CMP: AIE: رواية زواج تحت التهديد الفصل الاول والثانى بقم تسنيم محمد
أخر الاخبار

رواية زواج تحت التهديد الفصل الاول والثانى بقم تسنيم محمد


 
زوج تحت التهديد 

بقلم تسنيم محمد 

الفصل الاول والثانى 


تخللت اشعه الشمس الذهبيه من احدى النوافذ شبه المفتوحه في ذلك الحي المتوسط من احياء القاهرة مسبب الضيق 


لتلك النائمه فانغمست بداخل الفراش اكثر متفاديه الضوء المزعج حتى سمعت نداء والدتها :

_ كارمه .. ي كارمه .. كارمااااا اصحي ي بنتي عشان تلحقي المحاضرات .


_ تململت بضيق وهي تجيب حاضر ي ماما صحيت اهو 

تمطأت في الفراش قليلا محاوله ابعاد اثار النوم وتوجهت نحو الحمام حتى تستعد بينما تُعد والدتها الافطار بمساعدة ابنتها الصغرى .

خرجت من الحمام مرتدية بنطالاً من الجينز الفاتح وتيشيرت ابيض منقوش ببعض الكتابات السوداء حامله على كتفها الايمن حقيبه طويله بداخلها لابتوب ومعلق فوقها اللاب كوت .. اتجهت نحو ولدتها وشقيقتها موجهة لهم تحيه الصباح :

كارمه : صباح الخير علي احلي نونا في الدنيا دي كلها..ثم استدارت الي شقيتها وهي تقول صباح الخير يا احلي ام لسانين في الدنيا

الام : صباح النور يا حبيبتي اقعدي افطري قبل متنزلي علشان يومك طويل

كاميليا : صباح النور يا مواعظ هانم 


كارمه : اومال فين كريم يا ماما كنت عايزه اشوفه قبل ما انزل علشان اجس نبضه علي موضوع الشغل ده قبل ماخد الخطوه دي علشان ميزعلش


نظرت لها ناديه وهي تشعر بإنقباض داخل صدرها لا تعلم مصدره. 


كنت بتكلم معاه من شويه وقال عندو عمليه ومعرفش هيرجع امتي .. حبيبي ربنا معاه بيتعب اوي علشان يوفر فلوس العياده 


كارمه:يارب يا ماما انا مش عارفه بيتعب نفسو جدا في المستشفي وفي الاخر حكومه ان شاءالله يقدر يفتح العياده الي نفسو فيها علشان امسكهله انا 


الام : يارب ياروحي ربنا يحقق كل الي نفسكو فيه 

كارمه: يارب ياماما ادعلينا والنبي 


نظرت لهم كاميليا بإذدراء وهي تقول طبعاً كريم باشا هو بس الي بياخد الحب والدعاء والحنان انما انا ام لسانين علي اساس اني مش بنتك الصغيرة واخر العنقود ده انا لو من المعبد اليهودي هتعملوني احسن من كده ثم قالت بحزن مصطنع 


يعني عليكي يا يتيمة وغلبانه يا كوكو


نظرت لها ناديه بتهكم وهي تقول... يا بنتي لمي لسانك الدبش ده من علينا اخوكي هو رجلنا وبيتعب ويشقي علشان جانبك تعملي الي انتي عيزاه وهو سايب نفسو من غير جواز حتي




 علشان يطمن عليكم وفي الاخر تقولي انا بحبه اكتر وانتي لا بصي يا كامليا لما تكبري وتعقلي وتسمعي كلامي وتريحي قلبي وتبطلي دبش وطوب هدعيلك يا ام لسانين


نظرت لها كارمه وهي تقهقه قائلة نفس كلام كل يوم من الاخر كده امك مش هتحبك طول مانتي دبش كده 

ثم قالت لولدتها بإ بتسامة خبث احنا اصلا لقينا كامليا علي باب جامع زاي مقلبها حاسس


