الفصل الثالث والثلاثون
والرابع والثلاثون
بقلم صابرين علاء
عابد كان غل ونار الدنيا جواه
ومكنش شايف قدامه مفكرش ف اي حاجه
ونسي كل اللي بينهم ف لحظه
وقالها بعصبيه
ندى انتي طا
ليالي قالت لا،،،،،،،،،، اوعى تطلقها ياعابد،،،،،،،، اوعى تقولها،،،، انت لو عملت كدا هاتكلفك ندم العمر كله
ومش هيكون كفايه،،،،،،،،
ندى برئيه ومعملتش حاجه علشان دا كله،،،،،،،، انا سكت كتييير ومش هسكت تاني بعد النهارده،،،،،لازم كلكم تعرفو الحقيه،،،،،الحقيقه اللي عرفتها من اكتر من تمن شهور وانا ساكته على امل الامور تتغير بس مع الاسف عماله تسؤ اكتر،،،،،بس كفايه،،،كفايه ظلم لحد كدا
تعالو معايا،،،،،،،
محمد قال،،،، في ايه يا ليالي حقيقه ايه اللي بتتكلمي عليها
ليالي بصت ل عابد و قالت،،،،،
اخلع قميصك واستر بيه مراتك ياعابد
وتعالو معايا هاتعرفو كل حاجه دلوقتي
دخلو معاها واتلمو سوا وقعدو بعيد عن العمال،،،،، وقفلو الباب عليهم
ليالي طلعت فلاشه وحطتها ف الشاشه وشغلتها على مقطع صوتي
وكانت الصدمه
محمد سامع صوت اخته نيره وهي بتعترف
وبتقول
محمد اخويا كان كل حاجه ف حياتي
لحد ماطلقني من جوزي وبعدني عنه بحجه انه مش كويس ومش هيهتم بيا،،،،وبعدها بكل برود قالي انا هاتجوز ،،،،،غصب عني مقدرتش اشوفه متجوز ومبسوط وعايش حياته
وانا مطلقه ومحدش عايز يبص ف وشي،،،،، لاقيته اتجوز بنت جميله جدا واخوها غني بس لاحظت ف عنيها نظره حزن اول مادخلت البيت عرفت انها متجوزاه غصب عنها
استغليت الموضوع وبقيت ادسله حبوب ف الاكل،،،،، الحبوب دي ترخي الاعصاب وتخلي الراجل مش قادر حتى يشيل كوبايه الميه من مكانها
معرفش انا عملت كدا ليه وازاي بس كنت ببقى مبسوطه اوي لما بشوف حياته بتتدمر زي حياتي،،،،
ساعتها قرررت اني اتمادى ف غلطي اكتر واكتر ولما طلقها المره الاولى بطلت احط الحبوب نهائيا ولما رجعها بقيت اعمل كدا،،،،،
ف لحظه حسيت بغلطي،،،، لاقيت نفسي مش طبيعيه،،،،،، قرفت من نفسي ومن تصرفاتي،،،،، فورا قررت اجيلك،،،، لما اتأكدت ان انا مريضه
ليالي قفلت المقطع لحد كدا وقالت
شوفت،،،،، شوفت بعينك وسمعت بودنك،،،،
محمد مصدوم وقال،،، يعني ايه،،،،
نيره اختي هي اللي عملت فيا كدا
نيره قالت ايوا يا محمد انا اللي عملت كدا،،،،،،،
الكل بص عليها نيره دخلت وكان معاها دكتور زياد ودا اللي كان بيعالجها،،،،،،
نيره كملت وقالت.،،،،، ايوا يامحمد
كل اللي سمعته كان صح،،،،،
دي تسجيلات كان مسجلها دكتور زياد
وسرقتها منه علشان كنت رافضه العلاج تماما،،،، ومكنتش موافقه عليه
وخوفت انه يضغط. عليا بالتسجيلات اللي معاه دي ف روحت سرقتها منه
وف نفس اليوم كانت ليالي عندنا
وخدتها مني وعرفت كل شئ
زياد كمل وقال،،،، ليالي كانت عايزه تقولك على كل شئ بس طلع قلبها طيب سرقت رقمي من تلفون نيره وقالتلي على التسجيلات وانا شرحتلها الوضع وطلبت منها تصبر يمكن
اقدر اعالجها،،،،،،، ومن ساعتها وهي حافظه السر
محمد قال،،،،، انتو كدابين ،،،،،
ايوا انتو كلكم كدابين،،،،،، اختي نيره
برئيه مش ممكن تعمل كدا،،،،،
نيره دا انا اللي مربيها على ايدي
وياما اكلتها بإيدي وهي صغيره
ولما طلقتها من الواد دا،،،،، انا اكتشفت انه نصاب وعايز يضحك عليها وياخد املاكها،،، بس انا قدرت احميها منه،،،،،
