشي انا هروح اسلم عليهم ع الاقل هسلم علية
نهي:طب استني اجي معاكي انا ونادين
سالي:مبروك يا هدي
هدي بتكبر:عقبالك يا سالي
نهي وهي بتسلم عليها:مبروك يارب تتفحية اصدي تتهني بية
سالي.مبروك يا فهد بية
فهد: شكرا عقبالك (غبي اوي الواد دا)
......................................................................
كانت تجلس تكتب بمذكراتها وهي تبكي(*مسائي اليوم يختلف عن كل يوم
فانا مُتعبة جداً...ومرهقة جداً.. . ومع كل ذلك لا أشعر بِرغبة في النوم
عقلي مُتعب حد التوقف عن كل شئ ...
احس بإن الأجواء حولي ليست نقية... وإنهُ مازال بداخلي من الشوق بقية
كم أتمنى يا وسادتي أن ياتي يوم عندما اضع راسي عليك أن أُبحر في نوم عميق دون مقاومة مِن اي عوامل خارجية...
متى ياقلبي ستُحرر مِن تلك القيود وتعاود الرجوع الى طبيعتك...لتستنشق هواء الحرية
اما كفآ ذلك الحب إستعماراً لك اما كفاه إستنزافاً لمشاعرك
قلبي أرجوك أفق مِن ذلك الوهم
فأنا لم أعد أقوى على التمسك بِذاك الحُلم...) تتدخل اليها عشق وسيف كانت عشق قد اخبرتة بان سالي ف حالة نفسية صعبة
سيف:اخبار قلب بابا اي
سالي:الحمدلله انت اخبارك اي وحشتني كل دا سفر
سيف:شغل يا قلب بابا عشان ارجع الشركة زي الاول وتكون احسن شركة
سالي:ان شاءالله بابا ممكن طلب
سيف:طبعا اي هو الطلب
سالي:ممكن مروحش تاني شركة فهد
سيف:لية هو ف حد زعلاك هناك
سالي:لا يابابا بس انا عاوزة اهتم بمذاكرتي وخلاص كلها شهر ع الامتحانات
سيف:ماشي يا سولي الي انتي عاوزه ياقلبي انا رايح ارتاح شويه
بعد خروج سيف تذهب عشق وتاخذ سالي بالحضن
عشق:انتي احسن بنوتة انا شوفتها عاوزاكي تفضلي قوية كدا وان شاءالله ربنا هيكرمك باحسن منة
..............................................................
بعد مرور اسبوعين لم تختلف الاحداث كثيراً غير ان سافر فهد وهدي للشغل ف الخارج حب اياد ل نادين بيكبر كل يوم وياسمين اخت مروان رجعت هي وابنها مصطفي وسالي لسة بتحاول تنسي فهد وشركة سيف بتكبر كل يوم عن الي قبلة
ف كلية سالي
سالي: يعني كدا ماشي يا واطية انتي وهي يعني هكون النهارده لوحدي
نهي: خلاص بقا يا سولي بجد عندنا شغل كتير مش لو كنتي وفقتي كان زمانك معانا دلوقتي
سالي: لا انا مش عاوزة اشتغل عند حد انا كرهت الشغل خلاص شكرا يلا سلام ابقي ابعتي سلامي ل نادين
كانت تبحث عن مكان فارغ ف كافيه الكلية لكن لم يكن هناك اي مكان فارغ غير تربيزة تجلس عليها فتاة وحيدة
سالي:: ممكن اقعد معاكي
ايمان: معنديش مشكلة اقعدي
سالي: شكرا بجد
ايمان: ايمان اسمي ايمان اسمك اي
سالي: سالي كل صحابي بيقولو سولي
ايمان: اتشرفني يا سولي
ياتي اليهم شاب يظهر علية الالتزام
يوسف: اسف اتاخرت عليكي
ايمان: لا مفيش حاجة اعرفك سالي
يوسف وهو ينظر الي الاسفل: تشرفنا يا انسة سالي
سالي: الشرف ليا طب استاذن ا نا بقا شكرا يا ايمان
ايمان: لا خليكي قاعدة معايا ع فكرة انا مش من الكلية انا اختة بس جيت معاة عشان اغير جوا
سالي: بجد عشان بس تكونو ع رحتكم
يوسف: خليكي قاعدة معاها انا رايح اجيب حاجة
خلي بالك عليها لحد ماجي
سالي:حاضر ف عيني
ايمان:هو انتي سالي سيف
سالي:ايوة انا
ايمان:تعرفي ان انا كان نفسي اشوفك من زمان شوفي القدر بقا
سالي:لية يعني انتي تعرفيني منين دي اول مرة اشوفك فيها النهارده
ايمان:مش هتصدقي اني اعرف عنك كل حاجة
سالي:لا مش فاهمة احكي تعرفي عني اي
ياتي اليهم يوسف. يوسف:يلا يا ايمان عشان نمشي
سالي:ممكن ثانية بس يا استاذ يوسف انا الفضول هيموتني لازم اعرف عارفة كل حاجة عني منين
يوسف بتوتر:هي بتحب تهزر كدا يلا يا ايمان
ايمان:هشوفك تاني اكيد مع السلامة
سالي:باي
........................................................................
