رواية كيف اغفر
الفصل العشرون والحادي والعشرون
بقلم يارا رشدي
|•20•|
~ لم اغفر ~
دلفت الي العياده الطبيه التي احضرها بها فادي من قبل انتظرت دورها وعندما دلفت الي غرفه الطبيبه رحبت بها الطبيبه لتقول نيره :
انتي ازاي دكتوره ودرستي طب ؟!
تسائلت الطبيبه باستغراب لتقول نيره :
ازاي دكتوره ولما اجي اكشف عندك متعرفيش ان الاعراض الي عندي بسبب اعتداء ازاي متعرفيش حاجه زي كده ازاي
قالت جملتها الاخيره بانفعال لتقول الطبيه :
لا كنت عارفه ابن عمك جه عندي قبل ما يجيبك وحكالي علي كل حاجه وكان خايف تطلعي حامل
_ حتي انتي ؟ دي كل ناس عارفه بقي الا المغفله انا
قالتهز بصدمه لتقول الطبيبه :
وعدني انه هيلاقي حل بعد ما تخلصي الثانويه بتاعك وكتب ليا كل الي حصل بخط ايده ومضي كمان وبطاقته انا صورتها ولو كان مظهرش بعد شهر كنت هبلغ عنه
_ وهو جالك بعد كده ؟
اومات الطبيبه راسها بالايجاب وهتفت :
اه وقالي انك اتجوزتي ابن عمك وشوفت بعيني عقد الجواز
ابتسمت نيره ساخره وهتفت :
مبلغتيش ليه من اول ما عرفتي او حتي كنتي عرفيني قوليلي
_ ابن عمك وعدني انه يحل كل حاجه وعلي عموم لو عايزه تبلغي انا لسه عندي الورقه الي بخط ايده
قالتها واخرجت الورقه من الدرج وهتفت :
اعتراف اهو بخط ايده
تناولت نيره تلك الورقه منها ثم نظرت اليها وبدات تقرا المكتوب ..
__________________
دلفت الي الغرفه الموجود بها ليعتدل هو من الفراش وهتف بخضه :
نيره
القت الورقه امامه والدموع في عينيها وصاحت به :
مش حازم بس الي لمسني دول صحابك كلهم كلهم يا فادي
حرك راسه بنفي بعدما تنارل الورقه :
لا ده في الاول لما روحت لدكتوره كنت فاكر كده وبعدين هما قالولي الحقيقه وان حازم بس الي عملها
ضحكت وسط دموعها وقالت :
ما لازم يقولوا حازم الي عملها ويطلعوا منها
اقترب فادي منها قائلا :
لا صدقيني حازم الي عملها يوسف وخالد معملوش حاجه
ازاحته بيديها وهتفت :
يااخي حسبي الله ونعمه الوكيل فيك دمرتني ودمرت حياتي ومش عارفه جسمي ده كام واحد لمسه حسبي الله ونعمه الوكيل فيك يا فادي حسبي الله ونعمه الوكيل فيك انت وشله الزباله بتاعك ياااارب انا مليش غيرك يارب
انهت جملتها تلك وظلت تبكي ليقول هو بحزن علي حالتها تلك :
والله هما قالوا ان محدش لمسك غير حازم
_ في ايه يا نيره ؟!
قالها شريف الذي دلف للتو الغرفه ليجيبه فادي بتوتر :
مفيش حاجه يا بابا
هتف شريف بجمود :
محدش وجهلك كلام علشان ترد
ثم تابع بتساؤل وهو ينظر لنيره :
حصل ايه ؟
تناولت الورقه وناولتها الي شريف هاتفه :
مش حازم بس يا عمو مش حازم بس دول الشله كلها بتاعته
_ يا نيره يوسف وخالد معملوش حاجه
قالها فادي بخوف وهو ينظر الي والده الذي يقرا تلك الورقه
انتهي فادي من القراءه ثم قال :
جبتي منين الورقه دي ؟!
