💥حصاد.. شمس الأنصاري
بقلم مها عيسى
الفصل الثالث والثلاثون
وَمَا الْحَيَاة الدُّنْيَا إِلَّا لَعِب وَلَهْوٌ وَلَلدَّار الْآخِرَة خَيْر لِلَّذِينَ يَتَّقُونَ أَفَلَا تَعْقِلُونَ ..♥️
______________________$$$$$
اميرة /السلام عليكم.....
سامح /يقوم يقف وهو يتأملها بكل حب واشتياق
وعليكم السلام ورحمة الله وبركاته.... ويتأملها بصمت
أميرة /مستغربة نظراته لها وف نفسها يمكن يكون إعجاب
ولكن فيه حاجة بتشدها له وكأن فيه شيئ بيربطه بيها
ولكن ترفض كل هذه الأفكار وترميها خلفاً....
أنا معايا إذن بزيارة ل "جاسر"... باشا.... تقولها بفخر وتعالي
وكأنها عايزه تعلمه حجم الشخص الذي تطاول وقبض عليه
سامح /حمم تمام رن الجرس... دخل العسكري وطلب
منه يحضر "جاسر" من الحجز للزيارة..... استنى
تحبي تشربي ايه
أميرة /بتعجب...... مرسي مش عايزه حاجة
سامح /نظرة مطوله... وكأنه يشبع انظاره
ممم روح انت وهات اتنين ليمون....
العسكري /تمام يا باشا.... وخرج ينفذ
أميرة /هو "جاسر الأنصاري"... في الحجز مع المجرمين
انتم ايه مفيش تمييز خالص ازاي تتعملو كدا مع رجال أعمال
بيفيدو البلد بمشارعهم واستسمارهم ازاي يتساوى
رجل دوله بمجرم بيسئ للدوله
سامح /اممم هو بالنسبه لحضرتك انتي شايفاه برئ
وميستهلش اللي هو فيه لكن احنا قصدي القانون هو
ف نظرة مجرم زي اي مجرم..... وف الجرم مفيش فرق
بين مجرم فقير ومجرم غني بال بالعكس يمكن
ساعات بندي عذر شوية للفقير ان ممكن يكون الحوجه
والفقر هما اللي دفعوه لكدا،،، بس بردو ده مش مبرر ليهم
لأن ناس كتير بتكون ظروفهم أصعب كمان ولكن
عايشنها بالحلال..... لكن نيجي بقه للغني تقدري
تقوليلي ايه المبرر اللي يخلي واحد عنده كل حاجة
الجاه والمال والعيشه المرتاحه،،، ورغم كده يمشي ف
السكك الغلط والطرق الشمال ايييه مبرره غير الطمع
و الجشع وحب الذات واللي زي ده بيبقه يستاهل الحرق
مش المسأله القانونيه.......بقلم مها عيسى
أميرة /بعصبيه..... وانتم خلاص صدقتم انه ممكن يكون
هو فعلاً اللي عمل كده مش يمكن يكون ملعوب من
(الريان) اللي انتم جايبين الحاجه من مخازنهم....
و متقوليش الشحنه كانت كلها بإسمه ده مش مبرر
ولا مستند قوي يدينه لأن الشحنه طالعه من هناك على
مخازن.. الريان.... ياعني وارد جداً يكون حصل تغير ف
الشحنه أثناء الإنتقال سواء من دبي للمينا أو من المينا
ل هنا..... ولا ايه يا حاضرة الظابط
سامح /بس هو مش كده انتي......... ولم يكمل كلامه
بسبب تخبيط الباب وكان العسكري أحضر.. جاسر
جاسر /أول ما دخل اتفاجأ بوجود "اميره..... بص لها بفرحه
وجري عليها... أميرة.... حبيبتي واخدها بحضنه...
