رواية عاصفة القدر
الفصل الثالث عشر والرابع عشر
بقلم إيمان المهدى
بعد مرور سبع سنوات
شركة آل سليمان
مايا / وبعدين معاكى يا مروة انت خايفة من إيه بس
مروة / أنا خريجة فنون أعمل إليه أنا ف الشركة هنا
مايا / ياربى يابنتى مش انتى قولتيلى أنك بتعرفى لغات
مروة. / لغات ايه يا مايا أنا بعرف انجليزي وشويه فرنساوى. وبعدين دوول بردوا لزمتهم ايه
مايا / ليهم لازمه يا اختى مدير إدارة الشركة عايز سكرتيرة. تستقبل ال داخل وخارج من المكتب. وبعض الفاكسات مش أكتر وتنظمى مواعيد الإجتماعات وكدا
ودا مش محتاج خبرة ولا حاجة
مروة. /. بس.
مايا. / أه بس دا شغلك لان ف سكرتيرة تانيه بتهتم بأمور الصفقات والمنقصات وأوراق الشركة.
مروة. معنى كدا ان أنا سكرتيرة خاصة. لا يا أختى أخاف
مايا/ بنفاذ صبر. مروة امشى قدامى أحسنلك
مروة./حاضر حاضر بس اهدى
داخل أحد مكاتب الشركة يطرق خالد باب مكتب سارة سليمان. يستأذن بالدخول
خالد. ممكن أدخل فاضيه ولا
سارة/ بإبتسامة. طبعا اتفضل ياخالد ... قولى بقا ايه سر الزيارة دى.
خالد. /. مفيش كنت قريب من هنا وقولت اجى أشرب معاكى قهوة
سارة /.بترقيه لاياشيخ قهوة بردوا زياراتك كترت. يا أستاذ خالد
خالد. /. هو أنا بتطرد ولا ايه.
سارة /. هههه بصراحة أه. أنا عندى شغل متلتل ف راسى وانت جيت تعطلنى
خالد / تصدقى أنا غلطان ان جيت اخرجك من جو الشغل الكئيب دا أنا ماشى يا اختى
سارة. خالد.
خالد. إبتسم والتفت لها يا نعم
سارة. عايزة أكل نفس الأكلة وبغمزة فاكرها
خالد. بتريقة. آسف أصل عندى شغل متلتل ف راسى وانتى هتعطلينى
سارة ضربته ف كتفه. بطل غلاسه ويالا
خالد. بشرط متقعديش تقولى ايه الأرف وتكرهينى في الأكل
سارة ما هو بردوا مفيش شاب وسيم ويقعد ياكل كوارع ولحمة راس. وانا سارة سليم بجلاله قدرى تاكلنى لحمة راس ياخالد حرام عليك
خالد بطلى غرور يا اختى عارفك هتموتى عليها من آخر مرة أكلتيها بس محرجة عملالى فافى وانت بتاكلى كوارع
سارة بغيظ طيب امشى وإلا والله اتصل واجيبها هنا الشركة وتبقى فضيحة ولا يهمنى
خالد. ههههه عارفك تعمليها. يالا بينا
سارة كانت ماشية وهى مبسوطه وجود خالد كان سبب ف تغير جذرى لحياتها. من وقت الشراكة ف بعض الأسهم ال دخل بيها ابوه مع شركة آل سليمان وهو دايما بيتكلم معاها ف أمور الشغل ومع الوقت اتحولت علاقة الشغل لصداقه أصبحت قويه.
ودا كان بيبسط فايد وأحمد وسميرة لان وأخيرا ف حد قدر يخرج سارة من ال كانت فيه. بس كان وجود سارة وخالد عامل ازعاج لوالد خالد. لان عرف أن دى نفس البنت ال كان ابنه بيحبها. وللأسف جرأة خالد بإن يطلب موافقة ابوه اكتر من مرة على جوازة من سارة وهو مصمم على الرفض التام زواج ابنه من ارمله ابن أخوه
امام مكتب إدارة الشركة. تقف مايا ومعها مروة ليأذن لها بالدخول
مايا. صباح الخير يا أحمد.