نظرت لها كاميليا بغضب وهي تقول بغرور طيب ايدك علي الالف جنيه الي انا عطيهملك منا مش بوزع فلوسي لله 


شهقت كارمه وناديه وهم ينظُران كلاً منهم الي الاخر بصدمه حتي قالت كارمه الفتيهم امتي علشان افهم بس دول هما خمسميه جنيه 


نظرت له كاميليا بعدم اهتمام وهي تقول بأنف مرفوع من شهرين يعني حق صبري عليكي المدة دي مش ببلاش 


قالت لها ناديه وهي تنظر الي ابنتها الذي الجمتها الصدمه 


انتي هتاخدي فلوس من اختك ربه وبعدين كتير كده يا كوكي 


دلوقتي بقيت كوكي انا مش بعمل حاجه غلط ده استثمار بزنس انا بشغل فلوسي ولازم اكسب هو انا بشتغل يعني تؤ فالجيش قالك اتصرف وانا بتصرف 


بتشغلي فلوسك علي حسابي اقول ايه منتي شبه شميعة اليهودي حسبي الله ونعم الوكيل


مش مهم معاكي لاخر الشهر فلوسي تبقي عند هنزل بقي اروح الكلية علشان متاخرش باي قلتها وهي تنظر لهم من اعلي وجهها وما ان انصرفت حتي قهقهت كلاً من كارمه وناديه علي تصرف المدللة الصغيرة هاذه 


فقالت لها كارمه والله كنت عارفه انها هتعمل كده معايه زاي كل مرة تسلفني وبعدين تاخد الضعف وترجع تسلفني وترجع تاخد الضعف مش هتتغير ابدآ 






وانتي كل مرة تاخدي منها ليه منتي عارفه دي بتعمل كده من وهي صغيرة حتي كريم لو اخر مصروفها شويه تاخد الدبل 


ابتسمت كارمه وهي تقول بحزن بنحاول نعوضها عن بابا الله يرحمه 


يارب قالتها ناديه ببعض الحزن الدفين


ناديه:طيب افطري ياكارمه مش هيبقي انتي واخوكي كل يوم تتعبو قلبي 

كارمه : معلش ي ماما اصلي اتاخرت والدكتور غتت م بيدخلش وراه حد ادعيلي ي ماما عشان بعد الكليه هروح اودي ال CV بتاعي للشركه اللي قولتلك عليها شركه المفتي للاستيراد والتصدير


نظرت ناديه وهي تشعر بإنقباض اقوي في عضلات قلبها : طيب بلاش الشغل ده يا كارمه مش كفايه عليكِ تعب الجامعه والمذاكره وكمان كريم ممكن يعارض


كارمه : معلش ي ماما انا مش عايزة ارمي الحمل كلو على

كريم كفايه عليه طلبات كامليا وبعدين انا هودي الcv

جيه الشغل جيه مجاش يبقي مخسرتش حاجه واهو محاولة بس متقوليش حاجه لكريم انا هطلب منه بنفسي لما ارجع ان شاءالله...


قالت ناديه وهي تقاوم هاذه الشعور: ربنا ينور طريقك ي حبيبتي انتي واخواتك يارب


.وخرجت كارمه متجهة الى جامعتها 


*************************************************

علي الجانب الاخر في مستشفى من المستشفيات الحكوميه 


كان يجلس شاب في منتصف العقد الثالث في غرفه الاطباء مع صديقه محمود منذ الجامعة فدلفت الي الداخل ممرضه تطلب احضاره الي مريض العنايه الفائقة فوافق ومكاد ان



 يذهب حتي قال صديقه له انا مش فاهم يا كريم انت بتهتم اوووي بالناس دي ليه مش كفاية الملاليم الي بيدفعوها وكمان الراجل اساسا رجل بره ورجل تانيه جوه محدش بيموت ناقص عمرو يا دكتور...





