رواية الكلبش والايدي الناعمة
البارت الثالث والرابع
بقلم لمياء رفعت
ساره بعصبية: وحاولت تمسك دموعها لأنها قويه....لو سمحت انا ماسمحلكش تاجرة مخدارات ايه .. كفايه بقى انا طالبة جامعه محترمه ف عيب كده
اكرم: بصوت عالي ...انتي نسيتي نفسك ولا ايه .....حبس انفرادي ليكي تلات أيام لم تبقي تتعلمي الأدب وخرج من العنبر وراح المكتب قعد مضايق.....وف نفسه ازاي بت زي دي تكلمني كده انا لا أول مره بنت ترفع صوتها عليا وكمان مسجونه
ساره ... دخلوها الحبس الانفرادي وبقت منهاره من العياط
__________________________
ملك: ياهبه احنا دلوقتي مسافرين ومفيش حد عارف المكان بتاعنا احنا لازم نتصرف ونعمل حاجه علشان نعرف نخرج ساره من السجن
هبه: بقولك ايه ..هو انتي بتسهبلي اذا كنت انا وانتي اصلا محكوم علينا غيابي بالسجن خمس سنين زينا زيها
ملك: ماهو كله بسبب الزفت الا ركب معانا
هبه: يعني احنا كنا نعرف انه كده ياملك منه لله
ملك: طيب عايزين نتصرف حتى ونكلم ساره ف التليفون
هبه: طيب والتليفون هيدخلها ازاي
ملك: هنتصرف بس اصبري
___________________________
عصام عم ساره: دخل البيت وكان زعلان ع بنت اخوه
والدته: فين ساره ياعصام انا قلبي مقبوض عليها يابني وماتقوليش انها ف امتحانات علشان مش هصدقك
عصام ودموعه ع وشه: ساره ف السجن ياامي
والدته: وخبطت ع قلبها كنت حاسه انه فيه حاجه قلبي كان حاسس....قولي يابني ايه الا حصل معاها
عصام: _________________
والدته: خدني يابني طيب عايزه اشوفها
عصام: المشكله ياامي ان الا شاهد ع القضيه بتاعتها الظابط الا ماسك عنبر السجون
والدته: طيب وديني عنده عشان خاطري يابني يمكن قلبه يحن لم اكلموا
عصام: الا تشوفيه ياامي بس انتي مش حمل عربيات ولا تبهدله بس تعالي يلا
_____________________
الشاويش: تمام يافندم
اكرم: ايوه ياعسكري
الشاويش: في واحد وست عايزين حضرتك يافندم
اكرم: دخلهم
الشاويش: تمام يافندم
دخل عصام ووالدته
عصام: لو سمحت ياباشا انا عم ساره ودي امي وتبقى ست ساره الا لسه محكوم عليها بالسجن
اكرم: آآآآه تقصد تاجرة المخدارات
ست سارة: باانكسار وضعف لا يابني ماتقولش كده والله يابني البنت دي يتيمه وابوها سابها أمانة معايه وربيتها احسن تربيه وتعبت فيها وعلمتها
عصام: والله ياباشااا البت غلبانه ويتيمه ومن البيت لجامعه ومن الجامعه للبيت بس حضرتك الا فهمت غلط
اكرم: احنا لينا الا قدامنا...انتوا عايزين ايه دلوقتي
عصام: عايزين نشوفها ياباشا ستها زي ماانت شايف هتموت عليها
اكرم: ممنوع...مش وقت زيارة
ست ساره: علشان خاطر ربنا يابني ده انا قد ستك وست كبيره ياحبيبي ربنا يوقف ليك ولاد الحلال يابني ده انا ست مريضه انا لو ماشوفتهاش هموت يابني
اكرم: بس خلاص اتفضلوا اقعدوا وانا هبعتلها تيجي
عصام: يكرمك ربنا يارب
اكرم: ضرب جرس المكتب
الشاويش: تمام يافندم
اكرم: ابعت هات المتهمة ساره الا ف السجن الانفرادي
الشاويش: تمام يافندم
عصام: لا ياباشا بنت اخويا ف سجن انفرداي ليه
أكرم: حضرتها بترفع صوتها عليا
ست ساره: حقك عليا يابني معلش
