رواية عشق الاسد
______ بقلم 🖊امل نبيل _______
______ الفصل الثالث عشر ______
رائد دخل لقا رغد بتتكلم فى التليفون
وبتقوله:اسمع لو حد عرف ان البنت دى بنتى انا وانت هنروح فى داهية انت فاهم
رائد:مين دى يا رغد اللى بنتك .
رغد بصدمة:رائد .
رائد:مين دى إللى بنتك يا رغد .
رغد:لاء ده أنا بحكى على مسلسل تركى لوحده صحبتى وكانت بتسألنى يعنى البطلة قالت إيه فأنا بقولها مش أكتر .
رائد بعدم إقتناع:ماشى يا رغد .
رغد:انت إيه اللي رجعك بدرى كده .
رائد:خلصت شغلى ورجعت.
رغد:طيب إطلع غير والغدا الخدم هيكونو جهزوه.
رائد:تمام .
ومشى .
رغد:الحمد لله،كان هيكشفنى وبصت على الفون لاقت سعيد لسه على الخط.
رغد:ها يا سعيد .
سعيد:انتى مش هتصدقى مين هيا البوص.
رغد:مين .
سعيد:البت إللى اسمها عشق إللى أسد بيحبها.
رغد :انت بتقول إيه يا سعيد .
سعيد:أنا أول ما شوفتها إفتكرتها هيا.
رغد :إزاى.
سعيد: بصى يا ستى إللى حصل كالتالى
Flash back
فى روسيا
سعيد كان موجود في مكان الإجتماع بتاع المافيا واهم الشخصيات اللى فى المافيا كانت منتظرة يشوفوا الزعيمة بتاعتهم ليدخل قبلها المساعد بتاعها وبعد كده تدخل هيا لينصدم سعيد وقال:انتى.
*هوا الحوار كله بالروسى والإنجليزى والفرنسى بس أنا هنزل الترجمه على طول *
البوص:أنا لوجيانا البوص بتاعتكم.
وإبتدوا يتكلموا في الشغل بتاعهم تحت صدمة سعيد.
وبعد ما خلصوا سعيد قال:انتى مين .
لوجيانا: أنا الزعيمة .
سعيد:ممكن اتكلم معاكى شوية.
لوجيانا:قول اللى انت عايز تقوله.
سعيد:فى وحده شبهك يا بوص جدا موجودة في مصر .
لوجيانا:وبعدين.
سعيد:هيا تبقا تبع ناس كبيرة جدا فى البلد ممكن انتى تاخدى مكانها فترة وتخلصلنا الشغل كله ومحدش هيقدر يشك فيكى .
لوجيانا:هفكر فى الفكرة دى وهرد عليك.
ومشيت
Flash back end.
رغد:لاء ده اكيد مستحيل .
سعيد:هوا ده اللى حصل .
رغد:معقولة الشبه بينهم كبير كده.
سعيد:ايوة.
رغد: طيب هيا قالتلك إيه.
سعيد:لسه مردتش.
رغد:طيب هترجع امتى.
سعيد:بعد يومين.
رغد:طيب تمام اول ما ترجع بلغنى.
سعيد: ماشى باى.
وقفلت رغد السكة.
__________
البنات راحو اتفسحوا في معظم كوريا واشتروا حاجات كتير جدا وهما بيشتروا ماريا شافت شاب مز اوى فقالت لملاك:بصى المهلبية بالقشطة اللى هناك دى .
ملاك:اه يا قلبى هيا دى الحلويات والشباب بصحيح مش اللى انا مخطوبة ليه .
عشق:هروح اجيب رقمه .
ماريهان:بصى يا سيلين المز اللى وراه ده
سيلين:ايه يا ناس هوا فى كده .
اسد من وراهم:خلصتى يا حلوة انتى وهيا المعاكسة فى الشباب ولا لسه ،وانتى يا ست عشق ختى رقمه ولا لسه .
عشق:اوعى تفهمنى صح
اسد:يلا يا حلوة انتى وهيا علشان هنرجع مصر تانى .
عشق:والنبى يا أسد خلينا يومين كمان.
ملاك:علشان خاطرى يا اسد وافق والنبى.
عشق:والنبى والنبى والنبى.