_ كانت كاتبها للدكتوره الي خدني اكشف عندها علشان يتاكد اذا كنت حامل ولا لا خاف الدكتوره وهي بتكشف عليا تقولي الي حصل راح اتفق معاها وكتبلها الورقه دي وقالها في خلال شهر لو محلتش كل حاجه بلغي عني
_ طيب مستنيه ايه ؟! يلا نروح نبلغ وهما بمعرفتهم يوصلوا لكل حاجه
قالها شريف ليقول فادي بصدمه :
انت بتقول ايه يا بابا انا كده ممكن اروح في الرجلين وهما كمان ملهمش دعوه محدش عملها غير حازم وده خرج براه مصر محدش هيعرف يوصله
_ والله النيابه تتصرف بمعرفتها معاكن يلا يا نيره
_ هتسجن ابنك يا بابا !! انا كتبت الورقه دي لاني كنت عايز اطمن علي نيره كنت خايف تتطلع حامل
كاد ان يجيب شريف ولكن اوقفه صوت نيره وهي تقول :
متخافش يا فادي انا مش هبلغ اصلا
ثم تناولت الورقه وقامت بتمزيقها قائله :
وادي الورقه عند اذنكم
قالتها ورحلت من امامهم ليقول شريف باحتقار :
اخص علي دي خلفه
رحل شريف خلف نيره واقفها قائلا :
انتي مش عايزه حقك يرجعلك ؟ بلغي ورجعي حقك انا معاكي وفي ضهرك
محت دموعها وهتفت :
مش كفايه فضحيه الصوره كمان هعمل فضحيه جديده وحقي هيجي من مين حازم براه ومحدش هيعرف يوصله زي ما قال فادي وصحابه انكرو كل حاجه
_ لو خايفه علي فادي انا ابوه بقولك بلغي الي زي ده يستاهل القتل
_ ملهوش لازمه كل حاجه راحت
قالتها ورحلت الي غرفتها وجدت هاتفها يرن تناولته لتجد فرح وتلك المره العشرون ترن عليها اليوم ..
لم تجيبها كالعاده ..
وصلت اليها رساله منها هاتفه :
ردي بقي يا نيره يعني لا بتكلميني موبيل ولا في جامعه كل ده يعني علشان اتصلنا بسليم لما كنتي تعبانه !!
ابتسمت نيره ساخره فـ فرح لا تدري بشئ ..
وعندما وجدت اتصال اخر من فرح قامت بالرد عليها ليصل لها صوت فرح وهي تقول بلهفه :
اخيراا يا بنتي
_ عايزه ايه يا فرح ؟ بترني عليا ليه قولتلك انا مش عايزه اعرف حد مش عايزه اكلم حد سيبيني في حالي
انهت جملتها تلك ثم قامت بانهاء المكالمه ..
نظرت فرح الي شاشه هاتفها بحزن ليقول مازن :
قفلت في وشك ولا ايه ؟!
تنهدت فرح هاتفه :
نيره نفسيتها مدمره علي الاخر
_ هتاخدلها فتره وتنسي المهم انا مش عايزك تعرفيها تاني البت دي وراها مشاكل كتير وسمعتها مضروبه اساسا ومشيتك معاها هتخلي الناس تفتكرك زيها
_ هي معملتش حاجه يا مازن اصلا
زفر مازن بقوه وهتف :
الناس متعرفش كده ومش هعيد كلامي كتير واحاول اقنعك هي كلمه نيره متعرفهاش تاني ورقمها يتمسح من عندك فاهمه ؟!
________________________
_ هو اونكل شريف هيفضل زعلان منك كده كتيير ؟!
قالتها اشرقت وهي تجلس بجانب زوجها ليقول هو :
حاولت معاه كتير مفيش فايده كله من نيره ربنا يسامحها
_ ما تحكيلي يا سليم ايه سبب خناقكم ؟ انت قولتلي مش بسبب انك طلقتها
_ ده حوار كبير وملهوش اي تلاتين لازمه نوجع دماغنا ليه بنيره ومشاكلها واحنا في شهر العسل ؟!
