🍁🌾حصاد.. شمس الأنصاري
____________________
✍️بقلم مها عيسى..
____________((الحلقة ال ٤٤))
___________-______-_____-____&
تعلمت ألا أثق فيمن يحدثني عن الناس لأنه سيحدث الناس يوما عني ...
(( اللهم أبعد عنا كل حاقد ومنافق وكل ما يقل فينا ماليس فينا )).؛____________________
🥀🥀🥀🥀🥀🥀🥀🥀🥀🥀🥀
و بعد مرور عام ونصف على أبطالنا ..... ونبذه كده مختصره على الأحداث........
مازال الفراق يعتصر قلوب العاشقان... نور.... جاسر
ايه و مؤمن..... ابنهم بقه عنده سنه ونصف ونسخه
مصغره من خاله "سامح".... وعامل لنفسه شخصيه
رغم صغر سنه،،، وحبيب الكل وطبعاً "مؤمن" مع ابنه
حكايه تانيه خالص ومؤمن ".. دايماً يتعامل معاه على
كبير من سنه وشغال مع ابنه ف العناد....
رحاب الريان...... بنتها بقت عندها ١٥ شهر دلوقت
ودلوعة بباها وعمها" ياسر ".... لكن" رحاب "شديدة
معاها شويه..... وامتنان"... مامت "رحاب" مش عجبها
شدة بنتها على حفيدتها اللي روحها فيها
فريده و فؤاد...... سافرو عند أولادهم واستقرو خلاص
هناك ولكن مع أتصال دائم ب" أميرة ".....
ليلى.... طبعاً طالع عينها مع احفادها.. أبن" ايه" و بنت" سامح
إللي عندها دلوقت شهور ولكن "يسرية" تعبت بولادتها
أوي وقررت متخلفش تاني ولكن دا زعل" سامح "... جدا
وهي طبعاً متقدرش على زعله فطلبت منه أنهم بس
يأجلو مشروع الخلفه التانيه لكام سنه كده تكون ارتاحت
أما" خالد ".... لسه عايش عل أمل ارتباطه ب "مني "
(ياراجل انت لسه فيك نفس 😂)...وف يوم عيد ميلاده
نور و أميرة..... عملو له مفاجأه وسافرو ليه وانتهزو أنه
بالمستشفي ودخلو شقته طبعاً مفتاحها مع "نور...
زينو الشقه وطفو الأنوار وأول ما دخل م الباب شغلو
النور وهللو... كل سنه وانت طيب يا بابا.. خالد
وكانت فرحه شديدة بالنسبه له ومفاجأه غير متوقعه
وبعد الإحتفال.... أميره و نور... عملو معاه جلسه سرية
واقنعوه بأنه يرجع معاهم مصر ويستقر هناك....
ورغم انه كان سعيد جداً بتمسكهم بيه وبانه أخيراً
هايشوف أمرته وملكة قلبه،،، ولكن كان متردد خوفاً من
صدام آخر بينه وبين "منى".....
ولكن بالنهاية خضع لطلبهم ورجع مصر بالفعل وأنهى
عمله بالخارج ولكن قالهم لو احتجتوني في أي وقت
هاكون عندكم..... لأي مساعده
أما العلاقه بين "أميرة و ياسر الريان".... اتطورت جدا
وكل واحد أخيراً صارح بحبه للآخر وأصبح يربطهم
ببعض شغل ومشاعر....بقلم مها عيسى
لا إله إلا الله.....
في إحدى الكافيهات....
اميره /هههههههه تعرف ان كان من المستحيل ان أصدق
أن أقعد معاك القاعده دي ويدور بنا الكلام ده... بكل
المشاعر دي،، وانت اللي كنت من ألد أعدائي...
ياسر /بنظرة حب وابتسامة..... بس متنسيش إنك
انتي اللي بدأتي بالعداوه دي
أميرة /طب ايه رايك بقه أول مره أحب وأعشق عداوه
بالشكل ده... لأنها كانت السبب ف وجودنا مع بعض
ياسر /هههههههه طب مش يمكن لو اتقابلنا ف ظروف
أهدى من كده،،، كنا بدل ما نبذل جهدنا ف العداوة
و الإنتقام ومين أقوى من مين كنا وفرنا الجهد ده
ف الحب ولذة العشق وكان زمان معانا دلوقت
٣ أو ٤ عيال بيطنططو حوالينا دلوقت
اميره /يااااه دانت سقف طموحك عالي أوي ٣ أو ٤ عيااال
دانا كبيري عيل واحد بس.... أنا معنديش خلق للأطفال
خالص... لااااا للاااا انسى
ياسر /وماله الطموح حلو هههههه.... وبعدين مش يمكن
لما تدخل جنة الأمير "شهر يار" الأميرة "شهر ذاد....
تغير الكلام وتعدل ف الإعداد.....
وتقول نفسي يكون لي منك كتييير أولاد.....
عشان يربطوني بيك أكتر من عشقك ال ف قلبي آآد.....
يومها بقه أمسك انا ف العنااااد.....
وأقول لأ...
مش عايز حاجه تاخدك مني فاوقتها عشقي ليكي يكون ذاد...
وتفدل بقه تتحايل وتترجي ف شهر يار "الأميرة شهر ذاد....
وهو مازال متشبث بالعناااااد.......
أميرة /هههههههه حبيبي شاعر ياناس
ياسر /وهو شارد بها انت اللي حبيبي حمم بقولك ايه
بقه انتي تحددي ميعاد مع ست الكل عشان نحدد
ميعاد الخطوبة وبعدها بشهرين بس نتجوز انا
خلاص معنتش قادر...
وبعد أيام تمت الخطبه و "أميرة" إتصلت ب "جاسر "
عشان ييجي يحضر ولكنه رفض قال انه مشغول جداً
وكان إحتفال عائلي جميل......
(اللهم صل وسلم على نبينا محمد وعلى آله وصحبه أجمعين)
🥀🥀🥀🥀🥀🥀🥀🥀🥀بقلم مها عيسى🌹
بعد شهرين..... يوم زفاف "أميره و ياسر"...
