حب لايموت 💙
بقلم منى احمد راضى
الفصل السابع
عاد الجميع للقصر وعندما دلفو للداخل ذهب إبراهيم لابنته يارا
عندما رأته فرحت كثيرا وقالت : باااابي جيه باااابي جيه وارتمت بحضنه
ضمها إبراهيم اليه لقد اشتاق إليها واشتاق لحضنها كثيرا
ابراهيم : وحشتيني اووي يا حبيبتي
يارا : بابي بيقوله اونكل سالم مات هو فعلا مات يابابي
ابراهيم نافيا : لا ياحبيبتي هو بس تعبان شويه في المستشفى وهيبقي كويس
يارا : طيب انا كمان عايزه اروح عندو
ابراهيم : انتي لسه صغيره مش هينفع تروحي عشان متتعديش هو هيبقى كويس ويجي البيت متخافيش
كانت تنظر سالي إليهم وقالت لنفسها : انا ازاي كنت هحرم بنتي من بباها يارب قدرني اني اقدر اكمل يااااارب
نظر إبراهيم لسالي فوجدها شارده ظل ينظر إليها وعندما انتبهت له تركتهم وصعدت لغرفتها
بالغرفه عند ساره كانت والدتها تهاني تسب نرمين لأنها لا تستطيع الوصول إليها وقالت : انا هموت ناقصه عمر بسببها والله تليفونها مقفول من الصبح مش عارفه أوصلها
ساره : انتي السبب في اللي هي فيه ده دلعك ليها يعني ايه واحده من ساعه ما سافرت مبتكلمش جوزها ممكن افهم
تهاني بغضب : بقولك ايه انا مش نقصاكي خالص اسكتي انتي بتعصبيني اكتر انا شايله هم خالك لو سأل عليها
تركتها ساره وذهبت لروان لتطمئن عليها
كانت روان تتحدث مع بسام تخبره ما حدث
روان : انا خايفه عليه اووي يا بسام الدكتور مش مطمنه خالص
بسام : متخافيش ياحبيبتي أن شاء الله كله هيبقى تمام وهيقوم بالسلامه بس اوعي تزعلي نفسك
روان : هترجع امتى انا محتجالك جمبي اووي
قطع حديثها دخول ساره عليها
ارتبكت روان وقالت : طيب انا هكلمك تاني سلام دلوقتي وأغلقت معه
ساره : ده طارق
روان : لا مش طارق ده واحد زميلي بيطمن على سالم
ساره وقد لاحظت توترها وتأكدت من كذبها : هو طارق وخالو مع سالم في المستشفى
روان : اعتقد طارق ميعرفش لأنه من الصبح مش موجود
قلقت ساره على طارق وقالت : ازاي يعني مش موجود هيكون راح فين
روان بعدم اهتمام : معرفش هو الصبح كان شكله مضايق وخرج
توترت ساره وقالت : تمام انا رايحه انام عايزه حاجه
روان : لا انا كمان هنام
خرجت ساره لأنها خافت أن تلاحظ روان قلقها على طارق
ذهبت لغرفتها وحاولت الاتصال بطارق لكن دون جدوى هاتفه مغلق ولا تستطيع الوصول إليه
كانت تدعي وتقول : يارب ميكونش حصله حاجه هو كمان يارب متوجعش قلبي عليه وبدأت في البكاء
كانت تتذكر قديما عندما كانو يسافرون معا عندما كانت قريبه منه ويعتبرها صديقته لكنها لم تستطيع أن تعتبره اخ او صديق لقد عشقته وتمنت أن يحبها تذكرت عندما جاء إليها ليخبرها عن حبه لروان
فلاش باااااك
كانت تجلس ساره أمام البحر وجاء إليها طارق وقال : عايزك في حاجه مهمه
ساره : هااا احكي بسرعه
طارق : انا قررت اخطب ايه رايك
ساره بفرحه : بجد مين هي طيب
طارق : روان انا خلاص مبقيتش قادر اخبي اكتر من كده وخايف حد يخطبها
لم تصدق ساره ما تسمعه هل يحب فتاه أخرى وهذه الفتاه أقرب شخص إليها أرادت أن يكون حلما وتستيقظ منه لكن اللعنه لم يكن حلم
طارق : يابنتي روحتي فين
ساره وقد ملئت الدموع عيونها : الف مبروك يا طارق انت كلمتها طيب
طارق : انا لمحتلها وحسيت انها موافقه فقررت اكلم سالم بس كان لازم اقولك انتي مش صحبي ياصاحبي
ساره : اكيد طبعا بعد اذنك
وتركته وعادت لغرفتها تبكي من صدمتها وحبها الضائع
باااااك
تذكرت ساره وظلت تبكي وتقول : ياترى انت فين يا طارق
عادت غاليه للبيت منهاره خائفه على سالم دخلت غرفتها فوجدت امل
امل : غاليه حبيبتي انتي كويسه