عابد وندى ف كل دا وقفو متنحين
مش مستوعبين اللي بيحصل
عابد ف نفسه،،،،، دا ايه الفلم الهندي
اللي بقينا فيه دا،،،،،
ندى قالت،،،، ليه كدا يانيره حرام عليكي ياشيخه،،،، دا محمد كان هيتجنن من الموضوع دا،،، وروحنا
لدجالين وشيوخ قولنا يمكن في عمل ولا حاجه،،،، بقى كل دا يطلع من تحت راسك انتي،،،،،
عابد مسكها من شعرها راحت قالت
دا انا قولت الطف بس بدال ماهو قلب فيلم مكسيكي كدا،،،،،
محمد قال،،، هزرو براحتكم واضحكو براحتكم،،،، محدش ابدا حاسس بالوجع اللي فيا،،،،،
ليالي قربت منه وقالت،،،، انا حاسه بيك ومش هسيبك يامحمد،،،،،
نيره قالت،،،، انا اسفه اوي يامحمد صدقني كل اللي حصل دا كان غصب عني
محمد ساب الكل وطلع برا وليالي جريت وراه بس ملحقتهوش،،،،،
_____________________
حوريه راحت عند قصر جبل لاقت عم حسن قاعد زعلان،،،،،،
قربت منه وقعدت جمبه وقالت ازيك ياعم حسن،،،،،،،
حسن فرح اوي لما شافها،،،،، قالها
حوريه،،، ازيك يابنتي،،،، اخبارك ايه
حوريه قالت كويسه الحمد لله،،،،
مالك ياراجل ياطيب،،،، ايه اللي مزعلك،،،،،
حسن حكالها كل اللي حصل وقالها
شوفتي،،،،،، جبل اتغير يابنتي اوي بعد مامشيتي،،،، والنور اللي كان مالي البيت انطفى وزي ما انتي شايفه
البيت بقى ضلمه وكأيب وحتى الراجل اللي اشتراه سافر على امريكا وسابه،،،،،،
حوريه قالت،،،،، طيب هو جبل وطنط شريفه دلوقتي
حسن قال والله ماانا عارف يابنتي
هم اصلا طلعو من هنا وحالتهم حاله
مكنوش مستحملين اصلا ان حد يودعهم
حوريه مشيت وهي حاسه باليأس والاحباط،،،،، وفيها زعل الدنيا كله
ركبت العربيه جنب سمر وقالت
خلينا نرجع القاهره تاني ياسمر
سمر قالتلها،،، ايه ياحببتي،،، عملتي ايه،،،، ملقتيش اهلك،،،،
البيدج الاصليه الكاتبه صابرين علاء.
حوريه وهي حزينه قالت لا ملقتهمش
خلينا نمشي ياسمر
سمر ساقت العربيه ومشيت بيها
فجأه لمحتها صفاء امها ف العربيه من بعيد
قالت ل منصور،،، منصور،،،، انا شوفت
حوريه،،،،، شوفت حوريه يامنصور
حوريه هنا ف البلد
وجريت وراها بكل قوتها وهي عماله تنهج ومش قادره بس طبعا كانت العربيه
اسرع وغابت عن العيون
منصور قال،،،،، ياوليه حرام عليكي جريتيني وراكي ونشفتي ريقي
حوريه ايه بس هي ايه اللي هايجبها هنا،،،،،
صفاء قالت انا شوفت بنتي يامنصور انا مش كدابه،،،، بقولك شوفتها
والله العظيم شوفتها
منصور قال،،،،،، طب وامة هي جت هنا ليه معدتش علينا هي يعني مش عارفه البيت،،،،،
صفاء قالتله لا عارفاه يامنصور،،، بس البت ازاي هيجيلها عين تيجي وانت
كسرة قلبها وكسرت بخاطرها قبل كدا وانت عارف كويس قد ايه بنتك
عنيده
منصور قال ماهو اللي بنتك عملته ماكنش قليل بردو ياصفاء
صفاء كشرت ف وشه وقالت هو انت
لسه هتكابر يامنصور دا بدال ماتروح تتدور عليها وتندم وتحس بغلطك
تقوم تعمل كدا،،،،،،،،،
منصور حط وشه ف الارض منها،،،،
صفاء قالت اول مره بعد العمر دا كله احس اني ندمانه على جوازي منك يامنصور،،،،،
وسابته ومشيت،،،،،،،
_______________________
جبل وصل على القاهره ووصل امه شريفه عل الشقه اللي اخدها من
كمال
قالها يالا اقعدي بقا هنا ياست الكل
وانا هنزل اشوف الراجل دا وادعيلي والنبي ربنا يوفقني ف المشروع دا
شريفه مسكت ايده وقالت
جبل،،،،، دور على حوريه ياجبل
