سبع ايام 💞
الفصل الثامن والتاسع عشر
سمر : تميم 😳😳
كريمه : ممممم تميم .. تميم ازاي ايه اللي جابوه هنا
سمر : مش عارفه ياكريمه
كريمه : طيب استخبي بسرعه ياسمر لا يشوفك ويعرف انك مريضه هنا في المستشفي ويعرف ان ولا في دادا ولا في بابي ولا حاجه خالص
بقلمي مآآهي آآحمد
سمر اتخبت بسرعه وبعدت عن الشباك وتميم دخل عند مدير المستشفي
تميم : حضرتك طلبتني وانا جيت
مدير المستشفي: عرفت ان سمر خرجت امبارح
تميم : فعلا خرجتها امبارح يادكتور
مدير المستشفي: ازاي تخرجها من غير ما تستأذن مني
تميم : حضرتك قولتلي كمل في علاجها
مدير المستشفي : ايوه بس من غير ما تخرج من المستشفي
تميم : يعني اي
مدير المستشفي: معندناش مرضي يخرجوا بره المستشفي يادكتور تميم
تميم : انت مش قادر تفهم ليه ان اللي بعمله ده في صالح سيلا .. وعلاجها مش هيمشي غير باللي انا بعمله
مدير المستشفي: دي قوانين وانا بطبقها
تميم : القوانين دي لازم تتغير لما تكون في صالح المريض
بقلمي مآآهي آآحمد
مدير المستشفي: والله القوانين دي اتعملت من وقت ما بنوا المستشفي مش هييجي دكتور زيك لسه تخرج حديث يعرفنا شغلنا وبعدين اعمل معاها زي ما عملت مع سهر ما انت خليت شخصيه سهر تختفي من غير خروجات
تميم : ( بزعيق) ومين قالك ان سهر مخرجتش
مدير المستشفي : يعني اي
تميم : يعني اللي انت فهمته انا عملت كل الطرق حرفيا عشان شخصيه سهر تختفي
مدير المستشفي: انت اتماديت حدودك علي الاخر وباين عليك اتجننت
تميم : بالعكس اللي انا بعمله ده عين العقل
مدير المستشفي: من هنا ورايح مالكش دعوه خالص بحاله سيلا انت فاهم ولا لاء
تميم : لاء مش فاهم الشهر لسه مخلصش
مدير المستشفي: انا بعفيك من الاتفاق
تميم : ايوه بس
مدير المستشفي: ( بزعيق ) مافيش بس.. ده اخر كلام عندي انت فاهم 😡😡
( تميم بقي بيبص للمدير بصه احتقار وغيظ)
مدير المستشفي نده علي التمرجي
التمرجي: اؤمرني يادكتور
مدير المستشفي: عايزك تزود الحراسه علي المستشفي وتشوفلي ازاي الناس دي بتطلع وتخرج انت فاهم وعاوز امن مخصوص يقف قدام عنبر سيلا وتعرفلي اللي داخل واللي خارج انت فاهم
التمرجي اتنفض كده وقاال : فاهم يافندم
بقلمي مآآهي آآحمد
تميم سمع كده راح من غيظه
مسك مدير المستشفي من هدومه وكان هيمسك فيه راح
التمرجي بقي يحجز ما بين تميم ومدير المستشفي عيب كده يادكتور تميم مايصحش
تميم :ابعد عني سيبني
المدير: انا هوديك في داهيه انا هحبسك انا مش هسيبك ياتميم
تميم : اعمل اللي تعمله وخلينا نشوف هتقدر تعمل اي
تميم خرج من المستشفي وسمر كانت كل شويه تبص عليه من الشباك عشان تشوفه خرج ولا لاء لحد ما ركب عربيته ومشي
سمر : ياتري المقدم تميم كان هنا بيعمل اي
كريمه : اكيد كان لي مريض هنا وبيزوره اصل هيكون ايه غير كده
سمر : الحمدلله انه ماشفنيش لو كان شافني كنت موت فيها وهيعرف اني كدبت عليه
كريمه : ماكنتيش كدبتي عليه من الاول ياسمر
