رواية زواج تحت التهديد
بقلم تسنيم محمد
الفصل الثالث
في كليه التجارة الانجلش تجلس فتاتان يتحدثون ويمرحون حتي قالت
كاميليا بضحك:اهدي يا بسملة وبراحه شوايه علي يوسف الولاد هيموت منك تصحيه من النوم الفجر علشان حلمتي انو بيخونك تقوليله كل الي بينا انتهي انتا شخص خاين وكداب وهبعتلك دبلتك الصبح
بسملة بزعل مصطنع :كوكي مش هحكيلك حاجه تاني كدا الله وبعدين انا احلامي بتحقق فيا شئ لله ok
كامليا بضحك:it's ok يا بوسي بس مش كدا انتي عارفه انه بيحبك وبعدين يعني حرام كفايه شك فيه ده قفل الاكونت بتاعه من كتر الفيك اكونت الي بتدخلي تكلميه منو بجد ليه ربنا
بسمله:كوكي ده اقل شئ بكرا لما تحبي هتعملي اكتر من كدا
كاميليا بهياام :امتي بقي القي فارس الاحلام تعرفي انا ليا موصفات خاصة ليه
بسملة موصفات ايه بقي الي عايزها
اولآ كده يكون دمه خفيف ورومنسي ويكون شكلة حلو واهم من الشكل يكون طيب بس في نفس الوقت شرس عايزه يقولي يا حبيبتي وفي نفس الوقت يعكسني عايزه يكون محترم وفي نفس الوقت Naughty يعني فاهمه حاجه انا عاوزه يكون كل حاجه وعكسها
نظرت له بسملة بصدمة وهي تقول كل حاجه وعكسها متروحي تفصليه احسن وبعدين لو كان يعرف بنات هتعملي ايه
ابتسمت كاميليا وهي تقول بغرور مفيش حاجه اسمها راجل ميعرفش بنات يا حبيبتي بس اهم حاجه هو هيكون مع مين واختار مين وهيكمل معاها حياته الست الجدعه هي الي ميفرقش معاها ماضيه اهم حاجه المستقبل وبس وانا مش هيفرق معايه اي ماضي لاني هبقي الحاضر والمستقبل وهعرف امسح الماضي كمان
تفكيرك غريب وطلبك اغرب وقامت بسملة بتقليدها وهي تقول يكون نوتي ومحترم يكون طيب بس شرس انتي هتلقيه فين ده بقي ان شاء الله
اخذت شهيق وهي تقول لها احساسي بيقولي اني هقبله قريب اوووي وقتها قلبي هيعرفه ومش هاسيبه غير لما تكون دبلته في ايدي بس امتي بقي هييييييييح
بسملة بضحك علي صديقتها المجنونه:هي وصلت لهيييييييح طيب يلا ياختي نروح نذاكر علشان منحوحش في الامتحنات خلاص كمان شهر
كامليا:يلا يافصيلة يلا
*************************************************
عند جاسر في مركز القوات الخاصه وخصوصآ في مكتب اللواء رأفت
اللواء رافت بهدوء لازم تنفذ ياجاسر وانت المسؤال قدامي لو حصل اي تقصير دلوقتي دي الطريقه الوحيده الي هنقدر نقبض بيها علي مسعد
جاسر:بس يافندم كدا في خطورة علي حيتها خصوصا انهم شفوها وكمان كل حاجه تخصها عندهم في الشركه وكمان ممكن ترفض تتعون معانه
اللوء رأفت:دي مهمتك انت الي لازم تقنعها انها تتعاون وتتدلي بشهدتها دلوقتي البنت دي الشاهد الوحيده في القاضيه وكمان حيتها في خطر وانتَ لازم يا حضره الظابط تفهمها ده
جاسر:تحت امر معليك يافندم
اللواء رأفت:اتفضل دلوقتي ومش عاوز تقصير ياجاسر انت عارف اني بعزك زاي ابني وولدك سيد اللوء الشهيد محمود كان صديق عمري علشان كدا انا وثق فيك ياريت تثبتلي انك قد الثقه
جاسر مؤدي التحيه العسكريه :تحت امر معليك يافندم وانشاء الله اكون قد الثقه ثم توجه خارج الغرفه وعلامه الضيق تقسم ملامح وجهه
------------------------------------------------------------------------
عند كارمه تحديدآ في مركز القوات الخاصه وفي غرفه مغلقه تجلس فيها ترتجف من الخوف تتذكر ماذا حدث معها قبل ساعات
فلاش باك من ساعتين.
