رواية عشقت منقذي
الفصل الثاني والثلاثون
والثالث والثلاثون
بقلم ياسمين سامي
ركبت سيارتها ونظرت لشمس بسخريه ولبست نظارتها وأعطت أمرا
لسائقها بالذهاب للمشفي لتري أدهم وتطمئن علي أحواله بينما هيا كانت مازالت تستعد للذهاب فهيا
ليس لديها سائق خاص بها كالجميع خرجت من باب الفيلا لتقف امامها سياره تقطع طريقها
لتخرج شمس من سيارتها بغضب
شمس :مش تفتح يا اعمي انتا
كانت الصدمه حليفتها عندما رأته يخرج من سيارته ويقف امامها
ابتسم آسر واقترب منها شمس
شمس بتوتر:انتا انتا بتعمل ايه هنا
آسر :وحشتيني وحشتيني اووووي
شمس صمتت للحظه لاول مره تري الصدق في عينيه
أنا قلتلك مش عاوزه أشوف وشك تاني ولا انتا مبتفهمش
آسر بندم: شمس انا آسف انا عارف ان اسفي مش هيفيد بحاجه
ومش هيرجعلك السنتين اللي ضاعوا من عمرك بسببي
بس صدقيني انا ندمان علي كل لحظه عدت عليا وانتي بعيد عني ندمان علي كل يوم كان بيعدي وانا مشفتش عنيكي فيه وماسمعتش صوتك
ندمان اني بسبب غبائي ضيعت اغلي وأرق إنسانه في حياتي من بين إيديا
شمس وهيا مربعه يدها وواقفه تستمع وتصطنع القوه وانها لاتبالي لكنها من داخلها تنهار تود البكاء والصراخ بشده لكن لا تستطيع ان تضعف امامه مره اخري
شمس:خلصت
آسر :لا مخلصتش لسه عندي كلام كتييير اوي عاوز اقولهولك وتسمعيه
شمس :وانا مش عاوزه اسمع حاجه لو لسه عندك كلام خليه لنفسك او أبقى روح اقوله لواحده من إياهم ما أنتا خبره ومابتضيعش وقت
آسر :شمس صدقيني انا عمري ماحبيت غيرك ولا واحده ملكت قلبي وعيني غيرك
شمس :تؤتؤتؤ ياحراااام عاوز تفهمني انك طول السنتين كنت قد ايه حزين ووحيد من غيري قد ايه عانيت من بعدي عاوز تفهمني انك مكنتش مقضيها وانا ولا ف دماغك اصلا وانك معرفتش واحده بعدي
آسر :اعرف واحده بعدك ازاي وانا مش شايف غيرك وقلبي مدقش غير ليكي هعرف واحده بعدك ازاي وانا ماشفتش أي واحده تملي عيني وتملي مكانك في قلبي
شمس بسخريه :ههههه المفروض بقي ان انا اصدق الكلام اللي بتقوله ده وانزل دمعتين واجري ف حضنك وأقولك مسامحاك ويلا نرجع اللي فات
انتا عارف انتا عملت فيا ايه مش جرحتني وبس لا انتا دبحتني
خلتني ميته وانا لسه فيا الروح بقيت بهتانه وروحي مطفيه ضيعت سنتين من شبابي حسره وتأنيب ضمير وزعل من نفسي أني عرفت واحد خاين زيك
كداااب وكنت بتمثل انك بتحبني
آسر بغضب من نفسه ومنها:أنا عمري ماحبيت غيرك وأنا عارف انك اتأذيتي بسببي واتعذبتي
بس متنسيش إني مش انا السبب لوحدي
الست فريده هانم هيا السبب في كل اللي حصل هيا اللي وقعت بينا عشان كانت شيفالك حد مستواه احسن مني ف نظرها كانت عاوزه تحسن علاقاتها ومنصبها ومفكرتش إلا ف نفسها
بس صدقيني مش هنسي اي حاجه عملتها فيا وهاخد حقي منها كويس
شمس بغضب: اوعي تجيب سيره فريده هانم تاني علي لسانك فااهم وبالنسبه لحقك اللي هتاخده منها واقتربت منه خطوتين بتحدي ورفعت اصبعها في وجهه
لو لمست شعره منها بس اعرف ان هيبقي اخر يوم في عمرك وانا اللي هقتلك بإيديا دول
آسر أمسك يدها: مش هتقدري عارفه ليه لاني عمري ماهنت عليكي وهمس بصوت منخفض
وواثق ومتأكد انك لسه بتحبيني
شمس وهيا تنظر في عينيه بأشتياق شديد صراع بداخلها بين مافعله بها وعشقه الذي مازال بداخلها لكن لو قلبها سيجعلها تعاني مره أخرى ستقسي عليه هو الاخر لكن لن تكرر غلطتها مره اخري
شمس :أنا بكرهك
آسر :من ورا قلبك
شمس:وعمري ماكرهت حد قدك
آسر:وانا عمري ماحبيت حد غيرك
شمس :بكرهك يا آسر
وانا بحبك ياشمس
جذبت يدها من يده بعنف واتجهت لسيارتها ونظرت له بغضب وذهبت لتكمل طريقها
آسر وهو مازال يقف ويسند علي سيارته وينظر إلي يده ويبتسم وحشتيني ياشمس وصدقيني هترجعي ليا تاني انا متأكد انك لسه بتحبيني بس قلبك قسي عليا أوي وأنا هخليه يرجعلي تاني زي الأول مش هسيبك ياشمس ومش هيأس عارفه ليه عشان بحبك وبموت فيكي عشان انتي النبض لقلبي ومش بعرف اتنفس غير وانتي معايا
وقفت هيا أمام المشفي وصعدت لغرفه أدهم
في غرفه أدهم
عشق والظابط ياسر يطمئن علي أحواله ويستفسر عن باقي المجرمين المتورطين في القضيه
ياسر :برضوا مصمم تقفل ع القضيه
أدهم :معلهش أنا مش عاوز سيره عشق تيجي ف أي حاجه انتا عارف المكان اللي هيا عايشه فيه بالنسبالهم دي فضيحه وجريمه بشعه وبتهيألي والدها مش هيستحمل حاجه زي دي
عشق :أنا متشكره جدا يا أدهم انك فكرت فيا بس مهما كان دول مجرمين ولازم يتعاقبوا انا وغيري كتير اتأذي وهيتأذي بسببهم لو متعاقبوش وكمان انتا كان ممكن بعد الشر يعني يحصلك حاجة لازم ييتعاقبوا علي اللي عملوه فيك
