رواية عاصفة القدر
الفصل الحادي عشر والثاني عشر
بقلم إيمان المهدى
يقال أن الغياب المفاجئ يقتل أكثر من الوداع
أحمد بحزن على أخته ... نور قومى خلاص ال بتعمليه ملوش داعى هو مشى
نور كانت عيونها مرتكزة على مركب أدهم وهي تبتعد
تتذكر كل أوقاتهم مع بعض وتبكى بمرارة
أحمد نور قومى يا حبيبتى خلينا نمشى
نور ببكاء. هو سرقنى يا أحمد أخد قلبى وثقتى فيه
هو كداب قالى ان مش هيسبنى ولا يتخلى عنى بس من أول محاوله بعد من غير حتى ما يفكر ايه ال ممكن يحصلى ف غيابه
محمد كفايه يانور ارحمى نفسك وقومى مع أحمد
نور. وهو مش رحمنى ليه. وقامت ف إتجاه محمد. بترجى وبكاء أرجوك يامحمد. انت أخوه خليه يرجع ميسبنيش. أنا بتخنق ف بعده
محمد. بعطف يربط على كتفيها. هيرجع يانور صدقينى أدهم مش هيقدر يبعد عنك أكيد هيرجع
نور. لأ أدهم مش هيرجع لو كان بيحبنى مكنش بعد
أحمد. نور يالا ياحبيبتى وكفايه
أدهم كان بيبعد بالمركب ويخطف نظرات على الشط ليرى نور وهي منهارة .. سامحينى يانور ليلة فراقك أصعب ليلة هتمر عليا. أكيد هرجع بس وقتها هرجع وأنا جدير بيكى هرجع وأنا أقوى. وقتها هكون أحق شخص بيكى
مرت أسابيع وشهور. على ابتعاد أدهم
سميرة. وبعدين يا أحمد هنسيب أختك كدا لا مهتميه بنفسها ولا بأكلها. بقت شبه الموميا حتى الجامعة مش بتروح أنا مش عايزة أخسرها يابنى أعمل حاجة
أحمد مش عارف يا ماما أعمل ايه بابا مبيسألش ولا بيحاول يعمل أي حاجة وهو شايفها كدا.
سميرة. أبوك كل ال يهمه منصبه وشغله وبس
أحمد. بيأس أنا هحاول أتصرف
داخل غرفة نور كانت تبكى وتنظر لخاتم أدهم بقلة حيلة على ما وصلت له
دخلت سميرة عليها وبعدين معاكى يانور انت بتأذى نفسك كدا.
نور .....
سميرة. بتوجعى قلبى عليكى ليه يابنتى أنا ما صدقت ان سارة رجعت تروح شغلها وتتعامل مع الناس شويه
خليكى واثقة ف نفسك وف حبك ولو يستاهلك يبقى هيرجعلك
نور ببكاء. أنا تعبانه أوووى يا ماما هو ازاي قدر يبعد عنى. ازاي هونت عليه هو عارف ان روحى فيه. قلبى وجعنى اوووى فقدت ثقتى بنفسى أنا خسرته يا ماما وروحى راحت معاه
سميرة تعرفى ان أدهم هو الصح
نور ....
سميرة لما عرضتى عليه الجواز واحد غيره كان وافق وحط أبوكى قدام الأمر الواقع بس معملش كدا لإنه حبه نظيف أدهم مبعدش عشان كرامته ال اتهانت بسبب كلام أبوكى. لأ هو بعد عشانك لما يرجع يكون جدير بيكى وبحبك. أدهم أصيل. صدقينى مستحيل يتخلى عن حبك بالسهوله دى عشان كدا لازم تفوقى وارجعى زي الأول وأحسن عشان لما يرجع يلاقيكى قويه وناجحة ف دراستك وحياتك.
نور. ياريت ياماما يكون زي ما بتقولى
سميرة. بكرة تشوفى وتصدقى بنفسك يالا قومى اغسلى وشك والحقى راجعى ال فاتك السنة قربت تخلص وامتحاناتك بعد شهر لازم تنجحى وبإمتياز يانور
داخل بيت البحيرى
. يلتف الجميع حول طاولة العشاء.
