رواية عصفورتي متمرده
الفصل التاسع
✍️بقلم إيمان المهدى
نهله خلاص هاجى وأقابلك بكرة عند ماما إياك تفتح قدامها أى كلام انت عارف انها تعبانه متستحملش
.... تمام هستناكى
ف الصباح الكل متجمع على طاولة الفطار
زين ماما بابا ال حصل امبارح أنا بتأسف عليه
عز حصل خير ... ياريت تراعى مشاعر ال حواليك شويه
عائشه. بابا ممكن طلب
عز خير
عائشه. انا عايزة أشتغل معاك ف الشركة من وقت ما خلصت كليتى وانا قاعدة ف البيت وبصراحة مليت
ياسمين. ما هو انت ال كل ما يجيلك عريس ترفضيه
عائشه. وإيه لازمته الكلام دا ياماما إيه دخل جوازى بالشغل
ياسمين. ليه دخل يا حبيبتى وقتك هيبقى مشغول بزوجك واولادك. ال ف سنك اتجوزوا وانت قاعدة ترفضى ف عرسان
عائشه ببكاء شكرا يا ماما يظهر ان بقيت تقيله عليكى
بعد إذنكم
حياة ليه كدا ياخالتو ملكيش حق عيشه طيبه ومش بتزعل حد وانت كسرتى بخاطرها. والجواز دا قسمه ونصيب
ياسين. فعلا ياخالتو وكمان مكنتيش أحرجتيها ف وجودى
ياسمين. يوووه بقا أنا تعبت معاها وخايفة من كتر رفضها للعرسان ترجع تندم.
ياسين. طيب ممكن أتكلم معاها قبل ما امشى من فضلك
عز. ماشى يابنى
ياسين. حياة. ناديلى عيشه هنقعد هنا فى مكان قريب
عز. قولها ان موافق على شغلها ف الشركة
نهله. احم زين أنا عايزة أستأذن أروح أشوف ماما
زين. انت مش كنتى عندها إمبارح.
نهله. اصلها تعبانه شويه وقلتلها هروح وأجيلك بكرة
زين أنا قولتك اقعدى معاها. وانت رفضتى
نهله. معلش يازين أنا هروح اطمن عليها وارجع آخر اليوم
زين براحتك
ياسين. حياة سيبينا لوحدنا وتقدرى اقعدى قريبة مننا
حياة. ماشى يا استاذ ياسين اهو دا اخرة الطب النفسى بتاعك ال قرفنا بيه
ياسين. ايه بقا يا ست عيشه من امتى وانت بتزعلى وتتعصبى على حد
عائشه مفيش حاجة أنا مخنوقه شويه
ياسين. عليا أنا بردوا يا شوشو
عائشه. متشغلش بالك بيا أنا كويسه
ياسين طيب أنا عندى مشكله وعايزك تفكرى معايا ف حل
عائشه ومن أمتى وياسين بيحتار ف قرار دايما بتكون عارف انت عايز ايه
ياسين. ساعات كتير لتكون محتاج دعم عشان تقدر تنفذ قرارك
عائشه. وانا بقا الداعم دا. طيب احكى
ياسين. قلبى طول عمره متعلق ببنت دايما كنت ببنى أحلامى على وجودها ف حياتى اتمنيتها بكل ما فيا.
عائشه كانت تعلم انه بيتكلم عن حياة وبدأت الدموع تلمع ف عينيها
ياسين. بس للأسف هي كانت احلامها متعلقه بغيرى قلبها معاه. مع الوقت بدأت أخرج من دائرة التعلق بدأت أشوفها بصورة تانيه غير انها تبقى حبيبه وأتأكد لما حبيبها بعد عنها مقدرتش اتقدم ولا قدرت اضيق الفجوة ال بينى وبينها.
عائشه. انت عايزنى أعمل ايه اروح اقولها حبيه
ياسين. لأ. عايز منك حاجة تانيه
عائشه. امممم
ياسين. عايز البنت التانية ال بتحبنى وقلبها متعلق بيا ومش شايفه غيرى حب حياتها تساعدنى أنساها نهائى وتحاول تستحملنى عايزها تبقى جمبى أنا محتاج ال يحبنى بكل كيانه وأكيد حبها ليا هيكسر كل حواجز بينا ويقربنا من بعض
عائشه ببكاء. ياسين انت تقصد مين....
ياسين.بغمزة أقصد البنت ال بترفض العرسان عشانى
عائشه. .....