اسد:لاء يا حبيبتى انتى وهيا انا معطل شغلى علشانكم ومش هعطله اكتر من كده.
ملاك:انا بشوف الاخ بيعمل اللى هوا عايزه لأخته انما انت إيه ده .
أسد:معلش اصل انا ابن مرات ابوكى مش اخوكى.
ملاك:طول عمرى شاكة في كده.
سيلين بهمس لماريهان :ياختاى هوا أنا وسليم هنكون كده.
ماريهان: وأكتر من كده كمان.
سيلين:ربنا يبشرك بالخير.
ماريهان: اى خودعة.
ملاك:يا اسد خلينا والنبى يومين كمان.
أسد: الكلام انتهى يلا.
عشق: يوووه بقا.
أسد: يلا يا ماما وانتى ساكته.
ويمشوا واول ما وصلوا الفندق كل واحده طلعت الاوضة بتاعتها وإبتدت تجهز حاجتها.
___________
ف
ر مصر تيم كان عمال يدور على البنت اللي هربت في كل مكان بس مكانشى ليها اى أثر.
تيم:يا ترى انتى روحتى فين.
سليم كان قاعد فى شقته وقرر انه يبدأ بقا فى خطة إنتقامه بجد وكلم عمر وطلب مساعدته.
________
عمر كان ماسك اللابتوب شغال عليه بس مكانشى عارف يشتغل من الدوشة اللى كانت لورين وسام عاملينها.
عمر:يا لورين خلاص بقا انتى هتعملى عقلك بعقل عيل.
سام:انا مش عيل يا بابا.
عمر:معلش يا حبيبى أنا اللى عيل.
سام:ايوة كده.
لورين:أنا كان مالى ومال الشورة السودة دى يا ربى.
عمر:معلش يا حبيبتى تعالى على نفسك وإستحملى.
لورين: ما أنا مستحملة اهو.
عمر:شطورة.
لورين:المهم شوفلى ورقى بتاع الجامعة.
عمر:تقدرى تروحى من بكره.
لورين:تسلملى يا احلى عمر فى الدنيا كلها.
عمر:مصلحجية حقيرة.
لورين:شكرا.
فى الوقت ده سليم رن علي عمر .
عمر: الو.
سليم:عمر أنا عايز اشوفك دلوقتى.
عمر:تمام اشوفك فين .
سليم:فى الكافية اللى كنا بنتجمع فيه زمان.
عمر:تمام.
وقفلوا.
لورين: كنت بتكلم مين يا عمر.
عمر:وانتى مالك يا رخمه.
لورين: تشكر يا كبير.
عمر: العفو.
عمر قام غير هدومه ونزل ركب عربيته وراح الكافية إللى سليم قله عليه.
عمر وصل لقا سليم قاعد مستنية فى الكافية.
عمر: ازيك يا سليم.
سليم:بخير.
عمر: خير يا سليم عايزنى في إيه.
سليم:اظن انك شوفت الظرف إللى اتبعتلك.
عمر:هوا انت اللى بعته .
سليم:وهوا في غيرى عايز ينتقم من سعيد.
عمر:هات من الاخر ياسليم.
سليم:قرب على الطرابيزة وقال:عايزك تساعدنى فى الانتقام من سعيد وأنا فى المقابل هساعدك إنك تحل القضية إللى انت شغال عليها.
عمر:هوا deal حلو بس ممكن اعرف هتساعدنى ازاى.
سليم:دى حاجة بتاعتى أنا بقا.
عمر:موافق يا سليم.
سليم:تمام يا عمر يبقا اتفقنا.
عمر:انت هتفضل كتير كده يا سليم.
سليم: ازاى يعنى.
عمر:مش ناوى ترجع لينا تانى يا سليم.
سليم:إللى كانو السبب في موت اغلى الناس ليا المفروض انى أقتلهم بس للأسف إللى قلتو دول كانو غاليين برضو علشان كده مش قادر اعملهم حاجة فخالينا كده بعيد عن بعض احسن يا عمر.
ومشى.
عمر:بكره لما تعرف الحقيقة هتندم يا سليم وراح ركب عربيته ومشى هوا كمان.
________
فى مطار القاهرة
البنات نزلوا من الطيارة وهما فرحانين جدا ماعدا عشق.