أختي حبيبتي كدا بردو يا" أميرة " تختفي كدا
ياعني كان لازم كل ده يحصل عشان ترجعي
أميرة /بعيون تلمع بالدموع من رؤية أخوها هاكذا
حبيبي سيبك من اللي فات دلوقت انت عامل ايه
سامح /وكان هايولع من جواه وهو شايف جاسر
يحضن "أميرة"... ومن جواه كان عايز يمسك ف
زميرة رقبته..... حممم طيب اسيبكم أنا عشان تاخد
راحتكم بعد اذنكم..... وسابهم ومشي
جاسر /بعد ما خرج سامح...... ياساتر عليك بني آدم
أنا مش عارف هو واخد مني موقف ليه
أميرة /سيبك منه المهم عامل ايه يا حبيبي وازاي
قادر تعيش كدا مع المجرمين جوه وفي المحيط ده
جاسر /ماتقلقيش يا حبيبتي انا بردو ليا وضعي
واطمني الدنيا تمام..... انتي اللي كنتي مختفيه ليه
كل ده عشان بابا اتكلم معاكي بأسلوب وحش شويه
خدتي ع الدلع انتي هااا هههه.... انتي عرفتي ان بابا
في المستشفى ف غيبوبة من يومها
أميرة /بحزن؛ عرفت.... أنا عايزاك تركز انت في اللي انت
فيه ونشوف هانعمل ايه
جاسر /وهو يعتدل بجلوسه ويضع رجل على رجل
ماتقلقيش انا كلمت المحامي وطلبت منه كام حاجة
يعملها هاتوصلنا لنتيجة كويسه ان شاء الله
أميرة /يااارب يا قلبي... وبتنهيدة... عرفت مين اللي
وورا كل ده...
جاسر /ممم (ياسر الريان) ههه عايز يخلص مني بس
بعينه بكره ان شاء الله اطلعلو وادفعو تمن كل ثانيه
قضيتها هنا....
أميرة /بكره..... وأنا مش هاستنا لبكره،، هو بدأ الحرب
اما نشوف هايكون ادها ولا لأ.....
(سبحان الله وبحمده سبحان الله العظيم)..
خارج الغرفه "سامح" يتكلم ف الهاتف....
ايو ياحبيبي أخبارك انت ايه
ياسر /انا الحمد لله... المهم انت الدنيا عندك ايه قدرت
توصل لحاجه
سامح /هو انا ورايا غيره هاجيبو الأرض ان شاء الله
هو بس دلوقتي بيكابر.. حلاوة روح لكن انا وراه
والزمن طويل
ياسر /يلآ خلي البلد تنضف... بس خلي بالك
جاسر الأنصاري "... مش سهل ياعني ممكن يخلي حد
من رجلته يشيل الليله ماهو مش بالساهل كده يضيع
سامح /مأظنش حد يضيع نفسه بالشكل ده هما سنه
ولا خمسه حتى ده عمر يابني ف السجن دا ممكن كمان
قاضي يجيب له فيها إعدام لو النيابة لعبتها صح
ياسر /أتمنى هههه وهو فين دلوقت ف الحجز مع
المجرمين هههههه
سامح /لأ هو حالياً في مكتبي عنده زيارة أخته "أميرة نافع"
يقولها وهو يجز على أسنانه...
بالداخل..
أميرة /وحيات غلوتك عندي مش هنستنا لما تخرج له
ده بقه سيبه ليا انا... أنا هاعرف شغلي معاه
المهم انت دلوقت يا "جاسر" عشان خاطري حاول
تلتزم الهدوء والثبات أنا مش قادرة أتحمل أشوفك
كده أعذرني مش هاجيلك تاني إلا لما أجبلك حقك
وأثبت برائتك،،، وبعدها سبته ومشيت وهو رجع
حبسه....
أميرة.... خرجت من عنده وهي بتأقسم إنها لازم تدفع
ولاد "الريان" كلهم تمن حبس أخوها بالشكل ده
وقبل ما ترجع الفيلا كانت عملت اتصالاتها وبدأت في
التنفيذ.......
وهي حرق كل مخازن (الريان) في وقت واحد وبدون
أدلة ايدانة وانها تبان قضاء وقدر،،،
وأنه ماس كهربائي وده إللي خدت بيه النيابة بعد التحقيق
مع تطبيق الطب الشرعي وهي طبعاً بذكائها لعبتها صح
وكانت صدمة بالنسبه ل ياسر الريان وأخوه
ولكن مش بايدهم شئ يمسكوه فا "جاسر" ف الحبس
وشمس ".. ف غيبوبة ف المستشفى
ولكن" ياسر "... شرد شوية عندمآ تذكر حديثه مع
سامح.....
