رواية انسان سافل بس محترم
الفصل الرابع عشر .
بقلم رانيا محمود.
أحمد ...للدرجه دي شيفاني زباله كده .بس حقيقي ده مش غلطك ولا هلومك عليه انا اللي عملت في نفسي كده .انا فعلا سافل وزباله ....مع السلامه يا ندى
انقطع الاتصال ودموع نهى انهمرت وكانها نزلت مع كلمه النهايه ...كانت بتتصل بأحمد أكثر من 10ايام ولكن بدون اجابه وكانت بترسل ليه رسايل كتير ولكن بدون أي استجابه منه ....
هل هذا ما اردتيه حقا يا ندى طالما قررتي الابتعاد لماذا الحزن الآن هذا ما كان قرارك..وابتدت المحاكمه من جديد بين عقل ندي وقلبها
القلب :_انتي بعدتي باختيارك لان ده كان احسن قرار
العقل ._ومين قال اني ده احسن اختيار ده وجع قلب ووجع جامد قوي وما اعتقدش ان انت عندك القدره انك تستحمل الوجع والالم ده
القلب :_ ومين قال ان القرار غلط ممكن يكون تنفيذه هيبقى فيه صعوبه شويه لكن مش مهم انا اخذت القرار الصح احمد شخص غير مسؤول وبعدين معملش حاجه تثبت فعلا انه تغير ايه يعني. صلي ركعتين وقرأ شويه في القرآن حتي الحج ماكنش اختياره ده جه معاه بالصدفه مش اكيد انه اتغير... الطبع يغلب التطبع وده كان احسن قرار
العقل.. :_ايه ده هو اي كلام بيتقال وخلاص ومين اللي قال ان الحج مش اختياره ومين قال ان حياتنا بتمشي باختيارتنا ده ربنا سبحانه وتعالى هو اللي بيوفقنا مش شطاره مننا اننا غلبنا شيطانا ده توفيق من ربنا لما تكون نيتنا صادقه في التوبه
القلب :_كلام كله كلااام وبس مافيش فعل
العقل :_اكتر منه انه قرر يتجوز واحده مابيحبهاش بس علشان عرف الصح من الغلط قلبه نور بنور الله وقرر يصحح غلطه ولانه صادق ربنا نجاه من جوازه كانت ممكن فعلا ترجعه لورا متقدمه ش لقدام
القلب :_انا خلاص قررت ونفذت قراري
العقل :_قرار غلط مبني على كلام مجرد كلام
القلب :_طيب لو كان أحمد بيحبني اكيد كان هيظهر تاني مش يختفي ده ماصدق انه يبعد
العقل :_انت هتجنني مش ندى هي اللي قالتله يمشي مش هي اللي اخترعت كدبه العريس، كمان تقريبا هزقته
القلب:_ عندك حق 😔
العقل :_اخيرا اعترفت
القلب :_اعترف بأيه انا موجوع اوي اوي 😔 معرفش اعمل ايه ندي ضيعت كل حاجه.. كان لازم تعترف انها بتحبه.. ايوه انا بقول ان ندي مش بس بتحب احمد دي بتعشقه.. مشاعر مكبوته مليانه حب وعشق وخوف
نعم أحبته من كل قلبها وعقلها ووجدانها نعم أحبته منذ فتره طويله أحبته بكل تفاصيله بماضيه القذر أحبته حتى قبل أن تتحدث إليه عندما تكلمت عنه أمام صديقاتها و دافعت عنه قبل أن يحدث بينها حوار صريح حب ندى لأحمد ليس حب عاشق. لمعشوقه نعم هذا الإحساس موجود ولكن كان فيه النهايه لكنها أحبته كحب أم لابنها التي تخاف عليه وتدعوا له بالهدايه
أحبته كأبنه تري فيه الأب الذي لا يسمح لأحد أن يضايق ابنته تجده عندما تحتاجه .....
