Ads by Google X

القائمة الرئيسية

الصفحات

رواية هي والعصابه الفصل الثامن

رواية هي والعصابه الفصل الثامن


 رواية هي والعصابه



الفصل الثامن 

بقلم ياسمين علاء الدين




بسم الله الرحمن الرحيم .. 


خدت نور الشنطه وفتحت الجواب بلهفه .. 


" السلام عليكم ورحمه الله وبركاته ..  دي الحاجات اللي كانت في اوضتك ..   مفيش حاجه ناقصه منها .    مترجعيش تاني الحاره عشان انا مشيت منها  ..  وياريت تفكري بعقل وبلاش تهور.   المره دي حظك كان كويس وخرجتي سليمه المره الجايه  معرفش ممكن يحصل ايه .  

خلي بالك من نفسك  ..سلام "


قعدت علي الكرسي وهي مضايقه منه : جتك ضربه في قلبك يا جاد .. انا اللي كنت قلقانه عليك . طلعت بارد ورخم وانت مالك اصلا اروح  فين واعمل ايه . خليك في نفسك 


دخل عصام  : انتي اتجننتي رسمي بتكلمي نفسك ليه يا هبله 


نور : مفيش 

عصام : لا في .  ايه الورقه دي والشنطه دي فيها ايه 


نور فتحت الشنطه لاقت هدومها والموبايل  


: دي حاجتي اللي كانت في الحاره . جاد باعتهم 

عصام : جاد اللي انقذك صح 


نور : هو .  باعت يقولي مروحش الحاره تاني .وأنه مشي منها  


عصام : في الخير والله .   

نور : خير ايه.  ده تاجر مخدرات 


عصام : انتي متاكده 

نور : اه سمعته بيقول لواحد أن البضاعه معاه وكمان اما  محسن خطفنا كانت البضاعه معه وهو سلمها لمحسن 


عصام : معاكي دليل بده . نروح نقدمه للشرطه 

. نور : لا .  كنت مخطوفه هجيب دليل ازاي 


عصام : خلاص بقي انسي القضيه دي .  بكره اكيد هيوقعو في شر اعمالهم 


نور :   انت صح .   


  كملت نور حياتها.  وبعد شهر  ... عرفت من مصادر في القسم  أن في قضيه قتل كبير .  ست قتلت جوزها 


  راحت نور ومعها مصور عشان تحقق معاها 


دخلت نور اوضه الظابط وقالت له أنها عايزه تصور المتهمه 


خرجت المتهمه وقعدت .. نور : ممكن اصور معاكي 


المتهمه : اه ..ممكن . بس عايزه روح الاول.  


نور : روج . يا ستي انا بصورك مع جويل .. ده انتي قتله جوزك


المتهمه : عايزاني اطلع وانا متبهدله كده . فين بتاع المكياج يصلح مكياجي 


نور ضربت كف علي كف : اما ست غريبه بصحيح .  

المتهمه : خلاص مش هصور


نور : لا.  استني بس . انا مش مذيعه . انا بس صحافيه هسالك كام سؤال والمصور هيصورك عشان النشر 


المتهمه : برضو اظبط نفسي 


نفخت نور.  وفتحت شنطتها طلعت الروج بتاعها وبودر ومسكرا : اتفضلي يا ست الكل . ظبطي نفسك. وخوديهم مش عايزيهم تاني 


المتهمه : فين البلاشر

نور : مين ياختي


المتهمه : البلاشر   .. دي حتي مفيش هيلايتر 


نور : لا . دي هبت منك .  اه يا وليه يا مفتريه انتي لسه قاتله جوزك وعايزه بلاشر  


دخل الظابط : ايه في ايه 


نور : الوليه دي عايزه بلاشر 

الظابط : ممنوعات يا بت ال### التيت 


ضربها علي افاها .. 


نور : يا حضره الظابط ..مش ممنوعات


الظابط  :  امال ايه ده 

نور : ده مكياج ..


