رواية عشق الاسد
____ بقلم /امل نبيل ____
___ الفصل الحادى عشر ___
❤🤍🖤❤🤍🖤❤🤍🖤🤍🖤
وصلت عشق والفتيات إلى المشفى ليجدو أسد
يقف امام إحدى الغرف وسمر تجلس على الكرسى تبكى
عشق بمواساة لسمر:ما تقلقيش يا طنط هتبقا كويسة
سمر ببكاء:يارب طمنى عليها والنبى يا رب
جلست باقى الفتيات يواسون سمر بينما ذهبت عشق إلى أسد ووقفت
بجواره وقالت:ملاك هتبقا تمام إنشاء الله متقلقش إكتفى أسد بالإيماء لها
وبعد دقائق خرج محمد من الغرفة أسرعت سمر إليه وقالت طمنى يا محمد بنتى مالها، ملاك مالها يا محمد
أسد:فى إيه يا محمد ملاك مالها ما ترد علينا
محمد :ملاك عندها هبوط حاد وده أدى
للمضعفات في جسمها وأنا علقتلها شوية محاليل وشوية كده هتفوق وهتبقى تمام
سمر:الف حمد والف شكر ليك يا رب
وفى هذه اللحظة رن هاتف أسد
نظر أسد إلى الهاتف ليجد أن تيم هو المتصل ليذهب بعيدا ويفتح الخط ويقول:الو يا تيم
تيم:إلحق يا أسد البت هربت
أسد بصدمة:ازاى يا تيم
تيم:معرفش يا أسد روحتلها لقيتها مش البيت
أسد:اقلب عليها الدنيا كلها يا تيم
تيم:حاضر يا أسد سلام.
ثم أغلق الهاتف ،وعاد إلى مرة أخرى إلى والدته ليجدها تنتظر مع الفتيات خارج الغرفة
أسد لمحمد:محمد أنا عايز ادخلها
محمد بإعتراض:مينفعش يا اس..
اسد:أنا قلت هدخلها يعنى هدخلها ثم دخل إلى الغرفة ليجد أخته ممددة على السرير ومتصل بجسدها العديد من المحاليل ليجلس على الكرسى المجاور لها وتدخل أمه خلفه هى وعشق وماريا وسيلين وماريهان
وبعد فترة بدأت ملاك فى فتح عيناها ببطء لتجد الجميع امامها اسد و والدتها ووالدها الذى علم من سمر وأصديقائها لتقول:اه يا راسى
نظر لها الجميع وانطلقت والدتها تحتضنها
سمر:حبيبتى انتى كويسة فى حاجة وجعاكى حاسة بأى حاجة
ملاك بإبتسامة تعب:خلاص يا ماما أنا كويسة اهو ومافيش حاجة
عشق:خلاص يا طنط ما تعيطيش ماهى زى القردة اهى
ماريا:بس يا بت قال زى القردة قال دى زى فرقع لوز
ماريهان بضحك:ما تتلمى يا عرة منك ليها البت لسه فى المستشفى
ملاك:لاء عادى دول يقولوا اى حاجة فى اى مكان
سيلين:قومى يا ختى انتى عاملة فيها عيانه قومى يا حبيبتى متعطلناش معاكى
ملاك:لاء بجد ونعمه الصحاب،صحاب خايفيين على صحبتهم بجد
عشق:اومال يا أختشى ده إحنا من كتر خوفنا عليكى مروحناش الجامعة والله
ملاك بقرف:لاء كتر خيركم والله جمايلكم فوق راسى
وفى اللحظة دى دخلت رغد وتسنيم بعد ما عرفوا ان ملاك تعبت
تسنيم:اهى زى القردة اهى يا ماما كان لازم تتعبينى يعنى وتجبينى معاكى
رغد:بنت عيب كده بنت خالك ولازم تيجى
تسنيم:حاضر
عشق:مكنتيش تعبتى نفسك يا اختى
تسنيم:المره الجايه بقا مش هاجى ،
وشافت ماريهان اللى واقفة معاهم وفيها شبه منها
تسنيم وهيا بتشاور عليها:إيده مين دى
الكل بص على إللى تسنيم بتشاور عليها
ملاك:دى ماريهان صحبتنا
تسنيم:ايده دى فيها شبه كبير منى يا جدعان
ماريا:تصدقى عندك حق يا بت
سيلين:يخلق من الشبه أربعين
ماريهان:انا شفتك فين قبل كده ،وبعد دقيقة إفتكرت وقالت:اه شوفت صورتك عند سليم
تسنيم برفع حاجب:سليم مين سليم الحسينى
ماريهان:ايوة هوا انا ماريهان وانتى .