استيقاظت كارمه من نومها تشعر بالم شديد في رأسها وفجأة رأت شخص يجلس أمامها بملامح رجوليا مخيفه
كارمه بخوف شديد:ااننن تااا ممي مي ين(انت مين)ااانناا في في نن(انا فين)
جاسر محادثه بهدوء :اهدي اهدي متخفيش انتي في امان هنا انا الرئد جاسر الدمنهوري ونتي هنا في مركز القوات
لم تعطيه فرصة كي ينهي كلامه فقامت بإصدار شهقة قويه
كارمه:ايييه بعمل ايه هنا اناا ككونت ثم صدر منها صوت تأوه
بسيط
كارمه : اااه راسي في حد ضربني علي راسي بتوجعني اووي وبعدين انا بعمل ايه هنا انا معملتش حاجه
جاسر:قولتلك اهدي ومتخفيش انتي هنا في امان وبعدين انا الي المفروض اسالك كنتي بتعملي في شركه المفتي عند البادروم انتي هنا علشان كدا هتقولي اقولك وتمشي وااه انا الي ضربتك علي راسك ع
قاطع حديثه صوتها وهي تقول بغضب شديد
كارمه:ايه ضربتني ليه انت كان ممكن تجبلي ارتجاج في المخ او نزيف داخلي انت متعرفش ان المنطقه دي خطيره جدا انا كان ممكن يحصلي حاجه انا مش هسكت وبعدين تضربني بتاع ايه اصلا هه ممكن اعرف انت ملكش ضرب عليا انا مش هسكت
صاح بها جاسر بصوات عالي اخرسيي
جاسر: ايه ده انا كان المفروض اقطع لسانك الطويل ده
كارمه: انا لساني مش طويل انت الي مش بتتفاهم براحه
جاسر وكان الغضب تمكن منه فمن هذه الفتاه لتدحدث ايها بهذه الطريقه وقام بمسك موخره راسها بشده وصاح بها
جاسر:بت انتي انا خلقي ضيق انطقي قولي كنتي بتعملي ايه هناك والا اقسم بجلاله الله لاكون ملبسك شريكه في القضيه المخدرات انجزي انطقي قال مش بتتفاهم قال
كارمه بخوف وبكاء: ينهار اسود ومنيل مخدرات هو انا ممكن اتكلم في وجود المحامي بتاعي
جاسر بضيق : محامي اه ان شاء لله هبقي اطلبهولك لما احبسك تحت انتي حافظه يابنتي مش فاهمه انجزي انطقي
قولي كل حاجه
كارمه بشهقات بكاء :حاضر حاضر وقامت بسرد كل شئ حدث منذ قيمها من نومها الي ان اغشي عليها
جاسر بملل وهو يضع وجهه بين راحتيه:امممم طيب ونا مالي ان اخوكي مكنش موجود علي الفطار وان اختك بتاخد الفلوس زياده الضعف وان خطيب صحبتك دحيح انا ذنب اهلي ايه اسمع قصه حياتك ساعتين علشان تقولي المفيد مكنتي اتنيلتي من الاول قلتي
انك كنتي ريحه الزفت الحمام وسمعتي دوشه وشوفتيهم وهما بينقلو المخدرات.
