رواية غرام الاسد كامله جميع الفصول بقلم شروق محمد

 رواية كيف اغفر

الفصل السادس العشرون والسابع والعشرون

بقلم يارا رشدي

|•26•|

~  روح منك لله ~

هتف فادي الي مريم التي تقف بجانب والدها وقال :

انا ممكن دلوقتي اتكلم وفي اكتر من اثبات عندي بس انا مش هعمل كده 

_ هو في ايه ما تفهمونا 

قالها والد مريم بانفعال لتقول هي :

مش فاهمه قصده ايه لا اتكلم وهات الي عندك انا معنديش حاجه اخاف منها 

لاحت علي شفتيه ابتسامه ثم قال :

مش هتروحوا تعملوا محضر ولا ايه ؟!

_ هيحصل

قالها والد مريم لتقول ناديه برجاء :

انا عارفه انه حقك بس حرام عليك بلاش تحرمني من ابني ده ممكن يتحبس فيها وحيات بناتك عندك والعشره الي بينا 

_ سيبهم يا ماما يعملوا الي عايزينه 

بكت ناديه لتقول مريم :

انا مش هعمل محضر علشان خاطر تالا ده في الاخر يبقي عمها 

ضحك فادي بقوه وهو يقول :

لا جامده دي منك بجد جااامده

تجاهلت كلماته وهتفت الي والدها :

بلاش يا بابا احنا لسه في بينا نسب 

_ نسب ايه ؟! انا مش هكمل مع سليم وهطلق 

خرج صوت اشرقت بتلك العباره ليقول سليم :

تطلقي من مين ؟ انا مالي بيتي يتخرب ليه !!!

____________________

عاد الجميع الي المنزل شريف وناديه ونيره وفادي الذي رفضت مريم ان تقدم بلاغ به وعلي راسهم سليم الذي رفضت اشرقت الذهاب معه الي المنزل وتريد الطلاق ..

هتف سليم بعصبيه ;

يااخي لما انت مريض كده كنت اتجوزت اي واحده تاني غير اخت مراتي 

_ اهي الي جات في وشي اعملك ايه 

قالها فادي ببرود تام ليقول شريف بحسره واضحه :

اتفرجي يا ناديه علي تربيتك اتفرجي واملي عينك 

قال جملته الاخيره ورحل بحزن لحقته ناديه ليقول سليم الي نيره التي تقف صامته :

مبسوطه صح ؟ هتموتي من الفرحه اكيد 

_ ملكش دعوه بنيره 

قالها فادي ليقول سليم :

كله من تحت راسها شغاله تدعي علينا وعامله فيها الضحيه وناسيه انها راحت لحازم برجليها البند ده هي مسحته من ذاكرتها اصلا ولبست دور الضحيه دي حاجه بقت تقرف 

قالها ورحل ليقول فادي :

سيبك منه متاخديش علي كلامه 

واخيرآ خرج صوتها له وهتفت :

ليه روحت قابلت حسام وفضحتني قدامه ليه كشفتني قدامه بالشكل ده ارفع عيني في عينه ازاي بعد كده !!

ولاول مره منذ اربعه اعوام تتحدث معه .. ابتسم بفرحه هاتفآ :

انتي بتكلميني بجد ؟ 

وكررت سؤالها مره اخري قائله :

ليه فتحت خصوصياتي وروحت حكيت لحسام كل حاجه ؟ بـ اي حق تعمل كده

_ لاني شوفت في كلامك انك بداتي تتعلقي بيه وتحبيه حسيت انك اتغيرتي في الفتره الاخيره بقيتي كويسه خوفت لما يعرف الحقيقه يبعد ويسيبك وانتي ملكيش ذنب في الي حصلك 

_ حسام بنسبالي ولا حاجه اصلا مجرد صديق مش اكتر .. اما بخصوص اني مليش ذنب دي مش حقيقي سليم معاه حق انا روحتله برجلي ولو مكنش حصل يوم عيدالميلاد كان هيحصل لما انا روحتله صدقني انا مش مشكلتي في كده خالص عارف مشكلتي في ايه ؟!

