💥حصاد.. شمس الأنصاري
بقلم مها عيسى
الفصل الثانى والثلاثون
(وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ ۖ إِنَّ رَبَّنَا لَغَفُورٌ شَكُورٌ)
اللَّهُمَّ..
و ان اقترب لقائى بك اللهم لا تقبض روحي الا و انت راضي عنى♥وأحسن خاتمتي اللهم آمين 🙏
__________________________________
رجالة الأنصاري... بتنقل الكونتينر ليحملوه ولكن يتفاجؤ
بهجوم الشرطة عليهم وتم القبض عليهم متلبسين .... مع الحرز،، وطبعاً هما هنا قبل وصولهم وكانو زارعين كاميرات مراقبة صوت وصوره خاصة بالشرطه وكله متسجل
وطبعاً تم القبض على "عبد الغني"... ف عربيته
وهنا أكتشف أن الحارس كان بيخدعه وأنه كان
نصب له فخ.......
حارس "الريان" كان بيشتغل "عبد الغني" لأنه عرفه من
أول يوم انه دراع "الأنصاري" اليمين وشك فيه وهو
يعلم مدى العداوه بين الأنصاري و الريان
وكان "ياسر الريان" على علم ودرايا بكل شئ
أول بأول.... وأول ما الحارس شك فيه وكلم "ياسر
هو كان مفكر إنه عايز يعمل حاجة للشحنه عشان يحرق
قلب" ياسر" عليها،، لكن ياسر.. استبعد هذا الهدف وكان له رأي تاني...بقلم مها عيسى
ياسر /لأ أنا استبعد السبب ده لأن" الأنصاري " مش
صغير ماهو أكيد عارف ان اي حاجة تحصل للشحنه
هو أول واحد هايشتبه فيه لأن الكل عارف إنها كانت
بتاعته واحنا اخدناها من بوق الأسد ف آخر للحظه
لأ دا أكيد فيه سبب تاني وده هانعرفه لما نفتش الشحنه
كلها،،،. وجمع كل رجالته.. طبعاً إللي بيثق فيهم
وفتشو كل البضاعة لحد ما وصلو للمطلوب وشافو
كونتينر مختلف شوية وبه علامه شكو فيه وفتحوه
وكانت صدمه ليهم من كمية الأسلحة وكمان كميه
من فصوص الالماظ والماس النادرة بكمية مهولة...
ياسر /ياولاد ال...... بقه كده ماشي يا "شمس" ههه
وياتري "جاسر" باشا عنده علم بشغل أبوه المشبوه..
إحد رجاله 1 / أكيد ياباشا إذا كانت الشحنه كلها
كانت جايه بأسمه بما فيهم الكونتينر الثمين ده
لولا سيادتك اخدتها منه ف آخر للحظه دا احنا حتى
ملحقناش نغير اورقها بأسم" الريان" إلا ف المينا
ياعني هي كده طالعه بأسم "جاسر الأنصاري"
ياسر /بضحك..... حلو أوي الكلام ده،،، وهو يدلك بدقنه
والله ووقعت يا "جاسر".... وجيت تحت أنياب الأسد
وحياتك لأمسح إسمك من سيجلات رجال الأعمال ههه
لأ ده من على وش الأرض نهائي..... وهو والرجاله هههههه
إلا شخص واحد
احد رجاله 2 / حممم بس أعذرني ياباشا.... أنا على ما اعتقد
إن "جاسر" باشا معندوش درايا بالموضوع ده... ف الحقيقه
دا راجل ماشي ف السليم، وبصراحه انا عمري ما اصدق
أنه له ف السكك دي
ياسر /وهو ينظر له بشرز..... وماله ياحبيبي مكنش ليه
وبقه ليه وغصب عنه مش بمزاجه ودي فرصتي
وجتلي هو مش كل حاجه كانت بإسمه خلاص شكراً
ثم شاور للرجاله...... يلآ رجعو كل حاجة مكانها
وأنت عايزك من غير ما يشك توصله ان محدش
دخل عند الشحنه من ساعة ما داخلت المخازن
عشان يحط ف بطنه بطيخه صيفي،ويرمي لبها
على ابن الأنصاري..هههههههه وطبعاً رجالته وراه
(لا إله إلا الله)
وبعد ما تم القبض عليهم الرجالة اعترفت أنهم رجالة
الأنصاري... ولكن "عبد الغني" طبعاً خاف يقول الحقيقه
وإن صاحب الشحنه الأصلي هو "شمس" خوفاً منه طبعاً
معأن كان صعبان عليه "جاسر" فاهو يعلم انه يختلف
عن والده وشغله كله ف السليم،، ولكن قال :_
ياعني انا هاكون أحن عليه من أبوه هو حر بقه عايز
يبرأ إبنه ويلبسها هو.. هو حر ولون استبعد تماما إنه
ممكن يعمل كده "شمس" معندوش غالي ومبيحبش
غير "شمس "وبس. بقلم مها عيسى
(ذكرك لله،، طريقك لاستجابة الدعاء... لا إله إلا الله)
_______________________________________
مني /الو... ايو يا "نور"... أنتم لسه ف المستشفى
نور /ايو يا حبيبتي لسه "سامح" طلبوه ف الشغل
وقال انه ممكن يتأخر شويه ولكن أكد عليا ممشيش
قبل ما ييجي.. حبيبتي حضرتك ميعاد علاجك كده
واكيد تعبتي من القعده معلش ياماما بس مش هقدر