عبير بحزن. وحشتنى يا أدهم مفيش حاجة بيها طعم من غيرك
محمود. ربنا يصلح حاله ويرجعله حقوقه
محمد. أي حقوق يابابا مش فاهم انت من فترة بتقول ألغاز كتير بخصوص أدهم مش مفهومه
محمود. ولا حاجة يابنى
محمد. ولا حاجة ازاي أنا متأكد انك مخبى علينا حاجة
محمود. بتوتر أنا هخبى إيه بس يابنى
محمد. بابا انت...قاطعه جرس الباب الذى أنقذ محمود
عبير. شوفى مين يامروة
فتحت مروة الباب لتجد شاب وسيم بلحيه خفيفه وعين باللون الرمادى. لتبتسم لهذا الوسيم. نعم
ينظر إليها بلهفة واشتياق وكأنه قد وجد ضالته
أنا أحمد.
مروة. أحمد مين وعايز مين بالظبط
أحمد وكأنه مش مصدق انه لقاها أخيرا. وقد ظهر عليه التوتر هو يعرفها لكنها لم ترى وجهه من قبل ولا تعرفه
تنحنح. احمم أنا أحمد أخوها لنور
مروة. بلهفة. نور طيب هي عاملة انا حاولت كتير اوصلها بس رقمها مجمعش معايا
أحمد. طيب ممكن أدخل الأول. محمد موجود
مروة. أه آسفه اتفضل. ادخل
دخل أحمد. وقام محمد وعبير من على السفرة
أحمد بخجل أنا آسف جيت من غير ميعاد
محمد. لا ابدا اتفضل ماما بابا. أحمد اخوها لنور
عبير. اهلها وسهلا يابنى اتفضل
أحمد. شكرا. أنا بس كنت عايز طلب صغير
محمد. تحت أمرك يا أستاذ أحمد
أحمد. عايز رقم أدهم او عنوانه أي تفاصيل عنه عايز أوصله أرجوك نور بجد تعبانه وانا عايزه يرجع وهخليهم يتجوزوا أنا مش هسيب أختى كدا.
محمد. بس مينفعش حتى لو رجع يتجوز نور وابوها رافض
أحمد. وانا مش هخسر أختى أدفع ثروتى قصاد ما أختى ترجع مبسوطة ولطبيعتها
محمود بس احنا يابنى منعرفش حاجة عن أدهم
محمد بس نعرف .... قاطعه محمود ولا نعرف عنوان ولا رقم فون. كان بيكلمنا من أرقام مختلفة كلها خارجية
أحمد بشك أكيد متعرفوش توصلونى بيه
محمود. لو نعرف كنا قولنا يابنى هو حتى مش كلمنا من أكتر من شهر
أ حمد طيب ممكن تبقوا تعرفونى لو عرفتم أي أخبار. عنه
محمود. ان شاء الله يابنى
أحمد كان شاكك ان محمود بيخبى عنه قصدا. بس بردوا محى الشك دا وقال ف نفسه هو هيستفاد ايه لو كذب عليا أكيد بتوهم.
طيب أنا آسف على الإزعاج واتجه للخروج. ثم التفت لمروة. ومحمد. ابقى خالى آنسه مروة تسأل على نور. تقريبًا كدا متعلقين ببعض وممكن تقدر تخفف عنها شويه
محمد. ان شاء الله.
خرج أحمد بعد ما فقد آخر أمل كان نفسه يرجع يفرح أخته ويقولها ان هيقنع أدهم يرجع بس للأسف أدهم بقى أبعد ما يكون
ف لندن عاصمه الملكة المتحدة البراطينيه إنجلترا
على أحد الأسره كان يتكأ وهو مبتسم لصورتها يتذكر جنونها وبعض المواقف التى جمعتهم. ليتنهد يا ترى عاملة إيه يا نور. لسه فاكرة أدهم فاكرة ملامحه فاكرة حبنا. ولا نسيتى بمرور الأيام أنا يمكن ظلمتك ببعدى. بس الظلم الأكبر ليكى كان هيكون وانا جمبك صياد بسيط. بيستحوذ على قلب أميرة زيك
ليدخل شاب طويل القامة ببشرة بيضاء وشعربنى مجعد مبتسم إيه يا عم أدهم لو أعرف أن المذاكرة هتخليك مبتسم كدا يبقى هسيبك تذاكر على طول
أدهم. اهلا يادرش خلصت صفقة المراكب ال سلمهالك مستر جان
مصطفى يابنى خلصتها متقلقش بس أنا عايز أعرف انت مبتتعبش طول اليوم مابين الشركة والمينا وطول اليوم مذاكرة إرحم نفسك يا أدهم مش كدا
أدهم. لازم. يا مصطفى. أنا واعد نفسى اخد شهادة عليا ومن أكبر كليات لندن.