أميرة /يلا يا "نور".. اخلصي هانتأخر عن ميعادنا كده
يلآ ياماما
منى /ياحبيبتي ياعني لازم أنا مامعاكي أختك والبنات
ايه لازمة وجودي بقه
أميرة /وهي تقبل يدها.... حبيبتي ده كان حلمي ليا
كنت خايفه أوي يا ماما من اليوم ده بأني ألبس
فستان الفرح واتزف على عريسي من ما تكون أمي جنبي
وبعين تلمع بالدموع..... تقومي لما الاقيكي تحرميني
الأحساس ده
منى /بعيون دامعه تحتضن ابنتها... حبيبتي وده
كان حلمي إني أشوفك عروسه..... وبكو هما الاتنين
نور /والله أنتم عيله نكد.... تفرحو تعيطو تحزنو تعيطو
يلآ يلا يا بابا "خالد" نمشي ونسبهم لانتعدي منهم
خالد /هههههههه، يلا يا أميرة... يابنتي هاتتأخري على
عريسك كده يلا يا "منى" بقه وكفاياكم نكد مشبعتيش
دموع....
منى /تخرج من حضن بنتها تمسح دموعها.... معلش يا
خالد "... خد البنات انت واسبق وانا هاروح مشوار كده
وابقه احصالكم على هناك
أميرة /مشوار... مشوار ايه بس ياماما ف يوم زي ده
منى /معلش يا حبيبتي.... تنظر بشرود للفراغ....
مشوار ضروري ومهم وكان لازم أعمله من زمان
لكن جه وقته......
ياااااارب رضاك والجنه 🤲
بعد وقت كانو وصلو الفندق ودخلت "أميرة و نور"
الجناح المخصص لها لعمل الميكب وخالد "... وصلهم
ونزل تحت يستعد لاستقبال المعازيم..
وبعد شويه بدأ يهل الباقي.... سامح و يسريه.. ومعاهم
مؤمن و ايه"،، وليلى ".... سامح ".... قال لأخته و زوجته وولدته... اطلعو أنتم فوق عند العروسه واحنا هنا مع
دكتور" خالد "
البنات فوق أول ما دخلو سلمو على" نور وأميره "
وبركو لها وطبعاً "ايه و يسرية"... محتسين بعيالهم
وليلى "... ياعيني كل شويه تريح أم شويه...
شويه تاخد إبن" ايه "... وشوية تاخد بنت "سامح ويسرية
ليلى /اومال فين ممتك يا "أميرة" ي بنتي
أميرة /بقلق مش عارفه اتأخرت ليه كده.. اتصلي
عليها يا نور "... شوفيها فين واطمني عليها
نور /حاضر.... بتتصل على والدتها... ردت عليها
منى /ايو ياحبيبتي انا جايا ف الطريق.... تقفل معاها
وتنظر من ازاز التاكسي بشرود ترجع بالذاكره من قبل
دقائق.....
بااااااااك.......
في المصحه النفسيه..... يجلس" شمس الأنصاري "
بغرفته يقرأ بكتاب يدخل عليه إحدى العاملين
..... /السلام عليكم ياباشا.... فيه سيدة برا طالبه
تقابل حضرتك
شمس /بعجرفه.... مييين دي.... روح أنا مش عايز
أقابل حد ولا أشوف حد.. أمشي غوررررر
منى /تدخل من خلف العامل..... وبصوت غاضب
معلش تعالي على نفسك المره دي.... ثم تنظر للعامل
روح انت يابني وسبني مع" شمس الأنصاري ".... باااشا
هه لوحدنا...... يخرج العامل ويغلق خلفه الباب بعد ما
يشاور له" شمس.. بيده بأنه يمشي... وهو يقوم بدهشه
وهو يتأمل ذاك السيده... هل هي أم إني اتخيلها
شمس/مييييين..... م... من... ي... منى"... مش ممكن أنتي
ايو هي هي أنا عمري ما نستها.. مر عليها الزمن وكأنه لن
يمر مازالت تحتفظ بجمالها وبرأتها
منى /وهي تنظر له بكل كره ولا تريد أن تنظر له بنظرة
شماته حتى لو كان عدوها فاهي لا تشمت ف مصائب
أحد لأنها تخاف ربنا..... تنظر له باشمأذاذ وهي ترى
بوجه سبب بعدها وفراقها عن حبيبها وحرمانها حتى
من وداعه الاخير وحرمانها من بنتها وحرمان بنتها منها
لتقول بنبره حاده...... اي رأيك دلوقت يا "شمس"...
شفت نتيجة حصادك،،،، وشرك وغرورك وانانيتك
أنت ايييه يأخي دانت مخلتش حد إلا وداق من سمك
أخواتك إللي شردتهم وسلبتهم حقوقهم... حرمتهم من
ميراثهم الشرعي..... حرمت ال حلله ربناااااا،،،
وذليتهم بعد ما دخلت أبوك مصحه نفسيه وحطيت إيدك
على كل املاكه.... ولما مااات مكلفتش نفسك ورحت
تودعه وتدفنه زي اي أبن،، لكن أهو.... "وهي توزع انظارها
ع المكان "... شايف نفسك فين في نفس المكان اللي
رميت أبوك فيه.. داين تدان يا "شمس بيه ".....
دا حتى إبنك الوحيد مسلمش منك وكنت هاتوديه
ف داهية وتقضي على مستقبله بأنانيتك وحبك
لذاتك..... أنا عمري ما شفت اب كده....
و اهو هو ده مكانك اللي تستحقه.... هو ده حصادك
حصاد... " شمس الأنصاري"...
