Ads by Google X

القائمة الرئيسية

الصفحات

رواية حوريه في عشق الجبل الفصل الخامس

رواية حوريه في عشق الجبل الفصل الخامس


 حوريه في عشق الجبل
حورية في حضن الجبل 

الفصل الخامس5 

بقلم صابرين علاء

مالك قاله بقولك ايه انت عمال تتكلم علي مزاجك من الصبح 



وتنفخ عضلاتك عليا وانا ساكتلك اي دا اي ياعم انت الدراع دا 



وايه الكتف دا دا انت قربت تفرقع من كتر العضلات اللي انت مربيها،،،،،، 

وبعدين انت فاكر اني هخاف منك طب خد خد 

اداله مالك لكميه ف وشه الراجل وقع و


مالك بعد عنه ورفع ايده واستغرب  من نفسه وقاله هااااااا اي 




دا هو انا طلعت شحاته ابو كف ولا ايه 


وبعدين زعقله وقاله قوم ياننوس عين ماما عضلاتك طلعت 




نفخ ياحبيبي وعمال تقول هضرب وهاعمل ووقعت من اول 




قلم ،،،عمال تنفخ ف الجيم وتيجي تعمل فيها بطل علينا قدام الناس 

 يلا ياعم امشي من هنا بدال ما هيبتك تروح اكتر من كدا 


الراجل قام من مكانه واتكسف   وسابهم ومشي 

ومالك بص ل نسمه ومسكها من قفاها  قال يلا ياختي  قدامي انتي السبب ف كل دا امشي بدال ما اكسرك 


نسمه بلماضه قالتله تكسرني ايه دا الواد ابو عضلات كان هاينفخك 


مالك قالها بت انتي عاميه انا اللي ضاربه   دا عضلات دي نفخ انتي ماشفتنيش  وقعته من اول بوكس ازاي 

دا بقي عامل زي علبه الكانز المطبقه 


نسمه قربت منه وباست ايده وقالتله لا بس  تسلم ايدك طلعت جنتل بصحيح 


مالك قالها امشي يا اختي انتي معاكي راجل مش ماشيه مع سوسن 


نسمه ضحكت الله هو كل شويه سوسن اي حكايه سوسن اللي انت بتقول عليها دي،،،،، تكونش بتجيلك هي كمان 


مالك قالها سوسن هو غي زي سوسن اما دي كانت ايام،،،،،، 


نسمه جزت علي سنانها من الخيظ ومشيت معاه 

مالك ونسمه رجعو البيت سوا ونسمه قالتله اول مارجعت 

عالفكرا انا رجعت معاك بس علشان خاطر 

اني مينفعش ارجع لابويا دلوقتي وزي ما اتفقنا كلها كام شهر وتطلقني،،،،، كفايه اوي اللي شوفته منك 


مالك قرب منها وبعينه غزلها وقالها دا انا لاعشت ولا كنت 


نسمه قالتله لا عشت وكنت يامالك تقدر تقولي خديجه كانت بتعمل ايه هنا 

واللي قبلها واللي قبلها 

كل دول ستات دخلو ف حياتك انا مش هقبل اني اعيش معاك تحت سقف واحد طول ما انت كدا حتي لو كنت بحبك وبموت فيك يامالك 

نسمه كانت هاتمشي اول ماقالتله بحبك بس 

مالك مسكها من دراعها وشدها عليه وقالها انتي قولتي ايه 


نسمه فلتت اديها منه بسرعه لما اتكسفت  وسابته وجريت 

ودخلت الاوضه 

مالك قالها هاتهربي مني تروحي علي فين مسيرك هاتبقي ف حضتني وساعتها هحافظ عليكي وهاشيلك جوا عنيا 


نسمه ضحكت ومردتش عليه،،،،، بس قالت جواها 

مش هتلمس شعره مني غير لما تبقي 

ليا بجد بكل مافيك يا مالك 


♕♕♕♕♕♕♡♡♡♡♡♡♡♡♕♕♕♕♕


عابد كان قاعد ف اوضه ف الاوتيل هو وندي وبيتكلمو عادي فجأه حس بنفس غريب برا الاوضه حط ايده علي شفايف ندا وقالها هششششششش في حركه غريبه برا 