اسيب "يسرية" حالتها منهاره
مني /لأ يا قلبي ولا يهمك بس المهم ممتها عامله ايه
دلوقت مفيش اي تحسن
نور /ادعي لها يا ماما ربنا يسترها انا خوفي الأكبر
على "يسرية" مش عارفه لو ممتها جرالها حاجه
هاتعمل ايه
مني /ياحبيبتي ربنا يخليهالها والله كنا لسه بندعي
لها انا و"ليلي "... واحنا بنصلي القيام
نور /طب يا ماما حاولي تريحي شويه ع السرير عند
ايه عشان القعده فتره طويله كدا غلط عشانك
وانا هاكلم "سامح" يعدي ياخدك يروحك الأول
منى /لأ لأ.. ياحبيبي كده تعب عليه لأنه اكيد مش هايسيبك
تروحي ف وقت متأخر كده لوحدك حرام دا غير شغله
أنا متقلقش عليا انا وعمتك دخلنا أوضة الأطفال
و نايمين فيها ومرتاحه يا قلبي متشغليش بالك بيا
يلآ حبيبتي مع السلامة وابقى وصلي سلامي ل يسرية
نور /قفلت مع ممتها وكانت واقفه ف طرقة المستشفى
لسه هاتدخل الغرفه شافت "سامح" جاي عليها وقفت
سامح /السلام عليكم... مم اي الأخبار دلوقت
نور /وعليكم السلام... اهو زي ما هي شكلها فعلاً كدا يا
سامح " انها النهاية...أنا خايفه أوي على" يسرية
سامح /بحزن.... ربنا يستر طب ادخلي كدا شوفي
الدنيا جوا كدا ينفع ادخل ولا ايه
نور /اوكي.... دخلت وجدت الممرضه ف الغرفة واول ما
شافت نور "... قالت
الممرضه /يا جماعه كدا غلط ده الوقت اتأخر ومفيش زيارة
وانا سمحت انك تقعدي معاها مرعاتاً لحالة الانسه
لكن لو الدكتور عرف هايأذيني انا وبعدين يا آنسة
يسرية... أرجع وأقولك تاني وجودك هنا ملوش لازمه
روحي يا حبيبتي ارتاحي والصبح ان شاء الله ابقى
تعالي وعايزه تيجي بدري قبل ما ميعاد الزيارة
تعالي وانا ادخلك قبل ما اسلم الشفت بتاعي انا كدا كدا
مش بروح قبل ما يبدأ ميعاد الزيارة... وخدي رقمي
واتصلي اطمني عليها وقت ما تحبي
نور /يسرية... أنا شايفه ان كلامها صح وكدا كدا ممتك
نايمة ومش هاتصحي قبل الصبح واحنا خلاص كل
الحكايه ساعتين تلاته روحي ارتاحي فيهم من واقفتك
طول اليوم وكمان خدي شاور كدا عشان تفوقي وتغيري
كمان
يسرية /بدموع.... مقدرش اسبها وامشي قلبي مش
هايكون مرتاح... روحي انتي يا "نور"... هو ابن عمتك
لسه مجاش
نور /لأ موجود برا وكان عايز يدخل يطمن بس قالي
ادخلي شوفي الجو الأول..... طب تعالي نطلع برا
بس نتكلم عشان منقلقش ممتك
وخرجو... وكان "سامح" بيتكلم ف الهاتف وأول ما شافهم
خرجين قفل واتجه لهم
سامح /ازاي ماما عاملة ايه دلوقت يا آنسة "يسرية
يسرية /الحمدلله على كل حال..
سامح /ونعمه بالله ايو انا عايزك كده تكونو مؤمنه
وراضيه وتقولي الحمدلله.. احنا في الأول والآخر
ملناش ف نفسنا حاجه
نور /انا بقولها يا" سامح " روحي ارتاحي شويه
وتعالي الصبح هي كدا كدا وجودها ملوش لازمه
سامح /تمام فعلاً تعالي نوصلك انا و"نور" والصبح
ابقى تعالي لها
عدي وقت على ما اقنعونها وبعدين دخلت قبلت ممتها
وخرجت مشيت معاهم ووصلوها لحد البيت و.. سامح
أعطاها الكارت بتاعه وقال لها اتصلي ف اي وقت تحتاجيني
فيه واعتبريني اخ.....
ويسريه.... اخدته منه وشكرتهم ونزلت،،، وهما كملو ومشيو
اتصلو علي (ليلي و منى) ينزلو لهم وبعد ما ركبو.. سامح
وصل "نور" و ممتها الأول وبعدين روح هو ووالدته
وصلو على ميعاد الفجر صلو ونامو علطول
(اللهم صل وسلم على نبينا محمد وعلى آله وصحبه أجمعين)
_______________________&بقلم مها عيسى
تانى يوم الصبح......
شمس / كان قلقان جداً طول الليل لان "عبد الغني"
مكلموش وخاف يكون حصل حاجة،، وكمان الدكتور
إبراهيم ".. لسه مجاش عنده كان هايتجنن من القلق
ومن إبراهيم" اللي اتأخر عليه وهو موصيه ييجي بدري
عشان يطمنه....... بعد وقت كان إبراهيم... وصل
د ابراهيم /بوجه عابث.... أنا آسف يا "شمس" اتأخرت
عليك بس كان عندنا زيارة ف المستشفى والدنيا كانت
مقلوبه و............. قطعه" شمس " بعصبيه
شمس /خلاص يا إبراهيم... خلينا في المهم "عبد الغني
بردو ما اتصلش عليك...
