رواية عشق القاسي
الفصل الحادي عشر
والثاني عشر
بقلم صابرين علاء
امير كان بيسوق بسرعه جنون ازهار بقت تقوله امير....امير اقف احنا ممكن كدا نعمل حادث اقف ارجوك
امير مسمعش كلام ازهار وفضل يسوق بسرعه زي ماهو ازهار قالتله امير حاسب حاساااااااب
كانت في شاحنه كبيره جايه
عليهم امير ميل بسرعه وقدر يعديها ازهار قالتله يا اخي حرام عليك خفف السرعه شويه كنا هنموت
البيدج الاصليه الكاتبة صابرين علاء..
امير قالها مالكيش دعوه انا حر اموت اعيش انا حر......
ازهار قالتىه لا مش حر واءا كنت عايز تموت سبني هنا وروح موت مع نفسك هو انت شايفني من كتر حبي فيك عايزه اموت معاك يعني
امير قالها لا يا ازهار انا لو هموت هتموتي معايا علشان انتي مش ملك نفسي وطول ما انتي علي اسمي تبقي انتي ملكي مفهوم
امير وهو ماشي لقي شجره واقعه ف الطريق
امير قالها اهي شجره وقعت ف طريقنا من كتر نبرك وقرك ووشك الفقر
وشال الحزام من عليه ونزل علشان يزيح الشجره وطبعا هجمو عليه كام واحد ملتمين ومسلحين
ازهار شهقت وقالت يالهوي هو دلوقتي ساعه اجابه ولا ايه طب يارب والنبي يارب زي ما جبتهم مشيهم مشيهم يارب والنبي انا لسه عندي احلام وحاجات لسه معملتهاش
لفت واحد منهم بيقولها انزلي ياقطه
ازهار قالتله قطه ف عينك شايفني بنونو
حط السلاح علي راسها وقالها انتي هاتنزلي ولا لا قالتله انا نزلت والله اهو بس حضرتك اللي طويل علشان كدا فاكرني لسه جوا هو انت من من افرقيا
الراجل قالها لا
قالتىه تبقي من السودان اه هما عصبين كدا بردو
قالها انتي هاتمشي قدامي ولا اقتلك
ازهار قالتله ياعم انت كل شويه هاقتلك هاقتلك طب خوفني شويه حتي هو انت جاي من برنامج احمد يونس
امير قالها ازهار احنا مخطوفين بتقولي ايه الله يخربيتك
ازهار قالتله امير الحقني انا بتخطف
امير قالها يعني هو انا اللي باكل جاتو قدامك ما انا كمان مخطوف
ازهار كانت ماشيه جمبه وقعدت تقوله طب انت طول بعرض زيهم اعمل زي بتوع المسلسلات واضربهم كدا
الراجل اللي ماسكها قالها ماتسكتي بقا انتي هاتمشي ولا
ازهار قالتله يوووووه انت راجل بؤق علي فكرا كل شويه تقولي هاقتلك ومبتقتلش
امير جذ علي سنانه وقالها عالفكرا الناس دول مبيهزروش ولو استفزتيه ممكن يقتلك بجد
ازهار فكت اديها من الراجل وقالت لا يقتل مين
دا انا معايا وحش داانا جوزي يخلص عليكو كلكو
قعدو يبصو عليها كلهم وامير قالها هههه هه عالفكرا انا مش جوزها دي واحده مجنونه ياجماعه
الراجل لسه هايقرب من ازهار علشان يمسكها تاني راح امير ضربه ف وشه ب جزمته وملص ايده من الراجل التاني وقال بعلو صوته ازهار اجري بسرعه
ازهار جريت وقعد يقولها ازهار متبصيش وراكي مهما حصل......
