رواية عشق الاسد
____ بقلم /أمل نبيل ____
____ الفصل الخامس ____
فى اليوم التالى
كان يتابع عمله ليأتى إليه احد عساكر الشرطة
يخبره بأن اللواء يريده
عمر:ماشى يا إسماعيل جاى
ثم نهض من مكانه وخرج من مكتبه وذهب إلى مكتب اللواء طاهر
ثم دق على الباب ليصله صوت اللواء طاهر يأمره بالدخول
دخل الى المكتب ليلقى التحية على اللواء ويقول:خير يا فندم حضرتك طلبتنى
ليشير له طاهر بالجلوس ،جلس عمر ليقول اللواء:إنت عارف يا عمر إنك من أكفأ الظباط إللى عندنا هنا وعارف معزتك عندى قد إيه
عمر:اكيد عارف يا فندم بس إيه لازمة الكلام ده دلوقتى
اللواء طاهر:إحنا من فترة وصلت لنا معلومات إن فى شحنات مخدرات وأدوية منتهية الصلاحية بتدخل البلد بمساعدة حد من عيلة الحديدى
عمر بصدمة:عيلة الحديدى يا فندم
اللواء:ايوة يا عمر مالك إتصدمت كده ليه
عمر:أصل أنا اعرف العيلة دى يا فندم ومستحيل حد يعمل كده
اللواء طاهر:إحنا المعلومات اللى عندنا بتقول كده، وإحنا قررنا إننا نسلمك إنت القضية دى
عمر:تمام يا فندم فين ملف القضية
اللواء طاهر :اتفضل اهو
أعطا اللواء طاهر الملف الخاص بالقضية لعمر ثم خرج من مكتب اللواء قاصدا مكتبه وهو يفكر بأن من سيكون متورط من عائلة الحديدى بهذا الموضوع
________
يجلس رجل ( تجاوز سنه الخمسون عاما طويل القامة ذو ملامح قاسية حليق اللحية ذو شارب عريض ، اصلع ، بدين بعض الشىء) علي طاولة الطعام الكبيرة في يده الجريدة وفي يده الاخري فنجان من القهوة
نزلت ماريهان من غرفتها وذهبت اليه
ماريهان وهي تقبل وجنته : صباح الخير يا بابي
سعيد متعجبا : صباح النور يا ماهي ، صاحية بدري يعني مش بعادتك
ماريهان بتوتر: اصلي كنت عايزة الحق حضرتك قبل ما تروح الشركة
سعيد : ليه يعني
ماريهان : اصلي بصراحة يا بابي عايزة حضرتك في موضوع مهم
سعيد بضيق : اخلصي يا ماريهان عشان مستعجل
ماريهان: اصلي بصراحة يا بابي متقدملي عريس ، وعايز يقابل حضرتك في اسرع وقت
سعيد : إللى هوا ازاى يعنى إنتى مخطوبة عارفة يعنى ايه مخطوبة، ده إنتى مخطوبة لمحمد مجدى صاحب أكبر مستشفى فى العالم ودكتور معروف عالميا .