إبراهيم /بتوتر..... هو متصلش لكن بعت رسالة
عبد الغني... أول ما اتقبض عليه بعت رسالة علطول
للدكتور قبل ما ياخدو منه التيلفون من غير ما حد
ياخد باله (احنا كان منصوب لنا كامين واتقبض عليا انا
والرجاله وطمن الكبير إسمه مش ف الموضوع) وبعدها
ما اتأكد انها وصلت للدكتور مسحها بسرعه من عنده
طبعاً لما "إبراهيم" حكي اللي حصل ووراه الرساله
"شمس" كان هايتجنن وعلطول ضغطه علي والدكتور
اسعفه...... وبعدها بوقت كان فاق شويه وطلب من الدكتور
أنه يتابع من بعيد الأخبار ويوصلها له أول بأول....
وحالته طبعاً ليس لها وصف فاهو الآن خسر كل شيء
ومتأكد ان أصحاب البضاعة أول ما يعرفه اللي حصل
مش هايسكتو وهايكون ردهم عنيف دا غير كمان اسم
إبنه اللي هايتذكر ف الموضوع وانه كدا شال لليلة مش
بتاعته....
(استغفرالله العظيم)
يسرية... راحت لوالدتها و "نور" أتصلت عليها تطمن وقالت
لها أنها هاتعدي عليها بعد الشغل أن شاء الله لأن.. جاسر
أتصل عليها وطلب انها متتأخرش عن الشغل عشان
طبعاً.. يسرية.. غايبه وانه فيه أجتماع ولازم هي تكون
موجوده وكمان هاتكون مكان "يسرية" وتدير شغلها من
مكتب "يسريه" عشان تكون قريبه لمكتبه لأي ظروف
وبعد كده "نور" مشيت الشغل والاجتماع خلص وكان
جاسر ك شكله تعبان طول الإجتماع.. و نور.. لاحظت ده
وبعد وقت دخلت عليه المكتب رأته شكل التعب ذاد عليه
وماسك دماغه...بقلم مها عيسى
نور /مستر جاسر " حضرتك شكلك تعبان أوي أتصل
بدكتور
جاسر /وهو يرجع برأسه للوراء سانداً ع الكرسي ويدلك
بيده رأسه.... لأ لأ مش مستهله هما شوية صداع
مش أكتر
نور /طب هاروح أجيب لحضرتك حاجة مسكنه انا معايا
ف الشنطه ثواني حضرتك..... وخرجت جابت المسكن
وكمان عصير وكوب ماء ودخلت وجدته قام من ع المكتب
ونائم ع الشيذلونج ومغمض عنيه..... قربت منه
مستر "جاسر".... مستر جاسر
جاسر /مممم فتح عنيه ولكن باين عليهم التعب جدا
وكمان احمرار وجه بشده يدل على ذيادة درجة الحرارة
فابتردد بتحاول تقيس حرارته وبخجل شديد تلمس
بظهر اناملها على جبهته.... تجد حرارته شديدة جداً
وجاسر.. من جواه سعيد بلمسة يدها وخوفها عليه اللي
مالي عنيها ولكن التعب كاسي عليه
نور /بخوف مستر "جاسر" حضرتك تعبان جداً الحرارة
مرتفعه جداً كده مش هاينفع لازم حضرتك دكتور
جاسر /لأ شويه وأكون كويس
نور /قامت بسرعه جابت له كمادات وجلست ع الكرسي
جانبه وبدأت تعمل له كمادات وهو راح ف عالم تاني
وبدأ من شدة الحراره يهلوس بأسمها... نو.... ر... نور
ب.. حب.. ك بح.. بك نو..... رررر بعشششقك
ونور سامعه كل كلمه منه وقلبها بيدق بشده
وبعد شوية الحراره بدأت تهدي ووجه نازل منه عرق
شديد وجسمه أيضا جابت مناديل وتمسح له وجهه
وهو بدأ يشعر بها وكان جواه إحساس جميل لقربها
ولمستها واهتمامها به
نور /مستر جاسر..... مستر "جاسر" حضرتك سامعني
حضرتك كويس وهو سامع ولكن مستمتع بقربها
واهتمامها وخايف يفتح عنيه تبعد.... فاوهو مغمض
ممم مم نور جابت حباية خافض حراره... طب حاول
تقوم شوية مستر تاخد العلاج وترفع برأسه قليلاً
لتضع الحبايه في فمه لتلمس اناملها شفتاه الملتهبة
جسدها يحدث به رعشه،، وهو يستلذ بلمستها ثم
تسقيه الماء وترجع رأسه تاني للوراء وهو مازال
مغمض عنيه بيستطعم لمسة اناملها ولكن هي فكرته
نائم ومن شدة التعب مش حاسس بيها وهو يتنفس
ليخرج انفاسة الساخنه عل وجهها فاهي قريبه جداً منه
وهي مازالت تضع له كامدات وانفاسة تذداد حرارتها بوجهها
فتشعر هي بحرارة جسدها ورعشة بيدها،، واليد الأخرى
تتمرد عليها ولا إرادياً تتسلل خدوده بكل حب وحنان
وهي تمرر أناملها بنعومة سحرته... لتهمس بشفتاها
بحبببك..... بعشقك يا جاسر. ...
