الفصل الثالث والرابع
بقلم ياسمين علاء الدين
سبحان الله وبحمده...
نور قاعده قدام الكلب ومش عارفه تعمل ايه كل اما تتحرك يقف قدامها ..
نور. : انت فاكر نفسك ايه يا بتاع انت . انا ميهمنيش كلب وله مش كلب
هوهو الكلب عليها بصوت عالي
نور : مبدهاش بقي. هتعضني هاخد الحقنه ،بس لازم اخرج من هنا . مش علي آخر الزمن كلب يمشي عليا . انا نور علي سن ورمح
وقفت عشان تتحرك وهو قرب منها اوي .
نور انكمشت في نفسها بخوف :ده انا بهزر . اصلي دمي خفيف بعيد عنك ... انا اصلا بوء .. هقعد تاني ومنه لله اللي كان السبب . ياكش تقع عليك حيطه يا بعيد وانا جاي .. الهي تتشك في معاميك . الهي وانتي جاي يقع عليك لوح ازاز
حكت أيدها علي خدها وهي بتبتص علي الكلب اللي مدد في الأرض قدمها . فضلت مراقباه عشان ينام يمكن تعرف تهرب من الشباك
غمض الكلب عينه وقفت واتسحبت ولسه بترفع رجليها عشان تخرج من الشباك الكلب هوهو عليها وجري ناحيتها ..
مسكت المخده : اهدي يا استاذ كلب ده انا كنت بقفل الشباك عشان متستهوش. وله عايز تاخد برد
هوهو عليها مره تانيه لتنفخ : هقعد مكاني. حاضر
بعد ساعات طويله ...
دخل جاد البيت كانت نور نايمه علي الكنبه .. ربت علي رأس الكلب : شاطر يا عنتر . يلا ادخل كل في اوضتك ..
دخل عنتر الاوضه بطاعه
.. ووقف جاد بصوت عالي يزعق عشان نور تصحي
جاد : بتنتتتت، قومي . . نايمه كده ليه.
فتحت نور عينيها : في حد يصحي حد كده . واصلا مش من حقك تحبسني كده. انا مش عايزه اشتغل عندك
حط أيده في جيبه : خير تعمل شر تلقي اما صحيح ناقصات عقل ودين
صكت نور علي أسنانها: بقولك ايه يا اسمك ايه انت. الستات اللي بتقول عليهم مش عاجبينك دول طلعو الفضاء وبيشتغلو في كل حاجه. ملكه انجلترا دي ست . احنا بنعمل حاجات الرجاله متعرفش تعملها
جاد : كلامك زي المتعلمين بتوع المدارس . مش قولتي كنت بتشتغلي في البيوت وله بتكذبي . حكايتك ايه يا بت مش مرتاحلك
نور : انا قولتلك حكايتي قبل كده . هي اغنيه كل شويه هغنيها ، الشغاله كمان من حقها تتعلم . انا بعرف افك الخط وكمان بسمع تلافظيون
جاد : تلافظيون . .. قولتيلي
نور لاحظت أن جاد ذكي وممكن يكشفها : بقولك ايه يا جدع انت . انا مش عايزه اشتغل هنا . خلاص مش هشتغل في بيوت تاني حرمت بعد اخر مره . سبني اكل عيش بعيد
جاد : انا محدش يمشي عليا كلمته .. انا اللي اقول تروحي فين وتيجي منين .. وانا كبير الحاره هنا
نور : يعني ايه .هفضل تحت رحمتك
تجمعت الدموع في عينها وجلست تندب
جاد : بلاش ندب يا هبابه ، اترزعي هنا للصبح و هشوفلك اوضه تقعدي فيها . وابقي اشوفلك حاجه تأكلي منها عيش
نور. : قشطه يا سيد المعلمين. اهو كده الكلام
جاد : مش مرتاحلك يا بت انتي
نور : يووه وهو انا عملتلك حاجه يا خويا. والنبي ما عملت . عملت
جاد نفخ : اوووف. اسكتي شويه وبلاش لت وعك
نور :لا مواخذه في الكلمه اسمها عجن يا خويا
جاد بقرف : اخرسي وخلاص . قومي اعملي اي لقمه
نور.: ها
جاد : هو ايه اللي ها . اعمليلي طفح
نور : يا داهيه دقي . مبعرفش
جاد : نعم يا روح امك . متعرفيش ايه يابت امال ازاي شغاله عند ناس
نور : اصل . انا بص، انا بص
جاد : أبص علي ايه
نور : قله ادب مش عايزه . انت فاكر نفسك جوزي . ايه قومي اعمليلي اكل دي . انا بعترض . مش عبده ليك .
