رواية : قاتلي المتأجر
البارت: الرابع عشر
بقلم: نادية ستارز
عند إكس
إكس ينظر في جميع أنحاء الكوخين ولا يجد جين لينظر بجانب سريره وجد شاحن على الأرض
إكس: أيه إلي جاب الشاحن على الأرض ودا ميناسبش الموبايل إلي معايا لينادي على جين ولم يتلقى رد ليذهب إلي كوخها وجد على سريرها الصندوق سيقترب منه ولكن
عند جين
يأتيها صوت بنت من أمامها و حاملة لمسدس
أنتِ مين و بتعملي أيه هنا
جين: أنا مخطوفة و إلي خاطفني واحد أسمه إكس و معاه صاحبه هناك متأجر من موقع T.k.m أنا معاكي مش معاه
البنت: تعالي معايا دا أنتِ ليلك أسود
جين: طب ما الليل بيكون لونه أسود
البنت و كانت وسن تمسك إيديها الأتنين و تحطها ورا ضهرها وتمسك جين وتمشي بيها لحد أدام الكوخ
جين: هو أنتِ ماسكة حرامي و خايفة ليهرب ما تقوليلي أنتِ تبع مين و أنا هساعدك تيجي نهرب أنا وأنتِ بس تجبيلي شوكولاتة الأول الغالية من أم عشرين جنية متسترخسيش أو بيبسي دايت علشان متخنش أيدا أنتِ بتسيبي أيدي ليه وجعتك صح أمسكها معاكي أو أشيل معاكي حاجة الناس لبعضها أمامها في مدونةكرنفال الرويات كل ما هوا حصري وجديد فقط ابحث من.جوجل باسم مدونة كرنفال الروايات واسم الرواية اللتي ترغب في قراتها
وسن بزعيق: كفاية أنتِ لو قنبلة وأنفجرت مش هتنفجر كدا لسانك متعبش من الكلام عضلات بقك متعبتش يا كااااابوني الحقناااي
يأتي كابوني سريعاً على صوت وسن
وإكس سيقترب من الصندوق ولكن توقف عند سماع صوت وسن ليخرج إليها
إكس: في أيه يا وسن بتزعقي ليه و يوجهه كلامة لجين و بزعيق و أنتِ كنتي فين
جين: أنا كنت دلوقتي هتعصب وهزعق بس نوعيتك ميجيش معاها غير البرود وأقتنع إني واحدة شخصيتها مستفزة و بارده يا إكس عدي أيامك و وطي نبرة صوتك
إكس بصوت عالي: مش هوطيها يا جين
جين ببرود: كدا في حلين يا أما أنا إلي نبرتي إلي تعلى ليك و بصراحة مليش مزاج مش بحب أرهق أحبالي الصوتية زي ناس كدا والحل التاني أن نبرة صوتك هي إلي تنزلي ودا الحل الأفضل
كابوني: أنا أوافق رأي جين
جين بتساؤل: و بشدة
كابوني: مش فاهمك
جين: يعني موافق رأيي عادي كدا و خلاص ولا وبشدة وبتأكد عليه
إكس لكابوني: مش خلصت إلي جاي علشانة بالسلامة أنت ونزلي حاجتي من العربية
وسن: أنت هتسيبها معاك في مكان واحد أزاي يا إكس دي ملهاش أمان
إكس: هو مش أنا لسه حارجك من شوية وقايلك خليكي في حالك متدخليش و تحرجي نفسك
وسن بإحراج: كابوني أنا هسبقك على العربية و تغادر المكان
جين: أنت واحد قلبه قاسي كدا تحرجها قدامنا
كابوني: أوافقك الرأي
جين: و بأيه
كابوني: و بشدة
جين: شاطر متنساش بعد كدا الكلمة دي شكلنا هنعمر مع بعض مش زي ناس كدا مش عارفين نتقبل نبرة صوت بعض
إكس: ممشتش ليه ولا أهينك قدام الناس و يكمل بتريقة إلي مش عارفين نتقبل نبرة صوت بعض
جين: أنا هشهدك يا أستاذ
كابوني: أسمي كابوني
جين: أسم مقرف زي صاحبه بس ماشي هعديها هي جات على الأسم مش مهم يرضيك يا أستاذ كوباية في الرايحة و الجاية يضايقني و يقرفني و ينرفزي و يعصبني و أيه تاني فكر معايا و هو مشى راح فين
كابوني: ممكن راح يقتلني
