#احببت_مريضا 💙
الفصل التاسع والعاشر
كانت بتمر الايام وهو فعلا يستحق انى احبه، نجح يبقي صاحبي وملجأى الوحيد، انا بفضل اقول الكلام دا في نوتة طب مقولهوله هو بدل الدبش إلى بيطلع قدامه دا، انا انا منى لله والله
_صباح الخير يحلوة
=صباح النور
_يلا ننزل نفطر
=احمد انا ققرت اعمل كيكة النهاردة
_لا اله الا الله، طب انا عملت اي طيب!
=نعم يعسل
_عاوزة تعملى كيك لى، جاوبينى بصراحة كوثر قصرت في حاجة
=احمد خلاص انا قررت
_طب ابويا مش هياكل منها
=حمايا حبيبي، لا طبعا هياكل، يبنى متخافش انا أسمى الحقيقي مريم كيكة
_يسلام
=طبعا اومال
_طب انزلى وأمرى لله
فطرنا والحاج عماد قعد في الكنبه وانا وهو كنا في المطبخ
_مريم انتى بتعملى اي!
=ببحث عن طريقه العمل على اليوتيوب
_احيه يمريم
=اى الألفاظ دي، المهم هدوق احلى كيكة النهارده
_اتمنى ان ميبقاش فيه حالة تسمم النهارده
=انا يبنى!
يجماعة متحسسونيش انى لسه مكتشفه المطبخ صدفه، مهو كلنا بنستعين بصديق إلى هو اليوتيوب، بغض النظر يعنى ان الكيك ده لعبنى
_وبعد محطينا الدقيق نحط البيض
=يجدع
_بالله، بس متقولش لحد على السر بقي
=طب كملى
بعد ساعة خلصت
_وبعد منخلص نحطها في الفرن على درجة حرارة 360
=مريم كده هتتحرق
_شششش، اخرس
=ماشي
_اش عرفك انت دا عشان نكلها بسرعة
خلصت في ربع ساعة انا عبقريه هل انا عبقريه افهم بس!!
_شوفتى اهى اتحرقت
=غبي جاهل، دى بالشوكولاته لازم تبقي كده
_افضلى برري لنفسك
=دوق بس خلى بالك من صوابعك
_مالها صوابعى
=اصل هتاكل صوابعك وراها
_يجدع بس بقي
مسكت السكينة وقربت منه
_ها اى رايك
=هى محروقه بس حلوة، مش مستويه من جوا بس حلوة
_كنت حاسه انها هتعجبك
=!!!
_يلا بقي هندوق باباك
=لا يمريم، انا عملت كل حاجة غلط في حياتى الا انى اسبب الاذي للراجل دا
_خلصت؟
=ايوة
_يلا بقي ندوق باباك
خدت الكيكة على طبق كبير واطباق صغيرة وروحت حطيتها على الطربيزة الصغيرة إلى قدام الحاج
_اتفضل يبابا دوق
=لا يبابا متدوقش
برقت _بتقول حاجة ياحبيبي!
=دوق يبابا قبل متبرد ألاه!!
كل وضحك
_تسلم ايدك يبنتى، انتى بس تدربي كذه مرة وهتبقي احلى من الى بيعملوها كمان
=شوف شوف الناس الزوق شوف، مكنتش اتجوزك انت اجدع
لقيتهم الاتنين بيضحكوا
جه لعماد بيه فون فرد عليه
_ايوة، تمم تمم، ان شاء الله الاجتماع النهاردة
قفل الفون وفضولى خدنى اسئله
_اجتماع اى يحاج!
=اجتماع في الشركة
_اى دا انتوا عندكم شركة، امال احمد مش بيشتغل فيها لى!
لقيته بص لأحمد
_طب انا هطلع فوق اعمل حاجة
استغربت هو طلع لى دا!!
_هو أحمد مش بيشتغل فيها لى؟
=مش راضي
_مش راضي ازاى، انت كبرت ولازم ترتاح، امال مين ماسك الإدارة عندك!
