روايه نصابه في جوازه رسميه
(الجزء الثالث)
بقلم محمود النجار
بعد ما سرقت موده الشنطه وضحكت على علوان ورضا وحس علوان بتأنيب الضمير لانه إلى ساعد موده فى سرقه شنطه وفلوس رضا وقرر أنه يعوضه ويدفعلوا حساب الفندق وايضا لما سمع بظروفه قرر يعطيله خمسه الاف جنيه وقدر رضا يحطله مخدر فى الشاى ويسرق كل فلوس الحاج
علوان والفندق يتصل بالبوليس ويححق معاه رىيس المباحث ويكتشف علوان أن موده ورضا عملوا عليه اللعبه دى وأنه خامس واحد يتنصب عليه بنفس الطريقة وان الداخلية والخارجية عندهم مهمه
رسميه وخطيرة وعايزين البنت مودة النصابه فى تلك المهمه لأنها اصلح واحده تنفذها بامتلاكها على قدرات خاصه مش موجوده عند أى من ظابطات الداخليه وبدأ راشد يبحث عنها للقبض عليها
وتسليمها للقياده علشان تنفذ المهمه وأثناء تواجدها داخل بيتها وجدت شخص بيخبط على الباب فقامت تشوف مين بيخبط فإذا كانت المفاجاءة وهى
أن الرجل الذى كان أمام الباب وفتحتله مودة هو رضا
موده ... انت جيت يارضا
رضا .... هههههههههههه لا لسه هناك ما أنا واقف أمامك اهوه
موده ...حاسبت للراجل يارضا ولا سبته يتبهدل
رضا ....مش غايظنى فيك الا حنيه قلبك دى ياموده احنا نصابين وحراميه يعنى شغلتنا مفهاش حنيه قلب
موده ....يااخى احنا غلابه والجوع قرصنا وهو إلى خلانى اوففك انصب على الناس علشان علاج امى واصرف على اخواتى ولو مكنتش اتنيلت حبيتك مكنتش نصبت معاك و عرضت نفسي للخطر
رضا ....يعنى بتنصبي معايا علشان بتحبينى ولا علشان تصرفى على أهلك
موده ... الاول علشان اهلى وبعدين حبيتك ووقعتنى فى حبك وبقيت انصب معاك واساعدك خاصه انك بتختار الناس الاغنيه يعنى إلى ببتواجدوا فى اماكن مينفعش يدخلها غير الاغنيه
رضا ....طبعا امال هننصب على فقراء ومساكين زينا طب هناخد منهم ايه هم اصلا محلتهمش حاجه
موده ....طب فين نصيبي من فلوس الراجل عايزة اروح واجيب لامى الدواء واجيب لاخواتى لقمه حلوة يتعشوا بيها
رضا ....ايه ده انتى مش هتباتى معايا
موده ....ابات فين ياروح امك انت عايز يحصلك زى إلى حصلك العمليه الى فاتت لما الشطان وزك وقلت استفرد بيها فى الشقه لوحدها
رضا ... متفكرنيش انتى قلبك اسود بحبك وكنت عايز اخد بوسه ايه الى حصل يعنى الدنيا هتنهد تقومى ضربانى بالشلوت فى مقتل وتقيدينى على الكرسي طول الليل نايم متقيد لحد ما روحتى وجبتى فكتينى الصبح
موده ....قلتلك مش هتلمس منى شعرة الا لما نتجوز رسمى يارضا ولو انكررت تانى هفتح بطنك بالمطوة دى
رضا ... يالهوى انت ماشيه بمطوة فى شنطتك ياموده المفروض يسموك حمه وسوده مش يسموك موده ده كله علشان بوسه امال لو كان خيالى شطح وقررت المس او أمسك حاجه
مودة .....طب جرب كده يارضا وانت هنشوف