مصطفى بس كان لازمته ايه كلية ادراة الأعمال دى ما انت ممكن تبقى رجل اعمال ناجح من غير كليه
أدهم. مش يمكن دا حلم وعايز احققه وبعدين دى فرصه انت عارف احنا فى أفضل الدول بريطانيا افضل الدول ال تقدر تاخد منها شهادات ادارة الأعمال لو اجتهدت وعملت جدول لنفسى أقدر اخلص البكارلريوس ف ثلاث سنوات مش أربعة والماجستير. ف سنه بدل سنتين. دا صعب جدا بس لازم احقق الصعب دا
ان تكون شهادتى من جامعة لندن بريطانيا العظمى. دا يبقى نقله كبيرة ف حياتى فهمت
مصطفى يحك رأسه. ااه فهمت ربنا معاك يا أدهم بس حاول تنام ساعتين عشان تقدر تواصل كدا بعد أيام على وضع دا هتفقد توازنك ومش هتعرف تحقق ال نفسك فيه
ظبط مواعيدك اهمهم الراحة الجسديه عشان جسمك يقدر يساعدك
أدهم. عندك حق. هحاول انام. عشان كمان أقدر أقوم أصلى الفجر
ف مصر
محمد. تقدر تقولى انت ليه خبيت عنه مكان أدهم وارقامه
محمود. .....
محمد. يابابا رد عليا. لو مخبى علينا حاجة. قولها احنا كلنا عيلة ولازم نتحمل ونواجه أى ظروف بس أنا عاجز عن المواجهة دى لان مش عارف أي حاجة
محمود.بتوتر مفيش حاجة يا محمد. متعملش عليا محقق وتستجوبنى
محمد. انت عارف ان مش بستجوبك. يابابا أنا عايز أشيل عنك الهم يمكن لو حكيتلى افكر والاقى معاك حل
محمود. مبقاش ينفع أي حلول غير أدهم يتحول جذريا لشخص قوى يقدر يقف قدام عاصفة القدر ال انكتبت عليه ولا هو ال يكسب لان خسارته معناها موته
محمد. يبقى لازم أعرف ايه ال بيواجه أخويا. يمكن احاول أساعده.
عبير. ليه كدا يا محمود. بتفتح عليا أبواب ياما قفلناها
محمود. لازم كل حاجة تتفهم معدش ينفع نخبى.
عبير. هتفرق ولادى يا محمود.
محمود. بالعكس دا هيبقوا ايد واحدة. محمد. اوعدنى ال تسمعه منى ميغرش فيك حبك لأخوك
محمد. أنا وأدهم مستحيل نتغير لأي سبب كان هيفضل أخويا ال ياما ضحى عشانى
محمود. أدهم. مش أخوك ولا إبنا ولا اسمه أدهم البحيرى
محمد. انت بتقول ايه يابابا ازاي أدهم مش اخويا
محمود. دى الحقيقة وقبل ما احكيلك هو مش اسمه أدهم.
إسمه مراد سليمان
الفصل الثاني عشر
فيلا فايد سليمان
يقف فايد أمام أحد الصور المعلقة على حائط مكتبه والتى يظهر فيها
شكل شخص وسيم مبتسم. فايد بدموع. سامحنى يا سليم كل ال حصل كنت مجبور عليه. سامحنى لان مقدرتش أوفى بوعدى معاك واربى مراد ف حضنى زي أخواته صعب والله صعب
وجود مراد ف حياتنا معناها موته المحتم بس أنا حافظت عليه على ما أقدر
سامحنى ان رديته مكسور. وغربته بس مش لازم أدهم يقرب من عائلة سليمان لانه التمن هيبقى غالى اوووى
ف بيت البحيرى.