سمر : مكانش ينفع اول ما اشوفه اقوله اني مريضه وبتعالج في مستشفي المجانين كان هيبعد عني علي طول
بقلمي مآآهي آآحمد
كريمه : طيب يلا .. يلا نشوف هنلبس اي عشان تطلعي تقابلي تميم
سمر: ماشي يلا
-----------------------------------
خالد : الووو ايوه ياتميم فينك
تميم : _________________
خالد : اي ياعم مالك شايل الهوا فوق راسك ليه
تميم : _______________
خالد : الهوا ياتميم اللي هو الهوا عادي يعني
تميم : ______________
خالد : ياعم سيبك انت هتمسكلي في الكلمه
تميم : ________________
خالد :طيب خلاص هجيلك .. خلاص هنتصرف وهجيلك ماتقلقش
خالد : خلاص اتصل انت بكريمه خليها تقابلنا ونشوف هنقدر نطلع سمر ازاي
تميم : ______________
خالد : هنتصرف ياتميم كل حاجه وليها حل ما تقلقش
خالد قفل من هنا وراح لتميم علي طول في المكان اللي اتفقوا يتقابلوه فيه
بقلمي مآآهي آآحمد
تميم واقف وساند علي الموتوسيكل بتاعه وخالد جاي بالعربيه ونزل منها وراح لتميم
خالد : تميم حبيبي 😍
تميم : خالد انا علي اخري اقسم بالله
خالد : ياعم ليه بس كده
تميم : يابني انا مش حاكيتلك في التليفون
خالد : طيب وانت اي اللي مضايقك هو خلاص عفاك من ان سيلا تخف وهتكمل السنه بتاعتك وخلاص خلاويص خلصنا
تميم: طيب وسيلا هتفضل تعبانه كده
خالد : وانت اي اللي يهمك ما تفضل تعبانه
تميم : هو اي اللي ما تفضل تعبانه انت عبيط ولا اي
خالد : انت حبيت سيلا ياتميم صح
تميم : ( بتوتر ) ايه .. اي .. اي الكلام الفارغ اللي انت بتقوله ده
خالد : ما انت لو ما قولتليش الحقيقه ياتميم مش هساعدك خليك معايا علي نور عرفني كده الحوار من اوله
تميم : بصراحه ياخالد
خالد : لن اقبل بشىء عدا الصراحه
تميم : مش عارف بس هي بتوحشني مع انها معايا طول الوقت حرفيا بس انا ما حبيتش شكلها قد ما حبيت روحها وشخصيتها ياخالد ودي حاجه محصلتش معايا قبل كده نظره عنيها بتتغير مع كل شخصيه حتي طريقه ضحكتها وطريقه كلامها بس انا حبيت سيلا الرقيقه اللي بتتكسف وبتصلي ولما تبصلي ببقي مش عايز حاجه من الدنيا خلاص
خالد : ( سقف بايده وقال ) اي ده كله .. اي ده كله بقي معقول تميم ابن بدر الدالي هو اللي بيتكلم
تميم : اي ياعم في اي فضحتنا
خالد : ياعم هو الحب فضيحه
تميم : طيب هنعمل اي
كريمه جت
كريمه : ايه يادكتور تميم مالك يااخويا واي اللي حصل في المستشفي ده
تميم: احنا لازم نهرب سمر من المستشفي بأي طريقه ياكريمه
كريمه : نعم .. نعم .. نعم ياعنيا لا ياحبيبي احنا ماتفقناش علي كده انت قايلي اساعدك اه لكن نهربها وندخل في س و ج و أ و ح واروح في ستين داهيه لا ياروحي معطلكش
كريمه جت تمشي راح تميم مطلع ٢٠٠٠ جنيه من جيبه وحطهم قدامها
كريمه : اي ده
خالد : دي حاجه بسيطه تجيبي فلنه لابوكي ولا حاجه بدل الفلنه المقطعه اللي هو لابسها
كريمه نتشت الفلوس من تميم
كريمه : ايوه بس لو مكنتش تحلف
تميم : هتخرجيها ازاي
كريمه : احنا لو هربناها هنعمل اي