ملاك:يااااه عدنا للوطن.
عشق:اه يا ختى رجعنا.
ماريا:وانتى زعلانه كده ليه.
عشق:زعلانه علشان كان نفسى افضل فى كوريا.
ماريهان:تتعوض مره تانية.
سيلين:يلا نمشى لان أنا هموت وانام.
تسنيم:وانا كمان يلا.
أسد:العربيات اهى هتوصلكم لحد البيت ويمشو اسد اخد ملاك وتسنيم علشان يوصلهم وماريهان وماريا وسيلين وعشق حارس من الحراس وصلهم واول ما وصلوا قدام الشقة.
سماح: ازيك يا عشق وازيك يا ماريا ياختى.
عشق بهمس:يخربيت فقر امك .
ماريا:ازيك يا سماح ياختى عاملة ايه.
ماريا بهمس للبنات: دخلوا الحاجة وادخلوا بسرعة.
سماح:كويسة يا حبيبتى،اومال انتم كنتو فين كده انتى والعسلات إللى معاكى دول.
ماريا: يووه فكرتينى يا سماح عندنا حاجة مهمه ولازم نعملها سلام.
وقفلت الباب وراها.
عشق: يخربيتها الولية دى.
سيلين:ده إيه البرود ده.
عشق:خلاص سيبك بقا منها اما اروح اطمن أسد عليا.
ماريا:يا محنى.
سيلين:هوا انتى يا ماريا يا حبيبتى عمرك ما حبيتى قبل كده.
ماريا:الحب يا حبيبتى هو شعور تشعر به عندما تشعر أن شعورك يشعر بشعور لم يشعر بهذا العشور من قبل فتشعر بأن الشعور يشعر ويحملك إلى استشعار مشاعر شعورية بإشعار مشعشرة مفهوم كده يا سيلى ولا نزود عليها شعر كمان.
سيلين:يا ريتنى ما سألت.
عشق:طيب وانتى يا سيلين جربتى الحب قبل كده.
سيلين:حب إيه وكلام فاضى إيه.
ماريهان: اهى هتكدب اهى.
ماريا:طيب أنا عندى فكره إيه رأيكم نلعب الصراحة.
عشق:اللعبة دى هنشوف فيها فضايح.
سيلين :خلصا نقوم نغير هدومنا ونرجع.
بعد ما غيرو هدومهم ماريا جابت ازازة.
ماريا:يلا يا بنات البنات لفوا حوالين الازازة.
ماريا لفت الازازة وعشق هتسأل سيلين.
عشق:اممم بتحبى يا سلين ومين هوا.
سيلين:دول سؤالين يا بابا.
عشق:طيب بتحبى مين.
سيلين:ينفع مجاوبش.
ماريهان:يلا يا بابا قولى.
سيلين:انا بحب جاسر.
ماريا:جاسر مين،جاسر قريب ملاك.
سيلين:ايوة.
عشق:ده انتى مطلعتيش سهلة يا بت مكانشى باين عليكى خالص.
سيلين:خلاص يا بابا انتو هتحفلوا عليا.
ماريا لفت الازازة تانى وكان الدور على ماريهان إنها تسأل ماريا.
ماريهان:ماريا عمرك حبيتى او أعجبتى بحد.
ماريا: ايوة.
عشق:يا كلبة البحر وماقلتيش يعنى.
ماريا:عادى يعنى ده كان مجرد إعجاب لا أكثر ولا أقل وراح لحاله.
عشق: طيب يلا لفى الإزازة.
ماريا لفت الازازة تانى وكان الدور على سيلين.
سيلين:مين هيا بيستك.
عشق: انتم طبعا.
ماريهان: حددى واحده.
عشق:بصراحة اختيار صعب.
ماريا:مين .
عشق:بصراحة كده أنا بحبكم كلكم بس ماريا إحنا صحاب من زمان جدا فهيا ليها معزة زيادة شوية عنكم.
ماريا:والله يا جماعة أنا مش بحب اتكلم عن نفسى كتير .
سيلين:يا شيخة اتلهى.
ماريا:ماشى يا ذوق.