لسه هتمشي مسكها من هدومها زي الحراميه : قولتيلي اسمك ايه
نور :اتكلم باسلوب حضاري احسن من كده
جاد : بت انتي انا مش مرتحلك
نور : اوعي يا عم كنت بهزر معاك . ده انا بعمل الاكل بصوباع رجلي الصغير
جاد : ابو قرفك .
نور. : لا مش قصدي . قصدي ان الاكل ده لعبتي يا استاذ جاد
جاد : طيب غوري علي المطبخ
نور : لامؤاخذه في السؤال . قولي فين المطبخ ينوبك ثواب
جاد : قدامك علي اليمين
نور : ماشي مش تزق
دخلت نور المطبخ وهي بتلطم اخر معلوماتها عن الأكل أن البيض بيتحط علي المايه ملح وهو بيغلي
نور : اعمل ايه في المصيبه دي . يادي اليوم الاسود مش هيعدي علي خير .. انا مني لله .. عايزه اضرب نفسي بالجزمه عشان مسمعتش كلام لوزه يا اما اتحيلت عليا اتعلم الاكل وانا قال ايه عامله فيها الناصحه واقولها هتجوز واحد يجبلي خدامه .. وقعت في شر أعمالي .
وقفت بتفكر هتعمل ايه. تفتح النت وتطلع وصفه سهله تعمل من علي اليوتيوب بس جاد هنا في الشقه وممكن يشوفها
قاعده تفكر في حل تاني. الوقت متاخر ولازم تفكر في حل
نور : الوقت متاخر ومفيش غير حل واحد . هو بيض ولانشون وجبنه وشاي بلبن عشان يكون في أصناف كتير . يا سلام لو في اندومي كنت طبخت كل انواعه .. عفارم عليكي يا نور . يلا ورينا الشغل
جاد غير هدومه وقاعد في أوضته منتظر نور تخلص عشان ياكل
خبطت نور علي الباب : انا خلصت الاكل .
خرج جاد : ماشي
نور : بص هبهرك . غمض عينك عشان المفاجاه
جاد : ربنا يستر .
نور: تا تا فتح عينك
جاد : ايه ده . انتي بتسهتبلي
نور: ده عشاء . الساعه ١٢ بليل هتاكل ايه في الوقت ده . هو ده العشاء عشان ميطلعش كرش
جاد : ده انا اللي هطلعلك كرش في نفوخك . انا مبكلش اكل العيانين ده .
نور: ده اكل الناس الطبيعيه . انت اللي مش عارف
جاد : شيلي الاكل ده. اعمليلي محشي وله فته ولحمه
نور: انت بتهزر . محشي ايه اللي يتاكل دلوقتي . هناك فته ولحمه بليل
جاد : انا باكل كده يا نانوسه
نور: شفلك غيري . خلاص وقت العمل بتاعي راح. اوعي انا مش هنام هنا. انا هروح لعم محروس
جاد : عم محروس . روحي خلي الواد بندق يعمل معاكي الصح . عشان تتلمي . وهو اصلا واد مسطول ومش هيحس بنفسه مش بعيد كمان يقتلك
نور : ها .. تفتكر
قعد جاد علي السفره وبدأ ياكل : يوووه ده ممكن يقطع جسمك حتت صغيره او يبيع اعضائك مثلا
نور : لااااع . كله الا اعضائي
جاد : اقعدي ساكته بقي . والصباح رباح اشوفك اي داهيه تقعدي فيها
نور : شكرا ياسيد المعلمين . ايه رايك في الاكل
جاد : علي اساس انتي اللي عملتي الاكل .. دي حاجات في التلاجه
نور : بس انا اللي جبتهم من التلاجه وحطتهم في الأطباق وكمان عملت شاي بلبن إنما ايه زي الفل
جاد : انا باكل بس عشان جعان . بس بكره تعمليلي المحشي وكوارع
نور : مين
جاد : كوارع ايه مسمعتيش عنها
نور : لا لا . مليش انا في الكوارع . مش بطيق ريحتها
جاد : وانا مالي . اعملي اللي قولتلك عليه
نور : مش هعمل كوارع . انا مش بحبها وله عمري حبها ومستحيل اعملها. وبعدين أنا اصلا مش هقعد في البيت ده . وله هقعد في الحاره دي تاني .. شوفلم حد غيري يعملك اللي بتاكله ده
جاد : طيب عند فيكي هتعملي كوارع وممبار وفشه وكرشه
نور فتحت بوقها : علي جثتي. فاهم يعني ايه
جاد : اتفقنا . عنتررررر
خرج عنتر يجري ووقف جنب جاد ..
