رواية عاصفة القدر الجزء الثاني
الفصل الثالث والرابع
بقلم إيمان المهدى
فيلا البحيرى
دخل محمد الغرفة ليجد مايا جالسه وآثارالبكاء تظهر عليها محمد. وبعدين فيكى يا مايا هتفضلى كدا على طول
مايا بتمسح دموعها. انا آسفه يا محمد
محمد. قرب منها وحط ايه على كتفها ياحبيبتي انا خايف عليكى ليل نهار زعلانه وبتبكى. حرام عليكى نفسك.
مايا. آسفه يا محمد حياتك كئيبه بسببى
محمد ومين قال كدا. ياقلبي انت سعادة البيت كله انا بس عايزك تسبيها على الله أرمى حمولك عليه احنا ما علينا غير الدعاء وحاشاه أن يردنا ربنا أكيد هيجبر بخاطرنا لازم تكونى على ثقه بالله
مايا ونعم بالله حاضر ياحبيبى ربنا يخليك كنت خير الزوج والسند.
محمد. ويخليكى ليا ياحبيبتي. طيب يالا انزلى عشان نتغدى. ماما قلقانه عليكى وقالت انك مأكلتيش حاجة لدلوقتى
مايا والله ماما عبير كانت عوض حرمانى سنين من أمى ربنا يخليها لينا
ف القصر الذهبى. اجتمعت العائله ف جنينه القصر
مروة عملتكم أحلى فشار. زين ونور بفرحة هاااا
مع دخول خالد وسارة وتوأمهم 3سنوات إياد وزياد
حسام. كملت سارة وعيالها المجانين وصلوا
سميرة. عيب يا حسام متقولش عليهم كدا دول هادين جدا
أحمد. نعم مين دووول يا ماما انت تقصدى عيال سارة وخالد
سارة بزعل مصطنع. بقى كدا سامع يا استاذ مراد عشان تقولي هانى الولاد وتعالى
مراد والله نور هانم ال طلبت منى عشان نفسها تلعب معاهم
سامح. بضحك. شكلك وحش
خالد. تعرف تسكت خالص نبقى نشوف لما تتجوز عيالك هيبقوا ازاي
سامح. هادين طبعا لان أبوهم هادى
خالد. طيب ياعم الهادى اهو احنا قاعدين بقالنا شويه سمعتلهم صوت عشان تعرف انك ظلمين ولادى
مراد كانت بيضحك. بصوت ويشاور للخلف. طيب روح ياخالد حجز بين عيالك بدل ما ياكلوا
خالد اه ياولاد ال .... فضحتونا
الكل كان بيضحك ومبسوطين وعاليا واقفه ف بلكونة غرفتها والغضب والحقد مالين قلبها
مراد. عمى انا محتاجلك معانا ف الشركة
فايد انا من زمان سايبها والبركة فيكم انتم
مراد كنا سيبينك براحتك عشان عضويه المجلس والمسؤوليات ال عليك بس أنت قلت انك مش هتقدم الدورة دي يبقى شركتك اولى بيك
فايد. بس يابنى قاطعه أحمد مراد عنده حق يابابا احنا بجد محتاجين لخبرتك معانا
فايد. خلاص ماشى ال تشوفوه
حسام بما اننا كلنا كدا متجمعين. عايز بقا اقولكم على حاجة ... بصراحة بقا أنا عايزة اكمل نص دينى انا كبرت يا جماعة مش ملاحظين دا ولا إيه
مراد والله انا قولتلك اتجوز مليون مرة وانت ال رافض
حسام. بهزار لا ما خلاص الوحدة قاتله يا أخى
أحمد. بغمزة. وياترى لقيت صاحبة السعادة ولا لسه
حسام كان بيبص عليه بضيق
مراد بينكم ايه ومخبين علينا
أحمد هتقول ولا أقول أنا
حسام بغضب. تعرف تسكت إحسنلك عايز اتكلم كلمتين على بعض وراعى أن كبيركم
الكل بضحك. سارة. مع أن دى الحقيقه وانك اكبر مننا بس طول عمرنا شايفينك الصغير بتاعنا دا حتى كلنا اتجوزنا وانت لسه
سميرة. يعنى عشان مش بتاع مشاكل زيكم غيرانين منه. وبحنان سيبك منهم ياحبيبى وقولى انت اخترت بنت معينه ولا ادورك
