رواية حب لا يموت
بقلم مني احمد راضي
💙
الفصل العشرين
مر اسبوع خرجت نرمين من المشفى وقامت بجمع أغراضها والخروج من القصر لان الجميع علم بطلاقها من سالم لكنه لم يخبرهم بما حدث
قررت ساره أيضا الذهاب مع شقيقتها ووالدتها فلا يوجد سبب لوجودها بالقصر رغم علمها بحبهم لها ورغبتهم في بقائها معهم
سالم لا يفعل شئ فقط يظل بالشركه لساعات متأخره
غاليه عادت لحياتها ويومها بالمشفي ولكن أصبحت تخرج مع عاليا وحدهم فعمر يثق بها كثيرا ويعرف مدى حب ابنته لغاليه
بالنادي كانت روان تتحدث مع بسام ويبدو عليهم التوتر
بسام : يا روان صدقيني دي فرصه كويسه اوي عشاني وانا محتاجها جدا لازم تكوني جمبي
روان : انا جمبك والله بس ازاي عايزني اتجوز في أقل من شهر واسافر معاك كمان واسيب سالم في ظروفه دي وهو اكتر واحد وقف جمبي
بسام : سالم نفسه مش هيعترض بالعكس هيفرح عشان هنكون مع بعض
روان : مش عارفه يابسام انا حاسه اني هبقي ندله اوي لو اتجوزنا وسافرت في الوقت ده
بسام بغضب : براحتك ياروان انا هسافر ومش هضيع الفرصه دي سلام
وتركها وذهب وتضايقت روان فهي بعد معرفتها بما حدث مع سالم لا تستطيع تركه ولم تستطيع اخباره انها تعلم كل شئ
بالمشفي كانت غاليه تستعد لحضور عمليه مع هيثم لم تكن راغبه بذلك لكن عمر أصر على حضورها العمليه 💙
أخبر هيثم تعليماته قبل بدأ العمليه وطلب من غاليه ان تكون مساعدته فوافقت
انتهت العمليه وشكر هيثم الجميع وذهب لغاليه وقال : دكتوره غاليه كنت حابب اشكرك على اهتمامك وانك وافقتي تحضري العمليه وتكوني المساعده بتاعتي
غاليه : ده شغلي يادكتور هيثم وانا تحت امر حضرتك في أي وقت
هيثم : طيب ممكن نشرب فنجان قهوة مع بعض
ترددت غاليه في الموافقه على طلبه لكنه قال : صدقيني مش هتكلم في اي حاجه
فوافقت غاليه وذهبو لشرب القهوه
بالقصر كانت روان حزينه لما حدث معها فبسام لا يرد عليها وهي لاتعلم ماذا تفعل
طرقت سالي الباب للاطمئنان على روان
سالي : مالك ياقمر شكلك زعلان ومن ساعه ما رجعتي وانتي قافله على نفسك الاوضه 💙
روان : ابدا ياسالي متقلقيش انا كويسه
سالي : روان انا مش عبيطه ولا عيله صغيره وبعدين واضح اوي انك زعلانه حصل حاجه بينك انتي وبسام
روان : بسام جتله اكتر فرصه كان بيحلم بيها وبسببها المفروض نكون بنجهز الجواز دلوقتي عشان اسافر معاه
سالي : طيب ما دي حاجه كويسه جدا فين المشكله 💙
روان : انا عارفه وفرحت اوي عشان هو فرحان بس انا مش هقدر اسيب سالم في الظروف دي لوحده ياسالي سالم لازم نكون كلنا جمبه ومعاه
سالي : انا معاكي اننا لازم نكون جمبه ومعاه بس تفتكري لو سالم عرف باللي حصل ده هيكون مبسوط بالعكس ياروان ده هيضايق جدا سالم لو عرف هيفرح جدا عشانك على الاقل هينشغل بفرحك ويبطل يفكر في اللي فات فهمتي ولا ايه متتعبنيش مش هيبقى انتي واخوكي ارحموني
ضحكت روان : ليه بس عملك ايه تاني
سالي : مستلمني في الرايحه و الجايه مش هنجيب اخ ليارا طيب اخت طيب اي حاجه لما تعبت
روان : بصراحه بقى كلنا نفسنا في بيبي كمان غير يارا لازم يكون ليها اخوات 💙
سالي : انا كمان نفسي والله وهي كمان من ساعه ماعرفت ان نرمين كانت حامل وهي كل شويه مامي عايزه بيبي تحسي ابراهيم مسلطها عليا
ضحكت روان فابتسمت سالي وقالت : اتكلمي مع بسام عشان يفتح الموضوع مع بباكي واخواتك عايزين نفرح يا روان
بنفس الوقت كان سالم يجلس بإحدى الكافيهات فوجد بسام بصحبه أصدقائه فسلم عليه