بصت رغد ليها بصدمة واستأذنت منهم وطلعت برا الأوضة واتصلت على سعيد
_________
عند سعيد
كان قاعد فى مكتبه فى الشركة ومعاه بنت لابسة مينى جيب وقميص أبيض
سعيد:متيجى معايا البيت يا قمر
البنت:هيهيهيهيهيهيهي مش هينفع النهاردة يا باشا
سعيد :مش هينفع ليه ب...
فى اللحظة دى رن تليفونه وشاف الرقم لقاه رغد
سعيد:يوووه عايزة ايه دلوقتى دى
البنت:طيب عن إذنك بقا يا باشا
سعيد:ماشى يا وحش
خرجت البنت ورد سعيد على التليفون
سعيد:الو
رغد :الو يا سعيد
سعيد:خير فى اى
رغد:ماريهان معايا فى المستشفى
سعيد:انتى بتقولى ايه
رغد:ملاك تعبت وجابوها المستشفى ولا جيت ليها المستشفى لقيت ماريهان هنا معاها
سعيد:خلاص ماشى انا هتصرف، هيا المستشفى اسمها ايه
رغد:مستشفى ***********
سعيد:ماشى سلام
وقفل التليفون واتصل على المساعد بتاعه
سعيد:الو يا سيد ،عيزك تجهز رجالة وتروح على مستشفى *********وتجيب ماريهان بنتى بس من غير ما حد يحس بيك
سيد:امرك يا باشا
ثم قفل التليفون
___________
بينما فى المستشفى
تسنيم بغيرة:وانتى بقا تعرفى سليم منين
سيلين:ماريهان تبقى زى أخ
قاطعتها ماريهان قائلة:أنا ابقا صحبته وتقدرى تقولى كده اننا بنحب بعض ومن واحنا صغيرين
تسنيم:نعم يا عمر بتحبوا ايه
ماريهان:أنا وسليم بنحب بعض ومن واحنا صغيرين فى إيه
تسنيم:وحياة امك .
وبصت ل ملاك وقالتلها:الف سلامة عليكى يا ملاك يا حبيبتى وهبقا أجيلك تانى سلام .
وخرجت من الأوضة وهيا طالعة خبطت في امها
رغد:رايحة فين يا تسنيم
تسنيم:رايحة مشوار وجاية يا ماما
وبعد ما طلعت من المستشفى ركبت العربية وانطلقت بيها بسرعة
تسنيم:ماشى يا سليم
فى داخل الغرفة كانت ماريهان عمالة تضحك والكل كان بيبص عليها ومش فاهمين حاجة
عشق:مالك يا بت بتضحكى ليه
ماريهان بضحك:هقولكم بعدين
سيلين:عليا النعمه ما يحصل لازم اعرف
ماريا:يلا يا بت قولى فى ايه
ماريهان:مافيش انا هروح اجيب ماية سلام وطلعت
سيلين:البت مقالتشى بردو والله لأجرى وراها
ماريا:استنى خودينى معاكى يا سيلى وطلعوا ورا ماريهان
عشق:يا ولاد المجانين
ملاك بضحك:والنبى ضحكونى ولاد الهبل دول
فى الوقت ده دخل محمد الأوضة
محمد:الف سلامة عليكى يا ملاكى
ملاك:لا رد
اسد:طيب يلا يا ماما نسيبهم لوحدهم شوية
سمر:لاء انا مش هسيبها لوحدها
اسد:انتى محسسانى انها لسه عيلة يلا يا ماما يلا يا عمتو ثم نظر لعشق اللى كانت الدموع مالية عنيها وقال لها:يلا يا عشق
طلعت عشق راحت الجنينة وسمر ورغد وعزت قعدوا قدام الأوضة وأسد قال لمحمد:شوف ايه إللى حصل بينكم وصلحوا يا صحبى وراح لعشق بعدها
___________
كان عمر واقف في المطار بإنتظار اهم أشخاص فى حياته وبعد مرور تلت ساعة اعلن على وصول الطائرة القادمة من تركيا .
