💥حصاد.. شمس الأنصاري
بقلم مها عيسى
الفصل السابع والثلاثون
أذكركم بذكر الله 🌹
______-----________
[أشد عقوبة في الدنيا؛ أن يمسك الله لسانك عن ذكره]
_________________________❤️❤️❤️
فؤاد /حاضر... حاضر ياللى ع الباب... فتح وعيونه دمعت
علطول مش مصدق نفسه....... ميييييين بنتيييي
أميرة /ترتمي بحضنه وتبكي.... أنا تعبانه اوي اوي اوي
يا بابا
فؤاد /يا قلب بابا ألف سلامة عليكي من التعب
تعالي حبيتي ادخلي... قفل الباب دي "فريدة
هاموت من المفاجأه هههههه وانا اللي ضحكت
عليها لما قالت مين اللي حماته بتحبه ده وجاي
أصل كنا بنجهز الأكل انا وهي..... استنى اسنتي
اما نعمل فيها مقلب استخبي........
وهو نده عل اخته..... يا فريدة..... فريده تعالي
فريدة /خارجه من المضبخ..... اي ياحبيبي فيه ايه
مين اللي كان ع الباب
فؤاد /هاا ااه دا المكوجي زي ما قلت لك.... تعالي بس
اقعدي عايزك بقلم مها عيسى
فريدة /طب ياحبيبي نخلص الأكل الأول عشان ميعاد
العلاج
فؤاد /ياشيخه تعالي مش مهم...... جت وجلست جنبه
فيه ايه... مش عارف يا "فريدة" حاسس قلبي مقبوض
كدا ووجعني واللي جاي ف بالي علطول صورته عارفه
مين....
فريدة /الف سلامه عليك يا قلبي... مين يا حبيبي
فؤاد /بتنهيدة.... البت "أميرة".... مش عارف ايه خطرها
ف بالي دلوقت
فريده /وعيونها تلمع بالدموع.... يا حبيبتي وهي بتبعد
خالص عن البال يا فؤاد.. يا خويا دانا هاتجنن عليها
و دموعها تنزل وحشتني اوي اوي اوي يا فؤاد 😭
فؤاد /ايه دا انتي بتعيطي يا "فريدة" للدرجادي
فريده /أصلها وحشاني ووحشني منها كلمة يا ماما
وااه يا حبيبي للدرجادي انت ياعني مش وحشك
منها كلمة بابا...... لتفاجأ باللي بتحضنها م الخلف
وتميل عليها تقبلها بحب،،، وانا كمان واحشني اوي
أقولك يا ماما..... تصرخ مره واحده...
عااااا معقووول أميرة".. بنتيييي حبيبتى
أميرة /ماما حبيبتي وبدموع... ضميني ليكي اوي يا ماما
محتاجه لحنانك اووووي
فريدة /ياحبيبتي يا بنتي مالك يا" أميرة ".. فيكي
ايه ليه الدموع دي،،، وكده بردو يا" أميرة... نهون
عليكي بردو الغيبه دي كلها متسأليش عن ماما فريدة
وبابا فؤاد "...
أميرة /معلش يا حبيبتي غصب عني بس والله انتم
وحشتوني اوووي
فؤاد /بكفايه دموع بقه ويلا قومي يا "فريدة.. هاتي
الأكل عشان" أميرة.... أكيد واحشها أكل ماما فريدة
أميرة /طبعا ووحشني جداً كمان وبصراحه جعانه اوي
فريدة /ياضنايا يابنتي حالاً قومي اغسلي ايدك
عل ما أرص الأكل ع السفره يلا......
وبعد وقت كانو أكلو و "فؤاد... عمل الشاي وجابو ليهم
وأميرة".. نايمة ف حضن" فريدة "....
فؤاد /الشاي لأحلى البنات....
فريدة /تسلم إيدك ياحبيبي..... واتعدلت "أميرة" تشرب
الشاي
فؤاد /امم بقه كده يا "أميرة"... من يوم ماكنتي هنا
وفكرتي ياعني ان احنا اللي...... وآلله يا بنتي احنا
اتفاجأنا زيك بالظبط بوجودهم
أميرة /بتنهيدة... خلاص يابابا مفيش حاجه... أنا بس
كنت محتاجه أقعد لوحدي شويه وسافرت كنت
محتاجه افكر ف هدوء بس رجعت لما عرفت اللي حصل
ل "جاسر".... مؤكد عرفته أخباره ماليا الصحف والمواقع
فؤاد /بزعل.... ايو يا بنتي ربنا يفك كربه يارب انا
والله زعلت عشانه اوي ده شاب لسه ف اول عمره
لسه بيقول يا هادي ليه اسمه يتلطخ كده..... بس
هو..... ياعني حقيقي اللي بيتقال عليه ده يا.. أميرة
أصل مش عارف حاجة جوايا بتقول انه مظلوم
أميرة /هو فعلاً مظلوم يا بابا.... جاسر ".. طول عمره
ماشي ف السليم وعمره ما عمل حاجة تغضب ربنا
فريده /هههه عمره ما عمل حاجه تغضب ربنا وهو لما
مايوصلش رحمه بعمه وعمته ده ميغضبش ربنا
وكمان لما يكون عارف اننا لينا حق وميرجعوش
ده مش يغضب ربنا..... هو زيه زي أبوه....
أميرة /لأ يا ماما صدقيني" جاسر ".. ده إنسان بجد
وحنين دا هو اماني وحمايتي وجوده جنبي بيحسسني
أني ف أمان ومحدش يقدر يأذيني... وبعدين يا قلبي
حتى لو هو متأكد ان ليكم حق عند باباه هو بايده اي
بابا "شمس".. كل حاجه تحت إيده و"جاسر" كأنه زيه زي
اي موظف بيشتغل عنده صدقيني ياماما دا مفيش
ورقه بتعدي إلا لما ترجع له الأول
فؤاد /أنا مصدقك يابنتي لأن إللي زي "شمس" ده
صعب يسلم دقنه لحد..... بس ليه الشحنه المشئومه دي
كانت بأسمه مش غريبه دي
اميره /فعلا أنا كمان استغربت موقف بابا شمس..
واصراره بآن تكون بأسم.. جاسر.. هو فيه قبل كده
شحنتين بردو نزلو بإسمه بس مش عارفه... ااااه انا
خلاص تعبت مش عارفه القيها منين ولا منين......
أنا تعبانه وهادخل أنام......
فريدة /بفرحه.... بجد هاتنامي معانا هنا يا قلبي
أميرة /بابتسامة... ايو يا حبيبتي... وبتنهيدة... أنا
كنت محتاجه لكم اوي لما الدنيا ضاقت بيا وحاجات كتير
بتحصل حوليا... تعبت كان لازم الاقي حضن حنين
اترمي فيه وارمي فيه همومي ووجعي... ملقتش حضن
احن وادفي منكم انتم... حبايبى
فؤاد و فريدة ة.... ياحبيبتي انتي بنتنا واي وقت اي وقت
تحتاجينا فيه تعالي تعالي ف حضن بابا فؤاد وماما فريده
قومي يا قلبي نامي شكلك تعبان...