ياسين. هتساعدينى وتقبيلينى زى ما انا
عائشه تحرك رأسها بالموافقه
ياسين وانا اوعدك ان أحاول معاكى. بس متيأسيش ويكون عندك ثقه ف حبك ليا
إيتسمت عائشه بحب أنا عندى ثقه فيك انت يا ياسين
حياة الله الله. دى ضحكت. انت قولتلها إيه خليتها فرحانه كدا
ياسين. أسرار وبعدين انت قاعدة عينك مننا.
حياة. أه طبعا بس يظهر كدا أنك دكتور شاطر.
ياسين. أه ياستى شوفتى. عقبال ما أشوفك دكتورة شاطرة وتفكرى كويس ف مستقبلك وبلاش تصميمك على الشرطة ال انت اصلا مش حباها العند هخسرك حاجات بتحبيها
حياة. هفكر وربنا يسهل
ياسين. اقترب لمكان ياسمين وعز استأذن أنا عشان شغلى
ياسمين. سلملى على ماما وآيه. وابقى هاتهم مرة يزرونى
ياسين. قريب ان شاء الله ياخالتو ... بعد إذنكم. زين عايزك تعالا وصلنى لحد عربيتى
حياة. ليه ياشابه مش عارفة توصلى لوحدك لعربيتك
ياسمين.بإبتسامه. بنت عيب
ياسين. مردودالك ياعصفورة. وخرج هو وزين
زين. فيه ايه يا ياسين
ياسين. ممكن أستأذنك أبقى أكلم عائڜه من وقت للتانى ف الفون
زين. مش فاهم انت اصلا بتكلمها ودايما بعرف أخباركم منها
ياسين. كنت بكلم عائشه بنت خالتى ال بعتبرها ف مقام آيه أختى
زين. ودلوقتي ...
ياسين. الموضوع إختلف وعايزة اكلمها يعنى .. من الآخر أنا عايز أفهم وتفهمنى عائشه قبل ما نتخطب. انا عارف ان مش صح بس انت كمان فاهم ان يعنى كنت ..
زين. ....
ياسين. مش تبصلى كدا. انا مش عايز أخسر عائشه بس كمان خايف اتقدم خطوة مكنش قدها حاليا. وبما ان عرفتها بكدا فأكيد كلامنا هيكون مختلف وعايزك تثق فيا بس فترة بسيطه ارتب فيها أفكارى
زين. وانا بثق فيك وعارف ان هتخاف على عائشه زي آيه بالظبط
ف مكان آخر داخل جامعة طب القاهرة
مالك يا سيف
سيف. ولا حاجة ياهبه أنا بس مخنوق شويه
هبه. لو فاكرين دى تبقى أخت رامى وصديقه سيف ف نفس الجامعه واتعرفوا على بعض بالصدفه من سنه وقتها سيف شاف رامى مع هبه وعرف انها اخته
هبه لو عايز تتكلم أنا جاهز اسمعك زى ما اتعودت
ياسين. المشكله مع زين ال اتغير كتير من وقت جوازه من ال اسمها نهله
هبه. طيب. ممكن اقولك حاجة ومتسألش عن السبب
متزعلش من زين نهله مش سهلة ووجودها ف حياة زين من الأول مكنش صح كل ال اعرفه ان افضل جنب أخوك.
سيف. انت عارفة حاجة ومش عايزة تحكهالى
هبه. انا لا ولا حاجة. ...
سيف انا عارف ان فيه حاجة مخبياها عنى. مع ان بحكيلك كل ال وجعنى انت مش عندك ثقه تحكيلى
هبه. انا بثق فيك وانت عارف دا كويس بس ارجوك سيبنى على الأقل دلوقتى
سيف وانا هسيبك لحد ما تيجى وتحكيلى بنفسك
هبه. إن شاء الله
عند نهله. ازيك ياعزت عامل ايه.
عزت الحمد لله يانهله ومبروك جوازك
مامت نهله بتعب. تعبناك معانا يابنى. كتر خيرك بتسأل
عزت. متقوليش كدا يامرات عمى أنا مقصر معاكى انتى ونهله. مع ان زعلان عشان مش بلغتينى انها بتتجوز كنت جيت وقفت جمبكم
والله يابنى جوزها كان مستعجل وكمان خالها كان هنا وكبوا كتابها معلش بقا أنا عارفة مشاغلكم
عزت ولا يهمك بعد يا مرات عمى عايز الحمام لوسمحتى
وصلى ابن عمك يانهله واعملى اكل يتغدى معانا دا جاى من سفر.