نور : انت هتعمل ايه .. وبتنادي ده ليه
جاد : عشان ياكلك مش قولتي علي جثتي
تجمدت نور مكانها وهي بتبص لجاد بصدمه وحاسه أن دماغها بتلف
نور : ءءء. انت هتدخل الكلب ما بينا ليه
هو الكلب .. نور : انا اللي كلبه يا عنتر وله تزعل
قهق جاد عليها وهو يحشر الطعام في فمه باستمتاع من شكلها وهي بتترعش.
نور : لو سمحت ممكن تدخل عنتر ونتكلم انسان لانسانه
جاد : ادخل يا عنتر اما اشوف اخرتها مع الست كخه دي .
دخل عنتر الي الغرفه بطاعه .. نور : اسمي نور مش كخه
جاد : انا استحملتك كتير وده عكس طبعي . متزوديش الكلام عشان ما اخليش عنتر ياكلك بأسنانه
نور : احم . حضرتك انا متكلمتش ..
جاد : شاطره .
وقف وهو ماسك كوبايه الشاي بلبن وبيشربها باستمتاع : اتعشي ولمي الاكل ونضفي الشقه ونامي في الاوضه لحد دي . مفيهاش حد
نور بصوت منخفض : ضربه في قلبك ، راجل مستبد فاكر نفسه سي سيد وانا امينه اللي هتضربها السوارس
كشر جاد : بتقولي حاجه
نور : ببرطم في الكلام . مبرطمش
جاد : لا متبرطميش افردي وش اهلك واقفلي بوقك ده
نور : حاتشر
... دخل جاد الغرفه وهي حطت الاكل في التراجع وقاعدت تفكر في حل .
نور : مستحيل اعمل انا كوارع . مستحيل
رواية هي والعصابهالفصل الرابع
بقلم ياسمين علاء الدين
بسم الله الرحمن الرحيم..
طول الليل نور بتفكر في حل هي لازم تخرج من البيت ده بس لو خرجت
كده كل خطتها هتفضل وهتضطر ترجع بيتها و تنسي خالص السبق الصحفي اللي كانت هتعمله
بس هي قررت انها لازم تستحمل شويه
نور. : يا انا يا الكوارع. هطلع الطريقه من ع اليوتيوب وهعملها . اصلي لو معملتش كده جاد هيشك فيا . وبكده
انا هروح في داهيه مش بعيد يعملوني بطاطس محمره زي ما عصام قالي.. اكيد لسه مرجعش من السفر. ده يعني هيتشل مني .
فتحت اليوتيوب علي وصفات وبدأت تشوف المثير والكثير من الوصفات حتي نامت من التعب والإرهاق
صحيت الصبح علي صوت الباب ..
نور : ايه العذاب ده . انا ملحقتش انام الساعه لسه ٨
جاد من خارج الباب : اصحي يا هانم . المفروض أصحي القي الفطار جاهز
فتحت نور الباب : المفروض ده عند المكوجي مش عندي . هو حد قالك اني الفلبينيه اللي اشتريتها وله مصباح علاء الدين اللي هتفركه تلاقي اللي بتتمناه
جاد : بس بس . مسوره مجاري وطفحت ايه يا بت اللسان الطويل ده .
نور : هو كده . ده اللي عندي وده اخري وانا اصلا ماشيه من هنا .
جاد. : مفيش خروج غير اما تعملي الغدا وتنضفي في الشقه.
نور : وده من ايه بقي
جاد : ده حق الليله اللي قعدتيها هنا .
نور : بقي كده
جاد : اه. هو كده . انجري قدامي وجهزي الفطار وبعدين هبعتلك عيل بالكوارع وعلي الساعه ٤ العصر الاكل يكون جاهز
نور : فاكر نفسك سي السيد
جاد : سي جاد يا بت.
نور : هه. خفيف انت كده
جاد : بت لمي نفسك ومتنسيش انتي هنا ليه
نور : انا مش عارفه انا هنا ليه . حد يقولي انت حبسني وله حاجه .وله فاكر نفسك ولي امري .
