رواية: قاتلي المتأجر
البارت: الخامس عشر
بقلم: نادية ستارز
عند جين
إكس وطى و لسه هيجيب الطوبة يلاقي جين صرخت يقوم بسرعة
إكس: بتصوتي ليه
جيت بغضب: أنت بتوطي علشان تشيلني و ترميني في البحر
و أنا مبعرفش أعوم و أموت صح مش هسمحلك تعمل كدا هاخدك معايا في بطن السمكة
و تموت معايا أنا مش هموت لوحدي و أنت تعيش حياتك عادي و جين الطيبة الغلبانة
تبقى بتتحاسب عند ربها مش هسمحح بدا يحصل أبداً يا نعيش عيشة فل يا نموت أحنا الكل
إكس: أحنا نسيب الموضوع دا و نركز على أهم حاجة و أنتِ بتتكلمي بتعرفي أزاي متخديش نفسك بتقولي الكلام كله مرة واحدة البني آدمين الطبيعين بيتعبو من الكلام الكتير لكن أنتِ اللهم لا حسد مش عايز أحمد خالص مبتخديش نفسك
جين: البخور فين بسرعة و شغل الرقية الشرعية علشان الحسد أنت عينك جامدة و تحسدني
إكس: غوري على كوخك
جين: غور أنت أنا مش هغور في حتة أنت غاير فيها لتغيرني في أي مكان محدش يعرف يغور يوصلي تاني و أنا مش واخدة بالي وتستغل طيبتي و أدبي و تعذبني قبل ما تقتلني
إكس: روحي نامي نوم الظالم عبادة
جين: حلو علشان كدا أعتكف علي النوم متسبهوش أبداً و حل عني سيبني أنا أعمل تأمل يهدي أعصابي المتلوفة
إكس بضحك: متلوفة ولا مألوفة
جين: أولاً وحشة جداً ثانياً فين هيبة الخاطف أنت المفروض يكون ليك هيبة و شخصية كدا أشوفك أخاف منك أقولك بالله عليك يا حضرة الخاطف متقتلنيش مش هعمل كدا تاني ٢و دا مستحيل يحصل ثالثاً ضحكتك حلوة أوي بتستخدم أيه علشان سنانك تبقى بيضاء كدا دي ناصعة البياض أبيض من حياتي
إكس: أنا شخص أبيض من جوايا فالشخص كل ما بيبيض من جواه بيتملى فالبياض دا مش هيروح على الأرض بيطلع بعدها على برا زي سنانك أو وشك
جين: ما شاء الله ربنا يحميك لشيخوختك و لذكائك
إكس: شيخوخة أيه مش علشان أنتِ طفلة و عاملة شعرك ضفرتين فتكبريني أنا صغير و البنات واقفين طوابير علشان أبص لواحدة منهم وأقولها عاملة أيه بس أنا إلي مش فاضي
جين: أكيد طابور عيش و أصلاً مين يبصلك مفيش حد أكيد و بعدين الضفرتين مش عاجبينك في أيه أنت عارف أنا أخدت وقت فيهم أد أيه علشان أعملهم
إكس: دقيقة
جين: سبعتاشر دقيقة
إكس: بجد أنتو البنات بتتعبو
جين: متتريقش عليا علشان معيطش
إكس: الجو بدأ يسقع
جين: يلا ندخل عيني عليكي يا جين يالي معندكيش هدوم تلبسيها ولا تدفي بيها
إكس و هو يمشي : كفاية صياح الصياح وصل لأخر المكان وسن كان معاها لبس و أنا أخدت منها كام حاجة ليكي
جين تمشي وراه: أنت سريع في المشي ليه كدا أستنى في بهيمة وراك متعرفش المكان و بعدين ثانية نععععم لا طبعاً وسن أيه و مين دي إلي البس منها أنا جين هانم البس من الجربوعة دي مستحيل طبعاً و أنت مش شايف جسمها دا دا وسطها قد أيه مش لاقية مثال مفيش وسط دي رقبتي أتخن من وسطها نسيبنا من الوسط رجليها أرفع من البططساية المحمرة يارب ربع جسمها و أنا حياتي هتبقى أحسن بكتير ههحس أنا فعلاً بالتغيير