________
تسنيم اسد وصلها البيت واول ما وصلت سلمت على باباها وطلعت غيرت هدومها ومسكت الفون وكلمت سليم.
تسنيم:الو.
سليم:احلى الو سمعتها في حياتى.
تسنيم: طبعا يا بنى مش أنا إللى قايلاها .
سليم:عندك ثقة في نفسك زيادة شوية.
تسنيم: دى أقل حاجة عندى .
__________
اسد وملاك وصلوا الفيلا بتاعتهم.
ملاك اول ما وصلت الفيلا راحت لأبوها وأمها وحكت لهم على كل اللى حصل فى كوريا.
وأسد كلم عشق شوية وبعد كده نام.
وينامو جميع أبطالنا وكل واحد منهم بيحلم بالتانى وفى إللى بيتمنى لغيره الخير واللى بيتمنى لغيره الشر.
____________
أشرقت الشمس معلنه عن بداية يوم جديد
عند مائدة الافطار يجلس الجميع يتناولون الفطور قطع أسد الصمت قائلا:بابا هوا إحنا امتى هنروح علشان أتقدم لعشق .
عزت: شوف المعاد إللى يناسبك ويناسبها يا حبيبى.
ملاك:لاء ولاء ولاء ولاء عندنا فرح وانتو لاء.
سمر: اخرسى يا ملاك.
ملاك:الله مش فرحانه بأخويا.
أسد:هنروح بكره يا بابا.
عزت:تمام مافيش مشكلة خالص.
ملاك:عشت وهشوفك عريس يا أسد.
أسد:ليه انتى عندك كام سنه يا حجه انتى .
ملاك وهيا بتعدل نضارتها اللى مش موجودة اصلا: والله يا بنى أنا سنى صغير بس عندى تجارب كتيرة اوى فى الحياة.
عزت:ياعينى يا بنتى ده انتى كده حمالة قسية.
ملاك:ربنا على الظالم والمفترى بقا هنقول ايه.
سمر:اسد خد البت دى فى طريقك والنبى وريحنى منها.
ملاك: يريحك منى اه قولى كده بقا قولى انى مش بنتكم يا ترى لاقيتونى على باب جامع ولا جنب سلة الزبالة وياترى كان فى قشرة موزة على راسى ولا لاء .
أسد قام من على الأكل وسحب ملاك من اللياقة بتاعة القميص اللى كانت لابساه.
ملاك: ايه ده فى ايه يا كابتن.
اسد:اخرسى يا بت ومش عايز اسمع صوتك خالص انتى فاهمه.
ملاك: حاضر يا باشا.
أسد اخد ملاك وركبها العربية ومشيو راحو الجامعة.
________________
عند جاسر
صحى من النوم وكان مبسوط جدا لانه أخيرا قرر انه يعترف بحبه ل سيلين.
جاسر غير هدومه ونزل ركب عربيته ومشى على الجامعة.
___________
عشق وسيلين وماريا وماريهان فطروا وغيرو هدومهم ونزلو ركبو العربية ومشيو وبعد ما وصلوا الجامعة لقو ملاك مستنياهم.
ملاك:إتأخرتو ليه.
عشق:إتأخرنا إيه ده إنتى اللى جايه بدرى.
ملاك :حسبى الله ونعم الوكيل فيك يا أسد.
عشق:بس يا بت ماتقوليش عليه كده.
ماريا:معلش أصل ده حيوان عشق،قصدى حبيب عشق.
ملاك:فعلا معاكى حق.
عشق:بت انتى وهيا انتم تخرسو خالص انتم فاهمين وإنتى يا حلوة يا إللى بتقولى معاكى حق هيا كانت بتشتم اخوكى.
ملاك:ما أنا عارفة أنه اخويا هوا أنا قلت إيه ابن جوز امى.
عشق:مش هرد عليكي.
سيلين:طيب يلا علشان نلحق المحاضرة ومنتطردش.
البنات ما عدا ماريهان :يلا.
ماريهان :أنا معنديش محاضرات دلوقتى هعد أستناكم.
البنات: اوك.
________
كمال صحى من النوم لقا أمه بتدخل الأوضة من غير ما تخبط.
كمال:خير يا ماما.
ماجدة:بنت خالك رجعت مصر إمبارح وسليم كمان رجع وإستقر في مصر .