ودخلت تنام غيرت ملابسها ونامت ع السرير... بشرود
وهي تعيد شريط اللي حصل معاها....
رواية حصاد شمس الأنصاري بقلمي مها عيسى
نقول من ساعات ___________________
في المصنع المهجور..... أول ما "ياسر و راشد" شافو كمية
السيارات اللي داخله عليهم واستغربو مين دول
وازاي وصلو هنا وعرفو منين وشوية و "ياسر".. لمح
أيمن ".. ينزل من سيارته وبيده سلاحه ومن خلفه
حشد من الحرس المسلح... اندهش من المنظر
راشد / بدهشه..... يانهار ابيض ايه دا دا ولا اللي نزلين
حرب
ياسر /بعصبيه... ماهو فعلا نزلين حرب... شفت قلة
عقلك وصلتنا لفين.. بقه انا" ياسر الريان"... اللي
ذكر اسمه بس بيرعب السوق كله ييجي واحد زي
ايمن.... ده يعلم عليا... اه مؤكد وهيكون معاه حق
لما يدخل ويلاقي اللي بيدور عليه عندي واخويا الذكي
خطفها..... منك لله.. شفت عملت ايه وشكلنا ف
السوق هايكون ايه بعد عملتك المهببه دي
راشد /بتفكير..... مش هايلاقو حاجة وجري بسرعه
عند مكان حيطه بتفتح ببصمه وضع عليها كف يده
اتفتحت... وكانت مخبئ سري... كل ده أمام ذهول
ياسر... يابن الذين اييه ده
راشد..... شال "أميرة" بسرعه ودخلها المخبئ ده
وكل ده وهي سامعه كلامهم ولكن محولتش تمنعهم
لأنها عارفه جنون "أيمن".. ممكن يوصله ويوصلهم
كلهم لفين وكمان هي ارتاحت لكلام.. ياسر ".. وشعرت
أنه بني آدم كويس ومستحيل يأذيها وتأكدت ان اخوه
عمل كده من غير علمه وهو لما عرف ثار عليه....
راشد..... دخلها وخرج بسرعه وقفل الحيطه تاني ولا
كأن حاجة حصلت.... بس كده يا عم يدورو بقه
للصبح ولا هايلاقو حاجه.... وخرجو يقبلوهم برا
وهما خارجين...بقلم مها عيسى
ياسر...... بس ايه المكان ده وازاي عرفت تفتح المخبئ
دا ولا اللي المكان بتاعك وانت اللي مصممه
راشد /ده كان مصنع ابو "عبدالله ".. صاحبي قبل ما
والده يتقبض عليه وخسرو كل حاجة طبعاً انت عارف
قصتهم... المهم المصنع ده الوحيد اللي الحكومه
معرفتش بيه وكان والد "عبدالله".. بقه عملة مخبئ
لعمليات التهريب بتعته والاوضه اللي فيها الباب
السري ده كان بيرص فيها فلوسه اللي بيكسبها من
الطرق المشبوها عشان طبعاً هي كانت بكثره ومينفعش
يحطها كلها ف البنوك عشان سؤال.. من أين لك هذا ؟؟
ومن فتره جبني "عبدالله" هنا وفرجني المكان وقال
أنه عايز يبيعه وياخد فلوسه ويسافر اي بلد محدش
يعرفه فيها لانه بقه مش عارف يعيش هنا بعد اللي
حصل مع بباه ووراني المخبئ ده طبعاً والده أول ما
حس ان الدايرة بتضيق عليه جاب ابنه هنا ووراه
كل حاجة ولغي بصمته هو وعرف ابنه انه ممكن يعمل
البصمه اللي هو عايزها بس.. ونقلو الفلوس من هنا
بس حظهم الحلو ان الشرطه كانت مرقباهم ومسكو
والده هو والفلوس وهو بيحاول يهربها برا مصر...
أنا بقه عجبتني الفكره وقولت له انا شاري بس أديني
وقت اظبط أموري وخليته يعمل البصمه باديا أنا
هي دي كل الحكايه... مكنتش اعرف ان هاحتاج له
ف يوم زي ده..... بقلم مها عيسى
وطبعاً" أميرة ".. جوه خلاص مش سامعه حاجة قامت
ولفت ف المخبئ وقالت لنفسها.... يانهار ابيض عليكي
يا "اميره"... انتي ايه اللي عملتيه ف نفسك ده انا
ازاي مبينتش لهم اني صاحيه وقمت صرخت ف وشهم
اي المكان ده تب افرد ان "أيمن".. المجنون ده عمل
عملته معاهم وخلص عليهم مين اللي هايوصل لي
وانا هنا كده اااه ربنا يستر..... وجلست ع الأرض وهي
مرعوبه وخايفه من المجهول...
وبعد وقت بصت لقيت الحيطه بتتفتح ودخل عليها
ياسر.... اللي اتفاجأ بأنها صاحيه وكان راشد... فتح له
ببصمة يده وخرج تاني عشان يراقب المكان ليكون
لسه فيه حد موجود هنا ويشفهم....
ياسر / احمم طبعاً انا مهما قولت واعتذرت منك
مش هاتسمحي ويمكن متقبليش كمان اعتذاري
بس الحقيقه احنا مقدمناش غير كدا... انا اعتذر
وانتي تقبلي
أميرة /باستغراب... هه ده ايه الثقه دي ثم حضرتك
عارف مدى حجم وخطورة اللي انتو عملتوه ده
هي دي شرف وتصرفات رجال الأعمال يا محترم
إنك تخطف واحده ست لمجرد انها وقفت قصادك
ف السوق راجل ههه معملتش زيك واتصرفت تصرف
حريمي....
ياسر /بغيظ ونرفذه...... أنا مش عايز غلط ياريت
نخلي كلامنا ف حدود الاحترام وخلينا نتفاهم
طلباتك...
أميرة /بنظرة عين... هه هاااهها بالسهولة دي
ثم بنبرة صوت حاده.... أنت يا حضرت مدستش
على دبانه وانت معدي.. أنت اتجرأت وتطولت وسمح
لك عقلك تخطف.. "أميرة الأنصاري"... أنا بصراحه
مش عارفه جبت القلب الميت ده منين ايييه مش
خايف من اللي ممكن يحصلك...
ياسر /هه لأ ماهو مش معنى اني ذوق ف الكلام معاكي
يبقه انا خايف او عامل حساب رد فعل تؤتو تؤ انتي
خانك ذكائك المره دي يا ااا..... "أميرة إيهاب نافع"
أميرة /تنظر له فجأه بصدمة من ذكر اسمها الحقيقي
ونظره طويله فيها اسأله كتير.....
ياسر /بصي يا باشمهندسة.... احنا لازم نتفق لأن
لازم نوصل لحل يرضى جميع الأطراف... أنتي
ضربتي من تحت الحزام واخدتي مننا صافقات كتير
بطرق مختلسه ولكن دي هاعديها احنا ف سوق وكل
واحد وشترته... ثم يعمل حركة باصبعه.... ولون بردو
السوق له قوانينه ومبادئه إللي لازم اي رجل أعمال
محترم يحترمها وميتعدهاش لاااااكن بردو هافوتها
بمزاجييي... ثم يقرب لها وبنظرة تحذير....