ادهم بعدما أمسك يدها يعني انتي خايفه عليا ومفكرتيش في نفسك وعاوزه تجيبي حقي وعوزاني أفكر في نفسي وأسيبك اسمعي كلامي وصدقيني انا هجيبلك حقك وحقي كمان بس بعيد عن الكلام والسمعه انا مش هستحمل أي حد يتكلم عليكي بربع كلمه
ياسر :احم احم خلصتوا وشوشه ولا لسه
ابتعدت عشق للوراء وهيا تشد يدها:احم خلاص يافندم اللي أدهم باشا يشوفه
ياسر:اه هيا بقت كده تمام مش مطمنلك يا أدهم علي فكره اوعي تفكر تعمل اي حاجه غلط انتا عارف مينفعش تتعدي ع القانون وتاخد حقك بأيدك
ادهم:اه طبعا مين قال كده وبعدين انا واثق فيك انك مش هتسيبهم يخرجوا كده من غير ماتعاقبهم
ياسر :ماتقلقش هروقلك عليه لحد مايعترف علي باقي صحابه وساعتها نشوف هنعمل ايه يمكن تكون غيرت قرارك من هنا لوقتها هستأذن انا بقي حمدالله علي سلامتك مره تانيه
أدهم:الله يسلمك يا أبو الصحاب شايلك لوقت عوزه
جذبها أدهم من يدها لتقترب منه ايه بقي حكاايه أدهم باشا اللي طلعالي فيها دي
عشق : الله مش لازم أحترمك علي الاقل قدام الظبوطه وبعدين ايه الاسلوب بتاعك ده في حد يقول لظابط محترم وامور زي ده يا ابو الصحاب ده يتقاله يا ابو الشياكه يا ابو الحلاوه والجمال أبو امك
قاطعها أدهم عندما جذبها اكثر من يدها لتقترب منه لدرجه كبيره
أدهم بغيظ : ظبوطه وأمور وشياكه انتي بتدلعيه طب وحياه أمك لهربيكي علي كلامك ده
عشق :أدهم ماتتهورش أنا كنت بهزر مش اكتر
أدهم :وتهزري ليه ف حاجه زي دي اوعي اسمعك تجيبي سيره حد تاني علي لسانك فاهمه
عشق:ليه بقي ان شاء الله كنت جوزي ولا خطيبي ولا تكونش مفكر انك هتصاحبني وهنقضيها سوا زي الست كاكا بتاعتك
ادهم :مين قال كده ماتشبهيش نفسك بالاشكال دي تاني انتي غير اي واحده انا عرفتها مع اني متأكد اني في سر انتي مخبياه عني لكن أنتي غيرهم
عشق بخبث:غيرهم إزاي يعني
أدهم:فيكي حاجه غريبه بتشدني ليكي كل يوم اكتر من اللي قبله
ونظر لعينيها عنيكي سحراني بتوديني ف عالم تاني (الله عليا)
ورفع يدها وقبلها لمستك دي بتدوبني
ونظر لشفتيها وشفايفك .
عشق بهمس :مالهم
أدهم:بي
فريده وهيا تصفق بيدها الله
ابتعدت عشق مسرعه ونظرت في الارض تداري وجها الذي احمر بشده من الخجل
فريده( هادمه اللذات ومفرقه الجماعات) لو كنت أعرف كنت جبت اتنين ليمون وانا جايه فكرتك تعبان ومش قادر تتحرك معرفش انك خلبوص ومقضيها حتي وانتا كده
عشق رفعت وجهها بغضب ونظرت لأدهم ليشير لها برأسه وعينيه ان تهدأ
فريده :ايه يابتاعه انتي واقفه عندك ليه ابعدي كده خليني أسلم علي دومي
اقتربت منه وقبلته حمدالله علي سلامتك يادومي
دومي:الله يسلمك يادودي
عشق بسخريه : دودي ودومي احييه حتي العتايق الكبيره
مش راحمها يخربيتك ياشيخ
التفت فريده لها بتقولي حاجه ياشاطره وبعدين انتي لسه واقفه هنا ليه مش خلصتي شغلك وخدتي اللي عوزاه يلا اطلعي بره عاوزه ابقي أنا ودومي لوحدنا شويه
وضع أدهم يديه علي وجهه ونظر من بين إصبعه ليري ماسيحدث هو يعلم أن عشق مصيبه لن تسكت لها هذه المره وبعد ماقالته
عشق بصوت عالي :نعم يختي هو ايه اللي خدت اللي انا عوزاه عوزتي الكفن وملقتيهوش
وبعدين تعاليلي هنا بقي انا سكتالك من الصبح وانتي مفيش عندك خشا ولا حيا داخله تتقصعي وتتقمعي ولا اللي عندك عشرين سنه لسه
يختي اتكسفي على دمك ده انتي اكبر من امي
عيب علي شيختك
فريده بصدمه :مستحيل البيئه واللوكال ده ونظرت لأدهم بغضب انتا ازاي تعرف الاشكال دي
أنزل يده من علي وجهه فقد كان يداري ضحكه علي كلامها واختفت بسمته عشق دي
عشق :نعم يختي ومالها بقى الاشكال دي ان شاء الله
مش أحسن منك ياللي لابسالي محزق وملزق ولا اللي جايه كباريه
فريده :أدهم انتا ازاي سايبها تكلمني بالاسلوب ده خليها تطلع بره حالا
عشق : نعم يختي هيا مين دي اللي يطلعها بره ده انتي اللي تطلعي بره حالا يلا ياحبيبتي هوينا
فريده :انتي إزاي تكلميني بالأسلوب ده مين انتي عشان تقولي اطلع ومطلعش
عشق وهيا تضع يدها في وسطها ابقي خطيبه سي دومي ياعنيا عقبالك ولو انها راحت عليكي خلاص
والاسبوع الجاي فرحنا انا ودومي بس انتي مش معزومه
فتحت فريده فمها بصدمه ونظرت لادهم خطيبها يا ادهم هيا حصلت تعرف الاشكال دي وكمان تقول انك خطيبها
أدهم بصدمه :عشق دي تبقي
عشق :تبقي مين يعني بنت بارم ديله هتلاقيها واحده من اياهم عندها جفاف عاطفي وجايه تمليه عندك ماأنتا قلبك كبير ويساعي من الحبايب قلب
فريده بصدمه :مستحيل
أدهم بغضب :عشق اسكتي بقي اديني فرصه اتكلم دي تبقي مرات عمي الله يرحمه ووالده زين باشا اللي حضرتك تبقي السكرتيره بتاعته
فريده :انتا بتقول ايه دي واشارت بإصبعها عليها بتشتغل عند زين مستحيل مستحيل زين يشغل الاشكال دي عنده