كمال:تمام يا ماما حاجة تانية.
ماجده:أنا مش بقولك كده علشان تقولى حاجة تانية،أنا بقولك كده علشان تتصرف.
كمال: ماشى هتصرف..
_______
أسد وصل شركته و دخل المكتب بتاعه ولحقته على طول السكرتيرة بتاعته .
رقية: صباح الخير يا أسد بيه.
أسد:صباح الخير يا رقية،فى إيه النهاردة.
رقية:حضرتك لازم تسافر شرم الشيخ لإن فى اجتماع مهم ولازم تحضره.
أسد: تمام هسافر امتى.
رقية: بعد يومين.
أسد:تمام يا رقية في ايه تانى.
رقية:تمام يا فندم كده كل حاجة خلصت.
أسد:تمام يا رقية تقدرى تمشى.
طلعت رقية من المكتب وأسد مسك تليفونه ورن على عشق.
عشق كانت فى المحاضرة والفون بتاعها رن.
الدكتور:مين اللي تليفونه رن.
عشق:أنا يا دكتور.
الدكتور:اتفضلى إقفليه علشان لو رن تانى هتطلعى بره.
عشق:حاضر يا دكتور.
عشق قفلت تليفونها وكملت المحاضرة.
___________
لورين غيرت هدومها ونزلت علشان تروح الجامعة و لما وصلت اتعرفت على ماريهان و كانو الإتنين مع بعض.
لورين:على كده بقا مافيش حد مز هنا نشقطه.
ماريهان: كلهم زى ما انتى شايفة كده.
لورين:الله يرحم ولادك يا تركيا كانو موجودين فى كل مكان.
ماريهان:لما انتى كنتى عايشة فى تركيا إيه اللي رجعك مصر .
لورين:بصى يا ستى انا كان ليا أخين ولاد و الإتنين كانو ظباط
أخويا الكبير إتعرف على واحدة إسمها روز كانت ظابط وشغالة معاه فى القضية إللى كانو
ماسكينها وحبو بعض وبعد كده إتجوزوا وبعد ما إتجوزوا بسنه وشهرين عرفنا إن روز حامل طبعا
عمرو اخويا مرضيش يخليها تروح الشغل تانى وبعد ما ولدت ب ٨ شهور ناس من إللى كانو عمرو وروز شغالين على القضية بتاعتهم قتلوهم فعمر اخويا علشان يطمن علينا بعتنا على تركيا أنا
وسام ابن عمرو اخويا وبعد ما زهقت انى بعيد عن اخويا وكده قررت إنى ارجع مصر وأدينى رجعت.
ماريهان:ربنا يرحمهم.
لورين:يارب، المهم قوليلى بقا مافيش كراش كده ولا كده.
ماريهان: أنا.
لورين:ايون.
ماريهان:لاء مافيش.
لورين:هتكدب على صحبك يا لمبى.
ماريهان:مافيش والله .
لورين:خلصا يسطا.
فى الوقت ده ييجو البنات وملاك اول ما تشوف لورين تجرى عليها وتحضنها.
وبعد فترة بعدوا عن بعض.
ملاك:إيه ده إنتى جيتى إمتى.
لورين:ما إنتى بروح أمك لو بتسألى كنتى عرفتى.
ملاك:على أساس إنك إللى بتسألى.
لورين:المهم.
ملاك: بتعملى ايه هنا.
لورين: واحده جاية جامعة هتكون جايه تعمل إيه يعنى جايه ترقص مثلا ولا جايه تبيع لب.
ملاك: يا بت نفسى أسئلك سؤال وتردى عليا عدل .
لورين:إيه ده هوا معووج وأنا معرفش.
ملاك:مش هرد عليكي يا جاهلة.
لورين: أحسن.
ملاك:اه صح نسيت أعرفكم دى تبقى لورين.
عشق:اهلا يا زمكس منور والله.
لورين:ده نورك يا شبح.
ماريا: ده نور الكهربا ياختى انتى وهيا .
سيلين: تشرفنا يا قطة.
لورين: الشرف ليا يا قمر انتى .
ماريهان :طيب هنمشى إحنا علشان عندنا محاضرة لما نخلص هنجيلكم هنا.
ويمشو.
