رواية دادي_سنجل الجزء الثاني
#فرحه_مكسوره
الفصل الاخير
بقلم ياسمين علاء الدين
👑 حسبي الله عليه توكلنا وهو رب العرش العظيم 👑
لم تصدق فرح طلب فرحه . دخلت لها بعد ان رحل يوسف لتوبخها فهي لن تسمح ان تكون هكذا قاسيه
فرح : ايه الشرط اللي طلبتيه من يوسف ده
فرحه : هو قالك
فرح : اه قالي . انتي من امتي قلبك قاسي كده . عايزه تبعدي طفله يتيمه عن حضن ابوها.
فرحه : فيها ايه
فرح : فيها كتير. انا ربيتك علي الانانيه دي . انتي عارفه انه بيحبك بتلوي دراعه ليه .
فرحه: لانه مش هامه حاجه. فكرني لعبه في ايده . يتجوزني زي ما يحب ويطلقني زي ما يحب . كان لازم اختار حاجه صعبه عشان يبعد عني
فرح: يا بنتي كفايه عليه كده. هو عرف غلطته.
فرحه: لا مش كفايه يستاهل. ماما يوسف اللي عمله فيا كتير مش قليل
جلست تبكي وتحكي لامها ما فعله لتنصدم فرح من سؤ تصرف يوسف مع ابنتها. اخبرتها انها من زعلها اصيبت بمرض السكر. وانه هو السبب. لتحزن علي ابنتها
جلست معاها تبكي والاثنان يبكون معا.
فرح: متعيطيش وله تزعلي . لو مش عايزه ترجعي مترجعيش مش هضغط عليكي
فرحه' : ماما انا اسفه اني حكيتلك. بس مكنتش عايزاك تفهمي اني قاسيه . انا بحب يمني والله. بس مش عايزه ارجع ليوسف . حاسه اني اتكسرت ومش قادره اكمل تاني
فرح : فاهماكي يا حبيبتي. انتي حره.
....
وهكذا. مرت الايام علم مصعب واياد وفريده والجميع ان فرحه حامل. وحاولو كثيرا معاها ان تتناول عن رايها. و ترجع الي يوسف ولكنها كانت ترفض
كان يزورها كل فتره واخري واحيانا يمني تاتي معه وتراها. كل مره كان يعتذر لها ولكنها لم تتقبل اعتذاره
كانت تتابع مع طبيبه في حملها
كانو يرتب مع اياد وعندما يعلم الموعد كان يذهب قبلها ليصعد معاها
فريده كان اياد يدللها كثيرا لانه كان مهمل بها واوقات كانت تترك الاطفال مع فرح وفرحه ويذهبون معا لقضاء العطله بمفردهم
مصعب وفرح كانو سعداء معا وحياتهم مستقره وحولهم احفادهم . ولكن كان حال فرحه يحزنهم يريدون ان تكون سعيده. رغم انها كانت تمثل السعاده ولكن من داخلها كانت حزينه لحالها هي يوسف
انهت الامتحانات الصف الاول. واخذت اجازه لتترتاح في البيت. وعند بدايه الصف الدراسي الثاني
كانت تتابع مع زميلاتها وهي في المنزل لان الطبيبه كانت تريدها ان ترتاح
الان هي في اخر الشهر الرابع. من الحمل . ستعلم اليوم جنس الجنين ومتحمسه جدا .
كانت تنتظر يوسف ان ياتي وياخذها وكلها شوق
يوسف : اتاخرت عليكي.
فرحه : لا متاخرتش.
يوسف : طيب يلا بينا
في الطريق كانت صامته. يوسف : تفتكري هيطلع ولد وله بنت
فرحه : مش عارف . تتوقع ايه
يوسف : اللي يجيبه ربنا كويس. لو ولد هسكون اخ ليمني ولو بنت هتكون اختها. ودي حقيقه مش هتقدري تنكريها حتي لو مش عايزها
فرحه. : وهنكر ليه . انا بحب يمني ومش بكرهها
يوسف : بتحبيها وعايزها تبعد عني ومش تعيش معانا
فرحه: مش عايزه اتكلم في الموضوع ده . احنا كده كويسين
يوسف : كويسين ازاي وكل واحد في مكان. انتي عند باباكي وانا لوحدي .