اما هو النائم يستطعم لمستها فقط فاما حالة الآن وهو
يسمع اعترافها بعشقه بكل وضوح وحنانها عليه.. بقه
هو كده خلاص أنهار تماماً داخلياً ليفتح عينه تأتي
مباشرتا ف عنيها.... وأنا بعشقك يا "نور....
أنتي أجمل حاجة حصلتلي مش عارف من غيرك كنت
عايش ازاي... وازاي قدرت أتحمل حياة انتي مش فيها
بس انتي اهو جنبي قدام عنيا بعشقك يا نور حياتي
نور.... تايها ف عيونه فقد سلبت إيراداتها نهائياً
وللحظه تفوق من شرودها وتتكسف من انه سمعها
وتبعد عنه ولسه هاتقوم مسك يدها...... نور..... ليييه
ليه تعذبيني وتعذبي نفسك،، سيبي نفسك يانور
لعشقنا عمرك ما هاتندمي إلا بس على الايام اللي ضاعت
مننا
نور..... وشها أحمر ولعنة ضعفها وهي تحاول فك يدها
منه... ارجوك مستر "جاسر..... سيب أيدي لو سمحت
جاسر /مستر جاسر بيعشق مس نور...... ونفسه بس
يقطعهم دخول موظف بالشركة فجأه مره واحده
الحق يا جاسر" باشا مصيبة....
يترك يد نور ويقوم بسرعه ولكن بتعب وبكل غضبه
انت ازاي تدخل كده يا بني آدم انت.....
ليفاجأ بدخول الشرطة من خلفه بطريقة هجوميه
والضابط يأمر العساكر بتفتيش المكتب
ونور... في حالة صدمة وبذات أول ما شافت الضابط
جاسر /بغضب..... ايييه هو دا انتم مين وايه اللي بتعملوه
ده... أنتم مش عارفين انتم فين وبتتعملو مع مين
الضابط /لأ إحنا عارفين..... أنت إللي لازم تعرف بتتعامل
مع مين،،، واحنا هنا بنأدي واجبنا وسيادتك مطلوب
القبض عليك......... ظهور صدمة عليه وعلى نور
وف همس.... سامححح
جاسر /ايه الهبل اللي انت بتقوله ده يتقبض عليا ودا
ليه أن شاء الله
الضابط /والله هناك هاتعرف..... اتفضل معانا لو سمحت
بدون شوشرة مش عايزين نستعمل معاك العنف
جاسر ينظر ل نور..... ونور " قلبها هيتقلع منها فاهو
مازال شكله تعبان وكمان ياترى اي اللي حصل وازاي
ياعني يتقبض عليه...... أما هو سعيد بنظرة خوفها وقلقها
وحزنها اللي قريهم ف نظرتها ولكن بيتألم لفراقها بعد ما
خلاص سمع اعترافها بقه الحاجه اللي بتمناها ومنتظرها
أول ما تيجي نفترق بالشكل ده...
الضابط /واقف مستغرب نظرات "نور"... ل جاسر
حمم اتفضل سيادتك... ونور تبص ل "سامح" بترجي
ممكن كلمة يا حضرت الضابط وتاخده وتطلع برا المكتب
عشان تتكلم بعيد عن "جاسر"..... تحت نظرات تعجب
جاسر....
نور /بصوت منخفض.... سامح... هو فيه ايه
سامح /والله انا اللي مفروض أسألك هو فيه ايه مم
عموماً الأستاذ متورط ف قضيه كبيرة أوي مش
هاتخليه يشوف الشارع تاني
نور /بخوف... ايييه انت بتقول مستحيل قضية اي
ومين مورطه.... فيه اي يا" سامح.... ماتفهمني
سامح /بنظرة غضب وبحدة.... فيه ان سيادتك مفروض
رد فعلك غير كده.... انتي اللي فيه ايه يا" نور رر
نور /حست بغلطها حممم عادي يا "سامح" طبيعي
استغرب وخصوصا اني كنا لسه مع بعض ومكلمتنيش
ف حاجة زي دي.....
سامح /هه تمام يا نور... سبيني بقه أشوف شغلي
نور /حمم تمام بس حمم هو اصلة كان تعبان جداً حمم
قصدي هو......... سامح.. ينظر لها نظره ويسبها ويدخل
وياخدو "جاسر" ويخرجون.....بقلم مها عيسى
(استغفر الله العظيم واتوب اليه)
____________________&&&
يسرية /في المستشفى دخلت عند غرفة ممتها ولكن
اتصدمت أول ما بصت ع السرير ملقتش ممتها دموعها
جريت وطلعت تجري وهي بتعيط قبلتها ممرضه
الممرضة /آنسة "يسرية"... مالك
يسرية /ماما..... ماما فين
الممرضة /الحقيقه ممتك تعبت جداً الفجر ونقلناها
غرفة العنايه المركزه..... دا حتى كان قريبك الضابط
هنا وكان حزين جدا عشان ممتك ووصانا عليها
ودفع الحساب كله ولكن بعد ما خرج من عندها
دخل لمدير المستشفى وبعدها انا داخله عند ممتك
لقيت حالتها متأخره جدا روحت بسرعه للدكتور
وكان موجود في المكتب مع قريبك والمدير
وكلهم جريو عليها والدكتور قال لازم تدخل العناية
حالا ومانع الزيارة لسوء الحالة بقلم مها عيسى
يسرية /بدموع.... أول ما سمعتها بتقول قريبك ضابط
قالت... قريبي ولكن موقفتش عنده وكان كل همها
تطمن على ممتها..... المهم ماما عاملة ايه دلوقت
الممرضه /بحزن.... تعالي اخليكي تشوفيها بس عشان
خاطري دقيقتين بس عشان الدكتور
امأت لها براسها بمعنى حاضر،،، وصلو عند غرفة
الرعاية في نفس اللحظه تخرج ممرضة أخرى تقابلهم
الممرضة /سناء... عرفي الدكتور إن الحالة اللي
داخلت هنا اتوفت......