___________
ملاك بعد ما خلصت المحاضرة بتاعتها إتصلت على محمد.
محمد كان قاعد فى مكتبه بيقرأ بعض التقارير بتاعة المرضى وتليفونه رن فتح .
ملاك: الو .
محمد:صباح الخير على احلى وأجمل ملاك فى العالم.
ملاك:صباح النور أخبارك ايه.
محمد: بخير يا قلبى وانتى اخبارك ايه وعاملة إيه فى الجامعة .
ملاك:كله تمام.
محمد:يارب ديما بقولك ايه انا هعدى عليكى أخدك ونروح نتغدى سوا النهاردة.
ملاك: اوك هجيلك على المستشفى.
محمد:لاء خليكى أنا هاجى أخدك.
ملاك:تمام.
محمد:وحشتينى اوى.
ملاك:أنا أوحش 😂😂😂
محمد:😂😂😂يخربيتك.
ملاك: شكرا شكرا.
محمد:طيب هقفل دلوقتى علشان أخلص شغل بدرى تمام.
ملاك: ماشى سلام .
__________
أسد كان قاعد فى مكتبه قلقان على عشق لانه من بعد ما رن عليها تليفونها إتقفل فقرر إنه يرن علي ملاك.
ملاك اول ما شافت رقمه قالت:والله ما فى أحلى من اخوكى لما يفضل يرن عليكى علشان يطمن.
ملاك فتحت التليفون.
ملاك:الو يا أسدى .
أسد:عشق فين يا ملاك وتليفونها مقفول ليه .
ملاك:والله مافى أوطى من أخوكى لما يرن عليكى علشان يطمن على صحبتك.
كلهم ضحكوا.
عشق كلمت أسد وبعد ما خلصوا جامعة محمد إيجا لملاك عند الجامعة و أخدها ومشى وسوزى شافتهم ومشيت وراهم.
جاسر طلب من سيلين انها تروح معاه اى مطعم او كافيه لانه عايز إنه يقولها حاجة وراحت سيلين معاه وباقى البنات راحو مع بعض.
________
ملاك ومحمد وصلوا المطعم وطلبو الأكل وفضلو يتكلمو مع بعض وبعد عشر دقايق سوزى راحت عليهم.
سوزى:إيه محمد هوا إحنا كل مره هنتقابل هنا .
محمد:خير يا سوزى .
سوزى:أصلى شوفتك فقولت أجى أسلم عليك .
ملاك:وسلمتى .
سوزى:لاء لسه.
ملاك:لسه مين .
سوزى: أنا مستنيه وحده صحبتى وهيا إتأخرت مش عارفه ليه فممكن أفضل معاكو لحد ما تيجى.
محمد:ماشى.
سوزى باست محمد:شكرا يا محمد .
محمد:سوزى اللى عملتيه ده ميتكررش تانى .
سوزى: انا اسفة.
سوزى كانت بتحاول إنها تقرب من محمد وده دايق ملاك جدا .
ملاك مسكت المعلقة وراحت جايه حدفة بيها الأكل على سوزى وعملت نفسها إنها مخدتش بالها .
سوزى:إيه اللى انتى عملتيه ده.
ملاك:اووه أنا اسفة مأخدتش بالى تعالى معايا الحمام أساعدك.
سوزى وملاك راحو الحمام واول ما دخلو ملاك مسكت سوزى من شعرها وقالت: عارفة يا رخيصة الحوار إللى انتى عملتيه بره ده لو إتكرر تانى أنا هقتلك.
سوزى:اه إبعدى عنى.
ملاك:زقتها.
سوزى: حلو كويس انك فهمتى ان ده كان حوار،لان محمد هيكون ليا يعنى هيكون ليا انتى فاهمه .
ملاك: لو بنت ابوكى صح إبقى ورينى وسابتها ومشيت.
_________
جاسر وسيلين راحو مطعم
جاسر: تطلبى إيه .
سيلين:لاء مش عايزة حاجة ممكن تقولى انت عايز تقول إيه.
جاسر: بصى بصراحة كده أنا بحبك .
سيلين:ايه.
جاسر:انا عارف ان الطريقة اللي قلت بيها الكلام ده مش مناسبة والمكان مش مناسب بس أنا والله العظيم بحبك .