ظهر أدام عمر بنت جميلة جدا ومعاها طفل عنده ٤سنين شبيه عمر ولكن مع إختلاف لون العين لان لون عين الطفل كانت عسلى
ركض الطفل الى عمر وقال:وحشتينى اوى يا بابا
عمر إحتضنه وقال:وانت كمان وحشتنى يا حبيب بابا
ثم تركته وإحتضن البنت وقال:وحشتينى اوى يا لورين
لورين:وانت كمان وحشتنى يا عمر وحشتنى اوى يا اخويا
"انا عارفة انكم كده اتلغبطوا ومش فاهمين حاجة بس مع باقى الأحداث هتفهموا "
الطفل :بابى انا جعان اوى
عمر:ماشى يا روحى هناكل
الطفل:بث مث عايث ماما تاكى معانا عثان مث لديت تدينى ثوكوياته
"بس مش عايز ماما تاكل معانا علشان مش رديت تدينى شوكولاته"
لورين:كده يا سى سامر
سامر:يا مامى انا مث بحب الاثم ده انا إثمى ثام مث ثامر
"يا مامى انا مش بحب الاسم ده انا اسمى سام مش سامر"
عمر:ماشى يا عم سام يلا نروح بقا ولا هتتخانقوا هنا
لورين:لاء يلا يا اخويا
_______
فى المستشفى
محمد:الف سلامة عليكى يا ملاكى
ملاك:لا رد
محمد:يعنى مش هتردى عليا
ملاك: لا رد
محمد:حقك عليا متزعليش منى يا ملاك
ملاك:لا رد
محمد:يعنى مش هتردى عليا ،طيب انتحر يعنى ولا اعمل ايه ايه إللى يرضى ملاكى وانا اعمله
ملاك:لا رد
محمد:طيب قوليلى اعمل ايه وأنا هعمله والله بس ردى عليا
ملاك:لارد
محمد قرب جامد من ملاك وقرب من شفايفها ولسه هيبوسها ملاك زقته بعيد عنها وقالتله:اوعى كده متقربش
محمد:ياااااه اخيرا رديتى
ملاك:اطلع برا
محمد:مش طالع
ملاك:لا هتطلع
محمد:لاء مش طالع
فى الوقت ده الباب خبط ودخلت سمر بالأكل
سمر:يلا يا ملاك علشان تاكلى
ملاك:ماليش نفس
محمد:هاتى يا طنط الأكل ده انا هأكلها
سمر:ماشى
وبعد كده طلعت
محمد:يلا علشان تاكلى
ملاك:قلتلك ماليش نفس ومش عيزاك تتكلم معايا اصلا
محمد:ماشى مش هتكلم معاكى بس هتاكلى يلا
ملاك:مش عايزة
محمد:ملاك هتاكلى يعنى هتاكلى
وبدأ محمد فى اطعامها تحت رفضها
__________
سيلين:يا بت قولى بقا فى ايه بقالى ساعة بتحايل عليكى علشان تقولى ،وليه قلتى لتسنيم إنك وسليم بتحبوا بعض
ماريا:ما تقولى يا عره يلا
ماريهان:يخربيت زنك انتى وهيا افصلوا شوية
ماريا:قولى يلا
ماريهان:خلاص ماشى هقول، سليم بيحب تسنيم دى تمام ومعرفش ايه إللى بينهم وكده بس لما شفتها النهاردة كنت عايزة اعرف هيا كمان بتحبه ولا لاء
سيلين:و هيا بتحبه ولا لاء
ماريهان:وانتى يا Stupid مافهمتيش دى بتعشقه مش بتحبه بس انتى ما شفتيش كانت غيرانة عليه ازاى.
