Ads by Google X

القائمة الرئيسية

الصفحات

رواية حوريه في عشق الجبل الفصل السابع

رواية حوريه في عشق الجبل الفصل السابع


 حوريه في عشق الجبل 

الفصل السابع

 بقلم صابرين علاء



جبل قرر انه يمشي من اوتيل محمد ومش بس كدا لا دا كمان قرر انه يتجوز دنيا ف اسرع وقت 

ودا لانه فاكر انه بكدا هيكسر قلب حوريه 

ويذلها خصوصا بعد اللي حصل 


دخل الاوضه ورمي فستان ف وشها وقالها 

يلا قومي البسي علشان راجعين القصر 


حوريه قالتله بجد يا جبل ياريت انا خلاص اتخنقت ومش قادره اقعد هنا ولا دقيقه واحده 


وقامت فعلا وبكل حماس لبست فستانها وطلعت برا وكانت المفجأه 

قالت اي دا هو ايه اللي جاب دي هنا 


قالت كدا بعد ماشافت دنيا بتحضن جبل جامد ومافيش اي فاصل حتي بينها وبينه 


جبل بكل جبروت حط ايده علي وسط 

دنيا وشدها عليه وقالها 

دنيا خلاص ياحوريه بقت مراتي 


دنيا اتصدمت صدمت عمرها زي مايكون حد حدف علي دماغها جردل ميه متلجه 

فضلت واقفه متجمده مكانها منطقتش 


وجبل قالها لا بسرعه شيلي شنطتها وتعالي ورايا 


حوريه بغيظ بقت تقول ف نفسها انتي 

مش كفايه اتجوزتها عليا وكمان عايز تعملني خدامه ليها واشيل شنطتها بنفسي 

يا اخي دا انا عندي اشيل المراره ولا اني اشيل شنطتها السلعوه المقشفه دي 


وفجأه حدفت الشنطه جت ف وشها 

جبل جذ علي سنانه وقالها حووووررريه 


حوريه قالتله حوريه اي وعروسه بحر ايه 

انت خليت فيها جذمه حتي خد دي ف وشك انت كمان وادته بالتفاحه ف وشه 


جبل طلع مسدسه وقال حوووررريه 

انتي قليتي ادبك معايا ولازم تتربي 

وضرب طلقه عليها 


فاقت حوريه من سرحانها وقالت بيعملها 

جبل ابن شريفه،،،،، يعملها 

اووووف ياربي استحمل انا البتاعه دي ازاي بس صبرني ياربي 


جبل نده عليها وهو ف اخر الطرقه 

حووووووورررررريههههههههه


حوريه قالت جايه والله العظيم جايه 

والله لاولع فيكو انتو الاتنين بس اصبرو عليا 


♕♕♕♕__♕♕♕♕_♕♕♕♕__♕♕


نزل مالك من بيته وراح لكافيه قريب منه 

بناء علي طلب خديجه من ف التلفون لما كلمته وقالتله انها عايزاه في امر ضروري 


فضل قاعد شويه ف الكافيه ثواني وجت 

خديجه وكان شكلها متغير وفي هالات سودا كتير تحت عنيها 

وقالت ل مالك ازيك يامالك ياارب تمون بخير 

قالتها وكان شكلها ضعيفه ومسكينه 


مالك قالها مالك يا خديجه اتفضلي اقعدي 

شكلك تعبان،،،،،، انتي كويسه 


خديجه قالت الحمدلله علي كل اللي يجيبه ربنا يا مالك،،،،، الظاهر ان ربنا بينتقم مني 

بذنب اللي عملته فيك زمان 

سامحني يامالك انا مهما اعتذرلك مش كفايه،،،،،،،

مالك بصلها بإستغراب وقعد يقول ف نفسه 

مش بعاده انك تعتذري يا خديجه دي لعبه جديده من الاعيبك ولا ايه 


خديجه قالت بلاش تبصلي يامالك كدة ارجوك،،،،،،، انا صدقني جيالك بنفسي وبعتذرلك وندمانه علي كل اللي عملته 