إكس: منك لله يا وسن يارب تطخني أو تطخي بالنار و أرتاح بسببك دماغي صدعت زيادة
جين: بمناسبة النار تعلالي كدا علشان لما أضايقك و أعصبك أنت أزاي لما هي رفعت مسدسها في وشي متزعقلهاش وزعقتلي ملكش نومة في الكوخ علشان تخرج منه و أنت بتزعقلي نام على شاطئ البحر
إكس يدلف إلي الكوخ : الكوخ كوخي نامي أنتِ على الشاطئ بس لما كلب البحر يطلعلك يعضك متعيطيش أو صرصار البحر يطلع يطير عليكي متصوتيش أو فار البحر لما يفجعك متناديش عليا تمام
جين تلاحقه: هو أصلاً في نوع أسمه فار البحر جبته منين دا
إكس: أيدا هو مفيش لا لا في أكيد دا في كلب و صرصار و أخطبوط يبقى أكيد في فار البحر متفوليش في وشي
جين: مفيش لأني مش راضية عنك تيجي نجرب الصيد
إكس: حاجة ملل و ملهاش لازمة هفضل واقف مستني على أمل سمكة حلوة مختلفة تطلع وتعوضني عن وقتي إلي راح و في الأخر سمكة أو أتنين صغيرين مش كبار
جين: أنت فيك أيه كل كلامك سلبي معايا ليه خليك متفائل و أيجابي مش كدا جربت الصيد قبل كدا
إكس يخرج من الكوخ و يقف أمام البحر : لا
جين تطلع خلفه : أنت كل شوية تمشي و تسيبني وفي الأخر أنا أجي وراك تعبت و أقولك على حاجة
إكس: لا متقوليش صدعت منك
جين: و أنا كمان مجربتش الصيد قبل كدا يبقى يلا نجرب أكيد إلي باعتينك ليَّ حاطين أدوات الصيد يعني كوخ لطيف و بحر أكيد موجود أدوات صيد يلا بينا ندور أنت مبحلق فيَّ ليه كدا مش بكلمك أنا هو أنت بترسمني علشان تفضل مركز كدا أنا بتحرج يا عم مش كدا
إكس يبعد نظره عنها: أنا مش مبحلق ولا أعرف شكلك أصلاً دوري أنتِ مش هرهق صحتي على حاجة مش حاببها
جين: متعرفش شكلي أصلاً ماشي ماشي هعديها علشان متتكسف و تتحرج مني أصلاً أنا أحلى من البدر ليلة أكتماله ليك حق تبحلق فيَّ و أصلاً أصلاً أنت هتحب الصيد تدري ليش لأني قولت أنك هتحبها فهتحبها
إكس: الجو بدأ يبرد تعالي ندخل
جين: خايف عليا لأخد دور برد و محدش قالك تلبس نص كم روح أستر نفسك يعني الصبح تكفنلي نفسك بالأسود و دلوقتي لابس اللون البمبه وحالتي حالة و روح يا عم منك لله دا أنت أيدك أنعم و أحلى من أيدي
إكس: دخلتي مستشفي المجانين قبل كدا
جين: أه
إكس: أحلفي
جين: والله
إكس: ليه و أزاي
جين: أسمع يا أخ
__________________
عند ليث و عنود
أمام مبنى جين
ذراع الوصول العالي هيبدأ شغله ولكن أستوقفه اللواء
اللواء ينزل من عربيته بسرعة ويقف أمام السائق يدوس السائق فرامل
يذهب إليه ليث و عنود
عنود: فيه أيه يا فندم بتوقف ليه الراجل
اللواء: أيه إلي كنتم هتهببوه دا
عنود: هنهد عماراتة الغير شرعية دي مبنية مخالف يا فندم مخالف دي كدا إهانة للشرطة و الحكومة المصرية و ليك
ليث: أسكتي أنتِ يا حريقة خليني أتكلم و يوجهه كلامه للواء
في حاجة يا حسين بيه ليه معطل شغلنا
اللواء:هتهدمو العمارة و الناس إلي فيها
عنود: بلغناهم و قولنلهم و هما مشيو من غير مقاومة و البيت دلوقتي خالي من الناس
اللواء: أنتو يا حمير متعرفوش مين إلي ساكن في العمارة