بينما عشق كانت تقف بصدمه مكانها لاتستطيع النطق بحرف هيا تعلم انها أخطأت كثيرا معها في الكلام وماستفعله او ستقوله سيكون معها الحق فيه
عشق استجمعت قوتها :هههه فريده هاااانم مش تقول كده من الصبح يا ادهم باشا
فتحت فريده عيونها بصدمه عندما جذبتها عشق اليها تقبلها وتحتضنها وهيا تخبط علي ظهرها فريده هانم كان نفسي اشوفك من زمان والله
ابتعدت فريده عنها : ابعدي كده ايييه ده
عشق:ماتبقيش قفوشه اوي كده طب ده انا كنت بهزر معاكي حتي اسالي دومي قصدي دومك انتي
مش كده ولا ايه يا ادهم باشا
ادهم :اه اه عشق روحها خفيفه وبتحب تهزر كتير اللي حصل ده كان سوء تفاهم مش اكتر
عشق:بارك الله فيك وفي والديك استاذن انا بقي اروح اطمن علي غرام عن اذنك ياحبيبتي
جرت عشق للخارج وتركتهم قبل أن تنطق فريده بكلمه اخري
التفتت فريده لأدهم :انتا اكيد بتهزر صح ودي مش سكرتيره زين وبعدين هيا هيا قالت غرام أكيد أنا سمعت غلط مش كده
أدهم :لا يامرات عمي سمعتي صح
زين الحمد لله لقي غرام وهيا هنا في المستشفي وزين معاها دلوقتي
جلست مكانها بصدمه لم تستوعب ماقاله
مستحيل مستحيل اللي اسمها غرام دي ترجع في حياتنا تاني أنا ماصدقت خلصت منها بترجعيلي تاني من انهي مصيبه تاخدك
زي القطط بسبع ارواح
أدهم:بتقولي حاجه يافريده هانم
نظرت له بغضب وقامت من مكانها وخرجت من غرفته لكن إلي أين تذهب ياتري
بينما هيا كانت في غرفتها فتحت عيونها ببطء لتجده جالسا بجوارها علي الكرسي ممسك بيدها ويضع رأسه عليهما علي السرير بجانبها ونائما
ابتسمت غرام وسحبت يدها بهدوء قربتها لتضعها علي شعره لكن أرجعتها مره أخري بإحراج
مدت يدها مره أخري لتلمس وجهه وهيا تتذكر مافعله لأجلها ابتسم زين وهو مازال مغمضا عيونه وامسك بيدها وقبلها ورفع وجهه ينظر إليها وهو مازال ممسكا بيدها واضعها علي خده
غرام بهمس: زين
زين: حمدالله علي سلامتك ياقلب زين
ابتسمت غرام لسماعها تلك الكلمه فهيا أول مره تراه او تسمعه يتغزل بها
غرام بإحراج سحبت يدها ليمسكها مجددا
اقترب منها زين بالكرسي خاصته وهمس لها وحشتيني
وحشتيني اوووي ياغرام
اوعديني انك مش هتبعدي عني تاني
غرام:سامحني يازين أنا عارفه اني اتسببتلك في مشاكل كتير من ساعه ماهربت وسيبتك
صدقني كان غصب عني كنت خايفه وضعيفه و
زين وضع يده علي فمها هشششش مش عاوز أسمع أي كلام دلوقتي اهم حاجه انك بقيتي جمبي ومعايا مش مهم ايه االي هيحصل بعد كده
أنا حاسس اني ملكت الدنيا كلها برجوعك ليا تاني اوعديني انك مش هتسيبيني ومش هتبعدي عني ابدا
عشق :احم احم
ابتعد زين مسرعا
عشق بفرحه :غراااام جرت عليها تحتضنها وحشتيني اوووي يابنت اللذينا كده برضوا تسيبي البييت وتمشي
اهو من ساعه ماانتي مشيتي وانا مش لاقيه حد أناكف فيه حقك عليا سامحيني انا كنت وحشه ف حقك وظلمتك كتير
غرام :ماتقوليش كده ياعشق انتي حبيبتي وزي اختي بالظبط انتي اه لسانك طويل حبتين بس انا عمري مازعلت منك عشان انتي نضيفه وقلبك أبيض وأي واحده غيرك كانت رمتني بره البيت من اول يوم لكن انتي خفتي عليا مع انك ماتعرفنيش وخلتيني احس ان انا ليا اهل بجد
عشق:ياسلام يختي واما هو كده سيبتي البيت ليه ها ولا كنتي غاويه تتخطفي وتشوفي غلاوتك عندنا وغمزت لها وعند زين بيه
غرام وقد إحمرت خجلا :عشق عيب كده
زين :احم احم طيب انا بره ياغرام لو احتجتي حاجه
عشق : لا خليك انتا انا هخرج انا لمؤاخذه بقي يازين باشا دخلت من غير استئذان بس اصل البت غرام دي كانت وحشاني اوووي
ساعدتها في الجلوس وتكمل كلامها ماتعرفيش انا كنت قلقانه عليكي إزاي إوعي تعملي كده تاني وإلا هربطك في رجل السرير لو فكرتي بس فكرتي اي انتي لسه هتفكري
ده انا هربطك من دلوقتي
ابتسم زين وضحكت غرام
غرام :مش للدرجه دي حرمت ياباشا
عشق:ايوه كده ناس مابتجيش الا بالخطف والبهدله احم زي حالاتي كده
غرام بصدمه :حالاتك هو انتي اتخطفتي قبل كده
عشق:دي حكايه طويله هحكيلك عليها بعدين هروح دلوقتي اطمن علي بابا واجيلك تاني
غرام :صحيح هو عامل إيه دلوقتي وطنط عامله ايه طمنيني عليهم
عشق: بابا الحمد لله عمل العمليه وبقي زي الفل وماما هتفرح اووووي لما تعرف انك جيتي دي كانت هتتهبل عشانك بتهيألي لو انا كانت هتقول ألف بركه ارتحنا منها هروح اعرفها واطمن علي بابا واسيب زين باشا يطمن عليكي
واقتربت منها وهمست عشان تبقوا علي راحتكم وكده يعني مش هوصيكي عليه خليكي بت فرفوشه وخدي وادي في الكلام ماتبقيش قفل زي حالاتي
وابتعدت يلا هسيبكوا انا دلوقتي واجيلك تاني أعطتها قبله في الهواء وخرجت