نظر له كريم بغضب قائلاً له الناس دي لو معاها فلوس كانت راحت تكشف في مستشفي استثماري كبيرة ومكنش همهم حاجه انا حالف قسم وانا بعمل الي يمليني عليه ضميري الناس دي بتعيل اسر وبعدين احنا مش اغنيه للدرجه الي منحسش بيها بالناس كفايه دعوه واحده من قلب المريض متعرفش ممكن ترفع عنك ايه 





قال له صديقه بقليل من نبره الحقد قيم ومبادء 


محدش بيمشي عليه في المجتمع ده كله بيقول يلا نفسي يا دكتور انت عندك كام سنه داخل علي الخمسة وتلاتين ومتجوزتش لحد دلوقتي ومش هتتجوز عمرك ولا تفتح حاجه ليك طول مكرمتك ورمه كده 


قال كريم بضحك 


يا ابني الارزاق علي الله وبعدين مين قالك اني كرمتي ورمة انا مش بحب اغضب ربي وبس 





علشان كده بتفتش في الشغل بتاعي وتكشف علي المرضي بتوعي يا دكتور 


قالها بنبرة عتباب مغلفة بالحقد 


نظر له كريم بإستهجان وهو يقول انا بيكون عندي مرور زيك بالظبط ومفيش حاجه اسمها المرضي بتوعك ومتنساش اني المسؤل عن العنايه وكل مرضي الجرحة وعلشان كده بشرف بنفسي عن اذنك وياريت تشيل الافكار دي من راسك 


نظر له الاخر بحقد دفين وهو يقول ميسيرك تقع يا كريم وعلي ايدي انا يادكتور ضمير 


*************************************************


عند كارمه


عند وصولها للجامعه التقت بصديقتها سهى احتضنتها مردده :

سهى صباح الخير ي جميل 

كارمه : صباح النور ي ساسو .. ها الدكتور دخل ولا لسه 

سهى : لا لسه بس يلا بسرعه زمانو جاي 

اتجهت كلتاهما نحو القاعه والتقو بمجموعة من أصدقائهم حتى دخل الدكتور مباشراً بالمحاضره .

بعد الانتهاء خرجو متجهين نحو الكافتيريا حتى موعد المحاضره التالي :





كارمه : تعالي ناكل عشان انا مفطرتش وهموت من الجوع 

سهى: انا كمان جعت يلا بينا 


كارمه : بقولك ايه ي سهى فين خطيبك بقالي مده مبشوفوش مش خلاص امتحن step1 ونجح ؟! 

سهى : مهو يختي دخل في القوقعه تاني عشان يستعد ل step2 

كارمه ضاحكه : احمد دا مش طبيعي طب ياخدلو راحه شهر واحد مش ممكن كده دحييح دحييح مافيش كلام 





سهى باستياء : ي بنتي انا لما بكون معاه وبتكلم فجاه الاقيه سارح كده وبيبصلي وم بيردش عليا وانا طبعا افتكر انو سارح في جمال عنيا اقوم ايه اتكسف واوطي صوتي واقوله سرحان في ايه ي حبيبي .. يقوم يقولي معلش كنتي بتقولي ايه اصلي كنت براجع معلومات في دماغي .

كارمه وهي تضحك بكل قوتها : هههههه يخرب بيتو 

سهى مشاركه اياها في الضحك : حقول ايه بس ربنا يوفقو 

كارمه : طب المحاضره الجايه ايه اصلي نسيت ابص في الجدول 





سهى بامتعاض : كمونيه 

كارمه : ايييه ؟!!! 