يصلهم بقرف : بقولك ايه انا مش ناقص جنان . امشي اطلعي بره 

. نور : لا . خلاص .  قولها بس تصور عشان مطلعه عيني 

  الظابط : هاااا


المتهمه : خلاص يا باشا هصور والله وانا ساكته


نور : جدعه .. يلا نبدا . بسم الله .. قوليلي اسمك ايه 


المتهمه : زوزا 

نور : وده من ايه 

المتهمه : اهو انتي اللي بتسظرفي 

نور :   ما تقولي اسمك الحقيقي يا بنتي 

المتهمه : افضل تكتبو . ز. ا 


نور : اه اسم مختصر بقي وكده 

المتهمه : ايوه يا ختي . معكيش سيجاره 


نور : لا . معاك يا منير 

المصور : اه . اهي . 


شربت المتهمه نفس من السيجاره ..

.نور : مخمخي يا اختشي ماحدش واخد من الرجاله حاجه غير حلق الدقون


ضحكت المتهمه ضحكه رقعيه : علي رأيك


نور : احم . عيب . نتكلم بجد بقي .  ليه قتلتي  جوزك .. 

المتهمه : كده.  

نور : ايه السبب 

.المتهمه : من غير سبب .  

نور : ازاي يعني . هو ضربك


المتهمه : ميقدرش 

نور : اكيد خانك 


المتهمه : ده موكوس.  الصراحه مخنيش 

نور :  طيب ايه اللي حصل . عملك ايه عشان تقتليه 


المتهمه : كان كل شويه يطلب مني طلبات 

. نور شهقت : طلب منك تبيعي ممنوعات


المتهمه : لا يا ختي . ده الراجل مكنش بيشرب سيجاره 


نور : ما تقولي يا وليه قتلتي الراجل ليه 


المتهمه : كان بيعصبني .  كل شويه هاتي شاي .. اعملي سحلب . لا انا عايز كشري .. لا عايز  ممبار .  قرفني كل شويه طلبات طلبات ..  


نور : قتلتيه عشان السحلب يا مفتريه 


المتهمه : اه . انا مبحبش السحلب .  


نور : يا ستير يارب .  كملي حصل ايه يوم القتل 


المتهمه :  اليوم ده كنت مخنوقه. قالي عايز سحلب . قولتله مش عامله سحلب .  زن عليا.  قومت خبطته بالفازه علي رأسه..  وقع سايح في د.مه .. اسكت 


نور : لا ودي تيجي 


المتهمه : روحت مسكت السك.ينه وضربته في قلبه كذا طعنه لحد اما خلص في أيدي .  


نور : اووووبا.  وبعدين 

المتهمه : روحت رايحه علي المطبخ وجبت أكياس بزباله. . وقطعته فيها   خد مني ٦ ساعات 


نور : اه . بطني قلبت عليا . كملي ياختي 


المتهمه :  بعدها مسحت المكان عشان يفضل نضيف 

ونزلت رميت جتته في كل حته شويه.  للكلاب 


نور : و ازاي عرفو 


المتهمه : اصلي مكنتش عارفه احط فين الرأس وقولت ادفنها.   اكرم الميت دفنه


نور : لا والله ..   وجهه نظر برضو 


المتهمه : قفشوني من الرأس .  الناس بلغت البوليس  وبعد تحقيق البوليس عرف اني انا .  


نور : امم. .  انتي ندمانه يا زوزا 


المتهمه: لا .. اصلي خلقي ضيق ومش مستحمله  بصراحه اي ضغط نفسي 


نور: حقك يا ختي .   رجاله هم 

المتهمه:  انا بقول كده برضو 


نور :  بس اقولك حاجه انتي قلبك طيب . عشان مرضتيش تعملي حاجه في الرأس  


المتهمه: يالا محدش بياخد اكتر من نصيبه 


نور: علي رأيك .  في رعايه الله 


وقفت نور مع المصور وخرجو من المكتب وهما بيضحكو..   


...  بعدها بيومين 


كانت نور راجعه من الشغل بتاعها  ولسه هتدخل البيت



                                الفصل التاسع من هنا

تعليقات