رواية #دادي_سنجل
الفصل السابع والثامن
بقلم ياسمين علاء الدين
👑 اللهم صل وسلم ع نبينا محمد 👑
خرج مصعب مع فرح وفريده من المدرسه بعد انهاء هذه المعركه بينها وبين ساندرا. برفضها من المدرسه
والتحقيق معاها بشان ضرب الاطفال
ركب السياره . لتجلس فريده ..
. فرح اغلقت الباب وكانت ستمشي. ليلحق بها مصعب ويمسك يدها
فرح: انت استحليتها. كل شويه تمسك ايدي. والمره اللي فاتت
قطعت كلامها عندما تذكرت انه ضمها . لتنظر الي يده كانت بها انتفاخ
فرح : ايدك
مصعب: كدمه . متكسرتش . دماغك هي اللي كانت هتتكسر لو سبتها تضربك . واسف اني لمستك .
وشكرا علي كل اللي عملتيه علشان فريده .
فرح : العفو .
لفت بجسدها ليسرع ويقف امامها مره اخري
. مصعب: رايحه فين
فرح : راجعه البيت
مصعب: واحنا كمان... تعال اوصلك
فرح : لا مش هينفع . بعدين انا لازم ارجع علشان العريس جاي انهارده
مصعب: عريس مين
فرح : عريسي . حسن ابن عمتي . انت مش كنت موجود وبابا بيقولي
مصعب : بس انتي رافضه
فرح : ولسه رافضه . بس بابا موافق
مصعب : فرح انا ممكن اساعدك بايه
تقابلت عينها مع عينه لماذا لا يري ولا يفهم انها تحبه . كيف ستقولها ..
كيف ستقول له اخطفني او اطلبني للزواج. لن تفعلها اين كرامتها اذا فعلتها
فرح : عن اذنك
مصعب : هوصلك معايا
فرح: البيت مش بعيد . وانا عايزه امشي
مصعب : انا بعتذر جدا .لكل اللي حصل انا السبب
فرح : لا مش انت .
مصعب : فرح
فرح: مصعب سبني امشي . انا اتاخرت وماما هتبهدلني. غير ان بابا لاول مره يضربني . وهيكررها تاني وتالت
مصعب : اعمل ايه . قوليلي اعمل ايه وهعمله
فرح نظرت له كثيرا لتتنهد : متعملش حاجه . خلي بالك من فريده.
تركته واسرعت هذه المره لن تقف وتسمعه ستبكي. لماذا لا يفهمها
وقف في مكانه ليصعد الي السياره ويسوقها. يراها امامه تسرع وهو لا يدري ماذا يفعل لها
....
صعدت الي شقتها . لتجد امها بانتظارها وهي تبدو غاضبه
فرح : هدخل اخد دش واجهز علشان حسن جاي
حنان : كنتي فين
فرح : كنت بتمشي شويه ..زهقانه ومخنوقه
حنان : كنتي فين يا فرح
فرح : يا ماما كنت بتمشي . في ايه . مش كفايه هتخطب لواحد انا مش عايزاه. حرام عليكم بقي
بكت كثيرا ولكنها لم تكن تبكي من اجل خطبتها. كانت تبكي لان مصعب لا يريد ان يتحرك لم يفهم حبها
تركتها امها فهي تشعر بحزنها ..
اما مصعب فكان يشعر بالضيق لكل هذا . ولكن ما زال علي غبائه
.......
في المساء
كان حسن وامه وابيه يجلسون مع مسعد وحنان
دخلت فرح وهي تحمل العصير لهم وجلست معاهم
وبعد وقت قرا الفاتحه . ليعلو الزغريط في الشقه
كان مصعب يسمعهم
يحاول ان يشغل نفسه باي شئ ولكن يجد نفسه يفكر فيها مره اخري . لماذا هي من تشغل باله .
من تكون هي لتجعله يفكر بها . بعد كل هذه السنوات . لم يفكر باي امراه . لتاتي هي وتجعله يغير قواعده
مر اسبوع لم يري فيهم فرح . تحدث فريده ع الهاتف وتطمان عليها
قابل مصعب مسعد ابو فرح . ليعزمه علي خطوبه فرح وحسن الاسبوع القادم
بعد يومين . قابلها تخرج من الشقه ومعاها حسن
لتنظر له بحزن
فريده : فرح .وحشتني
فرح وهي تقابلها : وانتي كمان
.
فريده: مين ده
حسن : انا حسن
فريده : حسن مين
حسن : خطيب فرح وابن عمتها
مصعب : مبروك
حسن : الله يبارك فيك .