ابتسمت اشرقت وهتفت :
يعني بعد شهر العسل هتحكيلي
_ هفكر
قالها وهو يميل ناحيه خديها ويطبع قبله علي خديها لتضحك هي ..
______________________
بعد مرور اربع اعوام ..
انتهت من دراستها
اصبحت حياتها في غرفتها فقط لا تخرج منها الا نادرآ .. انا تقوم بكتابه شئ في دفترها ياما تقف امام المرآه تتحدث مع نفسها ..
اما فادي منذ اخر حديث دار بينهما وهي لا تتحدث معه ...
تناولت الدفتر الخاص بها الموجود اسفل الوساده ثم قامت بفتح احدي الصفح البيضاء وقامت بكتابه ...
_حياتي بتمشي بس انا واقفه في مكاني اربع سنين .. كل الي حواليا حياتهم بتمشي سليم خلف بنت وعايش حياته مرتاح ومبسوط بس انا مشفقه عليه لان البنت دي بكره وبعده هتردله الي عمله فيا وهتجيب حقي منه ..
وفادي كمان نسي كل حاجه حصلت وبقي عايش حياته عادي جداا ولا كانه دمرلي حياتي
حتي عمو وطنط بقوا يتعاملوا عادي جدا مع سليم وفادي ونسيوا كل حاجه
كل الي حواليا نسيوا وكملوا حياتهم .. بس انا منسيتش وعمري ما هنسي ولا هسامحهم وحقي هيجيلي لحد عندي انا متاكده من ده ..
عمري ما هغفرلهم عمري ..
اغلقت ذلك الدفتر الذي تتحدث معه يوميآ ..
فهي ليس لديها احد تفصحي له عما بداخلها سؤي ذلك الدفتر ...
نهضت من مكانها ونظرت الي هيئتها بالمرآه اختفت ملامحها واصبحت باهته لم تعد نيره التي كانت من قبل لم تعد ...بالاضافه الي وزنها الذي فقدته
ابتسمت وهي تهتف بداخلها :
بقيتي عامله زي شماعه ومتعلق عليها هدوم
انتبهت الي صوت ناديه التي دلفت الي الغرفه وهتفت :
بقالي ساعه بكلمك وانتي سرحانه في المرايه !!
التفتت اليها نيره وقالت :
معاكي يا طنط
_ في عريس متقدم لعمك وقالي اطلع اخد رايك
ضحكت وهي تهتف :
عريس ؟! حلوه دي انا يجيلي عريس طب ازاي ! وعمو عايز ياخد راي علي اي اساس هما الاربع الي عدوا نسوكم الي حصل ولا ايه !؟
تنهدت ناديه وهي تهتف :
محدش نسي يا نيره بس الي اتقدملك طلع عارف كل حاجه وموافق
قطبت بين حاجبيها هاتفه ;
عارف ازاي ؟!
_ معرفش بيقول انه يبقي اخو صحبتك
رددت هي بصوت هامس :
فـــرح
_______________________
_ مازن مين الي تجوزه ليها دي كانت ماشيه معاه وهي مراتي
قالها سليم بعصبيه ليقول شريف :
اخرس اياك تتكلم كده علي بنت عمك الراجل عارف كل حاجه حصلت ليها وموافق حرام عليك تسيبها تعيش حياتها كفايه الي عملتوا فيها انت واخوك
_ ماهي عايشه حياتها اربعه وعشرين قراط عايزه ايه اكتر من كده
_ عايزه يبقي عندها عيله وبيت يا سليم مش معقوله هتقضي عمرها كله في الاوضه فوق
_ الي يريحك اعمله بس انا مليش دعوه بـ اي مصيبه تحصل بعد كده
ليقول شريف ساخرآ :
لا حمش يا واد ده علي اساس انك وقفت جمبها في الحادثه بتاعه زمان !!
____________________________
_ ياااه يا نيره عاش من سمع صوتك ده احنا كنا مع بعض في نفس الجامعه ومكنتيش بتفكري ترمي السلام حتي
قالتها فرح بتهليل لتقول نيره :
اخوكي اتقدملي ليه ؟!