جين: هيقتلك لاسلكي أنا مش طيقاك من أخر مرة أنتم الرجالة كدا منك لله حسبي الله و نعم الوكيل فيك بتمشي ورا بنت غلبانة و طيبة ملهاش لا حبيب و لا قريب و لا غريب و لا بعيد دا أنا طول حياتي. عايشة في حالي حتى جاري صباح الخير يا جاري أنت في حالك و أنا في حالي و في تيجي أنت و تمشي ورايا علشان تخطفني أنت بتلف ضهرك ليه طب بتمشي ليه ماشي ورايح فين أنا لسة مخلصتش كلام
كابوني: البحر عندك و الأسماك أشكيلهم همومك
جين: مش هعطلهم علشان لو في سمكة عندها حالة ولادة تنضيف غسيل و تحدث نفسها هو مشى بسرعة ليه كدا زهق مني ولا يكونش زهق مني هو أنا لو أستخبيت في شنطة العربية حهرب ولا حد هياخد باله و أتقفش مهو مش دي المشكلة لو أتقفشت المشكلة ردت فعله هتبقى أيه
تمشي جين حتى توصل بالقرب منهم وتسمع حديثهم و كان
_____________________________
عند ليث
ليث: دول عدو من جمب العربية عادي أزاي
ولكن فجأه يجدو من يفتح الباب الخلفي
عنود تخبي السلاح: في أيه أنتم مين
الشخص: افتحو شنطة العربية
ليث: أنت مين ياض و عايز أيه دا أنا أحبسك أنا ليث ض
عنود: معلش متخدش على كلامة أصل أنا كنت رايحة أودية المصحة فدا التأثير
ليث: أنتِ طلعتيني مدمن أدام الراجل دلوقتي بطلعيني مدمن بكرة تطلعيني مجنون
عنود:أخرص بقى أسكت وتوجهه كلامها للراجل: أمسحها فيَّ المرة دي بس مشينا بسرعة علشان أخر سرير في المصحة ميتخدش وتقول بحزن و أعيش أنا وأبني إلي في أحشائي
ليث: إلي في يا أختي
عنود: أحشائي
ليث: ليه أنتِ عصفورة و أنا معرفش
عنود: ملهاش علاقة يا جاهل ممكن تخليني أكمل
الشخص: باااس أفتحي الشنطة و من غير أي كلام حد قالكم إني فاضي أسمع مشاكلكم العائلية
تفتح عنود الشنطة
الشخص يتفحص الشنطة ولا يجد بها شئ : أمشو و متعدوش من الشارع دا تاني
عنود: حاضر بس أنتو و قفتنا ليه و بدورو على مين
الشخص: مش شغلك أمشي بسرعة يلا
تسوق عنود بسرعة كبيرة
ليث: أهدي هنعمل حادثة
عنود: لا هسرع حبة كمان ليكونو ورانا و أنت أتأكد أنه مفيش حد
ليث: مفيش مفيش حد يا قادرة
تقف عنود في جانب الطريق
ليث: وقفتي ليه
عنود: مزاجي و أتصل على حد من خنازيرك إلي أنت فرد منهم خليهم يعرفونا مكنهم و الموضوع يخلص وهيكون ليَّ تصرف تاني لأن أنت بأف مش بتعرف تتصرف و لا تعمل حاجة ملكش لازمة جيت معايا على الفاضي
ليث: أنا ساكتلك علشان أنتِ بنت و أنا راجل
عنود: تعديل للجملة أنا ساكتلك علشان أنتِ بنت و أنا عيل و بخاف منك علشان لو اللواء حسنين عرف هتنفخ و هترفد و هتهان
ليث: ربنا يسامحه هو إلي حايشني عنك غير كدا كنت
عنود: كنت أيه يلا قول قول ولا أقولك أستنى أتصل على اللواء وقول أدامه
ليث: لا متتصليش وفري رصيدك أنا هتصل بيه
عنود:أتصل
ليث: هتصل
عنود: و هو أنا قولت متتصلش أتصل
ليث: هخاف يعني يووه دي البطارية خلصت
عنود: طبعاً أومال مصدقاك طبعاً بأمارة الشاشة إلي بتنور وحد بيتصل عليك رد لتنكد عليك عيشتك أكتر ما هي
ليث بأستغراب: هي مين
عنود: خطيبتك
ليث: مش مخطوب
عنود بضحك: هي الولاد دلوقتي إلي بقت تتخطب مش بتخطب
ليث: مش بتضحك أوي كدا حد قالك إني أتخطبت قبل كدا