سناء الممرضة...... اتصدمت وبصت ل "يسرية.. بحزن
وبعدين بصت للمرضة.. قصدك الحاجه أم يسرية
اللي تبع سيادة الرائد
الممرضة /اه هي..... ثم بصت على يسرية.... لقتها ف
حالة صدمه ونهر دموع سايل على خدها حست ان دي
بتكون بنتها..... هي دي بنتها... ياحبيبتي البقاء لله
شدي حيلك
يسرية /انتي بتقولي ايه... هااا..... بتقولي ايييييييه
مييين اللي ماااااات...... لااااااأ لااااااأ اا آآآآآآه
ما اااا ماااا.... ماماااااااا ااااه... ااااه وانهارت وهما بيحاولوا
يهدوها وفجأه سقطت ع الأرض مغشي عليها
ونقلوها غرفه ونيموها ع السرير والدكتور كشف عليها
واعطها مهدئ.... واتصل على الرائد "سامح".... زي ما
هو طلب منه
باااااااااااك
الدكتور /للأسف يا فندم الحاله ميؤس منها وكلها ساعات
فقط
سامح /بحزن وهو يفكر في حالة "يسرية" اول ما تعرف
طب يا دكتور ده الكارت بتاعي أي حاجة تحصل تتصل
بيا بسرعه.... أنا عارف ان لو حصل لهآ حاجة هتكون
صدمة شديدة عل بنتها... وهما ملهومش حد فارجوك
اي حاجة تتصل علطول وف اي وقت
________عودة للواقع
سامح /في مكتبه وأمامه "جاسر" بيحقق معاه يأتي له
أتصال وأول ما ينظر للرقم قلبه يدق بخوف وده يظهر
على ملامحه ويشير بيده ليوقف "جاسر" عن الكلام
ويرد..... ايو يا دكتور خير ف حاجة حصلت.........
ايه لا اله الا الله ربنا يرحمها طب بنتها عرفت...... يقوم
من عل مكتبه بفزع اييييه ثم يبلع ريقه ويغمض عينه
ويحاول يهدئ ويدلك بيده مقدمة راسه...... تمام تمام
بص يادكتور أعمل الازم وخليكم جنبها لحد ما ابعت لها
حد وأنا أول ما اخلص شغلي هاكون عندكم علطول
جهز كل حاجة انت بس على ما اوصل............
ثم قفل معاه واتصل علطول ب.. نور
ايو يا "نور"........ بحده..... سيبك من السؤال عن
الأستاذ دلوقت مش وقته خالص..... بصي روحي دلوقتي
حالاً المستشفى عند "يسرية"..... ممتها ماتت وهي جالها
انهيار والدكتور ادلها مهدئ...... خليكي جنبها يا.. نور
وبشخطه مش مهممم عرفت ازاي اخلصييييي روحلها
بسرعه وأنا هاخلص اللي بعمله واحصلك ع المستشفى
قفل معاها ورمى الهاتف ع المكتب وجلس على كرسيه
ووضع رأسه بين يديه مغمض عينيه وحاسس بألم كلما
يتخيل حالة "يسرية"... وحزنها على ممتها،،، وف نفس الوقت
مستغرب نفسه..... أنا ليييه موجوع اوي كده ياااه
للدرجادي يا.. سامح " وصل بيك الحال اااااه
يتنهد ويهدي نفسه ثم ينظر ل" جاسر ".... بضيق فاهو الآن
سبب ف تأخره عن حبيبته فاهو عايز يطير ويطمن عليها
أما بالنسبه ل" جاسر".... أول ما جه الإتصال ل سامح
وراي تعبير وشه ثم اتصل تاني وأول ما سمع اسم.. نور
انتبه له.... معقول نور.. بتاعتي،، ولكن لما لاقاه بيتكلم
معاها بحده استبعد قال وهو هايكلمها بالطريقه دي ليه
وهي ازاي هاتسمح له بكدا،،، وبعدين سمع كلامه عن وفاة
مامت "يسرية "... بحلق عينه... لاااا ماهو مش معقوله
دي صدفه انه اسم نور... وكمان.. يسرية... لا دا أكيد
يقصد "يسرية" سكرتيرتي...... طب هو يعرفهم منين
واي العشم اللي بيتكلم بيه ده مع... نور.... أنا مش فاهم
حاجة....... وأول ما سمعه بيكلمها بشخطه اتخنق منه
وكان هاين عليه يقوم يديله بوكس يجيبه الأرض
هو ازاي يتكلم مع حبيبتي بالطريقه ددي.......