فرحه: اصلا انت اللي غلطان من الاول وجاي تتكلم دلوقتي
. يوسف. : غلطان واتاسفت كتير . ايه مفيش رحمه
فرحه: لا مفيش.
نفخ وضرب عجله القياده بيده . لتنكمش علي نفسها بخوف فهي تعلم عندما يغضب. سيتهور
صمت حل في السياره لا تسمع سوي صوت انفاسه الغاضبه
يوسف : ولد
فرحه : نعم
يوسف :؛حاسس انه هيكون ولد.
فرحه : وانا كمان. بس لو طلع بنت مش هتزعل
يوسف: لا طبعا. هتطلع شبههك وهتكون قمر
احمر وجهها ونظرت للخارج
ليبتسم : هتسمي ايه
فرحه: مصعب. علي اسم بابا
يوسف: ان شاء الله مصعب الصغير. طيب لو بنت
فرحه : فرح
يوسف: موافق .
اوقفو السياره ونزل ليصعدها امسك يدها لتنزل معه
كانت متوتره ليمسك يدها ويقبلها
فرحه: اوعي كده . حرام .احنا مطلقين
يوسف بغيظ : اه .صح.
مشت امامه بغرور وهو خلفها يشعر انه يريد ان يخنقها
صعدو للطبيبه وانتظرو بالخارج.
لتجد عيون النساء عليه.
كان يجلس ويضع قدم علي القدم الاخري ويرتدي قميص يبرز عضلاته ويفتح ازرار القميص الاولي وجينز ازرق. وسفيتي ضخمه. لتشرد يملامحه الرجوليه ورائحه العكر الرجولي الجديد تشعر انها تريد ان تضمه وتقترب منه. لتلعن في سرها
تبا انها هرمونات الحمل .. اقتربت منه اكثر وهي تشمه
لينظر لها باندهاش : فرحه مالك
. فرحه : مش عارفه حاسه اني دايخه
يوسف: استني هقوم استعجل الممرضه. عشان تدخلك
فرحه : لا .سيبها. احنا شويه وهندخل
سندت راسها علي كتفه ليرفع يده ويضمها الي صدره
شعرت بقلبها يدق سريعا وهو ايضا ..
اغمضت عينها باستمتاع وهي تشم رائحته لتشعر بحركه في معدتها. ابتسمت
فرحه بتوهان : انت غيرت البرفيوم بتاعتك
يوسف وهو منشكح من قربها : اه. حلوه
فرحه : جدا.
يوسف قبل راسها: انتي اللي حلوه
.. وهي تبتسم اكثر ..فتحت عينها لتجد النساء ينظرون لها بغيظ وحسد. لتغمض عينها سريعا اكثر وتنكمش في نفسه بقلق وتوتر
يوسف : فرحه مالك. انتي تعبانه
فرحه : هما بيبصو كده ليه
يوسف :هما مين يا حبيبتي
نظر امامه لينتبه الي نظرات النساء لهم.
احم. . فرحه اقري قرآن ياماما بسرعه.
فرحه : بقرآ في سري
يوسف : يا ساتر . مالهم مركزين كده ليه.
. اشار للممرضه : لو سمحتي الدكتوره اتاخرت ليه.
الممرضه : لسه الدور بتاعكم
يوسف : لا انا هقطع مستعجل . عايز ادخل حالا
الممرضه : ماشي . حساب المستعجل ٤٠٠
اخرج النقود من جيبه : اتفضلي
اخذتها الممرضه وبعد دقيقه نادت علي اسم فرحه .
ليقف يوسف وهي معه. يشعر ان نظراتهم تخترقهم
كان سيقع لتسمك يده بخوف : اعوذو بالله
واحده من السيدات : ياختي اسم الله عليك
ابتسم لها ابتسامه صفراء ودخل معاها سريعا
فرحه : انت كويس
يوسف : لحد دلوقتي اه.