سيلين:وانا كمان.
جاسر:انتى كمان إيه.
سيلين:انا كمان بحبك.
جاسر بصوت عالى:سيلين انتى بتتكلمى جد.
كل الناس بصت عليهم.
سيلين:يخربيتك وطى صوتك يا مجنون .
سيلين:انا انشاء الله هخلص السنه دى وهاجى أتقدملك
يخلص اليوم وكله يرجع بيته وأسد يكلم عشق ويقولها انه هييجى يتقدم لها .
وبعد ما قفل معاها عشق عيطت.
البنات:بتعيطى ليه يا عشق .
عشق:مافيش.
سيلين:فى إيه يا عشق.
ماريهان:مالك بتعيطى ليه.
ماريا:متعيطيش يا عشق هما دلوقتى حواليكى ولو شافوكى بتعيطى هيزعلو.
عشق:كان نفسى ماما وبابا يكونوا معايا يا ماريا.
ماريا: متزعليش بقا.
ويحاولو البنات انهم يخلوها تنسى وتضحك وبعد كده يروحو ينامو.
_________
فى مساء اليوم التالى.
كان أسد واقف ساند بضهره على عربيته مستنى خروج امه وابوه وأخته.
وبعد فتره خلصوا وطلعو أسد قرب منهم وكانت ملامح التذمر مرسومة على وشه .
أسد:ده كله بتلبسوا.
ملاك: اه ده كله بنلبس فيها إيه .
عزت:ما تتقل كده يا بنى .
سمر:على فكره إحنا ما أخدناش نص ساعه.
أسد:طيب يلا علشان ما نتأخرش.
ويركبو العربية ويمشو.
________
عند عشق
بعد ما خلصت لبس كانت قاعده متوترة جدا .
ماريهان:مالك يا بنتى متوترة كده ليه.
عشق: مش عارفة.
ماريا:طيب اهدى كده لانهم على وصول و بعد دقيقة جرس الشقة رن.
راحت سيلين فتحت الباب ودخلتهم.
طلعت ماريهان وماريا قعدوا معاهم.
وسيلين وملاك دخلو لعشق.
ماريا:بص بقا يا بنى إحنا عارفينك وعارفين أخلاقك ومش هنلاقى أحسن منك لبنتنا عشق .
عزت بضحك: طيب إحنا جايين علشان نطلب إيدها لأسد.
ماريهان:انهى إيد بالظبط.
عزت:الإتنين.
ماريا:بص بقا يا بنى إحنا طلبتنا مش كتير إحنا كل اللى طالبينه منك شبكة حلوة لبنتنا وإنها تقعد مع أمك الست الأميرة دى .
سمر:حبيبتى.
أسد:خلصتى كلام قومى هاتى عشق بقا.
ماريا:يا عم الحج المفروض تحترمنى.
أسد:قومى يا بت .
ماريا:حاضر.
وراحت جابت عشق هيا وسيلين وملاك.
وطلعوا قعدوا واتفقوا انهم هيجيبو الشبكة بعد يومين.
وفى الأخر اسد وعيلته مشيو والبنات فرحوا جدا لعشق.
_______
تسنيم كانت قاعدة مع ابوها وامها وقالت
تسنيم:بابا.
رائد :نعم يا حبيبتى.
تسنيم:أنا عايزة أخرج.
رغد:انتى مش صغيرة يا تسنيم علشان تطلبى طلب تافه زى ده.
تسنيم:لاء صغيرة وعايزة أخرج أنا وبابا وعيزاه يشتريلى مصاصات وشوكولاتات وشيبسى ويودينى الملاهى.
رائد:حاضر يا حبيبتى اليوم بكره كله بتاعك وهنعمل إللى انتى عايزاه.
تسنيم: بحبك يا احلى بابا فى الدنيا كلها.
________
فى الظلام
كانت بتجرى بأقصى سرعة عندها علشان تهرب منهم بس للأسف ما قدرتش انها تكمل و وقعت وأغمى عليها.
نزل تيم من عربيته وشاور للحراس بتوعه.
تيم:حطوها فى العربية.
الحراس:امرك يا باشا
صلوا على رسول الله صلى الله عليه وسل