غرام لزين وهيا تحاول القيام مايغركش لسانها الطويل ده عشق طيبه وحنينه اوي وبنت حلال وجدعه وأهلها ناس طيبين جداً
زين : وقد امسك بيدها قبل ان تقع رفعت ووجهها لتنظر في عينيه ليخبرها
زين:مش اطيب ولا أحن منك علي فكره انتي مفيش في الدنيا أصلا زيك وحشتيني
غرام تائهه في عينيه لا تشعر بالعالم حولها نست كل الحدود والحواجز التي وضعتها في مخيلتها عندما تراه لكن عندما رأته أحست العكس تماما
زين ينظر في عيونها كالغريق التائه في أعماق البحار
نظر لشفتيها واقترب منها واغمضت هيا عيونها تستعد للحظه الحاسمه اللي كلنا مستنينها من زمان الصراحه
لكن قاطعهم وقاطعنا دخول هادمه اللذات فريده لتقف علي الباب بصدمه عندما رأتهم
فريده:غرااااام
نظرت لها غرام بصدمه ونظرت لزين مجددا
لتكمل فريده:أنتي ازاي تتجراي وتقربي من ابني بالطريقه دي كنت عارفه انك مش سهله وهتحاولي تستعطفيه تاني بس متوقعتش انك تكوني بالذكاء ده يعني اصبري حتي اما تخفي وبعدين ابقي العبي الاعيبك القذره دي
ابتعدت غرام بصدمه من كلامها وهيا تتألم من قدمها لتقع علي كرسي موجود خلفها
زين بخوف عليها غرام انتي كويسه
فريده:ياااه كان نفسي أشوف الخوف اللي في عيونك ده وانا مكانها هنا بس للأسف بقيت معمي مش شايف غيرها حتي أمك قلبك محنش ليها
زين بغضب وهو يلتفت لها :اسكتي بقي اسكتي خالص انتي اييه بالظبط انتي مش بشر زينا مفيش في قلبك رحمه
وابتسم بسخريه اه صح انا نسيت انتي معندكيش قلب اصلا
مستحيل تعرفي يعني ايه حب يعني ايه يكون عندك حد يحبك ويخاف عليك والتفت لغرام حد يعوضك عن كل
اللي فات وشفته ف حياتك
والتفت لها مره اخري أخرجي بره حياتي بقي وسيبيني ف حالي سيبيني مره واحده بس أفرح من غير ماتستخسري فيا فرحتي
واسمعي غرام دي حبيبتي وقريب اووي هتبقي مراتي معتش أسمع منك أي كلمه غلط في حقها تاني
يا تحترميها وتعامليها علي انها مرات زين العابدين
يا إما ملكيش علاقه بيها نهائي واعتبري ان ملكيش
ابن زي ما أنا كمان بعتبر إني ماليش أم
التفت لغرام يمسك يدها ليساعدها في القيام ليجدها تبكي مسح دموعها بيده هششش مش عاوز اشوف دموعك تاني
فريده بعدم تصديق لما قاله مستحيل
مستحيل تتجوز دي انتا اكيد بتهزر صح
ابتسم زين هو ده اللي همك في كل اللي قلته مش جديد عليكي الموضوع انتي كده كده مش معتبره ان ليكي ولاد وانك ام كل اللي يهمك نفسك وبس
وأيوه يافريده هانم هتجوز بس مش دي اسمها
غرام هانم زين العابدين
هتجوزها وهتعيش معاكي ف نفس الفيلا وهيبقي ليها حق فيها زيها زيك بالظبط
فريده بصدمه وغضب انتا أكيد اتجننت
اسمعني كويس يازين اللي اسمها غرام دي مستحيييل انها تدخل بيتي وتتساوي بيا ده يبقي أخر يوم في عمري ونظرت لغرام بتحدي أوعمرها
تركتهم فريده وخرجت وهيا تسب وتلعن غرام
أي مصيبه اتت بك إلينا وأي ذنب فعلت لتقتحمي حياتنا بهذه الطريقه
لا وتريدين ان تصبحي سيده البيت بين يوم وليله
زوجه لابني واما لأحفادي لكن هذا في أحلامك أيتها المتعجرفه سأقف في طريقك وأمنعك من فعل كل ما خططتي له أعدك بذلك
غرام :زين انا مقدره كل حاجه عملتها عشاني حقيقي لو حد غيرك مكانش هيخاف عليا كده ويعرض حياته للخطر عشاني
زين بعد ما امسك يدها غرام ماتقوليش كده انا لو مكنتش عملت كده مكنتش هسامح نفسي بقيه عمري غرام انااااا
غرام بدموع وضعت يدها علي فمه ماتكملش
صدقني يازين مينفعش انا وانتا حكايتنا انتهت قبل ماتبدأ كفايه لحد هنا
وأنا اوعدك انك معتش هتشوف وشي تاني انساني يازين
انساني وأنا كمان هنساك اعتبرني مكنتش موجوده ف حياتك اوذكري زي أي ذكري مؤلمه عدت عليك
زين:هششش مش عاوز أسمع كلامك ده تاني انتي احلي حاجه حصلتلي ف حياتي ومش هقدر ابعد عنك تاني لحظه واحده
غرام أنا بحبك بحبك ومقدرش اعيش من غيرك بحبك وبموت فيكي وهموت من غيرك هموت لو بعدتي عني تاني
غرام وهيا ترجع للخلف خطوتين غلط الي انتا بتعمله ده غلط أنا وأنتا ما ينفعش
نكمل مع بعض مستحيل
زين بعدم فهم :هو ايه اللي مستحيل مفيش حاجه صعبه طول ما احنا علي
بعض ولو قصدك علي فريده هانم مالكيش دعوه باللي قالته من شويه ماحدش يقدر يلمسك او يأذيكي
طول ما أنا لسه فيا الروح
غرام:زيين أفهم الموضوع مش كده خالص انا وانتا ماينفعش
زين نظر ليدها وهيا تفركها ببعضها بتوتر ودموع تتساقط من عينيها بلا توقف
ف ايه ياغرام عاوزه تقولي ايه ليه انا وانتي ماننفعش ايه اللي بتقوليه ده
غرام:زين أنا اتجوزت عاصم
الفصل 33
زين نظر ليدها وهيا تفركها ببعضها بتوتر ودموع تتساقط من عينيها بلا توقف
ف ايه ياغرام عاوزه تقولي ايه ليه انا وانتي ماننفعش ايه اللي بتقوليه ده
غرام:زين أنا اتجوزت عاصم