مالك قالها وبتعتذري ليه بقا ان شاء الله 

بقا اسمعي اما اقولك اذا كنتي جايه وبتعملي الشويه دول علشان ارجعك تبقي 


خديجه قاطعته وقالتله مبقاش ينفع 

خلاص يامالك مبقاش ينفع 

مالك انا هاجبلك مصطفى النهارده،،،،،، 

هاجبهولك ومش هاخده تاني،،،،، 

هاجبهولك لانه لازم من هنا ورايح يبقي معاك وف حضنك وتاخد بالك منه 

اتفقنا 

مالك قالها ياسلام،،،،،،، ومن امته العقل دا بقي 

خديجه قالت من دلوقتي يامالك،،،،،،، 

انا اكتشفت ان عندي كانسر  ف الدم 

وحالتي متأخره يعني مش هاعيش كتيير 


مالك حس بحزن كبير جواه وقالها 

لا حول ولاقوة الابالله،،،،،، انتي،، انتي متأكده،،،،، يعني عملتي الفحص دا مره واتنين روحتي لكذا دكتور،،،،، ممكن يكونو غلطانين 

خديجه قالت روحت لدكتور وانتين وتلاته وكلهم قالو نفس الكلام،،،،، مالك انا عايزه اوصيك علي مصطفي خد بالك منه يامالك 

وربيه كويس وانا متأكده ان نسمه طيبه وهاتكون حنينه عليه بس لما يكون عندكم اولاد بلاش تفرق بينه وبينهم خاليهم كلهم  

غلاوه واحده 

مالك قالها انا مش عارف انتي بتقولي كدا ليه،،،،،،، 

خديجه قامت وقالت معلش يامالك انا لازم امشي علشان الحق اجهز مصطفي واجبهولك باليل 

ومشيت من ادامه ولفت وشها وابتسمت بخبث شديد،،،،،، ياتري خديجه ناويه علي ايه 


وجه الليل بسرعه وخديجه لما وعدت وفت ولقو الباب بيخبط عليهم ونسمه فتحت 

وكانت خديجه وكان معاها مصطفي الصغير 

خديجه قالت بطيبه مساء الخير 

نسمه قالت مساء النور اتفضلي 

خديجه قعدت وبعد ماضايفوها الشاي 

قالت متشكرا اوي علي كرمك معايا وحسن ضيافتك ليا يا نسمه 

وشكرا ليك مره تانيه يا مالك انك قبلت طلبي 

وبصت للولد وقالتله حبيبي بلاش تعذب بابا اتفقنا،،،،، وخليك مؤدب مع ماما نسمه 

نسمه بصت بإستغراب للي بيحصل معقوله،،،،،، معقوله دي نفسها خديجه 


ومشيت خديجه من عندهم وهي من جواها لاتنوي علي الخير ابدا 


طلعت تلفونها من شنطتها وكلمت حد وقالتله بكرا تنفذ زي ما اتفقنا 


♡♡♡♡♡♡♕♕♕♕♕♕♡♡♡♡♡


كان محمد ف مكتبه في قمه الفرحه من بعد ما جاتله الصور بتاعت عابد وندي وهم مبسوطين وبيرقصو تحت المطره 

وقال بإبتسامه خبيثه والله لاهدها فوق دماغكو،،،،،،، لازم احرق قلبكو اللي فرحان دا واخلي حد منكم يموت واكيد مش هيكون انتي ياندي 


وبسرعه من رقم غريب بعت الصور اللي معاه ل جبل 

جبل كان ف الوقت دا وصل علي القصر  وكالعاده ف راح قعد ف مكتبه  واول ماشاف الصور اتجنن 

