رواية شهد الفهد
الفصل الثالث والعشرون
بقلم 🖊️ شهد احمد
*_في مكان مهجور*_
سليم الرفاعي : بقى تبيعيني انا ي زبالة وتسلميني ليه
اسيل ببكاء : والله ضغط عليا وقالي انه هيقتلني
سليم : انتِ متستاهليش غير الموت وقام برفع المسدس في وجهها
مالك وهو يدخل يحمل مسدسه : نزل سلاحك ي سليم
سليم : لو قربت خطوة هقتلها
مالك : كفاية القضايا ال عليك هتزود عليهم قضية قتل كمان نزل سلاحك بقولك
سليم : وانزل سلاحي ليه وانا كدا كدا ميت وقام بإطلاق النار
ع اسيل ثم وجه المسدس ع رأسه وقتل نفسه
________________________
مالك وهو يتحدث في الهاتف مع فهد : قتل نفسه وقتلها
فهد : هو كدا كدا كان ميت بعد المصايب ال عملها دي كلها
مالك : قال الجملة دي قبل ما يقتل نفسه
فهد : ربنا يرحمه ويرحمها
مالك : يارب انا هقفل بقى ع اقفل القضية سلام
فهد : سلام
شهد وهي تجلس بجانب فهد في السيارة : في ايه مين ال مات
فهد : متشغليش بالك حاجة هبقى احكيهالك بعدين
شهد : ماشي
شهد : فهد
فهد : نعم
شهد : سما ومايا وحشوني
فهد : اممم
شهد : اممم ايه بقولك وحشوني انا عاوزة ارجع احنا هنا بقالنا كتير ومبشوفش غيرك
فهد : زهقتي مني يعني
شهد : بصراحة اه
فهد وهو ينظر اليها بزعل : تمام هرجعك
شهد : فهد انا مقصدش
فهد : .....
شهد : فهد بقولك ايه احنا لسة متصالحين مش ناقصة هي
فهد : .....
شهد : اوف وقف العربية كدا
فهد : ليه
شهد : وقف بس
فهد بعد ايقاف السيارة : عاوزة ايه
شهد : يلا نجري
فهد : نعم
شهد : يلا نجرييي
فهد : انتِ هبلة
شهد : اه
فهد : هنجري دلوقتي
شهد : ايوة كان نفسي لما اتجوز اجري انا وقرة عيني مع بعض في الضلمة كدا والدنيا بتمطر كدا واو
فهد : بتمطر ايه الجو ولعة دا انا مش طايق الهدوم ال انا لابسها
شهد : ايوة منا عارفه بس يلا نجري برضو
فهد : تجري مع واحد مش طايقاه ليه
شهد : بهزر ي رمضان ايه مبتهزرش
فهد : لا يختي مبهزرش
شهد بضحك : طب يلا نجري
فهد : انتِ زنانة جدا ع فكرة
شهد : عارفه يلااااااا
فهد : يلا
ونزلوا من السيارة
فهد : طب هنعمل ايه في العربية
شهد : ماهو احنا هنجري لمكان معين ونرجع هنا تاني
فهد : هو حد قالك اني مستغني ان رجلي
شهد : الرياضة حلوة
فهد : طب هنجري ازاي
شهد : هنعمل سباق
فهد : مش كان و احنا جوا نفسك تجري مع قرة عينك انتِ كدا هتطلعي عين قرة عينك
شهد : لا لا متخفش
فهد : طب يلا
شهد : وان تو ثري
وانطلقوا
بعد مرور دقائق
شهد بنهج : ف ه د معتش قادرة يخربيتك مركب عجل في رجلك ايه دا
فهد وهو ينهج ايضا : ادعي عليكي بإيه بس انا ال كسبت برضو
شهد : طب تعالى نقعد بس ونبقى نتكلم في الموضوع دا بعدين
فهد وهو يجلس : اااااه معتش حاسس بركبي
شهد : ولا انا والله
فهد : اتبسطي
شهد بإبتسامة : اوي اوي
فهد : انا اعرف ان المواقف ال زي دي المفروض يعني بنمسك ايد بعض ونتمشى او نجري بس مع بعض لكن حوار السباق دا جديد
شهد : تدري ليش
فهد : ليش
شهد : ع احنا نختلف عن الاخرين
فهد : نختلف في ايه بقى