عنود: مين يعني عم صبحي بتاع السوبيا ولا مين يعني
اللواء: مساعد وزير الداخلية يا أغبية
ليث: روحنا في داهية و أترفدت من شغلي و في الأخر هبيع أنا السوبيا بسببك يا مفترية أدعي عليكي بأيه بس أتشردت أنا و أمي مش هنلاقي ناكل بعد كدا هشتغل بواب في العمارة إلي ساكن فيها بسببك بعد ما كنت ظابط قولتلك بلاش الخطة و لكن أزاي لازم تأذيني في شغلي مين إلي باعتك ليَّ يابنت أنتِ أنطقي
اللواء: أنت شغال نواح و صوات ليه متقلقش عندي ليك وظيفة مضمونة
ليث: بجد يا فندم أيه هي
اللواء: هخليك أنت إلي تعمل الشاي و القهوه و تجبهم لا داعي للشكر
عنود: طب و أنا
ليث: بيعي مناديل أدام القسم
اللواء: أنا لحد دلوقتي معرفش هيعمل معاكم أيه بس إلي أعرفه أنه ولا أنا هنسيبكم على العملة دي
عنود: طب و حضرتك أيه علاقتك
اللواء: لأن الأذي عليا ما أنا مفضلش أكبر و أكبر السنين إلي فاتت و أفضل محافظ على منصبي علشان ييجو ولاد أمبارح أتحاسب على غلطهم
ليث: الخطة خطتها أنا مالي
اللواء: مضربتهاش على أيدها و قولتلها كدا كخة ليه يا عاقل بطاوعها ليه
عنود: غبي و حمار معرفش بصراحة عمل ليه كدا أييييه لا طبعاً أنا خطتي ناجحة جداً لولا حضرتك إلي جيت و بوظت كل حاجة مطلعوش فشلكم عليا تاني و الخطة هتكمل مش هاممني حد
اللواء: العناد مش بالطريقة دي و أنا هنا الكبير و القرار ليَّ أخلو المكان
عنود: مش هيحصل و أنا مش عنيدة دي أسلوبي و دي طريقتي و دي حياتي و تذهب إلي السائق
عنود: شوف شغلك واقف ليه
السائق: بس الباشا وقفني
عنود: هو أنا إلي جيباك ولا الباشا أتنيل شوف شغلك
السائق: بس أ
عنود: مفيش بس شوف شغلك
اللواء: دا أول يوم ليكي و شكله هيبقى أخر يوم
عنود: طيب طيب نبقى نشوف الموضوع دا بعد ما أهدم العمارة دي بالذات
ليث: أتفضل يا فندم أنت و أنا هحل الموضوع
اللواء: أنت تحل دا أنت موكوس و منيل على عينك هي والدتك عاملة أيه سلملي عليها
ليث: حضرتك أحنا في أيه ولا في أيه أيه جاب سيرة والدتي
اللواء: أصل أمك صاروخ
ليث: نعم
اللواء: قصدي أنت بتزعقلي أنا ماشي من وشكم و مفيش هدم بيوت
عنود: أيه مفيش دي لا فيه هدم بيوت و لو وصلت إني أنا إلي أهدم هعمل كدا
اللواء: هقبض عليكي بسبب قلة أدبك دي
عنود: أعملها لو تقدر لكن طبعاً مش هتقدر و أظن عارف السبب
اللواء: و أنت عامل أيه يا ليث يا أبني مش يلا نمشي و مشو الراجل إلي واقف أدام البيت دي مجنونة توقعه و تهدم هيه البيت
عنود: بعد أذن حضرتك متشتمش أتفضل أنت و ثق فيَّ ثقة عمياء
اللواء: أتنين ملهمش أمان
ليث: الفرامل و الستات صح
اللواء: لا ليث و عنود أنت تثق في الفرامل و الستات و عنود وأنت لا
عنود: طب ما أنا من ستات يبقى كدا ثق فيَّ
ليث: هي فين الستات دي لا أنتِ فاهمة الموضوع غلط
عنود: بص حضرتك بيقول ايه هسيب حقي لربنا و أنتو دلوقتي روحو على عربيتكم علشان متتبهدلوش من التراب و أنا مش هتأخر ههدم الكام عمارة و جاية على طول
وأثناء حديثهم يسمعو صوت أرتطام مبنى.