حسام بصلهم بغيظ. اه يا ماما ف بنت ف المكتب معانا من كام سنه وسكرتيرة أستاذ احمد بصراحة عجبانى وأخلاقها عاليه جدا
سارة. تقصد سهى صح
سميرة. انا اعرف البنت دى جات هنا ف اكتر من مناسبه وبصراحة فعلا بنت مؤدبه جدا
لتأتى من الخلف بعد سماعها للحوار بترقيه مش دى البنت الفقيرة بس دى بلدى خالص يا حسام
حسام لو سمحتى يا عاليا حياتى وملكيش دخل فيها
عاليا فيها ايه حلو عشان تتجوزها .. وتجيب بنت الحارة تعيش غ القصر الذهبى
مراد. بغضب هو انت بتكرهى تشوفينا مبسوطين شويه حرام عليكى وبعدين سهى مميزة جدا وتعرفى انت نفسك متعرفيش تبقى زيها
عاليا بعصبيه ليه يعنى ايه المميز فيها
مراد. اخلاقها. أدبها خوفها من مضايقه الناس وحفاظها على مشاعرهم والأهم طيبه قلبها وكل دوول مش عندك عشان كدا هي مميزة وافضل منك شخصياً
عاليا. لو سمحت يا أستاذ مراد حاسب على كلامك معايا
مراد لو عندك كرامه كنت فهمتى انا ماشى وهسيبلك المكان كله يمكن ترتاحى
سميرة هتروح فين بس يابنى
مراد. معلش يا ماما. هروح اشوف ماما عبير انا ونور وهنام هناك النهاردة
حسام. مراد ممكن تاخد معاك عايزة اشوف مايا واطمن عليها
سميرة. بقله حيله ربنا يهديلك الأحوال يابنى
سارة. ربنا يبعد عنه شر الخبث والحقد ال حواليه. وكانت تنظر بغضب لعاليا
انا ماشيه يا ماما عشان خالد عنده شغل الصبح بدرى
سميرة لسه بدرى ياحبيبتي أنت لحقتى
سارة لأ كفايه كدا مش ناقصين تعكير دم
أحمد. قام واخد مروة وابنه. بعد اذنك يا ماما هروح ارتاح الجو هنا خنيق يالا يامروة
سميرة بصت لعاليا. كان نفسى تكون العوض ليه ولينا بس للأسف كنت ازمة حياتنا. دائما بتفرقينا ياريت تحاولى تغيرى من حالك
ودخلت القصر هي وفايد ومبقاش غير عاليا هي وحفظها والغضب ال ماليها رفعت هاتفها اتصلت بفهد
الووو انت فين
فهد .....
عاليا. طيب انا جيالك لو قعدت هنا الليله هولع ف القصر وال فيه
كان هناك من يستمع لمكالمتها. وهو مصطفى( أحد الحرس)فاكرينه يا ترى بتكلمى مين !!
مايا مبسوطة اوووى انكم جيتوا وحشتنى يا حسام
حسام اه ما أنا لو وحشتك كنت جيتى أشوفك
مايا معلش يا حبيبي انت طول اليوم ف الشغل انت ومراد وعارفة انكم يادووب يتروحوا ترتاحوا
حسام. ابقى قولى حجة معقوله بعد كدا.
عبير وحشتنى يا قلبى
مراد. وانت كمان يا قلب مراد عامله ايه يا بيرو
عبير طول ما انت بخير هبقى بخير
نور. وانا ياتيته مش وحشتك
عبير وحشتينى طبعا ياقلبي
مراد. هتبات معاكى النهاردة وبكرة طول اليوم عشان تشبعى مننا
عبير. دا بيتك وبيت بنتك ياحبيبى. تعالوا يا ولاد العشا جاهز
ف منتصف الليل
تطرق عبير باب غرفة مراد بهدوء
مراد تعالى ياماما
عبير وعرفت أن انا ازاى
مراد عارف انك مش هتنامى غير لما تحققى معايا
عبير. انا يابنى مقصدش اتطفل على حياتك
مراد فيه ايه ياست الكل انت عارفة أن بهزر زي ما انا عارف سبب قلقك هاا عايزة تعرفى ايه
عبير ايه ال خلاك تسبب القصر وتيجى تبات هنا
مراد. هههه عايز اشوف مراد .. مراد وحشنى ولما اجى تقول جيت ليه
عبير. مراد انت عارف قصدى ايه.
