Ads by Google X

القائمة الرئيسية

الصفحات

رواية احببت تلك السمراء الفصل الخامس والسادس والسابع

رواية احببت تلك السمراء الفصل الخامس والسادس والسابع


 رواية احببت تلك السمراء

الفصل الخامس والسادس والسابع
بقلم حويه ابراهيم



البارت_الخامس

فرح :-بتعاط*ي المخ*در*آت يا ميرنا...

ميرنا ببكاء :- صدقيني يا فرح ده مش ذنبي والله..

فرح بصراخ :- امال ذنب مين هااا بابا قصر معاكي في ايه عشان تعملي كده..

ميرنا :- صدقيني يا فرح والله صحابي اللي بالجامعه كانوا بيحطوا المخ*در*ات ليا في العصير لحد ما ادمنتها..

فرح ببكاء :- هنعمل ايه لو حد من العيله عرفوا.. 😢

يوسف بتدخل :- اهدي يا فرح عشان نقدر نتصرف ونلاقي حل وانتي يا ميرنا معتيش تاخدي القر*ف ده عشان تقدري تتعالجي بأسرع وقت ممكن..

فرح :- يوسف معاه حق وانتي هبتداي في العلاج من النهارده..

ميرنا بحزن :- انا اسفه اوووي يا فرح على كل حاجه عملتها معاكي اتمنى تسامحيني.. ♥️

فرح بحب :- انا مكنتيش زعلانه منك عشان اسامحك اصلا..

يوسف :- يلا اركبوا عشان اوصلكوا البيت..

فرح :- تمااام.

ــــــــــــــــــــــــــــــــــ🤍

بعد فتره وصلوا البيت ... 🤍

يوسف لفرح:- بكره هيجي اخدك عشان نروح نجيب فستان الفرح واي حاجه انتي محتاجها.. 

فرح بإبتسامة:- اوكي..

يوسف:- يلا سلام.. 
فرح بمرح:- سلااام يا قره عيني.. 

يوسف ابتسم ومشي.. 

ميرنا لفرح : - علاقتك مع يوسف بقت كويسه يا فرح.. 

فرح بسعاده:- ايوه يا ميرنا يوسف قالي نكون اصدقاء لحد ما نتعود علي بعض وانا وافقت.. 

ميرنا:- ربنا يسعدكم يارب 
فرح:-امين يارب 
وطلعوا البيت.. 

ــــــــــــــــــــ في فيلا البحيري 

يوسف بسعاده:- مساء الخير يا والدي.. 

احمد بحب : - مساء النووور  شايفك مبسوووط النهرده عن العاده.. 

يوسف : - ليكون مش عايزني اكون مبسوط يا ابو حميد.. 

احمد بحب :- وانا اقدر برضو ربنا يسعدك يا يوسف...

 ـــــــــــــــــــ في بيت فرح 

نوال بعصبيه :- انتي ايه اللي مقعدك مع فرح يا ميرنا.. 

ميرنا:- في ايه يا ماما  ليه العصبيه قاعده مع اختي.. 

نوال بحقد:- لا دي مش اختك انا مجبتش غيرك.. 

ميرنا :- لا اختي يا ماما واتمني تعمليها حلووو فرح طيبه وتستاهل كل خير.. 

نوال:-  بقا كده يا بنت بطني.. 
ميرنا بحب:- ايوه يا ماما فرح اختي وانا ماليش غيرهاا وسبتها ومشيت.. 

نوال بكره:- بكره هتندمي يا ميرنا.. 

♡︎♡︎♡︎♡︎♡︎♡︎♡︎
في غرفه فرح

_كانت بتكلم ساره في الفون..

فرح بحب :- انا مبسوطه اوووي النهرده يا ساره .وحكتلها على الي حصل النهرده 

ساره بحب  :- ربنا يديم سعادتك يا فرحتي..

فرح :- ويديمك ليا ساره...

ساره :- معلش يا فرح لازم اقفل عشان فارس اخويا وصل من الشغل.

فرح :- طيب سلام
ساره :- سلام..

في الصباح التالي ♡︎♥︎

فرح ويوسف راحوا بجيبوا الفساتين بتاعت الفرح

فرح:- شوف يا يوسف الفستان ده حلو ازاي.. 