امير مره واحده مسك ازهار وحضنها وراح مشقلبها وبقت رجلها فوق ورايها تحت عند رجليه
ازهار قالت هاااااااا انت بتعمل ايه ياقليل الادب
شال الجزمه من رجلها وخلع الكعب ورماه عليهم
ف لحظه الكعب انفجر وطلعت قنبله
ازهار بحلقت علي اللي حصل وقالت هاااااااااا
كعب الجزمه طلع قنبله وياتري الفستان دا محشي ايه من جواه وانا بقول مال وزني زاد كدة
امير قالها لو بطلتي جنان يلا علشان مايمسكوناش تاني
ازهار مسكت ف ايده وقعدت تجري وراه امير
حضنها مره تانيه وقطع بطانه الفستان المنفوشه وطلع منها طلقات رصاص
ازهار بحلقت وقالت لا دا انت واخدني معاك زخيره....... لا كدا كتييير كتيير اوي بقا
وبعدين قالت طب ملاقيش ف الفستان دا شويه قراقيش
امير بصلها ورفع ايده وكان هايضربها
ازهار رفعت حاجبها وقالت خلاص ماعصبش نفسك فهمت يبقي مافيش
سابها ومشي وهي فضلت ماشيه وراه
امير وازهار فضلو ماشين سوا مع بعض ف حته مقطوعه من غير اكل ولا ميه وهما ماشيين
ازهار قالتله استني ياعم انت ماشي بسرعه كدا ليه هم بيوزعو لحمه من الجهه دي ولا ايه
امير قالها بعصبيه لا بس لو ماعدناش من المنطقه دي دلوقتي هايقطعونا ف اكياس ويوزعونا
ازهار سألته مين دول يا امير
امير قالها مالكيش دعوه
ازهار قالتله لا ليا وليا كتير كمان انا جزمتي ضاعت وفستاني اتقطع بسببهم والراجل الطويل دا كان عايز يقتلني
امير وقف وبصلها بصدمه جذمتك وفستانك هو دا كل اللي فارق معاكي.
ازهار قالتله لا..... انا عايزه اعرف مين دول وعايزين مننا ايه الناس دي
امير قالها مالكيش دعوه وامشي وانتي ساكته مفهوم
ازهار فجأه رجليها اتلوت وقالت ااااه
امير اتلهف عليها وقالها مالك قالتله ف الزمالك
ايه قالها انتي بتستعبطي يا ازهار
ازهار قالتله يعني انت شايفني قولت اه ووقعت علي الارض اكيد يعني مش، بصطاد سمك
امير بصلها بعصبيه تاني
ازهار غيرت الموضوع وقالت اه ااه يارجلي
امير مره واحده شالها من غير حتي ماتاخد بالها ف ثانيه كان شايلها وف حضنه وبين ايديه
مشيو شويه وفجأه لقو زي قهوه بلدي كدا وفي حولي ناس كتير واقفه
ازهار قالت لامير امير انا عايزه اااااااا
امير قالها عايزه ايه
ازهار قالتله اعمل بي بي
امير قالها هو انا جايب بنت اختي
وبعدين بص حواليه وعينه لمحت حمام نزلها بالراحه وقالها روحي اهو هناك اهو
ازهار قالتله ماشي استناني هنا ومتتحركش
ازهار مشيت وامير قرب من اللمه اللي كانت موجوده لقا واحد طول بعرض شبه التران
وعمال يقول هااا انا صخر مين تاني يقدر يتحداني هاتولي راجل يقدر عليا ويضربني يلا بسرعه
واحد تاني قال اللي هيتحداه المرادي هياخد
5000 ج مكفأه يلا مين هيقدر
امير اتعصب منه ومن شكله ومن وقال ف نفسه ازهار جعانه وقطاع الطريق خدو كل حاحه مني وسرقو كمان العربيه ولسه الطريق طويل
وقرر انه يضربه وياخد الفلوس وهو مش ضامن المكسب
امير دخل بشجاعه جوا الحلبه وقال انا هاتحدي صخر
الناس كلها بصت بذهول اي دا معقوله دا عايقدر علي صخر دا اكيد هايخسر انا هاراهن علي صخر
وواحد كان ماسك صفاره ف ايده وبدأ يصفر
ازهار وهي ف الحمام عماله تغني وتقول ياحلاوتك ياجمالك خليت للحلوين ايه.....
لا بس الواد امير دا طلع مز واسد شلني ف ثانيه ولا كأني فرخه
ف نفس الوقت كان امير عمال يضرب ويصرخ من الوجع
ازهار بتقول دا عنده حته حته ترباس ف قفاه
كان كان هاين عليا اركبله شنكل ههههههه
ولا محابيسو ياسيدي علي دي محابيس دا ذا روك لو شافه هاينتحر ف المحيط
ف نفس اللحظه كان امير عمال يضرب ف ترابيسه ومحابيسه
ازهار كملت جوا وقعدت تقول وعليه عضلات صدر ياوعدي........تنفع ف القناطر يشيل بيها قنطره قنطره
امير قال وهو بيضرب هو في ايه في حد بيقر عليا ولا ايه
ولسه هاتقول علي عضلات رجله فجأه حد خبط عليها حد جوا
ازهار قالت كفايه كدا بقي اما اروح اشوفه شكلي اتأخرت عليه
ولما خرجت لقت امير قاعد علي حجر وحاشر قطن ف بؤه وبيضحك وبيقولها اتأخرتي كدا ليه ياحببتي بقلمي صابرين علاء.