مراد. عارف يا ماما بس انا زهقت وتعبت من الحياة بالشكل دا مبقتش عارف انا صح ولا غلط خايف أشيل ذنب عاليا وكل ما أقول إن بظلمها بتصرفاتى عمايلها بتخلينى اتاكد أنها تستحق ال بعمله
عبير انت عايز تعيش معاها زي أي زوجين
مراد دا مستحيل. انا اه حاسس بالذنب وبقول يمكن الوحدة ال عايشاها سبب تصرفاتها بس كمان مش معناه أن اكون معاها انا عايز أطلقها يا ماما وال يحصل يحصل
عبير. من حقك ومن حقها هى كمان بس بنتك ذنبها ايه
مراد وهي عاليا اصلا حاسه ببنتها أو بتهتم بيها كل اهتماماتها نوادى واصحابها وبس دا حتى مفكرتش تاخد ماجستير او حاجة عشان اقول لتحاول تعمل كرير لنفسها دى عايشه حياة مستهترة وبس
عبير وبعدين. ناوى على ايه ولو طلقتها تفتكر هتعيش فين كلنا عارفين أن أهلها برة مصر صعب تروح عشان بنتها وصعب تعيش لوحدها الناس هتتكلم وعاليا محدش يعرف أهلها والناس بتشوف أن احنا المسؤولين عنها.
مراد ودا ال محيرنى بس بفكر اخليها تفضل ف القصر وتعيش مع بنتها
عبير بس ازاي يابنى وانتوا منفصلين .
مراد. ياماما انا وعاليا متجمعناش اصلا عشان ننفصل ووجودها ف القصر هيكون ف حدود وهتكلم عنها قدام الكل ف القصر
عبير ربنا يصلح الحال
بعد يومان ف القصر
فايد خير يا بنى فيه ايه
مراد. انا جمعتكم النهاردة عشان اخدت قرار اتأخرت فيه وحان الوقت لتنفيذه
سميرة خير يابنى
مراد انا قررت ان انفصل عن عاليا قانونا ونهائى
عاليا. بدموع مراد انا. قاطعها. دا انسب حل
عاليا. بس انا ...
مراد. لوتحبى تفضلى ف القصر مع بنتك معنديش مانع بس بشروط وحدود
عاليا. كان فاقدة الأمل ف أنها تعيش معاه أو تمتلكه فأكملت ايه هي الشروط دى
مراد اى حاجة تحصل ف القصر متخصكيش متدخليش ف اى شئ ف القصر ولو مرة حاولتى ترمى سمك على حد من الموجودين حسابك هيبقى معايا نفقتك ومصاريفك بالكامل اى حاجة هتحتاجيها انا ملزوم بيها بشرط أن وجودك ف القصر. يخص بنتك وبس
وياريت تحاولى تبعدى عن مكان تواجدى بأى طريقة
حاولى تخلينى مشفكيش كتير
الكل كان بيستمع. لمراد وساكتين لان دا انسب حل حياتهم فعلا بقت مستحيله
عاليا. ماشى يا مراد وانا موافقه على كل شروطك
فايد. بس يابنى أجل الطلاق بس كام يوم عشان خطوبة اخوك
سميرة ياريت يا مراد اجله بس كام يوم الخطوبه بعد اسبوع ومينفعش يتسرب خبر طلاقك وفيه عندنا مناسبه شكلنا هيبقى مش لطيف قدام الناس
مراد تمام. بعد الخطوبه وكل حاجة هتم بس الشروط ال قولتها هتتنفذ من دلوقتي. سامعانى يا عاليا
هزت عاليا رأسها بالموافقه. وذهبت لغرفتها.