شهد وهي تنظر اليه بحزن بعد اختفاء ابتسامتها : نختلف اننا معملناش فرح زي اي اتنين ملبستش فستان ابيض ولا بقيت عروسة الهاني مون بتاعي كنت جايبنا ع تعذبني قصدك تقول احنا متشابهين في ايه مش نختلف في ايه
فهد وهو يلعن نفسه لما سببه لها من اذى نفسي ولكن يريد ان يخرجها من هذا المود : قطعتي قلبي ي بنتي والله
شهد : ي بارد
فهد : بتعلم منك
شهد : طب يلا نمشي
فهد وهو يحملها بحركة مفاجئة : يلا
شهد : ايه ال انت يتعمله دا
فهد : بعمل ايه
شهد : نزلني
فهد : لا
شهد : مينفعش كدا رجلك وضهرك هيوجعوك
فهد : خايفة عليا
شهد : يبني بقى
فهد : انتِ خفيفة جدا ع فكرة
شهد : خفيفة ايه دا انا 64 كيلو
فهد : خفيفة والله
شهد : ولو انت رجلك بتوجعك اصلا ع الجري
فهد بغمز : كله يهون عشانك ي جميل
شهد : انت بتتكلم كدا ليه
فهد : بهزر ي رمضان ايه مبتهزرش
شهد بضحك : لا مبهزرش
________________________
مروان وهو يدخل الڤيلا : جدوووووو
مايا : هششش وطي صوتك
مروان : اسكتي دا انا ما صدقت
الجد : في ايه بتزعق كدا ليه
مروان : وافقت ي جدو وافقت
الجد محاول اخافته : ومين قال ان انا موافق
مروان : ايه ي حج انا مش متفق معاك قبل ما اروحلها
الجد : محصلش
مايا : ي كداب وبتضحك عليا و تقولي جدو عارف
مروان : والله ي بنتي عارف
مايا : اسكت واعتبرني مش موافقة
الجد بضحك : تستاهل
مروان : ي جدو بطل هزار بقى وقولها
الجد : هو قايلي فعلا ي مايا وانا وافقت
مروان : شوفتي حيث كدا بقى ي جدو انا مش عاوز خطوبة انا هتجوز ع طول
جاسر : حيلك حيلك مش لما اتجوز انا الاول البت خللت معايا
الجد : ازاي يعني مش عاوز خطوبة
مروان : ي جدو الخطوبة دي بتتعمل ع العرسان يتعرفوا ع بعض وانا عارفها اكتر من نفسي ف انا رأيي نكتب الكتاب ع طول
الجد : والله انا معنديش مانع بس نشوف رأي مايا
مايا : بس جاسر وسما مخطوبين من زمان ازاي احنا نتجوز قبلهم
جاسر : انا عندي فكرة حلوة
الجميع : ايه هي
جاسر : نعمل فرحنا في نفس اليوم
مروان : اشطا
الجد : ايه رأيكوا ي بنات
نظروا الى بعض وابتسموا
مروان : ضحكت يعني قلبها مال معروفة يعني
جاسر : الفرح اخر الاسبوع دا ايه رأيك ي جدو
الجد : مفيش حاجة هتم الا لما فهد وشهد يجوا
جاسر : ليه الافترا دا اشمعنا هو يتجوز و احنا لأ
الجد : الكلام انتهى لما فهد يجي نبقى نتفق وغادر الجد
جاسر : عرووووستي
سما : بااااارد
جاسر : قلب البارد وربنا
سما : انت مبتحرمش
جاسر : ما خلاص هتبقى مراتي اخر الاسبوع
سما : ولو لسة مبقتش
جاسر : طب بس ي عسل بدل ما اديكي ع وشك
سما وهي تتحرك من امامه : عسل اه وسع من وشي كدا انا مش موافقة ع الجوازة دي اصلا
جاسر : مش بمزاااجك
وذهب اليها ليكملوا منازعاتهم
مروان : عروستي الحلوة
مايا بضحك : زودت الحلوة يعني
مروان : ايوة طبعا تختلف
مايا : عاوز ايه
مروان : مبقتش عاوز اي حاجة من الدنيا غير انك تبقي معايا
مايا : طب بطل محن ي بتاع اسيل
مروان : اسيل مين ي بت انتِ ال في القلب
مايا : متثبتش انا هطلع انام تصبح ع خير