ضخكو الاثنان. لتدخل الطبيبه وهي مبتسمه
سلمت عليهم وجلست لتقوم باشاعه السونار
فرحه : خير يا دكتوره
الدكتوره: خير .الوزن كويس والكيس كويس وكل حاجه تمام .
يوسف: الحمد لله
فرحه: هو ولد وله بنت
نظرت الدكتوره الي الشاشه لتتاكد : مبرووك ولد
ابتسم يوسف لفرحه : مبروك يا حبيبتي. مصعب الصغير
فرحه: يباركلي فيك .
اعطتهم الدكتوره النصائح وكتبت لها علي علاج اخر ..
خرج الاثنان من الغرفه يضحكون ليجدو الاعين مسلطه عليهم
يوسف: قل اعوذو برب الفلق .
ضحكت فرحه: اجري يا يوسف
خرجو من العياده وهم يضحكون معا .. نظر اليها لاول مره منذ فتره تضحك معه هكذا.
يوسف: فرحه مش هترجعي عن رايك
سكتت فرحه ..
يوسف : لو امي كانت عايشه كنت سبت يمني معاها . بس هي ماتت وانا معنديش حد . يرضيكي اسيبها في شقه لوحدها .
كان قلبها يالمها نفسها ان تصرخ بلا ليتنهد هو ..
يوسف: بحبك وهفضل احبك انا بختارك انتي بس يمني مش هينفع ابعد عنها ... لو مش بحبك كنت اتجوزت او مهمنيش انك تكوني معايا او لا .
فرحه: يوسف انا تعبانه وعايزه اروح
. رد بياس: ماشي
اوصلها للبيت وطول الطريق كان يتحدث معاها في اي شئ ليسمع صوتها ..
صعدت الي الشقه لتجد مصعب وفرح وانس وفدوي
وكالعاده اياد مع فريده يخرجون معا
مصعب: الدكتوره قالتلك ايه
فرحه: هجيب مصعب الصغير
ضحكت فرح وضمتها: مبروك يا فرحه
فرحه: يبارك فيكي
مصعب بسعاده : بس مصعب اسم قديم
فرحه: ده احلي اسم في الدنيا . كفايه انه اسمك انت
ضمها وهو يضحك بسعاده. كانت فرح تلمع عيونها بسعاده .. حقا الله عوضها بفرحه التي كانت فرحه لهم .
مرت الشهور وبدات امتحانات الترم الثاني . كانت تجد في المذاكره وتشعر بالتعب لانها في اواخر الشهور
مرت الايام واخيرا انتهت من الامتحانات بسعاده .
خرجت من اخر ماده لتجد يوسف امامها لتضحك وتقترب منه
.
فرحه: يوسف اخبارك ايه
يوسف: الحمد لله . انتي اخبارك ايه يا ام مصعب
ضحكت وهي تضع يدها علي بطنها المنتفخ : بقيت شبهه البطيخه
ابتسم : بطيخه حلوه
فرحه: شكرا
يوسف: تعالي اوصلك .
ركبت بجانبه : اخيرا خلصت السنه دي كانت رخمه اوي
ابتسم بصمت . لتشتر بركله البيبي
امسكت يد يوسف لتضعها علي بطنها: حاسس
اوقف السياره وهو ينظر الي بطنها ويضحك
يوسف: اه حاسس .
فرحه: شكله هيطلع لعيب كوره. ليل نهار عمال يخبط في بطني
ضحك يوسف: اما يتولد هربيه عشان بيتعبك
.سكت قليلا لينطق: انا هتنقل من المديريه هنا وهروح محافظه تانيه . خلي بالك من نفسه
فرحه بحزن : ليه كده
يوسف: عادي . ان شاء الله قبل الولاده هكون هنا
فرحه: لا خليكي هنا . عايزاك معايا وانا بولد
يوسف ،: هنا او هناك مش هتفرق . كده كده احنا مش عايشين مع بعض
فرحه: بس انا عارفه انك هنا ولو عايزاك هلاقيك
يوسف: عشان كده كنتي قاسيه عليا .