ظهر صمت عدده ثواني لتقول نيره بنفاذ صبر :
انتي روحتي فين ؟! بقولك اخوكي اتقدملي ليه !! ويقبل ليه بواحده زي اصلا
_ لاني بحبك ومش قادر انساكي بقالي اربع سنين بحاول انساكي واطلعك من عقلي وقلبي بس معرفتش ..
حبيبتك من اول يوم وقعت عيني عليكي في البلكونه فاكره ؟! اما بخصوص سؤالك اقبل ليه بواحده زيك ..
فـ انتي ست البنات يا نيره مش هكدب عليكي واقولك ان الي حصلك قدرت اتقبله بسهوله لا انا قعدت كذه سنه في صراع مع نفسي بس في الاخر قولت في داهيه كل حاجه قصاد اني اقضي حياتي جمبــك
وصل اليها صوته وهي تهمس بصوت باكي :
انا منفعش اكون زوجه لحد انت عمرك ما هتنسي ولا الناس محدش هينسي صوري الي اتوزعت في الفرح ولا صور جسمي الي نزلت علي نت ولا ـ
قاطعها وهو يقول :
يتحرقوا الناس بجاز انتي معملتيش حاجه علشان حد يحاسبك عليها الي حصلك كان غصب عنك انتي ملكيش ذنب فيه
_ انا اسفه بس انا عمري ما هسامح حد اذاني زمان بكلمه او بفعل زي فادي وسليم
ثم تابعت بتنهيده :
فادي وسليم اذوني بفعل ودول عمري ما هسامحهم وانت اذتني بكلمه لما عرفت جوازي من سليم ولما بعدت فرح عني ما هو مش معقول واحده كانت في اليوم تتصل عشرين مره بيا علشان ارد وفجاه تقطع خالص وتشوفني قدامها في الجامعه متكلمنيش
هتف مدافعآ عن نفسه :
لا انتي الي بعدتي فرح عنك وبطلتي تردي عليها
_ وانت بعدتها اكتر خوفت علي سمعه اختك
وكانها كانت تعيش معهم وتعلم ما حدث بينهما ...
ثم تابعت بجمود :
جايز تكون شايفها حاجه بسيطه بس بنسبالي لا واي حد اذاني زمان عمري ما هغفرله طلبك مرفوض يا استاذ مازن مع السلامه
قالت جملتها الاخيره ثم انهت المكالمه لتقول فرح :
وصلت لـ ايه ؟!
ليقول هو بحسره واضحه :
رفضتني
|•21•|
~ حفل زفاف ~
_ لا ليه ؟ الراجل عارف كل حاجه عنك وراضي بيها
قالها شريف لتقول نيره :
انا مش عايزه اتجوز دي حياتي وانا حره فيها وجودي تقيل عليك انا ممكن امشي واروح اقعد في اي مكان
_ ايه الكلام ده يا نيره ؟!
هتف هي بنفاذ صبر :
مش عايزه اتجوز مازن
حرك راسه بقله حيله ثم قال :
الي يريحك
شعرت بخطوات تقترب ومن المؤكد انه فادي نظرت الي الارضيه ثم تحركت وبالفعل في طريقها وجدت فادي مر بجانبها وهو ينظر لها بالم اربعه اعوام وهي علي ذلك الحال حتي لم تنظر له ...
هتف فادي الي والده :
ها وافقت ؟
حرك شريف راسه بالنفي ليقول فادي :
ليه العناد ده يعني ما هو واحد عايزها وشاريها في ايه تاني ؟!
_________________
وفي اليوم التالي
شعرت بطرقات علي باب غرفتها هتفت وهي تخفي الدفتر اسفل الوساده :
مش جعانه يا طنط شكرا
_ انا سليم يا نيره
اعتدلت في جلستها ولم تقول شئ دلف هو الغرفه قائلا :
_ عايز اتكلم معاكي
لم تجيبه بشئ تناولت هاتفها وظلت تبعث به ليقول هو :
ولحد امته هتفضلي مخصماني عدي اربع سنين
زفرت بملل وهي تنظر للهاتف تنهدت مازن وهتف :
هتوافقي علي مازن ؟!
