رواية معذبي
الفصل الثاني
بقلم مني محمد
عبده: موافق يا اسد بيه
جميله بصدمه: بابا اي اللي انت بتقوله ده
عبده: بعد اذنك دقيقه يا اسد بيه
عبده خد بنته ودخلوا الاوضه وقفلوا الباب
عبده بتعب: اسمعيني يابنتي اسد بيه انا ماضيله على وصولات وانتي لو منفذتيش اللي هو عايزه هدخل انا السجن لاني معيش فلوس ادفعله وانا صحتي على قدي يا بنتي مش حمل بهدله انا خلاص رجلي والقبر وكمان اسد بيه هيصونك ده الوحيد اللي هكون مطمن وانتي معاه
جميله بدموع: بعد الشر عليك يا بابا متقولش كده
عبده: الموت علينا حق يا بنتي .. اسمعي كلامي و وافقي
جميله: موافقه يا بابا💔
عبده: جدعه يا بنتي
عبده خرج هو وجميله لاسد
عبده: احنا موافقين يا اسد بيه
اسد: تمام.. اسد طلع فونه ورن على صاحبه
اسد: ايوه يا احمد عايزك تجبلي مأذون وتجيلي على العنوان ده.................
احمد: مأذون ليه يا اسد؟
اسد: هحكيلك بعدين.. ساعه والاقيك قدامي انت والمأذون والشهود
اسد قفل السكه مع احمد ومستناهوش يرد عليه
( احمد صاحب اسد من وهما اطفال بس احمد اصغر من اسد بسنتين عنده 27 سنه بيحب يارا اخت اسد عيونه خضرا وبعضلات خفيفه وطويل وبشرته قمحيه... نكمل )
بعد مده وصل احمد والمأذون والشهود
احمد: ما تحكيلي يعم اسد اي الحوار
اسد: يبني اتهد بقا هحكيلك في القصر
احمد: ماشي
المأذون بدأ وقال: موافقه يابنتي
جميله بدموع: م.. موافقه💔
المأذون كت الكتاب وقال جملته الشهيره ( بارگ الله لگما وبارگ عليگما وچمع بينگما في خير )
المأذون مشي هو والشهود
اسد: اسبقني انت على القصر يا احمد
احمد:ماشي.. ومشي..
اسد بجمود: يلا
جميله: يلا اي
اسد: هيكون يلا اي.. يلا هنروح بيتنا اللي هو القصر
جميله: انا مش هسيب ابويا
اسد: ده عند مين الكلام ده.. انتي خلاص بقيتي مراتي والكلمه اللي اقولها تتسمع
عبده بتعب: يلا يابنتي اسمعي كلام جوزك وروحي معاه
جميله بعياط: انا مش هسيبك يا بابا
عبده: انا هجيلك يا حبيبتي يلا روحي
جميله ودعت ابوها وهي عماله تعيط وبعدين خرجت مع اسد وركبت العربيه
جميله قاعده جمب اسد وعماله تعيط وتشهق وكل ما اسد يبصلها هي تلف وشها ناحية الشباك وتكمل عياط
اسد بنرفزه: ما خلاااص بقااا كفايه عياط هو انا قتلتك
جميله: اه قتلتني طول ما انا بعيده عن ابويا يعتبر اني ميته
اسد قلبه وجعه عليها بس متكلمش كمل سواقه وهو ساكت
اسد: انزلي يلا احنا وصلنا
جميله نزلت في صمت ودخلت معاه القصر
ملحوظه: جميله كانت علطول بتروح لأبوها لقصر عشان تطمن عليه لانه مكنش بيروح بيته فا هي عارفه مكان القصر وعارفه المدخل بتاعه منين بس متعرفش اي حد من اللي قاعدين فيه ولا حتى كانت تعرف اسد.. نكمل
اسد دخل هو وجميله والكل اتفاجئ بيها
والد اسد: مين دي يا اسد
اسد ببرود: مراتي
كلهم في صوت واحد: اييييي