رضا ....غصب عنى لانى بحبك والشطان شاطر بيضحك على وبيوزنى عليكى
موده ....لانت ولا شياطين جهنم كلهم يقدروا ياخدوا حاجه منى غصب عني ولما يجى يوزك قله ده مجنونه وشايله ماطوه فى شنطتها وممكن تموتنا
روح اتشطر عليها انت وابعتهولى شطانك ده وانا اربيه واخليه يتوب ويجى ياخدك معاه علشان يصلى الفجر معاك جمعا
رضا .... هههههههههههه مش بيعجبنى فيك الا شخصيتك القويه دى وجراىتك هتوبي الشيطان مرة وحده
موده ....ايوه هتوبه واتوبك يلا اخلص وهات نصيبي فى العمليه عايزة اروح
وطلع من جيبه عشرة آلاف جنيه واعطها خمسه منهم
موده ... خمسه بس يارضا انتى بتسرقنى وانا عارفه بس لو عقشتك متلبس هجز رقبتك
رضا ....هسرقك ليه ياحببتى الفلوس اللي لقيتهم مع علوان عشره الاف جنيه بس أدى خمسه معاك وخمسه معايا مش متفقين بالنص
مودة ....ياحرامى خش فى عبي خش فاكر موضوع العمده لما قلتلى ملقتش معاه غير عشرين الف وانا صدقتك وتانى يوم اسمع فى الجرائد انك سارق خمسين ألف يعنى ادتنى عشره وضربت فى جيبك أربعين ألف يانصاب لو مكنتش بحبك كنت بلغت عنك
رضا ....واهون عليكى تحبسي حبيبك وتبلغى عنى وبعدين حد يصدق الجرائد برضوا بيكبروا المواضيع علشان الناس تتشوق وتابع الموضوع إنما لو واحد انسرق منه الف ولا عشره محدش هيتابع الموضوع من اساسه لتفاهه المبلغ
مودة ....نصاب وللاسف مطرة اصدقك لانى بحبك
رضا ....ولو بنصب عليكى ما هو كله ليكى علشان نتجوز واجهزلك شقه وعفش وجهاز وعربيه
مودة أنا مش عايز ة لا جهاز ولا عربيات أنا عايزة نتجوز بالحلال جواز رسمى وانا اعيش معاك على الحلوة والمرة ونتوب وتشفلك شغلانه تاكلنا بالحلال
رضا ....خلاص بكرى هجيب المازون ونتجوز
موده ....بتكلم جد
رضا ....ايوه هتجى بكرة هتلاقى الماذون جاهز وكله تمام
وبالفعل روحت مودة لبيت العائلة وهو بيت متواضع جدا وبتعيش فيه مع امها المريضه وثلاث اخوات اصغر منها
امها ...اتاخرتى ليه يابنتى
مودة ....معلشي يا امى كنت فى المستشفى والدكتور إلى شغاله معاه اتاخر شويه واطريت استناه لانه كان عنده عمليات كتير واول ماقبضنى روحت
الصيدليه جبتلك اهم حاجه الدواء وعديت على الحاتى وجبت كيلو كباب مشكل علشان نتعشوا سوا
امها ....ربنا يسترك يابنتى ويعطيك على قد نيتك طب صحى اخواتك واكليهم
وبالفعل صحت اخواتها واكلتهم وتعشت معاهم هى وامها وناموا فى سعاده
وبعدين دخل راشد على العميد ناصر
راشد .... السلام عليكم يافندم
ناصر ....عملت ايه ياراشد
راشد ....لفيت على البنت ومش لاقى ليها إثر خالص شكلها من محافظه بعيده وبتيجى فنادق القاهرة وبعدين بتنصب فيها على ضحاياها وترجع على بلدها هى والى بيعونوها وخاصه أن الفندق إلى تنصب فيه مرة مترجعلوش تانى ابدا
ناصر .....يعنى ابلغ الوزير يصرف نظر ولا ايه يا رجاله الداخليه ووحوشها