كلمت فهد وحكتله ال حصل
فهد. حساب مراد سليمان كل مرة بيزيد
عاليا انا قبلت بشروطه وقبلت أن يزلنى لان لو خرجت من القصر هيبقى صعب انتقم منه
وجودى ف القصر هيسهل علينا كتير
فهد. يعجبني فيكى ذكائك
مر كام يوم وكان الكل جاهز لحفله الخطوبه
سهى. مكنتش متوقعة أن كل دا يحصل اصلا مكنش ف احلامى أن انا وانتى نتخطب
حسام. وقريب اوووى نتجوز. مبروك يا حبيبتي انا فعلا مش هتلاقى زيك.
سهى يعنى مش هتعيرنى ف يوم أن اهلى حياتهم بسيطه وانت يعنى من أغنى الناس ف البلد
حسام. لا طبعا ومتقوليش كدا تانى الغنى والفقر مش بالفلوس النفوس الطيبه دى أغنى البشر وفيكى ليقيت الخلق والإحترام والصلاح وانا مش عايز غير زوجة تحافظ عليا وعلى عيلتى ووعدى ليكى ان عمرى ما هأذيكى حتى بالكلمة وهعاملك كما أمرنا الله ورسوله.
فايد كان بيعرف بقيت العيله لأهل سهى طبعا انا وسميرة ومراد اتعرفنا لما طلبنا ايد سهى ... أما البقيه
أحمد ابنى ودى مراته مروة سارة بنتى وخالد زوجها. وانا ياعمى مش تعرفهم عليا
فايد. اه دى عليا. مرات مراد
والد سهى اتشرفنا بمعرفتكم جميعا. مع أن المفروض الحفله تكون ف بيت العروسه بس انت عارف ضيق المكان بس والله انتوا شرف لينا اتشرفنا بنسبكم الكريم ومعرفتنا بالعيله
ليأتى صوتها من خلفهم لسه انا
ليلتفت الجميع غير مصدقين لسماع صوتها بعد كل هذه السنوات
لتنظر لهم ودموع من الفرحة والشوق. تملأ عينيها انا ابقى بنت العيله نور فايد سليمان
كان مراد يقف هناك بهيبته الطاغيه ورغم قوة جسده إلا أنه احس بضعف رجليه فقد خانته ولايقدر على الوقوف ليجلس على كرسي ويقول ف نفسه
إن قلبى إعتصر سنوات طويلة لعدم رؤيتك ولايصدق انك أمامه اليوم ينظر إليك فلا ترحلى وتتركى ذاك القلب معذبًا يانورى. قد رحلت عنى بجسدك ولكن روحك لم تتركنى يوماً فنحن روحًا واحدة نتنفس العشق سويا
الفصل الرابع عاصفة القدر الجزء الثاني
ليأتى صوتها من خلفهم لسه انا
ليلتفت الجميع غير مصدقين لسماع صوتها بعد كل هذه السنوات
لتنظر لهم ودموع من الفرحة والشوق. تملأ عينيها انا ابقى بنت العيله نور فايد سليمان
سميرة. بدموع خالطها من الفرحة والشوق. نور بنتى اقتربت منها وأخذت تتفحص وجهها وكأنها التصدق ما تراه عينيها
نور بدموع. وحشتينى ياماما
سميرة ببكاء وصوت متقطع. انت كمان يا نور عينى .. كدا يانور توجعى قلبى وتقهرينة السنين دى كلها
آسفه يا ماما آسفه يا حبيبتي
فايد. تبعدى ياسميرة. عايزة احضنها انا كمان ولا مليش نفس. بعدت سميرة قليلا. فايد. نورتى دنيانا من تانى ياقلب أبوكى
نور وحشتنى أووى يا بابا.
إجتمعت العائلة وكل منهم كان يسلم عليها ودموع الفرح مسيطرة على الجميع
سهى. حمد لله يا دكتوره نور
نور. الله يسلمك يا سهى والف مليون مبروك ليكى ولحسام
والد سهى حمد لله على سلامتك يا بنتى ال فهمته أنك كنتى مسافرة
نور اه ياعمو كنت بكمل دراستى وبستمد خبرة أكبر
سهى. دكتورة نور شاطرة جدا يابابا. وبعد سفرها خمس سنين برة اكيد بقت فوق الممتاز
والد سهى ماشاء الله ربنا يبارك فيها يا فايد بيه
فايد. انا فخور أن عندى بنت زيك.