ولا تجيبه بشئ وكانه يتحدث مع نفسه ..
_ وبعدين معاكي علي الاقل عبريني وردي عليا !!
قالها بانفعال ونيره كما هي لم ترفع عينيها عن الهاتف ليقول هو :
انا مش فاهم انتي عايشه دور الضحيه علي ايه ؟! ما انتي روحتيله الفيلا برجلك شربتي وكنتي في اوضه نومه شايفه نفسك علينا بتاع ايه؟!
_ غلطتي انا مسئوله اتحملها واضرب نفسي كل يوم بالجذمه القديمه بسببها لكن غلطتكم انتو اتحملها انا ليه !!! اخوك عرف ان اكتر من واحد لمسني وسكت متكلمش خدني زي الهبله يعملي تحليل ودكتوره علشان يتاكد انا حامل ولا لا
وانت لما عرفت بردو سكت، انا مش قادره اتخيل انت ازاي تعرف حاجه زي دي وتسكت؟
اشارت بسبابتها ناحيتها وهتفت :
انا نيره نيره الي مكنتش بتستحمل نسمه الهواء عليها نيره الي من صغرها وانت مفهمها لما تكبر هتجوزها فاكر ؟! وكبرت وكبر معايا ان سليم هيتجوزني ورسمت احلامي كلها فيك وكل يوم احبك اكتر من اليوم الي قبله والي قبله والي قبله وفي الاخر تقولي بطلي كلام مراهقه انتي اختي يا نيره اختي اختي اختي
اكملت وهي تصرخ به :
هو انا لو كنت اختك كنت هتعدي الي حصلي ؟ كنت هتسكت وتقول سيبها كده علشان لو عرفت هتتفرعن علينا وتشوف نفسها الضحيه ؟! كنت هتقول كده لو اختك تلات رجاله لمسوها وهي متخدره وصورها ونشروا صورها علي نت وفضحوها كنت هتسكت يا سليم ها كنت هتسكت ؟
_ انا اتجوزتك وخلصتك من عمي الي كان ممكن يقتلك
قالها وهو يدافع عن نفسه لتقول هي مره اخري ;
لو اختك كنت هتسكت وتتجوز وتعيش حياتك ؟
صمت سليم لتقول نيره وهي تضحك :
عارف انا فرحت لما عرفت انك خلفت بنت وبدعي كل يوم من قلبي ربنا يحرق قلبك عليها ويحصلي زي الي حصلي
_ حرام عليكي يا شيخه تالا ذنبها ايه ؟
قالها بغضب لتقول نيره ببساطه :
وانا كان ايه ذنبي ادفع مشاريب اخوك الصايع ؟!
_ انتي اتجنتي يا نيره قعدتك لوحدك كتير جننتك
ابتسمت نيره وهي تتفحصه بعينيها ثم قالت :
لا فهمتكم، انت بقالك اربع سنين مش فاكرني اساسا اول ما سمعت بموضوع مازن جيت ليا علشان تعرف هوافق ولا لا زي قبل كده وقت حازم قولتلي انتي نسيتني وبطلتي تحبيني خلاص يعني؟
عايزني ابقي مدلوقه عليك وسليم سليم حبني يا سليم اتجوزني يا سليم وانت تقولي لا وبطلي مراهقه كبريائك وغرورك مش عايزين نيره تنساك وتحب غيرك مع انك مبتحبنيش بس عايزني ابقي مدلوقه عليك كده وانت تمسح بكرامتي الارض وقدام نفسك تشوف انك شبح مفيش منك اتنين واني هموت عليك بس احب ابلغك معلومه كده انا بقالي اربع سنين بكرهك ومش طايقه اشوف وشك
نهض من مكانه وهو يقول :
لا ده انتي دماغك ضربت خالص براحتك يا ماما تتجوزي مازن ولا غيره ميخصنيش انا بس كنت عايز اعرف رايك علشان ابلغه لبابا اكرهيني انا طول عمري بتمني تكرهيني اصلا
ضحكت ساخره وهي تقول :
عمو لسه عارف راي امبارح
ارتبك وهو يقول :
بطلي قعده لوحدك بالوضع ده هتروحي مستشفي المجانين
قالها ورحل لتقول نيره :
معلش دايما كده الحق بيزعل
__________________________
عاد الي منزله ثم دلف الي غرفه الصغيره ليجدها نائمه جلس بجانبها وهو ينظر لها ويتذكر نيره وهي تخبره انها تدعي دومآ علي ابنته ..