ازهار قالت هاااااااا اي دا ايه اللي عمل فيك كدا
لاااااا فين الترابيس،،،، فين المحابيس
امير قاىها بقي معايا فلوس خلينا نروح ناكل
ازهار قالتله فلوس ايه دا انت متشلفط خالص
وفجأه قعدو هما الاتنين يضحكو ومش عارفين بيضحكو علي ايه اصلا
امير وازهار مشيو من مكانهم وقعدو يت عكزو علي بعض لحد مابقو ف مكان زي مسمط
امير قاله جرسون من فضلك ممكن المنيو
الراجل بحلق وقاله هااااا
ازهار اتكلمت وقالت اااااااعندك ايه ياشبح
الراحل قال بالصلاه عاالنبي كدا في عندنا سمين وكبده وفشه وممبار
ازهار قالتله حلو اعملي طبقين سمين مشكا بقا وظبطهم
ومتنساش السلطات علشان جوزي بيحبها
وبصت لامير وقالتله ياعم انت فاكر نفسك ف ااحسن والحسين
دانت كويس انك لاقيت الاكل دا هنا
وبدأو يكلو ولما خلصو كملو الطريق تاني وهم ماشيين امير قال ازهار...... بتحلمي بإيه
ازهار قالتله وايه اللي خلاك تسألني سؤال زي دا
امير قالها عايز اسمعك
ازهار قالتله مالهوش لزوم يا امير بيه طالما كدا كدا سكتنا مش واحد وطريقنا هاينتهي قريب
امير اتكسف وقالها عندك حق
اما في قصر الفرماوي كان احمد عمال يتقلب ف سريره يمين وشمال وعرقان وحاسس بخنقه كبيره ف صدره وقام مره واحده عالسرير وقعد يبكي ويقول انا ايه اللي كنت فيه دا
انا ليه كنت كدا....... انا كنت انسان مقرف اوي
وظلمت بنات كتيير معايا وزعلت ناس كتير مني
وازهار ازهار اكتر بنت جيت عليها وجرحتها اعتديت عليها وهي لسه قاصر بنت بضفاير زنبها ايه تتعرض للإهانه دي مني للدرجادي انا انسان عنيف ومؤذي للدرجادي كنت انسان زباله
وقعد يبكي ويندم علي كل اللي عمله ويعيد شريط زكريات حياته ويكتشف حقارته وندالته
ويقررر انه يتووووب ويكون انسان جديد
ويقول ف نفسه انا لازم اعتذر لازهار واخليها تسامحني علي كل اللي عملته فيها
بس هي ياتري هتسامحني ولا لا
♕♕♕♕♕♕♕♕♕♕♕♡♡♡♡♡♕♕♡
امير وازهار فضلو يمشو ف المكان المقكوع دا وفجأه سمعو اتنين عمالين يضحكو ويهزرو
ازهار قالتله اي دا في ناس بتتكلم وعماله تضحك
امير قلها كب واحنا مالنا يلا نمشي
وبعدين لمحت من بعيد هدوم علي الارض
ازهار قالتله الحق يا امير انا لقيت حاجه استني
امير قالها اي دا انتي رايحه فين خدي هاتودينا ف داهيه الله يخربيتك
ازها اتسحبت وراحت خدت الهدوم بتاعت الناي وجريت بسرعه علي امير وقالتله تعال بسرعه نهرب
قالها نهرب بإيه بقا انا امير الفرماوي ابن عيله الفرماوي باشا البس لبس الفلاحين دا
ازهار بصت علي اللبس وقالتله مالو ياخويه مش عاجبك البسه انا بلاش انت،،، مش احسن من اللبس المقطع دا دا انت كدا بمنظرك دا شبه عيله الشحات عارفها
امير قالها طيب هاتي بس من هالبسه بس من غير ماتتريقي عليا انتي فاهمه
ازهار قالتله فاهمه بس يلا دور وشك
امير قالها ليه
ازهار قالتله يوه علشان اغير هدومي انت شكلك خلبوص كبير
امير لف وشه عنها وهم الاتنين لبسو هدوم فلاحين ولفو لبعض
امير كان شبه العمد وازهار كانت شبه بنات الصعيد
امير قالها اي دا يا ازهار شكلك زي خالتي بومبه
ههههههه
ازهار قالتله متضحكش اوي كدا هي اسمها بمبه مش بومبه ههههههه
تابعوني علي صفحتي الشخصيه الكاتبه صابرين علاء.