(هو ف مكتبي دلوقت عنده زيارة مع أخته" أميرة)
ظلت تتردد ذهنه الكلمة الأخيرة..... أخته أميرة...
اخته أميرة... اخته أميرة
ليهمس بشرود..... معقووول!!!!!
(استغفر الله العظيم واتوب اليه)
_____________________بقلم مها عيسى 🌹
رامز /وبعدين معاكي بقه هانفدل ع الحال ده كتير
بقه انتي اللي زعلانه ولا انا إللي من حقي أزعل
خربتي بيتي وخسرتيني عيالي انا مش عارف اروح
ابص في وشهم
سندس /عيالك.... همك بس على عيالك اللي هناك
طب ع الاقل اللي هناك خلاص كبرو واحده اتجوزت
والتاني ظابط اد الدنيا..... الاولي تشيل هم عيالك
اللي هنا لسه مشوارهم طويييل
رامز /وانا ياعني كنت نسيت عيالي اللي هنا ما انا
سايب اللي هناك اهو وقاعد جنبك انتي وعيالك
سندس /قاعد .... قاعد فين ان شاء الله في الحق
اللي انت حبسنا فيه انا وعيالك ولا ع العيش العنب
اللي معيشهالنا.... ياخي حرام عليك لما المحروس ابنك
وأمه يعيشو ف الوسع والعز ده بطولهم،، واحنا هنا
متكومين عل بعض
رامز /لا حولا ولا قوة الا بالله... يابنت الحلال هي شقتي
ماهي بتاعتها
سندس /بصوت عالي..... ياعني انت كنت عارف بكده
وبتكذب عليا ونصبت عليا لحد ما اتجوزك
أسمع انا مش هاصبر على عيشتك دي اكتر من كده
أنا خلاص فاض بيا ومن حقي اعيش دلا
مكان عدل زي الناس ولا لقمة حلوه ولا هدمه تستر
رامز /استغفر الله العظيم.... تصدقي بالله انا ف ساعات
بحس انك تخليص ذنوب،، ايو فعلاً لأني جيت على
الغلبانه اللي عمرها ماشيلتني هم عيال ولا معيشه
وكانت دايما راضيه بقليلها دانا لما كنت اتخنق من
المعيشه.. تقولي قول الحمد لله احنا احسن من غيرنا
كتير الحمد لله على الصحه والعافيه ونعم ربنا علينا
كتير اوي....... صحيح متعرفش قيمة أمك إلا لما تجرب
مرات أبوك... ياستير عليكي وليه انا سايبلك البيت
وخارج احسن من الهم والنكد ده
سبها وخرج وهي بتاكل ف نفسها..... ماشي ماشي يا
رامز..... بقه هي أحسن مني وبتعيرني كمان بيها
ماشي يا رامز...
احمد /خرج من غرفته.... ماما عايز فلوس
سندس /بشخطة ليه يا قلب أمك رايح فين
احمد /رايح أقعد مع صحابي شوية ويمكن اتأخر شوية
متبقيش تقلقي
سندس /بصوت عالي... بقولك ايه يا " احمد" انا مش
نقصاك انت التاني وبعدين سيبك بقه من حوار
اصحابك ده باباك مأكد عليا مفيش صحاب ولا حتى
خالك عايزك تعرفو تاني.... بصراحه انا كنت زعلانه منه
لكن لما بعدت عني وشفت شكلك وانت ف الحجز وسط
المجرمين قولت لأ هو معاه حق؛ احنا ملناش دعوه
بالناس دي ولا بافكارهم يا "احمد" انا قلبي يابني
ميتحملش اذيتك..... مش احنا اللي هانغير الكون
أحمد /ايو ماهو لو كل واحد قال كده مين اللي هايعدلها
عجبك عيشتنا دي
سندس /ومالو اللي يرسي ع الناس يرسي علينا
خلينا في حالنا
أحمد / فكك مني يا ماما هاتي بس الفلوس
سندس /وهي تهز برأسها.... مفيش فايدة.. خد يا
احمد... وعشان خاطري متتأخرش انا مش عايزه اسمع
كلمه من أبوك....