الشاويش: المتهمه يافندم وخرج
ساره: جريت على ستها واترمت في حضنها وبدموع...والله ماعملت حاجه ياستي والله مظلومه
ستها: عارفه ياساره انتي مش ممكن تعملي حاجه زي دي يابنتي
عصام: كفايه ياساره عينيكي راحت يابنتي من العياط
ساره: عايزه اخرج من هنا ياعمي مش قادرة اقعد اكتر من كده وانهارت
اكرم: كان قاعد ع المكتب وحرفيا قلبه بيتقطع ع ساره وهي بتكلم وماكنش عارف ليه
اكرم: خرج بره المكتب ووقف بره وف نفسه .... ياترى ياساره ممكن تكوني مظلومه فعلا..وليه لا ماانتي فعلا كنتي مضروبه ع دماغك ليلتها ومش ف وعيك.....ولا انا مالي بيها اصلا احنا لينا ورق قدامنا
اكرم دخل المكتب : وضرب الجرس
الشاويش: تمام يافندم
اكرم: خد المتهمة ع الحبس
الشاويش: تمام يافندم
ساره : باانهيار مظلومه ياعمي والله
الشاويش اخد ساره ومشي
ست ساره وعم ساره مشوا وعينيهم كلها دموع
_____________________
اكرم دخل الفيلا : السلام عليكم
ازيك يابابا عامل ايه
اللواء السابق وجيه والد اكرم: الحمد لله يااكرم انت عامل ايه بقالك يومين مش بشوفك يابني
اكرم: في الشغل والله يابابا هعمل ايه
والد أكرم: طيب اقعد علشان الغداء هيجهز دلوقتي
اكرم: مش قادر يابابا انا جعان نوم بعد اذنك
طلع اكرم ع السلم وشاف اخوه...نازل الدكتور عماد اخوه الكبير
عماد: اكرم عامل ايه ياحبيبي
اكرم: انا كويس وهابقى كويس اكتر لو نمت
عماد: ماشي هههههه اطلع نام
دخل اكرم الاوضة بتاعته ولسه هينام
دخلت انجي مرات اخوه الكبير الاوضة عنده وبيعتبرها اخته الكبيره
انجي: انت يابني بقى مش عارفه اشوفك بقالي يومين وكل مارن عليك تكنسل
أكرم: والله وحشتيني هههههه بس سبيني انام واشرحلك لم اقوم
انجي: والله ماانا طالعه من هنا غير لم أعرف عملت ايه اليومين الا غبت فيهم
اكرم قام اتعدل : بصي ياستي______________
انجي: وانت رأيك ايه
اكرم: البنت ملامحها هاديه اوي وتحسيها بريئه اوي وقويه ف نفس الوقت...طريقة كلامها مابتخافش من حد مهم ان كان هو مين
انجي: امممممممم وايه كمان
اكرم: باابتسامه خفيفه امممممممم بتاعتك دي انا عرفها كويس بلاش تفكير بعيد وقومي خليني انام
انجي: ماشي بس عايزه اقولك حاجه قبل مااخرج
اكرم: ايه
انجي: كان نفسي المرايا تكون قدامك وتشوف ملامحك وانت بتكلم عن ساره
اكرم: اطفي النور ياانجي
انجي: حاضر هههههههههههههه
البارت الرابع.
عصام: يابيه شوف لينا حل مستقبل البنت بيضيع
المحامي: ماهي المشكله بنت اخوك مش عارفه اسم الا كان معاهم في العربيه المتهم الأصلي يبقى ازاي هساعدك ده حتى ماتعرفش هو مين ولا ساكن فين
عصام: طب والعمل هنعمل ايه
تليفون عصام رن
بعد اذنك هرد ع التليفون
المحامي اتفضل: الووووووو مين
ملك: لو سمحت ياعمي انا ملك صاحبة ساره والا كنت معاها ف العربيه يوم الحادث
عصام: انتي منك لله هربتي انتي وصاحبتك والواد الا معاكم والبنت هنا راحت ف داهيه
ملك: بلاش تحسسني بالذنب اكتر من كده ياعمي انا بكلمك علشان اعرفك اسم الشاب الا كان معانا وعرف ساره بيه يمكن ده يخفف الحكم عنها او الحكومه تقدر توصل ليه اسمه عمر محمود مجدي وعنوانه....