عنود تنظر بصدمة: يالهوي يالهوي روحت في داهية و أترفدت
____________________________
عند الضبع
يحاول أن يفتح الباب لا يفتح ليحاول مراراً وتكراراً ولكن بدون جدوى لحد ما تظهر بهيرة من ورا الباب
بهيرة: عامل أزعاج ليه يا راجل مش عارفة أتفرج على الفيلم
ضبع: الباب مش بيفتح بالمفتاح ليه يا إنتصار
بهيرة: إنتصار لا غلطت في العنوان أنت هنا أدام بيت بهيرة أتذللي مش هدخلك كدا بالساهل
ضبع: أقصري الشر و أفتحي الباب يا بهيرة
بهيرة: أيديا وجعاني مش قادرة أفتح الباب هعملها كمادات يمكن تفك و بعدها لو أفتكرتك هبقى أفتحلك و آه متتعبش نفسك الباب مش هيفتح غيرتها زي مع هغير ناس كدا
ضبع: ماشي يا بهيرة أعملي إلي أنتِ عيزاه
بهيرة: طبعاً أومال إلي أنت عايزة أصبر عليا لو مكنتش أدبتك وعلمتك الأدب ميبقاش أسمي بهيرة
ضبع: أتحامي في الباب أتحامي دا أخرك الباب و هدخل البيت و وريني مين هيمنعني
بهيرة: تسك الباب و تجمع أطفالها
بهيرة: أنا سكيت الباب إلي هيفكر ياخد المفتاح في وقت و يفتحه أو يكلم الراجل إلي برا دا هيضرب واحد و عشرين عصاية مفهوم
الأطفال: حاضر
بهيرة: مش سامعة علو صوتكم
الأطفال: حاااااضر
ضبع: يعني كدا هبات في الجزارة وسط اللحمة و القرف عوضي عليك يارب في شفتي إلي راحت مني دي لو إنتصار عرفت هتقلب الدنيا فوق دماغي أعمل أيه بس يارب الاقيها منين ولا منين و يذهب إلي محل الجزارة
الضبع يدخل المحل و ينادي على الشخص إلي شغال فيه
الضبع: تعالى هنا ياض عملتو فلوس أد أيه النهاردة
العامل: مش كتير يا معلم من وقت ما غلينا اللحمة و محدش بقى بيشتري من عندنا
الضبع: أنجر هات الفلوس
العامل يحضر الفلوس و يأتي إليه
الضبع: كام دول ياض
العامل: متين خمسة و سبعين يا معلم
الضبع: أيوه فين الفلوس ياض بتاعت اليوم كله
العامل: معاك يا معلم في أيدك أهي
الضبع يمسكه من هدومه : أنت حرامي و سارقني متين خمسة و سبعين أيه إلي عملناهم طول اليوم طلع الفلوس
العامل: والله مسرقت حاجة كل حاجة أدامك و بالفواتير
الضبع: أنجر هاتلي عصير تفاح من السوبر ماركت ضغطي وطى بسببك و ريقي نشف
العامل: أوامرك يا معلم و يغادر العامل
الضبع يجلس على أحد الكراسي
الضبع: برضه أنا المعلم مش أي حد ليَّ هيبة في المنطقة الكل بيخاف مني