انك انت وسليم الي مفروض عيلتي محدش جابلي حقي كلكم فكرتوا في نفسكم بس 

صمت فادي لتكمل نيره :

متدخلش في حياتي تاني بعد اذنك سيبني في حالي وخلي سليم كمان يبطل كل مشكله تحصل يجيب سيرتي ويفتح القديم 

قالتها واستعدت للرحيل ولكنه اوقفها وهو يجذبها من يديها هاتفآ برجاء :

مش هتسامحيني ؟! 

_ انا مش هدعي عليكم تاني وانت ابقي روح اتعالج غلط تفضل كده

ضحك رغمآ عنه وقال :

عارفه لما كنا هناك مركزتش مع اي حد غيرك كنت عايز اشوفك شمتانه وفرحانه ان حقك بيرجعلك بس شوفت عكس كده خالص عينك كانت كلها خوف عليا حتي دلوقتي حملتي نفسك ذنب الي حصل وانها بسبب دعواتك، سليم مكنش يستاهل قلبك ولا حبك له عينيه اتعمت عنك علشان انتي تستاهلي واحد احسن منه الف مره، 

_ انا مش عايزه حقي يرجعلي منكم بطريقه دي مش عايزه حد فيكم يتاذي بسببي، انا مش هقدر اسامحكم بس مش عايزه يحصلكم اي حاجه وحشه 

_ حياتك دلوقتي هتمشي وحياتنا احنا هتقف سليم ومراته طالبه الطلاق وانا طلعت سادي ااه من دماغ الستات طلعتني سادي علشان تاخد حقها مني

_ يعني ايه ؟! هو مش انت الي عملت فيها كده وضربتها ؟!! وتاخد حقها منك ليه اصلا دي هي الي سابتك زمان حازم حكي ليا كل حاجه قبل كده

ضحك بقوه وهتف :

ده انتي فايتك كتيير اووي يا نيره كتيير

______________________________

_ هتخربي بيتك بسببي يا اشرقت ؟ سليم ملهوش ذنب اخوه الي حيوان 

قالتها مريم لتقول اشرقت :

انا مش عايزه اعيش معاه ومتحاوليش معايا انا مش هرجع في كلامي 

وهذا لم تضعه مريم في تفكيرها .. حياه شقيقتها ستهدم بسببها ..

_ اشرقت بلاش تخليني اعيش بذنبك طول عمري انتي بقالك خمس سنين متجوزه سليم مشوفتيش منه اي حاجه وحشه يبقي ليه تاخديه بذنب اخوه حرام عليكي فكري في بنتك علي اقل

قامت اشرقت بالقاء الغطاء علي الصغيره وهتفت ;

سيبي كل حاجه لوقتها يا مريم ويلا نامي انتي النهارده شوفتي يوم ما يعلم بيه الا ربنا نامي وارتاحي تصبحي علي خير ..

______________________

شرح لها كل شئ منذ ان كان فادي يطارد مريم وهي تذهب الي دروسها الي فعلته التي فعلها بها ...

اخبرها عما فعلته اليوم وانه لم يقترب منها وانها هي قامت بفعل كل شئ لنفسها ...

_ هو انت ازاي انت وصحابك شرف البنت عندكم ملهوش لازمه كده تخدر واحده وتجيبها شقه وتاخد شرفها وتسيبها تحارب مع نفسها ليه كده !! 

يعني هي رفضت تكلمك تروح انت تاخد شرفها !!!

_ انا كنت عيل في ثانوي يا نيره ومشيت ورا حازم هو الي كبر الموضوع في دماغي 

_ انت كل حاجه عندك ليها عذر !! مريم كنت صغير وانا كنت سكران كل حاجه مجهز ليها مبرر وعذر !!! وندا اخت حازم كنت ايه !!! صغير بردو

قالت جملتها الاخيره بانفعال ليقول هو :

ندا كانت بتيجي بمزاجها اخوها بس الي طلعها ضحيه بمزاجه 

_ حلال الي عملته مريم فيك 

_  كان ممكن اتكلم واطلعها قدامهم كدابه بس انا معملتش كده سبتها تشفي غليلها مني 

_ قد ايه انت انسان عظيم بجد

قالتها نيره بسخريه واضحه ليقول فادي بابتسامه :

وحشني الرغي معاكي انا مش مصدق انك بقالك ساعه بتكلمي وتردي عليا 

_ خليك في المصيبه الي انت واقع فيها دي انت طلعت سادي ومريض قدام اهلك والناس كلها 

_ العيله اتشردت خلاص سمعه العيله بقت في الارض 

_______________________

قام بالاتصال بها اكثر من مره ولكن لا مجيب حتي الرسائل ..