جاد ؛ هششش بلاش دوشه علي الصبح ..
سأبها وراح لاوضته .. نور : اهدي يا نور ومتتعصبيش انتي هنا عشان شغلك . مش هخلي حد يضيقني. وان ليك عند الكلب حاجه قوله يا سيدي
صوت جاد العالي : نووووووور
خرجت تجري من أوضتها : نعم يا سيدي
جاد : سيدي !!
نور : قصدي . نعم يا استاذ جاد . حضرتك ثواني والقطار يكون جاهز
جاد شاور علي كيس بلاستيكي ؛: خدي الفول والطعميه اهم وعايز كوبايه شاي تقيله
نور : وفين البتشنجان
جاد : ابو تنحتك . في الشنطه ياختااي
نور : ماشي يا خويا . ثواني والفطار يكون جاهز
نص ساعه قاعد مستنيها : ما تخلصي في يومك الاسود ده . فين يا بت الفطار
نور : اهو . خلاص خلصت . الفول جاهز . والطعميه كمان جاهزه
جاد ؛ مش عايز استظراف علي الصبح
قعد علي الطرابيزه : اقعدي يلا
نور : شالله يخليك ده انا هموت من الجوع مكلتش من امبارح
جاد : ما انا قولتلك اطفحي قبل ما تنامي
نور : اسمها اطفحي . علي العموم شكرا يا سيد المعلمين. انا مكنش ليا. نفس
جاد : اللي ياكل علي ضرسه ينفع نفسه . انتي اللي جبتيه لنفسك
اكل الاثنان . وقف جاد وغير هدومه لملابس خروج
نور : مع انك في مكان شعبي بس مهتم بنفسك وبتعرف تلبس
جاد : حد قالك أن اللي في الاماكن الشعبيه ميعرفوش يلبسو
نور : مقصدش . انا بس مستغربه .هو انت متعلم
جاد : اه اتخرجت من كليه اعلام
نور : واووو . زي
جاد : زيك ازاي
نور : ها . قصدي كان نفسي اكون متخرجه من أعلام بس معرفتش.. وعلي كده لاقيت شغل
جاد : لا .. في البلد دي محدش بيشتغل بالشهاده اللي معاه
نور حست بالحزن عليه : اه
جاد : البسي طرحه اما تفتحي للواد .
نور : ليه
جاد : من غير ليه .
خرج جاد وخد معاه عنتر .. وهي رتبت الشقه وبعد وقت الباب خبط وجه واحد ومعاه الاكل ..
مسكت الشنطه من طرف صوباعها .: الريحه هتموتني .. اعملهم ازاي دول
رمتهم في حوض المطبخ ووقفت تبص ليهم بحسره وحيره
لفت الطرحه علي مناخيرها عشان الريحه متوصلش .. ودروت علي جونتي ولبسته
وشغلت الفيديو علي برنامج الطبخ وحاولت تقلده وهي خلاص علي أخيرها بس مش هتستلم
بعد عناء وشقاء وساعات طويله خلصت الاكل اخيرا كانت الساعه ٨ بليل
نور : شابووه بجد . عملت إنجاز .. لو محرجتش من هنا انا هنتهي
دخلت خدت دش وغيرت هدومها عشان ريحه الاكل
كان في صوت عالي من الشارع فتحت الشباك
كان جاد بيتخانق مع واحد جريت بسرعه وخدت التليفون وفتحته عشان تسجل اللي بيحصل
جاد مسك الشاب وصقف علي وشه بالاقلام
نور : واووو . الواد ده أيده تقيله اوي.. انا لو خدت قلم واحد ممكن اموت . ده كف أيده قد كده
لسه بتتكلم كان جاد وقع علي الارض من ضربه كانت في ضهره من راجل معاه عصايه كبيره
نور : قوم يا اسد . شكلي حسدتك وله ايه . الله اكبر في عيني . خمسه في وشي .