محمد. انت عايزنى أصدق أن أدهم مش أخويا ويبقى ابن عيله سليمان ال هو حب منهم وخرج متهان من عندهم
محمود للأسف. أدهم. خرج متهان من قصرة ومش بس كدا دا اتحكم عليه يعيش عمره كله بإسم مش إسم وعيلة مش عيلته
محمد مين عمل كدا وانت ازاى عرفت كل المعلومات دى
محمود من سنين كنت شغال موظف بسيط ف شركات آل سليمان. وكان وقتها ال بيدير امبراطوريه آل سليمان. سليم بيه اخوه الكبير لفايد وابوه لمراد ال هو أدهم. سليم بيه كان انسان ملتزم جدا ولو شاف أي خطأ مش بيعديه بسهوله. قبل موته بأيام كلنا سمعنا ان حياته مهددة بالخطر. بس ال أنا كنت شايفه ان حياة سليم بيه متقلبتش الا برجوع أخوه فايد من برة
بعد أيام من تهديدات ال كانت بتجيله وانا مروح متأخر من الشركه اتفاجئت بسليم بيه ف الشركة
Flash back
محمود سليم بيه خير حضرتك فيه حاجة
سليم كنت ناسى ملف ضرورى جيت اخده بس انت ايه ال مقعدك لدوقتى
محمود ف لغبطة ف الحسابات كنت بخلصها وخلاص ماشى
سليم طيب تعالى هوصلك على طريقى واحنا مروحين
محمود. شكرا يا فندم اتفضل انت عشان الهانم والبيه الصغير
سليم ماشى يا محمود. بس مطولش تانى ف الشركة. انت ليك عيله وليها حقوق عليك
محمود حاضر يا سليم بيه
مشى سليم ف اتجاه السيارة أول ما ركب اطلاق النار كان متصوب من مكان على السيارة ال فيها سليم
محمود مكنش عارف يخرج برة مقر الشركة بسبب كثرة اطلاق النار دقايق وكان كل شيء منتهى الأصوات راحت والجو بقى هادى
محمود جرى ف اتجاه السيارة ال معالمها اختفت من كميه الرصاص ال فيها قبل وصوله للسيارة كان فايد وصل للسيارة.
محمود بفزع اقترب من السيارة سليم بيه سليم.. لم يكمل ليجد مراد ال كان تحت كرسى السيارة الخلفى وف جروح ف رأسه كأنه كان بيعافر ان يحمى نفسه رغم سنه الصغير
سليم بألم وصوت ضعيف. فايد ابنى يافايد لازم تنقذه أنا حاولت احميه من الرصاص بس لازم تحميه هو واخواته حافظ عليهم زي ما أنا حاولت أحافظ عليك وانتهت حياة سليم ومريم زوجته بإنتهاء كلماته.
محمود لا اله الا الله وبعد ما محمود اتأكد من موت سليم ومراته راح يشيل مراد من تحت الكرسي ليجده يتنفس وهذه الجروح بسبب محاولته للنزول أسفل الكرسى
محمود. فايد بيه. البيه الصغير بيتنفس هو عايش
فايد. بذعر. اشششش اسكت خالص. إياك تنطق وتقول أن حد خرج عايش من العربيه دى
محمود بصدمه. ازاى والطفل دا دى معجزة أن يعيش بعد كل الرصاص ال ف العربيه
فايد كان واقف ساكت وبيفكر ودا أثار غضب محمود
محمود. يا استاذ فايد اخوك مات ومراته وابنه لازم يروح مستشفى وانت واقف بتفكر وعايزنى اقول ان كلهم ماتوا
فايد بعصبيه قلتلك اسكت ولو مقلتش ان كلهم ماتوا أنا هخليك تقول غصب ورفع سلاحة ووجهه نحو رأس مراد
محمود. انت هتعمل ايه هتقتل ابن اخوك
فايد أه دا لو انت نطقت بكلمه يبقى ساعتها مراد هيكون ميت فعلا
محمود طيب هو الطفل دا عملك إيه
فايد. آخر كلام عندى. أنا هسيبه بشرط تخفيه عن أي حد والكل لازم يعرف ان سليم وإبنه ومراته ماتوا ف العربيه وإلا
محمود. انت أكيد اتجننت يعنى أنت ورا ال حصل لسليم بيه
فايد لو خايف على ولادك امشى من هنا بسرعة وخد مراد معاك. وإياك يعرف ف يوم هو مين وقتها هتكون حياته وحياة عيلتك هتنتهى
محمود أخد مراد وهرب وهو مصدوم من كل ال حصل