امير انا سامعه صوت حد جاي علينا ياختااااااي
اوعي يكونو الناس اللي سرقنا منهم الهدوووم
امير مسك ايديها وقالها اجري يا ازهار
وقعدو يجرو هم الاتنين ويضحكو
وفضلو يمشو لحد ما وصلو للطريق وشافو شاحنه جايه من بعيد وقفوها وخلوها تاخدهم
لحد القاهره
وكانت الشاحنه فيها بهايم قعدو الاتنين جمب بعض مع البهايم والطيور اللي موجودهفي الشاحنه
في قصر الفرماوي كانت ؤفريده بتقول ل مروه
يابنتي اسمعي الكلام بقى متبقيش قفل كدت
مروه قالت اسمع الكلام ازاي بس يا ماما فريده الفستان دا شفاف وعريان اوي ازاي بس هايزاني اروح اقدمله القهوه بالمنظر دا..... دا ممكن يفهمني غلط ويفكرن ان بعرض نفسي عليه مثلا
فريده قالت لها انا مش عارفه انتي مالو مخك مقفل كدا يابت افهمي هو قالي ان جاي من امريكا بيدور علي عروسه وانتي اول واحده جت ف بالي يا بت افهمي مرتضى رتجل غني جدا اخويه الله يرحمه كان عنده عذب واطيان ومزارع قد كدا دا غير الفلوس ماتكلهاش النار
وكل العز دا عايزاه لواحده بس واللي هي انتي ياعبيطه انتي بنتي وهو ابني وانا لازم اعوز مصلحتكم
مروه قالت ايوه بس الفلوس مش كل حاحه اهم حاجه هي الحب ااحب ياماما فريده
فريده قالت والفلوس هي اللي بتجيب الحب لازم الفلوس تبفي زر الرمل تحت رجلك يجبلك كل حاجه وتعيشي عيشه ملوك
كل البنات دلوقتي بتجري ورا الفلوس انني مش بتشوفيهم ف المسلسلات التركي البطله ديما بتروح تشتغل عند رجل الاعمال الملياردير صاحب الشركه ف الاول تقعد تغريه بالبس الديق والماكياج وبعدين تبدأ ترمي نفسها عليه ولما هو يحبها وميقدرش يستغني عنها تبدأ تتقل عليه وتعمل نفسها مش عايزاه وهو يروح يخطبها زي الجردل
مروه قالت جردل
طب وهو انا مطلوب مني ايه دلوقتي
فريده قالت مطلوب انك تروحي وتقدميله القهوه وتتدلعي عليه وتقعدي معاه وتغريه
ولو مسك ايدك او قرب عليكي سيبيه سيبيه يمسكها يافوزيه
مروه قالت ياخبر ياماما انا هاعمل دا كله
فريده زقتها يلا بس يلا اهو قاعد لوحده ف الجنينه هناك اهو يلا
وفريده زقتها ومروه بدأت تعمل زي ماقالتلها بالظبط
ومروه اول مادخلت مرتضي شافها واتفرج علي جسمها وجمالها قام وقابلها
مروه اتلبكت جدا لما مرتضي قرب منها
وبدأ وشها يحمر
مرتضي قال ياخبر ليه تعبتي نفسك وجبتي القوه لحد هنا كنتي نديتي عليا وانا كنت جيت فورا
البيدج الاصليه الكاتبة صابرين علاء.