=مدير اعمالى
_اى يحاج دا يحاج، لا هخليه يروح ان شاء الله
=بجد والله
_ثق فيا وانسي البقع
=هه، كل شويه وبتثبتيلى انك فعلا احلى حاجة في البيت دا، اه صحيح انتى خريجة اى؟
_تجارة
=بجد؟
_بالله يحاج تجارة
=طب دا كويس، امسكى حسابات الشركة
_للدرجادى عاوز تخسر
=هه، لا واثق انك هتعملى إلى عليكى وهتحافظى على فلوس جوزك، وتبقوا مع بعض واهو تشتغلى بتأهيلك
_بس انا مش عارفه هتشغل اى بالظبط
=هتفهمى واحدة واحدة الشغل،وانتى ذكيه ما شاء الله
_خلصانة موافقه وهقنعه
طلعت فوق لقيته ماسك كتاب
_احمد
=اي!
_اسمها اى؟
=نعم يمريم
_هتيجى معايا الشغل بتاع بكرة دا صح
=شغل اى!
_في شركة باباك يا استاذ انت
=لاء
_احمد انت لازم تشتغل بقي وتشيل المسؤوليه عن باباك باباك لازم يرتاح بقي
=انا مش هينفع اروح الشركة دى تانى
_لي يا احمد!!
=عشان عشان...
_متقول يبنى انت علقت
=عشان سلمى
_نعم يبا!!!
...
#احببت_مريضا💙
البارت العاشر
_عشان سلمى
=مين يبا!!
_سلمى
=ايوة منا سمعت بتكررها يعنى مش همك! دا انت عضلاتك مقويه قلبك جامد
_اي يبنتى، فاكرة لما قولت ان بابا كان عاوز يجوزنى بنت عمي
=فاكرة اه
_هي دي بنتى عمى بق
=ايوة يبنى أين المشكلة انا لا أراها
_هروح ازاى وانا اتجوزت خلاص!
=محدش عارف انك اتجوزت يبنى او بمعنى أصح محدش عارف مراتك مين، انا هاجى معاكى الشركة ويكأنني موظفة عاديه
_يكأنك!
=أها
_بس...
جت كوثر وخبطت على باب الاوضه
_ست مريم باباكى تحت هو ومحمد
=بتهزرييييي، بابا ومحمد تحت!
_اه والله هما قالولى كده
=نازلة اهو
جيت انزل واتفاجأ ب ايد ماسكة ظعبوط البيجامة، اي دا في اي!
_احمد انت مسكت اكيد الظعبوط غصب عنك صح!
=مين محمد دا يروح امك!
_ابن خالتى، وحاسب بقي اصل وحشنى اوى
=حد قالك انك متجوزة سوسن يبه!
_طلب حاسب عشان بابا
=باباكى بس فل؟ فل ان شاء الله
نزلت وهو كان ورايا
_يهلا يهلا والله
=ازيك يبنتى
_ازيك يبابا نورت والله
احمم ازيك يمحمد
=الحمد لله يمريم اى الاخبار
_الحمد لله، مبسوطة اوى انى شوفتك
=وانا كمان والله
_طب اتفضلوا واقفين لى
قعدوا وكان احمد جمبي وكان بيجز على سنانه، عنده حق والله دا انا مش بكون معاه بالرقه دى، وسلم علي بابا ومحمد
_طب اقوم اجبلكم حاجة تشربوها
قرب منى وبوشوشه=اى رايك تقدميلكم كيكتك الخطيرة؟
_لا يعم حرام
=نعم!!
قومت وانا بضحك روحت جبت عصير مانجا، دا ابويا وابن خالتى بردو يجماعة، اجرب في جوزى قرة عينى مش مشكلة ولو حصله حاجة نبقي نعالجه مش مشكلة
حطيت العصير على الطربيزة
_ها يمحمد رجعت امتى؟
=بقالى اسبوع
_اسبوع ومكلمتنيش، هانت عليك سندوتشات الفول والطعميه وأيام الكحرتة!