مش فاهم فايد عمل كدا ليه حرض على قتل اخوه ولولا مشيئة ربنا كان قتل مراد ابنه بس ليه خلانى اهرب بيه مع انه كان قادر يقتله هو كمان
Back
محمد. ازاي هو فيه جبروت كدا يقتل اخوه ومراته ويحرم ادهم ان يعيش وسط اخواته ويستولى على قصرهم. بس بردوا ف حاجة غلط ليه ساب أدهم يوم الحادثه مقتلهوش ال يقتل أخ يقتل أى حد وليه طول السنين دى مهتم بولاد سليم الإتنين اما مراد يبعده عن عيلته كان قادر يأذى عيلة سليم كلها بس دا رباهم. لا يابابا ف حلقه مفقودة أنا مش فهمها
محمود ولا أنا يابنى قادر أفهم الإجابة الوحيدة عند فايد سليمان .. كل ال أعرفه ان كان لازم أحمى أدهم لحد ما يكبر ويقوى ويقدر يقف قدام فايد وياخد حقه
محمد ياريت يابابا مفيش أصعب من إنك تعيش حياتك بهوية غير هويتك وتبعد عن اخواتك وعزك ربنا يرجعه بالسلامه
محمود. مش هتسيبوه يا محمد
محمد. طبعا لأ لازم أول ما يرجع يعرف الحقيقة وانا هكون جمبه ونكشف مخططات فايد وظلمه ليه
ف كافتيريا الكليه
تجلس نور وتطلب عصير لتجد فتاه تقف أمامها
نور. نعم يا لميا خير
لميا ف ايه يا نور هتفضلى زعلانه مننا كتير كدا
نور. سيبينى ف حالى انا مش عايزة أعرفكم تانى
لميا طيب احنا غلطنا ف إيه عزمناكى على حفله
نور بعصبيه. حفلة يا لميا انت بتسمى دى حفله بنات عريا نه ومسكرات وشباب سكرانه. انت كذبتى عليا انت وصحباتك وقولتى انها حفلة بنات على ياخت باباكى
لكن دى كانت على ياخد الأستاذ فهد وانت عارفة ان لابطيقه ولا بقبله
لميا خلاص يانور حقك عليا أنا آسفة ياستى
نور. آسفه بالسهوله دى انت عارفة ال اسمه فهد دا كان عايز منى إيه وانا كنت بصرخ عشان حد فيكم ينقذنى بس طبعا ما أنتم كنتم شاربين مش حاسين بحاجة لولا ان ربنا وقفلى ال يساعدونى أنا كان زمانى ضعت
لميا معلش غلطة مش هتتكرر تانى
نور لا تانى ولا تالت أنا مش هسمحلكم اصلا. وكانت بتلم الكتب من على الترابيزة لتسمع صوته المزعج وغير المحبب لأذنيها
ازيك يا لولو ازيكم يابنات
لميا هاي فهد اخبارك. تعالا شوف عميلك زعلت مننا نور
فهد يقترب منها بخبث مكنتش أعرف أنك قويه كدا يا نور صراحة عجبتني وبعدين كنت بهزر معاكى
نور بعصبيه انت عمرك ما هتتغير يافهد هتفضل قذ ر. وعايز كل حاجة لنفسك وأنا فاهمة دماغك كويس ومتأكدة أنك أنت ال زقيت الست لميا عشان اكون ف الحفلة. بس لعلمك نور سليمان ابعدلك من نجوم السما
وسابتهم ومشيت
فهد طالب مع نور ف نفس الكليه بس هو سنه رابعة ونور ثانيه شاب أنانى وطماع عايز كل حاجة تحت سيطرته باباه أكبر من رجال الأعمال وعلى معرفة وصداقه سنين مع فايد سليمان
لميا زميلة نور ف نفس السنه وحياتها منفتح جدا مفيش حدود بينها هى وفهد
داخل أحد الكافتيرات على النيل
محمد. أنا آسف يامايا طلبت أقابلك كدا فجأه
مايا لا أبدا
محمد. انت زعلانه منى
مايا. أنا فكرت أنك مش عايز تكلمنى بعد ما حكيتلك أنا كنت بعمل إيه ف حياتى
محمد. أنا مافكرتش كدا أصلا وبعدين انت بتقولى كنت. يعنى ماضى وانتهى
مايا. انت مشيت يومها من غير ما تقولى ولا كلمة ومن وقتها بقالنا كان شهر متكلمناش فكرت يعنى
محمد. لا متفكريش. لإنك فاهمة غلط كل الحكايه ان حصل ظروف كتير مفاجأة وحياتى اتلغبطت بس صدقينى ملوش علاقة بيكى او بكلامك يومها.