بسام : اهلا ياسالم كويس اني شفتك لاني كنت جايلك الشركه بكره
سالم : تعاله نتكلم بعيد عن اصحابك
بسام : دلوقتي ياسالم انا جتلي الفرصه اللي مستنيها طول عمري اني اسافر بلغت روان اننا لازم نتجوز خلال الشهر ده عشان تسافر معايا وهي للأسف رفضت
سالم بتعجب : رفضت ازاي يعني ايه السبب
بسام : مش عايزك تزعل من كلامي بس انت السبب هي مش حابه تسيبك في الظروف اللي انت فيها دي حابه تكون معاك
ابتسم سالم لان شقيقته لا تريد تركه : متقلقش يابسام كل حاجه هتتم في وقتها وانا هتكلم معاها متخافش
بسام : المشكله اني خايف تزعل اني اتكلمت معاك انا بحب روان وعايز اكمل حياتي معاها 💙
سالم : انا مش هعرفها اي حاجه انا هخليها هي اللي تحكيلي المهم انت استعد وملكش دعوه بأي حاجه تانيه انا هتصرف
بسام : متزعلش مني ياسالم عايزك تقدر موقفي
سالم : بالعكس انا مش زعلان منك انا مبسوط انك عرفتني يلا روح لاصحابك عشان طارق وصل خلاص
بسام : تمام هستني بقى واشوفك هتعمل ايه ثم نظر لطارق وسلم عليه وتركهم وعاد لاصدقائه
كانت ساره تجهز لبرنامجها الاذاعي وخرجت لصنع كوب قهوه سمعت شقتيقتها تتحدث بالهاتف
نرمين : ايوه بقولك سمعني وانا بكلمك وعرف ان البيبي مش ابنه وطلقني...... لا متقلقش معرفش مين ومسالش اصلا المهم باعيسى انت لازم تتصرف انا مش مستحمله اي حاجه
صدمت ساره عندما سمعت حديث شقيقتها على الهاتف عادت لغرفتها وظلت تبكي بشده قامت بالاتصال بطارق
طارق : مالك ياساره صوتك متغير ليه 💙
ساره : طارق خرجني من البيت ده انا مش عايزه اعيش معاهم تاني يلا نتجوز ارجوك ريحتي من اللي انا فيه
طارق : طيب ممكن تهدي وتحكيلي في ايه
ساره : مش هقدر احكي يا طارق مش هقدر بس الله يخليك يلا نتجوز
طارق : حاضر ياحبيبتي اهدي كده ونتقابل بكره بعد ماتخلصي ونتكلم
ساره : هستناك بكره ياطارق اوعي تتأخر عليا
طارق : مقدرش اتأخر عليكي يلا اهدي كده وروحي نامي ومتفكريش في اي حاجه تاني
أغلق معها الهاتف وهو متأكد ان حدث شئ بينها وبين نرمين او والدتها
بالمشفي كان عمر متضايق من وجود غاليه بجوار هيثم هو متأكد انها لن تعود لهيثم مهما حدث لكن احساسه ان هيثم لا زال يحاول معها يضايقه لقد احبها وأراد كثيرا ان يطلب الارتباط بها لكنه خائف من رد فعلها 💙
لم يستطع التحمل فذهب اليهم ليعرف ماذا يحدث
عمر : دي قهوه بعد العمليه ولا ايه
هيثم : اه حبيت اشكر دكتوره غاليه عشان وافقت تحضر العمليه وتكون المساعده بتاعتي
عمر : ادعيلي بقى عشان انا اقنعتها بكده
تضايق هيثم لكنه حاول السيطره علي كلامه لوجود غاليه فهو يريد أن يحاول معها مره اخرى : شكرا يادكتور ده من كرم أخلاقك والحمد لله انها وافقت انها مش هتكون اخر عمليه مع بعض
غاليه : انا خلصت القهوه وشكرا مره تانيه يادكتور هيثم اسمحولي عندي مرور بعد اذنكو
عمر : اتفضلي يادكتوره غاليه
لم يستطيع هيثم السكوت فقال : انت ليه مش عايزنا نرجع انا وغاليه ممكن افهم
عمر : غاليه مش ليك ولا هتكون ليك ياهيثم هي نسيتك خلاص متعشمش نفسك بحاجه مش هتحصل انا خايف عليك
هيثم : انا فاهم ياعم انك حبيتها وانك اكيد هتحاول معاها
عمر : مشاعري متخصش ياهيثم انت ابن اختي قبل أي حاجه وبحبك وخايف عليك سيب غاليه في حالها وشوف نفسك احسن بعد اذنك 💙
في صباح اليوم التالي ذهب سالم لغرفه روان وطرق على الباب فسمحت له بالدخول
سالم : صباح الفل ياقمر سألت عليكي امبارح عرفت انك منزلتيش العشا معاهم