راشد ....طب هنعمل ايه يافاندم هنسحر ولا هنضرب الودع حتى صورتها إلى رسمها رسام الداخليه من وصف ضحاياها محدش عارف يتعرف عليها
ناصر .....بقولك نزل صورتها فى الجرونال وقول اى حد يعرف معلومه عن صاحبة تلك الصورة ليه مكافأة مائة ألف جنيه
راشد .....ياه مائة ألف جنيه معقول هى مهمه لدرجه دى
ناصر ....مهمه اوى والأمر
[لموضوع فى غاية الخطورة
راشد ....هى ايه المهمه بالظبط يمكن أنا أقدر اقوم بيها
ناصر .....لا يمكن
راشد ...لا يمكن ليه بس
ناصر ....علشان المهمه عايزة ست زكيه
راشد ....واشمعنا ست يعنى
ناصر ....علشان هتجوز جوازة رسمية من شخصيه معروفه عالميا
راشد ....ازاى مش فاهم هو ايه طبيعه المهمه دى
ناصر ....قلتلك عايزين ست زكيه تجوز جوازة رسمية من شخصيه عالميه
راشد ....طب ليه الدوله عايزه موده بالذات تجوز الشخصيه دى وايش عرفكم أن الشخصية العالميه دى هتوافق اصلا على الجواز من موده
ناصر .....لا اول ما يشفوها هو هيوافق
راشد ....طب هتجوزه ليه ايه الحكمه من الجوازه دى
ناصر ...اسالتك كتير ولما تقبض عليها هقولك على تفاصيل المهمه
راشد ....افهم بس هتجوزه ليه ليه الدوله ووزارة الداخلية والخارجية عايزنها تجوزه ليه
ناصر ....علشان تجبلنا منه حاجه ضروريه ومهمه للبلد
راشد والحاجة متجيش الا بالجواز ناصر .. ايوه يغلباوى
راشد ....حاجه ايه
ناصر ...حاجه مهمه تخص البلد
راشد ...ما نبعت بتوع المخابرات يسرقوها سهله مدام دى حاجه تتسرق
راشد ... ومين قالك أننا مبعتناش المخابرات وكمان ظابطات كتير تقوم بالمهمة ولاكن كل المحاولات فشلت وأصبح الشخصيه المشهورة دى على علم اننا بنخطط لسرقه الحاجه دى فعمل احتيطاته وامن نفسه واى محاوله أخرى بتنكشف
راشد ...طب مايمكن موضع النصابه ده يتقفش وتفشل المهمه برضوا مدام الشخصيه دى عاملها احتياطها
ناصر ....دى نصابه وطريقه تفكيرها فى النصب مبتكر شفت موضوع نصب الشنطه إلى اخترعته قدرت بذكائها تجبر الضحيه هو إلى يخش وهو إلى يطلب يساعد وهو كمان إلى بيكشف عن الفلوس إلى معاه
طريقه محترفه ولما الخارجه عرفت بموضوع طريقه نصبها دى فكرت تستعين بيها وطلبت وزير الداخلية يبحث عنها وكلفونى وانا كلفتك بس انت مش عارف تجبها
راشد ....طب ايه الحاجه المطلوبه دى
ناصر ....هاتها وانا هقولك واكتب أيضا تحت الصورة فى الإعلان أن جميع القضايا بتاعتك ياموده الداخليه هتجبلك عفو بس تسلمى نفسك للوزير فى أمر خاص وهام جدا ومتخافيش
راشد ....حاضر ياه الموضوع مهم وكبير لدرجاتى ايه الدوله انسرق منها ابو الهول ولا الاهرامات وحنا مش عارفين طب اخر سؤال وهمشي انفذ المطلوب منى
ناصر ....اسال وخلصنى
راشد ....هو مين الشخصيه العالميه إلى عايزين موده النصابه تجوزه
ناصر ....الشخصيه دى تبقي .....