زين بصدمه:ايه اللي انتي بتقوليه ده انتي اكيد بتقولي كده عشان تبعديني عنك اقترب منها وامسكها من يدها
انطقي انتي بتكذبي عليا ليه اوعي تفكري ان كلامك ده هيخليني ابعد عنك تبقي غلطانه ياغرام انتي ليا انا وبس مش لحد تاني فاهمه
غرام وهيا تجذب يدها من يده قلتلك مش هينفع أبقي ليك مش هينفع افهم بقي انا خلاص اتجوزت عاصم
زين بتوسل ولهفه:غرام مالكيش دعوه بأي كلمه اتقالت دلوقتي صدقيني محدش هيقدر يأذيكي او يقربلك حتي طول منا عايش وأمسك يدها غرام ارجوكي ماتسيبنيش مش عاوز اسمعك تقولي الكلام ده تاني ولاتربطي اسمك باسم الحيوان اللي اسمه عاصم ده انتي ليا انا وبس وعمري ماهخلي اي حد تاني يخدك مني لو هضطر اني امحيه من علي وش الارض
اقترب منها غرام أنا بحبك وعارف ان انتي كمان بتحبيني صح
ايوه بتحبيني قوليها عاوز ااسمعها منك ساكته ليه طيب بلاش تقوليها دلوقتي براحتك بس قوليلي انك مش هتسيبيني تاني
غرام بصراخ:كفااايه بقي كفايه
قلتلك ماينفعش غلط اللي بتعمله ده غلط
انتا كده بتعذبني أكتر وبتوجع قلبي أكتر واكتر حرام عليك مش عاوز تفهم ليه
جلست علي زاويه السرير تبكي ليتجه نحوها ويمسكها من ذراعيها ويوقفها بغضب وصدمه ويتابع كلامه
يعني ايه يعني اللي قولتيه ده مش كذب يعني انتي وافقتي انك تتجوزي الحيوان ده نظرت غرام للاسفل بخجل مما فعلت وحزن شديد
وافقتي انك تحكمي عليا بالموت بالحزن والوحده نهيتي كل حاجه بينا قبل ماتبتدي
لاا انا مش قادر اصدق انك وافقتي تدمري نفسك وتدمريني بالسهوله دي ياخساره
ياخساره كل حاجه عملتها عشانك ياخساره كل لحظه خوف عليكي
خساره فيكي قلبي اللي عمره مادق لواحده غيرك ابعدها عنه بعنف وترك يدها لتقع علي السرير خلفها وتغطي وجهها وهيا نائمه عليه وتبكي بحرقه
خرج زين من غرفتها بغضب وهو ينوي فعل شيئا ما اصطدمت به عشق وأمها عند باب الغرفه
عشق:زين باشا ا...
عشق:ماله ده مستعجل علي ايه مش صابر حتي اما اكمل كلامي
أم عشق بفرحه كبيره جرت علي غرام
غرااام غرام حبيبتي
رفعت غرام وجهها لترى من يحدثها وجدتها أم عشق جرت عليها تحتضنها وهي تبكي بشده
ام عشق مالك يا حبيبتي خير فيكي ايه انتي كويسه
مسحت غرام دموعها لا مش كويسه انا تعبانه قوي انا عاوز امشي من هنا
ام عشق بخوف عليها اهدي بس يا حبيبتي اهدي عشان افهم في ايه
عشق باستغراب وهي تجذبها من يدها نحوها حصل إيه زين باشا خارج مش شايف قدامه وعنيه بتطق شرار
انتي قولتيله اي
نظرت لها غرام واكملت بكاء
ام عشق مش وقته ياعشق الكلام ده سيبيها بس تهدي وترتاح وبعدين نفهم منها ايه اللي حصل
غرام عشان خاطري انا عاوزه امشي من هنا مش عاوزه اقعد هنا دقيقه واحده انا بقيت كويسه خلاص مش عاوز اشوفه تاني مش عاوزه حد يعرف مكاني انا هرجع شقتي هاخذ حاجتي منها وهاروح في اي مكان تاني زين ما يعرفوش عشان مايقدرش يوصلي
عشق تروحي فين انتي اتجننتي انت مش شايفه الحاله اللي انتي فيها وكمان عاوزه تسيبي بيتك وتروحي تقعدي في مكان تاني لوحدك انت مش هتروحي في اي حته من غيرنا انت هتيجي معانا ومش عاوز اسمع اي كلمه تانيه
غرام بتماسك مسحت دموعها :مش هينفع ياعشق صدقيني أنا مش عاوزه زين يعرف عني حاجه تاني او يشوفني حتي عاوزاه ينساني كفايه عليه وجع القلب اللي هو فيه مش عاوزه اتقل عليه اكثر من كده كفايه اللي انا عملته
عشق انا مش فاهمه حاجه من اللي انت بتقوليه ده
اهدي بس بس كده واقعدي وفهميني حصل ايه
قاطعهم دخول الدكتور سامر
ها يا ترى دكتورتنا عامله ايه النهارده
غرام وهي تحاول التظاهر بالتماسك الحمد لله يا دكتور انا احسن بس انا لي عند حضرتك طلب انا عاوزه اخرج من هنا النهارده ويا ريت لو دلوقتي حالا
الدكتور بإستغراب: دلوقتي حالا بس انتي لسه تعبانه ولسه في علاجات هتكمليها
غرام انا هكملها مع نفسي انا عارفه هاخذ ايه و هاعمل ايه لو سمحت يا دكتور انا لازم امشي من هنا طول ما انا هنا هافضل تعبانه
الدكتور خلاص ماشي اللي حضرتك تشوفيه هاكتب لك دلوقتي على خروج وتقدري تمشي بس على شرط تاخذي بالك من نفسك وتاخدي علاجك مظبوط
غرام بإبتسامه حزينه شكرا جدا يا دكتور انا مش عارفه اشكر حضرتك ازاي
الدكتور تشكريني على ايه بس انت مش عارفه انتي غاليه عليا اد ايه
نظرت له عشق بسخريه وهيا ترفع حاجبها
الدكتور بإحراج ق قصدي غلاوتك عندنا عندنا كلنا انتي مهما كان برضوا كنتي زميله معانا هنا واتمني لو ترجعي تاني قريب واي حاجه تحتاجيها متفكريش لحظه وكلميني علي طول وانا تحت أمرك
غرام :متشكره جدا يادكتور كلك ذوق
الدكتور سامر:عن إذنكم
عشق لغرام برضوا هتمشي اللي في دماغك انا مش فاهمه حصل ايه لكل ده