ندي قالتله هايكون في ايه،،،،،، 

عابد انا خايفه،،،، 

عابد خدها ف حضنه وقالها متخافيش انا معاكي اسمعي الغرفه اللي جنبنا فاضيه 

افتحي الباب اللي جوا الاوضه واخرجي منها علي تحت واستنيني ف العربيه 


ندي قالتله وانت،،،،،، انا مش هاسيبك 

يا نعيش سوا يانموت سوا 

عابد جز علي سنانه وقالها ندي اسمعي الكلام روحي دلوقتي واعملي زي ماقولتلك دول اكيد رجاله محمد انا هحاول اخلص منهم 


ندي مشيت وعملت زي ما عابد قالها ولما دخلو رجاله محمد حاولو يضربوه

بس عابد قدر يضربهم كلهم لانه ياما ادرب علي لعب الكارتيه والكونج فو 

ونزل بسرعه عند ندي وركبو العربيه ومشيو 

ندي قالتله انا كان قلبي هيقع ف رجلي 

من كتر خوفي عليك،،،،،،، 

عابد حط ايده علي خدها وقالها 

متخافيش مش قولتلك طول ما انا معاكي مش عايزك تخافي 


ندي قالتله طب احنا رايحين علي فين دلوقتي 


عابد قالها راحين علي مزرعه واحد صاحبي 


بس هي بعيده شويه احتمال نوصل علي الفجر 


ندي قالتله انا بردانه اوي،،،،،،، احنا خرجنا من الاوتيل بسرعه وملحقتش الم هدومي 

 

عابد ركن عربيته وقالها،،،،،،،،،، انا مستعد ادفيكي بس انتي هتوافقي 


ندي اتكسفت وقالتله عابد انت بتقول ايه 


عابد ضحك وقالها متخافيش مش اللي ف دماغك


ندي قالتله اي دة اومال هادفيني ازاي 


عابد قالها استنيني هنا ف العربيه خمس دقايق هاجيب حاجه واجيلك 


ندي قالتله لا ياعم خدني معاك والنبي انا خايفه 


عابد قالها مش قولتلك انا مبحبش اسمع الكلمه دي،،،،، طول ما انتي معايا اوعي تقوليها مفهوم


ندي قالتله طيب ماشي انا اصلا مش هقدر اقوم من مكاني انا قربت اتجمد اصلا 


عابد ضحك وخرج من العربيه وقفل علي ندي شويه ورجع تاني وكان ف ايده ازايز 


ندي قالتله اي دا،،،،،، انت جايبلي حاجه ساقعه انا بقولك بردانه بردانه 


عابد قالها ماهو انتي متسرعه وكمان غبيه اعملك ايه،،،،،،،، 

دا مشروب هيساعدك انك تدفي وتبقي اهدى شويه 


ندي شهقت وقالتله هاااااااا اوعي يكون اللي ف بالي 


عابد قالها اه هو اللي ف بالك ايه المشكله 


ندى قالتله بس ااااااااااا 


عابد قالها بس ايه انتي مش بردانه،،،، خلاص اشربي 


ندي قالتله اصل انا لما بشرب ببقي واحده تانيه خالص،،،،،،، دماغي خفيفه وممكن اتهور واعمل مصيبه 


عابد قالها لا متلقيش انا فايق اهو ومعاكي مش هتعرفي تعملي حاجه هاكتفك ههههههههههه


ندي قالتله خلاص انت حو انا حذرتك ولقد اعذر من انذر 


ندي شربت وفعلا دقايق واتحولت 

وفجأه قامت وقعدت علي حجر عابد 

وعابد بحلق عينه فيها ومكنش مصدق 


ياتري ناويه علي ايه المجنونه دي 


♕♕♕♕♕♕♕♕♡♡♡♡♡♡♡♡♡♡♡


حوريه دخلت البيت من تاني بس بإحساس مختلف تماما وبقتش نفسها حوريه اللي كانت بتعشق جبل وبتحبه رغم قسوته عليها 