عندما اخبرها بان فادي اخبره بالحقيقه باكملها قرا في عينيها الكثير من الاشياء .. يعلم ما تفكر به ..

هيئتها امامه كيف تنظر له وتتحدث معه مره اخري وهي تعرت حقيقتها امامه ..

حتي انها بدات التعلق به اخبره به فادي ..

كل شئ يخص نيره تعري امام حسام في لحظه ..

القي الهاتف بقوه وهو يقول :

بتصعبي كل حاجه ليه يا نيره !!!

________________________

في صباح اليوم التالي ...

هبط الدرج ليجد نيره تغفو في النوم علي المقعد وعلي الاريكه التي بجانبها يغفو فادي ومن الواضح انه غلبهمها النعاس وهما يتحدثون ...

قام سليم برفع قدميه وركل فادي بقوه نهض فادي من نومه بهلع واضحه وهو يقول :

في ايه يا سليم حد يصحي حد بالطريقه دي !!

_ معلش المره جايه هبقي اطبطب عليكي قبل ما اصحيك 

قالها بخسريه واضحه ثم تابع بزعيق :

سهران انت والست هانم تدردشوا مع بعضهم وضحك ومسخره اييه اتنين عرايس يا ناااس !!! 

انا مكتوب عليا اشيل مصايبكم وانتو مش في دماغكم حاجه

_ اشرقت هي الي ربطت الاتنين ببعض مالها هي بـ الي بيني وبين مريم 

ضغط علي شفتيه بضيق ثم التفت الي نيره وهزها بقوه هاتفآ ;

قومي يا ست هانم يلا متضعيش وقت علشان تلحقي تجيبي مصيبه بتاعه حسام بسرعه خلينا نخلص بدري بدري كده

استيقظت نيره علي صوته وهو يطلق جملته الاولي وعندما انتهي هو هتفت  :

حسام مش هيجي وراه مصايب ولا هيجي من وراه اي حاجه اصلا مجرد صديق ومبقاش علاقتي بيه انتهت اساسا 

_ بقي انتي تنهي علاقتك براجل ؟! لا مش ممكن دي طب استني حتي تلاقي راجل تاني وانهي علاقتك بحسام هتقعدي كده فتره كبيره من غير راجل صعب عليكي

_ الزم حدودك يا سليم وشوف انت بتتكلم مع مين انا بنت عمك مش واحده من الشارع انت مقدرتش تتشطر علي مراتك الي ما صدقت لقت فرصه تخلص منك بيها جاي تتشطر عليا !!!

قالتها بعصبيه ليقول سليم :

الله الله ده انتي بقي يطلعلك صوت اهو زي زمان ويا تري بقي هترجعي تتحايلي عليا وتبوسي ايدي علشان احبك واتجوزك !!؟

_ في ايه يا سليم انت صاحي تتخانق ؟

قالها فادي لتقول نيره بابتسامه :

نفسك انت اطلع لسه بحبك زي زمان واجي اتحايل عليك مش قادر تتخيل ان نيره نسيتك اصلا بتتكهرب كده اول ما تسمع ان حد اتقدملي ولا ان في حد في حياتي كهرباء كده بتقوم جواك 

_ اتكهرب مره واحده ؟!! ليه يا ماما انتي فاكره نفسك بنت زي باقي البنات ولا ايه !! يا شيخه ده انتي جسمك اتفرجت عليه مصر كلها شكل الاربع سنين نسيتك اني جايبك بالملايه من اوضه حازم فاكره ؟! 