ام عشق:عشق خلي فضولك ده علي جنب الوقتي خديها الاول وروحوا سوا ارتاحوا وبعدين ابقي استفسري
غرام:بس
عشق:مابسش مفيش مرواح علي بيتك تاني او تقعدي لوحدك كفايه اوي اللي حصل ولا انتي عاوزه زين يقطعلك شرايينه المره دي عشان يرتاح منك ومن مصايبك اللي مابتخلصش
ابتسمت غرام
عشق:ايوه كده يختي فرفشي وانسي الحزن شويه بدل جو الكآبه اللي انتي معيشه نفسك فيه علي طول ده
غرام:مش بإيدي صدقيني واضح ان الدنيا معانداني
ومصممه تخليني كده كل ماتفتحلي باب بتقفلي قصاده الف باب
عشق :عارفه ليه عشانك بومه وعدلت ملابسها مش بت روشه كده زيي استرونج كده في نفسي واللي يقف قدامي هوووب بديله بالشلوط ازيحه عن وشي واشوف غيره ليه هقعد اعيط واجيب مناديل وانف واقرف نفسي علي ايه ياما مفيش حاجه تستاهل
غرام:هههههه انتي مصيبه ياعشق لسانك ده هيوديكي ف داهيه
عشق :يختي بلا نيله انتي يعني كنتي خدتي ايه بالرقه بتاعتك اللي تموع النفس دي عمال تعيطي وتبربري من الصبح وقرفتينا
ام عشق:الله يقرفك بطلي بقي لسانك اللي عاوز يتقص منه حته ده انا مش عارفه ماتطلعتيش زي غرام ليه
طالعه كده لمين
عشق:ربااااني وبعدين يختي مدام هيا عجباكي اهي عندك اهي اشبعي بيها ربنا بهينيكم ببعض وغنت بصوت مزعج للغايه انا خارج من حياتك علشان انا خايف من النهايه انا خارج من حياتك علشان ياحبيبتي مظلمكيش معايا
غرام:ههههههه وهيا تضع يدها علي اذنها خلاااص كفايه ابوس ايدك احنا اسفين غلطه ومعدتش هتتكرر
عشق وهيا تجذبها بقوه تراقصها وتكمل غناء
غلطاااه وندمااان عليهااا
ام عشق:لاااا ده انتي اتجننتي خالص ومش طبيعيه من الصبح مش عارفه مالك كده من ساعه مارجعتي من عند اللي اسمه ادهم ده
غرام:ادهم مين تقصدي ابن عم زين
ام عشق:ايوه ماهو واخد اوضه هنا هو كمان
غرام:بإستغراب ليه ادهم هنا هو تعبان
ام عشق :كان بيدافع عن عشق من اللي خطفوها وكانوا هي. .. صمتت ونظرت لعشق واكملت واخد مطوه في بطنه
غرام بصدمه: ياحفيظ يارب امتي ده حصل
عشق:لسه من يومين
غرام:طيب هو عامل اي دلوقتي
زي القرد يختي الا ما سألتيني عن نفسي كويسه ولا لأ غدروا بيا ولا لأ
غرام:ده منظر واحده غدروا بيها الله يكون في عونه ادهم والله انا هروح اطمن عليه قبل مامشي ولا اقولك بلاش
انا هروح اطمن علي حوريه الأول وعلي عمو وامشي مش عاوزه حد منهم يشوفني تاني
عشق:ولو اني مش فاهمه حاجه بس يلا بينا
في غرفه ما في المشفي
دخلت غرام ببطء لكي لاتزعجها فقط كانت تريد لو رؤيتها من بعيد والاطمئنان عليها لكن كعادتها يدق الحزن بابها مجددا عندما لم تجدها مكانها لا اثر لها في الغرفه فقط ممرضه تنظف مكانها
غرام:لو سمحتي فين الطفله اللي كانت هنا نقلتوها اوضه تانيه
استدارت الممرضه وبفرحه اعترت ملامحها دكتوره غرااام
جرت عليها تحتضنها ازيك يادكتوره اخبارك ايه حمدالله علي سلامتك
غرام بعدما احتضنتها هيا الاخري وتنظر في انحاء الغرفه الله يسلمك
اومال فين حوريه
الممرضه بحزن :لسه ماشيه مابقالهاش خمس دقايق
غرام بإستغراب:مشت فين حد من اهلها ظهر
الممرضه:للاسف هيا مالهاش حد زي ماقالت حتي جدتها توفت من كام يوم
غرام :اومال مين اللي اخدها
الممرضه: زين باشا الله يجازيه خير يارب هو اللي اخدها وأصر انها تكمل علاجها عنده في بيته بعد ماعرف انها معدش ليها حد تاني وكمان حوريه كانت متعلقه بيه وهو حبها اوي
بصراحه يابختك بيه يادكتوره انتي وحوريه
هو يعني لو مش هتطفل عليكوا انتوا حليتوا الخلاف اللي كان بينكم صح
غرام وهيا مازالت في صدمتها لم تستوعب ماقالت:هااا اه اه حليناه الحمد لله عن اذنك
خرجت من الغرفه تعتري ملامحها علامات الحزن لعدم رؤيتها لتلك الفتاه مجددا والفرح لأنها ستظل في حمايه الأسد من تلك الوحوش المفترسه التي لم ترحم برائتها وطفولتها
في غرفه ما
عشق لأبيها:لاا بقولك ايه ياسي سحس انا عوزاك تجمد كده وترجع تاني زي الحصان ولا نسيت زمااان وايام زمان لو كنت ناسي افكرك
الاب بتعب: هههه قول للزمان ارجع يازمان هتفكريني بايه ولا ايه يا عشق يابنتي خلاص بقي اللي راح سنين كتيره من عمرنا وهتفضل ذكريات عمر وعدي ومش هيتعوض تاني
عشق:ياااعم سنين ايه وذكريات ايه انتا بتصدق الكلام ده طب تصدق بإيه
الاب :لا اله إلا الله
عشق:انتا لو مكنتش ابويا واتقدمتلي كنت هوافق عليك ايه
ده انا اللي كنت هاجي لحد عندك اطلب ايدك
الاب:هههههه كح كح
الام :ناولت زوجها الماء اقعد انتا ااضحك علي الهيافه بتاعتها ومبسوط اوي وبعدين تتعب والتفتت لعشق ممكن تبطلي بكش بقي وتتفضلي تروحي ع البيت يلا