وقف جاد وعينه كلها شر وبص علي الراجل : بتضربني في ضهري يا ابن ال**## تيتت وكده
ضربه بالشلوط وكذا قلم ونفضهم كلهم ومحدش قدر يرفع أيده عليه تاني .. تقريبا كده الراجل اللي ضربه بالعصايه كسرله أيده
قفلت الموبيل بسرعه اما لقيته هيدخل البيت
ووقفت بتوتر .. فتح الباب وبصلها من فوق لتحت ودخل اوضته غير هدومه وخرج
. جاد : هاتي الاكل
نور : هو انت
جاد : مش عايز اسمع صوت . بدل ما اعلقك علي الباب
حركت رأسها بسرعه ودخلت المطبخ ومسكن الاكل بأطراف صوابعها وهي مش طايقه ريحته
وابتدت تحط الاطباق علي السفره
مد أيده ورفع الطبق عشان يشرب شوربه الكوراع
ليبصقها : ببببببف .. ايه القرف ده
نور بخوف : في ايه . انا عملت الاكل وغسلته كذا مره
جاد : هو ده اكل . طعمه معفن
نور : متزعقليش . انا عملته عشانك مع اني بكره الكوارع
قلب السفره علي الارض : انتي تخرسي خالص مش عايز اسمع صوتك . متعرفيش تعملي الاكل . ازاي كنتي شغاله في بيوت انتي بتكدبي يا بت
فتح المطوه ..
خافت نور ورجعت لورا : اهدا بس انا قولتلك كنت بشتغل شغاله مش بعمل الاكل . المكان اللى كنت فيه كان في واحد بيطبخ وانا كنت بنضف .
جاد : عارفه لو طلعتي بتكدبي عليا هعمل فيكى ايه
نور: مبكدبش انا.. بعدين انا قولتلك بلاش كوارع وانت اللي صممت
جاد : مش عايز اسمع نفس
مسحت دموعها ودخلت الاوضه حطت هدومها في الشنط ولبست الجلابيه السودا والطرحه وخرجت قدامه
جاد : علي فين
نور: ماشيه . انا عملتلك الغدا . مليش دعوه عاجبك وله لا .. أنا هشوف مكان اقعد فيه ..
جاد : اقعدي يا بت .. مفيش خروج غير بأذني
نور : عم محروس قال إن كلمتك سيف وانت قولتلي بعد الغدا همشي
جاد : انا محددتش هتخرجي أمتي ..
نور بدموع : يعني ايه . هترجع في كلمتك
جاد : جاد ميرجعش في كلمته ابدا .
صوت الباب . فتح الباب ووقف يتكلم مع راجل
الراجل : خلاص يا معلم . خدنا البضاعه
جاد : عفارم عليك ياض .. روح حطها في المخزن وانا جاي وراك
الراجل : ماشي يا معلم
كانت نور واقفه مصدومه
: انا سمعت صح . قال بضاعه . يبق هو تاجر مخدرات . حلو اوي . كده انا مسكت طرف الخيط ..
قفل جاد الباب بقوه .. كانت نور ركضت بعيد عن الباب
جاد : واقفه كده ليه
نور : عادي . انا كنت واقفه من الاول
جاد : عايزه تمشي فين بقي
نور : هشوف أي مكان اقعد فيه .
جاد : اتنيلي هي سهله كده
نور : اه سهله .
جاد : في وقت اوضه في الدور اللي فوق . اتنيلي اتزرعي فيها
نور : بيقولو الملافظ سعد
جاد : اسكتي احسنلك أن العفريت بتطنط قدامي
نور : اهو اخرسيت .
نور : انا لازم اتكلم . انت عايز كام في الاوضه
جاد : مش عايز فلوس هي كده كده مقفوله
نور : طيب حلو اوي . هات المفتاح عشان اطلع
جاد : نضفي الاكل اللي وقع الاول
نفخت نور : حاتشر
خد تليفونه وعمل مكالمه ونور راميه ودنها معاه عشان تفهم حاجه . بس مش فاهمه ايه اللي بيقوله .. كلامه كله شفرات وجمل غريبه
جاد : الاكل معايا . اللي عايز حته من التورته يدفع حقها . لا .. عشرين ده مبلغ قليل . التورته من الصنف الفاخر ... اخر كلام عندي ٦٠ . لا .مش غالي.. انت عارف كلمتي سيف . .. طيب ..خلاص ..نتقابل عند المحروسه في الزقاق .. . ماشي . اتفقنا ...سلام ..سلام ..سلام
قفل التليفون ونور فتحه بوقها بغباء مش فاهمه هو بيقول ايه
جاد : اقفلي بوقك ده عشان الدبان ميدخلش فيه
نور : ها .. انا خلصت كده ونضفت اهو . سبني بقي اطلع الأوضه عشان عايزه ارتاح
جاد : تعالي ورايا .
خد المفتاح وطلع معاها علي الدور اللي فوق عشان تقعد في الأوضه اللي فوق السطوح