مروه وهي ماسكه القهوه وهي متوتره هوب وقعت ف الارض والفنجان اتكسر
مروه قالت ااااا انا اسفه اسفه اوي
انا هاروح اجيب غيرها
مرتضي مسك ايديها ولقاها بتترعش اوي وكأن في كهربا مسكت فيها
مرتضي قال بضحك يابت اثبتي في ايه مالك
مروه قالت م مافيش يامرتضي انا تمام
مرتضي قال اممممم تمام ماهو واضح
وبعدين قرب منها وايده لمست خدها وبقا يقولها برقه
ممكن تهدي وتبطلي توتر...... انا بقالي كتير ماشوفتكيش..... انتي طلعتي جميله جدا يا مروه
تعرفي انا لو اقدر اخطفك هاعملها
عارفه ليه علشان محدش يشوفك غيري وتبقي ملكي انا وبس
مروه اتوترت اكتر واكتر وقلبها بقي يدق بسرعه اوي..... قد ايه كلام مرتضي حلو وناعم وقد ايه مروه رقيقه وقلبها ضعيف قدام الكلام الحلو المعسول
مروه غمضت عنيها وسرحت مع مرتضي وكانها ف حلم جميل
وفجأه مروه بعدت عن مرتضي وخافت اوي ووشها جاب الوان
روايه عشق القاسي
ال12
مرتضي ومروه كانو مندمجين اوي مع بعض وفجأه مروه بعدت عن مرتضي وخافت اوي ووشها جاب الوان وقالت احمد
احمد قالها انتي لابسه كدا ليه حسابي معاكي بعدين خشي جوا دلوقتي
مرتضي مسك ايد مروه قال انت اهبل ولا ايه يا احمد انت ازاي بتكلمها كدا وليه شايفني واحد غريب عنها عالفكرا اذا كنت انت ابن عمها ف انا ابن خالك
احمد قاله ابن خالي تحترم بيتي وتتعامل علي اساس انك ضيف وهاتمشي مش تقرب منها بالشكل دا
مرتضي قاله انا معملتش حاجه غلط ولو شايف اني ضيف ف انا همشي فورا
فريده اتدخلت ف اللحظه دي وقالت ايه في مالكم ياولاد صوتكم جاي لحد جوا
احمد قالها تعالي ياماما شوفي ابن اخوكي الراجل المتعلم اللي جاي من امريكا الظاهر ان العيشه هناك نسته الاصول والاحترام اللي اتعلمه في مصر زمان بس الحق مش عليه الحق علي الهانم
الهانم اللي واقفه ولابسه لبس فاصح وكانها ف كباريه
مروه بدأت تعيط وزعلت جدا من كلام احمد
وفريده حضنتها و قالت لا ملكش حق تقول كدا علي بنت عمك ومرتضي مش غريب يا ابني علشان تعمل كدا
مرتضي قال ف نفسه دي فرصه كويسه اوي علشان اقدر انفذ خطتي وافضل قاعد ف البيت دا
مرتضي قال عمتي انا فعلا غلطت اني اتكلمت مع مروه وقولتلها علي مشاعري،،،، بس دا لان
في خير جوايا
عمتي انا طالب ايد مروه واتمني انها توافق
احمد وفريده اتفاجؤ جدا من طلب مرتضي ومروه اتكسفت اكتر ومشيت دخلت لجوا
احمد قاله طب ماتقول كدا من الاول ليه اللف والدوران دا بس
مرتضي ضحك وقاله ماهو انت لو تصبر عليا يا جدع
امير وازهار دخلو عليهم ف اللحظه دي وكانو لابسين لبس غريب
احمد قال اي دا بقا تطلعو من عندنا بالبدله والفستان وترجعو بلبس صعايده انتو كان عندكو فرح بلدي ولا ايه
فريده ضحكت ههههههه بس انتو كنتو فيم من امبارح ياولاد انا كنت خايفة عليكم اوي
امير قال مالكوش دعوه احمد روح بلغ بكرا عن العربيه ماشي
انتو مالكو واقفين كدا ليه
فريده قالت مافيش كنا بنشم هوا
امير بص علي مرتضي لقا عينه طالعه نازله علي ازهار مراته
امير حط ايده علي وسط. ازهار وقال يلا ياحببتي نكمل كلامنا جوا
مرتضي اتضايق اوي وكان عايز يضرب امير انه لمس ازهار
امير وازهار دخلو الاوضه بتاعتهم ازهار واول مادخلو امير زقها وقالها تغيري القرف اللي انتي لابساه دا وتلبس محتشم انتي فاهمه
ازهار قالتله اي يابني دا انت بتتحول ولا ايه ما انت كنت كويس
امير قرب منها وقالها اعملي حسابك من هنا ورايح احنا قدام الناس حاجه وهنا حاجه تانيه خااص فهمتي