(لا إله إلا أنت سبحانك إني كنت من الظالمين)
______________________________________
منى /تطرق باب الغرفه وتدخل..... صباح الخير يا
بنات يلآ يا حبايبي عشان تفطرو
قامت "نور و يسرية"... اتوضو وصلو وجلسو مع "مني
ع الفطار
نور /الحمدلله شبعت اقوم انا بقه ألبس وأروح الشغل
أنا مش عارفه هاعمل ايه ف غياب مستر" جاسر
يسرية /استنى هاجي معاكي
نور /لأ ياحبيبتي خليكي انتي خدي يومين مده راحه
لحد ما تهدي وتقدري تشتغلي
يسرية /ليه اليومين دول هاينسوني ياعني حزني هه
ولا العمر كله يا نور.... الشغل هو اللي هايلهيني
منى /يسرية.. معاها حق يا.. نور" مروحها الشغل افضل
لها خديها معاكي ولو حست بالتعب خليها تيجي
يسرية.. ونور... قامو لبسو وودعو" منى ".. ونزلو
ونازلين من العماره اتفاجأو ب" سامح "نازل من سيارته
متجه لهم بقلم مها عيسى
سامح /صباح الخير..... ايه ده رايحين فين كدا
نور /رايحين الشغل يا ابن عمتي... اآنت اللي رايح فين
سامح /حمم انا كنت جاي لكم كنت جاي ياعني اطمن
على يسرية..... عامله ايه دلوقتي يا "يسرية
يسرية /الحمدلله شكراً لحضرتك
نور /مممم طب ومالو يلا اديني لقينا توصيلا ولا
عندك مانع ياسيادة الرائد.... ياعني لو مشغول
سامح /وهو ينظر بحزن ل يسرية... يسمع كلام نور
هاا لأ طبعاً اتفضلو اوكبو اوصلكم ف طريقي
يسرية /ليه بس كده يا" نور ".... نتعبه معانا ليه
سامح /بابتسامة... لا ياستي تعبكم راحه يلآ اوكبو
وخدهم ومشيو وكانت "نور" راكبة جنبه،، و يسرية
راكبه ف الخلف وساندة راسها ع الزجاج وشارده
بالشارع بعيون تلمع بالدموع،، وسامح.. كان مراقبها
كل شوية يبص عليها من المرايا وكان حزين على
شكلها..... وصمت طول الطريق.... ولكن نور... جواها
عايزة تطمن على "جاسر".. ومش عارفه تجبها ازاي
خايفه يبان عليها حاجة
نور /حممم قولي يا "سامح".... وصلتو لحد فين في
قضية.. جاسر
سامح /كان ينظر ل يسرية... ثم نظر لها ممم عايزه
تعرفي ايه بالظبط يابنت خالي هه...
نور /حمم انا بسألك عادي عل فكره وبعدين ايه أسلوبك
ده انا مش فهماك مش كفايه إنك خبيت عليا انك
هاتقبض عليه وفجأتني
سامح /وهو ينظر لها بخبث.... والله لأ سلامتك من
المفاجأه يا بنت خالي.. حمم هو لسه هايتعرض ع النيابة
وهما هناك هايشوفو شغلهم معاه
بعد وقت كانو وصلو وودعو بعض و "سامح" طلب منهم
اي حاجة تحصل معاهم يتصلو عليه علطول وانه لو لقى
نفسه فاضي هايعدي يروحهم عشان خاطر.. يسرية
متتعبش ف المواصلات.... ولكن يسرية.. رفضت
وقالت مفيش داعي،، ونزلو ودخلو الشركة وكانت
المفاجأة ليهم وجود "أميرة".. في الشركة... يسرية
ف نفسها،، و الله ماهي نقصاكي وناقصه تنكتك
أما "نور".. فرحت جدا أول ما عرفت بوجودها فاهي
كانت قلقانه عليها جداً واتصلت ب ممتها وعرفتها بوجودها
واتصلت أيضا ب "خالد"،، وعرفته فاهي من يوم ما "خالد
سافر وهي يومياً تتصل عليه وتقص له كل ما حدث
معها خلال اليوم كله وعارف منها كل حاجة أول بأول
أميرة /ف مكتبها تتحدث ف الهاتف... بفرحه
برافو عليكم يا رجاله بكده كسبنا أول جوله اجهزو
بقه للضربة التانيه لازم أعرف ولاد الريان.... هما
بيلعبو مع مين ههه..... سلام انت دلوقت وعايزاك
تكون دقيق معايا في معلوماتك عنهم لأني عل الأساس
ده هاشتغل.... شفلي جي لهم شحنه قريب ولا لأ
وأعرف كل التفاصيل يلآ مع السلامة
وبابتسامة..... ولسه يا ولاد الرياااان.. هههه
ثم تدوس عل زرار ترد عليها "يسرية
يسرية /وهي تغمض عنيها وتفتحها..... نعم يافندم
أميرة /تعالي عندي بسرعه..