سامح /بحده...... مممم لسه بردو بتنكر إنك متعرفش
حاجه عن اللي لقيناه بالشحنه ده
جاسر /بشرود..... أنت تعرف "نور" منين
سامح /نعمممم ياريت نخلينا ف القضيه أحسن
جاسر /بحده.... ماشي بس انا كمان من حقي أفهم
انت ذكرت اسم "يسرية"... تقصد السكرتيرة بتاعتي
وتعرفها منين واي علاقتك ب.. نور
سامح /ينفخ ويمسح وجه بيده...... اللهم ما طولك يا
روح... ايووو بقصد "يسرية" السكرتيره بتاعتك والدتها
اتوفت النهارده،،، وايو كلمت نور.... عشان تروح تقف
معاها أما علاقتي ب "نور".... بقه فا دي ملكش فيها
نشوف شغلنا بقه
جاسر /ينظر له بشك وقلبه بيدق بتوتر..... وبحده
أنا ف الحقيقه مستغرب هما انتم لقيتو الحاجه اللي
بتقولو عليها دي في مخازني انا ولا ف مخازن.. الريان
ولا انا مخازني مليانه وملقتش مكان اشيل فيه حاجتي
فاقولت اخزنها ف مخازن.. الرياااان........ م الآخر كده
الحاجه دي متخصنيش روحو بقه اسألوا صاحب
المخزن اللي انتم لقيتوها عنده....
سامح /ههه لأ ماهو انا مقلتلكش أن احنا مراقبين المكان
وزرعين كاميرات مراقبة ف المكان ومسكنا رجلتك
وهما بيحاولوا يهربو الكونتينر وكله متسجل صوت
وصورة...... دا غير كمان رجالتك اللي اعرفو عليك بانهم
رجالتك
جاسر /مندهش من اللي بيسمعه..... والله انا مش مسؤل
عن رجالتي يمكن يكونو شاغلين تبع الريان....
هما قالو لسيادتك ان الحاجه دي بتاعتي انا وانا اللي
بعتهم يجبوها.....
سامح /بابتسامه هه... حاجه زي كده
جاسر /بعصبيه.... ياعني ايه حاجة زي كده ياعني
حضرتك بتقبض عليا من باب التخمين اي التهريج ده
لو سمحت وجهني بالرجاله دي ويقولو ف وشي ان انا اللي
طالب منهم يعملو كدا......بقلم مها عيسى
سامح /بخبث مممم ومالو عموماً النيابة هي اللي هاتحقق
معاك وهناك بقه ابقه اتذاكي عليهم براحتك.....
جاسر /هو انا ممكن أسألك سؤال..... لأ بجد انا مستغربك
انت من أول مره شوفتني فيها وانت زي ما يكون بنا
تار..... من قضيه "يسرية"... وانت نظراتك ليا غريبه
وأسلوبك أغرب ههه طب دانا حتى شايف ان صاحبة
القضيه نفسها بقت معرفة لأ وكمان هي وصاحبتها
وكمان قلقان اوي عليها وبتكلم صاحبتها بكل عشم
وتأمرها بأنها تروح لها المستشفى...... أنا مش فاهم
انت بتتعامل معايا انا ليه كده وانا اول مره اشوفك
كانت ف قضية البنت اللي انتم بقيتو أصحاب ههه
سامح /بعصبيه.... أنت كده ذودتها وإن كان على الفهم
أصبر هاتفهم كل حاجة... بس ف وقتها ثم داس
على جرس.... دخل العسكري ادي التحيه
العسكري /تحت امرك يا فندم
سامح /وهو ينظر ل جاسر... باشمأذاذ...... خد المتهم
ع الحجز لحين عرضه على النيابة بكره ان شاء الله
( اللهم صل وسلم على نبينا محمد وعلى آله وصحبه أجمعين).... بقلم مها عيسى
____________________________________
في المستشفي......... كانت "نور" وصلت وبدأت.. يسرية
تفوق... وأول ما فاقت افتكرت إنها خسرت والدتها للأبد
وظلت تصرخ بانهيار و "نور" اخدتها بحضنها وهي
تبكي أيضا على صاحبتها وتحاول تهديها.... وبعد
وقت بدأت تهدي بعض الشئ.... وكان وصل "سامح
المستشفى وعمل كل الإجراءات لخروج الجثه للدفن
وبعد ما انهي الإجراءات راح عند" يسرية "... بعد ما
اتصل على" نور "وطلب منها انها تجهزها وتجهز عشان
هايخرجو حالاً لدفن جثمان والدة يسرية.....
سامح /دخل الغرفه عليهم بعد الاستأذان طبعاً
وبحزن وقلب متقطع على شكل وحال محبوبته
نعم هو الآن يعترف لنفسه أنها بالفعل محبوبته
البقاء لله يا آنسه "يسرية ".... شدي حيلك الأعمار بيد الله
يسرية /بدموع..... ونعمه بالله.... عايزة اشوفها
سامح /آكيد هاتشوفيها بس انا عايزك تجمدي كده
عشان تقدري تقفي على غسلها،،،،، وادعلها هي محتاجه
للدعاء اوي دلوقت...... يلا يا "نور" هاتيها وتعالي ورايا
لا إله إلا الله........