عنود: كمان أتخطبت مش خطبت متنساش تمسح أرقام أولاد خالك وعمتك علشان بتغير
ليث: طب أسكتي بقى علشان بكلم الظابط إلي معانا
عنود: العملية ناقصة مقتولين
ليث يكلم الظابط: أنتم فين
الظابط؛ بنطبع الصور
ليث: مش تاخد بالك يا حمار أننا مش وراك أفرض تم أغتيالنا كان هيبقى حلو
الظابط: عادي وجودكم مش مطلوب
عنود تأخذ التليفون: أنت منقول من بكرة مستغنيين عن خدماتك إلي ملهاش لازمة أدي التليفون لحد من العساكر
الظابط: أنتِ أزاي تت
عنود: حرف كمان و هتتنقل من دلوقتي مفكرني محترمة دا أنا أعلقك على مسمار خشب يااض
ليعطي الظابط التليفون لأحد العساكر
عنود:الو مش بتكلم أنا
العسكري: معاكي يا فندم
عنود: عشر دقايق وتكونوا خلصتو و تيجو على العنوان إلي كنتم فيه الصبح خمستاشر دقيقة وتكونوا موجودين أي تأخير بالخرسانة و على أيدكم مفهوم
العسكري: حاضر يا حضرة الظابط
عنود تغلق الخط : عكرولي مزاجي الجزم
ليث: يلا نروح السكة هتاخد نص ساعة أقل حاجة
عنود: براحتي و كلملنا أشخاص مختصين في هدم المباني
ليث: ماشي أطلعي بقى على المكان
بعد نص ساعة
كانو الكل أمام المبنى التي كانت تسكن فيه جين
ذراع الوصول العالي هيبدأ شغله ولكن أستوقفه اللواء
_____________________________
عند الضبع
عندما وصل وجد الشرطة أمام منزله
الضبع: أيه دادادا الحكومة أدام بيتي ليه
ليذهب إلي أحد الضباط
الضبع: خير يا باشا في أيه
المحامي فاروق: أنا هقولك أصل البيت بقى ملكي و أنا بعته لناس الصبح وعايزين يستلمو البيت يلا برا البيت
الضبع: ماشي يا فاروق لينا مكان تاني نتحاسب فيه أدوني وقت نلم فيهم حاجتنا
الضابط: ربع ساعة كفاية أنا هسيب عسكري على الباب لو لقيتك أتأخرت هاخدك أنت
الضبع: ماااشي
الضبع بصوت منخفض حتى لا يسمعه العسكري: بصو يا عيال عايزكم تبوظو البيت بس بهدوء شخبطو على الحيطان أكسرو شوية حاجات وخلي في أزاز على الأرض
الطفل: هناخد كام على كل دا
الضبع: كل واحد هديله خمسسسسسسة جنية
الطفل: لا مينفعش خمسة عايزين عشرة
الضبع: موافق بس أكسرو بصوت واطي مطلعوش صوت
الأطفال يبدأو بالرسم على الحيطان و كسر الأطباق و نثرها على الأرض
الضبع: خلصتو
الأطفال: لقد أنتهينا يا أبانا
الضبع: أنتِ يا ست تعالي شوفي عيالك بيقولو أيه
مراته: جاية أيه الدنيا مطارتش عيني عليكي يا بهيرة جوازة منيلة
الضبع: خلاص بقى بلاش قرف أخدتي كل حاجة
بهيرة: أه و أخدت المُر و القرف و الهم معايا
الضبع: يلا خلينا نمشي من البيت المشؤوم دا
بهيرة: يلا هو أنت مش فالح غير في يلا نمشي يلا نيجي يلا ننقل البيت يلا البسي
الضبع:ولية لسانها فالت منها
يخرجو من المنزل يجدو فاروق أمامهم
الضبع: طب روحي أنتِ و العيال البيت و أنا هبقى أجي وراكم
بهيرة بسخرية: أوامرك يا معلم و يغادرو إلي منزلهم و يغادر العسكري
الضبع: غدرت بيَّ يا فاروق
فاروق: أنت إلي ملكش أمان
الضبع: ماشي الدنيا دوارة
فاروق: هدور من اليمين ولا من الشمال
الضبع: من فوق لتحت و يغادر هو الأخر
فاروق للشقة: كان نفسي أدخلك بس خلاص قبضت تمنك و يذهب إلي مكتبة
الضبع ذهب إلي بيته يحاول أن يفتح الباب لا يفتح ليحاول مراراً وتكراراً ولكن بدون جدوى لحد ما .