سهى :community medicine ي حبيبتي والله انا لما بدخلها بتقوم عليا المراره والكمونيه والكبد وكلو 

كارمه وعينيها تدمع من الضحك : انتي بجد مستحيله .

~~~~


في مكان آخر حيث احدى شركات الاستيراد والتصدير في الظاهر اما في الحقيقه فهي تتضمن اقذر الاعمال من تبيض الاموال وتجارة المخدرات يتحدث المدير المدعو ب مسعد المفتي في الهاتف :

مسعد : ايوا ي باشا 

الطرف الآخر : الامور كلها تمام 

مسعد : كلو تمام ي بوس والاستلام انهارده ان شاءالله في المخزن 

الطرف الآخر : اعمل حسابك ي مسعد مش عايز اغلاط ومتسبش وراك حاجه وقفل قبل ان يستمع لرده .

مسعد بداخل المخزن وبصوت عالي : يلا ي رجاله املو الكراتين معندناش وقت نضيعو .

~~~~~





بعد انتهاء اليوم سهى وكارمه متجهين للخارج 

كارمه : انا النهارده رايحه اقدم اوراقي في الشركه اللي قولتلك عليها .

سهى : اها ماشي ي حبيبتي وبالتوفيق يارب ابقي طمنيني اخوكي هيعمل معاكي ايه 

كارمه : ميرسي ي قلبي وربنا يستر باي


اتجهت كارمه نحو الشركه داعيه ان يتم قبولها .. وعندما وصلت رأت فتاه في الاستقبال اتجهت نحوها مردده 





كارمه: لو سمحتي انا كنت قريت اعلان انكم محتاجين لسكرتيره هنا بدوام جزئي وجايه اقدم 

الفتاه : طيب سيبي فايلك وحنتصل بيكي 

كارمه : ماشي ممكن بس اروح التواليت 




الفتاه : روحي على طول اخر الممر شمال في شمال 

اتجهت نحو الممر حتى نهايته ولاحظت من الطرف الاخر حركه واصوات مريبه غلبها فضولها فاتجهت في الاتجاه المعاكس وجدت سلم مهترئ يقود الى الاسفل نزلت الدرجات




 بحذر متتبعه الاصوات ووصلت الى باب شبه مفتوح نظرت بخلسه نحو الداخل وبعد قليل شهقت بقوة لفتت الانظار لها وفجأه احست بضربه قوية في راسها وسقطت مغشى عليها

الفصل الثاني

في احدي احياء القاهرة الفاخرة 


يستيقظ شاب يتميز بالشعر الاسود والذقن الخفيفه وجسده متناسق طويل القامة انه جاسر الدمنهوري رائد في القوات الخاصه :




استيقظ جاسر وارتدي تيشرت بلون الابيض بيبرز عضلات صدره وبنطلون جينز فاتح وجاكت بلون الاسود نظر الي نفسه في المراه نظره أخيرة تقيمية وهو يبتسم بغرور معتاد عليه وذهب الي ولدته...


جاسر:صباح الخير يا ماما

وتوجه جاسر لتقبيل راس والدته بحب 


نوال ولدة جاسر: صباح الفل يا حبيبي وقالت بنبرة عتاب كده ياجاسر تيجيلي الفجر كل يوم وتنزل من الصبح يرضي مين ده بس يا إبني


ابتسم جاسر وهو يقول لها شغل ياماما وبعدين انتي عارفه ان عمرو بيكون قاعد لوحده علشان كده بروح اقعد معاه نشتغل انا وباقي الشباب مبحبش اعملكم ازعاج هنا 


نظرت له نوال بتهكم وهي تقول له....ليه بقي ان شاءالله هتعمل إزعاج لمين  يا حبيبي ده بيتك وبعدين اختك مبتخرجش من اوضتها وعمرو مش غريب بس انت بتوحشني 




يا حبيبي مش كفايه لما بتسافر علي الحدود وتروح مهمات بنكون لوحدنا لما تيجي كمان مبتقعدش هنا وبعدين انت في اجازة.