ماريهان بضيق:يعنى ايه يا بابا
سعيد:يعنى مافيش حاجه من إللى إنتى بتقولى عليها دى هتحصل إنتى عايزة تسيبى واحد زى محمد معاه فلوس قد كده ليه،اكيد علشان عيل سيس من إللى بيتسرمحوا في الكباريهات إللى مش عارفين يصرفوا على نفسهم
ماريهان:لاء يا بابا ده غنى جدا
سعيد بطمع:غنى قد ايه يعنى، واسمه ايه
ماريهان بلهفة: عمار ، عمار أحمد ، عند شركات سياحة في لندن ، هو اصلا عايش في لندن وبيجي هنا في اجازات سريعة وهيرجع لندن الأسبوع الجاي عشان كدة عايز يقابل حضرتك في اسرع وقت
سعيد بطمع : ماشي خليه يجي النهاردة الساعة٩ ماريهان بفرحة: بجد ميرسي يا بابي
ثم تركته وخرجت مسرعة لتكلم عمار
فأخرج سعيد هاتفه واتصل بذراعه الايمن
سعيد : ايوة يا سيد عايزك تجبلي كل المعلومات عن عمار أحمد ، كل حاجة عنه من يوم ما اتولد
سيد ( ذراع سعيد اليمين ): اوامرك يا باشا
تململ سليم في نومته متأففا بسبب صوت رنين هاتفه ، امسكه ونظر إلى اسم المتصل ليجدها ماريهان، ارتسمت ابتسامة خبيثة علي شفتيه
فتح الخط
سليم بصوت حنون: صباح الورد يا حبيبتى
ماريهان: صباح الخير يا حبيبي
سليم:كلمتي باباكى
ماريهان: اااه وبيقولك تيجي النهاردة الساعة 9
سليم بسعادة زائفة : بجد يا حبيبتي ، انا سعيد جدا بالخبر دا تسعة بالدقيقة هبقي عنده
ماريهان : ماشي يا حبيبي ، هقفل انا بقي عشان الحق اجهز نفسي
سليم: ماريهان
ماريهان : نعم يا حبيبي
سليم: بحبك
ماريهان : وانا كمان
اغلق سليم الخط وهو يبتسم بسعادة ، لا لا هو لم يقع في حبها ، بل هو سعيد انه اقترب من تحقيق انتقامه
امسك هاتفه واتصل بمنير
سليم : كل حاجة تمام
منير: تمام يا باشا ، سيد بيقولك ما تقلقش خالص هو مظبط كل حاجة
اغلق سليم الخط وضحك بسخرية
قام من علي الفراش واغتسل وبدل ملابسه
خرج من الفيلا ثم ركب سيارته وإتجه إلى شركته
______
بينما إستيقظت تسنيم لتفتح عيناها وتتجه إلى الحمام لتتوضئ ثم ادت فرضها وغيرت ملابسها ونزلت إلى الأسفل لتجد والدتها تجلس تتناول الفطور لتقول:ماما انا ماشية
رغد:ماشى يا حبيبتى ،بس مش هتفطرى الأول
تسنيم:لاء باى
خرجت تسنيم من الفيلا لتتناول رغد هاتفها وتتصل على احد ما انتظرت حتى سمعت صوت الطرف الآخر يقول:إيه الجديد
رغد:الشحنه هتوصل المينا بعد اسبوع عيزاك تجهز كل حاجة
المجهول:إعتبرى كل حاجة خلصت خلاص
رغد:تمام ولو فى جديد هبلغك
المجهول:اوك هستنا تليفونك
لتغلق الهاتف وتبتسم إبتسامة شيطانية
_____________
صدح صوت المنبه ليستيقظ جميع من فى المنزل إلا من قامت بضبته ليلا فقد كانت عشق مستغرقة فى النوم على غير عادتها ،لتفتح صديقتها الغرفة عليها وتقول:انتى يا منيلة على عينك قومى ياختى معقولة ده كله ما حستيش بصوت الزفت ده قومى
عشق بتكاسل:فى اى يا ماريا
ماريا:قومى ياختى الساعة بقت ٨
عشق:ماشى خمس دقايق وهقوم
ماريا:قومى يا بت يلا انجزى
نهضت عشق بتكاسل وقالت:حاضر حاضر هقوم اهو
ثم زفرت بإحباط ودلفت إلى الحمام
خرجت ماريا من غرفة عشق لتجد سيلين تعد لهم الإفطار لتذهب وتساعدها