=هه يست والله مهنش بس عقبال مظبطت حالى هنا وارتاح من التعب بتاع السفر شويه
_وناوى تشتغل اى بقي
=لسه بدور، ان شاء الله الاقي حاجة كويسه
_ان شاء الله ربنا يوفقك
=ويوفقك، استاذ احمد مش كده؟
ابتسمت ابتسامة ساذجة_اه
=هه، عارف انا الغيرة دى، متقلقش دى اختى في الرضاعة
_قولتله لى يرخم، على فكرة بقي انا مشربتش لبن غير من ماما غير كده اشاعات صدقنى
ضحكم هما الاتنين
_يعنى انتوا اخوات؟
=ايوة يعم والله
_منور والله، قولى بقي انت خريج اى!
=تجارة كنت مع مريم في الكليه مع انى مكنتش عاوز ادخل بس حسبي الله ونعم الوكيل
*ولا ولا انت هتظيط انت جايب 80٪ يبنى!
_هه، طب كويس انا عندى شركة هنا، شركة والدى، وعاوزك تمسك الحسابات مع البت دى اصل بينى وبينك دى فلوس حلال ومش عاوزها تضيع
*بتقول حاجة يا احمد!
_انا لا خلاص!
*خلصانة محمد موافق، هو كده بيسمع على طول كلامى
=بس يمريم..
*ششش أخرس يمحمد
=ماشي، ربنا على الظالم
*ربنا يخليك يحبي
فضلنا نضحك ونهزر، كل يوم بكتشف فيه ان هو فعلا احسن من فارس احلامي، بطيبته وغيرته وضحكته ودمه الخفيف ونكته إلى مش بتضحك دى
_طب احنا ماشيين بقي
=لا لا اقعدوا شويه بالله
_مرة تانيه بقي، عشان لسه هوصل باباكى واروح انا
=طب متنساش بكرة بقي والشغل
_ان شاء الله، تصحبوا على خير
=وانت من اهله يحبيبي، سلام يبابا
_سلام يبنتى
كنت مبسوطة اوى، كانوا وحشنى جامد واتبسطت اكتر عشان أحمد عرض على محمد الشغل
_يلا هنام عشان الشغل
=نعم يختى؟ الساعة 9
_مش عاوزة اقولك تشرب اللبن
=اه والمدرسة بكرة امتى!
_احمد يلا
=فيه فيلم جامد جبته هنعمل فشار ونشوفه بالله
_لاء
قرب منى=منتى لو موفقتيش قليل الادب هيطلع عليكى والبقاء للاقوى بقي
_حاطط الفشار فين يعسل!
شغل الفيلم والصراحة كان فيلم حلو اوى، لا اختيارته جامدة ايوة حصل عشان كده اخترنى حاسه انى نرسجيه سيكا
ازاى يجماعة ننام واحنا بنشوف الفيلم، ازاى بس افهم دا غفلنى!
الصبح
_الله الله، اول يوم في الشغل ليكم ونايمين لغايه دلوقت!
=ايدا ازيك يحاج، والله يحاج ابنك إلى قليل الادب وجايب فيلم كله أحاسيس ومشاعر، وانا نقطة ضعفي العاطفه
_هه، قاموا عشان متتأخروش
طلعنا فوق بسرعة وغسلنا وشنا ولبسنا، قد اى فخورة بزوج نشيط زيه بيلبس في ساعة
_ها أنا جاهزة
=وانا جاهز
_مين الشخص الجامد إلى مختارلك البدلة دي بس!
=هتفضلى تمدحى في نفسك!
_انت انت يبختك بيا
=ايوة حصل عشان الحسنات إلى بخودها عشان مستحملك
_وه!!
روحنا الشركة كانت كبيرة اوى الله اكبر على حمايا الله اكبر بالله، كل الموظفين كانوا مستغربين لما احمد دخل، ايوة يجماعة رجع إلى هيمسك الشركة في اى مالكم!
انا لازقه فيه كده لى انا يكأننى موظفه عاديه ملهاش لازمة في الحياة! وقفت وهو كمل ولقيته وقف وقدامه بنت،اووف اى دا اى القمر دا، هو المفروض البنات بتغير من بعضها صح! امال مش شغال عندى لى!
قربت منهم