روان : مكنتش جعانه وكنت عايزه اقعد لوحدي
سالم بضحك : الاتنين اكيد ياعملتي مصيبه ياهتعملي لسه مش كده
ضحكت روان : انت لسه فاكر انا كبرت خلاص متقلقش
سالم : عمرك ماهتكبري في نظري هتفضلي اختي الصغيره اللي كبرت على أيدي مالك بقى في ايه
روان : مفيش بس صدقني تعبانه شويه
سالم : عموما براحتك لو مبقيتيش حابه تحكيلي زي زمان براحتك
روان : ابدا والله بس بصراحه في حاجه حصلت واخبرته كل شيء
سالم : ليه تكسري بخاطره يا روان ده اول حاجه فكر فيها انك تكوني معاه وانا كفايه عليا احساسك وخوفك عليا وعموما انا عايز افرح بيكي انا هتصل بيه واقوله انك عرفتيني ونحدد مع بابا وإبراهيم كل حاجه واضحكي انتي عروسه فاهمه
روان : ربنا يخليك ليا ياسالم وان شاء الله ربنا هيعوضك والله بواحده احسن من نرمين
سالم : ملوش لزوم الكلام ده يلا عشان الفطار جاهز وانا هكلم بسام واتفق معاه يجي النهارده بالليل عشان نتفق على كل حاجه 💙
فرحت روان من كلام سالم وقامت بالاستعداد لتناول الفطار معهم
ذهب طارق الاذاعه لمقابله ساره ليطمئن عليها فصوتها طوال البرنامج لم يريحه ابدا كان ظاهرا عليها الحزن
كانت جميع الرسائل التي ارسلت لساره من المتابعين يريدون الاطمئنان عليها
ساره : بشكر كل اللي بعته يطمنه عليا انا كويسه جدا بس دور تعب بسيط ونتقابل الحلقه اللي جايه بإذن الله
خرجت من الاذاعه وجدت طارق ينتظرها
طارق : انا جعان جدا ومفطرتش يلا نفطر ونتكلم
ساره : انا كمان جعانه جدا
وصلو للمطعم وقامو بطلب الفطار وبعد الانتهاء منه نظر طارق لها وقال : ها ياقمر عايزه الفرح امتى
ساره بحزن : للأسف بقى صعب نتجوز دلوقتي
طارق بتعجب : ليه ايه اللي اتغير من بالليل لدلوقتي
ساره : روان كلمتني بالليل وقالتلي انها خلال اسبوعين هتتجوز لان بسام مسافر ولازم تكون معاه
طارق : انا عارف الكلام ده وسالم بلغني بيه بس برده مش فاهم فين المشكله احنا مالنا ومالهم ياساره
ثم امسك يدها وقال : لو عايزه نتجوز بكره هتتجوز النهارده كمان لو تحبي المهم تكوني عايزه ياساره انا فهمت ان حصل حاجه بينك وبين والدتك او نرمين عشان كده طلبتي الطلب ده
ساره : اكيد يا طارق عايزه اكون معاك اه كنت مضايقه امبارح بس صدقني حتى لو مكنش اللي حصل امبارح ده حصل كنت برده هبقي عايزه نتجوز ايه اللي يمنعنا نكون سوا 💙
طارق : خلاص انتي حابه نتجوز ونعمل الفرح امتى
ساره : بصراحه انا مش عايزه فرح انا عايزه نكتب الكتاب وخلاص انت عارف مش بحب الزحمه
طارق : اللي انتي عيزاه هعملهولك ياساره المهم تكوني مبسوطه
ساره : انت الحاجه الوحيده اللي مخلياني عايشه وقادره اكمل ياطارق وجودك معايا مهون عليا حاجات كتير اوي
طارق : خلاص انا هتكلم مع الباشا وسالم وإبراهيم متقلقيش المهم عايزك تضحكي عشان ضحتك بتهون عليا اي حاجه في الدنيا
وجد سالم نفسه يذهب إلى المكان الذي تعود ان يذهب اليه مع غاليه لكنه صدم عندما رآها هناك
عندما راته غاليه كانت تبكي في ذلك الوقت نظرت اليه بحزن والدموع بعيونها : انت مين... عندك كام وش وكام قلب... انت مين انت خليتني معرفش نفسي مبقيتش اثق في اي حد بسببك اخدت قلبي جاي هنا تعمل ايه هااااا جاي هنا ليه 💙
ضميرك بيعذبك انا عملتلك ايه عشان تعمل معايا كده انا حبيتك ووثقت فيك قولي انا عملتلك ايه هااا عملتلك ايه قولي ذنبي ايه عشان تخدعني مرتين متبصليش كده اتكلم قولي ذنبي ايه