وكان مكتوب تحت الصور 

اختك هربت  من جوزها علشان تعيش ف حضن عشيقها اللي هو قتل اخوكم 

مازن والطار دلوقتي بقا طارين طار اخوك 

وطار شرفك اللي ضاع ف التراب 


جبل جن جنونه ولقي نفسه رايح علي غرفه حوريه 

دخل عليها بعصبيه علي غير العاده 

حوريه خافت منه قالتله ايه ياجبل في ايه 

جبل قرب منها وعينه اتحولت تماما للون الاسود الجحيمي 

حوريه بلعت ريقها وقالت انت ناوي علي ايه 

قرب منها جبل ومسك شعرها جامد وقالها 

فين اخوكي الوا♡طي،،،،،،، انتي اكيد تعرفي مكانه،،،،، ردي عليا هو فين 


حوريه قالته معرفش،،،،، معرفش ياجبل 

هو من ساعت ماجالي اخر مره ماشفتوش من ساعتها ومعرفش عنه اي حاجه 


جبل حط ايده علي بؤها وضغط عليها لدرجه انه كان هيطبه علي بعضه من كتر الغضب قالها يعني انتي مصممه علي العند 

انطقي هو فين بدال ما اقتلك دلوقتي 


حوريه بضعف وبصعوبه  قالتله معرفش والله العظيم ما اعرف 


جبل شدها من شعرها وقالها كدا طب تعالي بقا انا هاويكي يعني ايه تكدبي عليا 

هاعرفك مبن هو جبل المنفلوطي يابنت السيوفي 


فضل جاررها من شعرها قدام عنين امه اللي كانت طبعا شمتانه فيها وكمان شافتها 

دنيا اللي كانت ف عز فرحتها فيها 

اخدها ورماها ف نفس الاوضه الضلمه اللي ف البدروم بس المرادي نده عم حسن الجنايني  وقاله

عم حسن،،،،،،،، تجبلي الكلاب دلوقتي حالا 

عم حسن اتخض وقاله انهي كلاب ياجبل بيه 

جبل قاله الكلاب اللي مبتطلعش غير بحساب وبتطلع للغالين وبس 

عم حسن قاله ايوا يابني بس الكلاب دي 

ممكن تإذيها بجد والبت شكلها غلبانه،،،، 

دا كدا ممكن تموت فيها 

الكلاب دي لما بتكون جعانه مالهاش عزيز وممكن تاكل صاحبها دي اصلها جاي من الذئاب اعقل يابني 


حوريه ببكا وخوف قالت جبل،،،،،، 

جبل حرام عليك،،،،،، حرام عليك ياجبل انا معملتش حاجه،،،، و،،،، و،،،،، ومعرفش والله عابد فين بالظبط 


حوريه كانت عماله تقنع جبل انها متعرفش حاجه عن اخوها وببترجاه انه يسيبها 

بس جبل كالعاده وقت الغضب لا بيشوف ولا بيحس 

عم حسن جاب الكلام الصعرانه وكان شكلهم مرعب بجد،،،،، وكأنهم وحوش مش كلاب 


حوريه فضلت تتاخر بجسمها وتبعد لحد ما اتكومت عند زاويه ف البدروم وعماله تترعش جامد من كتر الخوف 

بس جبل ما اخدتش باله من كل دا الغضب كان عميه بشكل كبير 

مسك الحزام بتاع الكلام من ايد عم حسن 

وبدأ يقربهم منها وكل مايقرب خطوه يسألها عابد اخوكي فين ياحوريه 


حوريه مكنتش بترد مش لانها معندهاش اجابه لسؤاله لا مكنتش بترد عشان خايفه منه ومن الكلام 

وشها كله اتغير وبقي باللون الاصفر 

قرب جبل خطوه مها كان لدرجه ان لسان الكلب طال اديها وسألها للمره الاخيره 

عابد فين ياحوريه 

حوريه وقعت ف الارض وجسها فضل يترعش،،،،،، 

جبل بصلها بخوف وافتكر حادثه  حصلت معاها زمان وجاتلها النوبه دي منها 

flash back 


كانت حوريه كان عندها حوالي 14 سنه مع امها ف المستشفي 

وجدها كان تعبان جدا والدكتور خرج وقال علي خبر وفاته وساعتها الستات اللي كانو ف المستشفي فضلو يصوتو ويصرخو 


حوريه خافت منهم وراحت قعدت علي جنب وفضلت تترعش وبعدها وقعت ف الارض وجالها نوبه خوف شديده 

جبل كان وقتها ف المستشفي بيكشف عادي ولما شافها كدا قرب منها وخدها ف حضنه وفضل يطبطب عليها لحد ما اطمنت ورجعت لحالتها الطبيعة ورجعت تاخد نفسها تاني بشكل طبيعي 


البيدج الاصليه الكاتبه صابرين علاء. 