دور عليها يا ابني انا حلمت بيها
النهارده حسيت انها محتاجاك زي ما انت محتاجها بالظبط
جبل ابتسم وقالها،،،،، ياسلام،،،،
طيب احكيلي بقى شوفتي ايه ف الحلم دا،،،،،
شريفه قالت شوفتها جميله اوي
وشها منور وزي القمر بس كانت
حزينه،،،، وشوفت ف اديها تفاحتين
تفاحه خضرا وتفاحه حمرا
والاتنين اجمل من بعض ومنورين
وجت حطتهم ف حجري،،،،،،
جبل ابتسم وقالها،،،، طب ودا معناه
ايه ياست الكل،،،،،
شريفه قالت استنى يا ابني لسه
الحلم ما خلصش
جبل قالها طب قوليلي شوفتي ايه تاني،،،،
شريفه قالت شوفتها بتديلك حبه
قمح،،،،،،، وانت خدتهم منها وزرعتهم
وطرحولك سنابل كتييره اوي،،،،،،
جبل قال الله،،،، الحلم دا حلو اوي يا امي،،،،،، قولي بس الاقيها وراضي بأي حاجه منها تديلي قمح تديني رمل
المهم انها تيجي،،،،،
انا ماشي بقا وادعيلي،،،،،،
شريفه قالت دعيالك يا ابني من كى قلبي ربنا ينور طريقك ويوقفلك ولاد الحلال
________________
نزل جبل وراح قابل الراجل اللي كان بيقول عليه
جبل قاله،،،، اهلا وسهلا اتشرفت بحضرتك يا ااااااا
سلم عليه وقاله،،،، وائل،،،، وائل عبد الحميد،،،،،،
جبل قاله اها اهلا وسهلا،،،، انا جبل
جبل المنفلوطي،،،، اكيد سمعت عني من الصحافه والاعلام
وائل قاله ولا يهمك ايام والناس هتنسى انا كمان خسرت فلوسي كلها ف بريطانيا ههههههههه الحال من بعضه،،،،، بس زي مابيقولو العزم شديد والقوه حديد،،،،،
جبل بيأس قاله،،،، ايوا بس احساس صعب اوي لما تخسر كل حاجه مره واحده
وائل قاله هي الدنيا كدا ياصاحبي يوم تحت ويوم فوق ولازم نتمرجح معاها،،،،،
المهم خلينا ف الشغل،،،،،
انا اشتريت مكان صغير كدا بميراث زوجتي اللي ف مصر وهي هتشتغل معانا وهتساعدنا ف
التصميمات والمكن
المهم مطلوب اننا نمول المشروع كويس علشان العائد يعود علينا بالخير الوفير،،،،،
جبل قاله اوك بس الاهم ف التصميمات،،،،، لازم يكون شغل جديد
وائل قاله متقلقش الله المستعان
______________________
عند مالك ونسمه،،،،،،،
نسمه ومالك كانو بيتفرجو على التلفزيون وفجأه نسمه صرخت وقالت
عاااااااااااا الحقني ياماااالك،،،،،
مالك اتخض وقالها ،،،، مالك يابنت مجنونه سرعتيني بقالك اسبوع عالحال دا متولدي بقا وتخلصيني
نسمه قالت ماهو انا شكلي بولد
،،،،
مالك قالها طيب،،،،
نسمه قالت طيب ايه انت هتكمل
فرحه عالتلفزيون وتسبني بقولك بولد
خدني عالمستشفى بسرعه
مالك قالها يابنتي مااحنا بقالنا اسبوع داخلين خارجين لحد ما الدكاتره والممرضين زهقو مننا،،،،
اقولك عالفكرا عضي ف العضاضه اللي كنتي جايباها للبيبي دي واحزقي لوحدك،،،،
نسمه صرخت وقالت،،،، اه يافلاتي يابتاع البنات،،،،، ياراجل خلي عندك
شويه نخوه وبطل البرود اللي انت فيه دا بقى،،،،، وقوم اطلبيلي الاسعاف
عااااااااااا يااااارب
مالك بص عليها لاقاها تعبانه فعلا وعرقانه ف عرف انها بتولد فعلا
راح اتلبك اوي وقام جري عالمطبخ
نسمه قالت،،،،، انت رايح فين اللي يخربيتك
مالك قالها رايح احضر الرضعه
نسمه قالت،،،، يارب صبرني هو الواد لسه جه،،،،، مالك،،،، روح هاتلي امي
انا عايزه امييي
مالك جري بسرعه على الريموت و
بيتصل
استنوني ف روايه جديده هتنزل بعد حوريه
في حضن الجبل،،،،،
البيدج الاصليه الكاتبه صابرين علاء.