أحمد صباح الخير يا مايا
مايا بغمزة السكرتيرة الجديدة ال طلبتها آنسة مروة
أحمد. بإبتسامة اهلا يا آنسه مروة أكيد فكرانى طبعا
مروة انت اخوها لنور مظبوط
أحمد بغيظ. وف نفسه بقى فاكرانى بالعافيه يامروة ماشى ان مطلعته عليكى زى ما طلعتى عينى مبقاش أحمد سليمان .. أحمد أه أنا
مروة. اهلا بحضرتك أستاذ أحمد
أحمد. رن على السكرتيرة. دخلت
سهى. تحت أمرك يافندم
أحمد. مروة هتروحى مع سهى على مكتبك هتعرفك التفاصيل كلها عن شغلك
مروة. تمام شكرا يافندم وخرجت.
أحمد بعصبيه. انت شايفة بتتعامل معايا ازاي
مايا اهدى يا أحمد. أومال عايزها تتعامل ازاي مع مديرها
أحمد لا ياشيخة. بقى هي فكرانى بالصعوبه دى كان شويه هتنطق وتقول معرفكش اصلا
مايا يا أحمد يعنى كنت عايزها تقول ايه بس
أحمد ياسلام. السنين دى كلها وانا بخليكى انت ونور تكلموها عنى وساعات اقابلكم واقول انها صدفه. دا أنا بنسى وراكم زي الأراجوز
مايا. بضحك ههههه فاكرة وفاكرة كمان ان مروة ال قالت عليك أراجوز. لما لقتك بطتلعلها ف كل مكان
أحمد. وياريتها بتحس. دى راحة اتخطبت
مايا. وانت خليته يسيبها وكل ما تكلمنى وتقولى جايلها عريس اروح تهدده ميروحش بصراحة وقفت حالها جمبك لا انت ال اتجوزتها ولا أنت ال سبتها
أحمد. اروح اقول ايه لابوها وأخوها. جوزوتى بنتكم
مايا. وفيها ايه
أحمد. فيها يا مايا. انت ناسيه أدهم وال أبويا عمله فيه لما اتقدم لنور واهانته ليه أنا بقا لما اتقدم لبنتهم أقل حاجة يعملوها يرمونى ف النيل ال قصادهم
مايا. هو صعب فعلا بس عم محمود وطنط عبير طيبين جدا .. وبعدين ايه أخرتها
أحمد. مش عارف أنا مستنى على أمل ان أدهم يرجع ويتجوز نور
مايا طيب وايه مأكدلك ان عمى هيوافق عليه وهو رفضه زمان.
أحمد. هيوافق. ادهم مش نفسه الصياد البسيط أدهم البحيرى بقا أكبر استسمارى ف أروبا. وشركته مسمعه
عالميا دا غير شغل البورصة ال زود رصيده ف البنوك.
مايا معقول فترة سبع سنين خليته ملك ف السوق الدولى كدا
أحمد وحياتك 4 سنين بس. لان كان موظف ف شركة كبيرة هناك وبيكمل دراسته واحد ماجستير هو بدأ شغل حر بنفسه من أربع سنين
مايا. ربنا يرجعه ويلحق نور قبل الورطه ال أبوك حطها فيها
أحمد أنا مش عارف عمك بيعمل معاها كدا ليه حتى بعد ما بقت دكتورة شاطرة. لسه بياخد قرارات عنها
المهم سيبك انتى. شكرا يا مايا على ال عملتيه معايا وانك جيبتى مروة الشركة
مايا. أنا أذيتك زمان يا أحمد. ودا أقل حاجة اعملها عشانك
أحمد. ابدا بالعكس ال حصل دا كله خير. انت عرفتى محمد ال غيرك لو أنا مكنتش اعرف أعمل ال هو عمله
وانا قابلت مروة. حب عمرى كله
مايا. وياريتهم حاسين بينا بلا وكسه
أحمد. هههه يخربيتك مايا سليمان تقول بلا وكسه شكل قعدتك مع مروة قلبتك خالص. بس على فكرة بقا أنا وظروفى غصب ومجبور على كدا. أستاذ محمد بقا ايه ظروفها ولا راضى ينطق ولا يتقدم.