_________________________
عند أحلام
أحلام:يالهوي يالهوي ماتت دي ولا أيه لتنزل إلي مستواها
و في هذا الوقت يدخل الحارس و الطبيب
أحلام تقوم بتوتر و بخوف: والله معملتلها حاجة المنديل أهو هناك و تشاور تجاهه كانت عايزة تخطفني وكنت بقوامها
الدكتور يذهب تجاها ويفحص النبض: النبض موجود متخافيش كدا
الحارس: الست إلي في أيدي دمها هيتصفى
الدكتور: حطها على السرير و حل عني
أحلام تنظر إليها وقلبها
يدق بشدة ويأتي إليها شعور بأنها تعرفها ولكن لا.
تستطيع التعرف عليها بسبب الدم
الحارس: عالج الست الأول وسيبك من إلي في الأرض الست إلي معايا باين عليها بقالها فترة
الدكتور: أنت مش هتعلمني شغلي أطلع برا أنت و هي
أحلام: ماشي ماشي هطلع بس هي هتبقى كويسة صح
الدكتور: متخافيش هي عايشة مش هيحصلها حاجة مجرد جرح في رأسها ممكن تطلعو برا ولا أسيب الأتنين يموتو
يخرجو الأثنان من الغرفة و أحلام تنتظره أمام الباب
أحلام في داخلها : عندي أحساس كبير إني أعرف الست إلي جوا دي بس هي مين و أزاي عملت حادثة لتنظر تجد الحارس
أحلام: هي طنط إلي جوا جات أزاي و بسبب أيه
الحارس: و أنتِ عايزة تعرفي ليه
أحلام: فضول
الحارس: الأستاذ ملحم خبطها و أخدها علشان يعالجها
أحلام: ماشي شكراً تقدر تروح
الحارس: لا أزاي لازم أخليني أحتاجتي حاجة كدا أو كدا أنا موجود
أحلام: مش هحتاج
الحارس: أنتِ الخسرانة و يذهب إلي عمله
أحلام: الدكتور اتأخر و أنا قلقت طب حصلهم أيه هو أه أتمنى سارة تموت بس مش بسببي و أفضل حاسة بالذنب بسببها
بعد وقت
يخرج الطبيب و يقول
__________________________
عند ملحم
التفت ليطلع
+نورت الغرفة المظلمة
ملحم يوجهه الكشاف على الشخص وينصدم من هذا الشخص
ملحم بصدمة ويخفي الورق خلف ضهره سريعاً: إيوان جيت أمتى و أزاي
إيوان: جيت دلوقتي و بالنسبة لأزاي زي ما قولتلك مع هوشع نسيت ولا أيه
ملحم: نورت لبنان
إيوان: بنورك دا أنت نورت الغرفة المظلمة إلي محدش بيعرف يوصلها غيري ولا يفتح الباب غيري أحييك بس في سؤالين دخلتها ليه و عرفت طريقها أزاي
ملحم: أنا هقولك
إيوان: قول
ملحم: كنت باخد لفة في القصر
إيوان: حلو كمل
ملحم:فلقيتها صدفة
إيوان: جميل
ملحم: حبيتها ودخلتها
إيوان: حلو أوي أيه إلي ورا ضهرك بقى
ملحم: ولا أي حاجة.
إيوان: أكيد
ملحم: عيب عليك ثق فيَّ
إيوان: طبعاً بثق لو موثقوكش فيك هتق في مين
ملحم: ربنا يخليك حقيقي أنت أخويا
إيوان : و أنت أكتر منه يلا نخرج من هنا
ملحم : أه طبعاً يلا نخرج أكيد
إيوان: أنا هخرج الأول علشان أطلعك
ملحم: ماشي
إيوان طلع هو الأول
و جاب قفل من معاه بسرعة قفل الباب على ملحم
إيوان: حب الأوضة براحتك ويغلق الباب يذهب إلي غرفته
ملحم: بقى كدا و أنا إلي وثقت فيك هلاقي منين طريقة للخروج و أحلام لو لقاها هبقى أقرا لها الفاتحة وأثناء حديثه مع نفسه الموبايل يقع منها و الكشاف أضائتة توجهه ح يجد قطرات دماء على الأرض ذهب تجاها ولكن هوشع يفتح الباب بقوة و يستوقفه
_____________________
عند مريم
الرسام: هي دي الصورة
مريم تمسكها بصدمة و تطلع إلي الصورة و تقول هي و الله هي عرفت تعملها أزاي أيديك تتلف في حرير
الرسام: أقل حاجة عندي فلوسي فين
مريم: معايا مش هاكل حقك أكيد أتفضل فلوسك مفيش مطبعة قريبة
الرسام: في طبعاُ أول الشارع كل حاجة هتلاقيها عنده