وصاحبك وخيانتك ليه وغدرك بيه.... فاكر "إيهاب"
ياشمس "... إيهاب... صاحب عمرك اعدادي وثانوي
وجامعه ومشوار عمل وطريق كفاح.... إيهاب
اللي كتيير وقف جنبك ف عز ما كنت لوحدك جبك
ووثق فيك حتى أكثر ما وثق فيا انا لدرجة انه صدقك
وصدق اللعبة القذرة إللي عملتها عشان تفرقنا وحرمتني
منه ومن بنتي طول العمر ده،،،، وحرمت طفله يدوب
عندها ٣سنين من حضن أمها لأ ومكفكش كده كمان ورحت
حرمتها من أبوها إللي كان شويه معوضها عن غياب
أمها غدرت بيه وقتلته بدم بارد.... أنت ايييه يا اخي
مجرد من الإنسانيه معدوم الضمير والقلب....
وبأنفعال...... أنت اييييه مخلوووق من ايييييييه
وليه عشااان اييه تحرمني منه لييييه ليييييه
شمس /بقوة صوت...... عشان بحبك.. ايو يا "منى"
بحبك وهو خدك مني انتي مفروض تكوني ليا مش
ل.. ايهاااب "... إيهاب" إللي عنده كل حاجة.....
عنده أب.. يحبه ويحتويه،، وأم.. متحرمش منها
وبنت بتحبه ويحبها،،،،، ونجااح وتفوق وناس كتيررر
بتحبه.... لكن اناا... أنا ااا اييييه....... وتشتغل الحاله
ويبص بكبرياء يمين ويسار.... أنا.... أنا ااا... شمس الأنصاري
ايووو "شمس الأنصاري "... إللي معاه فلوس ونفوذ
وعليكم كلكممممم هايدوووس.... ياكلاااااااب
أنا... شمس الأنصاري..... هههههه هههههه هههههه
ااانااا شمس الأنصاري..... شمس الأنصاري... إللي
فوق الكل واقوي من الكل....
منى /خافت من منظره وخرجت بسرعه....
وهو جن بالفعل وجاتله حالة هستيريا والدكاترة
جم جري عليه ليهدوه........بقلم مها عيسى 🌹
(لا حولا ولا قوة الا بالله العلي العظيم ) ______🌹
______________________________🌹
في الفندق..... يجلس "خالد" وبجانبه "سامح ومؤمن"
ويجلس على الطربيزة المقابله لهم... أهل العريس
رحاب الريان ".. و والدتها" امتنان "... واختها وبنات اختها
رحاب /ف الهاتف..... ايو يا" راشد "... تعالي بقه بنتك
مغلباني مش راضيه تسكت
راشد /انتي عبيطه يابت أنا مع" ياسر "...بيجهز
عشان يستقبل عروسته عايزانى بقه اسيب اخويا
واجي اشيلك بنتك.... خلي ممتك تشيلها عنك شوي
رحاب /خلاص يا" راشد "... مش عايزه منك حاجة
مع السلامة،،، والدموع جريت بعنيها
امتنان /مالك ياحبيبتي مخنوقه وعل أخرك ليه كده
بنت خالتها /ايه ده يا "رحاب "... انتي بتعيطي اي
الدموع دي... ليه كده
رحاب /مفيش انا تعبت.... أنا أول مره أكون أم والموضوع
جديد عليا... ادوني فرصتي على ما اخد ع الوضع
الجديد... مش الكل جاي عليا.. ودموعها نزلت
امتنان /تقترب منها وتاخد منها بنتها وتربط عل ضهرها
خلاص يا قلبي اي ال حصل لده كله..... هو "راشد"
قالك حاجة زعلتك
رحاب /بتمسح دموعها.... تصوري بيقول عليا عبيطه
عشان بقوله ييجي يشيل معايا بنته
امتنان و خالتها /مع بعض.... ياحبيبتي ياعني
هايسيب اخوه ف يوم زي ده وييجي يشل بنتك
رحاب /بحده.... بنتك... بنتك.... هي كانت بنتي لوحدي
ماهي بنته هو كمان..... وسحبت بنتها من حضن ممتها
هاتي بنتي... مش عايزه مساعده من حد وقامت
وماشيه... و والدتها تنادي عليما..... رايحه فين يامجنونه
وتسبهم وتمشي..... تخرج برا الفندق تتمشى بالجنيه
وشوية ويأتي العريس ومعاه "راشد"... وأول ما يشوفوها
يروحو عندها ياخدها ويدخلو وأول ما يدخل العريس
القاعه يبدأ العزف الموسيقى والتهليل من الأهل
الأصدقاء..... يقترب "ياسر" ل خالد ".. ويهمس له
ماتطلع تجبلي عروستي بقه يادكتور انا خلاص معتش
عندي صبر......" خالد"... يضحك ويقوم... حاضر يا عريس
ويطلع لفوق عند جناح العروسه....
بقلم مها عيسى ___________&
🌺🌺🌺🌺🌺أستغفر الله العظيم واتوب اليه
فوق عند العروسه.........
كانت خلاص" أميرة "أنهت الميكب وبأنتظار "خالد" ييجي ياخدها ويسلمها لعرسها،،، والبنات بيضحكوا
ويسرية "بضحك..... قومي يا" نور ".. اقرصي أختك ف
ركبتها عشان تحصليها ف جمعتها هههههههه هههههههه
نور..... هاهاهاها ظريفه وعايز اني احصلها ليه بقه
ياختي عشان أقعد جنبكم كده محتاسه بعيلها لاااا
مليش انا ف الجو ده خليكم انتم ف عيالكم والاتنين
الغفر اللي معاكم......
ايه /اخرسيييي.... غفر... طب دا مؤمن ".. جوزي ولا
نجوم هوليوود..... ياختي علييييه قمر
الكل يضحك عليها...
نور /هههههههه قمر بالستر ياعنايا... صدق ال قال
الحب أعمى صحيح.....
و" مني" دموعها نازله وهي تنظر لبنتها وهي بفستان
الزفاف.... تجري عليها" أميره "... تمسح دموعها
وتاخدها بحضنها... اي ياقلبي ليه الدموع دي....
منى /دي دموع الفرحه حبيبتي مش مصدقه اني
شفتك وانتي عروسه...... يسمعو طرق الباب
تمشي نور "... اتجاه الباب وهي تضحك...