بعد نصف ساعة خرجت عشق من الغرفة لتجد ماريا وسيلين قاموا بتغيير ملابسهم وينتظروها لتناول طعام الإفطار
ماريا بسخرية:ما لسه بدرى يا ست عشق
عشق:معلش والله يا جماعة بس أنا مش عارفة مالى النهاردة مش قادرة اتحرك او اعمل اى حاجة
نظرت سيلين لها لتجد ملامح التعب ظاهرة على وجهها لتقول:طيب تعالى يا حبيبتى إفطرى وهتبقى تمام بعد كده
اومأت عشق لها لتجلس على الطاولة لتناول الطعام
________
استيقظ اسد من نومه ليدلف إلى الحمام يأخذ شاور ويخرج من الحمام ليتجه إلى غرفة الملابس ويرتدى بذلة رمادية وقميص أبيض أبرز عضلات بطنه وارتدى ساعته الذهبية ووضع من عطره المميز ثم نزل إلى الأسفل ليجد اخته بإنتظاره ليذهبا ويركبا السيارة ثم يذهب فى طريقه إلى منزل عشق لتقول ملاك:إحنا مش هنروح عند بيت عشق النهاردة
أسد بإستغراب:ليه
ملاك:أصل هيا نقلت من بيتها
اسد:نقلت ليه
ملاك:أصل الراجل صاحب البيت كان عايز يزود الإيجار وكده فهما سابوا البيت
اسد:طيب راحت فين
ملاك:عند واحده صحبتنا
شعر أسد بالغيرة فمن الممكن أن يكون لصديقتهم هذه أخ فكيف تذهب وتعيش معه بنفس المنزل
أسد بغيرة ظاهرة:وصحبتكم دى ليها إخوات ولاد
ملاك وقد لاحظت غيرة أخيها:اه ليها اخ
اسد بعصبية:وإيه إللى يخليها تروح عندها وتعيش مع شاب فى نفس البيت
ملاك بتلاعب:وانت إيه اللى معصبك كده
أسد :علشان ازاى يعنى وافقت أنها تعيش مع واحد غريب في نفس البيت
ملاك:لاء مش علشان كده
اسد:امال علشان ايه
ملاك:انت حبيتها يا أسد
اسد بحب:أنا عشقتها يا ملاك مش حبتها بس يمكن مشوفتهاش كتير بس أنا حبتها من أول مرة شوفتها فيها ،من ساعة ما شفتها وأنا مبفكرش غير فيها
ملاك:وأخيرا عشت وشوفت أسد واقع في الحب،بس على فكره هيا مش عايشة مع شباب لان صحبتنا دى مالهاش غير أخ واخوها ده مسافر من زمان وأهلها ميتين
أسد:انتى متأكده
ملاك:أيوة طالما إنت بتحبها يا أسد ليه ماقلتلهاش
أسد:هقولها يا ملاك بس مش دلوقتي
ملاك:ماشى يا أسد
اسد:طيب إتصلى عليها وإعرفى عنوان صحبتك دى علشان نروح ليهم
ملاك:اوك
___________
نزل من غرفته ليجد والدته تجلس مع والده ويتحدثون في عدة مواضيع
محمد:صباح الخير يا بابا، صباح الخير يا ماما
الإثنان:صباح النور
محمد:أنا هروح المستشفى وهبقا اخرج أنا وماريهان شوية
والدته:إنت لسه متمسك بالبنت دى يا محمد،انت عارف يا إبنى إنها متصلحش تكون زوجة
محمد:يوووه يا ماما إحنا كل يوم فى الموال ده
والدته:أيوة يا محمد إنت عارف انى مش عايزة البنت دى تكون مراتك
والده:مامتك معاها حق يا محمد
محمد:أيوة يعنى عايزين ايه يعنى
والدته:عيزاك تسيب البنت دى يا محمد يا حبيبى واختار واحده تنفع تكون زوجة ليك وام لولادك، يعنى عندك مثلا ملاك المنشاوى، أدب إيه واخلاق ايه وهتنفع تكون مراتك مش إللى اسمها ماريهان
دق قلبه بعنف حينما سمع إسمها وقال:ماشى يا ماما هفكر في الموضوع ده
والدته:لاء دلوقتى
محمد:ماشى يا ماما أنا هكلم ماريهان وهقولها كل شئ اسم ونصيب
والدته بسعاده:إنت متعرفش يا حبيبى انت فرحتنى بكلامك ده قد ايه