لا مهو في مهمة جديدة اللؤاء رافت رشحني ليها انا وعمرو بس معرفش ايه هي حضرتك عارفة ان بعد مرجعت من المهمة الاخيرة قررو يكفئوني ويدوني مهمة سهلة علشان ارتاح للمهمة الي جاية قالها جاسر بسخرية 


اذردت نوال ريقها وهي تقول بتوتر حاولت إخفائه هو مش رأفت لواء في مكفاحة المخدرات ايه دخلك انت بيه انت مجال تاني ثمَ قالت ونبرتها بدات بالإرتجاف ابقي خلي بالك من نفسك يا حبيبي


نظر لها جاسر وهو يقول بمرح حضرتك مش بتقوليلي كده وانا ريح احارب علي الحدود  بتقوليلي كده في مهمة تفهة  زاي دي وبعدين هي فين سما سمسمة 


انا هنا ياحبيبي 


كان هاذا الصوات الانثوي صوات شقيقته المدللة


سما بصوتها الرقيق:صباح الجمال يااحلي جسور في الدنيا

صباح الخير ي نونو 

جاسر ونوال في صوات واحد: صباح الخير ياحبييتي


نظرت سما الي اخيها وهي تمثل البراءه 


سما: جاسر هنزل انا ورزان النهارده نجيب شويه حجات من المول ممكن

جاسر بهدوء ممكن بس تكوني هنا قبل الساعه سبعه علشان مقلقش عليكِ


سما حاضر يا حبيبي مش هتاخر خالص 


جاسر : ايه ده الساعه بقت تمنيه انا كدا اتأخرت مع السلامه 

وتوجه جاسر الي مركز الشرطة. الذي سيقابل به اللواء رافت. كي يعلم ما هي المهمة القادمة


*************************************************

توجه جاسر الي وجهته في المكتب الخاصه به في مركز الشرطه

وقابل صديق دربه وبئر اسراره عمرو.


عمرو:فينك ياعم من الصبح بتصل بيك كدة نسيت صاحب عمرك علشان سهرة الا قولي احنا مش متفقين مش هنتعدي الحدود تبيع صحبك وتوصلها وتسبني للكلاب الضالة لوحدي خايف علي نفسي اهئ اهئ


جاسر بمرح وبراءة مصطنعه: هو يوم باين من اوله ياعم روحتها  بس انت عارفني مش بحب اكسر بخاطر حد وخصوصاً الجنس الطيف 

الناعم 


عمرو بإستهزاء انت هتقولي عليك ده انت بتعشق الجنس الناعم بأمارة قنبلة الدبش الي بترميها فوش اي بنت معجبه بيك تخليها تطفش حسبي الله ونعم الوكيل موقف حالك




 وحالي طيب انت عايز تعض في الحرام سبني انا اعض في حلال لكن طول منتا مش عايز تتجوز كده وانا هفضل ماشي وراك واعض معاك 


ابتسم جاسر بغرور  قائلاً 


انا عندي شروط الانسانة الي هتجوزها تكون فيها الموصفات دي انا عايزه واحدة تربي عيالي وتاخد بالها مني ومش تقعد تقولي بابي ومامي وضفري اتكسر والكوفير وهتلي خدامة




 وهروح النادي انا عاوز ست بيت اكون انا من اولويتها وكلمتي تحترم مش واحده تقعد تقولي حقوق المراءة والبتنجان  في السمقعة وكل الوسط الي احنا بنخرج ونسهر معاهم كده




 مفهمش حد عدل يتحب حتي دي تبقي ام ولا ست بيت ازاي وبتعيط علشان ضفرها اتكسر بالا هم اسكت دول اخرهم معايه سهرة لطيفة وضحكتين والسلامة عليكم 


نظر له عمرو بإمتعاض وهو يقول بس انا عاوز احب واتجوز عن حب مش بالطريقه التقليدية دي وبعدين مهي إنسانة زيها زيك صدقني لو حبيت هتنسا كل الكلام ده 


الحب موجود في الافلام والمسلسلات لكن الواقع زي مبقولك الحب  مش بيأكل عيش وانا والحب مش هنجتمع مع بعض ابداا حب انت واتجوز برحتك لكن بعد كده متشتكيش ثم انك هلاس يا عمرو وملكش في الجد علي الاقل 