مايا. والله ما عارفة أنا خللت جمبه وهو ولا على باله يالا أنا هروح مكتبى عندى شغل كتير
أحمد ف نفسه كنت فاكر انت احساسى تجاهك يا مايا هو احساس المحب. بس للأسف من بعد ما عرفت الحب ال بجد. والمعنى الحقيقي لوجود روح تانيه ف الحياة ينتمى ليها كل قلب. وانا أصبحت عاشق أسير لحب مروة ال مش عارف عذابى معاها هيطول لأمتى
خرجت مايا وكانت محمد ف الفون
مايا. الووو يامحمد. خلاص مروة استلمت شغلها
محمد. مع ان مكنتش موافق على حكايه الشغل بس أنت فعلا عندك حق الشغل هيخرجها شويه من ال هي فيه.
مايا. متقلقش عليها أنا جمبها
محمد. مش عارف اقولك ايه على ال بتعمليها مع مروة
بس نفسى أفهم ايه ال ف مروة مش عاجب كل ال بيتقدمولها بيرجعوا يرفضوها
مايا. دا نصيب وربنا عالم نصيبها الحلو مع مين
ض ضد
عند خالد وسارة.
سارة. كفايه معدتش قادرة أكمل
خالد لا ياشيخة اطلبى كمان. يابنتى انتى خلصتى على أكل المطعم. كله
سارة. انت قاعدة تنق عليا يا خالد. لو خايف على الحساب هحاسب أنا.
خالد. ههههه حساب طيب قومى يا اختى.
سارة. استنى لسه هطلب شاى أخضر عشان الدايت
خالد. شاي أخضر بعد أكلة الكوارع دى. قومى يا سارة. أنا عارف أنا كنت اتهبلت عشان اجيبك هنا
سارة. لا بجد استنى أشرب حاجة
خالد. متخافيش هشربم بس ف مكان تانى بعيد عن الروايح دى
فيلا سليمان
نور. ماما أنا هتأخر النهاردة ف المستشفى متقلقيش عليا
سميرة. وبعدين فيكى يانور.
نور. مالى يا ماما انا كويسه
سميرة لأ مش كويسه يا نور وحرام ال بتعمليه ف نفسك انت تقريبا مش بتنامى
نور وانت تكرهى يا ماما ان بحب شغلى وناجحة فيه
سميرة. لا مكرهش بس أنت بتهربى من نفسك وخليتى حياتك روتينيه. كفايه يابنتى زمان نصحتك وقولتلك استنى. بس دلوقتى لأ انت يتضعيى بسبب الإنتظار سبع سنين وانت مستنيه كفايه بقا
نور أنا ماشيه اتأخرت
سميرة. نور مش هينفع بابا عازم فهد وباباه عشان تحديد ميعاد الخطوبه
نور. انسى يا ماما لو هموت مش هتجوزه
سميرة. أبوكى قرأ فاتحة مع يسرى الصافى ووعده تتجوزى ابنه وابوكى مش هيرج ف كلامه
نور مش هيحصل يا ماما ومحدش هيقدر يغصبنى عليه
بعد إذنك
خالد. كان بيبص لسارة بهيام خالد تتجوزينى يا سارة
سارة. أنا أصل انت لا جئتنى
خالد. يعنى انت مش عارفة ان دايب دوب
سارة. ايه الكلام دا ياخالد.
خالد. ماشى ياستى أنا بحبك وبموت فيكى. وعايز اتجوزك. ومفيش افكر والكلام دا وخديلى ميعاد مع فايد بيه اجى اطلبك منه
سارة. انت مجنون على فكرة
خالد. عارف على فكرة زي ما أنا عارف أنك كمان بتحبينى بس خايفه تواجعى نفسك بالحقيقة هشام كان غالى عندى زى ما هو غالى عندك مش هننساه بس مينفعش نفضل كدا ناسين نفسنا
بعد مرور شهر.