فرح : ده جارنا. وابو فريده
حسن : ما شاء الله . ربنا يحميها
مصعب : شكرا ..
نظر الي فرح ولكنها لم تنظر لها كانت تتحدث مع فريده
فريده : تعالي معانا . احنا هنروح ماكدونالدز
فرح : مره تاني . مش فاضيه دلوقتي
مصعب كان ينظر لها بنظره غريبه
فريده: رايحه فين
حسن : رايحين نشتري فستان للفرح
فريده: وانا عايزه اشتري فستان
مصعب: انا هجبلك فستان
فريده : شبهه بتاع فرح
مصعب: فرح عروسه.
فرح : انا هجيبلك واحد شبهه فستاني. واحلي كمان
.
فريده : ماشي
حسن : يلا يا فرح
. فرح : مع السلامه يا فريده
فريده : باااي .
خطفت نظره لمصعب لتجد عينه عليها .
ذهبت مع حسن وركبو السياره.
حسن : عسوله فريده
فرح : اه جدا ودمها خفيف
حسن : انتي كمان عسوله ودمك خفيف
ابتسمت بحزن : حسن انا عايزه اتكلم معاك .
حسن : اتكلمي
فرح : ممكن نقعد في مكان ونتكلم
حسن : تمام
....
مصعب اخذ ابنته ليتناولو الطعام . وكان طول الوقت شارد التفكير.
فريده: دادي انت هتفضل علي طول سنجل
مصعب: اه
فريده : فرح هتتجوز . واكيد هتبعد عننا
مصعب: اكيد
فريده : بس انا مش عايزها تبعد
مصعب : متتعوديش علي حد يا فريده .
فريده : ليه
مصعب : علشان في حاجه اسمها الفراق . ودي حاجه وحشه اوي
فريده : يعني ايه
مصعب: يعني اما حد بتحبيه يبعد عنك يبق اسمه فراق
فريده: انت ممكن تبعد عني
مصعب: لا طبعا . انا معاكي دايما وعمري ما هبعد
فريده : انا مش عايزاك تبعد عني ومش هتجوز وهفضل اقعده معاك
مصعب : اتفقنا. انا وانتي هنفضل مع بعض علي طول
فريده: الي الابد
ضحك مصعب علي صغيرته المشاكسه
....
. في مكان اخر كان حسن يجلس مع فرح
فرح : حسن انا بحترمك جدا .
حسن : ولكن
ضحكت
حسن : ها كملي
فرح : بحبك زي اخويا .
حسن سكت قليلا : في حد في حياتك
فرح : لا
حسن : بتحبي حد تاني
حركت راسها بنعم
حسن : هو مين بقي
فرح : مش مهم هو مين . هو اصلا مش حاسس بيا
حسن : مصعب.
نظرت له بدهشه
حسن : شوفتك وانتي بتبصيله كده بطريقه غريبه . وهو كمان كان بيبصلك بس من تحت لتحت
فرح: حسن انا مش عايزاك تزعل مني. والله غصب عني .
حسن : عارف يا فرح . الحب ده غصب عننا .
فرح : انت مش بتحب حد
حسن : لا . بس كنت ناوي افكر فيكي بطريقه مختلفه . يعني انتي عارفه ان عمتك نفسها تجوزني . وهي اللي مصممه اننا نتجوز انتي عارفه يعني
فرح : عارفه . انا كنت مضايقه جدا ونفسي احكيلك كل حاجه.
حسن ؛ ومحكتيش ليه
فرح: كنت خايفه اجرح مشاعرك . بس انت طلعت عادي
حسن: معنديش مشاعر يعني
فرح: لا مش قصدي والله . بس طلعت متفاهم الموضوع
حسن : قوليلي هنعمل ايه
فرح : هنتخطب
حسن : ليه
فرح : انت ناسي انهم عزمو ناس . وبعدين هنفضل مخطوبين شويه كده قدامهم ونعمل نفسنا مش متفقين وخلاص
حسن : تمام . معندكيش عروسه ليا بقي
. فرح ضحكت : لا . بس ندورلك
حسن : دوري كويس.
فرح : من عيني .
حسن : اشربي العصير و تعالي نشتري الفستان
فرح : ماشي يا معلم
حسن : معلم . انتي بتشتغلي علي توكتوك .