مروان : وانتِ من اهلي
______________________
شهد : فهههد
فهد بنعاس : نعم
شهد : انا جعانة
فهد : جعانة دلوقتي
شهد : ايوة
فهد : انتِ ايه ال منيمك ع الكنبة
شهد : انا من ساعة ما جيت وانا متعودة انام هنا ايه الجديد يعني
فهد وهو يشعر بالذنب : طب تعالي نامي ع السرير عادي
شهد : وانت هتنام فين
فهد : ع السرير هنام فين يعني
شهد : وعاوزني انام جنبك ليه ايه قلة الادب دي
فهد : انا جوزك حضرتك مش كل شوية هفكرك
شهد : ما علينا مش وقته الكلام دا انا جعانة
فهد : كُلي
شهد : اكل فعلا بجد شكرا جدا معرفش من غيرك كنت هعمل ايه
فهد : طب اعمل ايه
شهد : الڤيلا ضلمة و مفيش حد تحت وانا بخاف تعالى انزل معايا اعمل سندوتش
فهد : مش ملاحظة ان احنا هنسافر كمان كام ساعة
شهد : ايوة يعني انا جعانة اعمل ايه
فهد : استغفر الله العظيم تعالي ي اخرة صبري
وخرجوا من الغرفة متجهين الى المطبخ
فهد : ها يلا اعملي السندوتش
شهد : لا معتش جايلي نفس
فهد : نعم يختي
شهد : بجد والله معتش عاوزة اكل سندوتش انا عاوزة اندومي
فهد : استني اشوفلك كنت جايب
فهد : اهو لقيته
شهد : اشطاااا اعملك معايا
فهد : لا شكرا
شهد : مش عاوز بجد ع مش هأكلك معايا
فهد : لا مش عاوز يلا ع خاطري هموت وانام
شهد : حاضر هخلص بسرعة
بعد مرور دقائق
شهد : ياللي حبيبك قاسي وسابك ويا عذابك
فهد : ااااااااااه
شهد : نار نار نار
فهد : انا قلبي قايد نار بس استني فيه جميلة ناقصة قبل نار
شهد : حصل خير
فهد : معتش جايلي نوم
شهد : اي خدمة
فهد : ابقي شوفي هسوق ازاي الصبح ي نعمل حادثة ي هنفضل قاعدين هنا ع حضرتك ترتاحي وتاكلي اندومي كويس
شهد : لا لا يلا نطلع ننام ع انا عاوزة اسافر
فهد : لا
شهد : خلاص خليك هطلع انا
فهد وهو يغلق باب المطبخ : لا ي قطة مش هيحصل
شهد : عدي ي بابا بلا مش هيحصل انا منعوسة
فهد : منا كنت منعوس من شوية
شهد : خلاص انا اسفة عديني بقى
فهد : تؤ تؤ
شهد : ولاااااا عديني بقى
فهد : لاااااا
واخذ يجري في المطبخ وهو يحمل المفتاح
شهد : هات يبني وانت شبه الزرافة كدا
فهد : اتحايلي عليا شوية
شهد : منا بتحايل عليك من ساعتها
فهد : لا برضو
وكان يجري ناحية الباب ثم انزلق بسبب اثار الماء التي توجد في الارض
شهد : هههههههههههههه تستاااهل ع ال بيجي عليا بيخسر
فهد : ضهري اتسكر
شهد : ههههههههههه ثم انقطعت ضحكاتها وتذكرت موقفها معه اول مرة عندما وقع في المطبخ واخذت تضحك عليه في اول مقابلة بينهم فعلم فهد انها تذكرت واراد ان يعيدها من تفكيرها
فهد : شهد
شهد : ها نعم
فهد : روحتي فين
شهد بإبتسامة ممزوجة بحزن : ولا حاجة لو سمحت عاوزة المفتاح ع نعوست بجد
فهد : اتفضلي بس قوميني الاول ع ضهري وجعني
شهد وهي تمد له يدها : قوم
شهد : لا لا مش اوي كدا ضهري هيتكسر يخربيتك انت تقيل اوي
فهد وهو ينهض ويسند على كتفها : دا انا شايلك طول الطريق مش هتستحمليني السلمتين دول
شهد : يلا هاجي ع نفسي ال بيساعد الحيوانات بياخد حسنات برضو