عيله نكد.؛ دا أكيد بابا خالد"... جاي ياخدك ياعروسه
تفتح وهي تضحك... حبيبي........... تقطع كلامها
وهي تفاجأ بالذي يقف أمامها..... تتحجر الدموع
بعنيها وتشعر بنقص ف الأوكسجين .....
وكان هو مفيش غيره الذي ليس فقط بخاطف قلبها
ولكن بسارق فكرها وعقلها بل وكل حواسها... ما هذا
الجرم ها.... يسرق ويخطف وبلا رحمه كمان......
نعم جرم.... بس جرم لا يعاقب عليه القانون
وكان "جاسر"... الذي تفاجأ به "خالد " وهو يطلع السلم
وتعرف عليه،، ورحب "جاسر"،، وعندما علم منه أنه
طالع عند "أميرة" ليأتي بها لعرسها استأذنه بأنه هو يقوم
بالمهمه دي لأنه كان واعد أخته "أميرة".... بكده من زماان
وخالد ".. طبعاً رحب بالطلب وترك له المهمه..
جاسر /طرق الباب وأول ما الباب اتفتح اتفاجأ بأن
نور".. هي التي تفتح له غصب عنه تصلبت عينه
بها لينظر بعيونها التي آشتاق لها حد الإشتياق
وظلو دقائق على هذا الوضع ورأي الدموع المتحجره
بعيونها وتغيير لون وجهها ويبدو وكأن المفاجأه كانت
صاعقه لها..... تتنفس بصعوبه،،، وهو أيضا يحاول
يخفى ضعفه أمامها ويظهر عكس ما بداخله
ولكن تخونه عيونه وهي يصعب عليها البعد عن العيون
التي هي سبلها ليغرق بعمق ف هتان الؤلؤتان....
وبكل شوق يحتضنها بعينه......
ليقطع هذا الإشتياق هتاف "يسريه"..... مييين يانور
انكل "خالد".... يفوقو
جاسر /يبعد نظره عنها.. حممم ممكن تندهيلي "أميره"
نور /تغمض عينها بوجع حممم ثم تبتعد عن الباب
وتلتف لهم وبألم العالم كله... حمم "أميرة"....دا.. دا
جاسر "..... وبيستأذن بالدخول......ثم نظرت اتجاهه
وشاورت بيدها بمعنى اتفضل.... ووقفت بعيد
وأميرة....... مكنتش مصدقه جريت عليه وبدموع
مش ممكن انا مش مصدقه عنيا كنت خايفه تخذلني
زي الخطوبه ومتجيش..
جاسر /حمم بابتسامة.... وأنا بردو أقدر مجيش ف يوم
زي ده حمم... هو انا مش كنت واعدك أن مفيش حد
هايسلمك لعريسك غيري.... وانا أهو بنفذ وعدي
معأن العريس ياعني.... بس يلآ ملوش لازمه الكلام
أميرة /حبيبى انسى بقه هو غلط واحنا غلطنا يبقه
خلآص متعادلين..... ثم والله لو عرفت "ياسر...
عن قرب هاتحبه أكتر مني حممم قصدي هاتحبه
لأن محدش هايحبه أكتر مني ولا أدى كمان...
جاسر /هههههه ماشي يا سيتي الله يهني سعيد بسعيده
واوعى كده اما أسلم على طنط وابارك لها..... يقف أمام
مني"...ازيك يا طنط أخبارك ايه وألف مبروك .....
منى /الله يبارك فيك يا حبيبي... أنت متعرفش
مجيتك دي فرحتني اد ايه وإنك متسبش" أميرة..
ف يوم زي ده وتكون اخ لها.... بجد شكرا يا حبيبي
واعقبابك ياررب.....
جاسر /حمم يلا يا "أميرة"... ويعطيها ايده عشان
تأنجشوه... وينزلو ومن خلفهم... ليلى و منى"... و
البنات..... ينزل السلم أمام جميع الحضور الموجودين
وواقفين على الصفين،،، ويقف بنهاية الدرج" ياسر..
وهو ينظر لأعلى وعينه على معشوقته إللي انبهر بجمالها
وأول ما وصل بها "جاسر"... سلم عليه وبارك ثم سلم له
أميرة ".... وياسر"... قبل جبهتها وبحب وابتسامة
تصل أذنه...... مبرروك حبيبتي.... مبروك عليا أنتي
ثم يأنجشها ويمشو لمكان المأذون.. لعقد القران
وجلسو بعد ما الكل سلم عليهم وبارك لهم.......
المأذون خلص اأجرائه وقال مين وكيل العروسه...
أميرة /بابتسامة وتنظر له.... بابا" خالد "....
خالد /اتفاجأ فاهو تخيل بأن يكون "جاسر"... عيونه
دمعت... ابتسم لها وماء بنظره لها وكأنه يعانقها للشكر
وأين الشهود...... وكان هم "جاسر "..... و "راشد"
وبعد الإنتهاء...... ويقول المأذون جملته الشهيره...
بارك الله لكم وبارك عليكم وجمع بينكما في خير......
وإلا يقوم مسرعاً.. "ياسر".... يجذب "أميرة"... لحضنه
و يحتضنها بقوة..... بحببببك..... وعيون أميره ".. دمعت
وايضا ممتها واختها ويسرية وليلى و آيه.....
وبعد ما ترك حضنها الكل التف حولهم وحضن وبارك
والغريب طبعاً بارك بالفم فقط.....
وبدأ الإحتفال....... وكان فرح على مستوى عالي
والكل كان مبسوط وسعيد...... ماعدا الاثنان....
الأحبه الأعداء...... بل هم يخدعون نفسهم بهذا
ولكن كل منهم يدوب عشقاً ف الاخر...... ولكن يكابر
وبالأخص "جاسر"..... الذي يحاول جاهداً يبعد أنظاره عنها
وهو يراها بجانب عينه بأنها طول الوقت بتبص عليه
بينمآ "نور".... فاهي تعطي له عذر وهي تقول لنفسها
اي حد مكانه ويتصدم ف حببته كان هايعمل كده
بس أنا ذنبي اييييه.... عملت حساب كل حاجة إلا
حساب أن قلبي يحبه ويعشقه العشق ده مكنتش اعرف
أن عدوي يصبح حبيبي وإلا كنت مخنتوش وخنت
ثقته فيا اااااه ااااه.........