محمد:طيب همشى أنا علشان متأخرش
والدته/والده:مع السلامه يا حبيبى
محمد:مع السلامه
___________
جلست عشق تتناول الطعام وهى تشعر بتعب بسيط ليعلن هاتفها عن استقبال اتصال لتلتقطه وتجد أن المتصل ملاك لتجيب
عشق:الو
ملاك:الو يا مال صوتك
عشق بصوت ضعيف :مافيش حاجة يا ملاك أنا تمام
ملاك:انتى تعبانه ولا إيه
انتبه أسد لملاك حينما قالت هذه الكلمات
عشق:لاء مش تعبانه يا حبيبتى
ملاك بعدم اقتناع:طيب يا حبيبتى كنت عيزاكى تقوليلى عنوان بيت سيلين علشان نعدى عليكى
عشق:لحظة هسأل سيلين ،سيلين هوا العنوان إيه بالظبط
سيلين:***************
عشق:**************ده العنوان يا ملاك
ملاك:اوك دقايق وهنكون عندك
اغلقت الهاتف ليسألها أسد سريعا:مالها عشق يا ملاك
ملاك:مش عارفة والله يا أسد بس صوتها كأنه تعبان اوى
قلق أسد عليها ليزيد من سرعته ليذهب ويطمئن عليها
__________
كان يذهب فى طريقه إلى الشركة لتظهر فجأة امامه فتاة لتصتدم بسيارته خرج من سيارته ليرى أن الماره قد تجمعوا حول هذه الفتاة مد يده إليها ليساعدها على النهوض لترفع وجهها وتنظر إليه ليشرد بها فهذه الفتاة جميلة جدا فاق من شروده على تأوهاتها وعدم قدرتها على الوقوف ليحملها رغم إعتراضها ويضعها في سيارته ويذهب بها إلى المشفى وصل إلى المشفى ليحملها بين ذراعيه ويأخذها إلى إحدى الغرف ويأمر الطبيب بفحص قدمها ليقول الطبيب:مافيش حاجة هيا بس رجلها وجعاها من تأثير الخبطة مش أكتر ثم ذهب
دخل سليم إلى الغرفة ليجدها تحاول الوقوف ليقول:خليكى مكانك متتحركيش علشان رجليكى متوجعكيش
تسنيم برقة:شكرا لحضرتك
لا يعلم لما اضطرب قلبه حينما سمع صوتها ليقول:العفو
ثم مد يده وقال:سليم الحسينى
تسنيم:تسنيم الحديدى
سليم:اسمك جميل جدا يا انسه تسنيم
تسنيم:ميرسى، ثم حاولت النهوض ليمنعها سليم قائلا:متتحركيش
تسنيم:معلش بس أنا اتأخرت على الجامعة بتاعتى
سليم:اوك انا هوصلك
تسنيم:مافيش داعى
سليم:لاء مينفعش
تسنيم:تمام
_____________
وصل أسد إلى العنوان التى أخبرته به ملاك لتصعد ملاك إلى المنزل لتفتح لها سيلين،لتقول ملاك :معلش جيت هنا غلط اسفة
سيلين:ادخلى يا ملاك
ملاك:إنتى تعرفينى منين وبعدين صوتك مش غريب
سيلين:ادخلى بس
دخلت ملاك لتجد عشق وماريا يجلسون لتقول ملاك:ايه ده بتعملوا ايه هنا وفين سيلين
اشارت عشق على سيلين لتقول ملاك:انتم اكيد بتهزروا فين سيلين يا جماعة
سيلين:اهدى وأنا هفهمك
شرحت لها سيلين كل شئ
لتقول ملاك:اه أنا كده فهمت
ماريا:طيب يلا
سيلين :لحظة بس البس البروكة واظبط نفسى
انتهت سيلين لتنزل الفتيات لتركب ملاك وسيلين وماريا فى الخلف بينما ركبت عشق بجوار أسد لينظر لها بعشق بينما نظرت له عشق بخجل شديد فهى منذ اليوم وهى تشعر بالخجل الشديد منه
*يوم ما كان فى أربع شباب بيدايقوها فى المطعم*
انطلق اسد بالسيارة ليصل إلى الجامعة بعد نصف ساعة لتنزل الفتيات ويتجه اسد إلى شركته بينما دلفت الفتيات الى الجامعة لتصتدم سيلين بجاسر لتقول:اسفة