لكن لما تحرقي وتغرقي حاجات تخصني وتخسريني
مليارات ده بقه تسميه اييييه جر شاكل ياعني تمام ااا
وانا معاكي.. انتي جاريتي شاكلنا واخويا حب يرد عليكي
بس هو ممكن يكون اتصرف غلط ورد بطريقه مش
لطيفه.... يرفع بكتفه ويمد بشفايفه.... بس اهووو ده
اللي حصل فكره جابه كده... نقوم احنا بقه يا عقلين
نقعد مع بعض ونصفي حساباتنا ونشوف مين فينا
اللي له حق عند التاني..
رواية حصاد شمس الأنصاري بقلمي مها عيسى
أميرة /بتسمع له وهو معاه حق لكن بردو ليها تار عنده
وكان من حقها ترد عليه لتنظر له نظره حاده....
بس أنا إللي ليا حق وانت اللي بدأت... لما عملت اللي
عملته ده ف اخويا... جاسر الأنصاري... أنا بقه مفروض
أعمل إيه أقف اتفرج....
ياسر /يبتسم... مممم تمام أرجع واعيد تاني نفس
الكلام اللي قولته.... ل.... لأختتتتتتتك... وهو يدقق النظر
بعنيها..... إن مش أنا إللي السبب الأساسي ف اللي
حصل ل.. جاسر... وان شمس ".... هو اللي ورا كل ده
هو اللي كان حاطت وسط الشحنه الحاجه اللي
الحكومة مسكتها ف مخازني ومهموش ان ممكن ده
يضر ابنه..... وبصوت خشن عالي... اييييه كنتي عايزانى
استنى لما اتمسك انا بحاجة مش بتاعتي كان لازم
الحكومه تكون ف الصوره وتكون على علم بكل شي
وإلا كنت لبستها أنا... ولا ايييه يا سيدة الأعمال الذاكيه..
أميرة /بتسمع له بصدمة أول صدمة تلقتها منه عندمآ
قال... أختتتتتتك وهي مستغربه ازاي وليه وميين
وتاني صدمة وهو كلامه عن "شمس"..... وبالفعل هو
موقفه محق فيه هو من وجهة نظره عمل اللي فيه مصلحته
تنظر له باستغراب وتسائلات كتيييير وهو فهم نظرتها
واندهاشها....بقلم مها عيسى
ياسر /طب ممكن نتلع نتكلم برا عشان الكلام كتير
ومش هاينع نفدل واقفين كدا.... هزت براسها وطلعت
وجلسو على طرف السرير اللي كانت مقيده به
حمممم بصي يا آنسة "أميره"... خلينا نتكلم بعقل وحكمه
شويه أخويا غلط ايوه غلط وأنا نفسي لسه هاحسبه
ع الغلط ده... بس بردو هو معاه عذره انتي لو مكانه
أكيد كنتي هاتتصرفي وتردي ع اللي بيحصل بس
طبعاً كل واحد عل اد فهمه وعقله وصبره وذكاء تفكيره
وحسن وسوء تصرفه... كل واحد مختلف عن التاني
فيه اللي بيتعامل مع المواقف بعقل وحكمه وحسن
تصرف،،،، وفيه اللي بيكون متهور ومعندوش حسن
تصرف وده اللي عمله فعلا... راشد "... تمام لحد كَدا
نيجي احنا بقه للعلاج نعمل ايه غلط قصاد غلط
تهور قصاد تهور خساره قصاد خساييير... يبقه مش
هانخلص.... أنا وانتي عايزين نوصل لحل يرضي
جميع الأطراف.. أولا انا مكنتش هاسكت ولا هاعدي
إللي انتي عملتيه معانا ده يمر كدا مرار الكرام...
أكيد لأ... كنت هرد،، وردي كان هايكون صاعقه تنزل
عليكي بسسس كله كان بالحكمه وبنفس طريقتك
وااااكتر....... ولكن غلط اخويا ده له ديه،، والديه اني
اتسامح ف حقي وانسى كل اللي عملتيه وخسرتيه
لينا ولشركاتنا.... مقابل ايييه بقه اني هاخدك معذذه
مكرمه للمكان اللي عايزة تروحي له،،، الفلا بقه أو
مكن فندق تحبي تهدي أعصابك فيه شويه.... اي
مكان انا تحت امرك فيه... بسسس كل اللي حصل ده
محدش يعرف بيه... تقولي بقه إنك كنتي ف نذها
بتخلصي شغل بتدبري ف حاجة جديده توقعي بيها
ولاد الريان... وشركاتهم هههههههه اي حاجة.....سيدة
الأعمال الذاكيه... "أميرة إيهاب نافع"... مش هاتغلب
أميرة /هو فيه ايه بالظبط انا ليه حاسه إنك بذكر
اسمي نبرة تهديد هههههه لتكون مفكر إنك مسكت
عليا حاجة ولا طلعت بنت راجل مشبوه ولا سوابق
ومخبيا نفسي ف جراب الأنصاري....
ياسر /لأ.. يا انسه "اميره"... أنا مقصدتش كده أنا
لما عرفت إسمك الحقيقي اللي أغلب الناس ميعرفوش
بيه... أنا سألت وبحثت عن تاريخ والدك الله يرحمه
وبصراحه بعد اللي عرفته عنه عرفت انتي طالعه لمين
بباكي الله يرحمه الباشمهندس (إيهاب نافع) كان من
أشرف الناس ع الإطلاق ومن أنجح رجال الأعمال..
ومن أصدق واوفي الاصدقاء ومن أمهر المهندسين
اللي رغم صغر سنه وقتها أثبت نفسه وعمل لنفسه
مكانه ووضع ف السوق بطريقه ان لما يتذكر إسمه
يتعظم له رجال من اقوى الرجال ف السوق.... أنا من
كتر اللي سمعته عنه كنت اتمنى اني كنت موجود في أيامه
أو أن هو يكون موجود معانا دلوقت.....
أميرة /من كلامه على والدها وذكرو.. نزلت دموعها
ياسر / بزعل..... حممم أنا آسف إني اتسببت ف دموعك دي
ثم يخرج منديلاً من جيبه ويعطيه لها... اتفضلي وآسف
بس حقيقي انتي محظوظه بوالدك بس إللي مش
قادر أفهمه ازاي واحد زيه كده وبالسيرة الذاتيه المشرفه
دي يكون صديقه واحد زي "شمس الأنصاري"... وازاي
انتي تتربى ف بيته....
أميرة /تمسح دموعها.... أنا بقه اللي عايزه أفهم واعرف
كل حاجه انت عرفت بكل ده ازاي ومين اللي قالك
إني ليا أخت.... لو سمحت خليك صريح معايا
ياسر /حاضر.... أنا عرفت من اختك نفسها هي جت لي
الشركة وكانت حالتها صعبه جداً ومنهاره ف الدموع
واتهجمت عل مكتبي واتهمتني ان انا ورا اختفائك
واني خطفتك،،، وقتها طبعا مكنتش لسه عرفت باللي
عمله اخويا (يمسح وشه بيده بنفخ) عمله معاكي
ثورت عليها وسألتها وانتي ايييه اللي يهمك ف حاجة
زي دي..... بدموعها قالت لي... إن.. أميرة إيهاب نافع
بتكون أختي.... وبعدها طبعاً كان لازم أعرف كل التفاصيل
كلفت حد من رجالتي يقوم بالمهمه دي واتفاجأت بالل
عرفته وفضولي اخدني أبحث أكتر وسألت وذكرت
إسم والدك أمام رجال أعمال كتير وكلهم بلا استثني
قالو فيه قصايد شرف وأمانه....... بس ياستي
دي كل الحكايه...... حممم بس هو عندي سؤال هو دا
بس الصراحه إللي معرفتش أوصل له........