نظرت لها غاليه والدموع بعيونها : لسه بحبه يا امل لسه بخاف عليه انا قلبي وجعني اوووي رغم ان عايش مع واحده غيري بس كان كفايه عليا انه كويس وعايش انا كنت فاكره نفسي نسيته خلاص بس طلعت بكذب على نفسي
ضمتها امل لحضنها وقالت : اهدي يا غالية مش كده صدقيني هيبقى كويس والحب ده مش بأيدينا ياحبيبتي
غاليه : كان نفسي أفضل جمبه وامسك ايده لحد مايفوق بس خوفت الاقي نرمين وساعتها مكنتش هستحمل جيت غصب عني
امل : غاليه انا مش هقسي عليكي واقولك انسيه لاني متأكده انه صعب بس لازم تركزي في مستقبلك انتي ناسيه أن عندنا معاد بكره عشان الشغل ولا ايه عيزاكي غاليه اللي بتخاف على مستقبلها وحياتها وسالم هيبقى كويس ويرجع لمراته
نظرت لها غاليه بحزن وذهبت لسريرها لتنام وذهبت في ثبات عميق
نظرت امل إليها وقالت : ربنا يصبرك ياحبيبتي
بالقصر ذهب إبراهيم لسالي عندما رأته ظهر عليها ملامح الخوف
ابراهيم بحزن : انتي خايفه مني ياسالي للدرجه دي
سالي : اعتقد اللي عملته فيا مكنش قليل
ابراهيم : حقك عليا ياسالي اديني فرصه أصلح كل حاجه انا عرفت قيمتك خلاص سامحيني فرصه واحده بس وصدقيني بعدها هعملك اللي انتي عيزاه
كانت سالي تشعر بصدق حديثه أرادت أن تصدقه فهي لاتزال تحبه قالت بثبات : والهانم اللي انت على علاقه بيها
ابراهيم : صدقيني مفيش حاجه في حياتي غيرك انتي ويارا واللي في القصر هنا انته اهلي وحياتي كلها
سالي : عايزه اصدقك يا ابراهيم متخلنيش اندم اني صدقتك
امسك إبراهيم يدها وقبلها وقال : اوعدك اللي جاي كله ليكي انتي ياسالي
بفرنسا استيقظت نرمين ووجدت نفسها عاريه على سرير عيسى حاولت تذكر ماحدث لكنها أدركت ماحدث بينهم نظرت بجوارها فوجدت رساله من عيسى
حبيبتي عندي اجتماع مهم هخلصه بسرعه وارجعلك
ابتسمت نرمين وقامت لتأخذ دش ساخن
بعد انتهائها ارتدت إحدى قمصان عيسى وفتحت هاتفها
وجدت رسائل من والدتها فاتصلت بها
تهاني : انتي فين يا نرمين تليفونك مقفول ليه
نرمين : ايه ياماما حصل ايه يعني
تهاني : سالم جوزك عمل حادثه وبين الحياة والموت
نرمين : اها عرفت اعمل ايه يعني هو انا دكتوره
تهاني بغضب : انتي معندكيش دم بقولك جوزك عمل حادثه وخالك هيطربق الدنيا دو مرجعتيش
نرمين بتوتر : ارجع فين لا طبعا انا قاعده يومين كمان هنا ومش هرجع دلوقتي ولو حد سأل عليا قوليلهم تليفونها مقفول وانا هبقي اتصل بيكي سلام
وأغلقت معها قبل أن تسمع ردها
بالجهه الأخرى كانت تعاني غاضبه من ابنتها : الله يسامحك يا بنتي هتضيعي نفسك تاني قلبي مش مرتاح حاسه عامله مصيبه ربنا يستر
استعدت غاليه وأمل للذهاب للمشفي لمقابله العمل
عندما راهم هيثم ذهب إليهم وسلم عليهم
هيثم : لو احتاجته حاجه انا موجود في الاوضه بتاعتي
امل : شكرا يادكتور اكيد طبعا
بدأ الاختبار وتم تعين كلا من غاليه وأمل ومعهم فتاه أخرى وشاب أيضا من كل الحاضرين
ذهبو لغرفه دكتور عمر صاحب المشفى رحب بهم عمر قائلا : اهلا بيكو في المستشفى هنا معانا طبعا النتيجه لسه مظهرتش ف انته حاليا في تدريب لحد النتيجه ماتظهر وانا متأكد من نجاحكم كلكم واتمنى تكونه قد الثقه اللي اخدوها من بكره تقدره تبداه التدريب
سمعت غاليه إحدى الفتاتين تقول : شفتي وسيم ازاي ده احلى من دكتور هيثم بكتير ده عليه كاريزما رهيبه
تضايقت غاليه منهم فقالت امل بضحك : بصراحه عندهم حق انا نفسي أصدق ازاي ده اخو البومه اكيد في حاجه غلط
تضايقت غاليه عندما تذكرتها ولاحظت امل ذلك ولعنت غبائها : انا اسفه ياغاليه والله مش قصدي
غاليه : ابدا يا امل مفيش حاجه يلا بينا عايزه اروح اطمن على سالم هتيجي معايا مش كده.
