رواية نصابه فى جوازه رسمية
الجزء الثامن
بقلم الاستاذ محمود النجار
بعد ما فشلت كل المحاولات فى اثبات براءة مودة وخاصه بعد ما راقب راشد الجرسون وسمع حوار اعتراف الجرسون بأنه القاتل وكان متفق مع رضا يلبسوا مودة جنايه قتل سامح وظهور الرجل المجهول ابو شنب اصفر فى زى عسكرى وسرق من الجرسون ورضا فلوس سامح النص مليون وشك رضا أنه يكون سامى صديقه لانه شنبه اصفر وبعد ما سجل راشد اعتراف الجرسون والنيابه أمرت بالقبض على الجرسون ورضا وكانت المفجاءة بأن عثروا على الجرسون مقتول بنفس ذات السكينه ونفس موضع الضربه وحصلت الكارثه الكبرى أن المحامى العام رفض الاعتراف بالتسجيل الصوتى لانه بدون إذن نيابه وغير متاكد أن اعتراف الجرسون هو نفس صوته ولجاء راشد للواء ناصر الذى تواصل مع الوزير لمقابلة الرئيس الذى رفض العفو وصدق على إعدام مودة التى كانت مظلومه وتاكدت أن الدوله تخلت عنها والمهمه هينفذها شخص اخر وطلبت من المامور ولجنه المشكله لاعدامها تكلم امها ثلاث دقائق ووافق المامور وبعد عشر دقائق أمر عشماوى بالدخول لمكتبه وإحضار موده لاعدامها بتهمه قتل سامح وتنفيذا لأمر المحكمه وبالفعل دخل عشماوى يجيب مودة وكانت المفجاءة وهى......
وجد شخص ملثم وبشنب اصفر ماسك حبل وبيخنق موده وعندما شاهده عشماوى ترك جثه مودة وقفز بالبرشوت من شباك مأمور السجن وصرخ عشماوى الحق يافندم حد بيقتل المتهمه
وبالفعل دخل مأمور السجن حصل ايه يابنى
عشماوى ...واحد ملثم بشنب اصفر كان بيخنقها ونط بالشباك ببرشت عسكرى
جرى مأمور السجن على موده لقها قاطعه النفس قال لعشماوى اندهلى الدكتور بسرعه واقف بره
وتركها ونظر من الشباك وشاف الملثم طائر بالبرشوت ونازل على الأرض وأخرج مسدسه وحاول يصيبه بطلقات الرصاص
وتحدث بجهاز اللاسلكى كل قوة السجن تضرب النار فى الملثم الذي يطير بالبرشوت
وانقلب السجن وظباطه وكل قوته الى ملاحقة الملثم ولاكن الملثم زى ما يكون معه شخص بيساعده على الهرب
وخلال دقائق معدوده نزل البرشوت واختفى من فوق الارض فى لحظات
تاركا لغز كبير فى محاوله اغتيال موده ومين اللي عايز يقتل موده ماهى كده كده لحظات وكانت هتموت موته ربنا وتنعدم اكيد فى لغز محير وسر غامض
ووصل الدكتور لفحص موده يمكن يكون فيها النفس ويلحق يوديها المستشفى وبعد الكشف عليها
البقاء لله المتهمه ماتت
مأمور السجن ....ينهار اسود يادى المصيبه اعمل ايه يارب
اقول لناس والقيادات ايه متهمه تنقتل قبل إعدامها بعشر دقائق
الدكتور ....إلى قتلها انسان مغلول قوى منها وكمان عنده خبره لانه ركز موضع الشنق وخنق موده فوق القصبه الهوائية علشان تموت فى اقل من دقيقه
المامور ... يعنى ايه الكلام
الدكتور ....يعنى حد عنده خبره ودارس الكلام ده لاما فى الطب أو فى المخابرات يافاندم
المامور .....إلى اعرفه ان المخابرات كانوا بيحاولوا يثبتوا براءتها مش يموتها
الدكتور ... يمكن خافوا يقولوا على سر من اسرار هم تبوح بيه وتكشفه قبل الاعدام فاغتلوها
المامور ....لا يادكتور مش معقول ماهى كلها دقائق وكانت هتنعدم ولو قالت سر من اسرار الكون معقول احنا هنطلع سر من اسرار البلد