ده غير الرجاله الي عرفتيها حازم ومازن ودلوقتي حسام والله اعلم حصل ايه بينكم ماهي الي تروح بيت واحد تروح لغيره عادي 

وعندما انهي جملته تلك صفعته نيره وهتفت ويديها ترتعش والدموع في عينيها :

انت حقير 

قالتها ورحلت من امامه ليقول سليم وهو يضع يديه علي خديه :

 انا هوريكي ازاي تمدي ايدك عليا يا نيره 

_ عايز ايه من نيره ؟! بقي انت الي كنت بتقول زمان انها مسئوله منك ومتربيه علي ايدك !! 

_ ده كان زمان قبل ما تمشي علي حل شعرها 

اطلق فادي لفظ بذئ ثم قال :

انت هتكدب الكدبه وتصدقها ولا ايه انا وانت عارفين كويس ان الي حصل لنيره هي ملهاش ذنب فيه 

_ ايوه اصلها كانت متخدره وهي رايحاله الفيلا برجليها 

قالها بسخط واضح ثم رحل هو الاخر زفر فادي بقوه وعدم رضا ...

_____________________

تخفي وجهها في الوساده وتصيح باكيه وصوت الهاتف لم يتوقف عن الرن والمتصل حسام ...

وعندما نفذ صبرها تناولت الهاتف وقامت بالرد هاتفه ببكاء وزعيق :

عايز مني ايه ؟!! هات من الاخر وشيل وش الحنيه الي انت لابسه ده عايز ايه يا حسام هتقولي انتي ملكيش ذنب والي حصل كان غصب عنك !!! لا مش غصب عني انا مش مظلومه انا روحت لحازم برجلي لحد باب البيت دخلت عنده وشربت وقعدت معاه في الفيلا لوحدي مهما حصلي مش هيشفعلي غلطتي دي الي تروح لواحد تروح لغيره عادي

متتصلش بيا تاني يا حسام 

قالت جملتها الاخيره ثم القت الهاتف علي الارضيه بكل قوتها ... 

وكلمات سليم ترن في اذنيها ...

وضعت الوساده علي راسها حتي تمنع تردد كلماته في عقلها

|•27•|

~ وامانه عليا اشيلك في عينيا وقلبي ومهما جد تفضل في عيني احلي حد ❤︎ ~

بعد مرور اكثر من يوم ..

دلف فادي الي غرفه نيره وجدها وهتف بلهفه واضحه :

نيره حسام تحت قاعد مع بابا 

_ حسام ؟!

حرك راسه بنعم وهتف :

طلب ايدك واتفق انه هيجيب اهله بكره او بعده بكتير 

نهضت من مكانها وهي تقول :

انا مش موافقه 

قالتها وهي تتجه خارج الغرفه ليقول فادي بضيق :

الراجل جاي لحد عندك وانتي تقوليله لا ؟!

________________________

_ وانت قبل ما تيجي تطلب ايدها عارف انها كانت متجوزه قبل كده ؟! واطلقت في اقل من شهر جواز ؟!

قالها سليم وهو يضع ساق فوق الاخري رمقه شريف نظره ناريه فهو سوف كان سيخبره بطريقه مختلفه، ولكن سليم لم يمهله الفرصه، هتف حسام بعدما مد يديه وتناول كوب العصير الذي امامه وارتشف منه هاتفآ :

اه عارف انها كانت متجوزه حضرتك 

_ وعارف ايه تاني يا استاذ حسام ؟

قالها سليم بابتسامه بارده ليقول هو :

كل حاجه من اول عيدالميلاد وياريت بلاش ندخل في تفاصيل انا جاي اطلب ايد نيره مش جاي اتكلم في حياه نيره القديمه 

_ تمام يا ابني انا هتكلم مع نيره واخد رايها وارد عليك ان شالله 

ظهر صوت نيره وهي تقول :

من غير ما تتكلم معايا انا مش موافقه اظن كده الرد وصلك يا حسام 

رفع حسام عينيه اليها قائلا :

والسبب ؟! الي بترفض عريس متقدملها بيبقي عندها سبب انتي بقي ايه سبب رفضك ليا !!

_ انا حره مش عايزاك 

هتف حسام الي شريف :

ممكن اتكلم معاها لوحدنا ؟

_ اه اكيد 

لتقول نيره :

مفيش كلام ما بينا سر الي عندك قوله قدامهم 

هتف شريف بهمس الي نيره وهو يمر بجانبها :

حسام بيحبك وشاريكي بلاش تضيعه من ايدك 

انهي عبارته تلك ثم هتف الي ابناءه :

يلا مستنين ايه ؟

نهض سليم وهو ينظر لحسام بضيق واضح ورحل الجميع .. لم يتبقي سؤي نيره وحسام ...