يوسف:-  هو فعلا حلو بس مفتوح مش هناخده.. 

فرح : - طيب خلينا نشوف غيره.. 
يوسف:- تمااام 

وفعلا اشتروا في فستان سيمبل ومحتشم في نفس الوقت.. 

يوسف بتعب :- اخيرا خلصنا..  
فرح  بضحك :- شكلك مس*خره خالص وانت مش قادر تمشي..𖣔

ــــــــــــــــــــــــــــ   في شركه البحيري ♥︎
براء بسعاده :- اول مره اشوف عريس سايب ترتيبات  فرحه وقاعد بيشتغل..

يوسف بضحك:- ما فيه شغل كتير وحضرتك مقضيها في الكباريهات  وسايب الشغل عليا.. 

براء:- انت عارف يا صحبي اني بتسلي مش اكتر.. 

يوسف  :- بنات الناس مش لعبه  في ايديك يا براء.. 

براء:-ما كل حاجه بمزاجهم انا مش بجبرهم علي حاجه يا يوسف  وانت عارفه كده كويس.. 

يوسف:- عارف يا براء بس انا خايف عليك وعايز مصلحتك... 
براء:- عارف بس سبني براحتي يا يوسف  .. 

يوسف بحزن علي حاله صحابه:- تمااام 

❤︎❤︎❤︎❤︎❤︎❤︎❤︎
_خلاص  كده يعني  يا أمي  هتتجوز  بكره حد غيري..

صفاء :- هي مش من نصيبك يا بني انسيها وطلعها من قلبك يا بني هي مش ليك.. 

أمير بحزن :- بس انا حبيتها يا أمي اتمنيت  تكون ليا...

صفاء :ربنا اكيد شيالك  الأحسن يا حبيبي  يلا قوم اتوضي وصلي...

أمير :- حاضر يا أمي

صفاء :ربنا يسعدك ويريح بالك يا بني...

✰✰✰✰✰✰
في قاعه على البحر.. 

 يوم كتب الكتاب ..

فرح بتوتر :- انا حلوه يا ساره..
ساره:- زي القمر يا حبيبتي..
ميرنا :- مشاء الله جميله اووووي يا فرح..

فرح بسعاده :- تسلمي يا قلبي

نوال :- نوال يلا ياختي الماذون بره اخيرا هنخلص من قر*فك..

فرح بحزن :تمااام يا ماما..

َوتم كتب الكتاب وسط جمله الماذون المشهوره

بارك الله لكما وبارك عليكما وجمع بينكما في خير بالفرق والبنين ان شاء الله.

نوال ل مجهول:- نفذ يالا  ودي الدفعه الأولى من الفلوس 
مجهول بطمع :- تمااام..

ومفيش دقايق وصوت إطلا*ق النار عم المكااان...

واخيرا إطلا*ق النار وقف..

يوسف بصدمه :- فرح


 



#البارت_السادس


يوسف بصدمه :- فرح


الجميع التفت على صوت يوسف.. لقوا فرح مرميه على الأرض وفستانها الأبيض كله د*م


أدهم ببكاء :- فرح بنتي قومي اكيد انتي مش هتسبيني زي فريده فرررح..


ساره بدموع :- قومي يا فرح بلا*ش

هزار سخيف من دا هزعل منك والله وانتي عارفه اني زعلي وحش..


ميرنا :- قومي يا فرح انا ماصدقت بيقت حلوه معاكي وبقينا زي اي اخوات قومي يا فرح...


أمير ببكاء :- انا اتصلت بالاسعاف زمانهم جايين دلوقتي..


وكل ده ويوسف ساكت ومش بيتكلم خلاص...


احمد بحزن :- لاحول ولا قوة الا بالله..


صفاء طول الوقت عيونها على نوال اللي مش مبطله ضحك..


نوال بجنون :- اخيرا خلصنا منك عقبال ما تحصلي امك..


بعد مده سياره الإسعاف وصلت..


أمير :- يوسف شيل فرح وحطها في سياره الإسعاف..


يوسف بتوهان :- هتمو*ت وتسبني  انا حبيبتها والله مش عايزها تسبني..


أمير بحزن :- مش وقته يا يوسف الكلام ده..


ـــــــــــــــــــــ في المستشفي ♡︎


أدهم :- دكتور بسرعه يا بها*يم..


