CMP: AIE: رواية عاصفة القدر الجزء الثاني الفصل الثالث عشر
أخر الاخبار

رواية عاصفة القدر الجزء الثاني الفصل الثالث عشر

رواية عاصفة القدر الجزء الثاني الفصل الثالث عشر

 رواية عاصفة القدر الجزء الثاني

الفصل الثالث عشر 


بقلم إيمان المهدى


فايد. بسببك الناس هتتكلم يامراد ولو مش قدامنا هيبقى من ورانا 


مراد.  وانا هقطع لسان اي حد يتكلم ف حقها اي كان هو مين. لان نور




 هتبقى مراتى وحبيبتى  وقبلها هي بنت عمى وياريت الكل




 يعرف أن بعد عشر ايام فرح حسام وكتب كتابى انا ونور واظن كدا الرسالة وصلت


فايد. وانت بتقرر بقا من نفسك ومن غير ما تاخد رأي حد فينا 


مراد. اخد رأي ١٣ سنه واحنا بنتعذب وكلكم بتتعذبوا معانا واليوم ال هنتجمع فيه اخيرا عايزانى أسأل ايه رأيكم. هيكون ايه رأيكم يعنى بعد كل العذاب ال عشناه 


فايد. انا مش هجوز بنتى ليك يامراد 


مراد. بصدمة.  انت بتقول ..قاطعته سميرة. فايد. أن ازاي رافض مش فاهمه

أحمد. بابا. انت بتقول ايه دا انت اكتر واحد كنت عايز تجمعهم ومنتظر رجوع نور 


فايد ما هو انا كمان مش مستعد أجوز بنتى لواحد معندوش مكان يعيشها فيه. ممكن تقولى حضرتك جهزت جناحك ال هتتجوزها فيه 


الكل بعد الصدمة ضحكوا  وفايد كمل ألف مبروك يا ولاد 






مراد. منك لله ياعمى وقفت قلبى 


فايد بغضب مصطنع. ولد ايه منك لله دى


مراد. بضحك. حضن عمه. لا منى لله انا وربنا يخليك لينا 


سميرة. حرام عليك يا فايد انت وقفت قلوبنا كلنا. 


فايد دا عقاب ليهم هما الإتنين على عملوه فينا النهاردة 


نور.  آسفه يابابا بس دى كانت فكرة الأستاذ وبتشاور على مراد 


فايد. باسها من  رأسها ألف مبروك يا قلب أبوكى 


نور ربنا يخليك ليا يا حبيبي


مراد احممم. قلب أبوكى وحبيبى مش واخدين بالكم أن واقف


فايد. نعم خير. انت من دلوقتي هتمنعنى ادلع بنتى ولا إيه 


مراد. لا مش دلوقتي. بعد عشر ايام بس. 


فايد دا بعد. يا مراد 


أحمد. طيب اللحق ابارك لاختى قبل ما يمنعنى انا كمان.  مبروك يا حبيبتي 





نور بحب الله يبارك فيك يا حبيبي. 


سامح. يااااا واخيرا مبروك يا نور وقرب من مراد. مبروك ياحبيبى ربنا يسعدك ياقلبى 


مراد. ومبروك عليك انت كمان ربنا يسعدك مع ال قلبك اختيارها  ياغالى 


نور بهزار. احممم. ياحبيبى وياقلبى.  وياغالى. نحن هنا يا أستاذ مراد 


مراد بهزار. بتردهالى 


نور. بغمزة خالى بالك بقا. سميرة بحب. مبروك يا حبايبى. احنا كدا فرحتنا اكتملت بعد ما ربنا هداكم 


مراد. بيبص على نور. هو احنا كنا مجانين ولا حاجة 


مروة بهزار بصراحة اه  


حسام. معقول هتجوز انا وانت ف يوم واحد. 


مراد. لا ياحبيبى انا هكتب بس اما الزواج بعد شهر لسه 


سميرة. وليه يا حبيبي ما بقى الفرحة واحدة


مراد.  انت شوفت فايد بيه كان لسه رافضنى عشان مجهزتش جناح ال هنتجوز فيه 


فايد. لا ملكش دعوة انا راضى ياسيدى 







مراد بس مش راضي ياعمى انا عايز نور تفرح خلال الشهر هكون فتحنا اوضنا على بعض وجهزتهم 


نور. بس اوضتك كبيرة يامراد دى جناح لوحدها وكفايه جدا 


مراد. لأ انا عايز ادخل اوضتك كمان. وكمان اعمل فرحك ميكونش فيه عروسه غيرك واهتمام الكل يبقى ليكى وبس وبعدين انا مش عايز عريس معايا وخصوصاً حسام هو وسيم وهياكل الليله لوحده


حسام. ف دى بقا انت كداب اوووى عشان مفيش اجمل منك يا قلب اخوك 


مراد. ربنا يخليك ليا يا حبيبي بس بجد. خلينى اهتم بجوازك الأول. وعلى ما ترجع من شهر العسل نبقى نحضر لفرحى  وبعدين. انا عايز اجهز جناحى على زووقى انا ونور يضايقكم ف حاجة 


لا طبعا ميضيقش حد. كان هذا صوت عاليا. 