هو ليه انتي مش معترفه بأختك وعايشين مع بعض
معأن إللي شوفته منها وخوفها عليكي... دى كانت
هاتموت من الرعب عليكي.... فا ليه انتو مش مع بعض
وليه مش ظهراها معاكي......
أميرة /قلبها يوجعها تقوم تقف...... لو سمحت عايزه
أمشي.
ياسر /لاحظ انها مجهده من الكلام وعايزة تقطع الحوار
تنهد... وقام وقف... تمام اتفضلي
واخدها بعربيته وكان وراهم.. راشد بعربيته،، وهي
طلبت منه انه يوصلها على عنوان منزل "فؤاد و فريدة
وهو لما وصل للمكان استغرب المكان وان ممكن.. أميرة
يكون لها حد هنا...... سألها..... هاتنزلي هناااا
أميرة /باحباط... ااه... هنا آماني وحناني ودفايا
بعد إذنك وشكراً.... نزلت وهو مستغرب المكان
وطريقة كلامها فدل شوية يبص عليها لحد ما طلعت
واختفي أثارها....... وسحب بعربيته..
عودة للوقت الحالي _________بقلم مها عيسى 🌹
أميرة /تمسح دموعها وتاخد نفس وكل شوية يتردد
في اذنها كلام "ياسر" عن أختها..... واحساس غريب
تشعر به.... وتظل تفكر وتعيد بذهنها نفس الجمل
عن أختها لحد ما راحت ف النوم...........🥱😴😴
(لا حولا ولا قوة الا بالله العلي العظيم )
_____________________________&&&&&
تاني يوم ف النيابة.......
جاسر.. واقف أمام النيابة بكل هيبته
وكيل النيابة /تمام يا باشا ياعني حضرتك بتنكر ان
الحاجه دي مش تبعك معأن هي نازله بأسمك
جاسر /سبق وقلت ان الشحنه هي اللي كانت باسمي
ثم شيء وارد جداً انها تكون لعبة من ولااد.. الريان
وكيل النيابة /بس انت مش شايف ان دا شويه مش
منطقي... عشان لو الحاجه دي تخصهم مش معقول
هايبلغو عنها بنفسهم ويخسارو فلوس بالحجم ده
لمجرد انهم ينتقمو منك وبردو معندكش مبرر حتى
ولا سبب يكون هو اللي اداهم لكده
جاسر /ببرود.... والله دا شيء ميخصنيش حاجة
ولقتوها ف مخازن واحد تاني عايزين تلبسوهالي
أنا ليه... وحتة ان الشحنه كانت بأسمي فده بقه
اسمحلي إسمه تهريج ولعب بسمعة الناس لأن مش
معنى أن الشحنه كلها كانت باسمي يبقه الحاجة دي
بتاعتي لأن الشحنه اتعرف انها أصبحت ملك.. للريان
من قبل ما تخرج من هناك ليه بقه متكونش الحاجه
دى تخصهم هما بقه.....
وكيل النيابة /مممم طب واعترافات الرجاله بتوعك
جاسر /الله هو انا مغسل وضامن الجنه رجاله مشغلها
معايا وبتقوم بشغلها أضمن منين انهم يكونو بيخنوني
ويشتغلو لحساب أعداء السوق ولا لأ.... يمكن يكونو
من ضمن اللعبه
وكيل النيابة /ممم تمام عموماً احنا هانوجهم بيك
ونشوف..... داس عل زرار...... دخل عسكري
داخلي يابني الرجاله إللي برا بس واحد واحد
العسكري... تمام يا فندم.... ومسك أحدهم ودخلو
وكيل النيابة /أكتب يابني ممم، الإسم....
..... =اسمي أشرف إسماعيل السيد
وكيل النيابة /ايه سبب تواجدك ف مخازن الريان يا
أشرف...
أشرف /.......... يشخط فيه الوكيل... انطق ومن غير
خوف من حد قول الحقيقة احسن لك
تمام يا فندم والله هو الريس "عبد الغني" طلب مننا
نروح معاه هناك وقال إن فيه حاجة ف مخازن
الريان.. تخصنا وعايزين نجبها بس واحنا علينا التنفيذ
لكن والله ياباشا انا معرفش هي أي ولا بتاع اي
هو ده كل اللي حصل...
وكيل النيابة /امم ياعني متعرفش "عبد الغني" واخد
الأوامر من مين.... ياعني "جاسر ".. باشا مش هو الل
مدي الأوامر ليكم بنفسه....
أشرف /وهو ينظر ل جاسر.. وجاسر طبعاً ينظر له ببرود
لا يا فندم انا مقبلتش جاسر باشا ولا طلب مننا حاجة
هو عبد الغني.... اللي كنا بناخد منه الأوامر مباشر
وكيل النيابة /ممم تمام طب أمضي على أقوالك
وداس ع الزرار تاني ودخل العسكري...
خدو يابني ودخل اللي بعده..... ودخل الآخر وكان
كلامه نفس كلام أشرف "... واللي بعده واللي بعده
كلهم قالو نفس كلام" أشرف "..... وجه دور" عبد الغني
وهو اول ما يدخل نظره ييجي على "جاسر" إللي بينظر
له بشرز.... وللحظه رجع بذهنه كل كلام "نور" معاه
وكلام مراته وبعدين صور أولاده..... وكلمة "نور" كل شويه
تتردد ف أذنه.... ليفوق عل صوت وكيل النيابة
أهلاً وسهلاً بالراس المدبرة ممم قولنا بقه يا" عبد الغني..
مش عبد الغني... بردو... ليهز برأسه اه يا باشا
طب قولي بقه سبب تواجدك مخازن الريان.... وقبل ما
تتكلم مش عايز خوف من حد إللي عندك قوله ياعني
حتة ولي نعمتي ولحم كتافي من خيره والشغل ده لااااااأ
خليك صريح كده وقول الحقيقة بدل ما تلاقي نفسك
شايل الليله كلها لوحدك....بقلم مها عيسى
عبد الغني /...... متردد يقول ايه خوفه مسيطر
عليه شوية من "شمس ".. وشوية من ضميره إللي بدأ
يصحى..... يشخط فيه الوكيل... حااااضر يا باشا انا
هاقول كل حاجه وأمري لله انا خلآص تعبت وبصراحة
جاسر.. باشا صعبان عليا هو إنسان نضيف وحرام يشيل
شيله مش بتاعته..... أنا هتكلم يا باشا والارواح بيد الله
بقه في الحقيقة ان الكونتينر ده كان يخص..... يخص
الوكيل... ماتنطق يلا انت هاتقطع
ليكمل عبد الغني...... شمس بيه الأنصاري...... يبحلق جاسر
وكيل النيابة...... عينه على "جاسر" ثم عل عبد الغني..