الدكتور ....طب انت شايف ايه هكتب التقرير الطبي أنها انقتلت وتتحول وتشرح ولا هنقول انعدمت
المامور... لازم الموضوع يتلم دى فضيحه حد يخترق السجن ويقتل حد وكمان يهرب بدون حتى من نخدشه خدشه واحده عمرها ماهتحصل ابدا أنا من إلى حصل مش قادر افكر أعمل ايه
الدكتور ....معلش أنا لازم ابلغ واخلى مسؤليتى
المامور.... أنا فاضلى شهرين وأخرج معاش يرضيك اتعزل من وظفتى وبالفضيحه دى
الدكتور .....هى كده كده ماتت وانت هتنضر بتهمه اهمالك فى حمايه وتأمين السجن
المامور. .... يعنى دى جزاتى انى رافت بحالها وادتها تلفونى ودخلتها مكتبي تكلم امها وتودعها حلها من عندك يارب بلا فضائح ولا اهنات ولا قلة قيمه أنا تاريخى فى الوزارة هيضيع لو حد عرف
هو فين تلفونى دور معايا يادكتور كان فى ايد الجثه
وبدأ يلفوا على التلفون بأرض المكتب وحول الجثه حتى لقى المامور فارغ قرص دواء ابيض مبهم وقال ايه القرص ده يادكتور
الدكتور....شكله قرص مهم بس مبهم لا ليه ريحه ولا مكتوب عليه حاجه سبهولى هحاول اخد عينه من الفارغ واشوف يمكن هو ده قرص سام كان سبب فى مقتلها
المامور ...هى ماتت مخنوقه ولا مشنوقه يادكتور
رد عشماوى والله يافاندم دخلت لقيته بيخنقها بالحبل ده
الدكتور ...الكشف الظاهرى مخنوقه والحبل فعلا معلم عليها علشان نتاكد رسمى يبقي لازم نبلغ والنيابه تأذن وتشرح
المامور ....لا يادكتور خلاص هى انعدمت واكتب تقريرك أنها انعدمت
وانا هصرف اللجنه وانت ياعشماوى موده نفذنا فيها حكم الاعدام
والكل وافق على كده
ووجد المامور التلفون ووجد الرقم مفتوح وان الشخص الذى كان على الخط سمع كل الكلام
ورد المامور على التلفون
مين معايا
وجد شخص بيبكى وبيحدب من البكاء
ورد وقال ...أنا أم مودة
المامور .... انتى سمعتى الى حصل
أم مودة ....ايوه سمعت كل حاجه
المامور ....سمعتى ايه
أم مودة.....سمعت أن بنتى انقتلت وانت عايز تدارى على القاتل وتضيع حقها
المامور ....انتى عارفه بنتك كان هيحصلها ايه
ام ....كانت هتنعدم بس بنتى بريئة مقتلتش حد
المامور .....بنتك كانت نصابه وتورطت فى جريمه قتل واتحكم عليها بالاعدام صدقينى الدوله حاولت تساعدها وتخرجها بس الادله كانت ضدها ادتها تكلمك وتودعك خلاص قضاء الله نفذ وماتت لو حبه تبلغى ونوديها المشرحه يتقطع فى جسمها وتتبهدل بلغى عايزه تسلمى بنتك وتاخديها تصلى عليها وتدفنيها تسكتى وتيجى تستلمى بنتك وانا هسرعلك كل شيء
ام موده .....منهاره من العياط ياحببتى يابنتى شقيتى علينا من صغورك و خسارة تموتى والله خسارة فيكى الموت أنا لازم انتقم من إلى قتلك ووجع قلبي عليكى
المامور .....انتى تعرفى مين قتلها
ايوه ....سمعت صوته وهى قالت اسمه
المامور ....اسمه ايه
أم مودة ....لما استلم بنتى هقولك
(لو وصلت إلى هنا بالقراءة صلى على النبي ثلاث مرات فى سرك )
بقلم الاستاذ محمود النجار
المامور ....ماشي وانا عند وعدى وانا من الآن هبدا فى الإجراءات وقفل السكه مع أم مودة
وخرج المامور وأعلن وفاه مودة والدكتور كتب تقريره بأنه تم تنفيذ الاعدام وصرح بالدفن