مايا. طيب وانت شايفنى إزاي بعد ال عرفته
محمد. انت ايه مكبرة الموضوع. أنا عارف أن ال عملتيه مش صح بس اعترافك واحساسك بالندم دا لوحده توبه. ولا أنت ناويه تكملى ف الطريق دا
مايا. ابدا أنا من وقت ما شوفتنى وخرجت من المستشفي وانا ما دخلتش المكان دا تانى
محمد. يبقى خلاص تكملى وتقربى من ربنا وتحافظى على نفسك وياريت تهتمى بدراستك. وياستى حاولى تشتغلى وتملى وقتك
مايا شكرا يا محمد. مش عارفة أشكرك ازاى. انتساعدتنى كتير. انت أفضل صديق ليا
محمد. مايا ممكن اقدملك نصيحة بسيطه.بلاش تكونى صداقات مع الشباب أي كانت أخلاقهم. لان احنا مش معصومين اجتماع بنت وولد مع بعض بيكون مدخل للشيطان
مايا. طيب ما أنا اعرفك يا محمد
محمد. ودا مكنش صح احنا اتقابلنا مرتين ومرة ف المستشفى. كنت حابب اقدم المساعدة يمكن كان وجودنا لوحدنا مش صح لان زي ما قلت بتبقى مداخل للشيطان وانا مش عايز امشى وراها
مايا بس أنا محتاجة وجودك ف حياتى انت علمتني كتير الصح والغلط علمتنى أمور كتير ف الدين أنا كنت جهلاها بلاش تسيبنى ف نص الطريق
محمد. ف نفسه غصب عنى لما كنت بالنسبالى حالة بساعدها كان الأمر هين. بس أنا بدأت أحس تجاهك بمشاعر غريبه ولو كملت بالشكل دا هبقى بتعدى حدودى لانى هشوفك بنظرة تانيه
محمد أنا ممكن اعرفك على مروة أختى على فكرة هتحبيها جدا هي صديقه مريحة ودمها خفيف
مايا بقلة حيله. تمام
محمد. حس بزعلها. أنا هكون موجود معاكوا
مايا بس هتقول لأختك إيه وانا مين
محمد. مكنش عارف يرد يقولها إيه هو مش محتاج يقولهم ان دى اخت أدهم وإنها محتاجة مساعدتهم اقله عشان ادهم ال ضحى كتير عشانهم بس هي هيقوله كدا ازاى ياستى هعرفك عليها ومتقلقيش هى مش فضوليه اوووى وقلب كلامه لضحك
مايا كان تايهه ومش فاهمه ليه محمد عايز يبعدها واشمعنا دلوقتى وهيقول عنها ايه لأخته. أفكار كتير كانت ف خاطرها خلتها متوترة
ف الجامعة
لميا سيبك منها يافهد دى بنت متعجرفة ستيفن نفسها ان مفيش حد زيها ولا ف أخلاقها
فهد. عندها حق لان فعلا مفيش حد زيها وبالنسبه لأخلاقها محدش ف الشله كلها يقدر يوصل لأخلاق نور
لميا. قصدك إيه يافهد ....
فهد. لميا متوجعيش دماغى. وبطلى تغيرى منها نور ف حته تانيه خالص وال بتعمليه وبتخطيله انت تبوظى سمعتها صعب عليكى بالأخص لما تيجى منك والكل عارف الاعيبك
لميا. كدا يافهد دى أخرتها ابقى روح اسهر مع ست نور بتاعتك يمكن اخلاقها تنفعك سلام
فهد. بترقيه. سلام يا اختى. ... بقى كدا يا نور بقى أنا صعب اطولك أكيد هجيبك ليا ف يوم من الايام بس الصبر حلو
ف أحد شركات الكبرى بلندن
كانت الأيام بتمر على أدهم كل يوم اجتهاده ف شغله ينول أعجاب المدراء. واعجابهم بيه بيزيد لما عرفوا انه بيدرس جمب الشغل
مصطفى. يا بختك ياعم أدهم. المدير مبسوط من شغلك. وصرفلك مكافأة على آخر مناقصه ظبطتها
أدهم. كل ال أنا فيه بفضلك بعد ربنا يا مصطفى. لما كلمت مديرك عنى ان يشغلنى مع ان مش معايا مؤهل وهو وافق لثقته فيك. وقفتك جمبى ف وكلمت جان يخلصلى اوراق الجامعة. دا حتى قوضتك شاركتك فيها. صديقنى فضلك مش هنساه طول عمرى
مصطفى. يابنى بطل اسطوانتك دى. قولتك مليون مرة أنا ال بشكرك لانك كنت عوض ليا ف غربتى. انت بتفكرنى بشريف أخويا الله يرحمه. مليت حياتى ال كانت كلها شغل وبس.