يهتف بالمايك........ياريت ياجماعة كل اتنين كابل يتفدلو
هنا عند العريس والعروسه......يلااا
ايه /تعطي إبنها ل ممتها وتمسك آيد "مؤمن"،، وتقوله يلا
سامح /ينظر ل "يسرية".... ويقوم ياخد منها بنتهم
ويعطيها ل "منى".... ويميل لزوجته.... تسمح البرنسس
يسرية... تضع يدها عل فمها وتبتسم بسعاده... وتقوم معه
وايضا "راشد"... يعطي بنته التي يحملها ل مرات عمه
مامت زوجته..... ويمسك يد زوجته وياخدها ويطلعو
الاستيدج..... وتشغل الموسيقى الهادئه ويرقص كل
زوج مع زوجته..... وايضا ناس أخرى من الحاضرين
ويبقى فقط "نور"... وحيده لتنظر ل "جاسر"..
بعيون باكيه كم كانت تتمني بأن تكون معه الآن
جاسر.... تلقائياً بعد ما الكل يطلع الاستيدج وينفض
المكان حوله تلقائيًا عينه تعرف طريقها.... ليري عيون
نور.... الباكيه التي تصدمه ليشعر بنغزه بقلبه يغمض
عينه ويفضل بأن ينصرف الآن لحين أنتهاء هذه الفقره
وخرج برا القاعه يقف بجانب شجره وينظر للسماء
مناجياً ربه بأن يعطيه القوة......
نور...... أول ما تشوفو خرج تشعر وكأن قلبها ينقلع من
مكانه ظناً منها بأنه سوف يرحل.... وانه يرحل مثل قبل
ويفارق بالسنين..... قلبها.... لااااااأ انتي مستنيا اييه لما
يبعد زي قبل وتتحرمي منه... أمشي وراه اتكلمي معاه
امنعيه... قومي... وقامت تمد بخطواتها حتى لا يضيع
منها هذه المره مثلما قبل ما تأخرت في إلحاقه.....
خالد /ينظر ل "منى"... بابتسامة.... ايه رأي أم العروسه
مش عايزه تقوم تمنحني شرف أننا نكون كابل جميل
مع بعض....
ليلى /بخبث.... انتي لسه هاتبصي قومي يلا اطلعي
افرحي مع بنتك وفرحيها بوجودك جنبها يلا... وهاتي
البت دي انا هاشيل احفادي الاتنين
منى /ازاي بس يا "ليلى"... هايعذبوكي
ليلى /عذاب ايه بس هو انا صغيره قومي بس انتي
هاتي هاتي.... واخدتها منها.... وطلع بيها "خالد..
عند" أميرة ".. إللي فرحت جدا لما شافتهم جنبها
فاهي حقيقي حبت" خالد "جداً وشعرت معه بحنان
الابوه..... وبعتت لهم قبله ع الهوى....
بقلم مها عيسى 💕
-----
بالخارج يقف" جاسر "... شاردً وتقف خلفه" نور "وهي
تستنشق قربه ولكن مكسوفه مش عارفه تقول اي
لكن مفيش محال لازم تكسر هذا الكسوف وتتحدث معه
نور /حمممم.. حمم........ يلتف لها فجأه... جاسر
وهو لايصدق ينظر لها بأعين متسعه وبدهشه
.... نوررر....
نور /بتحاول تتمالك اعصابها وتستنجد بقوتها ليخرج
مصاعب الحروف.... حممم تنظر له بعين باكيه
وهذا جن جنونه...... ولكن يظهر العكس طبعاً
ممكن اعرف انتي ليه بتتعامل معايا بالتجاهل ده
وليه واخد موقف جامد اوي كده...... معأن المفروض
تديني عذري..... لتتكلم بنبرة صوت محطمه..
خدعتك ايو خدعت..... خنتك وخنت ثقتك فيا ايو حصل
لتعلو بنبرتها مع تغيرها لحده...
بس أنا كان المفروض أعمل إيه مش هاعيد اللي قولته
لك ف بيتك تاني.... أنا ذنبي اييييه انت كنت بالنسبه لي
عدو... ايو عدو،،، وكنت بحاول استعمل معاك
أسلحة الإنتقام...... وبقيت أسعى لده بكل قوتي
قوليييييي لو انت مكاني كنت عملت ايه هااا عملت
ايييييييه.........
جاسر /انسه "نور"..... مفيش داعي للكلام ده حمم
وانا مش متجهلك ولا حاجة... عادي ياعني.. انتي
بتكوني اخت أختي.... ياعني ف مقام أختي
وياريت بعد كده تتعاملي عل هذا القبيل....
ثم يعطيها ضهره ويعتصر عينه بوجع ويقبض بيده
على موضع قلبه
نور /بتوهااان..... آاااانسه..... هه معلش اعذرني
فهمتك غلط.... بس... أحب أقولك حاجه اخيره
أنا.... أنا لما جيت انتقم..... تبلع ريقها بصعوبه
لما جيت انتقم.... عملت حساااب كل حاجه
إلا إني.... أقع في حببببك..... وتركته وجريت مسرعه
يلتف لها بعد آخر كلمه قالتها..... فابكده خلاص
مبقاش قادر يتحمل اكتر وهو يسمع اعترافها بنفسه
ليجدها أسرعت بالرحيل دون انتظار اي رد فعل منه
يشعر بكسر بقلبه يغمض عيونه وياخد نفس عميق
ويتنهد تنهيده وجع طويييييييله... ثم بعد يدخل
القاعه ثانياً......