تميم : ياستي مالكيش دعوه هربيها انتي بس من المستشفي وانا هاخدها معايا ماتقلقيش
كريمه : ماشي اجيبهالك علي فين
تميم : عايزك تجيبهالي علي المقطم الساعه ١٢ بالدقيقه ماتتأخريش
كريمه : ماشي وانا هتصل بيك قدامها واعمل ميعاد علي الساعه ١٢ عشان علي الاقل اعرف اهربها
تميم : تمام اتفقنا
كريمه راحت لسمر واتصلت بتميم قدام سمر وكل حاجه حرفيا جاهزه واول ما جت الساعه ١٢ كريمه اتفقت مع الحارس وادته اللي فيه النصيب وخرجت سمر من المستشفي
سمر : كريمه شكلي كده حلو
كريمه : يابنتي قمر .. قمر والله ماتقلقيش
سمر : نفسي اعجبه اوي ياكريمه
كريمه : هتعجبيه ماتقلقيش
--------------------------------------
تميم :الووو ايوه ياخالد جهزت كل حاجه
خالد : _____________
تميم : تمام عند اشارتي اول اما اشاورلك تعمل اللي اتفقنا عليه بالظبط
خالد : ______________
تميم : طيب اقفل .. اقفل عشان خلاص سمر جايه اهيه
تميم كان واقف في حته فاضيه قدام الموتوسيكل بتاعه في المقطم
كريمه : ازيك ياسياده المقدم تميم
تميم : ازيك انتي ياكريمه عامله اي
كريمه : الحمدلله ياخويا
سمر كانت ساكته ما بتتكلمش
تميم : اي مش هتسلمي عليا ياسمر
سمر مدت ايديها وقالتله لاء طبعا ازاي اكيد هسلم عليك
تميم مد ايده وسلم علي سمر وابتسملها
كريمه : طيب اسيبكم انا بقي
سمر : استني هنا انتي رايحه فين
كريمه : ماتخافيش انا هقف بعيد شويه
كريمه بعدت عنهم خالص
تميم: اي خايفه مني
سمر : لا ابدا هخاف منك ازاي بس
تميم : اومال مش عايزه كريمه تسيبنا لوحدنا ليه
سمر : لا ابدا مافيش ممكن الروايه بقي
تميم : روايه اي
سمر : روايه ضحيه عنيد انت مش اريتها
تميم : ااه .. ااااااه الروايه اه .. اه ..طبعا يابنتي اريتها يعني ده انا من عشاق الروايه دي
سمر : طيب هي فين
تميم : طيب مش لما نقعد الاول نشرب حاجه
سمر : انا مش عايزه اعطلك بس
تميم : اكيد مش هتعطليني اركبي
سمر :ايوه بس كريمه
تميم : كريمه مشيت خلاص وبعدين انا هبقي اروحك
سمر ركبت ورا تميم وتميم وساق بالموتوسيكل بيها
وسمر بقت تفتكر اللي كان بيحصل في روايه ضحيه عنيد لما داوود كان بياخد داليدا وراه بالموتوسيكل وبقت مبسوطه اوي ان نفس اللي بيحصل في الروايه بقي يحصل معاها
تميم ودا سمر كافيه صغير كده وكان متفق مع صاحب الكافيه علي كل حاجه وقعدوا وفضلوا يتكلموا شويه سوا وبعدها خالد دخل الكافيه وهو لابس لبس بدو هو واتنين معاه تانيين وقعد في الطرابيزه اللي ورا تميم
وتميم كان بيتكلم مع سمر راح شاور لتميم راح خالد طلع المسدس ( وطبعا مسدس بلاستيك) وراح بص لتميم وصوبه ناحيته وهو بيتقدم ناحيه تميم وراح قال
خالد: اخيرا وقعت ياسياده المقدم ولسه بيكمل كلامه راح اتكعبل في الارض راح وقع علي الطرابيزه
تميم في نفسه : قوم .. قوم يخربيتك
خالد بقي يلوش مش شايف
خالد : النضاره فين النضاه
سمر جابتله النضاره وقالت
سمر : اهيه .. اهيه النضاره