بعد وقت كان خلاص خلص الدفن واخذو العذاء
الجيران وكان "سامح" هو اللي واقف بياخد عذاها
وبعت عربيه بسواق جابت ممته و مامت "نور" واخته
عشان يعذو... يسرية
وبعد انتهاء اليوم والعذاء انفض والكل روح طلع فوق
عند الحريم ووقف ع الباب وخبط عل الباب هو طبعاً
كان مفتوح ولكن للاستأذان بالدخول ولكنه دخل مجرد
خطوتين فقط من الباب لأن بالداخل حريم فقط.. يسرية
و ولدته و اخته و نور و ممتها وإحدى الجيران....
سامح /السلام عليكم...... شدي حيلك يا آنسة يسرية
حمم ف الحقيقه انا كنت بقول ياعني انك مينفعش
تقعدي هنا لوحدك فا ممكن تروحي تقعدي الفتره دي
مع "نور" انتي عارفه انها عايشه بس هي و والدتها
لوحدهم ف الشقه ياعني مفيش رجاله معاهم ياعني
مفيش مانع انك تعيشي معاهم...... هو قصد يفسر
كل ده أمام الجيران الموجودين منعاً من اي كلام ممكن
يتقال......بقلم مها عيسى
منى /بحب.... ياريت يا يسرية.... يابنتي عشان اكون
مطمنه عليكي الله ينور عليك يا سامح.. ياابني هو
ده اللي كنت بفكر فيه
نور /قومي يا "يسرية" نجهز شنطة هدومك عشان
تيجي معانا
يسريه /برفض..... لا انا مش هاسيب شقة ماما
مش هاسيب المكان اللي فيه ذكرياتي معاها 😭
بقيتي ذكرى يا ماما اااااه اااااه 😭😭😭
انهارت بكاء
نور /اخدتها بحضنها وتمسح على حجابها حبيبتي
محدش قال انك هاتسيبي المكان اللي فيه ذكرى ممتك
دا حاجة مؤقته لحد م الفتره دي بس تعدي وتهدي
ماهو ما ينفعش تقعدي لوحدك عشان خاطري يا يسرية
متقلقنيش عليكي وبعدين ماما هاتكون مامتك التانيه
صدقيني وجودك لوحدك هايخليكي متخرجيش من
الحالة دي لكن لما نكون حواليكي هانشغلك شويه
ومتحسيش إنك لواحدك ده هايفرق معاكي كتير
سامح /ده حقيقي،، وزي ما قالت لك "نور"...ده لفتره
بس لحد ما تهدي وبعد كده كل حاجة هاترجع
لطبيعتها تاني......
ومنى... كلمتها.. وكمان "ايه" وممتها والجيران أيضا
وقالو لها أن ده أفضل حل وهناك هايكون أفضل لها
وبعد كلام كتير واقناع....... أخيراً وافقت وقامت هي
و أيه.. و نور... جهزو حاجتها وخدهم" سامح" ومشي
وصلهم عند البيت ووصي "مني " عليها وهي زعلت منه
وقالت له انها مش محتاجة وصية دي بنتها...... وبعدين
ودعوهم ومشيو وهما ف الطريق بقلم مها عيسى
أيه /بزعل.... حبيبتي يا "يسرية"... الله يساعدها ويصبرها
صدمة كبيرة بالنسبه لها انا مش عارفه هي هاتعيش من
غير ممتها ازاي ودموعها نازله... تنظر ل ممتها اللي راكبه
جنبها ف الكنبه الخلفيه.... تضع راسها عل كتف ممتها
وضمها لحضنها... ربنا يخليكي لينا يا ماما انا مستحيل
أتخيل الحياه من غيرك.....
ليلى /ياحبيبتي ويخليكم ليا..... الله يصبرها فعلاً
دي بنت شكلها طيوبه وغلبانه اوي يا حبيبتي
ايه /بخبث..... اه يا ماما فعلاً لأ وكمان شكلها حلو
بصراحه إبنك طلع ذوقه عالي...... وتغمز ممتها ف يدها
سامح..... بيسمعهم واتصدم من كلمة أخته...... اي ده
أنا باين عليا اوي كدا......
لتكمل "ايه" بخبث...... إلا قولي يا أبيه هو حضرتك
تعرفها منين... شفتها مع.. نور.. مثلاً ولا معرفه قديمه
ومش عارفه ليه حاسه... ياعني.... هو أنه مجرد احساس
ياعني..... إن الموضوع أكبر من المعرفه... وتكتم ضحكتها
سامح /بغيظ...... ايه "... ي حبيبتي تحبي تييجي تباتي
معانا النهارده ولا اروحك عند جوزك
ايه /بابتسامة ممم اهرب اهرب... لأ يا قلب أختك
هاروح عند جوزي
ليلى /بابتسامة.... ليه يا بنتي ما تيجي تباتي معاي
النهارده انتي وحشاني
ايه /معلش يا ماما.... وبحرج... اصل" مؤمن ".. مبيعرفش
ينام من غيري
سامح /سبيها على راحتها يا ماما أصل ننوس عين ممته
مبيعرفش ينام غير ما ممته تحكي له حدودة قبل النوم ههه
ايه /مكسوفه ولكن اتغاظت منه...... ماشي يا أبيه
عقبال ما حضرتك تلاقي نصك التاني ومتعرفش تنام
من غيره.... ولون أنا شايفه ان خلاص لقيته ههه
سامح /لأ سلامة الشوف ابقى فصلي نظاره يا ماما
ليلى... ضحكت على عيالها... بقلم مها عيسى
(وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ)
اللهم لك الحمد حتى ترضى....