جبل قالها استريحي النهارده بس بكرا اعملي حسابك انك هتسافري معايا 


حوريه استغربت وقالتله هساافر فين وليه 


جبل قالها عندي شغل مهم ف دبي  وانتي هاتيجي معايا 


حوريه قالتله لا شكرا مش عاوزه اروح ف حته 


جبل قالها انا مش باخد رأيك اساسا انتي جايه معايا سواء قبلتي او رفضتي 


قالها كدا ومشي وحوريه اتنهدت وقعدت علي السرير بخنقه 


عدي اليوم عادي وجه تاني يوم وحوريه جهزت شنطتها وراحت وسافرو سوا 

واول ما وصلو علي هناك 


رؤوف استقبلهم احسن استقبال ومراد قال ل حوريه نورتي دبي  كلها يا حوريه هانم 


حوريه قالتله متشكرا هي منوره بأهلها 


رؤوف خد جبل وقالو هانروح نخلص مشوارنا عقبال ما العروسه تجهز ونبدأ الحفله 


حوريه بصت بسرعه ل جبل وكأنها بتلومه وبتقوله انت كمان جايبني هنا علشان احضر خطوبتك واشوفك وانت مع واحده غيري،،،، للدرجادي مشاعري مش فارقه معاك 


رؤوف كمل كلامه وقاله انا كنت عايز اعمل الخطوبه ف مصر بس دنيا بنتي هي اللي صممت ان الخطوبه تكون ف دبي 

والفرح ف اسبانيا 

البيدج الاصليه الكاتبه صابرين علاء 

حوريه كملت ف سرها وقالت والولاده ف

ابو زعبل ان شاء الله 


مراد قالها هههههه ايه،،،،، كويس انها مسمعتكيش 


رؤوف قال علشان كدا حبيت افجأك 

ونخلص الشغل وبعدين نعمل  الخطوبه 


جبل بص لحوريه بعد مارؤوف قاله كدا 

ال يعني مكنش يعرف 

راحت حوريه بصتله ورفعت حاحبها قال يعني متبرررش،،،،،،، 😂


جت واحده وقالت ل حوريه اتفضلي معايا ياهانم،،،،،،،،،، 

غرفت حضرتك جاهزه 


رؤوف قالها اتفضلي روحي معاها و استريحي شويه من السفر قبل مانبدأ الحفله 


حوريه مشيت معاها وطلعت علي فوق 

وطلعت البلطونه اللي ف الفيلا وبصت علي جبل وهو ماشي وبعد كدا فضلت تبص علي البحر وجماله وفضلت واقفه شويه وتفكر ف حبها ل جبل قبل ما يتغير 


flash back 


حوريه وجبل  كانو ف السنما و بتتفرجو علي فيلم احمد السقا شورت ف فانله وكاب وجت اغنيه حبيبي ياعاشق 


حوريه مسكت ايد جبل وقالتله جبل،،،، 


جبل قالها اممممم،،،،،، 


حوريه قالتله نفسي اجري ف الصحرا ونركب خيل 


جبل قالها خيل ايه يابنت المجنونه،،،،،، 

دا انتي بتخافي من ركوب العجل 


حوريه قالته لا ما انا هاركب قدامك وانت هاتبقي ماسك الجام زي احمد السقا كدا 


جبل قالها طب والله لا اركبك خيل زي ما انتي عاوزه قومي معايا 


حوريه قالتله يا خبر دلوقتي  


جبل قالها ايوا دلوقتي يلا قومي


وخدها جبل وراحو سوا علي مكان في بحر قريب من بلدهم وكانت المفجأه ان كان في فرسه هناك واقفه ومستنياهم 