نسمه قالت،،،،، مالك انت هاتتصل بأمي من ريموت التلفزيون،،،،،
يامالك بطل غباء والنبي،،،،،،
مالك قالها اه معلش انا اسف
واتصل ب صفاء وقالها الحقيني ياطنط نسمه بتولد ومش عارف اعمل ايه،،،، تعالي بسرعه والنبي انا محتاس
شويه وصفاء جت ومعاها الدكتوره
وبعدها بشويه،،،،،، نسمه ولدت
صفاء قالت،،،،، الحمد لله ولدت بالسلامه وجابت واد زي القمر شوف
بقى هاتسميه ايه،،،،،
مالك قال،،،، انا هاسميه فارس على اسم جدي،،،،،
نسمه قالت لا انا هاسميه ادم
على اسم ادم الكيلاني
مالك قالها ادم الكيلاني مين ياروح امك
نسمه قالت الله انت تعرفه،،،،،
مالك قالها بقولك ايه اتلمي كدا ومتخلنيش اجبلك الكرباج يربيكي
نسمه قالت،،،،، الله كان نفسي اعيش المشهد دا اوي عن البطله ف الروايه
صفاء قالت اعذرها يابني بقالها،3 سنين بتقرا ف الروايه ولسه ماخلصتش بس يابنتي اسأل الله يهديكي،،،،،، خد ابنك ف حضنك ورضعيه،،،،،
نسمه قالت،،،، خد شيله يامالك وحسسه بحبك وحنانك واذن ف ودنه
مالك شال ابنه لاول مره بين اديه
وباسه وبدأ يأذن ف ودنه وراح قعد جنب نسمه مراته وحضنها كان شكلهم حلو اوي
مصطفى ابنه كان واقف من بعيد وعمال يفتكر كلام خديجه امه وهي بتقول،،،،،، نسمه مش بتحبك يامالك
نسمه هاتجيب نونه وبابا هايحبها
اكتر منك وهيبطلو يحبوك،،،،،
مصطفى بوز وراح اوضته وقعد يعيط
واتصل بأمه وقالها ماما انا فعلا محدش بيحبني انا عايزك ياماما
________________________
اما عند البدو كانت فرحه قاعده ف الخيمه زعلانه وكانت لابسه لبس العرس وبتكلم نفسها،،،،
انا ياربي مش عايزه اتجوز الزفت
هريش دا،،،، يارب انت عالم بحبي
ل ادهم،،،، يارب يارب سبب لي الاسباب ويكون من نصيبي،،،،
طب اعمل ايه،،،، اهرب،،،،،،،، ايوا هو
دا الحل لازم اهرب،،،،، اهرب ومرجعش هنا تاني،،،،
طب ولو فشلت اعمل ايه
عادي مش فارقه كدا كدا لو اتجوزت
هريش هموت الف مره وانا معاه
استعدت للخروج ولقت الدنيا ليلت
قامت خرجت فتحه تانيه ف الخيمه
فرحه فضلت تجري تجري لحد مابقت
عند ادهم،،،،،،،
فرحه اتنهدت وقالت،،، ياااه كنت واحشني اوي يا ادهم،،،،
ادهم كان قاعد وساند ضهره على حجر فجأه حس بحركه غريبه
فتح عينه لاقاها فرحه قالها
اي دا،،،، انتي ايه اللي جابك هنا
فرحه جريت عليه وقالت،،، ادهم
خبيني بسرعه والنبي،،،،، خبيني بسرعه
ادهم قالها هو ايه اللي خبيني خبيني هو انا عندي جيوب تشيلك ف هدومي اخبيكي فين
يامه انتي ف الصحرا،،،،،، يلا ياماما روحي واي دا ايه المنظر دا،،،،، انتي لابسه كدا ليه
فرحه قالتله،،،،، ماهو انا هربانه من فرحي وزمانهم دلوقتي بيدورو عليا
ولو لاقوني عندك هايقتوك ويقتلوني
ادهم حط ايده على عينه وقال الله
يخربيتك وانتي ايه اللي جابك هنا
قالتله يعني انت مش عارف؟؟
ادهم قالها،،،، عارف ايه؟؟
فرحه قالتله،، اللي بيني وبينك
ادهم قالها الله يخربيتك هو اي اصلا اللي بيني وبينك دا ايه المصايب دي بس ياربي
يلا يابنتي يالا ياحببتي ارجعي لابوكي تاني ويادار مادخلك شر
فرحه قالتله مينفعش طالما هربت افضل
هربانه،،،، ماهو اصلي لو رجعت مش هيسمو عليا وهيحبسوني ف بيت الادب
ادهم قالها ايه بيت الادب هو انتو عندكو كمان
بيت للادب
قالتله اه دا بيكون تحت الارض بيكون فيه عقارب وتعابين سامه وبفضل فيه 40 ليله من غير اكل وميه ولو طلعت عايشه هاايجوزوني بردو هريش ابن عمي
ادهم قاله مين؟؟..