ماريا:لاء يا بت يا ماريهان مطلعتيش سهلة
ماريهان:عيب عليكى ده انا ماريهان
سيلين:طيب وهيا تسنيم راحت فين على كده دلوقتى
ماريهان:اكيد يعنى راحت لسليم
ماريا:بقولك إيه يا بت تعالو نروح نجيب ايس كريم
سيلين :منين
ماريا وهى تشاور على احدى المحلات :من المحل ده
ماريهان:يلا
_________
أسد راح لعشق لاقاها قاعدة فى جنينة المستشفى بتعيط
اسد:بتعيطى ليه يا عشقى
عشق وهيا تمسح دموعها:مافيش حاجه
قام أسد بإحتضانها:حبيبتى بتعيط ليه ومتخبيش عليا
عشق:إفتكرت ماما اللى ماتت من غير ما اشوفها ولا حتى اعرف شكلها واتمنيت انها تكون معايا دلوقتى، زي ما طنط سمر موجودة مع ملاك
اسد باسها من خدها:طيب ينفع حبيبى مايعيطش تانى وبعدين مافيش حاجة اسمها طنط سمر مش عايز اسمعها تانى، اسمها ماما سمر فاهمه
عشق بإبتسامة خفيفة:فاهمة
اسد:والنبى بتبقى حلوة كده وانتى شبه الطماطم
عشق:بس يا بابا روح العب بعيد
أسد:بقا ده رد الجميل، شكرا
____________
وصلت تسنيم بيت سليم وفضلت ترن الجرس وتخبط على الباب *بترزع الباب بمعنى اصح 😂😂*
سليم قام مفزوع من النوم على صوت التخبيط وطلع يفتح الباب من غير ما يلبس التيشرت بتاعه
فتح سليم الباب لقا تسنيم مندفعة بطريقة غبية وبتزعق
تسنيم بعصبية وزعيق:اه يا أستاذ اتعاملت معايا كويس فى الاول وخليتنى أحبك وبعدين بعدت وانا يا عينى اللى كنت زعلانه ومدايقة ويوم ماقبلتك كان نفسى افضل معاك واقولك انى بحبك بس لاء كرامتى مسمحتليش انى اقولك وسبتك ومشيت وانا زعلانه والنهاردة الاقى البت ماريهان تقولى ان فى قصة حب قديمة بينكم ،لاء وحياة امك الكلام ده مينفعنيش انت هتبقا ليا حتى لو غصب عنك انت فاهم .
سليم كان مصدوم من الطريقة اللي تسنيم بتتكلم بيها وبعدين خد باله وفضل يضحك جامد
تسنيم:انت بتضحك على ايه شايف اراجوز قدامك ولا حاجة
سليم بضحك:يخربيتك اه مش قادر
😂😂😂😂😂😂😂
*اضحك يا بنى اضحك 😂😂*
سليم:ايه يا بت الجبروت ده حتى لو ما بحبكيش هتخلينى احبك غصب عنى
،يا جبروتك يا شيخة
تسنيم:اه هتحبنى وغصب عنك كمان ليك رأى تانى
😂😂😂
سليم:بس انا مش بحبك
تسنيم:وعليا النعمة هتجوزك غصب عنك
سليم بضحك:على فكرة المفروض انتى اللى تكونى مش موافقة وانا اللى اقولك الكلام ده
تسنيم:ماليش دعوة انا،
والله يا سليم لو ماسبت البت ماريهان دى هقتلك وأقتلها انت فاهم أنا بحذرك
*قالت اخر جملة وهى بترفع صباعها *
سليم بصوت بسيوني فى فيلم الباشا تلميذ:طيب بلاش الصباع ده والنبى
تسنيم بعصبية:انت بتهزر يا سليم
سليم شدها من إيدها وتسنيم باقت محصورة بين سليم والحيطة
سليم:على فكرة انا وماريهان مافيش حاجة بينا وهيا أختى زيها زي سيلين ده اولا ثانيا انا بعدت عنك علشان كنت خايف عليكي كنت خايف تتأذى بسببى ثالثا بقا انا مش بس بحبك انا بعشقك
تسنيم:بجد
سليم:لاء بهزر اكيد بتكلم جد
انتبهت تسنيم بأن سليم لا يرتدى التيشيرت بتاعه لتضع يدها على عيناها وتقول:ادخل البس حاجة يا قليل الادب
تذكر سليم بأنه لا يرتدى التيشيرت بتاعه ليضحك ويحتضنها ويقول:وانتى لسه واخده بالك انى مش لابس التيشيرت
تسنيم وهى تبتعد عنه:ابعد بقا كده
سليم:مش هبعد
تسنيم زقته بعيد عنها وطلعت بره الشقة وقالت:انت واحد قليل الادب اوى
ضحك سليم وقال:يخربيتك يا تسنيم هتجنينينى معاكى
_________
وصلت ماريهان وسيلين وماريا لمحل الأيس كريم
ماريهان:عايزين طعم ايه
ماريا وسيلين معا:شوكولاته
ماريهان:اشطا وانا فراولة
طلبت ماريهان الايس كريم وهما طالعين من المحل ايجت عربية وقفت قدامهم نزل منها راجل وسحبت ماريهان وحطها في العربية ومشيو سيلين وماريا فضلو يصوتو واتجمع على صوتهم الناس
_________
فى العربية
ماريهان بزعيق:اوعو كده انتوا مين
الراجل: لو سمحت يا هانم اسكتى احنا مش عايزين نأذيكى
ماريهان:هانم مين اوعو كده سيبونى
الراجل٢:يا بت اسكتى بقا هتصدعينى
الراجل١:يخربيتك اسكت البيه لو سمعك وانت بتزعق ليها كده هيقتلك ويتاويك
ماريهان:سيبونى بقا حد يلحقنى الحقونى .