لا إله إلا الله محمد رسول الله
بعد وقت قد أنهى الفرح والكل واقف دلوقت أمام
الفندق يهنون ويودعون العرسان فاهم الآن يسافرو
فوراً لفرنسا لقضأء شهر عسل...... وكل مجموعه
تبارك وتودع وتركب سيارتها وتمشي ما بقى إلا
جاسر..... فاهو ظل واقفً بعيداً... حتي ينهي الكل من
المباركه وينتظر رحيلهم وبالأخص... نور "... التي
ينظر لها وهى لا تنظر له قط.... بل تائها ف كل ما
يحدث بها......... يركب" خالد "... سيارته ومعه
منى و نور".... ويظلو منتظرين بالسيارة لحين رحيل
العرسان.....
يتقدم "جاسر"... بخطواته يسلم عليهم ويبارك
بقولك اي يا "ياسر"... أميرة... دى تحطها ف عنيك
اوعي يوم تزعلها غير كدا انت ال هاتزعل
ياسر /وهو يحضن كتف زوجته..... لاااا أطمن خالص
أميرة.. دى" أميرتي "..... أميرت ياسر الريان
دي روحي وعشقي....
اميره/هههههه حبيبي..... بقولك ايه يا.. جاسر
احنا مسافرين وهانطول شوي وانت طبعاً عارف ان
الشركة مينفعش تتساب كده لوحدها من غير حد فينا
أنا وأنت
جاسر /انتي تقصدي ايه
أميرة /أنا معلش كنت عايزاك تفدل هنا تدير الشركة
لحد ما نرجع بالسلامه
جاسر /صعب يا اميره... حمم وبعدين هي مش "نور
موجوده
أميرة /نور ايه بس هي نور"... بردو عندها خبره بشغلنا
نور ".... كبرها تمسك مديرة العلاقات العامة ومديرة
مكتب حضرتك... بدل" يسرية "... إللي جوزها بعد
جوزهم جندها لخدمته ومن يومها و" نور "... حله محلها
جاسر /معقول ياعني وضع" نور ".... بس كدا ف الشركة
أميرة /حممم ااه طبعاً... بس ده ياعني مؤقت لحد ما
تدرب كويس ع إدارة الشركة... وانا بقالي فتره شغاله
ع الوتر ده..... ممم قولت اييه بقه معقووول يا.. جسوري
هاتخذل اختك حبيبتك ومتقفش جنبها ف شدتها
كمل جميلك بقه يا ابو الجسور...
جاسر /بتنهيده.... خلاص ياستي انتي هاتقلبي "امينه رزق
تحت امرك يا سيتي هو انا أقدر آخر لك طلب
معأن ربنا يعلم صعوبته بالنسبالي
أميرة /ولا يهمك... جسوري... ادها وقدود... تمسك بيد
زوجها يلا بقه يا قلبي هانتاخر ع الطياره....
ويركبو ويسحبو.....
وخلفهم.... خالد.... واختها و ممتها
وخلفهم........ جاسر.... الذي بدأ يعاني من دلوقت
بسبب وجوده الدايم بالشركة وقربه من.. نور
لا إله إلا الله
ياسر /في سيارته يضحك هههههههه مراتي حبيبتي
طلعت مش ساهله بردو.... كل الخطه دي عشان
تقربيه من.. نور
أميرة /أعملهم اييه بس الاتنين بيموتو ف بعض وبيقوحو
ويغلطو قلوبهم...........
ياسر /هههههه طب "جاسر"... واتصرفتي معاه ودخلتي
عليه بالداخله بتاعتك دي،،، طب أختك هاتعملي معاها
ايه
أميرة /أنا ياعني هاغلب......دانا "أميره"
ياسر /هههههههه حبيبي انا المتمكن،،،، يرفع يدها وقبلها
(اللهم أرزقنا حسن الخاتمة....... أمين)
__________________________________
___بقلم مها عيسى 🌹
- - - - - - - - - - - - - - - - - - -)))
تاني يوم الصبح......... في بيت (ليلى)
ليلى /حبيبي كمل فطارك.......وبعدين لابس كده ليه
انت خارج ولا ايه هو مش النهارده اجازه
سامح /الحمدلله ياقلبي شبعت..... اه خارج هاروح
ابص على أخواتي واشتري لهم شويه حاجات واطمن
عليهم...
ليلى /ماشي يا حبيبي ربنا يبارك فيك.... سلملي عليهم
سامح..... قبل رأس والدته ثم قبل جبهة زوجته
وودعهم ومشي
لا إله إلا الله
أحمد /يدخل شقتهم ومعه شنطة بيده يغلق الباب
ويهتف لشقيقته..... رانيا...... رانيا
رانيا /كانت بالمضبخ تغسل الأطباق تخرج عل صوت أخيها
نعم يا "أحمد"....
أحمد /تعالي ياروحي جبت لك معايا أكل ومد ايده
اخرج ٢ ساندوتش من الشنطه.. اتفضلي حبيبتي كلي
انتي نايمه إمبارح من غير عشا
رانيا /ياعني انت ال اتعشيت... وبعدين نزلت امتى
محستش بيك وجبت فلوس منين
أحمد /ااه صحيت بدري كان عندي مشوار كده ورزقت
منه واهو قلت اجيب آكل لاختي حبيبتي
رانيا /تاخد منه واحد وتقوله كل انت بقه التاني انا ده
هايشبعني
احمد /يشبعك ايه بس دا ساندوتش صغير وبعدين
ياحبيبتي انا أكلت برا قبل ما اجي
رانيا /هاتضحك عليا أكلت ايه بس انا عارفه كويس
اوي انك مستحيل تاكل حاجة من غيري.... أحمد
حبيبي انت ضعفت خالص من قلة الأكل وضغط الشغل
انت بتتعب نفسك كتير ف الشغل وكمان مفروض
تتغذي كويس وإلا كده هاتقع مني انا مليش غيرك يا احمد
أمسك بقه لو مكلتش معايا انا كمان مش هاكل بس
أحمد /اخده منها وقبل راسها.... وابتسم خلاص هاخد
منه حته بس عشان متزعليش بس حقيقي شبعان
وياسيتي.......... ويقطع حديثم طرق الباب
ايه ده مين اللي جاي لينا ع الصبح كده....