قالتله هرييييش ابن عمي
قالها ريش ايه وفراخ ايه الله يخربيتك هاتوديني ف داهيه
ادهم حس ان في حد جي
قالها،،،،، هششششششش بس بس اخرسي خشي جوا الخيمه دي بسرعه
فرحه دخلت وسمعت ادهم وهو بيتكلم برا
مساء الخير يا ادهم باشا،،،،
ادهم قاله مساء الفل
الراجل قال
بقولك ايه مشوفتش خيال عروسه معديه من هنا،،،،
ادهم قاله لا والله انا شوفت خيال
سلعوه بس عدت من هنا دا حتى
مرمتش السلام،،،،،
الراجل قرب منه وقاله ماهي ممكن تكون جت ودخلت الخيمه من غير ما تحس بيها،،،،
ادهم قاله لا السلعوه متعملش كدا مش اخلاقها مع ولاد البلد
الراجل قاله سلعوه ايه انا بكلمك على
العروسه،،،،،، بنت شيخ القبله هربت يوم عرسها ودا عار كبير ف حقنا
وعلشان كدا احنا لمة نلاقيها هانحبسها في بيت العقارب 100 يوم
وان طلعت عايشه
ادهم قاطعه ان طلعت عايشه،،،،،
لا دا هي كدا تفضل تموت على ايد
قطاع الطرق افضل
اتكل على الله ياعم ولو انا شوفتها هاجبهالكم بنفسي،،،،،
الراجل قال،،،، بس سامحني لازم
ابص عليها عندك ضروري
ادهم مقدرش يمنع الراجل عن
الدخول وبالفعل دخل وكانت الصدمه
حوريه في حضن الجبل ح 34
ادهم فضل يحاول مع الراجل انه يمشي مافيش،،،، راسه والف سيف
يدخل جوه الخيمه بتاعته يشوف فرحه موجوده ولا لأ
الراجل قال،،،، بس سامحني لازم
ابص عليها عندك ضروري
ادهم مقدرش يمنع الراجل عن
الدخول وبالفعل دخل وكانت الصدمه
الراجل قال،،، اي دا،،،،،، انت بتحب
قعده الشلت زيينا،،،، واوعى تكون بتحب تشرب القهوه عالرمل كمان
ادهم خد نفس وقاله،،،،، اه دا مره
كان في غزاله معديه قولت اما اصطادها
الراجل قاله واصطادها
ادهم قاله هي مين؟؟
الراجل قاله،،،، الغزاله
ادهم قال،،،، ودبحتها وكلتها من زمان
بقولك ايه ماتسيبك من بنت شيخ القبيله اللي بتدور عليها دي وتقعد
تشرب شاي بالرمل قصدي عالرمل
الراجل قاله لا ياعم خاليني ادور عليها احسن مايدخلونيش القبيله تاني
سلام عليكم فرصه سعيده
ادهم قال الله يحرقك،،،، قصدي الله
يسعدك،،،،
ادهم دخل وقال،،،، انتي مشيتي
الحمد لله اخيرا هم وانزاح من على قلبي
فرحه قالت،،، اخس عليك ياحضرت
الظابك
ادهم قالها اي دا انتي كنتي فين
قالتله كنت ف الصندوق دا
كان في هدومك شيلتها ودخلت فيه
شوفت انا جدعه وبتصرف ازاي
ادهم مسكها من هدومها وقالها،،،،
انتي رميتي هدومي عالارض انتي هبله يابت الارض فيها تراب ورمله
قالتله وانا كنت هاعمل ايه يعني
كنت هفضل مستنيه لما الراجل دا يشوفني،،،،،،، بس انت زعلان ليه يا ادهم،،، انت كنت راجل جدع معايا النهارده المفروض تفرح،،،،،
قالي جدع ياسلام يا اختي وهاخد ايه انا بقي من جدعنتك دي معايا
بقولك ايه الليه هاتباتي ف خيمتي لكن من بكرا الصبح ترجعي لاهلك
ولا تشوفيلك داهيه تروحيها
قالها وخرج من الخيمه
فرحه قالت،،، ال امشي قال وحياتك
لا انا قاعده على قلبك يا ادهم
يا كل حياتي،،،،
بعدها بشويه،،،،،،
خرجت فرحه،،،، وقالت بقولك ايه
يا ادهم،،،،
ادهم قالها قولي،،،
قالتله،،،، هو انت مافيش هنا عندك اكل،،،، اصلي جعانه اوي،،،،،،
قالها،،،، هم عارفين اني مش بتعشى علشان كدا مبعتوش اكل،،،،،
استني الصباح رباح بقى
قالتله،،،، الصباح رباح ايه بقولك جعانه
خلي عندك نخوه
قالها خلاص خاليكي هنا مشوار ساعه
اروح الكتيبه اجبلك اكل واجي
قالتله ياسلام وتسبني ف الصحرا لواحدي كدا،،،، افرض حد منهم جه
ياخدوني ف بيت العقارب
قالها الله يخربيتك على بيت العقارب اللي مسكاهولي دا طب انا اعمل ايه
بقولك اروح اجبلك اكل مش راضيه
قالتله،،،، خلاص متتزرزش عليا انا هنام دلوقتي من غير عشا،،،،،
دخلت جوا بعدها