يسرية /اوكي يا فندم... وخبتط ع الباب ودخلت
تحت امرك يا فندم
أميرة /وهي تنظر على لبسها للأسود..... البقاء لله
يا يسرية..... أنا عرفت ان ممتك اتوفت مكنش ضروري
تيجي النهاردة خدي يومين إجازه هو صحيح الوقت
مش مناسب وفيه ضغط ف الشغل بس بردو انتي
تهمينا لو عايزة ترتاحي يومين مفيش مشكله
يسرية /بذهول مش مصدقه اللي قدامها دي وبتتكلم
بالحنان ده تكون هي.. أميرة... فعلاً ولا بتهئ لها
حممم لأ يافندم مفيش داعي الشغل بالنسبالي أفضل
من القاعده والتفكير... كده احسن
أميرة /تمام اللي تشوفيه المهم شدي حيلك وأي حاجه
تحتاجيها اوعي تترددي تطلبيها مني فاهمه...
ودلوقتي ابعتيلي إللي إسمها "نور" دي،،، وعايزاكي
تبحثي عن كل مصانعنا واي حاجة تخصنا متأمن عليها
تشوفي لو حاجه بوليصة التأمين عليها أنتهت تتجدد
فوراً مفهوم وخلي حد يساعدك ف المهمه دي عشان
أنا عايزة السرعه والدقه تمام.... يلآ روحي انتي
وابعتي.. نور
يسرية /خرجت من عندها وهي مازالت مذهوله من
كلامها معاها بالأسلوب ده وانها طلبت منها لو احتاجت
حاجه تطلبها علطول.... دا من امتى وهي بتحس بأي
حد حوليها..... تقبلها "نور"...
نور / اي يابنتي ماشيه تكلمي نفسك
يسرية /كويس انها جت على اد كده.. دانا بدأت أشك
ف نفسي... يكون بيجيلي تهيأت
نور /بضحك ليه بس اي اللي حصل
يسرية..... حكت لها كل الحوار اللي دار بنها وبين" أميرة
وسط استغراب" نور "ولكن بابتسامة وفرحه من جواها
ثم قالت لها يسرية... إنها تدخل لها عشان طلبتها
وبالفعل دخلت نور....
نور /تطرق الباب ثم تدخل وهي تأخذ نفس طويل
لتحمل الثبات وهي أمام شقيقتها.... السلام عليكم
حمدلله على السلامه يا فندم
أميرة /وهي تنظر بأوراق بيدها تشاور باليد الأخرى ل
نور.... بأن تجلس أمامها..... نور... جلست
ترفع "أميرة" بعينها لها مم ايه يا "نور" ايه أخبار الشغل
نور /وهي تحفر ملامحها جواها بحب وشوق... حمم
كله تمام حضرتك انا جبت معايا كل الملفات اللي تخص
كل الشغل اللي تم ف غياب حضرتك..... ف الحقيقه
أنا كنت لسه جايه النهاردة وانا محتاره وبسأل نفسي
هاعمل ايه ف الشركة بعد غياب مستر.. جاسر
لكن فرحت جدا برجوع حضرتك.... تواجد حضرتك آكيد
هايفرق كتير وضروري جداً ف المرحله دي ياريت
حضرتك بلاش الغيبه دي تاني حمم قصدي عشان
مصلحة الشركة ياعني
رواية حصاد شمس الأنصاري بقلمي مها عيسى
أميرة /بتفهم... اممم تمام بصي بقه انا عايزاكي تبعتي
فليكسات لكل الشركات اللي هاديكي بياناتهم دلوقت
عايزة تشوفي ايه التعاملات المناسبه ليهم عشان نتعامل
معاهم بيها انا عايزة أملك السوق كله وافرد سلع الأنصاري
ع الكل..... مش عايزة حد يشتغل جنبنا