سكتت فرحه ولم تجيب ..يوسف: هتصل بيكي واعرف وقت الولاده وهكون هنا قبلها
فرحه: هتمشي امتي .
يوسف: انهارده . بس لو مش عايزاني هنا تعالي ارحعي معايا
فرحه: توصل بالسلامه . خلي بالك من نفسك
يوسف: وانتي كمان. خلي بالك منك ومن مصعب
اوصلها للبيت وتركها هو ورحل .. كانت تتوقع انه يضحك عليها. وانه يقول ذلك فقط ليجعلها ترجع له
ولكن مرت الايام ولم تراه . جاء موعد الذهاب مع الدكتوره ولم تراه
لتشعر باختناق وتبكي باستمرار تشتاق له .
فرح: اتصل بيوسف بجيلك
فرحه': لا مش عايزاه .
فرح: انتي بتعيطي عشانه
فرحه: لا .. مش عشانه
خرجت فرح وهي محتاره من امر ابنتها.
انها في بدايه الشهر التاسع الان .. وصل يوسف الي القاهره مره اخري مع يمني ابنته ليحضر ولاده فرحه
بعثت له برساله : فرحه ماتت
واغمضت عينها لتستسلم
.............
يتبع
#دادي_سنجل2. الاخير
#فرحه_مكسوره
22
👑 رضيت بالله ربا وبالاسلام دينا وبمحمد صل الله وعليه وسلم نبيا ورسولا👑
اغمضت عينها واستسلمت للظلام
يوسف كان في شقته مع يمني ابنته . كان مشتاق له كثيرا لم يراها منذ اكثر من شهر ...
وصلته الرساله من رقمها ليفتحها بلهفه لينصدم في مكانه
يوسف: ماتت 😱 فرحه .
خرج مسرعا من غرفته ليجد يمني امامه : مالك يا بابي
حملها وخرج بها سريعا من الشقه وهو يبكي . اوقف سياره اجره وطلب منه ان يذهب الي عنوانها
يمني تنظر له بخوف. وتضمه بطفوله وتبكي معه
رمي نقود الي الرجل وصعد سريعا الي شقتهم وهو يرن الجرس بقوه وسرعه
فتحت فرح ونظرت له لتجده يبكي ويمني ايضا
فرح بخوف : يوسف مالك .. في ايه
ترك يمني ودخل سريعا الي غرفتها ليجدها نائمه ع الفراش مغمضه العينين اقترب منها بخوف ولهفه وهو يرفع نصفها العلوي لصدرخ ويضمها بشوق ويبكي
لتفتح عينيها ( كانت نائمه واستسلمت للنوم 😛)
يوسف : لا يا فرحه متسبنيش انتي كمان. فرحه
فرحه : نعم
فتح عينه وصمت ليبعدها ببطئ عن احضانه وينظر الي وجهها كانت عينها مفتوحه علي وسعها وتنظر له ببراءه كانها لم تفعل شئ ولم تخلع قلبه من مكانه بسبب الخوف
يوسف بتوتر ؛ الرساله . وماتت
. رفعت يدها ومسحت دموعها. لتضمه هي بشوق
بدالها الضمه وشد عليها بقوه وهو يشعر ان قلبه شفي تماما . انها بخير امامه
يوسف: كنت بموت يا فرحه.
فرحه : بعد الشر عنك يا يوسف
يوسف : قلب يوسف انتي.
فرحه: وحشتني
ابتسم وهي ما زالت في حضنه : وانتي وحشاني موت
عقد حاجبيه وابعدها عنه وهو ينظر لعينها : مين بعت الرساله . انك بعد الشر
فرحه وهي تنظر بطرف عينها الي الجهه الاخري : رساله ايه
يوسف : فرحه
فرحه: نعم انت هتزعقلي تاني وانا حامل كده وقربت اولد ومش قادره
.