جاسر:عادى ولا يهمك ثم ينظر إلى باقى الفتيات ويلقى التحية عليهم ثم عرفته ملاك على سيلين ويذهبوا بعدها إلى المحاضرة
_________
ماريهان إحنا مش هينفع نكمل مع بعض
قال محمد هذه الجملة وهو يجلس برفقة ماريهان فى أحد النوادى لتقول هى بسعادة تحاول ان تداريها:اوك يا محمد مافيش مانع
محمد بصدمة:إنتى بتتكلمى بجد
ماريهان ببرود:أيوة
محمد وهو ينهض:وأنا إللى كنت فاكرك بتحبينى زى ما بتقولى وكنت خايف على مشاعرك تصدقى ياريت كنت قلت الكلام ده فى التليفون ووفرت الوقت إللى ضاع ده سلام
ثم تركها وذهب
_____________
فى المساء
نزل سليم من سيارته ودق باب البيت وانتظر بضع دقائق الي ان فتحت له الخادمة وادخلته
واصحبته الي غرفة الصالون
دخل الغرفة وجلس علي الأريكة
دقائق مرت قبل ان يدخل سعيد
قام سليم احتراما له وصافحه بأدب ولكن في داخله ود لو ينزع قلبه من مكانه
سعيد : اتفضل استريح يا استاذ .....
سليم مبتسما: عمار،عمار أحمد، شكرا يا عمي
جلس سليم يمثل انه متوتر ولا يستطيع تجميع الكلام
سعيد: احم ، خير يا استاذ عمار
سليم متوترا؛ بصراحة يا عمي اصل انا يعني
سعيد: مالك يا ابني متوتر كدة ليه
سليم مبتسما: هااا لا ابدا انا بس يعني اول مرة اتحط في الموقف دا ، بصراحة يا عمي ومن غير مقدمات كتير انا طالب ايد الانسة ماريهان بنت حضرتك
سعيد: بص يا ابني ماريهان دي بنتي الوحيدة
وانا لازم ابقي مطمن عليها مع الإنسان الي هتتجوزه
سليم: انا مستعد لكل طلبات حضرتك
سعيد : انا عارف انك عندك شركات سياحة كتير في لندن
سليم: أيوة يا افندم ، انا اصلا عايش هناك وما بنزلش هنا غير اجازات سريعة وبرجع تاني
سعيد: وايه الي بيخيلك تنزل مصر ، بتزور اهلك
سليم : لا يا افندم انا اهلي متوفيين من زمان ، انا بنزل هنا عشان بحاول اتفق علي مشروع جديد
سعيد : وهو
سليم: منتجع سياحي ضحم ، انا لقيت المكان المناسب ليه ، بس لسه بدبر اموري اصله هيحتاج مبلغ كبير جدا جدا كمان
سعيد: في حدود كام يعني
سليم: مش اقل من 100 مليون جنية
سعيد : وانت معالك منهم كام
سليم : للاسف مش معايا حاليا غير النص بس
سعيد : طب وهتعمل ايه
سليم: هدور علي شريك ، انا ليا اصدقاء كتير بيشتغلوا في السياحة
سعيد: طب ايه رايك لو شاركتك انا
سليم مندهشا : حضرتك ، ااااا يعني حضرتك بنفسك
سعيد : آه انا بنفسي ، مش المشروع دا نجاحه مضمون
سليم سريعا: مليون في المية يا افندم
سعيد : خلاص هنبقي شركا ونسايب ، جهز اوراقك وانا هكلم المحامي بتاعي يجهزلنا ورق الشراكة قولت ايه
سليم : دا شئ يشرفني طبعا يا افندم
سعيد: يبقي نقرا الفاتحة
سليم : والخطوبة
سعيد : ما احنا هنقرا الفاتحة اهو
ابتسم سليم ورفع كفيه وقرأ الفاتحة مع سعيد
سليم: آمين ، حضرتك انا لازم ارجع لندن في اسرع وقت ، المحامي بتاعي هيتابع مع حضرتك عشان الشغل هناك واقف
سعيد: مافيش مشكله
سليم: بالنسبة بقي للجواز انا طبعا هاخد ماريهان معايا ، صدقني حضرتك المكان هناك هيعحبها جدا ، بس بعد اذن حضرتك طبعا نعمل الفرح قبل نهاية الأسبوع
سعيد: أيوة بس......