انا احب واحد زائد واحد يساوي اتنين واكيد هحب الي هتجوزها من العِشرة بس جواز دلوقتى مش وقته ابدا اجوز اختي الاول واطمن عليها بعدين ابقي ادور علي بنت الحلال 


نظر له عمرو بضحك  وهو يقول له مش عارف ليه حاسس انك هتقع علي جذور رقبتك يلا اما نشوف رافت باشا عاوز ايه 


ابتسم له جاسر بتهكم وتوجه كلآ من جاسر وعمر الي غرفه الاجتماعات ...

*************************************************


في احدي مولات التسوق


. التقت سما بصديقتها رزان تكون صديقتها من الجامعة


رزان بضيق انا مش عارفه مش بتشتغلى ليه يعني عجباكي قعدت البيت دي اوووي يا ختي؟


سما بهدوء بس انا مش بحب الاوامر بكرهه ومش بحب النفاق و خصوصاً المجال بتعنا ده كله نفاق في نفاق يأمه علشان اوصل واكبر ابيع ضميري ونفسي مكنتش اعرف ان المجال ده كده لما دخلته


بس لو هشتغل في يوم من الايام مش هشتغل في مجالي انما هشتغل مثلآ في ملجأ للاطفال او ادي دروس للاجيئن كده حاجة هاديه وفيها خير 


نظرت له رزان وهي تقول بضيق انا مش عارفه خريجت إعلام بإمتياز وزي القمر وتقوليلي مدرسه وتبيعي نفسك 


قالت سما بضيق انتي عارفه كويس اقصد ايه يا رزان اقصد ان المجال ده علشان اوصل فيه لازم اكون منفقة وانا مش هنافق علشان حاجة والحمدلله انا مش محتاجة شغل وبعدين جاسر




 كمان رافض فكرة شغلي في مجال التلفزيون وعلشان كده عاوزه اكون مدرسه لاني بحب الاطفال وجاسر معندوش مشكلة فيها وانا كمان بحب الهدوء انما مجال الاعلام ده كله





 ازعاج ودوشه وانا مش عاوزه اتغير ولا اغير مبدئي ولما اعبر عن راي خاص بيا اعبر عنه بحرية مش اكون متقيدة براي معين 


_انتي حرة يا سما تفكيرك غريب زيك انا بس عاوزه مصلحتك 


انا عارفة انا عاوزه ايه كويس عاوزةاشتغل في مدرسه واعمل جمعية خيرية خاصة بيا 


طيب انا مفيش حاجه عجبتني هنا تعالي نروح مول تاني قريب من هنا

سما:انا اخري هنا الساعه سته علشان مش عوزه اتاخر انا عارفه ان يومك بسنه 


رازان بضيق:حاضر 


سما:طيب اهدي انا بأكد عليكي بس انتي عارفه اني مش بحب اضيق ماما او جاسر

رزان:طيب يلا بينا انا زهقت من هنا اصلاً 


واثناء قطع  رزان وسما الطريق صدمت سياره رزان و

سما بصريخ:رزاااااان

************************************************

اللواء رافت بجدية لفريقه من امهر ضباض المكافحة وأيضاً القوات الخاصة

اللواء رافت :جتلي معلومات من مصادر موثقه تأكد ان فيه عمليه تهريب مخدرات من شركه المدعوه مسعد المفتي ودي فرصتنا اننا نمسك عليه دليل بالجرم المشهود طبعا انتو




 عارفين ان مسعد المفتي مش بيتاجر بس بالمخدرات الي بدمر اولادنا وشباب البلد انتو عارفين انها شبكه كبيره وانو كمان بيبض اموال غير عمليات النصب والسرقه والاختلاسات الي بتحصل وكمان تجاره الاعضاء