فرح : اه بليل من ورا عمك مسعد
حسن : كنت شاكك فيكي. قدامي يا مصيبه
ذهب الي محلات الفساتين واشترت فستان خطوبه محتشم .جميل ورقيق .. وواحد اخر نفس اللون لفريده
خرجت معه ورجعو الي البيت اوصلها بالسياره
حسن : خدي الفستان من الشنطه.
فرح : ماشي
حسن : عايزه حاجه
فرح :لا . شكرا يا حسن
حسن : العفو
اخذت فرح الفستانين وصعدت لاعلي.
لتطرق الباب اولا علي مصعب.
فتح لها وتفاجا : العروسه عندنا
فرح: انا جبت فستان لفريده زي ما طلبت
مصعب: هايل. والعريس رضي
فرح: اه. حسن طيب اوي
. مصعب : والله
فرح : اه
مصعب : طيب كويس.
سمعو صوت ابيها يتحدث في الهاتف وهو صاعد علي الدرج
ليمسك يدها وخلها سريعا ويغلق الباب
فرح : قولتلك متلمسنيش
مصعب : شششش.. باباكي طالع
فرح : برضو مش من حقك
مصعب : هيتخانق معاكي . انا غلطان علشان خايف عليكي
رمت الفستان من يدها بغضب : انت مش بتخاف غير ع نفسك وبس
مصعب : يا سلام . ومين اللي خد الضربه علي ايده من ساندرا
فرح : انت السبب اصلا . كنت بتديها وش وبتكلمها
مصعب : انا مش بكلم حد
فرح : اه صح . نسيت انت معقد من الستات
مصعب : انا مش معقد
فرح : معقد .
مصعب : انتي مستفزه
فرح : والله ما حد مستفز غيرك
مصعب : طيب اخرسي بقي علشان اشوف باباكي دخل وله لسه
فرح امسكت يده وعضتها .ليصرخ بالم
مصعب : انتي مجنونه
فرح : تستاهل
مصعب : طيب
امسك يدها وعضها هو ايضا
( مجانين 😂)
فرح وهي تمسك يدها بالم : انت رخم اوي .متكلمنيش تاني
. مصعب: انتي اللي ابتديتي
فرح : مش بكلمك . ايدي وجعاني
نظر الي يدها : احسن
فرح : احسن في عينك. .ابعد
مصعب : مش هبعد
ضربات قلبها تدق بسرعه وقوه. لتنظر الي عينه
مصعب هو ايضا يحاول ان يبتعد عنها ولكن تعجز قدمه ان تتحرك بعيدا ..
يتبادلون النظرات. بدون كلام . لتتنهد بحزن
فرح : مصعب
مصعب : نعم
فرح : انا هتخطب
مصعب : انتي عايزه تتخطبي
فرح.: لا
مصعب : خلاص. ارفضي
فرح : وبعدين
مصعب : وبعدين ايه
فرح : بعد اما ارفض ده . هيجي واحد تاني
مصعب : انا مش هتجوز تاني
تجمعت الدموع في عينها .. مصعب : اسف
انجرح قلبها ويتاسف بهذه السهوله
اخذت حقيبه فستانها وفتحت الباب وخرجت من شقته
وهو ينظر اليها بحزن
.............
#دادي_سنجل
الفصل الثامن
👑سُبْحـانَ اللهِ وَبِحَمْـدِهِ عَدَدَ خَلْـقِه ، وَرِضـا نَفْسِـه ، وَزِنَـةَ عَـرْشِـه ، وَمِـدادَ كَلِمـاتِـه👑
لم تري مصعب منذ ايام .. تشعر بالحزن . لا يريدها لماذا يستمر قلبها الغبي هذا في حبه.
تشعر بالتعب منذ امس ولكنها تتحامل علي نفسها ..
دخلت حنان لها لتجد وجهها شاحب
حنان : فرح مالك . انتي تعبانه
فرح : بطني بتوجعني اوي .
حنان : هعملك حاجه دافيه
فرح بتعب : لا .مش قادره اشرب حاجه.
. لتشعر ان الالم يزداد : ماما . عايزه مسكن .
حنان: هجبلك حاضر.
خرجت حنان من غرفه فرح وهي تبحث عن مسكن.
. لم تتحمل فرح الوجع. لتصرخ من الالم ..
جلست علي الارض وهي تشد يدها علي بطنها . ومتكوره علي نفسها
حنان دخلت سريعا وبيدها المسكن. ولكن منظر ابنتها كان صعب. تصبب عرق و تتلوي من الالم .
اتصلت بمسعد : الحق بنتك تعبانه
مسعد : هجيب الدكتور واجي
حنان: بسرعه يا مسعد ..