________________________________
عند "نور" ويسرية
منى /بعد ما دخلو من الباب......... اتفضلي يا "يسرية
يا بنتي البيت بيتك أنا مش عايزاكي تحسي بغربه
انتي هنا مع اختك وممتك ده لو هاتعتبريني ممتك
ياعني
يسرية /وعنيها تلمع بالدموع........ ياه يا طنط وانا أطول
طب دا لولا وجودكم معايا وحوليا انا مش عارفه كنت
هاعمل ايه
منى /طب وهي فيه بنت بتقول ل ممتها يا طنط
(هي قصدت تطلب ده منها عشان متتحرمش من كلمة ماما)
يسرية /بابتسامة حزينه مخلوطه بدموع...... معاكي حق
يا ماما.........
منى /تحضنها يا قلبي ربنا يصبرك ياحبيبتي انا عارفه
إن مفيش حد ممكن يعودك عن ممتك ولكن
الحياة مش هاتقف يابنتي دي سنة الحياة،، واحنا بنوصل بعضنا النهارده موجودين بكره يا عالم...... انتي مؤمنه
يا يسرية..... وعارفه ان ده قضاء ربنا ولازم نرضى
ونقول الحمدالله....... أنا عارفة ان الفراق صعب وانا
اكتر واحده اتكويت بناره،، ولكن نرجع ونقول
إن لله وإن إليه راجعون........بقلم مها عيسى
يسرية /ونعمه بالله... يا ماما انا بس مش متخيلا الحياة
من غيرها لاني هي كانت كل دنيتي وبعدها مليش
حد 😥
نور /تحضن كتفها..... اي الكلام اللي يزعل ده بقه واحنا
روحنا فين إيه بقه عندك أم واخت مش ملييين عنيكي
ولا اييه.... عموماً انا مش هاحسبك على كلامك ده
دلوقت عشان ظروفك لكن ليا معاكي كلام تاني.....
ودلوقتي بقه تعالي خدي شاور وفوقي كدا وتعالي
عشان ننام عشان احنا فصلييين
منى /يلآ يا قلبي مع أختك ومتنسوش تصلو قبل ما
تنامو وكثرو بالدعاء ليها النهاردة أول يوم لها ف القبر
ودي حياة تانيه وهي دلوقت ف أمس احتياجها
للدعاء........ يلآ ياحبايبي وأنا هاوهب الورد بتاعي النهارده
على روحها ربنا يجعله رحمه ونور عليها.....
تصبحو على خير يا حبايبي...
وبعد أن صلو البنات ودعو كتير لوالدة "يسرية
وسط دموعهم طبعا...... نامو و" نور "لما لقيت
يسرية"... عماله تتقلب ع السرير ومش عارفه تنام
حبة تشغل تفكرها بحاجة تانيه غير فراق والدتها
نور /انا مش عارفه انام يا "يسرية"
يسرية /بحرج....... ليه يا حبيبتي انا مديقاكي ف النوم
أنا أسفه يا نور.... شركتك سريرك انا ممكن انام ع الارض
عادي انا متعوده على كدا
نور /تغمض عنيها.... يادي النيله.... ايه يابنتي الحساسيه
الذايده دي.... لااااااأ يا ستي مش مديقاني.....
وبتنهيدة...... أنا بس قلقانه على مستر "جاسر
يسرية /بانتباه...... ايه مالو مستر.. جاسر
نور /مستر" جاسر ".... اتقبض عليه يا" يسرية
يسرية /بخضه..... اييييه انتي بتقولي ايه ازاي وليه
ونور........ قصت لها كل ما حدث.....تحت تعجب.. يسرية
وبالفعل نجحت.. نور... ف تشتت تفكير.. يسرية
وانشغلت بقضية "جاسر........ لحد ما راحو ف النوم
(اللهم صل وسلم على نبينا محمد وعلى آله وصحبه أجمعين)
_________________________بقلم مها عيسى 🌹
أميرة /أول ما عرفت باللي حصل ل "جاسر".... ظهرت
وكانت هاتتجنن عشانه ومش مصدقه وراحت اتكلمت
مع المحامي وعرفت منه كل ملامسات القضيه وعرفت
إن موقف "جاسر".. ضعيف وخصوصاً بعد اعتراف الرجاله
وأنهم لسه منتظرين عرض النيابه اللي اتأجل ليومين
كمان......... وطلبت منه يجيب لها إذن بالزيارة له
وتاني يوم راحت بالفعل عند "جاسر".......
سامح /ف مكتبه الباب يخبط..... أدخل
العسكري /تمام يا فندم...... فيه آنسة برا بتقول انها
اخت "جاسر" باشا وعايز تدخل لحضرتك
سامح /بتقول مييين...... خليها تدخل بسرعه...
طبعاً هو عارف انه ملوش اخوات وان دي اكيد "أميرة
بنت خاله وانه اخيرا هايطمن مرات خاله عليها فاهو
كان عل علم بكل شيء حدث بنهم وان اد ايه.. منى"
كانت قلقانه عليها.......
أميرة /تدخل بكل هيبه وتعالي....... السلام عليكم!!!