حاولت تنام فجأه لقت تعبان بيقرب منها
فرحه قالت،،،، باااسس تعال بقا هنا
اخيرا جيت دا انا كنت مستياك ياراجل هاموت من الجوع
مسكته من راسه وخرجت بيه
مسكت سكينه وقطعت راسه
ادهم اتفزع منها قالها،،،،
اي دا انتي بتعملي ايه،،،، انتي ماسكه
التعبان بإيدك ومش خايفه كدا عادي
قالتله واخاف ليه رزق وبعتهولي ربنا اقول الحمد لله واسكت
وشالت السم منه وشاوته على النار
وبدأت تاكل،،،،،
ادهم قالها،،،، تعرفي انك جرئيه اوي
نادر لما بنت تعمل زيك كدا
دا في ظباط بيخافو يدربو على حاجه زي دي،،،،،
فرحه قالتله، الجيش قالك اتصرف
ادهم ضحك وهو اول مره يضحك
كدا،،،،
فرحه قالتله ببساطه،،،، ماهو انا هاعلمك حاجه،،،،، عندنا مثل ف البدو بيقول صيده جبل مايصيدك
وهو دا اللي انا عملته بالظبط
تاخد حته،،،،
ادهم قالها،،، لا لا لا شكرا،،،،،
قالتله لا ياعم خد بس متتكسفش
قالها لا انا مبكلش تعابين لو في كلام شغال،،،،
قالتله هههههههه متخلنيش اعملها واقوم اصطادلك واحد،،،،
قالها ياسلام،،،، انتي على كدة مش بتخافي من حاجه ابدا،،،،
قالتله عمرى ماخفت من حاجه زي
طول عمري متربيه ف الصحرا
احب اركب خيل وامشي بالغنم
بس حاجه واحده بس بس متضحكش عليا،،،،،
قالها لا مش هضحك بس قولي
قالتله بخاف من الفراخ،،،،، وتحديدا
الريش،،،،،
قالها. ايه هههههههه بتاكلي تعبان قدامي وبتقولي
بتخافي من الريش،،،،،،
طب يارب نعامه تيجي دلوقتي وانا كنت ركبتك على ضهرها هههههع
قالتله طب انت بتهزر فيها طب ا انا ممكن اخد الصحرا كلها جري ههههه
ادهم وكأنه اول مره يشوفها قالها
دة انتي طلعتي حكايه يا فرحه
لا بس تعرفي دمك خفيف
قالتله عارفه،،،،،
ادهم قام وقرب منها
فرحه قلبها بقا عمال يدق جامد
قالتله،،،،، اي دا انت هتعمل ايه
قالها انتي مش بتقولي مش بتخافي من حاجه،،، طيب خايفه مني ليه
قالتله مش خايفه يا ادهم
وحضنته،،،،،، ايوا حضنته ودا كان اول حضن مابينهم حضنته علشان تقوله
انها حاسه معاه بالامان،،،،،
ادهم بعد عنها وطله سجاره شربها
وبقى ينفخ فيها بغيظ وقالها،،،،
لو خلصتي اكل خشي نامي
فرحه دخلت ويومهم خلص على كدا
_______________________
في بيت جبل،،،،،،
جبل قاعد بيكلم وائل على الوتس
بيقوله،،،،
بص ياجو،،،،، اسمحلي بقا نخلي الاسم الحركي جو لان جبل انا شايفه تقيل شويه ومش هينفع ف السوق
لازم يكون الاسم خفيف وحركي مع الناس،،،، وبردو تكون بدايه جديدة ليك علشان محدش يكون عارفك او يدور وراك،،،،،،،
جبل قاله ياسيدي ولا يهمك عادي انا بردو حابب ابدأ من جديد لان المجال مختلف تماما عن شغلي الاولاني
المهم خلينا ف الشغل
عملت ايه ف التصميمات اللي هنبدأ ف تنفيذها ولاقيت حد شاطر ف
الرسم
وائل قاله،،،،، احنا مش هنروح بعيد ولا حاجه صديقه زوجتي طلعت مبدعه،،،،، لسه مكتشفينها دي طلعت مصممه ازياء هايله انا نفسي متوقع ليها مستقبل باهر،،،،،
جبل قاله تمام وريني شغلها
وائل بعتله شويه من الشغل
وقاله،،،،، ها ايه رأيك،،،،، بص ياسيدي دي نص الكميه،،،،، والباقي هاتجيبه الشركه بكرا،،،،
جبل قاله تمام،،،، هي اسمها ايه
قاله اسمها حور،،،
جبل فتح عينه وقاله.،،،
حور ولا حوريه،،،،،
وائل قاله حوريه،،،، بس احنا بندلعها حور،،،،،
جبل قاله،،، طب وانتو تعرفوها منين
وائل قاله ياعم انت مالك بيها دي ست ارمله ومعاها عيلين،،،،،،
المهم،،،، خلينا ف الشغل،،،،،،
بكرا تيجي بدري ومتتأخرش اوك
سلام،،،،،،
وائل قام من مكانه وطلع برا لقى حوريه وسمر قاعدين سوا،،،،
وائل قالها. ،،،، ها ايه الاخبار ياست حور،،،،، طمنينا التصاميم تمام
حوريه قالتله تمام خد شوف ب نفسك،،،،