الدكتور :- لو سمحت يا استاذ انتي في مستشفى محترمه بلاش صوتك العالي عشان المرضى..


أدهم بعصبيه :- بنتي بتمو*ت يا حيو*ان..


احمد بحزن :- اهدي يا ادهم مش كده.. انا اسف يا دكتور بس انت شايف حالته.. 


الدكتور:- ولا يهمك دخولها العمليات بسرعه... 


بعد مرور 3 ساعات من الانتظار 


الدكتور بياس : - احنا عملنا اللي علينا والباقي علي ربنا لو مر 24 ساعه علي خير هتعدي مرحله الخطر... 


يوسف:- فرح قويه وهتقوم منها انا واثق منها... 


الدكتور : - وجودكم هنا مش ليه لازمه اتمني تروحوا وتيجوا الصبح وربنا يقومها بالسلامه.. 


الجميع امنوا علي دعائه 


ادهم : - انا مش هقدر اسيب بنتي لوحدها.. 


الكل رفضوا كده برضو 


صفاء : - امير روح هات اكل يا حبيبي وعصير من اي سوبر ماركت قريب.. 


امير : - حاضر يا امي..


ــــــــــــــــــــــــ في منتصف الليل.. 


_ انتي لازم تمو*تي عشان انا ارتاح انا مصدقت خلصت من امك.. وكانت بتخنقها.. 


يوسف بعصبيه : - انتي بتعملي ايه عندك.. 


نوال بضحك : - هي لازم تمو*ت بقاااا.. 


يوسف:- ابعدي عنها يا حيو*انه.. 

نووال : - مش هسكت غير لما تمو*تي يا فرح.. 


الكل راح علي صوتهم.. 


ادهم : - انتي بتعملي ايه يا نووال.. 


نوال بجنون:- لازم امو*ت فرح زي ما قتلت فريده.. 


ادهم : - بصدمه انتي اللي قتلتي فريده.. 


نوال بشر  : - اه انا قتلتها عشان خدتك مني انا حبيبتك قبلها بس اول ما هي ظهرت نسيتني انا كنت الاحق بيك لاني بنت عمك بس انت اختارتها عشان كده قتلتها.. 


صفاء : - اتفضل يا حضره الضابط.. 


_اقبضوا عليها.. 


نوال بجنون:- هقتلك يا فرح... 

صفاء:- شفتي غلك وحقدك وصلك فين يا نووال 


نوال : - انتي اخرسي كل حاجه بسبك باظت بس صدقيني هرجع واندمكم كلكم وبكره تشوفوا







#البارت_السابع


أدهم :- استني يا حضره الضابط انتي طالق يا نوال طالق بالتلاته...


نوال بجنون :- بتطلقني يا أدهم عشان بنت فريده صدقني هطلع من السجن وامو*تها لو اخر يووم في عمري هقتلها زي ما قتلت فريده وضحكت بشر..


صفاء بغضب  :- حرام عليكي يا شيخه انتي ايه اتقي ربنا شويه اعملي لاخرتك ليه كل الغل ده كله...


نوال بحقد :- بكره اندمك كماان يا صفاء...

 احمد :- اتفضل يا سياده الضابط فيك تأخدها..


الضابط :- تمااام عن اذنكم يا جماعه..


ميرنا ببكاء :- ليه تعمل كده ليه كل الحقد والفل مالي قلبها خليتني اكره اختي واعاملها اسوء معامله..


ساره بحزن :- اهدي يا حبيبتي هي هتاخد عقابها علي كل جرائمها...واللي عملته في طنط في فريده 😢...


أدهم بحزن :- يوسف فرح امانه في رقبتك اتعذبت كتير بسب كره نوال ليها عاملها بحنيه فرح تستاهل كل خير اتمني مش تخيب ظني فيك...


يوسف :- من غير ما تقولي يا عمي فرح في عيوني...


أمير:-يلا نخرج من هنا عشان واقفتنا  غلط علي صحه فرح...


وفعلا خرجوا من عند فرح...✰


✵ــــــــــــــــــــــــــــــــــــــــــــــ✵

 

 في الصباح اليوم التالي... ♥︎


الدكتور بسعاده:- المريضه فاقت  يا جماعه...