سليم مقاطعا : انا اسف طبعا لمقاطعه حضرتك ، لو علي الخطوبة انا مستعد اجبلها الشبكة الي هي عيزاها والمهر الي حضرتك تطلبه وهعملها الفرح في اكبر قاعة في مصر ، بس انا بنزل مصر كل ٤ سنين تلت اسابيع بس عدي منهم اكتر من اسبوعين ما اقدرش اقعد هنا اكتر من كدة عشان شغلي ، وما اقدرش استني ٤ سنين بحالهم علي ما انزل تاني واتجوز ماريهان كتير
سعيد: اهم حاجه ماريهان توافق
دخلت ماريهان التي كانت تسترق السمع منذ دخول عمار او بمعني اصح سليم
ماريهان بلهفة: انا موافقة يا بابي
سعيد ضاحكا: علي بركة الله، الفرح هيبقى بعد أسبوعين علشان نجهز نفسنا
سليم:بس مش هينفع
سعيد:علشان كمان نظبط الشغل بتاعنا
ابتسم سليم بسعادة
سليم مبتسما: انا متشكر جدا يا عمي وصدقني ماريهان هتشوف معايا ايام عمرها ما شافت زيها ابدا
خرج سليم من منزل صبري وابتسامة انتصار سعيدة تزين شفتيه
استقل سيارته واتجه الي منزله
وصل إلى منزله ليجد منير مساعده يجلس بإنتظاره
سليم:ايه الجديد يا منير
منير:محمد مجدى يا بيه ساب ماريهان النهاردة لظروف غامضة
سليم بسخرية:مش مهم المهم إنى هنتقم من أبوها الأول وبعد كده هنتقم من محمد وأسد وعمر صحابى قصدى إللى كانو عاملين صحابى
_________
فى اليوم التالى
دلف أسد إلى شركته بعد أن اوصل اخته وصديقاتها إلى الجامعة
عند دخوله وقف جميع الموظفين احتراما له وكانت الفتيات تتهامسن على رجولته ووسامته الطاغية ومدى جاذبيته لهم.........اما هوا .....فلا يهتم لهم فقد يمشى بثقة و غرور وأيضا برود فهذا
هو أسد المنشاوى
ركب الأسانسير وصعد إلي الطابق الخاص به وامر سكرتيرته بإحضار بعض الملفات لمراجعتهم لتومئ له وبعد دقائق دلفت إلى المكتب بعد ما اذن لها وقالت:الملفات اهى يا فندم
اسد:ماشى يا رقية ،ايه مواعيد النهاردة
رقية بعمليه:حضرتك وراك اجتماع مع الوفد الإيطالي بعد ساعتين وعشا عمل مع مندوبين الشركة الفرينسية يا فندم الساعة ٨
أسد:ماشى يا رقية تقدرى تتفضلى انتى
*عدى باقى اليوم عادى مافيش اى جديد*
_____________
بعد أسبوع
*أسد لسه معترفش بحبه لعشق*
*عشق وقعت فى حب اسد بس خايفة تتكلم *
*عمر لسه بيحاول يوصل لاى حاجة بخصوص القضية إللى مسكها وعايز يعرف مين إللى متورط في الصفقات دى من عيلة الحديدى *
*ملاك لسه بتدعى ربنا إن محمد يكون من نصيبها والأمل عندها إتجدد بعد ما عرفت انه ساب خطيبته *
*سليم بقا يقابل تسنيم كتير و حبها وتسنيم اعجبت بيه *
*ماريا لسه حياتها زى ما هيا مافيش اى جديد *
*سيلين خايفة إن حد من أهلها يلاقيها *
*محمد خايف إنه يعترف بحبه لملاك تكون هيا نسيته*
*ماريهان كل شوية بتتصل بعمار او بالأصح سليم بس هوا متجاهل مكالمتها ولو رد بيقول إنه
عنده مشاكل في الشغل وهيكلمها بعدين *