ووصلت ام موده واستقبالها المامور وسلم ليها جثمان مودة
وكشفت امها الكفن وشافتها
وانهارت على بنتها
وقالت مع السلامه يابنتى سلام ياعروسه الجنه مين هيصرف علينا بعدك مين هيمسح دمعه عنينا
اه يابنتى ياحته من قلبي الله يرحمك ياموده الله يرحمك يابنتى نصبتى وسرقتى علشان تاكلينا بعد ما ابوك مات وسبلك الحمل وانا تعبانه مش قادره على خدمتكم
سامحيني يابنتى أنا إلى عملت فيكى كده الله يرحمك ياموده خسارة فيكى الموت
المامور ....متقوليش كده وحدى الله اطلبلها الرحمه
ام موده .... الله يرحمها أن لله وانا اليه راجعون وباست بنتها من جبهتها وغطتها
وسألها المامور أنا سلمتك بنتك زى ما وعدتك
قليلى مين قتل موده
ولسه هتنطق ويدخل راشد من الباب
أنا مندوب المخابرات وكنت عايز اسلم بعض المستحقات الماليه لورثه موده
انتى امها
ام موده ...ايوه يابيه
راشد ...بنتك كانت هتقدم خدمه للبلد بس زى ما انتى شفتى ماتت لاكن الدولة قدرت كلام معها موافقتها وهطلعلها معاش استثنائى لورثتها لأنكم ام البطله
ممكن اتاكد من الجثمان
وتأكد من الجثمان واعطى ظرف لام موده وتركها وخرج
واتصل باللواء ناصر
الو ...ناصر بيه
ن...ايوه
راشد ....موده انعدمت وماتت وسلامت امها الفلوس إلى بعتهالى
ناصر ...الله يرحمها ويغفر لها على فكرة انت السبب في موت البنت دى زنبها فى رقبتك
راشد ....مقدر ومكتوب أنا عملت إلى اقدر عليه الدوله لو كانت عايزها كانت طلعتها
ناصر ... أنا وصلى تقرير انك أهملت فى كشف الادله ازاى متخدش إذن نيابه كانت البنت هتنقذ
راشد ....تقارير من مين هو حد بعلم بالمهمة دى غيري وغيرك
ناصر ....امال ايه يابنى وزارتين داخلية وخارجية ببتابعوا الموضوع امال انت فاكر نفسك شغال لوحدك
ر....ياه هو المهمه خطيره كده مهمة لدرجه دى
ناصر ....ماقلتلك المهمه لازم حد يدخل غرفه حفيد الملك فاروق إلى عايش باطاليا ويجبلنا الوثائق والعقد وحجات أخرى تهم البلد
ر... طب الان بعد وافاه موده هتكملوا العمليه ولا هتستغنوا عن المهمه الرسميه
ن.... معرفش تعالى نروح بكرة مكتب الوزير علشان نشوف الدوله هتعمل ايه بعد وفاه موده هل هنشوف بنت شبها أو هيصرفوا نظر عن الموضوع خالص
ر....لو المطلوب مهم زى ما حضرتك بتقول يبقى هيشوفوا خطه بديله
ن ... الله يسامحك كنا زمنا خلصنا المهمه لو انت نشيط من الاول كنت قبضت عليها قبل سفرها الاسكندريه انت ظابط فاشل ولا تصلح لشغل المباحث أو حتى المخابرات وانت قاعد في الاسكندريه ليه عجبك الموضوع هناك ولا لسه هتاخد عزاء موده
ر....لا راجعلك بكرة ومعايا مفجاءة
ن ...مفجاءة ايه اكتشفت مين الى قتل الجرسون حتى ولو عرفت البنت ماتت سلام ياراشد
وقفل ناصر السكه فى وش راشد وزعلان قوى منه لأنه السبب في فشل المهمه وموت البنت
وبعد ما تم دفن موده وانتهى سرادق العزاء كلم المامور ام موده
وسألها ....انتى ليه لما دخل راشد
رفضتى تكملى كلامك وتقولبلى مين إلى قتل موده وسمعتى صوته وبنتك الله يرحمها ندت اسمه
ام موده .....انا سكت من هول المفجاءة
المامور مفجاءة ايه
ام موده ....المفجاءة هى أن الى قتل بنتى وسمعت صوته هو ......