الراجل ٢:يا عم خدر البت دى خليها تفصل وضع الراجل الاول المنديل المخدر فوق انفها لتسقط بعد عدة ثوانى لا تعى بما حولها
___________
وصلت تسنيم بالعربية للمستشفى ولقت ماريهان وسيلين بيصوتوا والناس ملمومة عليهم
تسنيم بفزع من منظرهم:فى ايه يا ماريا
ماريا ببكاء:ماريهان .....ماريهان فى حد خطفها
تسنيم:بتقولى ايه
سيلين ببكاء :ماريهان حد يلحقها
تسنيم:طيب اهدى بس ما تخافيش
أنا هتصرف
اتصلت تسنيم على .......
___________
...: ادخل يلا يا بطل
سامر:حاضر يا بابى
عمر:يا خلاثى على الصغنن يا ناس
لورين:والنبى ده انت اللى صغنن مش هوا
سامر:خياص عيفنا انى كبير مث صغنن
*خلاص عرفنا انى كبير مش صغنن *
لورين:غور ياض من هنا
عمر:بت انتى وهوا أنا مش مربى اطفال
لورين:ما تقوله هوا انا مالى
سامر:انا ماييش دعوة
*أنا ماليش دعوة *
عمر:لورين خودى سامر وروحوا كلوا وسيبونى بقا ارتاح شوية
سامر:احنا اللى المفيوض ننام مث انت احنا يسه ياجعين من السفر
*احنا إللى المفروض ننام مش انت احنا لسه راجعين من السفر *
عمر:ماشى يا اخويا روح نام
سام:بث أنا جعان
*بس انا جعان *
عمر:ولا أنا هعملك إيه ،أنا زهقت من...
قطع عمر صوت هاتفه
ليجيب:الو
تسنيم:ايوة يا عمر الحقنا
عمر:خير يا تسنيم ايه إللى حصل
تسنيم:صحبتنا يا عمر اتخطفت
عمر:طيب اهدى بس وقوليلى مكانك
تسنيم:احنا قدام المستشفى بتاعة محمد
عمر:ماشى تمام أنا جاى
قفل عمر التليفون وقال ل لورين:لورين أنا لازم امشى خلى بالك من نفسك انتى وسامر سلام .
سامر:يوووه قويت كتيير انى اثمى ثام مث ثامر
*يوووه قولت كتير انى اسمى سام مش سامر*
__________
خرجت عشق واسد على صوت الصويت لقوا البنات بيعيطوا والناس ملمومة حواليهم جريت عشق عليهم وقالت: فى ايه
سيلين: ماريهان فى حد خطفها
عشق بصدمة:انتى بتقولى ايه
تسنيم:انا اتصلت بعمر وهوا هيوصل شوية كده ولما هيوصل هيتصرف
اسد:ممكن تهدوا وتحكولى ايه إللى حصل بالظبط
ماريا:احنا كنا بنشترى ايس كريم وبعد ما طلعنا من المحل فى عربية وقفت قدامنا ونزل منها راجل وسحب ماريهان معاه .
اسد: تمام كلمى سليم يا سيلين بسرعة
سيلين:حاضر
ثم اخرجت هاتفها واتصلت على سليم الذى اجاب:الو يا سيلين يا حبيبتى عاملة ايه وحشانى اوى
سيلين ببكاء:الحق يا سليم
سليم:مالك يا سيلين فى ايه حصلك حاجة
قام اسد بأخذ الهاتف من سيلين وقال:سليم ماريهان اتخطفت تعالى بسرعة على ********
سليم:مسافة السكة
___________
وصلت العربية إللى موجود فيها ماريهان لفيلا في مكان مهجور
نزل الراجل وشال ماريهان ودخلها فى اوضة من اوض الفيلا ونزل تانى لصاحبه تحت
الراجل ٢:ايه يا خالد ده البت دى فرسة يا جدع ما تيجى نمتع نفسنا شوية
خالد:اخرس يا محمود انت عارف دى مين دى تبقا ماريهان العامرى بنت سعيد بيه
محمود:بقا الراجل ده مخلف الوحش ده ،يلا مالناش فى الطيب نصيب
__________
وصل عمر وسليم للمستشفى لقو اسد وعشق وسيلين وماريا وتسنيم قدام المستشفى سليم راح ل سيلين وحضنها وقالها: ما تخافيش
وبص لأسد وقاله:ايه اللى حصل
سيلين:كنا بنشترى ايس كريم وبعد ما طلعنا من المحل فى عربية وقفت قدامنا ونزل منها راجل وسحب ماريهان معاه ودخلها العربية وبعد كده مشى بسرعة
عمر:طيب شوفتى شكل الراجل او حتى رقم العربية او اى حاجة
اسد:مش هنحتاج ده كله يا عمر ،أظن ان سليم كان عامل احتياطاته كويس ولا ايه يا سليم
ظهرت نصف ابتسامة على وجه سليم
عمر:قصدك ايه
اسد:اكيد يعنى سليم كان حاطط مثلا جهاز تتبع فى شنطة ماريهان مثلا او فى تليفونها زى ما كان بيعمل الأول
اخرج سليم تليفونه وضغط عليه ثم ظهر امامه مكان ماريهان
سليم:توقعك صح يا أسد بس المرادى كان جهاز التتبع فى السلسلة اللى انا كنت مديهالها لانى كنت متوقع ان ممكن حاجة زى دى تحصل.