خالد لبس النضاره بسرعه ومسك مسدسه وقلها
خالد : ارفعي ايدك
راح تميم حطها ورا ضهره بسرعه وقال
تميم : انتوا مين
خالد : ها .. ها .. ها.. احنا الارهابيين جايين نخلص البلد من شرك
تميم : الله يخربيتك يا اخي
خالد : ااااه اقصد انا الارهابي خالد وجاي اخلص عليك
سمر بصت كده من ورا ضهر تميم وبقت مستغربه
بقلمي مآآهي آآحمد
تميم راح مسك ايد خالد ومثل انه بيضربه ووقعه في الارض وبعدها راح مسك الاتنين اللي معاه راح ضربهم بسرعه ومسك ايد سمر وجرى بيها بالموتوسيكل بسرعه وبعدها بقي خالد والاتنين اللي معاه يجروا وراهم بالعربيه النص نقل
سمر : انا مش مصدقه عنيا
تميم وهو بيسوق بسرعه
تميم : طبعا اول مره تشوفي كده
سمر : ده حلم وبيتحقق ده زي اللي كان بيحصل في الروايه بالظبط بس ما عادا الارهابي الاهبل اللي بيجرى ورانا ده
تميم ضحك وبقي يزود سرعه اكتر وسمر بقت تمسك فيه اكتر وتميم اخدها واستخبوا
خالد وقف قدامهم وهما مستخبيين وعمل نفسه مش شايفهم
خالد : هما فين راحوا فين تعالوا ورايا وبعد عنهم خالص
تميم اخد سمر بعدها وراحوا مكان بعيد
سمر : انا كنت خايفه اوي
تميم : لااااا انا متعود علي كده
سمر : يعني كل يوم حياتك في خطر كده
تميم : كل يوم .. كل يوم ارهابيين طالعه وارهابيين داخله
سمر : طالعين وداخلين فين
تميم : مممممم اقصد .. اقصد يعني انهم علي طول بيحاولوا يقتلوني
سمر : انت شجاع اوي ياتميم
بقلمي مآآهي آآحمد
تميم : سمر انا مش هينفع اسيبك
سمر : يعني اي
تميم : يعني الارهابي ده شافك وعرف شكلك واكيد هيجيبك وممكن يخطفك عشان يهددني بيكي
سمر : ايوه بس هو هيعرف يجيبني ازاي ده حتي مايعرفش اسمي
تميم : لاااااااااا ده انتي ماتعرفيش الارهابي خالد ده اكبر ارهابي فيكي يامصر ده رغم انه قليل بس جبار وانا قلقان عليكي منه ياسمر
بقلمي مآآهي آآحمد
سمر : ايوه بس انا مش هينفع
تميم : لا هينفع لحد ما وقت الخطر ده يعدي ياسمر
سمر : طيب وكريمه
تميم : انا هكلمها وهقولها علي كل حاجه ماتقلقيش
تميم اخد سمر وراح علي شقه خالد ومتفق مع خالد انخ يسيبله شقته لمده يومين تميم طلع المفتاح بتاعه ولسه بيفتح لقي خالد لابس البيجامه بتاعته ومشمر رجل ومنزل رجل وماسك خياره وبياكل فيها
خالد : تميم اتاخرت ليه
سمر : الارهابي 😳😳
سبع ايام 💞
( 7day's)
الجزء التاسع عشر
بقلمي مآآهي آآحمد
خالد : اتأخرت ليه ياتميم
سمر : الارهابي 😳😳
تميم بص كده لخالد وسمر بصيت لتميم وقالتله
سمر : ( بزعيق)معناه اي الكلام ده ياسياده المقدم تميم وزقته وسابته ومشيت
تميم : سمر .. استني ياسمر هفهمك .. ياسمر
خالد كان لسه ماسك الخياره وواقف علي الباب وقال
خالد : هو في اي 🤔
وكمل اكل في الخياره ودخل وقفل الباب وراه
بقلمي مآآهي آآحمد
تميم كان لسه بيجرى ورا سمر
تميم : سمر .. سمر استني انا هفهمك علي كل حاجه اقفي بس
سمر مكانتش راضيه تقف جه يمسك ايدها راحت بعدت ايده وزقته وقالتله