نظر لها بغيظ : انتي مجنونه. انتي مش عارفه انا كنت حاسس بايه. انتي هتموتيني
قلبت شفتيها : بعد الشر . بس انا مكملتش الرساله ونمت
قصدي اني مت من غيرك. من الشوق والحزن. انتي وحشتني اوي.
انقض علي شفتيها بقبله داميه ليعاقبها عما فعلته به
لتتالم: يوسيف
يوسف: ششش . وحشاني بقي
تعلقت في رقابته وهي تنظر الي وجهه بحب وشوق كيف اصبح بهذه الوسامه اما انها هرمونات الحمل .
يوسف: ايه نظره حمدي الوزير دي
ضحكت هي واحمر وجهها
لتقترب منه و تضع يدها تمررها علي ملامح وجهه بحب
اغمض عينه وهو مبتسم
لتطرق عليهم الباب فرح ..
ابتعدت فرحه عنه بخجل وهي تضع يدها علي وجهها.
يوسف : ادخل
دخلت فرح : في ايه يا يوسف . كان شكلك عامل كده ليه
يوسف: هي متعرفش بالرساله
فرحه : لا
يوسف : بعتتلي رساله فيها بعد الشر انها
( سكت ولم يكمل )
اعطي الهاتف لفرح لتقرأ الرساله : ليه بتقولي كده علي نفسك يا فرحه. بعد الشر عنك يا حبيبتي
فرحه : كنت برخم عليه . عشان مسافر
فرح : ربنا يهديكم لبعض ..
يوسف : يارب
فرح : يمني مع فدوي وانس بيلعبو. هتصل بمصعب يجيب الماذون ويجي
فرحه: لا
نفخ يوسف: تاني يا فرحه . انا افتكرت انك سامحتي
فرحه : سامحتك يا يوسف. انا قصدي نستني بعد الولاده
فرح : انا رايحه اكلم مصعب . بطلي دلع يا فرحه
خرجت فرحه من الغرفه . لينظر يوسف الي فرحه
يوسف : واشمعانه بعد الولاده
فرحه : اصلي شكلي دلوقتي مكعبر ومش هينفع اتجوز . ده غير اني مش قادره اعمل حاجه. هنا انا مش بعمل حاجه . ماما وفريده وبابا بيهتمو بيا
يوسف: متقلقيش من اي حاجه. انا معاكي وهخلي بالي منك. ومش عايز حاجه غير انك تكوني معايا وجنبي وبس
فرحه : مش هتتعصب عليا .
يوسف : لا. حرمت خلاص
فرحه : يوسف اوعدني انك مش هتعملني زي الاول
يوسف: بوعدك يا عمري اني مش هكرر غلطتي تاني وهحافظ عليكي وعلي بيتنا وعلي اولادنا. بس يمني
. فرحه : يمني في البيت قبلي انا . انا بس كنت بحاول اخليك تبعد عني . بضايقك زي ما كنت بضايقني
يوسف : شريره
ضحكت له. ليقترب ويقبلها مره اخري
فرحه: عيب بقي. اما نتجوز
يوسف :؛ قومي والبسي
فرحه مدت يدها له ليقف ويساعدها تقف امامه
نظر الي بطنها المنتفخه وهو مبتسم. ليجلس علي الفراش امامها وقبل بطنها
فرحه: اخرج بقي عشان البس
يوسف : البسي وانا هنا هساعدك
فرحه: لا شكرا. واصلا مش هينفع تساعد بحاجه.
يوسف : ازاي بس .
فرحه: يوسف اخرج بره.
وقف : هخرج.
فرحه: ايه ده انت نازل من البيت ببجامه
نظر لنفسه : ما انتي السبب .طيرتي عقلي وخفت يكون حصلك حاجه
فرحه : تستاهل عشان بعدت عني
يوسف : وكان مين السبب
فرحه :؛ انت السبب عشان طلقتني
رفع يده باستسلام : اوك . مش هنرجع للموضوع تاني. غلطه وعدت. انا خارج. البسي واخرجي
فرحه: اوك
....