ليدلف مجموعة من الظباط و العساكر و معهم طبيب إلي المحل
الضبع ينهض بخضة : في حاجة يا باشا ولا أيه
الظابط للطبيب: شوف شغلك
الطبيب: أفتح التلاجة
الضبع: حاضر طبعاً ليفتح الضبع الباب
الطبيب بعد أن فحص اللحمة: اللحمة دي أنت بتبيعها
الضبع: أيوة يا حضرة الدكتور الفلك كيلو المدام تعمله ليك يستاهل بقك
الطبيب الظابط: اللحمة دي لحمة فاسدة و مدبوحة بطريقة غير شرعية و الختم إلي عليها مزور
الضبع: يخربيتك يا ضبع
__________________________
عند ملحم
هوشع يفتح الباب بقوة و يستوقفه
هوشع: أقف عندك لا تتحرك
ملحم يذهب إليه: أهلاً الموضوع ناقص يه*ود
هوشع: و مالهم هل أنت بتتريق
ملحم: لا خالص بدعك سناني ويذهب إلي الدم مرة أخرى
هوشع: أقف عندك لا تتحرك قلت هذا قبل قليل
ملحم: لسانك يتعدل أنا مش في حصة لغة عربية فصحى
هوشع:أنا فتحت الباب يلا نخرج
ملحم: هشوف حاجة و أخرج أخرج أنت لو عايز
هوشع: ممكن إيوان ييجي تاني و وقتها مش هعرف أنقذك
ملحم: و أنت بتنقذني ليه من الأول
هوشع: كيفي كدا
ملحم: طب لف نفسك و أرجع مترح ما جيت
هوشع: رح نرجع سوا و بعدين هتعوز أيه من الدم دا
ملحم: المكان ضلمة عرفت أزاي
هوشع: دي مشاكل عائلية مش بحب أدخل فيها
ملحم: قصدك أن إيوان قتل مراتة
هوشع: معرفش يمكن
ملحم: خلاص متضيقيش
هوشع: يلا نطلع بدل ما نلاقي عفريتاها خارج من تحت رجلينا.
ملحم: لا مش عايز أخرج
هوشع:، إلي يريحك
ملحم: طبعاً أومال على راحتك أنت ما أكيد على راحتي
و يخرجو الأثنان من الغرفة.
هوشع يوديه أوضة: متخرجش من الأوضة دي خالص لحد ما أنا أجيلك
ملحم: بس ل
هوشع ميدلهوش فرصة للكلام و يخرج
ملحم: أعمل أيه دلوقتي و أحلام لو مسكوها هيعملو منها شاورما سوري أنا هخرج و أمري لله يارب يستر عليا دا أنا راجل وحيد و يفتح الباب بهدوء و ينظر في الجانبين و يخرج و يقفل الباب خلفه و يذهب تجاه غرفته يخبط و يدخل
يجد أحلام جالسة أمام الست تبكي
يذهب إليها ملحم سريعاً ويجلس أمامها
ملحم: في أيه بتعيطي ليه حد عملك حاجة
أحلام ببكاء: اتأخرت ليه
ملحم: أنا أسف
أحلام: أنا خايفة
ملحم: أنا جيت خلاص أهدي أحكيلي حصل أيه و بتعيطي ليه
أحلام: هحيكلك
Flash back
يخرج الطبيب و يقول