سمر : ابعد عني ماتلمسنيش
تميم راح شد سمر لي اكتر وقربها من حضنه وبقت قريبه منه لدرجه كبيره وقلها وهو بينهج
تميم : مش قادر.. مش قادر ابعد عنك ياسمر حاولت ومعرفتش
سمر بصت في عيون تميم وحست باللي بيقوله انه طالع من قلبه بجد بس برضوا هي مش فاهمه حاجه وبعد نظره طويله ما بينهم راحت زقته وبعدت عنه وقالتله
سمر : انت مين .. انت لا يمكن تكون مقدم في الجيش زي ما قولتلي وكنت جايبني الشقه عندك ليه وليه التمثليه اللي عملتها عليا دي كلها
خالد كان باصص عليهم من الشباك وقلهم
خالد : ( بصوت عالي )ياولاد عيب مش كده اطلعوا ماتفرجووش عليكم الجيران
تميم بص فوق لخالد بصه حقد كده راح خالد قاله
خالد : خلاص .. خلاص انا داخل اهوه
تميم رجع يبص لسمر راح لقاها مشيت وبتوقف تاكسي
تميم : سمر .. سمر استني هفهمك علي كل حاجه اديني فرصه اشرحلك
سمر : تشرحلي اي انا الحمدلله اني عرفتك علي حقيقتك وربنا نجاني منك
سمر في تاكسي وقفلها
تميم : مش هينفع اسيبك تركبي تاكسي لوحدك في الوقت ده
سمر: طيب حاول تمنعني كده وانا هفرج عليك الدنيا كلها
سمر ركبت التاكسي ومشيت تميم بسرعه راح جاب الموتوسيكل بتاعه وبقي ماشي ورا التاكسي عشان كان خايف
عليها تركب تاكسي في الوقت ده لوحدها
تميم طلع الفون بتاعه وراح متصل بكريمه
تميم : الووو ايوه ياكريمه
كريمه : _________________
تميم : عرفت كل حاجه ياكريمه حاولي تطلعي بره تستنيها هي راجعه المستشفي وفي التاكسي اهيه
كريمه : ______________
تميم : ( بزعيق) ياكريمه اعملي اي حاجه عشان تدخليها هتبات في الشارع يعني ولا اي
بقلمي مآآهي آآحمد
تميم قفل مع كريمه وحط الفون في جيبه وبعدها سمر وصلت المستشفي
السواق : ٧٠ جنيه يا انسه
سمر : ممممم ٧٠ جنيه
السواق: ايوه ٧٠ جنيه فين الفلوس
سمر: اصل بصراحه مش معايا فلوس
السواق : ( بزعيق ) لاااا ده اسمه هبل ده ولا ايه
راح السواق نزل ونزل سمر ولسه هيتخانق معاها راح تميم بسرعه نزل من الموتوسيكل ورماه الموتوسيكل في الارض ومسك في السواق ورماه نصه علي كبوت التاكسي ولسه هيرفع ايديه عليه ويضربه راح السواق قال
السواق: يعني اي يعني اجيبها المشوار ده كله وماخدش حقي وكمان اتضرب
تميم راح نزل ايده وقال
تميم : ضايقك في حاجه غير الفلوس ياسمر
سمر : لا .. لاء هو بيزعق عشان مش معايا فلوس اديهاله
تميم طلع ١٠٠ جنيه واداها لسواق وقاله
تميم : اتكل علي الله بقي
السواق اخد الفلوس ومشي وكريمه طلعت عشان تاخد سمر من بره
سمر بصت لتميم وبعدها جت تمشي
تميم : سمر
سمر لفت وبصيتله
تميم: مش طالب منك غير فرصه واحده بس افهمك فيها انا عملت كده ليه اتمني انك تديني الفرصه دي في يوم
سمر بصيتله وقالت
سمر : ( ودموعها نازله منها ) مافتكرش ان ممكن يكون في فرصه تانيه
كريمه اخدت سمر وطبطبت عليها واخدتها ودخلوا ورجعت العنبر بتاعها
وتميم رجع لخالد الشقه وكان هيتجن منه واول ما شافه راح مسكه واتخانق معاه