حمل الصغيره وضمها الي احضانه وهو يدعو بداخله ان لا يصيب مكروهه لابنته ...
سوف يموت ان حدث لها مثلما حدث لنيره ..
_________________
اليوم حفل زفاف اخيها امجد لم يدعوها والدها ولكنها ستذهب ..
_ بلاش مشاكل يا نيره لو روحتي مراد مش هيسكت
قالها شريف لتقول نيره :
يعني مروحش فرح اختي وكمان مروحش فرح اخويا !!
_ ايوه علشان متعمليش مشكله
قالتها ناديه
حركت راسها بتصميم هاتفه :
لا هروح انا سمعت كلامكم ومروحتش فرح ريم كلكم روحتوا وانا فضلت قاعده زي الجربه المره دي مش هسمع كلام حد وهروح والي عند بابا يعمله
وبالفعل ذهبت معهم ولم تهتم الي كلمات احد ..
توقفت امام السياره امام المكان الذي يمكث به مراد والذي يقيم به حفل الزفاف ..
ظلت تنظر الي المكان قصر يمكث بقصر مع ابناءه وزوجته .. اما هي القاها عند عمها وتخلص منها ...!!
دلفت الي الداخل وهي تتفحص كل شئ بعينيها ..
ازاي تجيبها معاك يا شريف !!
قالها مراد بانفعال لتقول نيره :
عمو مجابنيش انا الي جيت بمزاجي ازاي يعني محضرش فرح اخويا
نظر الي شريف بتوعد هاتفآ :
حسابنا بعدين
رحل مراد ليقول شريف :
عاجبك كده ؟
_ سيبك منه خليه يخبط دماغه في الحيط
جلس كلاهما علي الطاوله وامامها علي طاوله اخري يجلس سليم برفقه زوجته وابنته وفادي ...
نظرت الي ابنته التي تلهو وتضحك مع اشرقت ثم اشاحت وجهها بعيدآ وظلت تنظر حولها ..
ريم تقف بجانب زوجها وتنظر لها بضيق .. وامجد يرقص مع زوجته ..
زوجه مراد تنظر لها بعدم رضا وغضب وهي تتحدث مع مراد لهذه الدرجه وجودها صعب بنسبه لها ..؟!!
تاملت المكان حولها ثم اعتدلت في جلستها ووضعت قدم فوق الاخري ...
وقعت عينيها علي فادي الذي ينظر لها تنفست بقوه واشاحت بوجهها بعيدآ عنه ...
_ خلي عندك دم بقولك الاغنيه دي بحبها قوم ارقص معايا اخلص
قالتها نيره باقتضاب ليجيبها فادي :
ايوه والبنات الي في الفرح يفتكرو انك خطيبتي ولا مراتي ومعرفش اشقط حد
_ هو انت اي مكان عايز تاخد منه بنات مبتزهقش بنات بنات ايه ده
_ مفيش احلي من البنات يا نيرو
_ طيب قوم ارقص معايا علشان خاطري مفيش حد غيرك قدامي ولو قولت لسليم مش هيوافق قوم يلا اصلا الاغنيه في اخرها يعني والرقصه هتخلص بسرعه بليز بلييز
تنهدت وهو يقول :
حاضر يا ستي علشان خاطرك بس مع اني هخسر بنات كتير بس من الفرح بس كله يهون علشانك
ابتسمت نيره وهي تنهض من مكانها برفقه ثم قامت بالرقص معه ..