سمر قالت لا.،،،،، احنا اتطورنا اوي يا مستر وائل،،،،،،، حوريه طلعت اشطر بكتير مما كنا نتصور،،،،،
دي طلعت اشطر مني انا شخصيا
وائل قال ياااه للدرجادي
وائل بص ف التصميمات وقال
لا،،،، انتي كلها كام شهر وتبقي اشهر مصممه ف مصر،،،،، وممكن الكوليكش دا يضرب معانا ويبقى تريند ف مصر
وساعتها محدش هيبقى قدك يا حور
انا متأكد ان مستر جو هيعجبك
الشغل دا جدا،،،،،،
حوريه قالت.،،،،، اي دا جو مين
سمر قالت،،، دا شريك وائل ف الشغل،،،،، وبعدين ياسي وائل انت جاي تشجعنا ولا جاي تعطلنا،،،،
وائل قال خلاص ياستي اديني ماشي اهو،،،، بس اسمعي بكرا من النجمه تكوني مخلصه التصميمات وعندي
ف الشركه مفهوم،،،،،
حوريه ابتسمت وقالت ماشي،،،،
______________________
تاني يوم الصبح ف الشركه
جبل قاعد مع وائل وحوريه دخلت
الشركه مع سمر،،،،،
حوريه قالت،،،، ياااه انا خايفه اوي ياسمر احسن مستر جو متعجبهوش التصاميم دي،،،، بقولك ايه انا متوتره جدا
سمر قالت اممممم وبعدين احنا هانعمل زي العيال الصغيره انتي كدا بقيتي شبه وعد،،،،،، اهدي يابنتي
وبعدين هو مش وائل طمنك امبارح وقالت ان التصاميم جميله.،،،،،،،
حوريه قالت حببتي ربنا يطمن قلبك ياارب
فجأه تلفون حوريه رن،،،،،،
قالت الوووو خير ياسندس
سندس قالت،،،،،، الحقيني ياست حور
رحيم سخن وتعبان جدا وانا مش عارفه اعمل ايه؟؟؟!!
حوريه قالت اديه اي دوا يخفض الحراره وانا جايه فورا،،،،،
قفلت معاها وقالت ل سمر،،،،
سمر بقولك ايه انا لازم امشي فورا
رحيم تعبان ولازم اخده للدكتور
بصي التصاميم اهي وريها ل مستر جو،،،، ولو عجبته ممكن تمضي انتي معاه العقد وانا مش مهم اوي اكون ف الصوره،،،، انا مش هقدر اعمل اي اتفقات حاليا ولادي محتاجيني
يلا سلام،،،،
سمر قالت استني طيب اجي معاكي وممكن نأجل المقابله دي لوقت تاني
حوريه قالت لا طبعا انا ماصدقت لاقيت شغل،،،، سمر انتي عارفه ظروفي يا ريت بس تدخلي مكاني
وزي ماقولتلك لو طلب عقد امضيه
انتي يالا سلام،،،،،
سابتها ومشيت
سمر استأذنت ودخلت،،،،،
وائل بهزار قال اهي المصممه العالميه وصلت اخيرا اهي،،،،
وريني ياستي اتحفينا
جبل باصلها وكان فاكرها هي دي حوريه،،،،،
قالها وريني التصميمات
سمر فرجته على الصور اللي معاها وعجبت جبل جدا،،،،،
قالها،،،، فعلا موهبه،،،، الشغل دا حلو اوي ومناسب جدا للمحجبات،،،،،
سمر قالتله شكرا،،،،،
البيدج الاصليه الكاتبه صابرين علاء.
جبل قالها طيب تحبي نمضي عقد
سمر قالتله لا محبش لما ننجح الاول
ياريت منستعجلش،،،،،
وائل قالها،،،، طيب سبينا نفكر ونرد
عليكي،،،،،
وائل مكنش عايز يعرف مراته ل جبل
في شئ جواه منعه
سمر سابت الصور ومشيت وجبل ووائل بدأ يشتغلو عليها،،،،،
______________________
بعد كام يوم،،، جبل كان بيفطر ف مطعم وفجأه عدت حوريه ومعاها طفل،،،،،،
جبل قام من مكانه بسرعه ولف وقعد يدور عليها زي المجنون
حوريه كانت ف المحل اللي جمبه بالظبط وكانت بتشتري لبس
قالت،،،، طب لو سمحتي ممكن تشيلي ابني بس خمس دقايق عقبال ما ادخل اقيس
البنت قالت،،،، اه اكيد تحت أمرك هاتيه،،،،،
وشالت الولد وفضلت تلاعبه
جبل عينه جت عليها وفكر ان الولد
ابن الست اللي شايلاه لف وشه ومشي
حوريه خرجت من البروفه وشافت جبل من ضهره جريت عليه بسرعه
بس مع الاسف ملحقتهوش كان مشي
قالت ف نفسها ياترى دا انت فعلا ياجبل ولالأ
_______________________
اما عند مالك ونسمه ف الحياه كانت هاديه وجميله جدا،،،،،،
وف يوم من الايام كانو قاعدين عالسفره
مالك قالها،،،، تسلم ايدك يا نس نس
نسمه قالت ايه نس نس دي انت