التفت مراد.  عاليا  الف مبروك يا مراد بيه. مبروك يانور 







مراد. متشكر مش يالا ياجماعة الوقت أتأخر


سميرة اه يالا الكل يطلع ينام ويرتاح مروة بلغى مايا واخرجى انت ونور ومايا عشان تختاروا الفساتين  وتساعدوا سهى  ونور كمان. عشان نلحق نجهز كل حاجة الوقت ضيق. 


مراد.  اقترب من نور مش يالا تطلعى


نور. اه يالا. وطلع كل واحد لا وضته وتجاهلوا تماما وجود عاليا ال كانت بتغلى من الحقد عليهم. 

  

مراد كان رايح لأوضة بنته. 

نور. انت رايح لنور 


مراد اكيد انت مش بتنام ال لو كنت جنبها 

نور طيب ممكن اجى معاك  مراد. بحب ياريت 


دخلوا. عند نور. ال لسه صاحيه وزعلانه 

نور شكلها زعلانه منك  مراد عارف .. حبيبي الصغير زعلان من بابى 


نور ( ص) بزعل طفولى  انت مبقتش تحب نور وبتسيبها لوحدها 


مراد. انا غلطان  لو تحبى انا مستعد انفذ اي طلب بنوتى تطلبه منى 







نور. بفرحة اي طلب يا بابى 


مراد. اي طلب 


نور. عايزة اروح ملاهى. وكمان تجبلى جيلاتى وكمان تنام هنا جمبى  وعايزة طنط نور تحكيلى قصه زي امبارح 


مراد بهزار ايه الطمع احنا قلنا طلب واحد 


نور بتذمر طفولى بس انت قولت هنفذ ال انت عايزاه 


مراد. وانا موافق بس سيبى طنط نور تروح ترتاح وانا هحكيلك حكايه 


نور  لأ هى حكايتها حلوة مراد دلوقتى حكايتى مش عجباكى 


نور بضحك. سيبها يامراد انا هحكيلها ال عايزاه. روح انت غير وتعالى عشان تنفذ وعدك وتنام جنبها 


مراد.  خرج وسابهم بيهزروا كان مبسوط لعلاقتهم مع بعض واتمنى من قلبه أن نور تقدر تعوض بنته الحنان ال عاليا حرمتها منه. 






 وف نفسه. أما انت ياعاليا ف دورك جاي وجودك هنا هيكون النقطة السودة ال هتعكنن حياة اهل القصر انت مرض لعين ولازم يستأصل  دخل اوضته اخد شاور وخرج لبس ملابس قطنيه مريحة وقف يصلى ويدعى ربنا يوفقه ف حياته ويخليله بنته وحبيبته وبعدها راح لغرفة بنته عشان يلاقيها نايمه ف حضن نور للمرة التانيه فرح من جواه واتأكد أن نور بحنيتها وحبها هتمتلك قلب بنته عمرى ماشكيت ف اختيارى ليها طول عمرى متأكد وعندى ثقه كاملة أن نور هى الشخص الوحيد ال بيكملنى  بصلهم بحب ربنا يخليكم ليا واقدر اسعدكم  اقترب منهم وغطاهم وخرج من الغرفة بهدوء


البيدج الأصلية حكآيآت إيمى الروايه حصرى عليه 


ف الصباح اجتمعت العيله كلها على السفرة مابين ضحك وهزار 





مروة انا هاخد سهى ونروح لمايا ناخدها معانا  وانت يانور  اجهزى عشان هتروحى معانا 


نور لاااا انسينى انا عندى شغل. ولازم اروح المستشفى النهاردة 


سميرة. مستشفى ايه يابنتى انت كتب كتابك كمان كام يوم ومجهزناش حاجة لسه 


نور حاجة ايه بس ياماما. لو على الفستان هبقى اروح اجيبه جاهز  وخلاص 


سميرة. متتعبنبش معاكى. يانور وانت يامراد هتفضل ساكت كتير ما تشوف هي بتقول ايه  


مراد انا قررت اسيب نور على راحتها ولو على الفستان هخرج انا وهي نجيبه بعد ما تخلص شغلها 