ف مطار القاهرة
محمد. حمد لله على سلامتك يا أدهم
أدهم الله يسلمك ياحبيبى وحشتنى يا محمد
محمد. نورت مصر كلها ياغالى
ادهم. ماما وبابا ومروة. عاملين ايه. ونور. عامله ايه يامحمد وحشتنى جدا هي لسه مستنيانى مش كدا
محمد. بحزن. أه يا حبيبى عايزة اقولك ان حياة الكل متوقفه لحد ما تيجى بس من النهاردة خلاص كله هيتغير. يالا بينا
أدهم. الله على العربيات الجامدة
محمد دا من خيرك يا أدهم انت ناسى أنك أنت ال بعتهالى
أدهم. يا حبيبى كل ما أملك ليك انت وبابا. وقولى خلصت عقد الفيلا وانتقلتوا فيها ولا لسه.
محمد. أه من فترة. وكله تمام ويالا عشان ورانا مشوار مهم تلحق تغير.هدومك
أدهم. لا انسا أنا هروح أشوف نور واطمن عليها كفايه على البت كدا زمانها مش طيقانى
محمد. مش هينفع. خالد مستنيك النهاردة خطوبته ولما عرف أنك هتوصل النهاردة صمم انك تكون موجود يا كدا يا مش هيخطب انت عارفه مجنون
أدهم. لا وعلى ايه
محمد. أدهم. نور هتكون موجودة لان سارة تبقى خطيبه خالد
أدهم. إبتسم. يالابينا
ف المساء. ( القصر الذهبى )
يدخل أدهم بإطلالته الجديدة وشكله الجذاب وهيبه رجال الأعمال. ويتذكر يوم دخوله هذا القصر وهو شخص عادى كان بسيط ف لبسه وشكله اما اليوم فهو ملك ف مجال الأعمال
محمد. ايه يا ادهم واقف ليه يالا ندخل
دخل أدهم وعيونه تنظر ف كل مكان عسى ان يلتقى بهذين العينين التى وقع ف حبهما منذ سنوات
كان بيدور عليها بين الجميع. حتى وجدها. بشكل جديد. وملامح أكثر هدوئا عن ماسبق.كلما أقترب منها يكاد قلبه ان يخرج من يصدره من شدة ضرباته ليجمع قوته وينبهها له ما زالت لا تراه. نور
لتلتفت لذلك الصوت الذى تدعى ربها يوميا أن تسمعه ولكن الآن لاتصدق اذنيها
أدهم. نور.
نور. أدهم. انت هنا فعلا معقول نتقابل تانى
الفصل الرابع عشر
أدهم. نور.
نور. أدهم. انت هنا فعلا معقول نتقابل تانى
أدهم بإبتسامة يرافقها دموع عين.. وحشتينى يا زهرة التوليب
نور تدمع وهي مبتسمة. وحشتينى يا صياد
أدهم. الصياد عمل المستحيل عشان يليق بيكى يا أميرة
نور. كنت دائما تليق بيا يا أدهم. دايما كنت كافى ووافى وصادق ف حبك ليا
أدهم. وانتى كنت دايما واثقه فيا وف حبى. وكنت وفيه ليا واستنيتى
نور كان عندى استعداد استناك ال باقى من عمرى
.أدهم عارف ان وجعتك كتير وبكيتك أكتر بس خلاص مبقاش فيه حزن تانى
نور مبقاش فيه فراق تانى
أدهم لسه لابسه الخاتم يانور.
نور بإبتسامه ومش هقلعه أبداً والساعة كمان دايما قريبه من عينى
أدهم. كنت خايفة
نور. كنت واثقة فيك أكتربس خوفى ان يوم اشارتها تبقى لونها أحمر ودا معناه ان خلاص حبك ليا انتهى
أدهم. عمره ما ينتهى ولا يخلص وفايد سليمان بقى مجبر يوافق على جوازنا
احممم احمممم. نحن هنا. كان هذا صوت أحمد
أحمد. حمد لله على سلامتك يا أدهم
أدهم. الله يسلمك يا أستاذ أحمد
أحمد. بلاش أستاذ دى من فضلك
أدهم بإبتسامه. حاضر
يأتى خالد مسرعا بعد رؤيته لأدهم. ويحتضنه. حمد لله على سلامتك يا أدهم. ايه الغيبه دى يابنى.