واتجه للباب وفتح وكان اخوهم "سامح" وشايل معاه
شنط فيها فاكهه وحاجات من السوبر ماركت
احمد...... فرح... ابيه "سامح".... ورانيا "جريت عليه
بفرحه ورمت نفسها بحضنه
سامح /حبايبي واحشتوني.... ممم اخباركم ايه
الاتنين.... الحمد لله حضرتك ال عامل ايه وابلة" ايه "
وطنط ليلى".... عامله ايه.....
سامح /الحمدلله وبتسلم عليكم كتير ممم فطورتو
باصو لبعض...... وهو بيبص عل الاوض آمال فين ام احمد
مش موجوده ولا ايه
الاتنين يبصو لبعض... حمم لأ
سامح /يشعر بهم بشيء غريب..... أنا ملاحظ إني من
فاترة وكل ما اجي متكنش موجوده..... انتم مخبيين عليا
حاجه
احمد /يبص لاخته...... ورانيا ".. عيونها تنزل منها
الدموع غصب عنها..... سامح ياخدها بحضنه يمسح
دموعها.... ايييه يا حبيبتي فيه ايه..... ما تنطق يا
احمد..... فيه اييه
حممم ابيه" سامح "اصل.... ماما ياعني... احنا اكتشفنا
انها متزوجه من سنه ولكن لسه عارفين من ثلاث شهور بس
سامح /بصدمه..... ايه اتجوزت.... طب وانتم قصدي
سبتكم ياعني انتم دلوقت عايشين هنا لوحدكم
احمد /واحنا ياعني صغيرين أنا خلاص كلها سنه أن شاء الله
وأبقى ف الجامعه و رانيا"..... تبقي ف الثانوية
سامح /ياعني هي مش بتزركم خالص
احمد /هي كانت بتيجي عندنا كل أسبوع وتقول معلش
اصل جوزي منبه عليا هاجوزك من غير عيالك
وتاني شهر كانت بتيجي مرتين ودلوقتي بقالها شهر
ماجتش مستكفيا بأنها بتتصل علينا كل يومين تطمن
وخلاص......
سامح /بحزن..... وانتم عايشين ازاي.... بتصرفو منين
المبلغ اللي ببعته ليكم اكيد مش بيكفيكم...... ليري
اخته دموعها تنزل بصمت وشايف الكسره ف عنيها
قلبه بقه متقطع عليها......
أحمد....... لسه هايتكلم،
يسمعو طرق الباب..... يقوم احمد... يفتح يكون صاحب
الشقه يهتف من ع الباب بصوت عالي يسمعه.. سامح
..... صباح الخير يا" احمد "يابني معلش يا احمد بقه
اعذرني انا اتحملتكم ثلاث شهور وانتم متتتأخرين بالإيجار
وانا مقدر الظروف اللي انتم فيها بس معلش انا بردو
عندي ظروف والتزامات......... قبل ما يرد عليه.. احمد
سامح....... يأتي من خلفه ليك كام ياحج
الراجل... ينظر له ثم ينظر ل.. احمد.... هو حضرتك
قربهم....
سامح /ليك كام ياحج...... عايز كام ياعني
الراجل..... ١٥٠٠ جنيه ثلاث شهور إيجار وكمان دفعت
لهم الكهربه كنت بقابل المحصل تحت اخد منه
الإيصال وادفعلو لأني عارف بظروفهم وأنهم ممعهمش
يدفعو....... بس انا والله غصب عني يا حضرت
سامح /... خلاص خلاص اتفضل حقك أهو وأعمل حسابك
انهم هايسيبو الشقه اديني بس يومين أشوف اتصرف
ف الفرش ده ونخلي الشقه علطول
ينظر له.. احمد.. بتفاجأ
الراجل...... ماشي ياحضرت بس ارجوك متزعلش مني
هي بردو الست ام احمد... غلطانه ازاي تسيب عيالها
كده لوحدهم وتروح تتجوز ستات.......... يقطعه
سامح........ بحده بصوته /خلاص خلصنا انت ليك
فلوسك واخدتها لو سمحت بقه متدخلش ف شيء
ميخصكش يلا اتفضل انت ويومين بالكتير ان شاء الله
وهاتستلم شقتك
الراجل...... إن شاء الله السلام عليكم
سامح /دخل وقفل الباب خلفه..... وجلس جنب اخته
احمد /بس احنا هانروح فين يا أبيه..... أنا
سامح /بضيق.... ياعني ايه هاتروح فين بيت اخوك
موجود وانا مش هاحسبك دلوقت على أن كل ده
يحصل معاكم وانا معنديش علم.... ازاي متعرفنيش
وانا مأكد عليك اي حاجة تحتاجها حاجة تنقاصكم
تيجي لي علطول وتطلب.... عموماً مش مهم الكلام
دلوقت يلا يا "رانيا".. قومي جهزي حاجتك وحاجة
اخوكي ويلا عشان اخدكم معايا... وانت أتصل عل ممتك
دلوقت وعرفها واستأذن منها انكم هاتعيشو معايا ولو
اعترضت اديني التيلفون اكلمها..... يلا قوووم
رانيا........ قامت تلم هدومهم
واحمد.... اتصل على ممته واتفاجأ برد فعلها
سندس /بلا مبالا...... وماله ياحبيبي روحو معاه
أنا كده اكون مطمنه عليكم......واهو يشيل همكم
أحمد...... قفل مع ممته ويبص للأرض وهو مكسور
ومكسوف من اخوه لأنه أكيد سمع.. صوت الهاتف
عالي وواضح...