الطبيب: بالنسبة للست فدي جالها عمى و سارة جرح بسيط وهتفوق بعد كام ساعة
أحلام: بس العمى مش بالأحساس ولا سماعة بتكشف بيه فين الأشعة والتحاليل إلي هتثبت الكلام دا
الطبيب: أنتِ يعني هتعرفيني شغلي انا دكتور شاطر جداً أوي يعني المفروض من شطارتي مبقاش في المكان دا
أحلام: أنا عارفة والله و مقدرة المفروض يحطوك في معمل أبحاث سرية تجارب بقى و أختبارات أكيد عارفة طبعاً فار تجارب
الطبيب: أنتِ متستاهليش أن دكتور مشهور و حلو و قمر يقف معاكي زيي أنتِ تستاهلي فار
أحلام: علشان كدا أنا واقفة معاك
الطبيب يغادر بغضب
Back
ملحم: و أنتِ بتعيطي علشان أيه
أحلام بتوتر: الست دي صعبانة عليا بس
ملحم بشك: بس كدا
أحلام: أه بس كدا
ملحم:ماشي ويوجه نظره على جميع أنحاء الغرفة يجد سارة
يذهب تجاها
ملحم: أنتِ عملتي فيها أيه أنطقي
أحلام: ريح نفسك هتصحى بعد شوية مش دلوقتي
ملحم: أيه إلي حصلها
أحلام: كانت عايزة تخطفني خبطها دماغها أتفتحت عادي يعني ممتتش
ملحم: أنتِ باردة كدا أزاي كان ممكن تموت بسببك
أحلام: محدش قالها تيجي تخطف واحدة مفيش حاجة فارقلها في حياتها
ملحم:مستحيل سارة تعمل كدا
أحلام: المنديل عندك إلي فيه المخدر و تقدر تسألها بس مضيعيش وقتك هي هتنكر و مش بعيد تجيبها فيَّ
ملحم: سارة دي ملاك أكيد في حاجة غلط
أحلام: طبعا خلي بالك تدوس على جناحها دي ملاك
ملحم: إيوان وصل
أحلام: تعالى نروح نطمن على سلامته
ملحم: روحي أنتِ نعمممم لا برضو مش هتروحي في مكان و هتمشي من هنا يا أحلام أنا مش هقدر أحميكي
أحلام: و أنا مش عيزاك تحميني بس خليني هنا
ملحم: كام ساعة الكل ينام و هسفرك مصر مشوفش وشك هنا تاني
أحلام: لو مفضلتش هنا برضاك هبقى هنا غصب عنك
ملحم: أنا مبتهددش يا أحلام و أنتِ متفرقيش معايا أصلاً تعيشي ولا تموتي ولا يحصلك أي حاجة المهم عندي نفسي و لو حد عرف أنا إلي هتأذي فمتجبليش الأذى أكتر من كدا و يطلع ورقها من خلف ظهره
دا ورقك خليه معاكي علشان لما تنزلي مصر
أحلام: براحتك و برضو هعمل إلي أنا عيزاه لو مفضلتش هنا برضاك هفضل بطريقة محدش هيعرف يجبني منها
ملحم: البسي و تعالي
أحلام: ليه
ملحم: البسي و هتعرفي
أحلام: مش مطمنة بس ماشي
في هذا الوقت يكلم ملحم شخص .