مريم: تشكر و تذهب إلي المطبعة
مريم تلقي السلام
مريم: لو سمحت كنت عايزة أطبع حوالي متين صورة
الشخص: سيبيها و تعالي بعد نص ساعة خديهم
مريم: متتأخرش علشان متأخرنيش على البيت
الشخص: أنا مالي يا مدام لو مستعجلة جوزك مجاش ليه متقرفوناش بقى
مريم؛ أنا أسفة ياعمو خد الصورة هشتري أكل و حاجات تكوني خلصت نص ساعة كويس يبقو كويسين
في الجانب الأخر عند إنتصار
تكلم شخص في الهاتف
إنتصار: يعني هي بعد ما رسمته راحت المطبعة
الشخص: أه
إنتصار: خليك ماشي وراها متسبهاش أديني كل حاجة بتعملها و تغلق الخط
إنتصار في سرها: ماشي يا مريم أصبري عليا بقى عايزة تاخدي الآثار كلها لوحدك لو شممتك جنبة ميبقاش أسمي إنتصار
__________________________
عند جين
كابوني لوكس : أنت ممكن تقتل و تسرق كل حاجة في الحياة وتتكلم مع جين هتخليك معندكش ولا سيئة كلهم حسنات يا أما هتخليك تكفر وتبقى سفاح
جين في سرها: الكوباية البلاستيك بعد ما آمنته على أسراري وكلامي بيتريق عليا فعلاً الكوبايات مينفعش حد يآمنلها هتسيح لو جات عليها مياة مغلية وهو مغلي و محروق مني علشان أنا أحلى منه
إكس لكابوني: نزل حاجتي على الأرض و مشوفش وشك هنا تاني تجيلي بكرة علشان ورايا مهمة
كابوني: مش أنت بتطردني وريني مين هيوديك
إكس: متبقاش هي بتعلي ضغطي وأنت بتوطي ضربات قلبي خلي حاجة تشيل حاجة
كابوني: من أعمالك السودا ربنا رزقك بينا
إكس: أنا لو هتوب فهتوب علشان عرفتكم
جين في سرها: بقى كدا والله هظهرلهم و أنا في الضلمة و يفتكروني عفريتة و يغم عليهم وكدا هعرف أهرب خطة في غاية الذكاء يا جين بحييكي على ذكائك أنحيت لكِ القبعة
إكس أثناء حديثة مع كابوني يلمح رجل جين ليبتسم بخبث
إكس: أنا بفكر قبل ما أسلمها نعمل عليها شوية أختبارات تعذيب مثلاً ننقعها في بوتاس يوم و نشوف تأثيرها على الجلد البشري أو الحيواني أيهما أقرب مثلاً أقطع رجليها الشمال أو الأتنين و نشوف تجربة بسيطة هتعرف تمشي على أيديها ولا لا أو فكرة تانية نقطع أيدها و رجلها
تبلع جين ريقها بخوف و تتوتر و تحاول تجد مكان للهروب ولم تجد ولا تعلم ما هو الطريق الذي أتى منه كابوني
جين في سرها: أنا في مكان لا فيه بداية ولا فيه نهاية ولا حتى مخرج دا حتى مفيش سفينة عدت معقول يعمل فيَّ كدا يا صغيرة يا جين على القطع و النقع بس أنا أستاهل خلي مغامراتي تنفعني
كابوني: أيه الشر إلي بيطلع منك دا أكيد لا أنا بكلمك أنت مش مركز معايا ليه لينظر في الأتجاة الذي ينظر إليه إكس يجد جين
كابوني بصوت منخفض: هي كدا كنت قولي أخس عليك كابوك زعل منك
إكس بنفس الصوت: كابوك تحسها جاية من تابوت فأسكت بدل أحطك في تابوت و أخلص منك
كابوني: لو أهون تعيش من غيري دقيقة أعملها و ينظر في ساعته أنا اتأخرت لازم أمشي
إكس: وراك غسيل مواعين
كابوني: تسليم أهم صفقة سلاح عندي
إكس: وطي صوتك وسن لسة معرفتش عرفها
كابوني: أحتمال تكون عارفة سلام و خف على البنت هي مش قدك
إكس: هي وسن عدتك طب سلام
و ذهب تجاة جين دون أن تنتبه و كانت جين شاردة لما يخطط إكس لها ولم تنتبه لوجودة
إكس: جين يا أستاذة يا لكاكة أفوقها أزاي دي لو سرحانة في حرف أبداعية للهروب من الخاطف في خمس دقايق مش هتبقي سرحانة كدا
يدور على طوبة صغيرة يجدها أسفل جين
وطى و لسه هيجيبها يلاقي جين صرخت