سامح /يربط على رجله..... حبيبي ولا يهمك
بيت اخوك مفتوح وانت واختك ف عنيا انتم لحمي
وعمري ما افرت فيكم ابدا وانا مسؤل عنكم طول
ما انا عايش ان شاء الله
وبعد ما جهزو خدهم وذهب لمنزل "ليلى"
وليلى.... أول ما شافتهم فرحت جدا ولكن عينها جت
على شنطهم....... لينظر أحمد و رانيا... بكسره ف الأرض
سامح /ينظر لزوجته يلا يا "يسرية" جهزي نفسك عشان
هانروح... و بابتسامه عريضه.... عشان ياسيتي أخواتي
خلاص هايعيشو معانا علطول ان شاء الله
يسرية /بابتسامه..... ياسلام دي احلي حاجه عملتها
دول هاينورونا طبعاً ويشرفونا
ليلى /تنظر لابنها بتسأل ف ينظر لها بنظره بمعنى
هاعرفك بعدين........ لتقول..... ليه ياعني بقه ان شاء الله
وبيت ماما "ليلى".... راح فين... احمد و رانيا... مش
هايقعدو عند حد غيري دول حبايب قلبي
سامح و يسرية /باعتراض....... لا يا ماما معلش احنا
مصدقنا انهم هايكونو معايا علطول وأكون مطمن عليهم
ليلى /ياسلام يا سيادة الرائد وهما ياعني لما يكونو
معايا مش هاتكون مطمن عليهم ولله عال يابن.. رامز
سامح /ياست الكل مش قصدي بس كل الحكاية
ليلى /بمقطعه بس بلا قصدك بلا مش قصدك ولا حكايه
ولا رواية انا خلاص قولت كلمتي ولازم تتنفذ انا
عايشه لوحدي وهما هايملو عليا البيت و يكونو ليا ونس
وبعدين الشقه واسعه عليا وهما هايملو عليا الدنيا
أحمد.... عندك أربع غرف إختار اللي تعجبك وهي تشاور على كل غرفه وتوصفهم...... الاوضه دي كانت بتاعه "ايه" اختك قبل الجواز واهي مقفوله من ساعتها فين وفين لما تيجي وتبات عندنا أصلها متعرفش تبات بعيد عن جوزها هههههه ودي ياعم أوضة اخوك ومراته هما ياحبايبي اللي
علطول معايا عشان طبعاً كنت قاعده لوحدي واخوك
انت عارفه قلوق حبتين لكن طبعاً بعد ما تعيشو معايا
خلاص معنتش محتاجه لهم ف حاجة يروحو بيتهم
بقه ويفكوني..........
يسرية.. بضحك.... بقه كده ياماما ماشي ماهو من لقا
احبابه بقه
لتكمل "ليلى" انتم كلكم احبابي وربي يعلم أن غلاوة
احمد و رانيا... من غلاوة "سامح و آيه" بالظبط
و الأوضة دي بقه كنا عملنها كدا ذياده عشان لو
حد جه بات عندنا ولا حاجة...... والاوضه دي بقه
أوضتي إللي هاتشرفني فيها حبيبت قلبي "رانيا
وتنام معايا بقه وف حضني وتعوضني غياب "ايه "
قومي يا "يسريه" خدي" رانيا "دخليها أوضتي ومعلش
حبيبتي فضي ليها ضلفة م الدولاب تحط فيها
ملابسها وحاجتها
رانيا /بكسره...... لأ يا طنط مش مهم خليهم ف الشنطه
عادي هما مش كتير ياعني
ليلى /ليه يا قلبي بس كده اسمعي بقه ومن أولها أهو
البيت هنا بيتك وانا اللي ضيفه عندك ياعني عايزاكي
تتصرفي بكل حريه وتاخدي راحتك خالص...... الكلام ده
ليكي ول أحمد... طبعاً حبايبي انا مش عايزه اشوف
نظره كسوف او احراج منكم ابدا وزي ما قلت البيت
بيتكم وعلى أساسه تتعملو فيه... كأن بالظبط دي
شقتكم وانا اللي جايا أعقد عندكم،،، ومتخفوش هاكون
ضيفه خفيفه ياعني مش هاعيش اكتر من اللي عشته
رانيا /متقوليش كده يا طنط ربنا يطولنا بعمر حضرتك
و يخليكي لينا
ليلى /طب خلاص متزعلنيش منك بقه وخليكي على
طبيعتك وبعدين قولي ماما "ليلى".... هاتبقه زي العسل
منك..... يلا حبيبتي ادخلي غيري هدومك ولو عايزه
تاخدي شاور الأول "يسرية" هاتكون معاكي وتعرفك كل
حاجة... وانت يا "احمد" ياحبيبي يلا قوم شوف الأوضة
اللي تعجبك وحط حاجتك وغير وعيش حياتك عادي
باعتبار انك ببيتك مفهوووم
أحمد /حاضر أنا هاخد الاوضه الذيادة دي... بعد اذنكم
سامح /ماشي يا بطل خليك براحتك أنا خارج مشوار
وراجع يا ماما متأمرنيش بحاجه ياست الكل
ليلى /مايأمرش عليك ظالم أبداً ياحبيبي..... عايزه
سلامتك
بقلم مها عيسى _________
(اللهم صل وسلم على نبينا محمد وعلى آله وصحبه أجمعين)
_____________________________
في الشركة........... يدخل جاسر "..... ينظر على مكتب
السكرتيره لا يجد أحد ينطر لباب مكتبه يجده
مفتوح يطرق الباب ويدخل يوزع أنظاره ف المكتب
كله مفيش حد يستغرب......... غرفة الاجتماعات بها
باب مشترك بين غرفة الاجتماعات وغرفة مكتب
المدير اللي هو فيها حالياً ينظر له يجده مفتوح
يتجه له ولسه بيدخل ف نفس اللحظه كانت
نور... بالداخل وماسكة بيدها ملف تنظر فيه وهي تخرج
من غرفة الاجتماعات ولكن يتفاجأو ببعض....
ويحدث صدام بهم.....
هي خارجه،، وهو داخل.... ابوس يخبطو ف بعض
كانت هاتقع يلحقها "جاسر" بيده يضعها خلف ظهرها
وهي تخبط بصدره لتكن قريبه جدا منه تغمض
عينها من الصدام وتفتحها فاجأه............
لتبحلق به بصدمه ومفاجاه بوجوده............ وهو
ينظر بعنيها ويدقق بها ولا يشعر بنفسه إلا وهو............!!!!!!