تميم ( بعصبيه ) : انت اي اللي عملته ده ياغبي
خالد : عملت اي انا مش فاهم انت اللي جايبها هنا في البيت
تميم : احنا مش كنا متفقين علي كل حاجه
خالد : لاء محصلش احنا كنا متفقين انك هتحاول تكون معاها اليومين اللي جايين بس مفهمتش ابدا ان اليومين دوول هيكونوا هنا
تميم: انت غبي يلا وهيكونوا فين غير هنا
خالد : انا افتكرت انك هتاخدها في شقتك .. شقه الهرم
تميم : لاء لاء ماينفعش اخد سيلا في شقه الهرم ابدا سيلا مش زيهم
خالد : وانا اي اللي عرفني بقي وبعدين انت لو قعدت هنا انت وسيلا يومين فكرت انا هاروح فين انت حتي مافكرتش فيا .. مابتفكرش غير في نفسك وبس
تميم : انت مافهمتنيش كده
خالد : عشان دي حاجه مش عايزه فهم دي حاجه مفهومه لوحدها يا دكتور تميم
تميم : انت ضيعتني بغباءك
خالد : بالعكس انا عمرى ما ضيعتك انا طول عمرى واقف جنبك ومتحملك ومتحمل غرورك وحبك لنفسك بزياده
تميم : واي اللي جبرك علي كده شيل ده من ده يرتاح ده عن ده
خالد : يعني اي ياتميم
تميم : يعني بلاش نعرف بعض تاني ياخالد انت ضيعت مني فرصه عمرى وهتخليني اعيد كل اللي عملته من جديد وانا للاسف معنديش وقت ولا طاقه ولا مجهود
خالد : يعني انت شايف اني احنا منعرفش تاني ياتميم
تميم ( بنرفزه) : ياريت
خالد : اللي تشوفوه ياصحبي
تميم نزل ورزع الباب وراه ومشي بالموتوسيكل بتاعه وهو مخنوق حرفيا ومضايق جدا من اللي حصل ناقص بالظبط ٣ ايام وسافانا تظهر وتميم لو محققش الامنيه بتاعت سمر كل اللي عمله ده هيتهد
ركب الموتوسيكل بتاعه وساق بسرعه جدا ووقف شويه علي النيل طلع سيجارته وبقي ينفخ فيها وسند علي الكورنيش وبقي باصص للنيل وبقي يفكر هيعمل اي
---------------------------------------------------
( في نفس الوقت )
كريمه : اي اللي حصل ياسمر بس لده كله
سمر : اسكتي ياكريمه انتي ماتعرفيش حاجه
كريمه : طيب عرفيني في ايه وحصل ايه بس
سمر: تميم .. تميم طلع نصاب لا هو مقدم في الجيش ولا في ارهابيين ولا اي حاجه كان بيعمل كل ده عشان عايزني اطلع معاه في شقته واكيد غرضه كان حاجه مش كويسه
كريمه : لا لا اخس عليه
سمر : انا زعلانه اوي ياكريمه .. اوي
كريمه اخدت سمر في حضنها وسمر بقت تعيط
---------------------------------------
تميم فضل واقف علي النيل لحد ما النهار طلع ومحسش بالوقت من كتر ما كان سرحان وبيفكر واول ما النهار طلع ركب الموتوسيكل بتاعه و رجع اوضته وهو مخنوق جدا ومش قادر يتكلم واول ما دخل علي اوضته بقي يفك زراير قميصه زرار بعد التاني ورمي قميصه علي السرير ولسه هينام وبيرفه الغطا لقي سلمي بنت عمه نايمه علي سريره استغرب جدا وقال في نفسه
تميم : ( اي اللي جاب سلمي هنا )
سلمي كانت لابسه بيجامه عباره عن هوت شورت وبدي حماله
تميم حاول يصحي سلمي قرب منها وبقي يصحيها بالراحه
تميم : سلمي .. سلمي اصحي ياسلمي
سلمي : بتصحي ومش شايفه قدامها