عمر مقطعآ:بعد اذن سيدك عندي استفسار 

اللواء رافت:اتفضل يا حضره الرائد

عمر: ليه لحد دلوقتي مالُقيش القبض عليه طلما معنا دلائل عليه

اللواء رافت :لٕان مسعد مجرد اله بتتحرك ومسنود من ناس تقيله وطبعا مفيش اي شاهد او إثبات عليه وعلشان كدا احنا




 حطين عيون لينا في الشركه بتاعته وطبعا لازم علشان نلقى القبض عليه يكون في اثبات او دليل قاطع وبطريقة دي هنعرف نخليه يعترف علي كل حاجه ومين هو الرئيس بتاعه





احنا معندناش اي شاهد ضد مسعد وكمان لو قبضنا علي اي راجل من رجلته محدش هيعترف عليه لانهم بيصرفو علي اهليهم ومحدش مستعد يخسر رضاه فعلشان كده ديمآ رجلته هي الي بتشيل اليلة ولو موتهم عمر محد هيعترف عليه

وعلشان كدا جاسر 


جاسر:تحت امر معليك يافندم 


اللواء رافت:هكلفك انت وعمرو بالمهمه دي وحاليآ هتتحرك معاك قوه وهتروح الشركه بس طبعا مش عوز شوشره علشان لو طلع المكان خاطئ ميخدوش احطياطتهم انا عايز دليل





 قاطع علي مسعد مهمتك مسعد يا جاسر والباقي احنا هنمنعه هتلقي فايل فيه صورته وكل المعلومات الي تخصه شوفه قبل متتحرك ثمَ قال بطريقه لم يفهمها جاسر ولكنه صمت 

مسعد بس مهمتك ياجاسر يعني لو لقيت عمال هما الي بيرصو المخدرات بلغ باقي الفريق لان مسعد هو الخيط 

وتحول تمسكه بالجرم المشهود مش هوصيك يا سيد الرئد


جاسر وعمرو وباقي الفريق بصوات واحد:تحت امر معليك

يافندم.

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

عند سما وفي احدي المستشفيات الحكوميه


سما ببكاء شديد:احنا ايه الجبنا هنا ليه مرحناش مستشفي خاصه

احدي الرجال الذي قامو بمساعده سما :حضرتك دي كانت اقرب مستشفي ممكن بعد ميسعفوها تنقليها من هنا




سما ببكاء اشد :يسعفوها قصدك يقتلوها دول معندهومش نظام ولا حتي شفقه انت مش شايف مهملين ازاي في الناس.

وبيزعقو في اهالي المرضي كمان 


طلما احنا معندناش شفقه ورحمه وبنقتل الناس يبقي انا مش هخيب ظنك فينا واتفضلي خدي المريضه الي معاكي وانقليها مستشفي خاصه ملهاش عندنا علاج .


اتاها صوت شديد الغاضب من الخلف افزعها اكثر فهي لم تتعرض لهذا الموقف من قبل وكانت مرتها الاولي الذي تدخل مستشفي حكومي فكانت تعتقد ان كل المستشفيات مثل المستشفيات الاستثماريه





سما بصدمه وخوف علي صديقتها وغضب :انت بتقول ايه دي بتموت انت لازم تسعفها انت حالف قسم انت لو مآسعفتهاش انا هوديك في ستين دهيا انت فاهم انت متعرفش اخويا يبقي مين 


كريم بغضب اشد من ذي قبل :مش حتته عيله زيك تهدتني انااا انتي فاهمه واعلي مافي خيلك اركبيه وانشالله تكوني بنت مين واخوكي مين مش انا الي اخاف يا شطرة واتفضلي خدي المريضة بتعتك وإمشي انا مش فاضي للعب العيال ده 