_________
بدأت ماريهان فى فتح عيناها لتجد نفسها في اوضة كبيرة بدات فى النهوض والاعتدال على السرير لتجد باب الأوضة بيتفتح وبيظهر ابوها قدامها
ذهب سعيد اليها وضمها إليه وقال:ماريهان حبيبتى وحشتينى .
ابتعدت ماريهان عنه بخوف
سعيد بذهول:فى ايه يا ماريهان
ماريهان بخوف:عايز ايه منى
سعيد:هوا فى واحده تقول لابوها عايز ايه بردو ،وبعدين يا حبيبتى انا خلصتك من المجرم اللى كان حابسك عنده
ماريهان:خلصتنى منه علشان تجيبنى عندك صح ،وبعدين انت مفكر انى معرفتش حقيقتك لحد دلوقتي يا ..يا بابا
سعيد:انتى بتتكلمى على ايه
ماريهان:بتكلم عنك بتكلم على انى عرفتك على حقيقتك خلاص.
سعيد بضحكة شريرة:خلاص طالما عرفتى حقيقتى بقا يبقا مش لازم اننا نكمل تمثيل بقا انتى هتفضلى هنا ومحدش هيعرف عنك حاجة .
ماريهان:انت ليه بتعمل كده فهمنى
سعيد:علشان الفلوس يا قطة سلام.
تركها سعيد فى الأوضة لوحدها بينما هيا عيطت
________
محمد:خلاص بقا يا ملاكى كفاية كده حرام عليكي والله
ملاك:لاء لسه عشرة كمان
محمد:حرام عليكي يا مفترية انا تعبت ،وكمان مش لاقية غير العقاب ده وتقوليلى اعمله
ملاك:ايوة انا ديما بشوف البطل لما بيزعل البطلة فى المسلسلات الهندية بيمسك ودانه ويفضل يطلع وينزل
*الله يكون في عونك يا محمد😂😂😂*
محمد:الله يحرق الهندى إللى بوظ عقلك يا ملاك
________
سليم:أنا حددت مكان ماريهان انا هروحلها
اسد:استنا أنا وعمر هنيجى معاك
سليم:ماشى
عمر وأسد ركبوا العربية وسليم ركب عربيته والحراسة كانت وراهم وصلوا بعد ساعة الا ربع للمكان إللى موجودة فيه ماريهان
ولقوا حراسة كتيرة على المكان
نزل اسد وعمر وسليم من العربية والحراس نزلوا وراهم وابتدى الإشتباك بين عمر واسد وسليم وحراسهم وحراس سعيد
ماريهان كانت قاعدة فى الاوضة بتعيط لحد ما سمعت صوت ضرب نار بصت من الشباك وشافت سليم و شافت الاشتباك إللى حصل بين الطرفين .