عايزة أسطورة الأنصاري... ترجع أقوى من الأول
وفيه شوية حاجات كده عايزين نتفق عليها ونقشهم
مع باقي الأعضاء ف الإجتماع الجاي ان شاء الله
خلصي كل حاجه وعرفيني عشان أحدد ميعاد الاجتماع
يلآ روحي انتي شوفي شغلك..... نور "... عايزة جديه
وضغط ف الشغل وكل حاجة تكون بدقه مش عايزه
أخطاء،،وبلغة تحذير.... مش هاسمح بيها مفهووم
اتفضلي..... بقلم مها عيسى
(لا إله إلا الله وحده لا شريك له له الملك وله الحمد وهو على كل شيء قدير)
___________________-__________
مرت أيام وياسر الريان"... اتأكد أن أميرة هي اللي ورا
كل اللي حصل بمخازنهم وتوعد لها برد الانتقام
وبالفعل تم حرق مصنع من مصانع (الأنصاري)
ولكنهم صدمو عندمآ علمو إنها لسه مجدده بوليصة
التأمين بتاع المصنع،، وهما حرقو ده بالذات لأنهم كان
عندهم علم بأن أنتهاء تأمينه كان من أيام وإن طبعاً
أميرة ".. ف الايام دي مشغوله بحبس" جاسر "و
" شمس "اللي في المستشفى وكمان انتقامها منهم فأكيد
مش هتاخد بالها من حاجة زي دي
ميعرفوش ان" أميرة "... نبهت وشددت على كل الموظفين
بالشركة بعدم الاستهتار او التساهل ف اي حاجه مهما
كان صغر حجمها وانهم يصحصحو لكل حاجة واي
حاجه من ممتلاكات الأنصاري... قبل انتهاء تأمينها
يكون متجدد لها التأمين تاني ويشددو الحراسة على
كل المنشأت وياخدو حذرهم بشدة ويتعملو بعنف مع
اي يحد ممكن يتعرض لهم أو لأي من الممتلاكات لهم
بالإضافة لكدا..... إنها وقفت كل شغلها الظاهر مؤقت
عشان تقطع اي خيط ممكن يمسكوها منه وأجلت كل
الصفقات والتعاملات
(وكان فكرها وذكائها رغم انه كان ضد مصالح الريان
إلا أن "ياسر" كان مبهور بيها وبقوة بشخصيتها )
وقبل مآ يفوقو ولاد "الريان"... من ضربتها كانت
ضربة ضربتها الأقوى..... بغرق سفينتين محملين
بضائع بكمية مهولة وكانت أكبر خسارة لولاد.. الريان
وده وصلهم لأعلى قمه في الغضب
راشد الريان /بكل عصبيه...... يابنت ال.........
مش ممكن يا "ياسر".. واحنا هانسكت على كل ده ياعني
دا احنا ملحقناش نفوق من الضربة اللي فاتت
ومن خسارة المخازن إللي لسوء الحظ كلها مكنش اتجدد
تأمينها...... وبصوت عالي لكن كله كوم وخسارة السفن دي
كوم تاني دي خسارة كبييير ره وكبيرررررره اوووووي
يا "ياسر"..... ثم ينظر لأخيه وهو باستغراب منه
بصراحه انا مندهش يا أخي من الهدوء إللي انت فيه
ده... أنت ايييييييه مفيش حاجه فارقه معاك مش
واخد بالك من حجم الخسارة اللي بالمليارات
مقابل كل ده عادي وهادي
ياسر /بغضب مكتوم....... وانت اخدت ايه من عصبيتك
دي وعمال تتشال وتتحط وممكن يجري لك حاجة
ووقتها هاتكون الخسارة الأكبر.....