أدهم. إيه يادرش العاطفة الجياشه دى لأ أنا كدا اخاف أنام ف الأوضه معاك
جان. ايه شباب مالكم فيه ايه أدهم.ليه خايف تنام مع مصطفى
مصطفى. هههه الله يكسفك يا شيخ سوأت سمعتنا عند الأجانب
أدهم. بضحك. تعالا يا جان يا اخويا وانا أحكيلك
مايا. ههههه كفايه يامروة أنا قلبى هيقف من كتر الضحك
مروة اومال بقا لما تعرفى ان بتقف لنا بأبو ذنوبه عشان تشربنا اللبن قبل ما ننزل
مايا. حتى بعد ما كبرتم
مروة وحياتك قبل ما نيجى على طول كان ماسكاه لوكيل النيابه ال قاعد دا وبتشاور على محمد
مايا بضحك. معقول يامحمد انت لسه بتتعامل معامله الأطفال ياعينى عليك يابنى. طيب امسح آثار اللبن وتشاور على فمه
محمد بغيظ على فكرة دمكم مش خفيف خالص وانا هقوم عشان مصورش قتيل هنا. سلام اتأخرت على شغلى والتفت ليخرج من الكافية بس إبتسم لما حس ان مايا فعلا بتتغير
مايا. هو زعل أنا مقصدش لما لقيتك بتهزرى أنا... قاطعتها مروة. بإبتسامة. يابنتى متأفوريش هو مش زعلان ولا حاجة هو بس خاف لأحكى الباقى. فقال اهرب أحسن
مايا. كان نفسى تكون ماما عايشه ويكون ف مواقف كتير معاها تعرفة ان معظم ال فكراه هو مناقرتى مع توأمى الله يرحمه. وصريخ ماما علينا. كنا اشقيه جدا.
مروة. هو أسمه إيه توأمك.
مايا. مراد كان شقى جدا بس ذكى بطريقة غريبه وبتنهيده. الله يرحمه كان نفسى يكون موجود أكيد كنا هنكون زيك انت ومحمد كدا.
مروة. لعل الخير قادم وبعدين أنا ومحمد موجودين وهنقرفك ياستى
مرت اكثر من 7 سنوات
كان يقف أدهم أمام البحر ينظر للاشئ.
مصطفى. ايه يابنى بقالى ساعة واقف جمبك بكلمك وانت ولا هنا
أدهم. عارف يا مصطفى. على حدود البحر دا فيه شط تانى واقف عنده أعز واغلى الناس ال سبتهم من سنين وبعدت. متأكد انها بتفكر فيا زي ما أنا دايما فاكرها. وانها بتستنى كل يوم على أكل ان ارجع
مصطفى. وبعدين فيك يا صاحبى. وال هيستنى حد هيستناه 7 سنين. انت طولت الغيبه يا أدهم. وحقها تنساك
أدهم. لأ. مش هتنسانى لان واثق من حبها زي ما أنا واثق من نفسى
مصطفى. يبقى ترجع يا صحبى وكفايه عذاب الروح بتموت ف البعد يا أدهم انت بقالك إسمك وشركتك وبقيت تاكل السوق بذكائك رغم المدة القليله دى بس شركه أدهم البحيرى بقت اشهر من النار على العلم ومن أحسن الشركات ف السوق الدولى
أدهم. هرجع. بسعايزك معايا انت كمان لازم ترجع
مصطفى. انت راجع عشان حبك وأهلك أنا بقا ارجع لمين
أدهم. ارجع عشانى احنا مش اصحاب وبس أحنا اخوات وبعدين موحشكش الواد خالد وغلاسته
مصطفى. وحشنى جدا هو وعمى والبت سلمى. ال اتجوزت من غير حتى ما احضر فرحها
أدهم. اتجوزت عبد الرحمن. وبقى معاهم. أدهم الصغير. ربنا يسعدهم
مصطفى. طيب وناوين على للرحيل امتى
أدهم. قريب اوووووى