أدهم الله يسلمك يا خالد. ولا اقولك ياعريس مبروك ياسارة ويارب تعقليه شويه
خالد. هههه دى عايزة ال يعقلها
سارة ضربته ف صدرة عيب على فكرة أنا مفيش اعقل منى
أدهم مبتسم. ربنا يسعدكم ويخليكم لبعض وبصوت منخفض يميل على خالد عملتها ازاي دى يابنى.
خالد. لينا قاعدة سوا وهحكيلك اخوك مسيطر. يابنى
عبد الرحمن. ممكن تبعد بقا خلينا نسلم احنا كمان وحشتنا يا ادهم
أدهم. انت أكتر يا أبو أدهم. مبروك ياعم. مبروك ياسلمى جات متأخرة معلش بقا
سلمى. ولا يهمك. عقبالك يا ادهم انت ونور وساعتها هتكون. فرحتنا الكبيرة
مروة. أه والله يا أدهم. ربنا يهديلكم فايد بيه ويوافق بقا
أحمد. احممم. تماااام تراجعت مروة للخلف خوفا. ان أحمد يكون اتضايق.
نور. اهدى يامروة. أحمد. بيعمل كدا بهزار.
بس يا أحمد احنا مش ف الشغل متضايقش مروة
أحمد. هو أنا نطقت أنا قلت تمام هي ال جبانه كل ما اكلمها الاقيها خايفه ومتوترة كدا
أدهم. مش فاهم هو فيه ايه بينكم.
محمد. أصل يابنى أحمد يبقى مديرها لمروة ف الشغل ال حكتلك عليه.
أدهم. هههه. أه ومن امتى ومروة بتخاف
مايا احمم أنا الوحيدة ال هنا متعرفتش على أدهم مع ان الكل حكالى عنه
محمد. تعالى يامايا. ادهم دى مايا بنت عم نور
وصديقة غاليه عند مروة
مروة. عندى أنا بس.
محمد بصلها بغيظ. وعند ماما.
مروة أه يا ادهم أصل ماما بتموت ف مايا.
أدهم فهم مروة. أه بجد. طيب كويس. ازيك يا مايا وسلم عليها.
حسام وانا بقى ابقى حسام أخو مايا. وابن عم احمد وغلبان العيلة دى والله
الكل ضحك والسهرة كان اجمل مايكون ونور وأدهم كانوا بيبصوا لبعض وعايشين ف عالمهم الخاص بعيد عن كل الزحمة ودوشه الموسيقى.
سميرة. وعدت ووفيت يا أدهم.
خرج أدهم من سرحانه ..سميرة هانم اهلا يافندم.
سميرة حمد لله على سلامتك نورت مصر. ونورت حياة نور. متسبهاش يا أدهم. أي كانت الأسباب متبعدش عن نور واقف ف وش أي حد مش عايزكم لبعض
أدهم كان محتار. هو ممكن يكون ف أسباب تبعدهم تانى او فايد يرفض بعد كل ال وصله. . تقصدى إيه يا هانم
سميرة. مش هعرف اتكلم فايد عينه عليا. بس حاول تعمل ال قولتلك عليه خليك جمب نور يا أدهم
وسابته ومشيت.
دقايق وكان فايد بيطلب من خالد وسارة يتقدموا على الإستيتج يلبسوا الدبل
خالد كان بيلبس سارة. أنا أسعد إنسان ف الدنيا ياسارة لأنك بقيتى ليا
سارة. أنا ال فرحتى مليا الكون بسببك بقيت سارة جديدة بتحب الحياة وعايزة تكمل وتعيش كل تجاربها بس معاك انت يا خالد.