وبعد كده شافت تميم قامت بسرعه واتنفضت وقعدت علي السرير وجابت الملايه ورفعتها علي رجلها عشان لابسه هوت شورت
تميم : بتعملي اي هنا ياسلمي مانتمتيش في اوضتك ليه ؟
سلمي : اصل .. اصل التكييف بتاع الاوضه بتاعتي باظ بالليل وانا بشغله مذ راضي يشتغل والدنيا حر جدا ولما انت اتأخرت قولت اكيد هيبات بره عند خالد صحبك روحت نمت هنا انا اسفه .. اسفه ياتميم والله انا هرجع اوضتي علي طول
تميم : ( وهو قاعد علي السرير جنب سلمي راح قلها
تميم : لا خليكي خلاص انا هطلع بره وخليكي نايمه انتي هنا
سلمي: لا طبعا انا اللي هطلع بس هو انت مانمتش عند خالد صحبك ليه
تميم : خالد 😔
سلمي : في اي ياتميم مالك
تميم : مافيش ياسلمي
سلمي : لاء لازم تحكيلي في اي
تميم : سلمي معلش انا تعبان ولازم انام .. انا هسيبلك الاوضه ونامي فيها براحتك
تميم جه يقوم راحت سلمي بحركه لا اراديه منها راحت قامت وراه بسرعه وهي بتقوم من علي السرير عشان تلحق تميم راحت اتكعبلت ولسه هتقع راح تميم لحقها واخدها في حضنه وقربت منه اوي
في دخلت بابا تميم عليهم راح دخل وشافهم وهما قريبين من بعض كده وكمان سلمي لابسه هوت شورت وحماله وتميم قريب منها بالطريقه دي تميم اول ما شاف باباه راح بسرعه ساب سلمي من حضنه راحت سلمي وقعت في الارض
بابا تميم: اي اللي انا شوفته ده .. انت هتفضل وسخ كده لحد امتي ياتميم كل ما اقول خلاص الواد هيتصلح حاله ويبقي كويس ترجع تبقي اوسخ من الاول انت ايه حتي بنت عمك اللي انت مش عايزها مش راحمها
سلمي : عمي انت بتقول اي انت فهمت غلط
بابا تميم: اخرسي انتي خالص مش عايز اسمع صوتك
تميم : اي اللي انت بتقوله ده محصلش حاجه لكل ده علي فكره
بابا تميم: اخرس ياواطي وراح ضرب تميم بالقلم
تميم شاف كده كتم غيظه وكان مخنوق جدا
تميم : انا مش هرد عليك ولا حتي هحاول ابررلك اللي انت شوفته ده عشان مابقاش فارق معايا زعلك خلاص اي حاجه دلوقتي انت عايز تعملها اعملها خلاص
تميم ساب باباه ومشي وطلع علي شقته اللي في الهرم ودخل فيها كل الشقه حرفيا مليانه ازايز بيره فاضيه مرميه والشقه متبهدله حرفيا راح تميم رمي الازايز اللي علي السرير ورمي نفسه علي السرير وبص للسقف ولقي ان كل حاجه حواليه بتتهد حرفيا من كل حاجه ومن غير ما يعيط دموعه خانته ونزلت منه غصب عنه
تميم فضل حابس نفسه في الاوضه اللي في شقه الهرم مابيطلعش منها حرفيا وكان مابيعملش حاجه غير انه بيشرب ازايز بيره ليل مع نهار والسيجاره في بوقه وكل شويه يقلب في ريموت التليفزيون بزهق
كريمه : مالك بقي يا سمر خلاص ماتضايقيش نفسك اوي كده
سمر : مابيطلعش من تفكيري حرفيا ياكريمه مش فاهمه في اي
كريمه : طيب واي المشكله انك تديله فرصه انه يشرحلك اللي حصل مافيهاش حاجه يعني
سمر : يابنتي بقولك طلع مش مقدم في الجيش ولا حاجه انتي مجنونه
كريمه : لاء مش مجنونه بس اصله بصراحه بقي هاريني مكلمات كل شويه يتصل بيا هيموت ويعرف عامله اي دلوقتي.