والد سهى. بعد إذنكم اشوف باقى الضيوف
سميرة. كدا يانور خمس سنين منعرفش عنك حاجة مفيش حتى اتصال تطمنينا عليكى
نور بهدوء مش وقته ياماما احنا ف مناسبه اجلى الكلام مؤقتا عشان خاطر حسام وسهى
سميرة. ماشى يانور. بس لازم اعرف كنت فين وكل حاجة عملتيها السنين دى كلها
عند مراد كان جالس على الكرسى دون أي ردت فعل عينيه مثبته عليها ولا يظهر أي شيء على ملامحه سوى كم الأشتياق واللهفه ف عينيه
عبد الرحمن. مراد. ... انت يابنى رحت فين
مراد. هااا لا انا معاك
عبد الرحمن. طيب مش هتسلم على نور
مراد ....مرااااد وقف وكان متجه خارج الجنينه
عبد الرحمن كان وراه بيحاول يلحقه. انت يابنى استنى قطعتى نفسى. رايح فين
مراد. انا ماشى
عبد الرحمن. ماشى فين. نور هنا يامراد
مراد. انا عايز امشى. سيبنى ارجوك
عبد الرحمن. انت مجنون. انت كنت بتموت كل دقيقه من خوفك عليها. ليكون جرالها حاجة كنت بتتمنى تشوفها دلوقتي عايز تمشى من غير حتى ما تسلم عليها
مراد. مش قادر اكلمها مش عارف مالى. بس سيبنى أمشى وبس.
عبد الرحمن. انا جاى معاك
مراد. لأ انا ... قاطعه عبد الرحمن. قلتلك مش هسيبك وجاي معاك يالا
مراد. وأولادك.
عبد الرحمن. هكلم خالد يبقى يوصلهم متقلقش
ركبوا العربيه وطول الطريق ومراد ساكت وعبد الرحمن سايبه براحته لحد ما وصلوا لليخت
ف الحفله
كانت نور بتدور عليه وسط الكل لحد ما لمحته واقف مع عبد الرحمن وبعدين اتجه خارج القصر وقتها حست أن مش عايز يشوفها أو بيحاول يتجنب وجودها. ودمعه نزلت على خدها مسحتها بسرعه قبل ما حد يلاحظ وابتسمت بس جواها الف سؤال.
وقفت عاليا أمام نور حمد لله على سلامتك يانور ايه الغيبة الطويلة دى
نور كانت واقفه مبتسمه بدون كلمه
سميرة بتهيألى اصحابك بينادوا عليكى يا عاليا
عاليا مفيش أهم من نور النهاردة ياطنط وبعدين لسه معرفتهاش بقيت عيلتى ومسكن ايد نور الصغيرة. ايه رأيك يانور ف البنوته القمر دى تعرفى دى بنتى انا ومراد. عيلتى الصغيرة ربنا يخليهم ليا
نور بإبتسامه. يارب ياعاليا. إزيك ياقمر ياصغنن
نور الصغيرة. انت نور صح انا عارفاكى انا بقا ابقى نور الصغيرة
نور بجد اسمك نور. على إسمى يعنى
عاليا طبعا يانور انتى غاليه علينا وحبينا نفتكرك ونسمى بنتنا على إسمك
نور وفهمت أن عاليا كل هدفها أنها تبين ملكيتها لمراد نور. شكراً ياعاليا بس انا مش سهل اتنسى عيلتى فكرانى وإسم نور مش هو ال هيذكر حد بيا وقربت من سميرة واحتضنتها. وشاورت على قلبها انا هنا جوا قلب أمى وف روح أبى وف تفكير اخواتى وأي شخص عايش ف القصر مع كل خطوة بيخطوها هيحسوا بوجودى ودا لسبب بسيط جدا لأن روحى كانت عايشه بين جدران القصر الذهبى
عاليا كانت واقفه بيخرج من وجهها نار على شويه كانت هتنخنق نور. وال أنقذ الموقف أحمد. طبعا ياقلبي مينفعش أصلا نور سليمان تتنسى تعالى بقى نشوف الولد ال اسمه زين فين
مروة زين يبقى أننا يانور
أحمد. واخد شقاوتك وعندك هو وست نور الصغيرة.