فرح بصريخ : بطني بتتقطع .. هموت.
حاولت ان تحملها وتضعها ع الفراش ولكن لا تقدر
عليها ان تتصرف سريعا . لن تترك ابنتها هكذا .. اسرعت وفتحت الباب . لتركض لشقه مصعب فهو جارهم ورجل.
في هذا الوقت كان مصعب امام البيت مع فريظطده وبيدهم شنط بها طعام .. ليتفاجا بحنان وهي تبكي انقبض قلبه . واول شئ خطر ع باله هو فرح
مصعب: فرح مالها
حنان : مش عارفه بتصوت وماسكه بطنها.
فريده بتساؤل : في ايه
مصعب: امسكي فريده يا ماما.
دخل شقه مسعد وهو يبحث عنها ليسمع صوت بكائها. دخل الغرفه ليجدها تبكي وهي تمسك بطنها ع الارض .. شعرها علي ظهرها. ودموعها تسيل علي وجنتياها
مصعب : فرح مالك
فرح بالم وبكاء : بموت
مصعب : بعد الشر عنك .
تشتت عقله من صريخها وبكائها بهذه الطريقه
وقف يبحث عن حجاب وضعه علي راسها وحملها بين يديه ونزل لاسفل وحنان وفريده خلفه
اوقف سياره اجاره وصعدو بها .. وهي في الخلف بجانب امها وهو في الامام. وفريده ع قدمه
مصعب : ماما . اعدلي حجابها .
حنان : احنا في ايه وله ايه
. فرح كانت تبكي ولم تسمع شئ
حنان رفعت شعر فرح وربطت الحجاب لها
وصلو الي اقرب مستشفي حاسب مصعب ونزل ليحملها بين يديه وحنان بيدها فريده وهم يبكون ع فرح
اخذها الممرضات الي الغرفه والطبيب فحصها ليصرخ بهم ان يدخلوها الي غرفه العمليات سريعا
مصعب : عمليات ليه
الدكتوره :والزايده انفجرت في بطنها وكده تعمل تسمم في دمها. لازم نتصرف والا هتموت
شعرت بدوار في راسه . سيسقط ليمسك في الجدار
اما حنان فبكت اكثر ع ابنتها . وفريده تبكي فهي تحبها جدا
دخلت غرفه العمليات ... مسعد وصل البيت ولم يجد احد . وهواتفهم بالاعلي ..
سال البواب . ليخبره ان فرح كانت تصرخ ومصعب يحملها وحنان معاهم ونقلوها للمستشفي
البواب: سمعته بيقول للسواق . اقرب مستشفي
ركب مسعد سياره اجره ليلحق بهم .. اتصل بمصعب في طريقه
ليعلم اسم المستشفي .وصل اليهم كانت فرح ما زالت في غرفه العمليات .. والدكاتره تحاول ان تنقذ حياتها
الجميع يدعون لها .
خرجت الممرضه : محتاجين اكياس دم للمريضه. فصيله Ab
مصعب : انا هتبرع .
دخل مصعب بعد ان تعقم الي غرفه العمليات ليجد فرح تنام امامه علي الفراش وجهاز التنفس علي وجهها.
قامو بعمل تنظيف واستخراج للصديد الموجود في المعده واستاصال الجزء المتبقي لها . حدث نزيف وتبرع مصعب لها
انتهت العمليه بعد ساعات كان الجميع قلق عليها ...
لتنقل لغرفه العنايه المشدده .
كان مصعب يجلس وفريده نائمه علي قدمه وحنان بجانبه ومسعد وحسن وامه
مسعد : روح يا بني انت . كتر خيرك ع كل اللي عملته
مصعب : اطمن عليها واروح
حنان : انا من غيرك كانت بنتي هتروح مني .
مصعب: انا معملتش حاجه .
حنان : ازاي معملتش . انت شيلتها وجبنتها لهنا واتبرعت بدمك ليها .كل ده ومعملتش حاجه
سكت مصعب
حسن : شكرا يا مصعب . انت انقذت حياه بنت عمي
قال هذا ليفهم انها بنت عمه فقط ولا يوجد بينهم شئ . لعله يتحرك.
مصعب : العفو
مسعد : يلا يا بني . خد بنتك وارجع البيت ارتاح ونيمها. حرام هي طفله ملهاش ذنب
مصعب اضطر ان يذهب
👈 قلبي مش هاين عليه يسيبها وحدها. بس غصب عني. شكلها وهي بتتالم وبتكي مش بيروح عن بالي.