رجع جبل تاني من تفكيره علي شكل حوريه اللي يخوف 

قال لعم حسن خد الكلاب دي ياعم حسن واطلع برا 

عم حسن خد الكلاب ومشي 

وجبل قرب من حوريه وخدها ف حضنه 

وفضل يطبطب عليها ويبوسها من جبينها 

ويطمنها انه جمبها علشان متخافش 


وفعلا حوريه بدأت تطلع من الخوف اللي هي فيه ونوبه الخوف بعدت عنها 

فتحت عنيها لاقت نفسها ف حضنه 

بعدت عنه مفزوعه وقالت لااا 

ابعد عنى،،،،،،،،، ابعد عني انا بكرهك 

وبقت تقولها بدموع ب ك ر ه ك 


جبل بعد عنها وبدأ يحس بندم انه عمل فيها كدا بسرعه قرب منها تاني وشالها وطلعها ف اوضتها نيمها عالسرير وسابها وخرج 


ركب عربيته ومسك تلفونه علشان يعمل مكالمه لقي نفس الرقم اللي بعتله 

الصور باعتلي اللوكيشن اللي فيه عابد 

وندي 

طلع مسدسه من تابلوه العربيه وقال 

نهايتك علي ايدي يا ابن السيوفي 


♡♡♡♡♡♕♕♕♕♕♕♡♡♡♡♡♡♡


عابد وندي كانو قاعدين مع بعض وبيشربو شاي عالفحم وبيهزرو ومبسوطين ولا هاممهم 


مصطفي جه بسرعه وعمال ينهج وقاله عابد انا حاسس 

ان حياتك ف خطر انت وندي،،،، لازم تهربو من هنا وبسرعه 


عابد قاله اهدي بس وخد نفس في ايه مالك 

مصطفي قاله كان في حد غريب هنا ف المزرعه شوفتو النهارده لما فرزت كاميرات المراقبه ولاقيت واحد كان عمال يصوركم 

انتو مع بعض،،،،،،، صدقني با عابد دا ماممنوش خير ابدا 

ندي قالت معقوله ان دا يكون تبع محمد 


مصطفي قال اللي مخليني خايف اكتر ان جبل كان حابس حوريه ف البدروم بتاع القصر وراسه والف سيف انه يعرف مكانك فين،،،،،،، 


ملحوظه البارت بينزل كل يوم الساعه 7 

علي صفحتي الكاتبه صابرين علاء. 

عابد قاله طب وانت عرفت الكلام دا منين 


مصطفي قاله انا عرفت من ابويا انت ناسي ان ابويا جنايني عند جبل المنفلوطي 


ندي قالت عم حسن قالك كدا 


مصطفي قالها ايوا وقالي كمان انه خرج من الفيلا وهو شايط ومش علي بعضه 

يلا يا جماعه مافيش وقت جبل ممكن يجي ف اي وقت 


عابد مسك ايد ندي وقال خاليه يجي انا مش خايف منه،،، انتي مراتي ومن حقك تكوني معايا ف اي مكان 

ندي قالت عابد انت مجنون فين اللي يثبت اني مراتك ها،،،،،،، ماهو اكيد محمد هو اللي صورنا وبعتله الصور دي علشان يفهمه 

انك عشيقي واني هربت معاك 

احنا فعلا اتجوزنا بس القسيمه لسه مش معانا،،،،،،،  احنا هربنا من الاوتيل ومافيش اي ورق يثبت اننا متجوزين 