نور مشيت معاهم ووبصت على نور الصغيرة وابتسمت
ف اليخت.
عبد الرحمن بإنزعاج من مراد. ال عملته مش صح خالص يامراد ليه جيت هنا وسيبت نور والحفلة ممكن تفهمني
مراد بضيق مكنش ينفع. افضل هناك
عبد الرحمن ليه
مراد. اقولها ايه انا مش مستعد اقف قدامها ولا اكلمها انت مش فاهمنى
عبد الرحمن انت هتجننى انا مبقتش فعلا قادر افهمك
مراد. كنت بتمنى يوم ما يشوفها كنت مرعوب أن مقدرش اوصلها كل يوم كان بيعدى كنت بخاف اكتر. يطول غيابها افكار كتير كانت بتطاردنى بس مكنتش بقدر حتى اتكلم عنها مع نفسى مجرد التفكير أن ممكن ماشوفهاش أو تكون جرالها حاجة كانت بيقتلنى مكنتش قادر افكر ولا احدد ايه ال ممكن يحصل لو طال الغياب بس لما شوفتها مش عارف اوصفلك انا حصلى ايه روحى رجعتلى قلبى كان بيرقص وللحظات فكرت اروح أحضانها واخبيها جوه روحى عشان متبعدش تانى. وقبل ما اقوم اعمل كدا شوفت نور بنتى واقفه قريبه منها. وأكمل بعيون دامعة عبد الرحمن انا مش عارف اقولها ايه مش محضر اي كلام. طيب اقولها ايه على نور بنتى. وازاي بقى عندى عيله ونسيتها
عبد الرحمن بس اصلا يوم ما بعدت كانت عارفة انك اتجوزت عاليا
مراد. محدش قادر يفهم. انت عارف نور حالتها ممكن تكون عامله ازاى دلوقتي اه هي عارفة أن اتجوزت بس مشفتش مراد حبيبها وهو مع عيلته انت عارف هتحس بإيه لما تشوفنى واقف مع بنتى
عبد الرحمن. بس كلنا عارفين علاقتك بعاليا عاملة ازاى وأكيد نور لما تعرف هتتأكد انك محبتش غيرها
مراد. بس انا ظلمتها كتير مكنتش قد ثقتها اتهورت واتجوزت عند فيها مشفتش دموعها ال كانت حابساها جواها صدقت كلامها وهى بتقول عايزة فهد ومصدقتش دموعها للدرجاتى كان حبى ليها سطحى مش عميق لو كنت بس بحبها بالطريقه ال تستحقها مكنش دا حصل كنت هفهم أنها بتكذب لسبب ما.
عبد الرحمن. كل دا بتفكر فيه يامراد. ... بس انت لازم تسيب كل الأفكار دى وتروح لنور وتكلمها وتطلب منها تسامحك وكمان تفهمها علاقتك بعاليا ازاي وأنكم هتطلقوا قريب
مراد. انا خايف أخسرها تانى خايف تعاقبنى ومترجعش ليا
عبد الرحمن انت عند شك في حبها
مراد. مستحيل اشك في حبها تانى بس مش هيكون سهل عليها ترجعلى انا مستعد استناها باقى عمرى بس متبعدش تانى
بعد انتهاء الحفله
نور طيب ممكن اطلع ارتاح وبكرة اقعد ونتكلم وهجاوب على كل أسئلتكم
سميرة اكيد ياحبيبتي ارتاحى بس ف قوضة الضيوف
نور ليه ياماما وقوضتى
سميرة أصلها متربة وكدا الصبح حد من الخدم ينطفها واطلع شنطك فيها
نور ماشى ياماما تصبحوا على خير
نور الصغيرة. تصبحى على خير يانورى
نور بإستغراب بصت للطفلة محدش كان بيقولها كدا غير مراد. بس ابتسمت لها وإنت بخير يا قمر
فايد مخلتهاش تطلع قوضتها ليه
سميرة انت ناسى الباب المفتوح ف قوطتها على قوضه مراد وكمان مراد محتفظ بحاجاتها زي ما هيا دا غير انا معرفش طول السنين دى الأوضة بقت ازاي الصبح هكلمها عشان تقعد ف اوضه تانيه
أحمد ما اظنش نور تتخلى عن اوضتها بالسهولة دى.