عشق:يووه خليكي دايما قارشه ملحتي كدهو مش عارفه والله انا لو ضرتك كنت هصعب عليكي وهتعامليني احسن من كده
الام:يارب تصبرني عليها وعلي جنانها مش عارفه هتعقلي
امتي لما تشيبي
عشق:لااا يختي بعد الشر انا هفضل كده علي طول كلي شباب وطاقه وحيويه
الام:طب يلا يا ام طاقه خدي غرام وروحوا ارتاحوا شويه وكمان اطمني علي اختك واعملوا حاجه تاكلوها
الاب بإستغراب :غرام انتوا لقيتوها
عشق: ايوه يابابا زين رجعها تاني الحمد لله جيت عشان اقولك بس ماما قالتلي اسيبك نايم واما تصحي ابقي اقولك
الاب:الحمد لله انها رجعت بالسلامه طمنيني عليها هيا عامله اي
دق الباب ودخلت غرام
عشق:اهي جتلك بنفسها لحد عندك تعالي ياست غرام كلمي احتليتي امي وابويا من دلوقتي وهتاخدي مني الجو وكده مايصحش منك ابدا
ابتسمت غرام ودخلت هنغير من دلوقتي ولا ايه ازي حضرتك دلوقتي
الاب:بخير يابنتي طول ما انتي بخير
غرام: وهيا ممسكه بيده تقيس نيضه حمدالله علي سلامتك شد حيلك كده عشان تخرج من هنا بالسلامه وتنور بيتك تاني ولا انتا حابب قعده المستشفيات الكئيبه دي
الاب:ومين سمعك يبنتي انا نفسي امشي من هنا انهارده قبل بكره
غرام:ان شاء الله هتخرج بالسلامه بس اما نطمن عليك اول
عشق:ها يلا بينا بقي عشان انا هموت وانام شويه
غرام بإبتسامه يلا بينا
عشق وهيا تصطحبها للخارج ممسكه بيدها فهيا مازالت متعبه مما حدث لها
عشق:بابا كويس صح
غرام:اه الحمد لله القلب زي الفل وكله تمام ان شاء الله مع الوقت والعلاج هيرجع احسن من الاول
عشق:ياااارب
في غرفه أدهم
شمس لأدهم :أخبارك اي دلوقتي يابطل
ادهم:الحمد لله ياشموسه كويس اووي
شمس:اه شمووسه الظاهر كده ان عشق رضت عنك
ادهم:هههه عيب عليكي انا مش اي حد برضوا ده انا ادهم العابدين اللي الكل بيتمني نظره منه
شمس:اه منا خدت بالي ياعيني عليك يازين دايما فقر زي أختك مالناش في الحب نصيب
ادهم:اااه ده انتي جايه تقري بقي وتنقي عليا وانا مش ناقص كفايه اللي امك عملته من شويه قطعت عليا لحظه ثمينه لا تقدر بثمن
شمس وهيا تنظر حواليها:الا صحيح هيا راحت فين ملحقتش يعني تشوفك
ادهم:مستخبيه هنا تحت الكرسي ايه العبط اللي انتي فيه ده بتدوري علي ايه
شمس:بقي كده ماشي يا أدهم وحياه عشق لمخلياها تقلب عليك تاني
أدهم :لااا ابوس ايدك انا ماصدقت قلبها يحن عليا شويه ده انا برضوا اخوكي حبيبك
شمس:ايوه كده اظبط نفسك معايا واتقي شري
التفت الاثنان لقدوم عزيز بعدما دق باب الغرفة
شمس بعدما وقفت من مكانها:اهلا ياعزيز مردتش عليا ليه
عزيز:كنت نايم وماشوفتش الموبايل
ازيك يا ادهم عامل أيه انهارده حمدالله علي سلامتك يابطل
ادهم:الله يسلمك يازيزو وهو ينظر لبوكيه الورد تعبت نفسك ليه بس كلك ذوق والله اهو هينفع بعدين
عزيز:هههه بتستغل انتا اي فرصه تيجي قدامك مابتضيعش وقت
أدهم :اي ياعم هو كل اللي جاي انهارده يطمن عليا ولا جايين تنقوا وتمشوا
عزيز:الا صحيح هيا فريده هانم نازله وشها جايب الوان ليه دي حتي مردتش عليا السلام
أدهم :اي ده هيا لسه نازله دلوقتي ووشها جايب الوان كمان ياخوفي ليكون عملت اللي في دماغي
شمس بإستغراب:هو ايه ده اللي انتا خايف منه بقي
ادهم:شكلها كده راحت لغرام اوضتها ربنا يستز ومتكونش عملت مشكله معاها ولا مع زين
شمس:وهيا هتعمل معاها مشكله ليه هيا مالها ومال غرام زين بيحبها وكلنا عارفين كده ايه المشكله اللي عندها. أدهم:يختتتييي دي عندها مشاكل معاها مش مشكله وحده روحي بس انتي شوفي اي الأخبار وتعالي طمنيني
شمس:انا فعلا هروح اطمن عليها وكمان اتعرف عليها انا تفسي اشوفها اووي بجد هتيجي معايا ياعز
ادهم:لا روحي انتي وسيبي عزيز معايا شويه عاوزه ف موضوع مهم
شمس بفرحه:اوكيه هروح انا اشوف زوجه اخي المستقبليه
ادهم في نفسه:روحي يختي روحي ربنا يستر ومتكونش امك نيلتها اكتر وليه شرسه انا عارف
عزيز:ها مقولتليش كنت عاوزني ف ايه
شمس للممرضه:يعني ايه مشت دي لسه ملحقتش ترتاح
حتي
الممرضه :معرفش يا انسه والله هيا صممت انها تمشي وتكمل علاجها في البيت
شمس :طب وزين وافق علي الكلام ده
الممرضه :زين مين
شمس:لا ماتشغليش بالك اتفضلي انتي شوفي شغلك
في فيلا زين العابدين
زين وهو يدخل من باب الفيلا بعدما فتح له أحد الخدم
الله شوفتي البيت نور ازاي اول مادخلتيه
حوريه :انا متشكره اوي ياعمو زين بس انا عاوزه تيتا وانتا وعدتني انك هتوديني ليها
زين بحزن نزل لمستواها:بعد الشر عليكي ياحبيبتي تعرفي بقي انا جبتلك اي حلو انهارده
حوريه بفرحه:حلويات كتير اوي صح
زين:هههه لا مش دلوقتي اما تخفي خالص واطمن عليكي هجبلك كل اللي نفسك فيه
حوريه بحزن :اومال جبتلي ايه بقي