تنهد حسام قائلا :

عيلتك لذيذه ماعدا سليم بصراحه سخيف جداا

_ عايز ايه يا حسام ؟

قالتها وهي تجلس امامه ليقول حسام :

اخطبك وبعدين اتجوزك يعني عايز شويه حاجات بسيطه خالص 

_ محدش يقبل علي نفسه يتجوز واحده زي انا مش كويسه روحت لواحد بيته 

_ الي حصل زمان انا مليش دعوه بيه انا ليا بدلوقتي ونيره الي قدامي الي فات ده ميخصنيش الي حصلك في عيدالميلاد وعلاقتك بحازم مليش علاقه بيهم وانا مكنتش هاجي واقعد القعده دي واطلب ايدك الا وانا واثق ومتاكد من اخلاقك ... 

تفتكري ايه الي يخليني من اول يوم ادور علي فيس بتاعك واحاول اوصلك ؟! واقعد قدام الفيلا اكتر من يوم استناكي تخرجي علشان اكلمك .. 

انا من الاول يا نيره كنت عايز اخطبك بس لما لقيت دماغك رايحه في حته تانيه واني عايز انتقم منك بسبب ريم وحاجات غريبه كده سكت وقولت لما اقرب منك وتعرفني اكتر هتغيري فكرتك دي

_ عايز تفهمني اني لما قولتلك روحت لحازم شقته مفرقش معاك ؟ ولما فادي حكالك وقالك علي عيدالميلاد وصوري الي نزلت والفضحيه في كتب كتاب كل ده مهمكش ؟ لا ده انت ملاك بقي 

قالتها بسخريه ليقول حسام :

تخيلي كل ده مهمنيش كل الي فكرت فيه نيره الي قدامي واحده رفضت تكلمني موبيل او حتي اقابلها وكل لحظه بتاخد قرار انها تقطع معرفتها بيا علشان خايفه تكون بتكرر غلطتها تاني بتاعه حازم وبتساليني كلامنا كده غلط ختي لو شات غلط ولا صح ؟! مشكلتلك يا نيره انك ملقتيش حد يفهمك ايه الصح وايه الغلط !! علي فكره انا كدبت عليكي لما قولتلك ان كلامنا مش غلط لا هو غلط بس انا كدبت عليكي علشان متبعديش 

_ كل ده كلام دلوقتي بس لكن بعدين هتعايرني بكل ده وهتقولي الي تروح لواحد مره تروح عشره انا عارفه 

حرك راسه بالنفي وهو يقول بصدق :

عمري يا نيره ما هعمل انتي عرفتيني فتره تفتكري ممكن يطلع مني حاجه زي كده في يوم من الايام !!

_ وريم 

_ مالها ريم دي كمان !!

_ ممكن تكون لسه بتحبها وتكون عايز تنساها بيا وتيجي بعدين تقولي انك معرفتش تنساها 

_ لا اطمني يا ستي ريم انا نسيتها من اول ما اتخطبت لمنير 

____________________

يجلس يراقب كل ما يحدث بغضب مكتوم وافقت نيره علي حسام !! 

هتفت ناديه وهي تضم نيره الي احضانها :

مبروك يا حبيبتي 

_ بكره باذن الله هجيب اهلي نتفق ونقرا الفاتحه ونشوف ميعاد الخطوبه 

قالها حسام ليقول فادي :

او فرح علي طول ليه خطوبه وتضيع وقت 

_ لا انا عايزه فتره خطوبه 

نطقت تلك العباره نيره ليقول حسام :

لو عليا عايز كتب كتاب دلوقتي بس نعمل ايه بقي في دماغ نيره 

_ مبروك يا نيره ربنا يسعدك 

قالها شريف بحب اقتربت منه نيره واحتضنتها بقوه ثم طبعا قبله علي خديه هاتفه :

شكرا يا عمو شكرا علي كل حاجه عملتها معايا

رتب عليها وهو يقول :

محدش بيشكر اهله يا نيره ولا ايه ؟!