سميرة والله انا خايفة من الأيام ال جايه ربنا يستر
فايد اي حاجة مش مهم المهم ان بنتنا رجعت واطمنا عليها. وانها بخير
سميرة وانت فاكر أنها بخير فعلا
فايد. اكيد احنا كلنا معاها وجنبها وال هتطلبه انا هعملوا حتى لو كان ايه كفايه عليها عذاب لحد كدا
عاليا بزهق انا طالعة اوضتى
أحمد. طيب انا كمان تعبان ومحتاج انام عشان شغلة الصبح تصبحوا على خير
عاليا ف غرفتها
الوووو فهد. نور رجعت
فهد. بسعادة انتى بتكلمى بجد امتى
عاليا. ومالك فرحان اووى كدا
فهد. لازم افرح. لان وجودها هيكمل ال بفكر فيه
عاليا ياريت بس يكون الهدف الأساسى انك تنتقم منهم
فهد. بخبث تفتكر فيه أنتقام اكبر من انهم يكونوا مع قصاد بعض ومش قادرين يتجمعوا
عاليا وبعدين هنعمل ايه
فهد. انا هقولك اعملى ايه اهم حاجة التنفيذ الصح .....
عاليا تمام. ودا ال هيحصل يبقى يورينى مراد سليمان هيتخلص من وجودى ف حياته ازاي
عند نور. كانت بتبكى. للدرجاتى يا مراد دا انا كنت متلهفة أن أشوفك حتى رؤيتى ليك يوم رجوعى حرمانى منها وانا ال كان نفسى أشوف عيونك وأشلع منهم
انا كنت عارفة أن هرجع والاقيك مع عيلتك وحياتك مكتمله وكنت مستعدة أن اتحمل كل دا واواجه القدر
بس مكنتش عارفة أن بيوجع اووى كدا وان صعب اشوف حته منك وتشبهك قدام عينى وكمان سميتها بإسمى وبتوجعنى أكتر كان نفسى نور دى تكون بنتنا كان نفسى حبنا يكون مخلد وقدرنا واحد بس مش كل ال بنتمناه بيتحقق. بس لو فيه عندى امنيه واحدة يارب أمنحنى القوة ال أقدر بيها أعيش وانا شيفاك قدامى ومع غيرى
ف آخر الليل وصل مراد القصر. وطلع لفوق
ليلتقى بمروة خارجة من غرفة نور بنته
مراد. نور عاملة ايه
مروة. نامت ياحبيبى استنيتك كتير وف الآخر غلبها النوم غيرتلها هدومها ونيمتها
مراد. انا قصدى على نور يا مروة
مروة فهمت اه هي كويسه بس ليه مشيت من غير ماتقابلها
مراد. مقدرتش يامروة
مروة عارفة يا حبيبي وحاسه بيك وان شاء الله ال جاي احسن انت بس سلمها لله
مراد ونعم بالله
مروة. على فكرة ماما سميرة خلت نور تنام ف قوضه الضيوف اولا مفيش مفتاح معانا لقوضتها وكمان احنا منعرفش انت عامل ايه ف القوضه بقالك خمس سنين
مراد بإبتسامه. هعمل ايه يعنى عموما هحاول أشيل الصور ال كانت رسماها وأغير شويه فيها عشان متحسش أن كنت محتكر قوضتها
مروة بس ما أظنش ماما سميرة هتخليها تقعد ف القوطة بسبب الباب يعنى وكدا
مراد. لأ طبعا انا مصدقا انها جت وهتبقى قريبه منى بالنسبه للباب ممكن الصبح تحطى ستارة عليه وهديكى مفاتيح الباب تقفليه من قوضتها
مروة. تمام الصبح اكلم ماما ونشوف هنعمل ايه.