فهد : حيوانات الله يسامحها ماما هي سمتني الاسم دا
شهد : تعرف
فهد : لا
شهد : انا بحب اسم فهد جدا
فهد : وهو بيحبك والله
شهد : وصلنا
فهد وهو ينام ع السرير : ااااه
شهد : انا ال كنت سنداك ع فكرة انا ال المفروض اقول اه وكدا
فهد : هتنامي فين
شهد : ع الكنبة
فهد : لا تعالي انتِ هنا وانا هنام انا ع الكنبة
شهد : لا لا انت ضهرك بيوجعك
فهد : تمام تصبحي ع خير
شهد : مشوفتش بجاحة كدا الحقيقة
فهد : بطلي رغي ونامي عندنا سفر
*_في الصباح*_
فهد : هفضل واقف ساعة مستني
شهد : معلش كنت بأكد ع كل حاجة ع منساش حاجة
فهد : ماشي اركبي
شهد بعد ركوبها السيارة : ضهرك عامل ايه دلوقتي
فهد : الحمدلله ي دكتورة
شهد : تصدق بالله انا نسيت ان انا دكتورة وعندي كلية لازم اروحها وكدا حسبي الله
فهد : كله هيبقى تمام وهتروحي كليتك متقلقيش
شهد : هو الطريق بياخد قد ايه
فهد : نامي ولما نوصل هصحيكي
شهد : ماشي
بعد مرور عدة ساعات
فهد : شهد اصحي
شهد وهي تقفز : وصلنا
فهد بإبتسامة : اه وصلنا
شهد : ويييييي ونزلت من العربية اتجهت نحو الڤيلا
فهد : استني ي بت
شهد وهي تجري : لااااا
فهد : مجنونة
شهد وهي تدخل من باب الڤيلا : جدووووووو
الجد وهو يجلس ع الاريكة : حبيبة جدو
شهد وهي تجري اليه وترتمي في احضانه : وحشتني اوي
شهد : انت اكتر والله
سما وهي تأتي من الداخل : شههههههد
شهد : سماسيمو وحشتيني
سما : روح قلبي والله
شهد : ماااااياااااا
مايا : قلبهاااا
شهد : تعالى في حضن اخوك ي فواااز
مايا : وحشتيني اوي اوي اوي اوي والله
شهد : اكتر
مروان : حمدالله ع السلامة ي شهود
شهد: الله يسلمك ي مارو
جاسر : شهودة البيت نور
شهد : دا نورك ي جسورة
فهد : لو خلصتوا دلع وحب في بعض ياريت ترحبوا بيا يعني
مايا وهي تجري ع فهد : فهههد وحشتني
مروان وهو يلحق بها قبل انا تحضنه : انتِ بتعملي ايه
مايا : هسلم عليه في ايه
مروان : تسلميه عليه بالحضن
مايا : ايوة دا اخويا الكبير
مروان : دا كان زمان ي حلويات
مايا : حلويات ايه ي بيئة انت سبني كدا اسلم عليه
فهد : ما تسيبها يلا في ايه
مروان : فيه انها بقت خطيبتي واخر الاسبوع هتكون مراتي
شهد : الله بجد
جاسر : ايوة بجد وهعمل فرحي انا وهو مع بعض
شهد بفرحة : الف مبروك ي بناويت اخيرا هشوفكوا عروسات
الجد : ايه رأيك ي فهد
فهد : ال تشوفه ي جدو
الجد : ع بركة الله الفرح اخر الاسبوع يلا اطلع انت ومراتك ارتاحوا
فهد : يلا ي شهد
شهد : لا اطلع انت انا هقعد شوية
فهد بإبتسامة : تمام تصبحي ع خير
شهد بإبتسامة ايضا : وانت من اهله
سما : ايه دا ايه دا ايه دا
مايا : شكل في حوارات كتير حصلت
شهد : بطلوا وشوشة وتعالوا نتكلم برا شوية
مايا : هتحكلنا كل حاجة
شهد : ايوة تعالوا يلا
*_في الحديقة*_
سما : واو بجد ايه القمر دا
مايا : فهد طلع رومانسي اوي
شهد : مأخدتوش انتوا بالكوا من نص القصة ال في الاول وركزتوا في اخر حتة
مايا : قصتكوا ينفع تتكتب رواية جدا ع فكرة
سما : حصل وتكون اسمها رواية شهد الفهد