عابد اخيرا فهم وعرف ان وجوده هنا خطر 

ولما يبقي معاه الدليل ان ندي مراته ساعتها يبقي يواجهه ويفهمه كل حاجه 


♕♕♕♛♡♡♡♡♡♕♕♕♕♕♡♡♡♡


كانت حوريه ضمه رجلها الاتين عليها و 

عماله تعيط وتفتكر الكلاب واللي حصل معاها من شويه وفضلت تقول 

ليه كدا ياجبل ازاي تبدل حبي ليك بالكره دا كله،،،،،،، ازاي تاخدني بذنب اللي حواليه 

ازاي اهون عليك تعمل كل دا فيا 

وبعدين دخلت عليها دنيا وهي بتبصلها 

بشماته كبيره هاتنط من عنيها قالتلها 

امممم ياحرام،،،،،،،،  بصراحه ماصعبتيش عليا خالص،،،،،،، وتستاهلي اكتر من كدا 

بالمناسبه عايزه اقولك ان كلها كام شهر وجبل يطلقك،،،،،، اصله هايعمل ايه 

بواحده رخيصه زيك وهربت مع واحد شبها 

وقضت معاه ليله 


حوريه بصتلها واستغربت قالت جوا نفسها 

اي دا هي ازاي عرفت بالموضوع ده 

معقوله فجر يكون حكالها 

دا لسه الموضوع كان امبارح،،،،،،،،، 

ولا ليها علاقه بالموضوع 


حوريه ردت عليها بكل قوه وقالتلها 

اللي بيني وبين جبل صعب ان واحده زيك تفهمه جبل ممكن يجيب كلب يربيه 

ويفضل يألكله ويشبعه لحمه 

بس لو الكلب دا فهم انه بيهتم بيه يبقي غلطان علشان ممكن يبيعه ف يوم من الايام علشان الكلب بيفضل كلب طول عمره وديله مش بيتعدل ابدا 


وبصتلها بإستحكار 


دنيا قالت حلوه اوي المحاضره دي 

بس اكيد مش انا خالص الكلب دا،،،،،، 

اكيد هاتبفي انتي،،،،، وبكرا نشوف 


ومشيت دنيا وحوريه قعدت تفكر وتقول ف نفسها ياتري يا دنيا ازاي قدرتي تعرفي حاجه زي كدا مظنش ابدا ان جبل علشان يحكيلك حاجه زي كدا،،،،، مش معقول يصغر نفسه ويوطي راسه قدامك 

لا،،،،،، اكيد انتي تعرفي حاجه عن الموضوع 

ولازم اثبت برائتي 


ودنيا خرجت من عندها والنار خارجه من ودانها ومش عارفه تعمل ايه علشان تنتقم منها 

♕♕♕♕♕♕♡♡♡♡♡♡♡♕♕♕♕


جبل وصل اخيرا علي المكان اللي اتبعتله 

ف اللوكيشن ولقي نفسه قدام مزرعه 

خبط علي الباب مرات مصطفي فتحتله قالت ايوا مين حضرتك 


جبل قالها لو سمحتي عابد وندي موجدين 


ابتسمت مرات مصطفي وقالت لا والله حضرتك غلطان ف العنوان 

حضرتك ممكن تسأل عليهم في اي مكان تاني،،،،،،،،، 


جبل قالها اسف،،،،، بعد ازنك 


ولسه هايمشي لقي سلسله واقعه علي الارض والسلسه دي بتاعت  ندي اخته هي بتحبها اوي وكان صقر اخوه الكبير حايبهالها 

ف اللحظة دي اتأكد ان اخته كانت هنا فعلا 

جبل طلع مسدسهو قالها انتي بتكدبي عليا ليه فين ندي اختي ردي عليا 


مصطفي جه ف اللحظه دي وقاله 

نزل سلاحك ياجبل عن مراتي وخليك راجل وتعال نتكلم راجل لراجل احسن 


جبل اتصدم وقال مصطفي؟؟؟!!!!! 


                   الفصل الثامن من هنا

ولقراة فصول الرواية كاملة من الاول اضغط هنا

ونرشح لكم او ابحث من جوجل باسم الرواية التى
تود قراتها علي مدونة كرنفال الرويات








تعليقات