ربتت امل على كتفها وقالت : اكيد ياحبيبتي
بإحدى شواطئ اسكندريه كان يجلس طارق حزينا وغاضبا بنفس الوقت لا يعلم ماذا يفعل فروان تخونه ولا يستطيع أخبار سالم فلن يضع صديق عمره بموقف كهذا
امسك سيجارته حاول اشعالها فوجد شخص أخذها منه نظر بغضب فصدم عندما وجدها ساره
طارق : ساره انتي ايه اللي جابك هنا
ساره : جيت اطمن عليك قافل تليفونك ومختفي ومحدش عارف يوصلك
طارق : هو حد اصلا لاحظ غيابي اكيد سالم بس هو اللي لاحظ وبعدين انتي عرفتي منين اني هنا
ساره : انت ناسي اني صاحبي ياصاحبي ولا ايه واعرف عنك كل حاجه
نظر لها طارق بابتسامه حانيه وقال : وحشتني الايام دي ياساره بس انتي بعدتي عني فجأه واختفيتي بعد ماخطبت روان
ساره : خلينا في دلوقتي ياطارق احنا لازم نرجع القاهره دلوقتي
طارق : مش هقدر ارجع ارجعي انتي انا محتاج اقعد مع نفسي شويه ونفسي تقعدى تسمعيني زي زمان
ساره : انا حاسه بيك ياطارق بس صدقني لازم نرجع القاهره سالم عمل حادثه وحالته خطيره
طارق بزعر : ايه حادثه امتى ده حصل طيب هو كويس
ساره : اهدي ياطارق هو حاليا مستنينه يفوق والدكتور قال لما يفوق هنعرف الحاله وصلت لفين بعد العمليه
طارق : طيب يلا ياساره بسرعه يلا
وعاد الاثنان القاهره
بالقصر كان الجميع يستعد للذهاب للمشفي
يارا : يابابي عشان خاطري انا عايزه اروح معاكو
ابراهيم : حبيبتي قلتلك ممنوع الأطفال وبعدين مامي قاعده معاكي اهو انا هروح مع روان وتيته تهاني وداده إكرام وهنرجع على طول ماشي
يارا : متتاخرش عليا طيب
قبلها إبراهيم وقال : عنيا ياحبيبتي
نظر لسالي وقبلها من راسها وقال : لو احتاجتي حاجه كلميني
ابتسمت سالي وقالت : خلي بالك من نفسك وابقى طمني
جاءت تهاني وقالت : هي ساره فين مش ف اوضتها
إكرام : دي خرجت من بدري اووي معرفش راحت فين
تهاني محدثه نفسها : روحتي فين انتي كمان انا ناقصه
وصلت غاليه ومعها امل للمشفي وعندما صعدو وجدو رضوان يجلس أمام الغرفه
رضوان : اهلا ياغاليه يابنتي كويس انك جيتي انا محتاجلك اوي يابنتي
غاليه : خير حضرتك كويس
رضوان : هبقي كويس لما اطمن على سالم الدكتور قال إنه هيحتاج حد لما يرجع البيت ياخد باله منه انا مش هلاقي احسن منك ياخد باله من سالم
توترت غاليه ولم تستطيع الرد عليه
لاحظت امل توترها وقالت : حضرتك شكلك ما اكلتش حاجه تعاله معايا الكافيتريا تشرب حاجه
ذهب معها بالفعل لأنه أراد أن يشرب شئ ساخن
ظلت تنظر غاليه لسالم من وراء الزجاج وعندما جاء الطبيب قالت : ممكن ادخل اطمن عليه خمس دقايق بس
لاحظ الطبيب خوفها عليه فقال : تمام مفيش مشكله خمس دقايق بس هو في كل الحالات لسه مفاقش
شكرته غاليه وبالفعل دخلت الغرفه
اقتربت منه غاليه وامسكت يده وبدأت دموعها في الهبوط ظلت تلمس وجهه وشعره وتقول : فوق ياسالم انا مش هستحمل يحصلك حاجه انت بقيت الحاجه الوحيده اللي مخلياني عايشه بعد وفاه ماما اوعي تسيبني زيها عارف رغم
اللي عملته معايا بس مش قادره انساك بس زعلانه منك وموجوعه منك اوي لحد دلوقتي مش مصدقه اللي عملته معايا بس خلاص مش مهم المهم انك تفوق وترجع زي الاول فوق بقى ياسالم متسيبنيش
سمعت غاليه صوت سالم يقول : مش هسيبك