سعيد كان فى مكتبه لقا سيد المساعد بتاعه داخل عليه بيقوله:الحق يا سعيد باشا سليم بيه بره هوا واسد المنشاوى والظابط عمر وبيقتلو فى الحراس بره
سعيد بخوف:زود الحراسة بسرعة يا سيد ما تخلهومش يدخلوا هنا انت فاهم
سيد :يا سعيد بيه الحراس كلهم بره وبيتقتلوا إحنا لازم نمشى من هنا حالا
سعيد:طيب اطلع هات ماريهان وانا هستناكم ورا الفيلا هطلع من الباب الخلفى
طلع سعيد من المكتب بسرعة
وسيد طلع عند ماريهان لقاها قافلة الباب فضل يخبط ويذق في الباب بس مفتحش سيد سابها ونزل هوا كمان لقا سعيد مستنيه في العربية ورا
سعيد:فين ماريهان
سيد:لاقتها الباب مقفول جامد يا بيه ومعرفتش اكسره
سعيد:غبى غبى
سيد:اروح اجيبها يا باشا
سعيد:لاء اطلع بسرعة خلينا نمشى من هنا
_______
عند ماريهان لما سمعت صوت سيد استخبت ورا الدولاب وبعد فترة توقف صوت ضرب النار
وسمعت صوت حد طالع عالسلم خافت
بس بعد كده سمعت صوت سليم بينادى عليها طلعت من ورا الدولاب وراحت تفتح الباب لقيته مش بيفتح فضلت تنادى على سليم لحد ما سمعها وكسر الباب هوا واسد وعمر
طلعت ماريهان من الاوضة سليم خدها ونزل بيها وركبها العربية واسد وعمر ركبوا هما كمان ومشيو راحو المستشفى لقو ملاك وعشق وماريا وسيلين وتسنيم ورغد وسمر وسامية وجاسر وعزت و رائد ومحمد فى الاوضة عند ملاك مستنيينهم
دخلوا الاوضة البنات جريوا على ماريهان وفضلوا يحضنوا فيها
*محسسنى انها راجعة من العمرة يعنى المهم ما علينا نرجع نكمل الرواية تانى 😂😂😂😂*
عشق:كفارة يا شبح
ماريهان:فى ايه يا عشق هوا انا طالعة من السجن ولا ايه ياختى
ماريا:قلقتينا عليكى يا عره
ماريهان:شكرا يا ذوق
سيلين:بسببك معرفتش اكل الايس كريم
ماريهان :اصحاب عره صحيح همهم الايس كريم .
😂😂😂😂😂
سمر:حمدالله على السلامه يا حبيبتى
ملاك:هيا مش راجعة من الحج يا ماما
تسنيم:بس يا حيوانة
سليم:طيب يلا يا ماريهان نمشى
تسنيم:تمشوا فين معلش
سليم:همنشى على بيتنا
تسنيم:بيت مين لمؤخذة
سليم: بيتى أنا وماريهان
تسنيم:نعم يا عمر
عمر:نعم يا تسنيم عايزة ايه
تسنيم:لاء مش بقولك انت .
ماريهان:لاء يا سليم انا هروح مع سيلين وماريا وعشق
سليم:ماشى تمام همشى أنا
اسد:ماشى يا سليم
سليم مشى وعمر كمان مشى وماريا وعشق وسيلين وماريهان أسد وصلهم
سمر وعزت وملاك مشيو
تسنيم ورغد و رائد مشيو
سامية وجاسر مشيو
وانتهى اليوم عادى
_______
فى اليوم التالى
عمر صحى على صوت لورين وسام
خرج عمر من الاوضة لقا لورين وسام بيجروا ورا بعض
عمر:يخربيتكم،إيه يا لورين ده ،ده انتى لو طفلة يا بنتى مش هتعملى كده
لورين:الواد سامر ده رخم اوى خليه يبعد عمى
سامر:والله ماييش دعوة بيها هيا إللى بتضيبنى وبتنيفزنى
*والله ماليش دعوة بيها هيا إللى بتضربنى وبتنرفزنى*
عمر:انا ماشى حلوا انتم مشاكلكم مع نفسكم
ودخل الأوضة غير هدومه وهوا طالع قابلته لورين وقالتله:ما تنساش تشوفلى موضوع الورق بتاعى علشان الجامعة
عمر:انشاء الله
ونزل ركب عربيته ومشى
________
اسد صحى من نومه راح لعب شوية رياضة وبعدها غير هدومه و راح شاف ملاك واطمن عليها وركب عربيته وراح الشركة
_______
سليم صحى غير هدومه ونزل ركب عربيته ومشى على شركته
______
تسنيم صحيت لاقت باباها صاحى فطرت معاه وبعد كده خدها بالعربية علشان يوصلها الجامعة .