أسمع مني بقه الخلاصة إللي زي (أميرة) دي وذكائها
الخارق ده إللي أنا شخصياً مبهور بيه... خسارة إنها
تكون خصيمتنا خسارة اننا منستفدش من الذكاء ده
راشد /وعروقه هتنط منه من شدة غضبه من أخوه
وبروده.... شوف يأخي أنا بكلمة ف خسارة مليارات
الدولارات،،، وهو بيكلمني ف خسارة المحروسة وناقص
يغازل فيها بقلم مها عيسى
ياسر /أهدى يا "راشد"... خلينا نعرف نفكر بهدوء
ازاي نرد عليها.... اللي زي دي عايزة دماغ صاحية
وهدوء عشان لما نضرب تبقه ضربة قاضيه.
راشد /اييييه لااااا خليك انت ف هدوئك وانا بقه
هاتصرف،......... وسابه وخرج وكان خلاص نوى على
تنفيذ انتقامة ومكنش قدامة غير حل واحد بس
لينول الإنتقاااااااااام........... وهو!!!!!!!!!!
_____________________
سامح /اتصل على "نور" وطلب منها انها تنتظره بعد
أنتهاء شغلهم هي و "يسرية".... عشان عزمهم ع الغدا
برا.... ونور... قالت له هاشوف يسرية.. الأول
وبعد إلحاح يسرية... وفقت وبالفعل عدي عليهم.. سامح
واخذهم مطعم وطلب لهم غدا واتغدو وطلب لهم عصير
يسرية /شكراً يا سيادة الرائد ولون ف الحقيقه الواحد
مش عارف يشكرك على ايه ولا ايه.....
علي وافقتك معايا في تعب ماما الله يرحمها ولا
وافقتك في العذا،، ولا بعد العذا،،، ولا اهتمامك بيها
وهي ف المستشفى...... أنا عرفت يوم وفاتها ان حضرتك
كنت هناك لما تعبت وأنك طلبت منهم رعايه كاملة ليها
والإهتمام بشكل أفضل وان اي حاجة تحصل يطلبوك
علطول،،، وكمان عرفت انك دخلت اقعدت مع ماما
قاعدة طويلة قبل ما تتعب اوي كده وينقلوها للرعاية
ممكن تطمني عليها وتقولي اي الحوار اللي دار بينكم
سامح /بتنهيدة...... ايييه كمية الشكر دي كلها أولا انا
معملتش غير الواجب وبس......
يسرية /بسسس كل ده وتقول بس،، بابتسامة حزينه
طب ايه الحوار اللي حصل بينكم طلبت منك حاجة
كان نفسها ف حاجة كانت تعبانه اوي.... وعيونها تدمع
اشتكيت من حاجة وجعاها....
سامح........ يرجع بظهره للوراء متذكر ما حدث
بشروووووود
بااااااااااااااااااااااااااااااك __________بقلم مها عيسى 🌹
سامح /بابتسامة..... ألف سلامة يا ست الكل أخبارنا
اي دلوقت
أم يسرية /بتعب..... الحمدلله ياحبيبي
سامح /الحمد لله.... بس انا شايف انك بسم الله ماشاء الله
زي البدر ف طلوعه زي ما بيقولو.. وبضحك... أنا
ماسك الخشب وعيني مش مدوره
أم يسرية /بتبتسم بألم...... أنت اللي ابن حلال وأصول
كمان ربنا يكرمك يا ابني ويجبر بخاطرك زي ما
بتجبر بخاطري،،، وبخاطر بنتي المسكينه.... و دموعها
نزلت منها عشرات
سامح /بزعل وهو يمسح لها دموعها..... لااااا اي الدموع
دي بقه هو انا وش نكد اوي كدا
أم يسرية /انت دانا من أول ما شفتك ودخلت قلبي
علطول واتمنيت ل "يسرية".... واحد زيك يصونها
ويكون حنين فيها.. وبعيون تلمع بالدموع
اصل حكم "يسرية".. بنتي من يومها محرومه من الحنان
شقيانة من صغرها ياضنايا... كان نفسي أطمن عليها
قبل ما امووت....بقلم مها عيسى
سامح /بحزن..... ربنا يخليكي ليها يا أمي وتفرحي
بيها وعيالها كمان هههه
أم يسرية /هه ما خلاص يابني النهاية باينه... أنا مش
خايفه من الموت بالعكس دانا مشتاقه..... لكن كل همي
بنتي هاموت وانا قلبي وفكري مشغول بيها 😥
سامح /بتفكير..... حمم طب هو... بصراحه ياعني انا
كنت ناوي أطلب منك طلب بس كنت مأجله لما تخرجي
بالسلامة عشان يكون الوقت مناسب ياعني بس
بما انك فاتحتي الموضوع.... فأنا بقه هاتجرئ وأطلب
آيد آنسة "يسرية".... للزواج
أم يسرية /بفرحه شديدة وهستريت دموع فرح مش
مصدقه نفسها....... أنت بتتكلم جد يا ابني..... تصمت
بس ليكون ياعني بتقول كده عشان كلامي ياعني....