قدام النااس هاتكون حبيبه بيدوبو ف بعض لكن هنا هانبقي كل واحد لواحده ف حياته فهمتي وبلاش حركات البنات دي خليكي عادي
ازهار قالتله يعني احنا قدام الناس هنبقى بنحب بعض ونخش الاوضه دي نتوب
حاجه حلوه خالص دا انا هاشوف منك العجب
امير قالها بتقولي ايه
ازهار قالت لا ياخويه بقول الله يقويك
ولما مشي امير ازهار جابت الاجنده بتاعتها
وقعدت تفكر ازاي تضايقه وتعمل فيه زي مابيعمل فيها
قالت دلوقتى امير عايزني ابقي محتشمه طيب
١- الحشمه يا امير بيه
انا هاوريك يا امير لازم اكسرلك غرورك دا
خلص امير الشاور بتاعه وطلع وهو حاطط الفوطه علي عنيه واول ماشالها
خاف ورجع لورا وقال اي دا
لقا ازهار لابسه نقاب وماسكه سبحه وداست علي راديو جمبها راح واحد زعق وقال القبر وعءاب القبر اللي بيظلم بيتعذب ف القبر واللي بيضرب حد بتعذب ف القبر ياويلك من منكر ونكير
امير قالها انتي مين؟؟
ازهار شالت النقاب وقالت انا ازهار يا امير بيه
امير قالها ومين اللي بيتكلم دا وايه اللي جابه اوضتي
ازهار قالتله انا قررت اسمع كلامك ولاقيت عندك حق الصراحه
امير جز علي سنانه بقولك ايه اطلعي انتي والراجل دا برا وحسك عينك تشغليه ف الاوضه تاني انتي فاهمه
ازهار مسكت الراديو وقربت منه وشغلت مره واحده وقال القبررررر
امير اتنفض ولسه هايضربها ازهار جريت و راحت البلاكونه بسرعه
♕♕♕♕♕♕♕♕♕♕♕♕♕♕♕♕♕♕♕♕
في مكان تاني كان هاني قاعد مع بنت وبيقولعا
انا عايز ظهورك ف حيات امير يكون صدمه للكل زي ماهو صدمه بالنسبالي كدا
بقلمي صابرين علاء.
قالتله طب وايه الفايده من ظهوري ف حياه امير من تاني
هاني قالها اكيد هاتستفادي كتيير انا هربتي بمزاجك وما استفاديش حاجه المرادي بقا
هاتاخدي كتير خصوصا لو نفذتي الخطه زي ما احنا متفقين
قالتله بس الولد دا مش ابن امير افرض عمل تحليل dna وعرف ان الولد مش ابنه ساعتها ايه اللي ممكن يحصل ياخبر دا ممكن يقتلني
هاني قالها متقلقيش من الحته دي امير مستحيل يشك فيكي ولو شك انا هاتصرف وهازور نتيجه التحاليل
بس اللي اسمها ازهار دي لازم تطلع من بيت امير فورا
♕♕♕♕♕♕♕♕♕♕♕♕♕♕♕♕♕♕♕
جه الصبح بسرعه علي بيت امير
امير صحي من النوم كعادته بنشاط وهمه وفجأه لقي ازهار لابسه جلابيه نانسي عجرم
وعماله فطار وبتقوله قوم اصحي وكل ياحبيبي
امير استغرب وقالها حبيبي
ازهار انتي كويسه
ازهار قالتله اه ياحبيبي انا كويسه جدا يلا قوم افطر
امير قالها ازهار انتي عارفه اني بكره الاهتمام صح
ازهار قالتله حد يكره الاهتمام ياحبيبي
امير زعق اكتر وقالها متقوليش ياحبيبي
واول ماحط رجله علي الارض لقي ميه سخنه
امير قال اي دا ايه اللي جاب الميه دي هنا
ازهار قالتله ايه ياحبيبي ميه سخنه علشان تحس بإنتعاش عالصبح
امير قالها ايه دا ايه المعامله دي انا طلبت منك كدا..... انتي بتتصرفي من دماغد
ازهار بدات تعيط وتقول ف بالها اما طلعت عينك مابقاش انا ازهار
امير قالها ازهار بلاش دلع البنات دا انا مبحبش كدا وانتي عارفه الكلام دا كويس صح
ازهار قالتله انت جوزي وحبيبي وانا عايزه اهتم بيك
امير قالها وانا قولتلك الاهتمام دا يكون قدام العيله بس
الباب خبط وامير قال مين
فريده ردت عليه انا ياحبيبي تعال علشان عاوزاك ف مكتب عمك يوسف
امير قالها جاي حاضر
فريده سبقته عند يوسف واول مادخلت قالت
والله كويس انك ادتلنا من وقتك تناقش فيه امور العيله