كارمه بضيق مش انت قلتلي احكيلك كل حاجه
جاسر:انا قولت هناك مش من ساعه محضرتك صحيتي من النوم علي العموم انا هسيبك هنا نص ساعه وهجيلك تاني
علشان تمشي
كارمه: انا مش همضي علي اقولي
جاسر:لا ياختي كل حاجه حصلت هنا متسجله صوت وصوره ودلوقتي اتفضلي ارتاحي لحد ماشوف هنعمل معاكي ايه
ثم خارج جاسر من الغرفه ترك ايها في خوف وحيره من المجهول
بااااااك
استيقظت من شرودها عند دخوله الغرفه المتوجده داخلها محدثآ ايها بصوته الاجش قائلا لها
جاسر:انسه كارمه
كارمه:ايه إفراج
جاسر :انتي متاكده إنك في كلية طب
كارمه:اه والله قسم مخ واعصاب بس ليه
جاسر:اصل وضح كدا انك من كتر الافلام الي شوفتيها وانتي حافظه مش فاهمه وشكلك كمان بتتفرجي علي افلام هندي كتير المهم انا كنت جاي علشان اتكلم معاكي في موضع مهم جدا
كارمه بتساؤل:خير
جاسر: دلوقتي للاسف حياتك انتي واهلك في خطر.
*************************************************
في منزل كارمه كانت ولدتها قلقه عليها فهي لا تجيب علي هتفها منذ الصباح وهاذا غير عداتها فهي دومآ تجيب علي هتفها
ناديه :استر يارب مش بترد ليه دي بس استغفر الله العظيم يارب ماشي ياكارمه كدا تعملي فيا كدا الساعه داخله علي تمنيه واخوها لو جيه وملقهاش في البيت القيامه هتقوم كاميليا انتي يابنتي
اتها رد ابنتها سريعآ
كامليا:ايوه يا ماما نعم يانونه في حاجه
ناديه:اختك مكلمتكيش ولاتعرفي هي فين مش بترد عليا
كاميليا:اكيد استلمت شغلها الجديد ومعرفتش ترد عليكي متقلقيش انتي هتلقيها دخله علينا دلوقتي
وما ان انهت كاميليا جملتها حتي سمعت جرس الباب
كامليا:شوفتي يانونه اهي دوكا جت اهي طيب دوكا جايه اهو
ناديه في نفسها الحمد لله اهي وصلت وما ان انهت جملتها حتي تدحث بصوته الاجش
كريم:ازيك ياكوكي وحشتيني ازيك يا ست الكل
ناديه:الحمدلله ياحبيبي انت جيت انت وكارمه
كريم بصدمه :ونا ايه الي هيجيب كارمه معايه دلوقتي ثم اكمل بغضب اوعي تقولي انها لسه مجتش مفيش كلية فاتحه لحد دلوقتي
تداخلت كامليا سريعآ محولة تلطيف الجو ولكن تاتي الريح بما لا تشتهي السفن
كاميليا:لا ياكريم اهدي هي مش في الكلية هي اكيد استلمت الشغل النهارده اول يوم ليها ممكن علشان كدا اتاخرت بس
كريم بعصبيه اكبر:نعم ياختي شغل شغل ايه ده ان شاء الله الي اول مره اسمع عنه ايه الكلام ده ياماما ومن امتي هو انا منقص حد فيكو حاجه من ساعه موت بابا الله يرحمه ونا
شيلكو فوق راسي وطلبتكو قبل متطلوبها بتكون تحت رجليكم ولا انتو لغتوني من حياتكم علشان الهانم تشتغل ومن غير اذني كمان
تحدثت ناديه محوله تهدائه كريم قائلة
نادية:اكيد طبعا ياحبيبي بس انت عارف كارمه كانت حابه تشيل شويه عنك الشغل مش عيب ياحبيبي انت مقصرتش معانه ولا حاجه بس هي كانت حابه تثبت نفسها ولو علي الشغل خلاص ياحبيبي بلاها شغل بس اهدي انت
كريم بغضب:انا مشتكتش لحد ولا طلبت من حد يشل معايه حاجه ومن هنا لساعه لما كل واحده فيهم تتجوز هما مسؤلين مني اظن كلامي واضح انا ميكونش عندي اخت دكتوره ومحاسبة علشان ابهدلهم في الشغل يا يشتغلو بشهادهم يا بلاش