قاطعها.. سامح... /معقول يا ست الكل دا جواز مش أكله
بعزمك عليها ياعني عن اقتناع وبعدين انا عيني على
آنسه.. يسرية.. من زمان ولكن كنت مأجل الموضوع
شوية لكن خلاص كل شيئ بميعاد،،، وهو ده ميعاده
اممم اي رأيك بقه
أم يسرية /بسعادة.... اي رأيي... دا يوم المني يابني
دا هو دا اللي كنت بترجاه من ربنا وهو حقق لي
مطلبي ألف حمد وألف شكر لك يارب....
وربنا يريح قلبك ويسعدك زي ما ريحت قلبي يابني
ودلوقتي أموت وانا مرتاحه ومطمنه على بنتي انها
هاتبقه مع راجل عل حق يصونها ويحميها ويسعدها
بإذن الله....... الحمدلله.... الحمدلله
أنا طبعاً مش محتاجه أوصيك عليها لأني وثقه فيك
والحمد لله...... ليا طلب بس اندهلي الممرضة عايزه
اتوضأ وأصلي واشكر ربنا على كرمه علينا انا وبنتي صحيح
بعد العسر يسر ، ولا يغلق الله بابًا إلا و يفتح خيرًا منه
رواية حصاد شمس الأنصاري بقلم مها عيسى
سامح /من عيني يا ست الكل تأمريني بحاجة تانيه
أم يسرية /مايأمرش عليك ظالم ياضنايا..... روح ربنا
يستر طريقك ويكفيك شر ولاد الحرام....
سامح... ودعها وندا على الممرضة وطلب منها تنفذ
اي حاجة أم يسرية تطلبها منها وبعد كده راح مكتب
مدير المستشفي وكان هناك الدكتور المعالج لها
ووصاهم عليها ودفع الحساب كله وقال لهم ان أمرها
يهمه شخصياً....بقلم مها عيسى
_____عودة للواقع ______
يسرية /اييه سكت ليه..... للدرجادي الحوار كان صعب
سامح /لأ ياسيتي مكنش صعب ولا حاجه كل اللي دار
بنا كان مجرد كلام عادي....... عرفت ازاي،،، وحكيت لها
القصه كلها بس كده....... المهم دلوقتي انا عايزك
تاخدي بالك من نفسك وحاولي تخرجي نفسك من
الحالة دي..... دى سنة الحياة يا... يسرية
يسرية..... تنظر له بدهشة فاهو لأول مرة ينادي لها
بأسمها دون آنسة،،، لتنطر له وترى بعينه نظرة
تحيرها.
وهو مبتسم على تعبيرات وشها وهو قاصد يقول اسمها
بس كانوع للتمهيد.
(اللهم صل وسلم على نبينا محمد وعلى آله وصحبه أجمعين)
_______________________________
في المول.........
أميرة /تتجول لشراء بعض الأشياء الضرورية اللي
طلبها منها "جاسر".... وطبعاً ماشيه بحراسة مشدده
وبعد ما أوشكت عل الانتهاء أعطت الحاجه للحرس
وقالت إنها داخله الحمام.... وطبعاً دا حمام حريمي
و مينفعش الحراسه تقف حتى بالقرب منه
وكان هنآك أعين تراقبها.... ومجهزة كل شيء
أميرة.... واقفه قصاد المرايا تظبط الميكب وبجانبها
سيدة منتقبه وفجأه تجدها تتوح كأنها هاتسقط ارضاً
تقوم باسنادها........ لتجري عليها فتاه أخرى منتقبه
أيضا يا حبيتي.... دختي تاني..........وف لحظه
وأميرة تكوون.....