فاقت من شرودها علي تلك الذكري ثم حركت راسها وهي تغمض عينيها وتضيق بين حاجبيها لتقول ناديه :
في حاجه يا نيره ؟!
نظرت اليها نيره وهي تحرك راسها بالنفي ..
رفضت نيره الذهاب من حفل الزفاف الي ان ينتهي خضع شريف لطلبها ذلك ..
اما سليم ظل يجلس وينتظر ذهاب والده ..
وعندما اصبح حفل الزفاف فارغ ولم يبقي سؤي العائله هتفت نيره وهي تنهض من مكانها الي والدها :
انا عايزه اقولك حاجه
_ مش وقته بعدين
هتفت هي بزعيق :
لا وقته
انتبه الجميع لها لتقول نيره :
انا مش راجعه مع عمو شريف تاني هعيش هنا معاك
_ نعم ؟!
حركت ذراعيها وهي تقول :
الي سمعته انا هعيش هنا ومش باخد اذنك لا انا بقولك قراري
صائح وهو ينظر الي اخيه :
شايف اخرت تصرفاتك ؟!
هتف شريف :
نيره مينفعش كده انتي عارفه اني مقدرش اعيش من غيرك
_ هبقي اجي ازورك بس اقامتي هتكون هنا
_ مش هيحصل
قالها مراد بانفعال لتقول نيره ;
طيب وريني هتخرجني ازاي بقي
جلست علي الطاوله لتقول زوجه مراد :
انتي عايزه تخربي فرح ابني ؟!!
_ سلامه عينك يا طنط الفرح خلص ومفيش غيرنا عيله في بعض كده
لتقول ريم :
ايه القرف ده ؟!!
اقترب ناديه من نيره وهي تقول :
حبيبتي علشان خاطري بلاش مشاكل ويلا نمشي
ضربت نيره قبضه يديها علي الطاوله وهتفت :
انا مش همشي من هنا انا ليا في المكان ده زي ما هما ليهم بظبط
_ هي دي مين اصلا ؟!
قالها منير زوج ريم لتقول نيره :
بنته بس بعيد عنك بعد مامتي ما اتوفت رماني عند عمو شريف
_ خد نيره وامشي يا شريف
قالها مراد بانفعال ونفاذ صبر لتقول نيره :
مش همشي مش همشي انت مبتفهمش
هتفت والده ميار زوجه امجد الي ابنتها :
وبعدين في الليله دي
_ مش عارفه يا ماما والله
نظرت الي امجد وهتفت :
ايه يا حبيبي وبعدين ؟!
نهض امجد من مكانه وهتف الي نيره :
تمام بلاش تمشي اطلعي فوق هتلاقي اوضه ريم اقعدي فيها حلو كده ؟!
_ انت بتقول ايه يا امجد !!
قالتها والدته بانفعال ليقول هر :
ايه يا ماما عايز اتنيل اتزف
هتفت نيره :
القصر ده كله وفي الاخر اقعد في اوضه ريم ؟! لا انا عايزه اختار اوضه علي مزاجي
_ اختاري يا ستي الي يريحك بس عدي الليله
ليقول مراد :
البت دي مش هتقعد هنا
صاحت به نيره :
لا هقعد وهاخد اوضه وتبقي بتاعتي
اقترب منه والد ميار وهتف هامسآ:
معلش يا مراد مشيها الليله دي وبعدين ابقي اتصرف
وكلآ من فادي وسليم يراقبون نيره بصمت ..
يلا Good night هروح بقي اختارلي اي اوضه من القصر ده
قالتها وهي تلوح لهما ثم صعدت الدرج ليقول مراد بغضب الي شريف ;
شايف ؟!
_ هي الي صمتت تيجي معانا مكنتش اعرف انها ناويه علي كده
قالها شريف وهو يبرر موقف ليقول مراد :
ماهي لو كانت علي ذمه ابنك مكنتش قدرت تعمل كده
_ هو انا مش هتزف في ام الليله دي ولا ايه ؟!
قالها امجد بضيق واضح