كمل..
عبد الغني /الكونتينر ده كان يخص الباشا الكبير.. شمس بيه
هو كان مهربه مع الشحنه لأن المفروض انها كانت رسيت
علينا ولكن حصل تغيير ف آخر للحظه ومكنش ينفع
يغير ف خطة التهريب لأن كانت بالفعل خلاص بالميناء
وهو أساساً معرفش انها رسيت على شركات الريان..
إلا والشحنه جايا ف الطريق فدا طبعاً كانت مصيبه
بالنسبه له وبسبب الصدمة دخل المستشفى
حمم وو.... و... وو
الوكيل.. كمل كمل...
يكمل عبد الغني.... وتاني يوم "شمس" بيه أتصل عليا
وطلب مني اني أتصرف بأي شكل لأن دي مصيبه ولازم
الحاجه دي تخرج بسرعه من مخازن الريان....
طبعاً ينظر له "جاسر"... بذهول وصدمة مع كل اعتراف
منه أولها ان فعلاً الحاجه دي تخصهم وان والده هو
السبب وكمان ذادت الصدمة لما " عبد الغني "... قال
أن شمس بيه.. اتصل تاني يوم عليا.... بحلق بصدمة
ياعني بابا مش ف غيبوبة ياعني طول الوقت ده بيخدعني
وكيل النيابة /وهو ملاحظ تعبيرات وجه "جاسر... وصدمته
اممم ياعني انت بتقول" شمس بيه "اتصل عليك تاني
يوم.... هو يابني مش ف غيبوبة بردو عل حد سمعي
عبد الغني /حممم..... لا يا باشا هو أطر يعمل كده
عشان...... عشان........ الوكيل..... انطق كمل كمل يا بابا
ليكمل... عشان خوفه من رجالة المافيا إللي مفروض
يستلموا الحاجه دي هنا....
ودي كانت صاعقه تانيه تنزل عل "جاسر"... معقووول
بابا بيشتغل ويتعامل مع مافيا مش ممكن،،، وطبعاً
الوكيل ملاحظ كل ده لينظر ل عبد الغني ".. ويعطي
له إشارة يكمل.... وهو بقه كمل وقال واعترف بكل
حاجه من زمان لحد وصول الشحنه دي والقبض عليها
وأكد كمان بأن" جاسر "... ملوش اي علاقه بحاجه
ولا يعرف أي حاجة عن شغل والده.. نهائي
وبكده النيابة تبرء" جاسر "... من التهمه ويأمر بالقبض
على" شمس الأنصاري "....... وبالفعل تروح قوه
المستشفى ويفاجأ بهم "شمس"... وكانت صدمة له
وتم القبض عليه ومع التحقيق تم القبض عل الدكتور
ابراهيم "..... بأنه كان بيضلل إدارة المستشفى وكان
بيتستر على" شمس "....... وجاري التحقيق
جاسر /اخلي سبيله من سرايا النيابة وركب مع المحامي
بتاعه سيارته ووطلب منه بأنه يباشر قضية والده
ويحاول يعمل اي شيء يساعده بيه فهو ف الأول والآخر
والده.... وكان مجروح جداً من والده أنه ازاي يضحي
كده بيه ويبقه مش ف غيبوبة ويخدعه عشان يهرب
من المسؤليه ويشيل الليله كلها لابنه.... معقول فيه كده
طبعاً جواه جروح وألم وأفكار وصلته لقمة انهياره
ولكن أول حاجه فكر فيها بعد خروجه أنه يروح
شركة الريان ".... عشان خاطر" أميرة ".... لأن" أيمن
كان عرفه بكل شيء وانه متأكد بأن اخته مازالت
عندهم..... أما "نور".... كانت عارفه بعرض النيابة
وراحت هناك وانتظرته قبل وصوله وهو داخل بهبته
وهي تنظر له بخوف وشوق تقترب منه ولكن هو تجاهل
وجودها ودخل للنيابة علطول،،،، وحتى بعد ما أفرج عنه
هي عرفت بذالك من المحامي وكانت مازالت منتظره
برا وأول ما خرج ومعاه المحامي.... جريت عليه بفرحه
وعيون تلمع بالدموع............حمدلله على السلامه يا
مستر "جاسر".... الحمدلله الحمدلله...... بينمآ هو استكفي
بهز رأسه ولبس نظارته وتركها ومشي بدون كلام معاها
ووجه كلامه للمحامي...... معاك العربيه
المحامي... اه يا باشا...... جاسر.. تمام يلا عشان عايزك
ف مشوار،، ومهتمش حتى أنه يشكر "نور" لتوجودها
أو حتى يطمن عليها هتروح ازاي......
وده كله كان صدمة بالنسبة ل.. نور...... وفدلت واقفه
شويه مبحلقه بصدمة ودموع عرفه طريقها وبعد كده
أخدت تاكس وروحت.........بقلم مها عيسى
(اللهم صل وسلم على نبينا محمد وعلى آله وصحبه أجمعين)
__________________🌹🌹🌹🌹🌹
في شركة الريان _______
يجلس "ياسر الريان" على مكتبه يباشر اعماله يتصدم
بدخول "جاسر".. الهجومي عليه وخلفه السكرتيره
بتحاول تعترض على دخوله بدون استاذان....
جاسر /بكل عصبيه فاهو خلاص الدنيا بقت بلاك بالنسبه
له بعد صدمته ف والده ومبقاش شايف قدامه.....
يخبط ع المكتب بعنف.... ممكن أعرف "أميرة ".. فييييين
ياسر /بغضب من طريقته....... أنت ازاي تدخل بالطريقه
دي و "أميرة"... مين اللي كل شويه حد ييجي يتهجم
عل مكتبي ويسأل عنها انتو شايفنا ايييييييه عصابه
جاسر /مش عايز رغي فاضي يا "ياسر"... وقولي
فييين "أميرة"... بدل ما أولع الشركة دي باللي فيها
ياسر /بحده... ألزم حدودك يا "جاسر".. وأعرف انت
بتكلم مين دل ما تندم....... ولكن يفاجأ بحركة.. جاسر
الفجائيه وهجومه عليه بقبصه يده بعنف ونزل فيه
ضرب،،، وطبعاً "ياسر".. بيرد الضرب فا هم الاتنين
نفس القوة...... لحين وصول "سامح...... لهم وفلتهم من بعد
(سامح كان مراقب كل حاجة راقب" أميرة" وعرف تواجدها
فين بعد ما ياسر.. وصلها وكل ده كان تحت عينه شخصياً
فاهو بعد ما ممشي من المصنع المهجور وقبض ع الراجل
اللي تبع" أيمن ".... بعد ما مشيو بأمتار وقف ونزل
وقال للقوه تسبقه هو ع القسم وهو جاي وراهم هما مشيو
وهو طلب تاكس وفدل واقف بالقرب من المكان وهو
متأكد ان "أميرة" كانت لسه ف المكان وعارف أن.. ياسر
هايتعامل بحكمه وأكيد هايرجع "اميره"،،، وبعد وقت
وقع توقعه وشاف عربية "ياسر "... تأتي من بعد أخفي
نفسه بالتكسي وبخبرة شرطي عرف مين اللي راكب
معاه ومشي وراهم لحد ما وصلت "اميره... للمكان اللي
فيه.... وهنا أطمن لأنه عرف هي عند مين لأن سبق
وكانت" منى "... حكت له كل حاجة عن زيارتها ليهم واد
ايه هما ناس كويسه وبيحبو بنتها اد ايه..... ابتسم باريحه
ثم مشي......... وطبعاً لما عرف بخروج" جاسر "... كان
متوقع أنه أول حاجة هايعملها هايروح ل.. ياسر
عشان كده ركب سيارته وطار بيها عل شركة الريان أول ما
عرف بتواجد... ياسر..... وأول ما دخل عند مكتب السكرتيرة
وسمع صوتهم... دخل عليهم علطول...)