أحبت كأخت تعلم أن لديها أخ يخاف ان يتحدث عنها أحد أو يمس شرفها احد بسوء
وفي النهاية توجت هذه المشاعر بإحساس المحب لحبيبه __العاشق لعشيقه
نعم يا ندى انتي احببتي احمد بكل ماضيه ......لأننا عندما يُكتب علينا الحب نحب بكل كيانا لا نرى العيوب أو نحاول أن نتغاضي عنها ليس بأيدينا فهذا مصيرنا
نحب مهما كانت العيوب مهما كانت الآثام ..فقط نحب لا شئ غير ذالك... طال الجدال بين قلب وعقل ندي
ندي وهي تكاد ان تفقد عقلها :_ كفايه بقي حراااااام انا خلاص دماغي هتنفجر انا خلاص هتجنن انا بكلم نفسي
خلاص ايه اللي انا بقوله ده... ايوه انا حبيت احمد بس غلط اكبر غلط اللي حصل ده انا اكبر منه احمد كمان بني ادم ما اقدرش اربط حياتي معاه ليه ماضي ما اقدرش اتجاهله باي شكل... وكمان انا عندي بنت ازاي تعيش مع البني ادم ده كان تفكير غلط من البدايه.. انا استاهل كل اللي يجرالي استاهل وجع القلب والعذاب اللي انا فيه..؟ (ندي 😢 بدمع لا تستطيع أن توقفها دموع وجع وخيبه امل)
ندي :_دماغي هتنفجر بس انا السبب انا السبب في كل اللي بيحصل لي واللي هيحصل يا رب ارحمني ارحمني ارحمني مش قادره افكر ومش قادره اعمل حاجه حاسه اني بتخنق مش قادره اتنفس يا رب رحمتك يا رب سامحني يا رب سامحني.. انا حبيت لا انا فعلا عشقت ولانه عشقته من قلبى ماقدرت اكمل.. ايوه احمد محتاج حد غيري حد ظروفه احسن من ظروفي.. حتى أمينه لما قررت ان تبعد وتسيب زوجها مش كره فيه لا ده علشان بتحبه بصدق قررت أن تدي حبيبها حقه في ان يكون أب وقررت أن ترفع عن حبيبها الحرج في أن يختار مش عاوزه يبقي. عايش بين نارين. نار حبه واشتياقه لحبيبته ومراته ونار انه نفسه يحقق حلم الابوه... وده اغلي وارقي انواع الحب ♥
حتى الم الحيره قررت أن تبعده عنه ...... منتهى الحب بل منتهى العشق
هكذا صارحت ندى نفسها ......ولكن هل هذه الصراحه كان هذا وقتها أم تأخر الوقت
____""""__________________________________
أمينه ذهبت لعناوين الملاجئ اللي سلمى عرفتها بيهم ولكن إلى الآن لم تقع في حب طفلها الذي تريده ...وفي يوم كانت طالعه بيتها سمعت مرات البواب تبكي فدخلت عليها غرفتها
أمينه :_.أم سعيد مالك بتعيطي ليه وبعدين كنتي مختفيه فين بقالك أكثر من 10ايام
أم سعيد :_. أصل جوز اختي مات في حادثه
أمينه .:_.البقاء لله...هو ده جوز اختك اللي ماتت وهي بتولد
أم سعيد :_.أيوه يا ست أمينه
أمينه :_..لا حول ولا قوة إلا بالله...طيب والطفل عملتوا ايه فيه
أم سعيد :_.دي بنت يا ست أمينه .انا جبتها معايا لأن جوز اختي الله يرحمه أبوه و امه ميتين من زمان وعنده أخ وأخت وكل واحد فيهم عنده بيته وعياله وعلى قدهم ومافيش حد راضي بيها فجبتها معايا بس أبو سعيد مش عاجبه واتخانق معايا علشان دي مصاريف ذياده ويقولي هو احنا عارفين نكفي عيالنا لما نجيب حد ذياده يقاسمنا في لقمتنا ....قولتله كله بيجي برزقه لكن مافيش فايده عاوزني ارجعها البلد لعمها أو عمتها بس مش قادره يا ست أمينه دي بقت حته من قلبي انا حبتها اوى وكفايه أنها بنت الغاليه اللي مكانش ليا غيرها اختي الوحيده .....وبكت بكاء شديد