يوسف بسعاده حضن الدكتور  بجد يا دكتور فاقت... 


الدكتور : - ايوه هي فاقت دلوقتي وياريت لما تتدخلها بلاش ضغط عليها.. 


ادهم:- تمااام يا دكتور... 

و دخلوا عند فرح.. ♡︎


يوسف اول لما شاف فرح حضنها اووي.. 🥺♥


فرح بوجع : - اه براحه يا يوسف.. 


يوسف:- انا اسف مكنتش اقصد مبسوط اووي انك فوقتي.. 


امير بغيره:- براحه عليها يا يوسف هي لسه تعبانه.. الف سلامه عليكي يا فرح.. 


فرح :- الله يسلمك يا امير..

 

ادهم : -الف سلامه عليكي يا بنتي.. 


فرح بسعاده:- الله يسلمك يا بابا.. 


احمد بحب:- حمدلله علي سلمتك يا حبيبتي.. 


فرح:- الله يسلمك يا عمو.. 


وميرنا وساره  سلموا عليها وبعدين سبوها عشان ترتاح شويه... 


ومر اسبوع علي فرح في المستشفى  واتعافت تماما وبقا فيها تخرج.. ❤︎


♡︎ــــــــــــــــــــــــــــــــــــــــــــــــ♡︎


في بيت فرح ♥️..


ميرنا بحب :- انا عملتك الاكل اللي بتحبيه يا فرح اتمني يعجبك..


فرح بسعاده :- تسلمي يا حبيبتي ربنا يديمك ليا يا روحي...


ساره بغيره :- ع فكره بقا انا ساعدتها في الأكل مش عملته لوحدها يا ست فرح...


فرح بضحك : - ربنا يديمك ليا يا سوسو ❤.. 


ميرنا  وفرح مع بعض:-  ويديمك لينا يا فرحتنا.. 


ادهم بحب:- يلا يا حبيابي  بلاش كلام الاكل بقا جاهز... 


فرح:-  حاضر يا بابا جايين اهو..  


وهم علي الاكل... 🤎


ساره:- فرح احنا لازم نروح الجامعه عشان الامتحانات قربت... 


فرح :- فعلا معاكي حق هنبدا نروح من بكره... 


ادهم بحب:- ابقي عرفي يوسف يا حبيبتي لانه هو دلوقتي جوزك.. 


فرح:- حاضر يا بابا... 


وفجاه وهم على الاكل ... 

ميرنا بصراخ:- اااه دماغي.. 😓


ادهم بخوف:- مالك يا ميرنا.. 

ميرنا بوجع:- مفيش يا بابا دماغي وجعتني بس... 


ادهم:- الف سلامه عليكي يا حبيبتي تعالي اما اوديكي المستشفي.. 


ميرنا:- لا يا بابا انا هبقا كويسه متخافش عن اذنكم هقوم ارتاح شويه... 


فرح:- عن اذنك يا بابا هقوم اديها مسكن عشان ترتاح... 


عند ميرنا:- اااه مش قادره دماغي هتنفجر... 


فرح ببكاء اهدي يا ميرنا انتي هتتعالجي يا حبيبيتي وهتبقي كويسه يوسف كلم صحبه وهو دكتور كويس ومش هحتاجي تدخلي مصحه... 


ميرنا ببكاء :- معتش قادره يا فرح  حاسه اني هموت.. 


فرح بعياط:- بعد الشر عليكي يا روحي تعالي ناامي علي رجلي.. وفعلا ميرنا راحت نامت علي رجلها وفرح بدات تقرالها قران لحد ما نامت... 


ساره:- ميرنا بقت كويسه يا فرح.. 

فرح ببكاء : - حالتها بتسوء عن الاول يا ساره انا مش قادره اشوفها كده... 

ساره:- ان شاءلله خير يا حبيبتي ميرنا قويه وهتعدي المحنه دي ان شاءلله تعالي يالا نخرج عشان تقدر تنام كويس.. 

فرح :- تمااام... 


♡︎ـــــــــــــــــــــــــــــــــــــــــــــــ♡︎


في المساء في فيلا البحيري...


في غرفه يوسف...


يوسف :- الو يا فرح انتي اخبارك ايه..

فرح :- الحمدلله بخير وانت اخبارك ايه..


يوسف :- كويس الحمدلله..