سامح /بعدهم عن بعض.... بس يا "جاسر"... ارجوك
جاسر /وهو بينهج.... اييييه جاي لصحبك خايف عليه
سامح /لأ يا "جاسر".. خايف عليكم انتو الاتنين..
تعالي معايا بس وانا أفهمك... وهو بيمسكه من يده
جاسر /يرمي ايده بعيد..... سبني انا مش ماشي من هنا
قبل ما اعرف اختييي فيين،،، ومش هسيبك يا.. ياسر
يا ريان... مش هسيبك
سامح /تعالي بس انا هوديك ل "أميرة".....
جاسر... ينظر له باستغراب.... ليكمل سامح... تعالي
بس وأنا هافهمك كل حاجه...... صدقني هي بخير
دلوقت وعند ناس هي بتحبهم وبترتاح عندهم وانا
هاخدك عندها تشوفها بنفسك.... يلآ
وجاسر.... ينظر ل ياسر ".. نظره شرز ثم يمشي أمام
سامح.... وسامح يميئ برأسه ل ياسر... بمعنى
اعذره..... ثم يتركه ويمشي ورا" جاسر "....
يركبو سيارته وف الطريق يحاول يشرح له كل اللي
حصل بهدوء وان... أميرة بخير وأمان لحد ما وصلو
للمكان،،، وكان" جاسر "... ينظر للمكان باستغراب
جاسر /أميره هنا.... ازاي ياعني ومين الناس دول و"اميرة
تعرف الأماكن دي منين...
سامح /انزل بس ودلوقت هاتفهم كل شيء....
جاسر /اي ده هو... انت مش هتنزل
سامح /لأ.... أنا بس هاشور لك على مكان الشقه
وامشي وانت ادخل لوحدك،،، ومتخفش الناس اللي
جوه مش غريبة عنك هه دول من ضمن ضحايا
شمس الأنصاري....... ينظر جاسر له بتعجب
ثم ينزل ويوصل أمام باب الشقه يبص على.. سامح
اللي تركه ومشي ثم يطرق ع الباب وشئ جواه من خوف
لتفتح له الباب "أميره".....
أميرة /بدهشة وفرحه....... ودموع...... مش.... مم.... كن
جا.... سر........ جاسر... وترمي نفسها بحضنه ويبكو
هما الاتنين هي تقوله مش قادره أصدق إنك خرجت
وهو كنت هاموت من الرعب عليكي كنت خايف
يحصل لك حاجة وانا مسجون مش عارف اعمل حاجة
ويظلو وقت هاكذا وبعدين يدخلو ويقفلون الباب
بعد ما يخرج لهم.. فؤاد... ويقوله حمدلله على السلامه يا
ابني ادخلو جو واقفلو الباب الناس تتفرج عليكم
مع استغراب... جاسر... وحاسس انه شافه قبل كدا
ويعرفه........
(لا حولا ولا قوة الا بالله العلي العظيم)
🌹🌹🌹🌹🌹🌹🌹🌹🌹🌹🌹🌹🌹🌹🌹
عند "نور" بعد أن وصلت أمام المنزل وهي طول
الطريق مش قادره تتحكم ف دموعها وحاسه بضيق
نفس وقفت تنظر للمنزل وشعرت بخنقه كأن روحها
بتنسحب منها.... اتصلت عل "يسرية".. تنزل لها
وبعد شويه نزلت يسرية.... وقلقت جدا عندمآ رأت حالتها
نور /تعالي نتمشى ف اي مكان نمشي ف الشارع
عايزه اروح مكان واسع خالي من البشر.. بدموع
مخنوقه يا "يسرية"..... خديني اي مكان ارتاح فيه
يسرية اخدتها بحضنها يا حبيبتي... طب امسحى
دموعك دي وحاولي تهدي عشان الناس وتعالي أنا
هاخدك مكان هترتاحي فيه جدا.......
ووقفو تاكس ومشيو....
فوق عند "منى".... هاتفها ينبه برساله تمسك الهاتف
وتفتحه تجدها رساله من "خالد"... تنص على
( ازيك يا منى "... أخبار صحتك ايه،، بتاخدي العلاج
بميعاده..... خلي بالك من نفسك يا أعز ما أعزه قلبي...)
و برساله أخرى....
(اعذريني خلفت عهدي باني أبعد ومتوصلش معاكي
تاني لكن قلبي خاني وخان عهدي مع نفسي...
اعذري قلقه على... كي... م.. عليكم.... حفظكم الله ورعاكم)
مني... عيونها دمعو...... سامحني يا "خالد "... اني
سبب في عذابك وانت الوحيد اللي مشفتش منه
غير الخير والمساعده... جمايلك علينا كتير وانا مش
قادره حتى اريح قلبك... بس غصب عني
وبعدها يأتي اتصال لها من (ليلى)... تطلب منها بأن
يحددو يوم يتجمعو كلهم فيه سواء عند ليلى... او مني
ومني... تقولها لأ خلاص نتجمع كلنا هنا عندي هاشوف
كده ظروف شغل "نور"... وانتي شوفي "سامح"...
الوقت اللي يناسبه ونتجمع كلنا،،، وكمان "ايه" وجوزها
ليلى... قالت لها ماشي خلاص هاشوف الاولاد وارد عليكي
وقفلو مع بعض.... ومنى.... وضعت الهاتف واستغفرت
وقامت تتوضأ وتقرأ بالمصحف شوية........
كانت وصلت "يسرية و نور"....
نور /الله اي المكان الجميل ده.... هو ده فعلا اللي كنت
محتاجاه
يسرية /بعيون تلمع بالدموع..... هو ده المكان المفضل
عندي كل ما أشعر بضيق بالقلب والنفس اجي هنا
مسجد السيدة نفيسة ...... أصلي وأقرأ قرأن واسجد
وادعي ربي وافضفض معاه كل اللي وجعني واغسل
همي ساعتين تلاته بفصل فيهم عن العالم كله
أعيش بس مع ربنا بعدها بحس اني غسلت كل همومي
وقلبي هدى ونفسي ارتاحت.........
دخلو صلو وقرأو قرأن وكل واحده فيهم عاشت
مع نفسها مع ربها لوقت وبعد كده روحو وهما خارجين
من المسجد اتفاجأو بمين قدامهم وهو كمان ينظر لهم
بتعجب واستغرب.......