______
محمد نايم عادى مرحش في حته😂😂😂______
عشق وماريا وسيلين وماريهان صحيوا وفطروا وغيروا هدومهم وراحوا الجامعة
وصلوا الجامعة لقو سوزى واقفة مع شباب بتضحك معاهم
واول ما شافت ماريهان راحت ليها وقالت
:ازيك يا ماريهان
عشق:انا مش عارفه الجو بقا حر كده ليه
ماريا:ايوة تحسيه بقا رخم كده اوى
سوزى:ايه يا ماريهان مش هترضى عليا ولا إيه
ماريهان:لاازاى يا حبيبتى، انا كويسة انتى ايه اخبارك
سوزى:تمام،البنات عاملين party مش هتيجى معانا ولا ايه
ماريهان:لاء مش هاجى عن اذنك يلا يا بنات
مشيو وهما ماشيين وقف قدامهم شابين
الشاب الأول:ممكن نتعرف على القمر
عشق:القمر فوق فى السما روح اتعرف عليه
الشاب التانى:وانا بقول النمل ملموم النهاردة ليه اتارى فى سكر هنا واحنا منعرفش
ماريهان:وحياة امك منك ليه غور ياض من هنا
الشاب الأول :ده انت طلعت شرس يا قمر بس بيعجبنى النوع ده اوى
سيلين:وماله احنا هنخليه يعجبك اكتر
وراحت جاية ضرباه بركبتها
وعشق وماريا وماريهان اتلموا عليهم وفضلوا يضربوهم
وايجا امن الجامعة وبعدهم عن بعض واتدخل بعض من دكاترة الجامعة وقالو لعشق وماريا وسيلين وماريهان روحوا عند عميد الكلية بسرعة
عشق:بس يا دكتور هما الل...
الدكتور:روحوا لعميد الجامعة فورا
ماريهان:حاضر
مشيو وراحوا عند عميد الجامعة خبطوا ودخلوا لقو عميدة الجامعة مشغولة بشوية اوراق
بعدها دخل الدكتور وقال لعميدة الكلية أن عشق وماريا وسيلين وماريهان ضربوا الولاد
العميدة:تمام يا دكتور سيبهم وأنا هتصرف معاهم
خرج الدكتور و العميدة فضلت مركزة في الورق إللى معاها
عشق بهمس:هنعمل ايه دلوقتى
ماريهان:مش عارفة
سيلين:اتصرفوا
عشق:اسكتوا طيب
بصت عشق للعميدة ولقت صورة على المكتب بتاعها وقالت: ده من اولاد حضرتك صح
اومأت لها العميدة
عشق:ربنا يحفظه،والله جميل جدا ،ماتجيبهوش معاكى هنا ،ده البنات إللى هنا لو شافوه هيقعوا فى حبه ويعشقوه وممكن يخطفوه كمان علشان حلاوته دى
بصت ماريهان ليها وقالتلها بهمس:إخرسى دى بنت
العميدة:دى بنتى مش إبنى
ماريهان:مشاء الله جميلة جدا
عشق :وانا ايه إللى عرفنى انه بنت انا شفت شنبها افتكرت انها ولد،أنا اتلغبط بسبب الشنب ده هوا تقريبا وراثى من الام صح
ماريهان:اخرسى يا عشق
ماريا وسيلين كانو ماسكيين ضحكتهم بالعافية
العميدة:اتفضلوا على محاضرتكم ومش عايزة اى مشاكل يلا
طلعت عشق وماريا وسيلين وماريهان برا الأوضة وفتحوا في الضحك
😂😂😂😂😂😂😂😂😂😂😂
ماريهان:يخربيتك فصلتينى وربنا
عشق:وانا ايه إللى عرفنى يعنى انها بنت مش ولد
ماريا:انا مكنتش هقدر أمسك ضحكتى اكتر من كده
سيلين:كويس انها طلعتنا والله .
_________
.....:ازاى يا سعيد ده حصل
سعيد:وانا اعمل ايه يعنى
رغد:هوا ازاى قدر يوصل لمكانك
سعيد:مهو ده إللى هيجننى ازاى قدر انه يوصلى المكان ده محدش يعرف بيه غيرنا احنا
رغد:طيب والعمل دلوقتى
سعيد:معرفش وانا هضطر انى اسافر روسيا بكرا
رغد :ليه فى اى حاجة جديدة
سعيد:فى اجتماع والراس الكبيرة هتكون موجودة هناك
رغد:معقولة دى عمرها ما ظهرت خالص
سعيد:اهى هتظهر بكرا
رغد:تمام ولو فى اى جديد بلغنى بيه
سعيد:ماشى سلام
رغد:سلام
________
فى المساء أسد كان بيتكلم مع عشق فى التليفون وكانت سيلين وماريهان وماريا بياخدوا منها التليفون ويرخموا على اسد
لحد ما الباب خبط وراحو يفتحوا لقوا قدامهم ..........
صلوا على رسول الله صلى الله عليه وسلم