بعد انتهاء تلبيس الدبل الكل كان بيسقف لهم بفرحة.
صوت المايك ارتفع.مجددا مساء الخير يا جماعة معظمكم عارف أنا مين. بس ال لسه مش يعرفنى أنا فهد يسرى الصافى ابن أكبر رجال الأعمال ف الدولة
النهاردة كان فايد بيه محضر مفاجأة تانيه غير خطوبه سارة وخالد. والمفاجأة هي خطوبتى أنا ونور سليمان ويارب المفاجأة تكون عجبتكم
ونزل من على الإستيتج يخطوا بخطوات بطيئه والإضائة معه ف اتجاه نور. ال واقفه مصدومه بجوار أدهم ال كان ماسك إيديها وكان بيعيش موقف اصعب ما يكون لا يحسد عليه ليجد من يسحب يد نور من يده ويغمز له بشكل مستفز. وبصوت منخفض خيرها ف غيرها ياشاطر
الكل كان واقف مصدوم من ال بيحصل محدش كان على علم ان دا ال هيحصل ف الحفلة
أدهم مكنش شايف قدامه كان حاسس ان بيتخنق سحب نفسه وخرج برة لجنينة القصر مكنش قادر يمشى ولا مدرك لأي شئ حواليه
فى الحفله كان فهد ماسك إيد نور ولسه هيلبسها خاتم الخطبه بس فاقت من صدمتها وسحبت إيديها. وجريت برة القصر. لتجد ادهم يقف مثل التايه ولايصدر منه أي ردت فعل.
نور ادهم اسمعنى أنا مكنتش اعرف ال بيحصل دا صدقنى ..
أدهم.بعصبيه انت تخرسى خالص انت كدبتى عليا وقولتى أنك استنيتي بس يوم ما أرجع الاقيكى بتتخطبى. بتعملى فيا كدا ليه مقولتيش امشى النهاردة خطوبتى سيبتيى اشوفك وواحد غيرى بيسحب إيدك من إيدى. كنت عايزة تهنينى عشان بعدت وسيبتك
نور ببكاء. يا أدهم أفهم والله ما ... قاطعها. مش عايز أعرف ولا افهم حاجة. اتفضلى ادخلى كملى حفلتك بس هتندمى يانور لإنك وللأسف حتى لما فكرتى تتخطبى هيكون لنفس الشخص ال حاول يعتد ى. عليكى زمان
نور. ادهم ارجوك متحكمش عليا أنت بس ال هنا ف قلبى أنا انتظرت سنين أنا هستحمل كل كلامك بس لازم تعرف ان مليش ذنب ف ال بيحصل جوا دا
أدهم بصلها بدموع والتفت ليخرج من القصر أدهم. انتهت يا نور خلاص انتهت.
نور استنى يا أدهم عشان خاطرى متقولش ولا كلمه ال بينا عمره ما ينتهى
أدهم سابها وركب السيارة وهو مش عارف هو فعلا ظلمها وهى صادقه فعلا بس ازاي متعرفش ان النهاردة خطوبتها
نور قعدت ف الأرض بتبكى وفضلت مصدومة من ال حصل وان فعلا ادهم مشى سنين وانا ف انتظاره وف
الآخر يمشى. مسحت دموعها وقامت بقوة غير معتدادة عليها تتجه للداخل
الكل كان ف الحفلة متوتر مش عارفين هتنتهى عليه وفهد وابوه واقفين بيطلعوا نار من كتر الإحراج ال اتعرضوا ليه
دخلت نور. للقاعة
فايد بغضب. نور ايه ال أنت عملتيه دا ازاي اسئلة خطبتك وتخرجى ورا ال اسمه أدهم دا
نور طبعا كلكم مستغربين ال عملته وكل الحاضرين شايفين ان عملت غلط. اوك أنا بقا هفهمكوا
واتجهت ليسرى. عمو يسرى لو شخص مش كويس وحياته كلها عاشها سكران وسهر مع البنات. والبنت ال مش يطولها. يحاول يعتدى عليها. انت أقبل تجوزه لبنتك
يسرى. بدون تفكير أكيد لأ
نور. طيب لو جالك الشخص ال حمى بنتك وأنقذها من إيد المعتدى السكير وبعد وقت اتقدم لبنتك وبسبب مستواه الإجتماعى رفضته. وهو عافر مع الدنيا لحد ما بقى ايه مركزه ومستواه الإجتماعى بقى مناسب ايه هيكون رأيك
يسرى. أنا مش فاهم يا نور عايزة توصلى لإيه
نور. عايزه اقولك وأقول لكل الموجودين هنا ان الشخص السكير دا يبقى إبن حضرتك وهو نفسه ال حاول يعتدى عليها وال انقذنى منه كان الإستاذ ال أنا خرجت وراه. وهو نفسه ال عمل المستحيل عشان يتجوزنى
يسرى. انت بتقولى ايه. ابنى أنا. عمل كدا
نور. أه وهو موجود تقدر تسأله.