والد اسد بغضب: انت ازاي تتجوز من غير ما تعرفني
اسد بنفس البرود: معلش مكنش فيه وقت
ليلى: طب وانا يا اسد
اسد بصلها بلامبالاه: انتي اي؟
ليلى بدموع تمثيل: انت عارف يا اسد ان انا بحبك
اسد بص لعمه( عصام ) وقاله: من الواضح كده يا عمي انك معرفتش تربي
عصام: احترم نفسك يا اسد انت نسيت اني عمك ولا اي
اسد ببرود: لا منستش بس تقريبا ليلى نسيت انك ابوها و واقفه بكل بجاحه تقولي بحبك قدامك وانت ساكت
عصام: طب وفيها اي
اسد: يبقا انت معرفتش تربي زي ما انا قولت
والدة اسد: عيب كده يا اسد احترمنا
اسد: معلش يا امي انا تعبان ومحتاج اطلع ارتاح شويه انا ومراتي
والد اسد: استنى قبل ما تطلع.. بنت مين البنت دي فين اهلها او حتى ابوها واسمها اي
اسد بلامبالاه: اسمها جميله.. وابوها يبقا عم عبده
والد اسد بصدمه: عبده البواب
اسد: ااه
والد اسد: انت اكيد اتجننت
اسد: ولا اتجننت ولا حاجه دي حياتي وانا حر فيها وبعدين كلنا بشر مش هتفرق بواب من سلطان
ليلى بسخريه: دي المفروض تكون خدامه عندنا مش مراتك
اسد بص على جميله لقاها حطا وشها في الارض وبتعيط بصمت راح اسد مسك وش جميله ورفعه ومسح دموعها وقالها: مرات اسد الفخري نينفعش تحط راسها في الارض ولا ينزل منها دمعه واحده
وراح ناحية ليلى وضربها بالقلم وقعها على الارض
نجلاء جريت على ليلى وقومتها ( مامت ليلى ): انت اتجننت ازاي تمد ايدك على بنتي
اسد بص ناحية ليلى وقالها: القلم ده عشان الكلمه اللي قولتيها في حق مراتي لو سمعتك اتكلمتي عن جميله كلمه وباله زيك تاني انا هوريكي الوش التاني يا ليلى
ليلي بصتله بغضب وبصت لجميله بحقد وطلعت تجري على السلم ودخلت اوضتها ومامتها وباباها طلعوا وراها
في اوضة ليلي:
ليلى: انا يضربني بالقلم عشان الجربوعه.. انا هوريك يا اسد
نجلاء: المهم دلوقتي نشوف حل في مراته دي لازم نخلص منها
عصام: عندك حق.. انا عندي طريقه نخلص منها اسمعوا.........
في اوضة اسد وجميله:
اسد بقرف: متفتكريش اني اتجوزتك عشان جمال عيونك انا بس اتجوزتك عشان كنت هتدبس واتجوز بنت عمي غير كده مكنتش هبص لواحده زيك
جميله بصتله بحزن والدموع في عنيها وسكتت
اسد قام دخل الحمام
والباب خبط..
جميله: ايوه
يارا بفرحه: انتي جميله مرات اخويا صح
جميله: اه.. هو انتي اخته
يارا: ايوه.. وهما بيتكلموا كان اسد خرج من الحمام
يارا جريت عليه حضنته وقالتله: عشت وشوفتك متجوز يا ابيه ده انت عنست خلاص
اسد: ولزمتها اي ابيه بقا🙂
فون جميله رن وردت: الو ياعمو سيد ( جارهم )
سيد: الحقيني يابنتي
جميله بقلق: في اي
سيد: انا كنت راجع من الشغل وعديت على ابوكي عشان اقعد معاه شويه لقيته واقع في الارض خدته و وديته المستشفى و.. و....
جميله بخوف: و اي يعم سيد ما تقول
سيد بحزن: و اتوفى يابنتي
جميله بصدمه: اييييي.. و وقعت اغمى عليها
الفصل الثالث من هنا