كنت عايز انقذها باي شكل . اتمنيت في وقتها ان الوجع ده فيا انا. ومش فيها هي . شكلها وهي بين ايديا وعينها بتترجاني مسبهاش .. حاجه صعبه جدا
كان مفروض ارجع شقتي . بس لاقيت نفسي قدام بيت امي وفريده نايمه علي ايدي . طلعت واتفاجات بيا ..
شكلي باين عليه الارهاق والتعب والحزن . دموعي متحجره في عيني ومش عارف ابكي
خدت فريده مني ونيمتها ورجعتلي ... جلست بجانبي
اعتماد. : مصعب في حاجه حصلت
👈. حطيت راسي علي رجلها.
اعتماد : احكي يا بني. مالك
مصعب : فرح كانت تعبانه انهارده . الزايده انفجرت في بطنها وكانت ...
قطع كلمته لم يتخيل انها يمكن ان يخسرها ً .. لا يريد خساره احد مره اخري . يكفي خسارته لزوجته الاولي وام ابنته فريده. ...
اعتماد : وهي عامله ايه دلوقتي
مصعب: في العنايه
اعتماد : ربنا يقومها بالسلامه .
مصعب : يارب يا امي
اعتماد: انت بتحبها
سكت مصعب
اعتماد : انت بتحيها ليه متكلمتش
مصعب : مش هينفع يا امي . مش هينقع
اعتماد : ليه يا بني . انت بتحب تتعب قلبك
مصعب: انا مكتوب علي الوجع يا امي
اعتماد: يا بني ارضي بقضاء ربنا . هيرضيك
مصعب: انا راضي وعايش يا امي
اعتماد: عايش لوحدك . هي دي عيشه ..
مصعب: مش قادر اتكلم تاني . انا عايز انام
اعتماد: نام يا حبيبي واللي في الخير ربنا يقدمه
اغمض مصعب عينه بتعب ليذهب الي النوم سريعا ...
استيقظ بعد ساعتين لم يقدر ان يكمل نومه .
ليحمل نفسه ويذهب الي المشفي.
وجد ابيها وامها ما زالو يجلسون في الخارج
.
مسعد: انت جيت ليه يا بني
مصعب: ارجع انت ارتاح وانا هقعد هنا
حنان: لا يا بني مش هينفع . ارجع لبنتك
مصعب: بنتي مع امي
مسعد: احنا مش هنمشي غير اما تفوق. قلبي مش جايبني اروح واسيبها
مصعب : بس انتم كده هتتعبو . ارجعو البيت وتعالو الصبح تكون فاقت
حنان : لا مش هقدر.
لم يقبلو ان يتركو ابنتهم بمفردها .. نزل مصعب واشتري طعام وعصائر لهم. واصر عليهم ان يتناولو الطعام
في الصباح فاقت فرح وفحصها الطبيب .ونقلوها لغرفه عاديه
كان مصعب ومسعد وحنان بجلسون معاها .
دخلت خنان الحمام ومسعد نزل يشتري قهوه له
. نظرت الي مصعب وقالت بصوت متعب : شكرا
مصعب : علي ايه
فرح : علي كل اللي عملته علشاني. حتي شكرا قليله عليك
مصعب : العفو يا فرح . وبعدين انتي زي
فرح بتعب : زي فريده
ابتسم : صح. انتي زي فريده
اغمضت عينها بتعب وفتحتهم مره اخري ..
مصعب : عايزه تنامي
فرح : لو نمت هتمشي
مصعب : عايزاني امشي
فرح : لا
مصعب : خلاص مش همشي. غير اما انتي اللي تقولي. انا قاعد معاكي
ابتسمت بتعب : فريده فين
مصعب : عند ماما . سبتها هناك
اغمضت عينها مره اخري لتشعر بملمس يده علي يدها
لم تتحرك .. لاول مره ينطق بما يشعر به. احساس انه كان سيفقدها جعله ينطق . لا يعلم انها مستيقظه. كل ما يريده ان يخرج ما بقلبه لها . يريد ان يبوح بمشاعره فقط
مصعب بهمس : اسف يا فرح . بس انا لسه مش قادر اكمل حياتي . انتي الوحيده اللي قربتي ليا ولمستي قلبي. من بعد موت فريده مراتي. . يمكن اكون معقد زي ما انتي قولتي . بس لسه مش عارف احل العقده دي . خايف تبعدي عني وفي نفس الوقت خايف اقرب منك.
( نسيت اقولكم ان مصعب سمي بنته فريده علي اسم مراته فريده )