سميرة انت ناسى أن لسه هنجيب شبكتها وحاجات تانيه هو الفستان وبس


نور بهزار ههههه شكلها بتدبسك

مراد واحلى تدبيسه ياقلبى 


سميرة. ردوا عليا وسمعونى بتقولوا ايه


مراد. سيبى نور على راحتها يا ست الكل وانا كل يوم هخرج معاها نجيب ال عايزاه كله  وبعد كتب الكتاب كل حاجة هتتغير


نور. ازاي يعني يا أستاذ مراد


مراد يعنى هتقعدى ياقلبى ٢٠ يوم ال قبل الفرح تجهزى جناحنا 


نور. واشمعنا انا ما تقعد انت 

مراد بتفكير بس انا عايزك انت عشان تجهزى الجناح على زوقك






نور. انت بتسبتنى  يامراد


سميرة انتوا الاتنين  هتشلونى جوازة ايه دى ال بتتخانقوا على مين يقعد يجهز لترتيبات فرحكم 


مراد بعد الشر عليكى يا ست الكل  المهم انا ونور هنتغدى عند ماما عبير النهاردة 


سميرة  ماشى يا حبيبى سلملى عليها 

مراد  حاضر ياست الكل يالا باى وخرج هو ونور والولاد وصلهم على مدرستهم  ووصل نور على المستشفى 

مراد نور هجيلك بدرى عشان نخرج قبل ما نروح لماما عبير 


نور حاضر ياحبيبى يالا باى ونزلت  وقبل ما تقفل الباب  مراد نور. شكرا على اهتمامك ببنتى 

نور. بنتك جميله يامراد وتتحب واتمنى اكون عوض ليها عن جفا مامتها 


مراد ربنا يخليكم ليا ياحبيبتي 

نور. ويخليك لينا ياحبيبى  ودعته نور ودخلت على المستشفى قابلت يوسف ..يوسف ايه يابنتى كنت فين امبارح طول اليوم ومجتيش ليه حاولت اكلمك كتير بس فونك مغلق


نور بفرحة  طيب قول صباح الخير الأول


يوسف صباح الخير يا ستى وبعدين ايه الإنبساط دا كله 


نور من غير حسد بس. انا فعلا مبسوطه جدا  


يوسف ايه سبب الفرحة دى بقا 


نور انا ومراد خلاص هنتجوز واتفقنا على كل حاجة


يوسف بإبتسامة مزيفه مبروك يانور ربنا يسعدك ويخليكم لبعض 





نور يارب يايوسف عقبالك 

يوسف مش باين. هروح اشوف حالات الطوارئ سلام 


يوسف سابها وخرج من المستشفى كلها. وعيونه بتدمع  انت كنت متوقع ايه انك تتجوز نور وانت عارف ان دا مستحيل حتى ديانتنا مختلفة وجودك اصلا هنا ايه سببه ليه بوجع نفسى كدا عايز اكون جمبها وبس .. بس مش واخد

 بالى أن بموت كل ما اشوفها معاه طيب ازاي هستحمل أشوفها بتتجوز مسح دموعه بوجع وقهر انا لازم اسافر ابعد عنها دي حياتها واختيارها لمراد هو الأفضل والمناسب ليها  ربنا يسعدها 


نور. ف نفسها معقول يايوسف لسه حاطط أمل بعد كل دا وبعد ما أتأكد

 إن قلبى ملك لمراد وبس  اتنهدت وبصت لخاتم مراد ال لبسهولها زمان  ف ايديها بحب وسعادة بحبك اووى يامراد فتحت غرفه الكشف  ودخلت مبتسمه بس دقايق واختفت ابتسامتها  واتكملت بصدمه فهد


فهد. مفاجأة مش متوقعة صح يا نور مبروك يانور على تحديد جوازك انت والصياد بتاعك 


نور بعصبيه انت ايه جايبك هنا


فهد جاي اقولك انك مستحيل تتجمعى انت ومراد مع 



بعض موتى قبل ما اخلى الصياد الفقير ياخد حاجة انا عينى عليها .


نور بغضب. انت عايز منى ايه 


فهد عايزك يانورى


                     الفصل الرابع عشر من هنا


لقراة الجزء الاول كامل اضغط هنا


ولقراة الجزء الثاني كامل اضغط هنا


تعليقات



حجم الخط
+
16
-
تباعد السطور
+
2
-