جاء مصعب واياد وسلمو ع يوسف وجلسو معا. وهم سعداء ان فرحه سترجع الي يوسف مره اخري . مع وعده لهم انه سيتغير ولن يتسرع مره اخري
ثم اتي الماذون وتم عقد قرانهم مره اخري .
يوسف : عن اذنكم هنمشي احنا
فرحه :هنمشي ليه .
يوسف: هقولك بعدين . ماما خلي معاكي يمني انهارده
ضحكت فرح : متخفش في عيني
يمني كانت فرحانه انه ستجلس مع فدوي وانس
مصعب : يوسف مش هقولك خلي بالك منها. لانك فاهم كويس ان دي اخر فرصه ليك
يوسف: فاهم يا عمي.
اخذها ونزل سريعا من البيت ..فرحه : براحه يا يوسف. انت مستعجل ليه
يوسف : هقولك اما نوصل.
فرحه وقفت : فين عربيتك .
يوسف : هناك. مكنتش قادر اسوق وجيت بسرعه
فرحه : جيت ازاي.
يوسف : خدت المحافظه والمفاتيح وجيت بسرعه
فرحه : اوبسس . اسفه ..
يوسف: لا يا روحي مش هينفع الاسف. في بينا حساب هيتصفي
نظرت له برعب وهي تتراجع خطوه للخلف
يوسف: في ايه يا بنتي . انا بهزر معاكي
فرحه: انا نسيت حاجه فوق
يوسف: فرحه انا قصدي انك وحشاني اهدي واعقلي كده
فرحه : احلف
يوسف : ورحمه امي . انتي مش بتثقي فيا ليه .
نظر له بحزن . فرحه : بثق فيك . نروح
رجعو الي البيت . ليصعدو
فرحه : مش هتشيلني
يوسف: مش سامع
فرحه : شيلني يا يوسف
يوسف : اولدي وهشيلك
فرحه: لا. شيل حالا
يوسف: انتي بتهزري .
كشرت
ليقترب منها ويحملها : عيب عليكي معاكي وحش.
ضحكت وهي تتعلق في رقابته🙈🙈
............
بعد ٧ سنوات
دخل من باب الشقه سريعا وهي يبحث عنها.
ليجدها في غرفتها تجلس ببرود علي الفراش وهي تمسك الهاتف
يوسف: ايه الهبل اللي بعتيه ده
فرحه: هبل ايه يا جو
يوسف: فرحه انتي بتستعبطي. بعتالي رساله زي الزفت
فرحه : انا. محصلش
يوسف: حصل. بعتلي تقولي.
"" ياخاين يا بتاع المسجلين خطر ""
فرحه: مش انا
يوسف :؛ فرحه. فين عمر وعامر ومصعب ويمني
فرحه : عند بابا وماما
يوسف : وليه بقي
فرحه : اه.. ما الباشا ناسي ان انهارده عيد جوازنا
يوسف : وده عشان انا مشغول في الشغل . مش خاين زي ما بتقولي
فرحه: جو حبيبي انا عارفه . بسقولت ابعتلك حاجه تستفزك عشان تيجي بسرعه
يوسف: ماشي يا فرحه. انا ماشي. خليكي انتي خططي كده
فرحه : يا يوسف بقي .
نظره له بكسره وحزن . ليجلس وهو ينفخ
يوسف : تعالي .
. اشار لها لتقترب . لتقف امامه وهو ينظر لها بحب
يوسف: بحبك يا فرحتي
فرحه :وبحبك يا جو
انتهت الحكايه علي خير.
استطاع بحبه ان يصلح كسر قلبها وكون عائله سعيده
اما اياد وفريده فهم يعيشون في تفاهم وسعاده
مصعب وفرح علاقتهم تزيد حب مع مرور الوقت. يعيشون بسعاده مع احفادهم
تمت بحمد الله