فرح :- أدام الله حمدك..


يوسف :- انا وانتي يارب...


فرح : -انا هبدا اروح الكليه من بكره..

 

يوسف:- بس انتي لسه خارجه من المستشفى واكيد تعبانه.. 


فرح:- انا الحمدلله كويسه وبعدين الامتحانات قربت وانا فاتني حاجات كتير.. 


يوسف:- تمااام يا فرح اللي يريحك هيجي اعدي عليكي بكره عشان اوصلك.. 


فرح:- تمااام تصبح علي خير..

 

يوسف بحب:- وانتي من اهلي...

 

طبعا فرح من كسوفها قفلت في وشه 😂😂

يوسف بضحك:- قفلت في وشي..


في الصباح... 🤍


فرح صحت وادت فرضها ولبست لحد ما يوسف ييجي.. 


بعد مده وصل يوسف ... 

فرح بغضب:- حضرتك اتاخرت وانا عليا محاضره كمان نص ساعه.. 


يوسف بضحك : - اني اسف.. 


فرح بغيظ:- وكمااان بتضحك عليا.. 


يوسف:- ههههه اسف والله بس شكلك بيضحك.. 


بعد ربع ساعه فرح وصلت الجامعه... 


يوسف:-خالي بالك من نفسك ومش تتكلمي مع حد متعرفوش.. 


فرح بضحك:- حاضر انت طول الطريق وانت بتحفظني يلا سلام.. 


يوسف : - سلااام... وذهب الي شركته... 


ساره بغضب:- كل ده يا فرح بقالي زمان مستنيه هنااا


فرح:- اسفه والله يا سوسو يوسف اللي خليني اتاخر 🥺... 


ساره بحب:- خلاص سامحتك يلا ندخل عشان المحاضره هتبدا وبيقولوا ان في دكتور جديد جاي النهرده... 

فرح:- يلا 

✰ــــــــــــــــــــــــــــــــــــــــــــــــ✰


في شركه البحيري... ♥️


براء  بدلع :- وحشتيني  يا باشا..


يوسف بضحك:- وانتي كمااان...


براء بصدمه:-  انت سخن يا يوسف يا حبيبي شكلك تعبان... 


يوسف بضحك:- لا انا صحتي كويسه مش تعبان ولا حاجه... 


براء:-  امال بتضحك ليه... 


يوسف بصدمه:- ايه اعيط يعني... 


براء:- لا اصل اول مره تضحك وتهزر معايا كده هتحسد يا صحبي... 


يوسف بضحك:- للدرجادي مكنتش بهزر معاك... 


براء بضحك:- الصراحه اه ربنا يديم سعادتك يا صحبي... 

يوسف : - انا وانت يارب.. 


براء:- امين يارب.. 

وبعد شويه السكرتيره دخلت.. 

حبيبه:-   يوسف باشا  في  حد عايز  حضرتك في موضوع مهم.. 


يوسف:-مقالش مين..


حبيبه:- لا يا فندم  مقالتش  مين  ... 


يوسف  : - تمااام  اتفضلي انتي  وخليها تدخل.. 


براء:- ياتري مين يا يوسف... 


يوسف:- مش عارف  يا صحبي...

 

واثناء كلامهم تدخل بنت في غايه الجمال 

هي:- يوسف  حبيبي وحشتيني اوووي 

يوسف بصدمه :- اميره... 


اميره:- انا دورت عليك كتير لحد ما لقيتك.. وهم بيتكلموا فجاه في ولد  حضن يوسف  وبيقوله بابا..🥺

براء بصدمه :- بابا.. 

يوسف:-.... 



 🌹 🌹🌹🌹🌹🌹🌹🌹🌹🌹🌹🌹

🍁🍁🍁🍁مرحبا بكم ضيوفنا الكرام 
هنا نقدم لكم كل. ما هوا حصري وجديد
اترك ١٠ تعليقات ليصلك الفصل الجديد فور نشره

عندنا  ستجد كل ما هوا. جديد حصري ورومانسى وشيق فقط ابحث من جوجل  باسم المدوانة     وايضاء  اشتركو على

 قناتنا        علي التليجرام من هنا

ليصلك اشعار بكل ما هوه جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹

                  الفصل الثامن من هنا


تعليقات