ثم وجه حديثه الي كامليا قائلا كامليا اسم المستشفي الي شغاله فيها ايه هروح اجيبها انا مش مدخلها طب علشان تشتغلي ممرضه
كاميليا:لا ياكريم دي شركه اسمها المفتي للاستيراد والتصدير
كريم بغضب:شيركااااا ما كاد ان ينهي جملته حتي سمع جرس الباب
كريم انا الي هفتح الباب وما ان توجه لفتح باب الشقه حتي جحظت عينيه من الصدمه
_________________________
في سياره جاسر الدمنهوري تجلس بجانبه كارمه وبينهم حاله من الشرود كان جاسر يسوق سيارته شارد في الذي حدث منذ الصباح او تحديداً من وقت رويته لهاذه الفتاة
فلاش باااااااك
اتجه جاسر الي الفتاه وقام بحملها سريعا واتجه بها الي الخارج
جاسر متحدث لعمرو في السماعه الخاصه به
عمرو انسحب فورا انكشفنا وتعالالي من الباب الخلفي فوراً
عمر تمام اتجه جاسر الي السياره الخاصه بعمرو حاملاً تلك الفتاه
عمر :مين دي يا جاسر
جاسر معرفش بس شكلها كدا مش معاهم كانت خايفه ولو شفوها كانو هيقتلوها
عمرو:هنعمل ايه تفتكر تقدر تفيدنا في القاضيه
جاسر هنعرف كل حاجه لما تفوق انا ضربتها علي رسها علشان اقدر انقذها
وتوجه كلآ من جاسر وعمر الي مركز القوات الخاصه
في مركز القوات الخاصه خاصه في غرفه اللوء رافت
اللؤ رافت لجاسر بشده:تعرفلي كل حاجه عن البنت دي
جاسر تحت امر معليك يافندم وانصرف جاسر بعد تقديم التحيه العسكريه متوجه الي هذه الفتاه
توجه جاسر الي الغرفه الذي تجلس فيها كارمه وجدها نائمه كان ينظر لها يالها من ملاك لأول مره يري فتاه نائمة بهذه البراءة او هكذا ظن حتي استيقظت
بعد حديثه مع كارمه
ابتسم داخلها علي تلك الفتاه المُشاغبه ثم توجه الي مكتب اللواء رافت
اللواء رافت بهدوء:البنت دي هتفدنا كتير في القاضيه انت متاكد انها شافت مسعد وكل الموجدين
جاسر :طبعا متاكد بس هتفدنا في ايه
اللوء رافت:هتكون الشاهده الاساسيه علي القاضيه بمعني انها لو ادلت بشهادتها ضد مسعد
كدا محدش يقدر يخرجه منها حتي الراس الكبيره الي سنداه وبكدا نقدر نتضغط عليه ونعرف منه مين هو البوس الي سانده
جاسر:والمطلوب مني سيدك اني اخليها تشهد عليه
رأفت :مش بالشكل ده لازم نلقي القبض علي مسعد اولا ثم تدلي بشهادتها وطبعا هما حليا اكيد قدرو يعرفو عنها كل حاجه ومهمتك انك تحميها وتكون تحت عينك اربعة وعشرين ساعة متغبش عنك ثانيه واحده اكيد مسعد دلوقتي بيدور عليها
جاسر:بس ازاي يافندم و اهلها وهي ازي هتوفق
اللواء رأفت:بهدوء لازم تنفذ ياجاسر وانت المسؤل قدامي لو حصل اي تقصير دلوقتي دي الطريقه الوحيده الي هنقدر نقبض بيها علي رافت
جاسر:بس يافندم كدا في خطورة علي حيتها خصوصاً انهم شفوها وكمان كل حاجه تخصها عندهم في الشركه وكمان ممكن ترفض تتعون معانه
اللوء رأفت:دي مهمتك انت الي لازم تقنعها انها تتعاون وتتدلي بشهدتها دلوقتي البنت دي الشاهد الوحيده في القاضيه وكمان حيتها في خطر ونتا لازم يا حضره الظابط تفهمها ده
جاسر بسخط :تحت امر معليك يافندم
توجه جاسر الي خارج الغرفه شارد في بحر افكاره
باااااك
فاق جاسر علي صوت هذه الابواق الصادره من السيارات خلفه دليل على شروده افاق سريعا وهو يصف سيارته وينزل امام منزلها وهو يسب دخله الحظ الي اوقعها امامه.