معاه حاضر ياماما
مامت نهله ست عجوزة مش بتتحرك بسبب بتر احد ساقيها.
نهله. وبعدين فيك ياعزت. مش ناوى تجيبها البر
عزت. بخبث. سيبك من دا دلوقتى. انت اتغيرتى يانهله واحلويتى من بعد جوازك من الظابط. وعيشتك ف القصور
نهله وانت عايزنى افضل ف الفقر طول عمرى. وبعدين يا عزت أنا متجوزه دلوقتى ملوش لزوم كلامك دا
عزت. طول عمرك أنانيه وبتبصى لفوق وانا ال كنت بتماكى كل لحظة
نهله عشان كدا اغتصبتى وحملت منك
عزت انت ال ضحكتى عليا ووقعتى رامى ف شباكك واحنا كان بنا وعيد جواز.
نهله وعشان كدا عملت ال عملته
عزت. كان لازم اكسرك زي ما كسرتينى
نهله بس أنا جيتلك وقلتلك نتجوز
عزت. عشان عرفتى أنك حامل. منى. مش عشان بتحبينى.
نهله. انت استغليت تعب امى وخدرتها. واعتديت عليا كنت مرتب لكل دا وانت المفروض تحافظ عليا
عزت. انت ال استغليتى الكل لمصلحتك. وزى ما عملت فيكى عملت انتى ف رامى. روحتيله شقته وانت عارفة ان لا امه ولا اخته ف البيت وحطيتى مخدر ف العصير
وبعد مافاق اوهمتيه انو اعتدى عليكى. وبعدها بشهر أقنعتيه أنك حامل
حسيت ان ظلمتك وجيت عشان ارجعلك ف نفس اليوم ال استشهد فيه رامى لقيتك بتقولى لأ وانك هتنزلى ال ف بطنك وتبداى حياتك من جديد ورفضتى تعيشى معايا كنت أنانيه واتخليتى عن إبنك.
ودلوقتي أعرف أنك إتجوزتى صاحب رامى وبعد اسبوعين بس من موته. حتى دا إستغفلتيه هو كمان
وبان طمعك وانانيتك
نهله. عزت. انا أكتر حد اتظلم. شقيت وتعبت واتبهدلت عشان اكل أنا وأمى ولما حبيت اعيش مرتاحة مستكترين عليا
عزت لا يانهله انت انانيه وعايزة تحصلى أكبر ثروة من شكلك الحلو بس ف الحلال عشان محدش يقول ف حقك حاجة. كنت عارفة ان هعيشك مرتاحة يمكن أنا مش ف غنى زين باشا بس اقلله مش هبهدلك ولا هشغلك. كنت هصونك واحتويكى بس انت مش تستاهلى تعيشى حياة مستقرة
نهله. كل كلامك دا ولا يفرق معايا. وانت دلوقتى جاى بقا وبتهددنى تقول كل دا لزين.
عزت. وزعلانه ليه احنا شبه بعض ودمنا واحد وان استغلالى زيك
نهله. بس انت مش فاهم ان زين مش بيطقنى أصلا ومتجوزنى بس عشان صاحبه مفيش ليا دلال عليه ولا بينا اى علاقه فان أستغله واطلب منه فلوس دى مستحيل. غير كدا ناوى يطلقنى ف اى وقت
عزت. بقا نهله ال عملت كل دا مش عارف توقعه وتخليه خاتم ف صباعها
نهله. أولا زين غير رامى. حتى لو قدرت اوقعه ساعتها هيعرف الحقيقة انت ناسى ان عملت عمليه ورجعت زي ما أنا. وقتها هقوله ايه. وهو عارف ان الجنين نزل من كام يوم. وهيفهم ان كنت بكدب عليه
عزت. سهله. زي ما عملتى مع رامى. اعملى مع زين وفهميه ان كان معاكى وبكدا تقدرى تستغليه وتحسسيه بالذنب ولو معرفتيش ابقى خدى فلوس من غير ما يحس المهم تفضلى ف القصر أطول فترة
نهله. بس بردوا أنا لسه.....
عزت. أه تقصدى أنك بنت. طيب أنا موجود ونقدر نستمتع وكمان أخرجك من الورطه دى
نهله سيبنى أفكر
عزت. براحتك عموما أنا مأجر شقة هعيش فيها لفترة هبقى أقولك على العنوان
نهله هشوف لما زين يسافر
عزت امتى هيسافر
نهله بكرة وممكن يقعد شهرين على ما يرجع
عزت يبقى تنفذى النهاردة مخططنا ....