_ لا ما هي لازم تشكرك مش كفايه مستحملين قرفها من يوم ما جات عندنا

قالها سليم ليقول حسام بتحذير :

انا مش عايز ازعلك مني واعمل مشاكل ياريت تتكلم كويس معاها وخلينا حلوين مع بعض 

_ هي وسليم دايما كده ناقر ونقير 

قالها شريف وهو يحاول تلطيف الاجواء ليقول فادي بهمس الي حسام :

معلش اصل مراته طالبه الطلاق تلاقي اعصابه تعبانه شويه 

_ هو انت مش مفروض عريس من كام يوم بتعمل ايه هنا ؟!!

قالها حسام باستغراب ليقول فادي وهو يربت هئيته ويقوم بتحريك رقبه قميصه :

لا ما هو انا طلقت العروسه بعيد عنك ليله بعد الفرح ما خلص

_ نـعــم !!

_ حاول تتعود علي عيله الي انت دخلتها دي ومتستغربش اي حاجه 

قالها فادي وهو يرتب عليه بجديه متصنعه ..

____________________________

ويوم حفل الخطبه ..

انتهت خبيره التجميل من تزينها ثم رحلت اما نيره نظرت الي هيئتها بالمرآه ترتدي فستانها وبعض مستحضرات التجميل علي وجهها بالاضافه ابتسمت بسعاده واضحه ..

كانت تخشي ان تعترض عائله حسام عليها ولكن لم يحدث ذلك والده ووالدته رحبوا بها كثيرآ ..

من الواضح ان حسام لم يخبرهم بـ اي شئ يخصها سوا انها كانت متزوجه من قبل وهما لم يعترضوا علي ذلك ..

وبعد مرور الوقت ..

جلست علي الفراش تنظر الي هاتفها بقلق تاخر كثيرآ بالاضافه انه لا يقوم بالرد عليها ..

سقط قلبها بين ضلوعها سوف يفعل بها كما فعل حازم .. كل شئ وضح امامها ،،

تحركت من الغرفه ثم هبطت الدرج بخفه حتي لا يلاحظها احد .. 

الفيلا باكملها ممتلئه بالاشخاص كل هولآء ستفضح امامهم مره اخري !!

لما هي مكتوب عليها يحدث معها هذا !

لمحها فادي اقترب منها وهو يقول :

ايه الي نزلك عريسك لسه موصلش 

_ مش هيجي يا فادي هيعمل فيا زي حازم

قالتها بحسره والدموع في عينيها ليقول فادي :

انتي بتقولي ايه !!؟ هو اتصل بيكي قالك كده 

حركت راسها بالنفي وهتفت :

مش محتاجه يتصل هو مظهرش ولا اهله محدش ظهر وبكلمه مش بيرد 

_ فين ناس قرايبه تحت ماعدا مامته وبابه اكيد هيجوا معاه حسام لا يمكن يعمل كده 

_ لا يعمل يا فادي يعمل علشان ياخد حق ريم مني 

قالتها وهي علي وشك البكاء

 

_ انتي هتعيطي علي حاجه لسه محصلتش بس يا نيره كده وشك هيتبهدل والمكياج هيسيح متخافيش حسام بيحبك بجد ولا يمكن يعمل كده 

وفي نفس اللحظه تعالت اصوات الزغاريد وظهر حسام برفقه والده ووالدته هتف فادي :

اهو شوفتي يا بومه محصلش حاجه والراجل جه

______________________

تجلس ريم برفقه اخيها وعلي ملامحها السخريه شقيقتها تتزوج من حسام !! يالسخريه ..

_ شوفت الدنيا يا امجد لفت ازاي وراح خد نيره 

قالتها الي اخيها ليقول هو :

انتي زعلانه ولا ايه ؟ كان قدامك زمان ورفضتيه

_ مش زعلانه طبعا بس صعبان عليا ياخد واحده بالمصايب بتاعتها دي كلها بس علشان فاكر انه كده هيغظني 

_ يغيظك ؟!!