سمر: بتتكلمي جد ياكريمه
كريمه : ايوه طبعا بتكلم جد وبعدين باين عليه بيحبك ياسمر
سمر : عرفتي منين
كريمه: يابنتي ده كان خايف عليكي جدا لدرجه انك ركبتي التاكسي وبقي ماشي وراكي لحد هنا وعارف عنك كل حاجه وعارف كمان ان لا في بابي ولا مامي ولا دادا وبرضوا عايزك انتوا الاتنين كدبتوا علي بعض يبقي لازم تسامحوا بعض
سمر : ايوه صح انا وقفت قدام المستشفي ودخلت جوه ومستغربش وكان بيقولي انه عايز فرصه عشان يشرحلي فيها كل حاجه
كريمه : اديله الفرصه دي ياسمر مش يمكن تميم ده هو المغامره اللي بتتمنيها
سمر : بصراحه تميم ده اي بنت تتمناه
كريمه : شوفتي وليه ماتكونيش انتي البنت دي بقي
سمر : طيب خلاص انا هسيبه يومين تلاته كده عشان يتربي وبعد كده ابقي رد عليه
كريمه : لاء يومين تلاته اي ده هو مش ناقص غير النهارده وبكره
سمر : هو اي اللي مش ناقص غير النهارده وبكره انا مش فاهمه حاجه
كريمه : لا لا ماقصدش اقصد يعني ليه النهارده ولا بكره كلميه دلوقتي هو مش ناقص ده مستني مكالمتك علي نار
سمر : تفتكرى
كريمه : افتكر اوي ياقلبي ❤️
كريمه اتصلت بتميم بسرعه قبل ما سمر ترجع في كلامها
كريمه : الوووووو
تميم : _________________
كريمه : انا فضلت مع سمر وهي مستعده تسمعك وتديك فرصه تانيه
تميم : _______________
كريمه : حقيقي بجد تعالي النهارده بالليل في المستشفي واحنا هنستناك
تميم :___________________
تميم قفل من هنا وراح لبس بسرعه جدا وحط راسه تحت مايه ساقعه عشان يفوء
وراح نط من علي السور وراح العنبر بتاع سمر
بقلمي مآآهي آآحمد
سمر : قولي انت عملت كده ليه ومن غير كذب
تميم : عشان اكون معاكي ياسمر
سمر : مش فاهمه حاجه
سمر انا الدكتور بتاعك في المستشفي ومن وقت ما شوفتك وانا معجب بيكي ولانك مابتفتكريش حاجه غير اسبوع واحد بس في الشهر فابتديت اعرف عنك كل حاجه حرفيا وعرفت انك نفسك تعيشي مغامره زي روايه ضحيه عنيد وبعدها عملت كل ده عشان خاطرك عشان خاطر اقرب منك مش اكتر
سمر : وليه كل ده ياتميم
تميم قعد قدام سمر ومسك ايديها وقلها
سمر: عشان بحبك ياسمر دايما كنت براقبك من بعيد وانتي مكنتيش بتشوفيني كنتي دايما ماسكه روايتك مش اكتر كنتي مش شايفه حد غير اللي اسمه داوود ده مجرد شخصيه في روايه وعلي فكره كريمه متفقه معايا علي كل حاجه ومافيش جزء تالت من ضحيه عنيد نزل انا عملت كتاب وحطيت عليه الغلاف عشان بس اعرف اتعرف عليكي وعلي الاقل تشوفيني زي ما انا شايفك من زمان
سمر : للدرجه دي بتحبني
تميم : واكتر ياسمر اوقات الكلام مابيعرفش يوصف المشاعر اللي جوانا فبنقول اللي بنقدر نوصفه بلسانا لكن مشاعري ليكي ماتتحكيش بكلام ابدا سمر حضنت تميم وقالتله
سمر: انا ضيعت وقت كتير اوي علي شخصيات خياليه في كتاب لدرجه اني ماشفتش الواقع قدامي اللي عملته عشاني وعشان تقرب مني ده بالنسبالي احسن من الف مغامره تميم حضن سمر اكتر وهو مبسوط اوي من اللي سمعه منها وبعد كده كريمه دخلت وقالت دكتور تميم لازم تمشي حالا يادكتور في حد جاي علينا
تميم ساب سمر بسرعه وقلها هشوفك بكره
سمر هزت راسها وهو ماسك ايديها بالموافقه
وبعدها عز نط من الشباك بسرعه وطلع بره وروح شقته وهو مبسوط جدا من اللي حصل ونام لانه بقاله يومين مانامش تاني يوم صحي علي تليفون ابوه
بابا تميم: اعمل حسابك انا قولت لعمك علي اللي حصل وكتب كتابك علي بنت عمك يوم الخميس اللي جاي قدامك سبع ايام تجهز نفسك فيهم وقفل الفون في وش تميم
( في نفس الوقت )
كريمه راحت لسمر عشان تصحيها والمفروض ان سمر المفروض تختفي بكره
كريمه اول ما دخلت العنبر عشان تصحي سمر بتبص
لاقيت سمر قاعده علي السرير وناكشه شعرها وبتبصلها من تحت شعرها وضحكه لكريمه ضحكت خبيثه وشريره
كريمه اول ما شافتها كده راحت قالت
كريمه : بسم الله الرحمن الرحيم سافانا 😳😳