يسرى. أنت عملت كدا يافهد. حاولت تعتدى عليها
فهد. .....
نور. عمو يسرى. بابا لما قرأ الفاتحة أنا مكنتش اعرف. وحاولت اقناع بالرفض كتير بس كان دائما يقول إن عطاك كلمه ووعدك. بس هو نسى ان عطى وعد ليا ان لو أدهم بقى من مستوايا. مش هيقف ف طريقنا.
يسرى. يظهر يا فايد ان بنتك محضرة كل كلامها وعرفت ازاي تقلل منى قدام الناس
نور. لا يا عمو يسرى أنا مقصدش اهينك بس هكون بهين نفسى وكرامتى لو اتجوز ابن حضرتك ال انت نفسك متمنتش شاب زيه يتجوز بنتك واظن انت بتعتبرنى زي بنتك. بعد إذنكم وطلعت اوضتها
انتهت الحفله والكل راح على بيته
محمد بيكلم أدهم ف الفون. انت فين يا أدهم الوقت اتأخر
أدهم. أنا على الساخن فيه حاجة.
محمد. طيب يا أدهم افتح فونك وسوف الفيديو ال بعته
أدهم. فيديو ايه دا.
محمد. لما اقفل ابقى شوفه. وعايزة اقولك كلمتين يا أدهم. لازم تفهمهم كويس. لازم تعرف ان الدنيا مش هتديك كل حاجة وان أكيد هتتحط ف اختيار بين اكتر حاجتين غالين عليك.
ادهم. مش فاهم قصدك إيه
محمد. بعد ما اتسوق الفيديو دا هتعرف ان ظلمت نور بس بعدها لازم تقرر. هل فعلا هتقدر تواجه أي عاصفة تقف قدام حبكم. ولا أنت حبك هيك ن ضعيف عشان أقل عاصفة تهزه لازم تتأكد من مشاعرك وتسأل نفسك كويس هل تقدر تمسك بإيد نور أي كانت العاصفة ال هتواجها ولا لأ. الجواب ليك بس ياريت بعد ما تجاوب نفسك على السؤال دا وتعرف انت عايز ايه تيجى لان محمود البحيرى عايز يحكيلك حاجات كتير كان لازم تعرفها.
ادهم. نكون عندكم الصبح أنا محتاج ارتاح النهاردة.
قفل مع محمد. ال زود عليه الحيرة كلامه ال كله الغاز. ياترى ايه عايز تقولى ايه يابابا. ومسك الفون فتح الرسالة وشاف الفيديو كان محتواه كلام نور ف الحفلة ليسرى كانت مروة بتصورها من غير ملاحظتها.