جبل نزل من عربيته ومسك ايد حوريه وجريو مع بعض لحد ما وصلو للفرس 

جبل ركب علي ضرها وقال ل حوريه هاتي ايدك 


حوريه قالتله انا خايفه 


جبل قالها متخافيش خليكي واثقه فيا 


مدت اديها ومسكت ايده ورفعها وركبت قدامه وحققلها حلمها اللي كانت بتحلم بيه وجريو بالفرسه سوا وبعدها نزل امير ونزلها بالراحه 


حوريه قالتله تعرف انا بحبك ليه 


جبل قالها ليه بقي 


حوريه قالتله علشان انت سبب سعادتي ف الدنيا دي انت حبيبي وحبيب ضحكاتي 


جبل قربها منه وحضنها وقالها طول ما انا عايش هاكون سبب ف ضحكتك دي انها تدوم ديما،،،،،، واكون حبيب ضحاتك زي مابتتمني 

back 


فاقت من تفكرها وسرحانها علي صوت 

دقات الباب قالت احمممم ايوا مين 


دخلت الخدامه وف اديها فستان بمنتهي الشياكه وقالت ل حوريه 

اتفضلي يافندم الفستان دا جاي لحضرتك 


حوريه لفت وشها وقالتلها انتي غلطانه العروسه مرزوعه ف الاوضه التانيه 


الخدامه قالت لا يافندم الفستان دا بعته 

جبل بيه علشان حضرتك 


حوريه اتفجأت وقالت جبل 


استلمت حوريه الفستان وكان احمر وجميل وف منتهي  الشياكه وقالتلها شكرا 


حوريه قالت ف نفسها معقوله جبل جايبلي فستان،،،،،،، مش قادره اصدق


وبعدها بشويه جت ميكب ارتست مخصوص ل حوريه ودخلت غرفتها وبدأت تجهزها علشان الحفله 


وبعد ساعات قليله حوريه جهزت وبقت ف منتهي الجمال كانت حلوه جدا 


خبط باب الغرفه اللي فيها حوريه افتكرت جبل راحت فتحت بلهفه وبعدين اتصدمت 

وقالت مراد 


مراد قالها طبعا كنتي متوقعه ان جبل هو اللي يكون مكاني دلوقتي،،،، 

بس انتي عارفه هو فين دلوقتي 


حوريه قالتله امممم عارفه،،،،،، 


مراد قالها طيب يلا  اتفضلي معايا،،،،،، 

المفروض اننا نمشي دلوقتي 


حوريه قالتله نمشي فين انا مش رايحه ف حته غير مع جبل 


وبالفعل اتصلت ب جبل ثواني وكان قدامها وخدها ومشيو راحو الحفله مع بعض


واول ما وصلو علي هناك جبل قالها 

تقفي هنا زيك زي الشجرا دي متتحركيش مفهوم 

قالتله انا اصلا مش عارفه هو انا ايه اللي جايبني هنا،،،،،،، انا عايزه ارجع علي مصر يا 

جبل،،، انا مش طايقه اشوفك ولا اقعد معاك 


جبل سابها ومشي وراح ياخد عروسته 


دنيا نزلت من علي سلالم كتيره لابسه فستان منفوش وماسكه بوكيه ورد ف اديها وطول ماهي ماشيه في ورد عمال يتحدف عليها ومازيكا قويه وكأنها ملكه نازله من سالم قصرها 


جبل اول مانزلت مسكها من اديها وراح بيها علي الكوشه وحوريه قلبها بيتقطع والدمعه قربت تفر من عنيها 

االحلقه بتنزل كل يوم الساعه 7 

شويه وبدأت صوت الاغاني تعلي ودخل 

القاعه مطرب وبدأ يغني والعريس والعروسه، قامو وبدأو يرقصو 


حوريه لفت وشها للميه وفضلت تبص علي البحر ومش عايزه تلف نهائيا زي مايكون بتهرب بعنيها وقلبها 


وفجأه قرب منها مراد ومد ايده وقالها 


تيجي نرقص سوا،،،،،،، وتطلعي برا اللي انتي فيه دا 


حوريه بصتله وبصت علي جبل لاقته بيبصلها جامد وعنيه كلها غضب وزي مايكون بيقولها ارفضي 