أمينه .:_كفايه يا أم سعيد .....طيب ممكن اشوف بنت اختك
أم سعيد.:-.طبعا يا ست أمينه اتفضلي
دخلت أمينه حجره أم سعيد ورأت الطفله وفي هذه اللحظة قررت أمينه تبني الطفله عندما رأتها أمامها وجدت ملاك صغير نائم خطفت قلبها من أول نظره حست ان ضربات قلبها سريعه عندما حملتها وقربتها من قلبها وحضنتها بحنان الأم وقبلت يدها الصغيره كانت صغيره جدا ملامحها جميله
أمينه .:-.هي اسمها ايه؟
أم سعيد ّ:_اسمها أمينه على اسم جدتها أم أبوها
أمينه قلبها اختطف معقول ميمي الصغيره بين يديها
.أمينه قعدت وحكت لام سعيد على موضوع التبني وأنها عاوزه تتبني ميمي الصغيره وتعيش معاها وهتتكفل بكل احتياجاتها ...أم سعيد اترددت واتخضت لأنها حست أنها بتبيع بنت أختها و أمينه حست ان أم سعيد خايفه
أمينه :-..مالك يا أم سعيد انا نفسي في طفل وانتى عارفه انى أطلقت علشان مبخلفش.. بصي انا كل يوم بروح ملجأ بس لحد دلوقتي مالقتش الطفل اللي يخطف قلبي زي ما أمينه الصغيره خطفت قلبي ....ارجوكي فكري ولو وفقني كده كده هتكون أمينه قدام عنيكي لأنك خالتها وماتخافيش عليها لأنها هتكون بنتي
أم سعيد:_.طيب هقول لأبو سعيد وارد عليكي بعد المغرب
حضر أبو سعيد وحكت له ما حدث مع أمينه في الصباح ..لمعت عينه وقالها
أبو سعيد :_. وماله واحنا بردوا هينوبنا من الحب جانب ناخد منها مبلغ محترم ينفعنا احنا والعيال
أم سعيد :_..يخرب بيتك يا أخي ربنا ينتقم منك عاوزني ابيع لحمي ابيع بنت اختي ..انا كنت هديهلها ترعيها وتربيها وأنا متأكده أنها هتكون ليها أحن أم مش تقولي فلوس
أبو سعيد :..جتك نيله وليه فقريه وبعدين ده اللي عندي ومافيش غيره
أم سعيد ماعجبهاش كلام جوزها الانتهازي لأنه بني آدم واطي وقررت أمرا ما وطلعت لامينه في بيتها
_________________________________________
بعد ما سافر احمد قطع اتصاله مع ندى ..ومروان لاحظ أن احمد مش هو احمد بتاع زمان
اختفى الضحك و الهزار و المرح اللي كان طاغي على شخصية احمد و لما سأله مروان حكاله اللي حصل مع ندى و مروان حكى الجد ..فذهب الجد لأحمد
الجد .:_خير يا احمد مالك مروان حكالي عن بنت اسمها ندى بس انا عاوز اسمع منك
أحمد :_..ندى دي احلى حاجه حصلتلي في السنه اللي فاتت من أول ماعرفتها حياتي اتغيرت للأحسن (( حكى الجد كل تفاصيل علاقته بندي بل أدق التفاصيل حتى عن مي أيضا لأنه لا يشعر مع أحد بهذه الراحه في الكلام غير مع ندى والجد فقط))
الجد كان سعيد جدا بشخصية ندى شعر ان ندى بتحب احمد بس الخوف والقلق مش قادره تتخلص منهم
الجد .:_..ندى خايفه يا احمد أديها الأمان نسيها ماضيك حسسها بالامان حسسها أنها أهم حاجه فى حياتك دلوقتي ..الست يا بني زي الورده عاوزه حب و رعايه هي عاوزه منك إحساس بالأمان وأنها مش زي إي بنت مرت عليك في حياتك ....حوا خلقت من ضلع آدم يعني حضنه احتوائه وحنانه قلبه يا احمد ..انت فاهمني (هز احمد رأسه بنعم).
زي ما انت كنت تايه وهي مسكت ايدك و كانت بتوريك طريقك انت كمان مديون ليها بكده أمسك ايديها وريها احمد الجديد حسسها بالتغيير اللي حصلك
أحمد .:_..تفتكر كده يا جدي
الجد :_..أظن بنت زي ندى تستاهل تتعب علشانها وتستاهل التجربه دي