زين:لاا خليها مفجأه
داده ليلي
ليلي:نعم يبني
زين:حضرتي كل حاجه زي ما اتفقنا
ليلي:ايوه يبني من بدري هو انا اقدر مااعملش حاجه انتا طلبتها مني
زين:ربنا يخليكي ليا ياداده ونظر لحوريه
تعالي وقف امام غرفتها غمضي عينك
حوريه وضعت يدها علي عينها وتنظر من بينهم اهوو
زين وهو يغلقها من غير غش هااا
حوريه:خلااص اهو
فتح زين الباب خلاص فتحي عنيكي
حوريه بفرح شديد:الله كل ده ليا لوحدي الله دي لعب جميله اووي كمان في عروسه بالبيت بتاعها انتا عرفت ازاي ان انا كنت هشتريها
زين:بجد
حوريه:ايوه كنت هشتريها اما اكبر ويبقي معايا فلوس كتيررر اووي
زين:هههه يااه لما تكبري طب وساعتها هتعملي اي بالعروسه
حوريه ببراءه:هلعب بيها
زين:من انهارده كل حاجه هتتمنيها هتلاقيها اطلبي انتي بس وانا أحقق
حوريه:انتا طيب اووي ياعمو زين وانا بحبك اوي بس انا عاوزه تيتا كمان تيجي تقعد معايا هنا
زين:حاضر هجبهالك بس اما ترتاح الاول لانها تعبانه شويه وبعدين اجبهالك علي طول
حوريه:تيتا تعبانه انا لازم اروحلها دي مش هتعرف تعمل لنفسها حاجه وديني لتيتا واما تخف هجيلك تاني انا وهيا زين:ياحبيبتي ماتقلقيش تيتا معاها ناس كويسه جدا بيشوفوا طلباتها هناك
حوريه:بجد انتا اللي بعتهم ليها صح
زين:ايوه صح
نظرت له وصمتت
زين سكتي ليه
حوريه: رجعت للخلف قليلا انتا مش هتأذيني زي عمو التاني صح انتا مش هتموتني تاني صح
زين بحزن:اقترب قليلا لترجع هيا للخلف اكثر:تعالي ماتخافيش انا عمري ما اقدر اذيكي ابدا انتي هتعيشي معايا هنا علي طول مش هترجعي تاني للشوارع ومحدش هيقدر يكلمك بعد كده اقترب قليلاً وكمان هخليكي تروحي المدرسه مش انتي نفسك تروحي المدرسه
اشارت براسها ايوه
زين:طيب انا هوديكي احسن مدرسه وهجبلك كل اللي نفسك فيه بس علي شرط معتش عاوز اسمع منك كلمه عمو دي تاني
حوريه بإستغراب:هييه اقولك يازين لا عيب
زين:ههههه ماشي يستي زين زين وممكن كمان تقوليلي يابابا
حوريه بصدمه:بابا
زين:اعتبريني زي بابا انا بحبك جدا وبخاف عليكي زي بابا بالظبط
ابتسمت حوريه واقتربت منه واحتضنته انا بحبك اوي
زين:وانا كمان بحبك
دخلت داده ليلي بعد ما طرقت الباب
زين:انا هسيبك مع الداده دلوقتي لو احتاجتي اي حاجه اطلبيها منها وكمان اسمعي كلام الممرضه اللي هتيجي دلوقتي وتاخدي العلاج ف ميعاده
داده اعرفي من الممرضه ايه الاكل اللي حوريه هتنفع تاكله واعمليه انتي بنفسك معنديش ثقه ف حد الا فيكي
ليلي:تحت امرك يبني بس يعني
زين:بس ايه
ماقولتتيش برضوا دي تبقي مين او بتعمل معاها ليه كده
زين: نظر لها وهيا مشغوله باللعب مالهاش حد الا انا وكمان غرام بتحبها ياداده وبتخاف عليها جدا يمكن توحشها وتيجي هنا تشوفها
ليلي :تيجي هو انتا لقيتها
زين:ايوه لقيتها
ليلي بفرحه:بجد الحمد لله يبني الحمد لله كنت خايفه عليها اوي وبدعيلها هيا عامله ايه ولا هيا فين
زين بحزن:كويسه ياداده هيا دلوقتي في المستشفى عشان نطمن عليها
ليلي: الحمد لله يارب يعني غرام هترجع تقعد معانا هنا تاني
زين:هترجع ياداده ان شاء الله هترجع بس لازم الاول اروح مشوار مهم عشان اقدر ارجعها تاني
شرفوني في جروبي حكايات وروايات ياسمين سامي
في مركز الشرطه
كان في مكتبه يحقق معه عندما دخل عليه زين بوجه يملؤه الغضب والغيره
ياسر للحارس الذي دخل وراء زين عندما دخل عنوه
خلاص سيبه روح شوف شغلك انتا دلوقتي
نظر زين لعاصم بغضب وزاد اكثر عندما نظر له عاصم وابتسم بوجه بارد يحاول اغاظته
هجم عليه زين وامسكه من ياقته
زين:لييه ليه عملت كده انا عملتلك ايه عشان تعمل معايا كل ده
ياسر اهدي يازين مينفعش كده سيبه واقعد نتفاهم
زين وكأنه لم يسمع ماقاله صديقه للتو
لكمه بغضب اتجوزتها لييييه اوقفه وامسكه مره اخري من ياقته ليه عملت كده هيا بتكذب عليا صح انتا مستحيل تكون عملت كده ومستحيل هيا توافقك علي حاجه زي دي
هيا بتقول كده عشان تبعدني عنها اقول انها بتكذب وانك متجوزتهاش
عاصم ابتسم مره اخري ببرود ونزع يده من علي ياقته بكل هدوء وجلس مكانه ورفع قدما فوق الاخري
عاصم:بس هيا مابتكذبش يازين باشا
غرام محمد عزمي تبقي مراتي وبتهيألي ياحضره الظابط مفيش حد بيغتصب مراته ولا بيخطفها ده احنا حتي كنا ف شهر العسل ووقتها كنت بنلعب سوا ونظر لزين واكمل ببرود يحاول اثاره غضبه اكثر بس زين باشا اللي جه ف وقت مش مناسب خالص وقطع علينا خلوتنا
زين بدون تفكير فقد اثار عاصم جنونه بكلامه واخرج من داخله ذاك الوحش المفترس ليخرج مسدسه ويصوبه نحوه وسط ذهول عاصم وياسر وقبل ان يتحرك ياسر من مكانه يطلق هو رصاصه لتستقر في جسد عاصم ويقع علي الارض مغشيا عليه