سالم بصراخ : انتي فاكره اني قادر ابص في وشك اصلا دي اكتر حاجه صعبه بالنسبالي اني اشوفك كده دموعك دي مموتاني اديني فرصه اثبتلك اني استحق حبك ده واني بحبك ومقدرش اعيش من غيرك
غاليه : بلاش تدي وعود انت مش قدها ومش هتعملها ابدا فاهم متوعدنيش تاااني
وتركته وذهبت وتذكرت حديثها مع عمر
فلاش باااااك
كانت تجلس غاليه مع عاليا وعمر كعادتهم الفتره الاخيره وقالت عاليا : غاليه هو انتي ينفع تكوني مامي
صدمت غاليه من كلامها : لا ياحبيبتي انتي مامي موجوده بس هي عندها شغل كتير
عاليا : بس مامي مش بتعمل معايا زيك كده ومش بتفسحني وتعملي كل حاجه انا عيزاكي تكوني مامي
عمر : يلا ياعاليا روحي دلوقتي العبي في الجنينه بره وانا هجيلك
خرجت عاليا ونظر عمر لها وقال : مكنتش حابب الموضوع يتفتح كده بس انتي اكيد واخده بالك ان عاليا اتعلقت بيكي وبصراحه انا كمان ياغاليه عايزك معايا في حياتي انا عارف
كويس كل اللي مريتي بيه بس صدقيني انا هصبر ومش عايزك تحبيني على طول انا متأكد لما نكون سوا هقدر اخليكي تحبيني واوعدك ياغاليه جوازنا هيكون على ورق لحد ماتكوني مستعده 💙
قطع حديثهم دخول شقيقته التي استمعت لكل شئ : انتي جنسك ايه مره هيثم ومره عمر اي مصلحه وخلاص
عمر بغضب : انتي ازاي تتكلمي معاها كده اتفضلي اطلعي بره ومش من حق أي حد يتدخل في حياتي الشخصيه
لم تصدق انه يطردها من أجل غاليه وقالت بغضب : بكره تعرفها على حقيقتها وانسى ان ليك اخت لو فعلا اتجوزتها وتركتهم وخرجت غاضبه
غاليه : شفت بقى ان مستحيل نكون مع بعض
عمر : صدقيني مش فارق معايا اي حد غيرك انتي ياغاليه فكري وصدقيني مش هتندمي
باااااااك
مر اسبوع والكل يستعد لزفاف روان وطارق وظلت ساره بجوار روان لم تتركها ابدا
روان : ممكن اعرف متغيره ليه الفتره اللي فاتت دي
ساره : مفيش ياروان بس تعبانه شويه مش اكتر وبصراحه على قد مافرحانه بس زعلانه لأنك هتبقى بعيد عني 💙
روان : بكره تتجوزي انتي وطارق وتنسيني
ساره : لا طبعا انتي اختي ياروان لولاكي عمر مايكون ليا اخت
روان : هي نرمين عامله ايه
ساره : معرفش عنها حاجه هي في حالها وانا في حالي المهم خليكي في فرحك لسه فاضل حاجات كتير يلا انا هروح لسالي استعجلها عشان نلحق نروح ونرجع
انهت غاليه مرورها على المرضى وذهبت لغرفتها فوجدت عمر بانتطارها
عمر : قررتي ولا لسه
غاليه : طيب سلم عليا الأول
عمر بنفاذ صبر : قرارك ياغاليه
غاليه بقله حيله : مش هقدر ياعمر مش هقدر احطك في الموقف ده وتحارب اختك عشاني انا بسببها خسرت امي مش عايزه اخسرك
عمر : انا اشتكيتلك... اختي وهقف قصادها حتى هيثم مش فارق معايا انا عمري ماهخسرك ياغاليه
ونرشح لكم
غاليه بدموع : بالله عليك متصعبهاش عليا ياعمر هفرض معاك اننا اتجوزنا تفتكر هتسيبنا في حالنا هيثم بعد ما كان هيتنازل رجع في كلامه لمجرد انه شك أن بينا حاجه محدش هيصدق اننا متجوزين عشان عاليا وبعدين انا مستاهلش حبك ده ياعمر
عمر بغضب : انا بموت فاهمه يعني ايه بموت بموت عشان 💙 مش معايا انا مش عايز منك حاجه حتى مش عايزك تحبيني انا كفايه وجودك في حياتي ياغاليه
غاليه : انت بتحب واحده ميأوس منها ياعمر بتحب واحده عايشه من غير روح
عمر : انا اللي بحب وانا راضي بأي حاجه منك يلا نتجوز وتفضلي جمبي على طول ولو حد عملك حاجه انا هحميكي صدقيني
غاليه : انا عملت ايه عشان استاهل وجودك جمبي
امسك عمر يدها وقال : وانا عند وعدي ياغاليه جوازنا على ورق لحد ماتحبيني وانا متأكد انك هتحبيني
غاليه بابتسامه : عايزه احبك ياعمر