حركت راسها بتاكيد وهتفت :

اه طبعا امال هيكون ايه الي عجبه في نيره يعني  فاكر اني كده هتغاظ واندم اني ضيعته من ايدي 

_ ما يمكن بيحبها وانتي مش في دماغه اصلا 

اطلقت ضحكه وهي تقول :

يحب مين نيره !!!؟

____________________

_ حلو اوي يا شريف اتعزم علي خطوبه بنتي زي الغريب 

قالها مراد بغضب ليقول شريف :

لانك غريب فعلا جبتهالي زمان وهي عيله واتنازلت عنها مكلفتش نفسك حتي تيجي تزورها مره كل سنه يا عم ده انت حتي مبعتش مصاريفها انا الي ربيتها وصرفت عليها انت ملكش اي حاجه في نيره عن اذنك هروح اشوف المعازيم

قالها ورحل ليقول مراد باقتضاب :

ربيتها ربيتها خلاص عرفنا متعملش فيها شهيد 

____________________ 

_ افردي وشك يا روحي انتي عروسه وقاعده في خطوبتك مش في عزاء

قالها حسام وهو يميل براسه ناحيه اذنيها لتقول نيره بانفعال مكتوم :

اتاخرت ليه ؟! ومبتردش علي موبيلك ليه كنت بتفكر طبعا تخلع وتسيبني في الخطوبه علشان تاخد حقك 

_ لالالالالالالا مش هنيفع الوضع ده خالص هو انا حياتي معاكي هتبقي كلها بشكل ده ولا ايه ؟

_ انت اتاخرت وحازم بردو اتاخر يوم كتب الكتاب ومظهرش

قالتها بحزن واضح تنهد حسام فهي ممتلئه بالكثير من العقد بداخلها ...

_ غصب عني والله واحنا في نص الطريق ماما اكتشفت انها نسيت شنطتها فـ رجعنا تاني حقك عليا انا غلطان كان مفروض ارد عليكي لما رنيتي ثقي فيا يا نيره انا عمري ما هجرحك ابدا 

قال جملته الاخيره وهو يشبك كفه يديها بيديه ...

ابتسمت نيره وهي تقول :

ولا تغدر بيا زيهم 

طبع قبله علي يديها ثم قال :

ولا هغدر بيكي 

___________________________

_ هتف سليم وهو ينظر الي حسام ونيره :

والله حلو هي تعيش حياتها وانا بيتي يتخرب واخسر مراتي

_ ونيره مالها يعني هي الي قالت لـ اشرقت تتطلق منك ولا ايه ؟!

قالها فادي ببرود ليقول سليم بعصبيه :

كله من تحت راسك يا سادي يا مريض 

_ ارفع في صوتك ارفع في ناس لسه مسمعتش هناك ارفع صوتك يا راجل كمان 

_ انت جايب البرود ذه منين !!! 

نظر فادي الي نيره وهتف بابتسامه :

عارف نيره كانت خساره فيك متستاهلش واحده زيها ولا تستاهل حبها الي زي نيره عايزه واحد زي حسام مش شايف حاجه غيرها برغم كل الي عرفوا مبعدش عنها 

_ شوف انا بحكي في ايه وانت بتحكي في ايه 

قالها سليم بغضب

_________________ 

ضحكت ريم وهي تنظر الي حسام ونيره :

شوف بيعمل ايه فاكر ان بالحركات دي انا هتغاظ

_ ريم حبيبتي فوقي هو مش شايفك اصلا وبطلي كلامك ده علشان منير ميسمعش وياخد لباله 

قالها امجد لتقول ريم :

مش شايفني ازاي امال هو خطب نيره ليه ؟!

_ يمكن علشان بيحبها مثلاااا يعني

_ يحب نيره علي ايه هو مسالش براه وعرف تاريخها ولا ايه ؟!

_ ملناش دعوه يا ريم خلينا في حالنا 

صمتت ريم وهي تنظر الي نيره هاتفه بداخلها :

وايه يعني حتي لو بيحبك ميهمنيش كان قدامي زمان ورميته يعني انتي كده يا روحي اخدتي البواقي بتاعتي يلا مش خساره فيكي 

     الفصل الثامن والعشرون من هنا

لقراة باقي الفصول اضغط هنا

تعديل المقال