مجنون،،،،، انت شايفني قدامك قرد ولا ايه
مالك استغرب وقالها في ايه ياحببتي
ماانا طول عمري بقولك يا نسنس
مالك زعلتي كدا ليه النهارده
قالتله علشان تعبت،،، خلاص فاض بيا هاتفضل لحد امته تشبهني بالنسناس كدا،،،،، انا عمري مازعلتك يا مالك
وبعدين تعال هنا،،،،، انت شكلك كبر كدا ليه،،،،، وبعدين فين العضلات اللي كانت عندك ـ،،،، مالك كدا خسيت
وبقى شكلك عجوز من يوم وليله
انا دلوقتي بس حسيت بفرق السن اللي بينا،،،، وندمانه كل الندم اني اتجوزتك يامالك وااااا
اه،،،، بطني بتوجعني مش عارفه مالي
وجريت على الحوض ورجعت
مالك راح واستغرب جدا لما شافها
قالها ايه دا،،،،،، انتي واكله ايه،،،،
انتي مرجعه اخضر كدة ليه
قالتله اخضر،،،،،، انت كمان مبقتش تشوف،،،،،،، ابعد عني الساعة دي انا مش طايقه نفسي دلوقتي يامالك
مالك بص ل نسمه بإستغراب وبص
للشئ اللي هي مرجعاه
نسمه قالت،،، مصطفى كل وادخل اوضتك ذاكر،،،،،
مصطفى قال،،، انا مش عايز اكل
وخد بعضه ودخل جوا
نسمه قالت حتى انت ياعيل ياصغير
اتعديت من ابوك،،،،،، اووووف
بعد شويه مالك نام جنب نسمه مراته
باسها من خدها وقالها
نسمه،،،، حببتي انتي وحشتيني اوي
،،،،، نسمه انا حاسس ان بقالنا كتير بعيد عن بعض ايه رأيك نرجع ايام شهر العسل من تاني،،،،،،،
فاكرا يا نسمه،،،،، فاكرا لما كنتي مش بتكوني مرتاحه غير ف حضني
لما كنتي بتصحي من عز نومك
وتقوليلي خدني ف حضنك يامالك
حضنك بيطمني
نسمه قامت من مكانها وشكلها كان غريب وعنيها حمرا
قالتلي،،،،، اممم انت بقى عايز ايه مني بعد المقدمه الطويله دي،،،،،،
مالك اتكسف و قالها ولا حاجه ياحببتي انا عايزك تيجي ف حضني وبس،،،،، عايز اديكي الامان اللي شايفك محتجاه،،،،،،
نسمه قالت وانا مش طايقاك يامالك
انت عارف انا شليفاك ايه دلوقتي
ولا عارف انا حاسه بإيه من نحيتك
انة قرفانه منك اوي،،،،
مالك زعق وقالها.،،،، ليه انا عملت ايه علشان دا كله،،،،، شوفتيني مع واحده
وانا مش واخد بالي
نسمه قالتله يااريت كان اهون عليا،،،
انا سيبالك الاوضه وماشيه،،،،، اشبع بيها،،،،،
مالك مسح ايده على شعره وقال
ياترى مالك يانسمه، ،،،،
________________________
اما عند عابد وندى
ندى كانت حاطه ايدها على خدها وباصه عالبحر
عابد قالها،،، ايه مالك،،،،، مبوزه كدا ليه؟؟
قالتله،،،،، مافيش بس زعلانه على ليالي بقالها فتره لا عاوزه تاكل ولا تشرب،،،،، ومش بتتكلم خالص
عابد قال ماهو لازم يابنتي مش زعلانه على جوزها
ندى قالت طب تفتكر محمد راح على فين،،،،، وازاي يمشي ويسيب كل حاجه كدة،،،،، في شغل كتير متعطل بسببه،،،،
عابد قالها بصي هو طفش بس فين بقى الله اعلم،،،،،،
فجأه ليالي جت وكانت تعبانه جدا
ندى قربت منها وقال
مالك ياحببتي،،،،، انتي كويسه
ليالي وقعت من طولها وشالوها خدوها المستشفى
خرج الدكتور،، وقال. ،،
هي تعبانه جدة ومحتاجه عمليه ضروري،،،،،
ندى قالت عمليه ايه دي
الدكتور قال عمليه زرع كله وف اسرع وقت لان كانت تعبانه من زمان
ودا طبعا اثر على الكله
وياريت حد من اهلها يكون من الدرجه الاولى يمضي على الاقرار
عابد قال لازم حد من قرايبها مينفعش انا،،،،
الدكتور قال هو حضرتك جوزها
عابد قاله لا،،،،،
الدكتور قال طيب ياريت تتصرفو وتجيبو اي حد من قرايبها،،، عن اذنكم،،،،
ندى اترمت ف حضن عابد وقالت
وبعدين ياعابد هنعمل ايه دلوقتي
ليالي بتروح مننا،،، هنعمل ايه دلوقتي وهنتصرف ازاي،،،،،،
عابد قالها متقلقيش انا هاتصرف
وهاجيب محمد من تحت طقاطيق
الارض بس انتي خاليكي هنا جمبها
عابد خرج وهو مش عارف هايروح فين علشان يوصل لمحمد
وفجأه،،،،،،،،،،