يوسف قالها وانا مالي بأمور العيله ما اهو انتي اللي ف ايدك كل حاجه زي ماكنتي بتتمنيىمن زمان
فريده اتعصبت وقالت ليه وهي نوال الله يرحمها
مكنتش ماسكه البيت دا زيي بالظبط
يوسف قالها وكنتي ديما علي خلاف معاها واهي ماتت وستبتلك الجمل بما حمل
الا قوليلي يا فريده كنتي بتحسي بإيه وهي معايا مكنتيش بتغيري
فريده قالت بغير طبعا مش كفايه انها سرقتك مني وبناتك خدو كل الحب وولادي لأ
امير دخل لقي يوسف بيتكلم مع امه ولاحظ تغيير وشهم هم الاتنين
امير قال في ايه انتو كنتو بتتخانقو ولا ايه
فريده خافت لايكون سمعها ووشها جاب ميت لون
امير قال يااااه هو الموضوع خطير للدرجادي
فريده افتكرت الموضوع اللي جمعتهم علشانه
وقالتلهم بصو بقا مروه جايلها عريس
امير قال مين دا
فريده قالت مرتضي ابن اخويا
امير قال هو لسه جاي امبارح وعايز يخطب مروه النهارده...... كلامك مش منطقي يا امي
يوسف قالها بس منطقي بالنسبالي يا امير مافيش مشكله حددي معاد الخطوبه وجهزي التحضيرات
امير قاله كدا بسرعه مرتضي بقاله كتير ف امريكا منعرفش اخلاقه وطباعه عامله ازاي
يوسف قال بس مش غريب يا امير هو راحل غني ومتعلم وشغله كويس فريده اتولي الموضوع انتي واعملي اللازم،،،،، ويالا اطلعي دلوقتي علشان عايز اتكلم مع امير
فريده خرجت وهي فرحانه ان يوسف وافق
امير قال خير ياعمي في حاجه
يوسف بدا يتكلم مع امير وقاله بخوف رجعو يهددوني تاني يا امير وانا مش عارف اعمل ايه
امير قاله بعصبيه والله انت اللي ورطت نفسك ف الموضوع دا من الاول وانا قولتلك خالينا ف شغلنا وتجارتنا بس انت اللي طمعت
اسمع ياعمي انا ماليش دعوة بالموضوع دا
امير خرج من الاوضه ورزع الباب وراه وراح شركته عالطول
قال للسكرتيره جهزيلي الملفات اللي عايزه تتمضي
السكرتيره قالتله مافيش ملفات يافندم في اجتماع مهم النهارده مع صفقه نيوزلاندا
ماتنسوش تدخلو الصفحه وتعملو فولو
امير قالها تمام وهم جم ولا لسه
السكرتيره قالت موجودين ف قاعه الاجتماعات يافندم
امير راح علي قاعه الاجتماعات وكانت المفجأه
ازهار قلبت قاعه الاجتماعات مائده رحمن
والاجانب بقو عمالين ياكلو ويقولو نيس فووود
ومبسوطين عالاخر
امير قال اي دة
جه الموظف وكان مبسوط قاله ازهار مرات سيادتك جابتلنا اكل حلو جدا نيس فووود
مكرونه بشاميل وورق عنب وكرنب ورقاق
امير قرب منها وكان نفسه يضربها وجز علي سنانه
وقالها انت ايه اللي انتي عملاه دا دا انتي نهارك مش معدي دا انا هاطين عيشتك
ازهار قالت حاسب لتفرقع ياباشا من كتر الغيظ
الناس جايين عندك من اخر الدنيا يا اخي غديهم
وريهم كرمك بدال مايقولو عليك بخيل
بالمناسبه الاكل فيه ملين حلو اوي جهز سيارات الاسعاف من دلوقتي ههههههههه
قالتها وجريت وامير اول ماسمع كدا بقى هيتجنن ويقول يابنت الذينه هاتوقعي الصفقه
واعد امير يتصل بالاسعاف ويجهز ادويه وفضل يلف حولين نفسه ف الشركه علشان يقدر ينقذ العملا ويلحق الموقف
وبعدين راح علي قاعه الاجتماعات وبدأ يبص للعملا بزعل
عميل قاله الاكل كان جميل جدا ياسيد امير بس يااريت نبدا ف الشغل بقي
امير ابتسم وقال اوك نبدا وربنا يستر
وقعد امير يشرح للعملا عن الشغل وكل شويه يبص علي العملا ويلاقيهم كويسين جدا ومركزين معاه لحد ماعدي. اليوم عادي جدا
وامير كان مستغرب وعرف ان ازهار كانت بتضحك عليه علشان توتره وقال ف باله طيب يا ازهار انا هاوريكي
وخلص اليوم وامير رجع البيت مره تانيه