حوريه بعدت عنيها عنه وحطت اديها ف ايد مراد وطلعت ورقصت معاه قدام الكل 


ومراد بدأ يقرب بجسمه من حوريه وايده لفت حوالين وسطها وكان نفسه قريب من نفسها وكأنه هايبوسها 


مراد قالها حوريه انتي جميله اوي،،،،،، 

اجمل بنت شفتها ف حياتي،،،،،،،، 


دنيا قالت ل جبل حبيبي ايه رأيك ف فستاني،،،،،،،، 


جبل قالها حلو،،،،، 


دنيا قالتله انا حاسه انك بتجاملني،،،،،، قولي الحقيقه لو سمحت،،،،، بص انا عارفه اني حلوه وجميله جدا بس انا حابه اسمع دا منك انت 


جبل قالها دنيا،،،،،،،، بس 


جبل مستحملش اكتر من كدا  غمز للديجي يغير الاغنيه واول ما الاغنيه اتغيرت برقصه صلصا جبل بعد عن وسابها  

وخد حوريه من ايد مراد ودنيا اتكسفت قدام الناس من اللي حصل ومراد اخوها قرب منها وبدأ يرقص  معاها 


جبل مسك ايد حوريه وقالها وهو بيجز علي سنانه جريئه انتي فاكره انك هاتفلتي من اديا با اللي عملتيه دا مش كدا


دنيا قالتله وانت فاكر اني هسامحك علي اللي عملته،،،،، انت جايبني احضر خطوبتك 

وبترقص معاها قدامي وبكل برود 

ومستني مني ايه اسأفلكم 

لما باباها جه كنت فاكره الموضوع هزار 

بس كنت غلطانه،،،،،، 


وجبل مسك حوريه ورقص معاها واثناء ماكان بيرقص كانت حركاته قاسيه عليها جدا زي مايكون بيعاقبها علي اللي عملته 


حوريه قالتله جبل،،،،، جبل انا مبعرفش ارقص الرقص دا،،،،،،، جبل بلاش تحرجني 


جبل ماكنش بيسمعلها قد ماكان حاسس بعصبيه وبيطلع غضبه ف الرقص 


وف الاخر شالها ولف بيها وفضل يلف ويلف وف الاخر كانت هاتقع راح جبل حضنها بسرعه ووقعت ف حضنه 


والمزيكا خلصت والكل سقف وجبل كان بياخد بينهج من مجهود الرقصه وفضل يبص علي حوريه جامد وكأنه هياكلها بعنيه 


♡♡♡♡♡♡♕♕♕♕♕♕♕♕♡♡♡♡♡♡


عدي يوم واتنين علي مالك ونسمه وهم عايشين ف بيت واحد بس كل واحد ف اوضه 

جرس الباب رن ومالك فتح وكانت المفجأه 

قال بابا؟؟!!!  


عزيز ابو مالك دخل البيت ومهموش وقاله 

والله وكبرت يامالك،،،،،، 

ايام وبتجري وبتعدي وحشتيني يابني 


مالك استغرب وجوده وقاله اي دا وحشتي ايه وزفت ايه انت ايه ايه اللي جابك 


عزيز قاله كدا كتر خيرك يابني دي كريقه تقابل ابوك بيها دا بدال ماتخدني بالحضن 

وتقولي وحشتني يابا 


مالك قاله ابا،،،،،،،، عايزني اقولك ابا بعد كل اللي عملته فيا 


عزيز قاله خلاص بقا يابني انسي اللي فات 

انا جايلك ندمان ونفسي تسامحني 


خرجت كوثر ام مالك من الاوضه وقالت 

اوعي تسامحه يامالك،،،،،، اوعي تصدقه يابني دا كداب المكر كله باين ف عنيه 


مالك فضل واقف بين امه وابوه ومش عارف يعمل ايه 

                  الفصل السادس من هنا

ولقراة فصول الرواية كاملة من الاول اضغط هنا



تعليقات