أدهم. اااه. يعنى أنا بدل ما اجى واعوضها سنين البعد والإشتياق وابقى جمبها واحتويها. اكسرها. واضايقها أنا حتى مسمحتش لعقلى يصدق أنا غبى
طول عمرك يا غبى يا أستاذ أدهم أول مرة تعرف
التفت أحدهم تجاه الصوت بإستغراب نور
نور. أه أنا نفسى اعرف هتبطل تستغبى المواقف امتى
لما قابلتنى أول مرة حكمت عليا ان مش كويسه لمجرد ان كنت ف حفله مشبوهة
ادهم بإبتسامه. ياسلام
نور. خطأ ايديها على شفايفه. اشششش متقطعنيش
بعدها جتلك المستشفى. وجبتلك ورد استغبيت الأمر وأحرجتنى. بعدها استغبيت وجودى ف بيتك وان شايفه ان البيت مش مناسب وكل مرة كنت بتحكم عليا بمزاجك بس المرة دى غير يا ادهم أي حكم هين الا انك افكر ان ممكن أكون لغيرك او أحب غيرك فاهم ولا لأ
أدهم يبتسم بحب غير بقا تعملى إيه آسف يا نور مستحملتش ان يسحب إيدك منى وانا واقف عاجز
نور. ودا بردوا غباء. أنك تسيب إيدى بسهوله لغيرك
أدهم همسكها ومش هسيبها تانى أبدا
نور. أنا مش عايزة غيرك يا أدهم.
أدهم. ولا أنا نكون لغيرك ابدا
كملوا الليل وهما قاعدين على سطح اليخت الراسى على الشط يحكوا كل حاجة حصلت من وقت ما بعدوا عن بعض وازاي كل واحد فيهم قدر يقاوم أن يعيش بعيد عن التانى كل السنين ال فاتت
وف صباح يوم جديد. أدهم وصل نور أمام القصر ورجع على الفيلا
أدهم. بسعادة يا اهل البيت أين انتم
محمد. تعالا يا أدهم احنا ف انتظاركم
ادهم. بهزار أي فيه ايه مالكم متجمعين كدا ليه ناويين على ايه ياعيله البحيرى شكلكم كدا ناوين على الضربه القاضيه
عبير. بصوت منخفض. بلاش يامحمود متكسرش قلبه أول مرة يكون مبسوط وفرحان من قلبه
محمود. هو نفسه مش هيسامحنى لو سكتت أكتر من كدا
أدهم بيغمز لمحمد. ايه ياعم محمود البحيرى ناويلى على إيه
محمود. أدهم. أنا بقالى سنين مخبى عنك أكبر سر ف حياتك. وكان الوقت تعرفه
أدهم. بتوتر خير يابابا. ايه ال عايز تحكيه
محمود. كان عمرك سبع سنين لما أخدتك. من .......
محمود كان بيحكى كل ال يعرفه عن حكايه مراد سليمان. وبعد ما انتهى. دا كل ال حصل يا بنى
أدهم. بعدم إستيعاب. ازاي. طيب. ليه وازاي انت مش ابويا. ولا الست دى أمى ال ربتنى وعزتنى أكتر من ولادها. ف يوم وليله اعرف أنا واحد تانى
محمود. يابنى انت طول عمرك. مراد سليم سليمان
أدهم بغضب. مراد سليمان دا أنا معرفوش ولا ليا علاقة بيه.
محمود وحق أبوك وحق اخواتك اليتامى وحقك أنت تعيش وتتحرم من أبوك وامك اخواتك واملاكك وتعيش حياة مش حياتك وقدر مش قدرك
أدهم. انت عايز منى إيه انت عارف أنا هحارب مين. أنا لو صدقت واستوعبت كلامك يبقى مش هحارب فايد سليمان بس. أنا هحارب نور. هحارب روحى وحب عمرى وال اتغربت عشانها 7 سنين عشان تبقى ليا دلوقتى لازم انهى كل دا واحاربها هي وأبوها على عمله
محمد. بس نور مالهاش ذنب يا أدهم
أدهم. ذنبها ان أبوها يبقى قاتل أبويا
ذنبها. انها حبت مراد سليمان ال عاش بإسم وحياة مستعارة
ذنبها ان أنا نفسى هدمر فايد سليمان للأبد. ووقتها مش هيكون فيه نور ف حياتى
وأكمل بدموع. ياريتك ماحكيت ولا قولتلى الحقيقة ياريتك كنت سيبتنى زي ما أنا ياريتك ما كسرتى.