مراد. شكرا ياحبيبتي على كل ال بتعمليه معايا ومع بنتى مش عارف لولا وجودك ف حياة بنتى واهتمامك بيها كنت هعمل ايه
مروة. مراد انت عارف يعنى ايه نعيش ٢٠ سنه مع بعض انا فاكرة لما قالتلى لما ماما قالتلى أن اتولدت وكنت انت اول حد يشيلنى وانت عندك ٨ سنين وقتها. قالتلى انك كنت بتهتم جدا بيا وكنت بتخاف عليا اووى ٢٠ سنه. قضيت منهم ١٥ سنه بنام ف حضنك مكنتش بعرف انام غير وانت جمبى وبتحكيلى قصص سنين وانت بتحمينى وبتخاف عليا إياك تفتكر عشان ف يوم وليله قالوا انك مش اخويا دا هغير حاجة لأ لو الكون كله قال إن أدهم ال شالنى واحتضنى مبقاش ليه حقوق الأخ عليكى دا هيمنعنى من أن اكون اختك مستحيل
انا بحتمى فيك يامراد انت سندى ف الدنيا
أحمد كان خارج من الغرفة لإنه قلق على مروة وتأخيرها وكان سامع كل كلامهم
مراد. بس جوزك يامروة يمكن هو عارف كل دا بس هو اكيد شايفنى شخص غريب عنك دلوقتي. مع أن عمرى ما شوفتك غير انك بنتى ال ربتها واحتوتها لسنين مش بس اختى الصغيرة
أحمد من ورائه. عمرى ما فكرت كدا على فكرة
مراد. أحمد ..
أحمد. تفتكر انا ممكن افكر بالطريقه دى. انا عارف مروة بالنسبالك ايه وانت كمان تبقالها ايه. هي لسه قايلاك أنها عاشت جوه حضنك ١٥ سنه. انا بقا مبقليش ٥سنين يعنى انت ال تكسب يامعلم .. انا عندى اخوات وعارف يعنى ايه حب الأخ لأخته الصغيرة ال كبرت قصاد عنيه عارف ومتأكد أن يوم ما هاجى على مروة هتكون انت اول واحد يقف قصداى.
مراد بسعادة احتضن أحمد بشدة
أحمد. بهزار هكون انا ومراتى
مراد. اه وان كان عجبك يالا تصبحوا على خير
أحمد. مراد. التفت مراد إليه ليكمل احمد. حاول تعوض نور كفايه وجع لحد كدا حاول تصبر عليها لانها مش هترجعلك بسهوله بالرغم أن متأكد أن روحها فيك
مراد هيحصل وصدقنى مش هزعلها تانى ولا هخليها تبكى بسببى تانى وزي ما انت احتويت اختى هكون انا سند لأختك واحتويها واحميها من الكون كله
مراد ف غرفته.
بكرة الصبح هيتغير كل حاجة ونور هتعرف الحقيقة أن مخنتهاش انا يمكن اتهورت واستعجلت بس والله مخنتها ولا كنت ف يوم لغيرها بكرة هتكون نهايه زواجى بعاليا وبدايه جديدة لحياتى مع حب عمرى وقدرى نور
ف الصباح الباكر. وقبل استيقاظ الجميع. كانت عاليا تطرق بهدوء باب غرفة نور فتحت نور والنوم مسيطر عليها نور عاليا خير ف حاجة ايه ال جابك الصبح بدرى كدا
عاليا ممكن ادخل الأول
نور. بإنزعاج اتفضلى
عاليا بدموع مزيفه. ارجوك يانور سيبيلى جوزى متهدميش حياتنا لو مش عشانى عشان خاطر بنتى ال ممكن تتحرم منى ارجوكى مراد عايز يطلقنى عشانك متخربيش بيتى انا عارفة انك بنتى اصول وميرضكيش تهدمى بيتى
لقراة الجزء الاول كامل اضغط هنا
ولقراة الجزء الثاني كامل اضغط هنا