وبالرغم من انه كان متضايق جدا بسبب حركه الصبح الا انه كان مشتاقلها جدا ووحشاه ونفسه يشوفها
ف نفس الوقت كان احمد بيتكلم مع ازهار وبيترجاها تسامحه
ازهار قالت انت ايه اللي جابك هنا اطلع بره
احمد قالها خايفة مني يا ازهار،،،، لسه بتخافي مني
ازهار قالتله انت شطان يا احمد ولازم الناس كلها تخاف منك مش انا بس احمد قالها بندم سامحيني يا أزهار انا عارف اني غلطت ف حقك كتييييير
ازهار قالتله انا مستحيل اسامحك واكيد هايجي اليوم اللي هانتقم فيه منك انا مش ضعيفه ومش هسكت عن حقي انت وحرمتني من فرحه اي بنت ليله دخلتها ف حضن حبيبها
احمد مره واحده حضنها،،،،، حضنها جامد بس كان هدفه نبيل كل الحكايه انه زعلان اوي من نفسه انه عمل كدا
وقالها ارجوكي سامحيني انا مش عارف انام الليل
ارجوكي يا ازهار انا ضميري صحي وصدقيني حاسس بظلمي ليكي ارجوكي وحاسس بيكي وبوجعك ابوس ايديكي سامحيني
كان واقف امير من بعيد وشايفهم لحظه الحضن بس مسمعش قالو ايه امير اكتفى بالمنظر ومشي
ازهار زقته بعيد عنها وقالتله انت واحد حقير انا اشفقت علي الدنيا كلها عمري ماهشفق عليك انا مبسوطه اوي اني شايفاك كدا مبسوطه انك بتتعذب دوق دوق من اللي عملته ف بنات الناس دوق شويه من الوجع اللي شفته من حرماني من اهلي وحرماني من تعليمي انا مش فاهمه واحد زيك اصلا عايش ليه اصلا
احمد قالها وهو انا كدا اصلا عايش يا ازهار انا زيي زي الميت انا جسد وخلاص
ازهار قالتله اطلع برا يا احمد انا بكرهك وعمري ماهسامحك حسبي الله ونعم الوكيل
امير خد عربيته ومشي بجنون وهو عمال يسوق افكار وخيالات كتير عماله تيجي ف دماغه
ومش قادر ينسي مشهد الحضن ابدا
قعد يقول كلكم كدا كلكم خاينين كلكم صنف واحد انا اليى غلطان اني فكرت افتح قلبي لواحده زيك،،،،، انتي زيك زي قمر،،،،،،،،،
كان لازم اكون فاهم كدا من البدايه اصلا،،، انا غلطان اني صبرت عليكي وادتلك مكان ف قلبي
ولقى نفسه رايح علي بار من البارات ودخل جوا
وقعد علي الكرسي اللي جنب الخمره وفضل يقول للجرسون صب
الجرسون يصب
وكل شويه يشرب،،،،،، وكل شويه يخلص ازازه
ويحيب غيرها
كان في بنتين شايفينه من بعيد
الاولي قالت اوعي شوفي الواد المز اللي هناك دا
التانيه قالت يالهوي دا شكله شارب ومتقل علي الاخر
الاولي قالت ايه رأيك نصبر عليه شويه ولما يبقي مش شايف قدامه نروح وناخد منه فلوسه
ومحفظته ومفاتيح عربيته كمان اظن فكره تجنن
التانيه قالت طب بقولك ايه احنا نلحقه قبل ما وحده تانيه تيجي تلهفه مننا وطبعا بالنص
متقلقيش
جت بنت قالتله ايه ياباشا هم حب ايبك باعوك ولا ايه عالعموم انا معنديش مانع خالص اني اشتريك
امير ضحك وقالها وهو انتو بتعرفو تشترو حد انتو بتبيعو بس انما تشترو تؤتؤ
البنت قالتله طب بقولك ايه متيجي نرقص
امير قالها ههههههههههه نرقص ومالو
وقام امير ورقص معاها وقعد يرقص وهو اصلا مش شايف قدامه حس انه خلاص قرب يقع من طوله،،، ـ
البنت خدته بره ولسه هاتسرقه راحت جت بنت تانيه جميله ولامه شعرها
قالت لهم جرا ايه يا شمال منك ليها ماتحترمو نفسكو وتبعدو عن جوزي يلا يا حلو اطرقي
البنت قالت اي دا وانتي مالك انتي انتي مجنونن ولا ايه
البنت قالت طيب انا بقي هاوريكم الجنان اللي علي اصوله
وقعدت تضرب فيهم لحد ماخافو منها ومشيو
والبنت قربت من امير وحطت اديها علي خده
امير فاق علي لمستها ليه وبص ف وشها وقال
قمر؟؟!.!