سامح /بدهشه....... نووووور... يسرية.. انتم هنا
بتعملو ايه
يسرية /بخجل...... ازيك يا استاذ "سامح".... أنا بس
كانت "نور".. مخنوقه شوي فأنا جبتها هنا في مسجد
السيدة نفيسة .... ياعني أصل أنا... لما.. بكون تعبانه
ومخنوقه باجي هنا برتاح فاقولت لها تعالي وان شاء الله
هترتاحي......
سامح /وهو مبتسم وينظر لها بأعجاب شديد... وف
نفسه... كل حاجه فيكي حلوه مجبر أعشقك يا بنت الايه
مممم طب وارتحتي يا "نور"......
نور /الحمدلله يا "سامح"..... قولي مفيش جديد
سامح /هاقولك بس ف الطريق وانا بوصلكم يلا قدامي
معلش بقه هتركبو عربية الشغل أصلي كنت هنا في
مأمورية....... وصل عند العربيه بيفتح الباب كان
زميل له موجود بالعربيه..... وبضحك... أنا جبت توصيلا
معانا ياسيادة الرائد
رؤف /وعيونه عل "نور ".... فاهو مركز معاها من وقت
ما نزل لهم سامح... ووقف يتكلم معاهم وهو عينه
منزلتش من عليها..... ابتسم داحنا تحت امر التوصيلا
ولون المكان ميلقش بيهم
سامح /اركبي يا "نور" يلآ يا يسريه وبعد ما ركبو
في الكنبه الخلفيه وكان رؤف هو اللي سايق وجنبه
سامح....
رؤف /لبس نظارته السوداء كي يتأمل التي خطفت
عقله من مرأة العربيه برحته وهو ينظر لها بالمرأه
طب مش تعرفنا يا سامح.. باشا
سامح /ااه "نور".... ده ياستي الرائد "رؤف"... زميل
دراسه وعمل ياعني قرفني طول الوقت
نور /تبتسم خفيف..... أهلاً وسهلاً
سامح /لأ ده ميمشيش معاه الرقه بتاعتك دي خالص
دا جلنف... ياعني تقولي له منور يا زمل،، وشك ولا
وش الجمل قصدي القمر هههههههه
يسرية ونور... يبتسمو
رؤف /بغيظ... بقه كدا ماشي ثم يغمز له.. طب بلاش
بدل ما اسيح لك قدام الحته بتاعتك...
سامح.. بحلق ليه..... رؤف.. فهم حممم منوره يا آنسه
يسريه.....
يسرية /اتصدمت.... وفتحت بوقها يعرف أسمى
منين ده.... ترد بتهتها...... دا.. نور حضرتك... شكرا
سامح هايولع منه وبص له بصه رؤف.. كتم ضحكته
بالعافيه حممم بس انا زعلان منك يا سامح باشا
بقه نبقى أصحاب ومع بعض كل المده دي ومتعرفناش
إن عندك فرع ف العيله جميل... قصدي؛ اصيييل اوي كده
تخبي علينا الحاجات الحلوه دي....
يسرية تنظر ل نور..... وهي ترى انه يقصدها
سامح /طب سوق يا نحنوح بدل ما أنزلك تجبها
جرى ورانا...
رؤف /لأ وعلى ايه الطيب احسن....
وبعد وقت كانو وصلوهم عند منزل.. نور... وودعوهم
وقبل ما تنزل "نور"...... سامح قلها اطمني يا.. نور
أميرة... ف أمان وتحت عيني اطمني...
وبعدها نزلو وطلعو الشقه...... وهما سحبو بالعربيه
(استغفر الله العظيم واتوب اليه)
__________________________بقلم مها عيسى 🌹
آية /قاعدة بتاكل ف اظافرها بغيظ وهي تهمس
ماشي ماشي يا "مؤمن "... أنا تلطعني اللطعه دي..
ليلى /فيه ايه يابنتي عمالا تاكلي وتهري لييه هو
سايبك ف الشارع دانتي عند أمك...
اية /بغيظ لأ ياماما بس هو قالي ساعه بالكتير
أكون عندك تقدري تقولي لي عدي ذيادة عن
ساعه ونص.. بيسرمح فين كل ده
ليلى /يسرمح اييه بس ونيلة اييه هو يقدر يلتفت
منك دانتي مربياله الرعب يابنتي دا بيبقه ماشي
ف الشارع يتلفت حوليه زي المجنون لاتكوني
بترقبيه ولا حاجة من كتر الحصار اللي انتي عملاه
عليه... حرام عليكي جوزك غلبان اهدي شوي
ربنا يصبره عليكي
ايه /ايوه ايوه ماهو كلامك ده اللي مطخن ودانه
أنا مش عارفه انا اللي بنتك ولا هو دايماً كده
تحميله وتنصريه عليا وتطلعيه هو دايماً عل حق
ليلى /لانه فعلا مظلوم معاكي وبعدين انا مش بنصره
عليكي انا بنصر الحق الواد غلبان ومش مخلي ف
جهده جهد عايز يعمل اي حاجه تسعدك
ايه /وانا ياعني ياست ماما اللي وحشه ومنكده عليه
ليلى /ياحبيبتي انا مقولتش كده بس كل حاجة
بالعقل غيرتك عليه لازم تهدي شوي وتكون بالعقل
اي شيئ يذيد عن حده ينقلب ضدده....
ايه /ماشي يا ماما اقعد انا بقه حطه ايدي عل
خدي واهدي لحد ما لقيه داخل عليا بواحده تانيه
ليلى /هههههههه واحده اييه بس الله يهديكي
يابنتي انتي مخلياه يلتفت وراه....
ياحبيبتي ده ظابط ياعني وقته مش ف حكم ايده
ممكن يكون جاي فعلا وينطلب منه مأمورية مثلا
يطلعها ميعرفش يرجع منها امتى.... ادعيلو يا
بنتي ربنا يهديكي..
ايه /ياااااااارب ياااااااارب لو عينك جات على واحده
غيري يا "مؤمن" يا بن ام مؤمن...... الواحده دي
يجلها شلل رباعي متقدرش تقوم من مكانها
ليلى /يويو يوه هههههه طب وهي ذنبها ايه يا بنتي
لما هو اللي بص عليها...المفروض تدعي عل مين هههههههه
ايه /ذنبها انها ماشيه تتمخطر كده قدامه بنات مايصه
وبطفوليه...... ماهو أعمل إيه بقه بصراحه قلبي
ميطوعنيش أدعي عليه يا ماما
ليلى /لاااااا دانا خلاص........ وترفع ايدها للسما
ياااااااارب يبعتك دلوقت بالسلامة يا "مؤمن" يا جوز
بنتي عشان ترحمني من الجنان الرسمي ده..
ايه /موبايلها يرن تبص للرقم باستغراب الله دا بابا
الو...... ازيك يا بابا عامل ايه يا حبيبي
رامز /الحمدلله بخير طول ما انتم بخير يا قلبي
ايه /الحمدلله حمم وحشني يا بابا خلينا نشوف حضرتك
رامز /ان شاء الله يا حبيبتي.... جوزك عامل ايه هو
جنبك اكلمه
ايه /الحمدالله حبيبي بس هو لسه في الشغل اصل
أنا هنا عند ماما تكلمها.......