وتوجه للخروج من الغرفه حتي اتاه صوتها سريعآ

سما برعشة وتوتر  شديد فهي شعرت انها اخطاءت حينما قامت بتهديته


:انا انااا اسفه اسفه بس ممكن بعد اذن حضرتك تنقذها ارجوك 

علشان تثبتلي عكس كلامي ارجوك


توجه كريم وملامح الغضب علي وجهه ولكنه حينما راها تذكر كامليا شقيقته و كارمه شعر وكأنه كهرباء لمست اوتار قلبه ولكن غضبه كان مسيطر عليه فلم يفكر في شئ ونظر 





الي رزان المستلقيه علي فراشها وقام بالكشف عليها بمهاره عليا وقال لها


بنبره استهزاء:متقلقيش مش محتاجه تنقليها مستشفي خاصه ولاحاجه شويه كدمات بسيطه والتواء بسيط جدا في رجليها واااا

سما مقطعه حديثه بإنفعال غير مبرر 

سما :طيب هي ليه لسه مفقتش طلما الاصابة في رجليها


كريم بغضب:مهو لو كنتي اتعلمتي متقطعيش الناس وهي بتتكلم كان زماني قلتلك ان الاغماء ده عادي جدا انو يحصل




 من الصدمه والخوف وطبعا من الخبطه الي اتعرضت لها كلها اقل من خمس دقيق وتفوق وتقدري تاخديها وتمشي من هنا في ناس تستاهل بجد السرير الي انتو شغلتو ده 


وانصرف دون ان ينتظر ردآ منها تركآ ايها في صدمه وغضب من تصرفه 

سما في داخلها :وقح مغرور ومتسلط الله يكون في عون المرضي بتوعه 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


---عند جاسر وعمر وامام شركه المفتي للاستيراد

جاسر موجه حديثه الي عمر وهو يبتسم بسخريه 




جاسر:انا هدخل الشركه بل iD الي معايه علي اساس اني موظف هنا هدخل ارقب الجو و عند التسليم هقولك الاشارة تدخل فورآ


نظر له عمرو بإستفهام وهو يرفع احد حاجيبه تمام بس انتَ بتضحك ليه!


معرفش اصل بدل القفظ من المظلات بليل والحرب علي الحدود  اخدنا مهمة غريبة علينا اينعم انا عارف انها منظمه دوليا بس باردو مستغرب انهم ضمينا مع المكافحة




وحاسس احساس غريب معرفش بس حاسس ان المهمة دي هتغير حياتي كلها ازاي بقي وانا داخل اقبض عليه معرفش 


ابتسم عمرو وهو يقول له وانا زيك والله حاسس اني هتجوز بعد المهمة العسل دي انت غاوي وجع قلب ده انا بخاف من نفسي وانا مخبي وشي وبقفظ من الطيارة في التدريبات 

وبعدين هما قلولنا مهمة بسيطة للجاي 


ابتسم جاسر ودلف وداخله شعور لا يعلم وصفه ولكنه مزيج بين الخوف والارياحية 


توجه جاسر الي دخال الشركه وهو يحاول التخفي قدر الامكان بعدما دلف... واثناء مرقبه المخزن و مشهدته تعبئة الممنوعات داخال الصناديق 





واثناء التحدث في سماعه البلتوث الخاصه به لعمرو توقف فجاء عن الكلام حين شاهد فتاه تقف ظهرت من عدم ولايعلم من اين جاءت شعر جاسر ان هذه الحمقاء لا تعمل هنا وستكشف سب داخله

وفجاء الفتاة شهقت بقواء التفتت لها الانظار


جاسر داخله : ايه ده بتعمل ايه هنا دي اكيد هيقتلوها الغبية دي والعميله كدا كل حاجه هتبوظ لاء انا لازم انقذها مش هعرف اقف قدامهم كده هكشف كل حاجه 




ودون ان يتردد ثانيه واحده قام بضرب هذه الفتاه علي رسها بالمسدس الخاص به حتي وقعت هذه الفتاه مغشي عليهاااا..........




                    الفصل الثالث من هنا

لقراة باقي الفصول من هنا


تعليقات



حجم الخط
+
16
-
تباعد السطور
+
2
-