بعد وقت
أحلام: أنا خلصت ممكن أعرف عايزني البس ليه
ملحم: سامحيني بس أنتِ مش هتيجي غير بالطريقة دي
و كان يملك المنديل قبل قليل و ذهب تجاه أحلام المتسغربة و خدرها
ملحم: أنا لو بتعارك مع كلب سعران مش هيجامني كدا
ليحملها و يفتح الباب و يتأكد بعدم وجود أي شخص و يذهب إلي أعلى القصر و كان يوجد طيارته و كان سيصعد ولكن أسوقفه صوت
=على فين كدا برضو كنت هتمشي من غيري
_____________________________
عند مريم
ترجع بعد نص ساعة إلي المحل
مريم: ها حضرتك خلصت
العامل: هلحق أزاي في ربع ساعة محدش قالك تنسي وترجعي تقوليلي أكتبي على الصور حرامي من يعثر عليه الرجاء الأتصال و ملياني رقم أصعب من حياتي شخص حرامي بدل ما توجعي دماغي روحي بلغي علبه
مريم: مش شغلك دا أتفضل خلصني
العامل: أترزعي في أي مكان لحد ما أخلص
مريم: ما تلم لسان حضرتك شوية
العامل: شوية و هخلص
بعد ربع ساعة
العامل: أنا خلصت
مريم: هاتهم كام الحساب
العامل: ربعمية
مريم: الورقة بأتنين جنية يا حسرتاااه أتفضل
تستلم الورق و خرج من المحل
و أثناء سيرها في الشارع يأتيها أتصال
مريم تحملهم في يد واحدة و ترد بالأيد التانية
مريم: الو نعم مين عايز أيه
مديرها بزعيق : أهلاً بالهانم إلي سايبة الشغل يضرب يقلب ما صدقت قبضت المرتب و هربت أنتِ فين يابت كل دا
مريم: أنت بتزعق ليه كدا محسسني إني كنت غايبة شهر براحة وداني
مديرها: حالاً تكوني عندي
مريم: مش فاضية للأسف ومش هاجي تاني
مديرها: ليه
مريم: بليل هبقى غنية فميشرفنيش أشتغل مع أي حد تعالى أنت أشتغل معايا لو عوزت و هزودك خمسين جنية عن مرتبي علشان تعرف إني كريمة الو الو قفل دا ولا الشبكة هي إلي وحشة
وأثناء سيرها تجد مجموعة من الأطفال يلعبون تذهب إليهم
مريم: يا أطفال يا بريئين تعالو كدا
يذهبو الأطفال تجاه مريم
مريم: بما أنكم أطفال موركمش حاجة كل واحد هياخد خمسة جنية لو لزق الصور دي على الحيطان
أحد الأطفال: مش فاضيين وفري فلوسك ياما
مريم: ياما أه طب ستة جنية يمشو معاكم
الطفل: لا عشرين جنية لكل واحد فينا موافقة
مريم: موافقة و أمري لله خدو الصور أهي علقوها في أماكن مختلفة أدامي علشان مترموهاش لما تخلصو قولولي أديكم الفلوس
بعد وقت كثير
كانو الأطفال أنتهو من لزق الصور
مريم: هو خسارة فيكم العشرين جنية بس مش خسارة أوي و مريم وهي تعطي لها الفلوس : أطفال بريئة أوي أوي بجد
أحد الأطفال: خلاص عرفنا مش كل شوية
مريم: مش بقول بريئة يلا باي أطفالي
و تغادر مريم و تذهب إلي بيتها
و تمر الساعات تلو الساعات و تيجي الساعة حداشر
إنتصار ترن على مريم
إنتصار: أبدأي أجهزي فاضل ساعة و تكوني موجودة في المكان
مريم: تمام هبدأ أجهز
جهزت و عملت أحطياتتها و نزلت
إنتصار قفلت مع مريم
إنتصار في سرها:أنا غلطت لما شاركت ضبع و أكيد هكول هيشوفه وهيتصرف و يجهزو و ينزلو و يوصلو كلهم على المعاد ما عداً وجود ضبع تحت أستغراب إنتصار .