ليلى.... تبحلق لبنتها بتوعد..
رامز /يغمض عينه.... ااه طبعاً ياحبيبتي ادهاني
ليلى /تاخد التلفون وهي عل آخرها من بنتها....... حممم
الو....ازيك يا بو سامح
رامز /بابتسامه... الحمدلله يا ام سامح.... عامله ايه
وحشاني... موحشتكيش
ليلى /حممم الحمدلله سامح... كويس هو قرب ييجي
لما يرجع بالسلامة هاخليه يكلمك حاضر.... ايه معاك
أهي......... وأعطت التلفون ل ايه........
ورامز.. اضايق ولكن أعطاها عذرها...... ايو
يا "ايه يا بنتي ابقى سلميلي عل جوزك يا حبيبتي
مش عايزه حاجة
ايه... سلامتك يا روحي...... مع السلامة.... وقفلت معاه
ثم تنظر لوالدتها التي هاتكلها بعينها من الغيظ..
تعمل إشارة باديها....... ايه فيه اييه انا عملت حاجة
ستات آخر زمن..... أما أتصل بالمعدول جوزي
أشوف اتأخر لييه........ بقلم مها عيسى
(سبحان الله وبحمده سبحان الله العظيم)
🌹🌹🌹🌹🌹🌹💔💔🌹🌹🌹🌹🌹🌹
في منزل (فؤاد و فريدة..) _______
يجلسون جميعاً ع السفره يتغدو....
بعد ما جاسر.... اتعرف عليهم وسلمو على بعض
وعرف منهم كل حاجة عملها والده معاهم وطبعاً
مسلمش من لسان عمته "فريدة "...... أعتذر منهم
وقال لهم ان لو فيه اي حاجة بايده ممكن يساعدهم
بيها مش هايتأخر...... وفؤاد... قال له انسى المهم
سلامتك ويلا بقه عشان ناكل عيش وملح مع بعض
قومي يا أمير... مع ماما جهزو الأكل....
وبعد شويه ع السفره بياكلو و... جاسر... بيسأل عن
ازاي "أميرة ".... وصلت ليهم و "أميرة"... حكت له عن
الحادث وكل حاجه بعد كده.......
جاسر /الحمدلله انا شبعت... تسلم ايدك يا عمتو
فؤاد /كل ياحبيبي انت لحقت...
جاسر /وهو يتحسس بطنه يااااه دانا انتحرت الأكل
جميل وكمان الواحد كان خلاص معدته نشفت من
الأكل ف الحبس ....
أميرة /بزعل..... ياحبيبي أيام الله لا يعودها روح
ياحبيبي أغسل إيدك على ما أقوم أعملك احلى كوبايه
شاي من ادايا انا عارفه انك بتحب تشرب الشاي
بعد الأكل علطول....
جاسر /بدهشه.... اي دااا سمو الأميرة بتعرف تعمل
شاي هههههههه بركاتك يا عمتو "فريدة.....
فؤاد و فريدة.. يضحكو..
أميرة /بقه كدا ماشيبيي هاتشوف دلوقت يابني
أختك ولله الحمد تسد ف اي حاجه بس بمزاجي
جاسر /هههههه طب الحمد لله انا كده اطمنت انك
مش هاتبوري جنبي حمم طب ممكن يا عمو أشرب
الشاي ف البلكونه
فؤاد /ياسلام انت بتستأذن البيت كله بيتك يا حبيبي
خد راحتك يا قلبي يلا يا... أميرة.. خدي الشاي ورحوي
اقعدي مع اخوكي اكيد فيه كلام كتير عايزين
تقوله لبعض... وانا والست العجوزه دي نقوم
نقضي فرض ربنا ونقرأ الورد بتاعنا بس اوعي تمشي
ياجاسر... قبل ما نشوفك...
جاسر /ان شاء الله يا عمو....... خرج البلكونه وهو
شارد تدخل "أميرة"... بالشاي.... أنا جيييت
جاسر.. بضحك.. نورتي ياستي... هاتي لما نشوف
اممم جميل تسلم إيدك بجد..... وبتنهيده ممم قوليلي
بقه يا "أميرة".... لما كنتي مختفيه كنتي هنا
أميرة /بتنهيدة....... الأول كنت هنا لكن بعد اللي حصل
مشيت من هنا ومرجعتش ليهم تاني إلا لما اللي حصل
معايا ده حصل وكنت محتاجه حضن حنين اترمي فيه
مكان دافي يضمني كنت حاسه ببروده جامده واحتياج
عمري ما حسيته قبل كده ملقتش غيرهم هما بس اللي
ممكن ألاقي عندهم الحنان والدفي هنا مأمني و دفايا
جاسر /وهو ايه اللي كان حصل خلاكي تبعدي عنهم
أميرة /بعيون لامعه بالدموع.... ياعني حاجه كده هابقه
أقولك عليها بعدين....
جاسر /يمسك ايدها بحنان.... وليه بعدين حبيبي
أنا عايز اسمعك وكمان اعرف اي اللي ورا الدموع
الوحشه دي اللي اتجرئت وجت ف عيون حبيبتي
أميرة /بابتسامة للأخ الحنون..... حبيبي متحرمش منك
ابدا انا كنت هاموت من قلقي عليك الحمد لله...
و بتنهيدة...... هاقولك ياسيدي.... وقصت له كل
الحكايه المقابله بينها وبين والدتها وكمان كلام "خالد
ليها هناك.... وعل كل حاجه عملها معاهم.. شمس الأنصاري
وكل ده طبعاً تحت اندهاش وصدمه من.. جاسر.. على ما
يسمع..... وبعد ما انهت كلامها... قام بمسح دموعها
جاسر /حببتي بلاش دموعك دي وان شاء الله كل حاجة
هترجع لأصحابها اطمني وانا عايزك تسمعي لممتك
مش يمكن تكون فعلاً مظلومة...
أميرة /أنا فعلاً كنت خلاص ناويت أروح ل عمتو (ليلى
واسألها واكيد هي اللي هاتقول الحقيقه ولكن بقه
جه موضوعك ده فأنشغلت بيه....
جاسر /خير خير.... أنا أوعدك لو ليهم حق هاياخدوه
وكل واحد لازم ياخد نصيبه من جزاء عمله وأولهم
ياسر و آخوه...... أنا هدفعهم التمن غالي وبشرود
لأ ولما رحتله مش عاجبه ويقول هو انا هتلاقيها
منك ولا من اختها تصوري شكل أختك راحت له
بس هي تعرفه منين وايه اللي خلاها تشق فيه اصلاً
أميرة /اه أنا عرفت هو قالي بردو إنها راحت عنده
وبعيون لامعه بالدموع...... وقال إن كانت حالتها صعبه
اوي كانت خايفه عليا...... تصدق احساس حلو
جاسر /يبتسم ويربط عل ايدها.... ربنا يجمعكم
على خير قريب ان شاء الله....... بس بردو هي
عرفتو منين وازاي عرفت ان فيه بنا مشاكل وأنه
ممكن يكون هو اللي خطفك.......
أميرة /بتنهيدة..... جاسر... أختي بتكون.. نووور..........!!!!!!!!!!!