كانت تجلس بتوتر فهي اصبحت تذهب الي الشركة بتوتر بسبب نظرات اياد لها .كان يخرج من المكتب وينظر اليها.اياد:الغي كل الاجتماعات النهاردة عشان
لم يكمل كلامة بسبب صوت رنين هاتفها. نادين:اسفة ممكن ارد اصل دا بابا
اياد بنرفزة:لا انا مش فاضي للتفاهات دي.ظل يشرح لها ما سوف تقوم بة وهاتفها مازل يرن كانت تقف ولكن عقلها مع ولدها.اياد ردي بدل الدوشة دي
نادين:الو يا بابا انا اسفة لم تكمل بسبب الصوت الذي كان يخرج من الهاتف ليس ولدها بل كانت جارتها
نادين:خير يا طنط بابا فين
:ولدك ف المستشفى دخل ف غيبوبة يا بنتي
وقع التليفون من يديها وهي تبكي بشدة
لا بابا مش هتسبني زيها لا مش هعرف اعيش لا
اياد:مالك يا نادين اهدي يا حبيبتي مالك
نادين:بابا يااياد بابا
ف المستشفي كانت تجلس هي ونهي وسالي امام باب غرفة العناية ف انتظار اي اشارة اوحركة من ولدها ولكن لا. ظل محمد ف العناية شهر كامل ف كل يوم كان كفيل بتحطيم نادين. يوسف بيظهر كتير ل سالي بس مش بيفتح كلام او حتي يبص ليها. ف منزل سالي
سالي:ماما انا رجعت اي اخبار الاكل
عشق:طب ادخلي بس وبعد كدا اسالي ع الاكل
سيف:سبيها برحتها يا عشقي. مفيش اخبار عن عمك محمد
سالي:لا يا بابا دا نادين مدمرة خالص ربنا يكون ف عونها
سيف:طب عبال ما تجهزي الغدا يا عشق عاوزك ف موضوع يا سالي
سالي:حاضر يا بابا خير ان شاءالله
سيف:خير يا بنتي ف عريس متقدملك يا سالي
سالي:مين دا يا بابا
سيف: واحد اسمة يوسف لسة مكون شركتة بقالة سنة بس بقت من اكبر الشركات بتنافس دلوقتي الشركات الكبيرة شاب طموح ومتدين جدا
سالي:بس انا لسة مش بفكر ف موضوع الخطوبة دلوقتى
عشق:يا بنتي طب ع الاقل اقعدي مع الرجل وبعد كدا قولي رايك وبعدين هي الخطوبة لية عشان تعرفو بعض
سيف:لا يا عشقي دا شرط بتاعة الوحيد ان يكون كتب كتاب ع طول مفيش خطوبة الشاب متدين جدا
سالي: طب سبوني افكر ف الموضوع دا وبعدين هقولك قراري يا بابا
دخلت الي غرفتها وهي تبكي فما ذال حب تلك الغبي بقلبها فهي تحبة وبشدة تتدخل عشق
عشق:انا عارفه انك لسه بتحبي فهد بس دا مش زينا يا بنتي فكري كويس مش يمكن يكون يوسف دا عوضك عن فهد
........................................................................
كانت جالسة امام البحر تفكر بهذا الايام التي يمر بها اصدقائها. نهي:يارب عوضهم خير يا رب دول عيال طيبين اوي يارب تسمع صوت. لو سمحتي هو المكان دا حد قاعد هنا
نهي:وهي تنظر حولها يعني انت سايب الاماكن دي كلها وجي تقعد هنا دي اسمها قلة زوق بقا
مصطفي:انتي هبلة يا بت انتي وبعدين ف المانيا تقعدي ف المكان الي انتي عاوزة
نهي:خلاص المكان كلة اهو انا اصلا كنت قايمة اة المكان دا البحر فية شكلة حلوة اقعد عشان تكون شبة المانيا ياتي بطة
مصطفي:بطة!!
.................................................................
مصطفي:شاب يبلغ من العمر٢٠سنة وهو يدرس الهندسة شاب واثق بنفسة جدا يحب الضحك ولكن ف الجد بيكون غير عندة حب تملك وهو ابن ياسمين
اخت مروان
لقراءة باقي الفصول الجزء الثاني من هنا
لقراءة الجزء الاول جميع الفصول كامله من هنا