عصام : طيب وانتي فين
الخط قطع
عصام: الووووووو الوووووو
المحامي: وصلت لحاجه
عصام: ايوه كده عرفت اسم المتهم وعنوانه
المحامي: طيب وريني التليفون نشوف الرقم ده بيتكلم منين ...مسك الفون المحامي وشافه رقم خاص
المحامي: للأسف الرقم خاص مش متسجل
عصام: طب والعمل
المحامي: لازم نحدد جلسه علشان ساره تقول ع اسم المتهم علشان الحكومه تعرف تجيب الولد ده
عصام: طيب ومستني ايه
المحامي: خلاص هتوكل ع الله بإذن الله
_____________________
ساره وباقي السجناء خرجوا قدام العنبر يقعدوا
ساره بقت واقفه لوحدها وع خدها الدموع
اكرم لسه واصل وداخل ع السجن...شاف ساره وهي واقفه بص ليها وفضل واقف بيستغرب ازاي الوجه الطفولي ده يكون مجرم
اكرم: وحب يفتح موضوع مع ساره قرب منها .....هههههه حلو الهوا هنا
ساره: بنظرة تحدي هو جميل آآآه بس لحضرتك يعني بمعنى للي واخد عليه لكن الا زييا لا لأنه مش شبهي
اكرم: بخنفة من طريقه كلامها.....هو انتي فاكره نفسك ايه انتي مسجونه ان طلعتي ولا نزلتي
ساره: المتهم برئ حتى تثبت ادانته
اكرم: طيب ولو ماطلعتيش بريئه وفضلتي زي ماانتي ف السجن
ساره: يبقى قدري ومحدش بيهرب من قدره او يمكن تكون بدايه جميله ليا وتكون حياتي لسه بتبدأ
الظابط حسين: اكرم يااكرم
اكرم: كان واقف مع ساره سرحان
ساره: مش حضرتك برضو الظابط اكرم
اكرم: هز راسه...بمعنى مش فاهم
ساره: في ظابط هناك بينادي عليك
اكرم: سابها ومشي
____________________
حسين: من امتى وانت بتهتم تقف مع المساجين هههههههه
اكرم: ودي اعتبرها خفة دم ع الصبح ولا اعتبرها ايه
حسين: لا ابدا بس استغربت
اكرم: المهم: عملت ايه ف القضية الا ادتهالك
حسين: ولا اي حاجه بقت ضدد مجهول
اكرم: يلا خير
______________________
المحامي: الحمد لله يااستاذ عصام الجلسه اتحددت ع الأسبوع الجي
عصام: يكرمك يارب الحمد لله
المحامي: بإذن الله مستبشر خير
عصام: يارب يسمع منك
____________
ملك: الووووووو
عمر: ايوة ياملك
ملك: انا بلغت اسمك ل ساره والحكومه ف أقرب وقت هتوصلك ف يستحسن تعترف وتخلصنا من الا احنا فيه
عمر: زي ماانا هروح ف داهيه انتوا كمان هتروحوا ف داهية
ملك: يعني ايه
عمر: يعني انا هارب زييا زيكم وانتوا ماانتوا كويسين اهو شغالين بالكم بحاجات مالكمش فيها ليه
ملك: انت مجنون دي الا راحت ضحية عملتك السوده دي صاحبتي
عمر: قفل السكه ف وشها
هبه بتكلمي مين
ملك: بكلم زفت عمر _______________
هبه: طب والعمل
ملك: مش عارفه بجد
_______________
اكرم: ياعسكري ابعت هات المسجونة ساره
العسكري: تمام يافندم
العسكري: تمام يافندم المسجونة ساره اهي وخرج
اكرم: قاعد ع المكتب ومش بيتكلم
ساره: حضرتك بعتلي
اكرم: قام وقف وقرب من ساره
اكرم: بصوت واطي حابب اعرف عنك كل حاجه وحابب اعرف ايه الا حصل مظبوط ف الليلة الا قبضت عليكي فيها
ساره: لييييييه
اكرم: انا ظابط و ده حقي
ساره: وانا كلامي قولتوا ف المحكمه وف النيابة
اكرم: ساعديني ياساره علشان اقدر اساعدك
ساره: هتساعدني ازاي
اكرم: مش عارف بس حاسس من جوايا بشئ نضيف جواكي
ساره: و ده كان فين حضرتك لم شهدت ضددي ف المحكمة
اكرم: ده شغلي ياساره واكيد كنت هقول وهاشهد باللي انا شوفته
ساره: انت شوفت قدامك حاجه مش حقيقيه
اكرم: وعلشان كده بعتلك وحابب افهم
ساره هحكيلك كل حاجه________________________
اكرم: اكيد هقدر اساعدك سبيها لله وعليا
وضرب الجرس
العسكري تمام يافندم
اكرم: خد ساره ووديها العنبر....اكرم بتوتر اقصد اقول المسجونة
العسكري: تمام يافندم
______________
وبعد مرور اسبوع وجه ميعاد الجلسة
عمر: كلم صاحبه جهز نفسك يااسلام علشان لازم ساره تموت النهاردة قبل مااسمي ياجي ف المحكمه
اسلام: جاهز ياصاحبي
__________
ساره بقت فرحانة انها هتقول ع اسم المتهم ان الحكومه تقدر توصل لحاجه
واكرم كان سعيد من جواه
ركب عربيه السجن اكرم هو وكذا عسكري
وركبت ساره العربيه واول ماوصلوا المحكمة اضرب عليهم نار وساره اضربت بالنار ووقعت في الأرض
اكرم: بصوت عالي سسسسساره