هكول: بدوري على حاجة يا إنتصار
إنتصار بتوتر: لا لا مفيش حاجة يلا ندخل
يدخلو جميعهم
مريم: فين الجن إلي بتقول عليه هيحفر دول ناس طبيبعة زينا بني آدمين
هكول: غضب علينا مرضاش
مريم: ماشي هيخلصو أمتى
هكول: هما بادئين بقالهم شهر ودا أخر يوم فاضل حوالي ساعة
مريم: ماشي أدينا مستنيين
بعد ساعة
إنتصار: أنا تعبت و التراب ملى مناخير
مريم:هما مش ناويين يخلصو النهاردة
العامل بصوت عالي: لقينا الآثار
ينزلو جميعهم إلي الأسفل
مريم: واااااو
و لسه هكول هيقرب من الآثار
تحاصرهم الشرطة
الشرطة: كله يرفع أيده و يقف مكانه
______________________
عند جين
إكس: سامعك
جين: كان ليَّ صحبتي في المستشفى بزورها كل فترة و أتعرفت على ناس تانية و بقيت بزورهم كل فترة أطمن عليهم أشوفهم لو عايزين حاجة كدا يعني
إكس: أفتكرت أن أنتِ إلي الناس بتزورك
جين: فالك ولا فالني يا عم حرام عليك ليه كدا
إكس: حقيقي دول أعقل منك
جين: شهادة أعتز بيها أنا داخلة لأن الجو شكله هيشتي بس متنامش علشان لو شتى تطلع معايا
إكس: هنعمل أيه
جين: الجنان رفم أتنين طبعاً و أنا منستش الصيد بس لما الجو يتعدل
إكس: حد قالك إني هبقى فاضي
جين: مفيش حد غيرك هنا أصلاً
إكس: أنا داخل يلا أدخلي
جين: ماشي هدخل وراك مفيش سوبر ماركت قريب أشتري منه بيبسي دايت علشان متخنش
إكس: عليه العوض و منه العوض أنا هسيبك لربنا علشان كدا كتير على صحتي و يتركها و يذهب إلي الداخل
جين: ماله دا هو أنا قولت حاجة أصلاً أنا هدخل أنام تاني أحسن تاني أحلى حاجة في الحياة النوم و أول حاجة أنا طبعاً
تدخل جين إلي كوخها و تجد إكس يجهز هدومة
جين: هو أنت ماشي
إكس: لا
جين: طب بتجهز هدومك ليه دي حتى نفس الهدوم إلي جيتلي بيها
إكس: مش شغلك
جين: أنت نكدي ليه كدا أنا بتخنق من الناس دي
إكس: طفي النور و نامي
جين: الأنوار بتاعت الكوخ كلها متوصلة بسلك واحد لو شلتها الكوخ كله هيضلم و أنا بخاف من الضلمة غير كدا ممكن الذئاب و النمور تتجمع علشان مفيش نور و تاكلنا
إكس: هدوء شوية
جين: حاضر طب ممكن سؤال
إكس: أمممم
جين: مش المفروض أنت قاتل تقتلني ليه خاطفني
إكس: حد قالك إني مش هقتلك
جين تبلع ريقها بخوف: و دا أمتى هيحصل
إكس: أول لما تتكلمي تاني
جين: أنا معرفش معنى الكلام أصلاً
إكس: عقاب الشخص الخاين أيه
جين: المسامحة تسامحة طفل عيل و غلط هو مين إلي خانك
إكس: أنا بقول مستقبلاً في الفترة إلي هنفضل فيها مع بعض لو خونتيني الأوحش من القتل العذاب و بعدها أقتل عادي
جين: هو أنا أعرفك أصلاً علشان أخونك بس ثانية أنا مش وقت ما عرفتك أكتشفت حاجة مهمة جداً
إكس: قولي
جين: أن محدش يعرفك غيري لا داعي للشكر
إكس: أستغطي و نامي
جين: أنا فعلاً هعمل كدا نام أنت كمان
إكس: أنا فعلاً مش هعمل كدا
جين: مش ظريف خالص
إكس: خليني أركز في إلي بعمله
جين: هو أنا ماسكه دماغك منعاها عن التفكير كفاية ظلم
خلاص متبصليش كدا تاني متبرقش أنا نمت أصلاً
و تغط في ثبات عميق
و بعد وقت كثير كانو إكس أنتهى من تحضير أغراضه
و رسم خطته ذهب إلي النوم
في الصباح تستيقظ جين تنظر بأتجاه كوخ إكس ولم تجده
جين: راح فين دا لتذهب إلي الخارج ولم تجده لتذهب إلي كوخه
جين: معقول مشى و سابني أنا هنا أبقى أموت من قلة الأكل و الشرب أو حيوانات شرسة طب ما هي طلقة واحدة في الدماغ من غير وجع راس و الموضوع هينتهي
و أثناء حديثها مع نفسها تجد شاحن و لسه هتقرب عليه
تلاقي صوت إكس الغاضب: جييين بتعملي أيه هنا