الجـزء التاني من ميراث نور
للگاتبةة/لــينا بسيوني
(البارات الاخيـــــــــــــرة)
وسمعت صوت نصير بيقولى :
- متزعلش يانينو بس أنا خبيت عنك حاجه !!
قولتله:
- سندس مالها يانصير !!؟
قالى :
- الساحر الافريقى سحرها زى معتز بالسحر الاسود ومش هينفع تتعالج غير بالهبهاب النازف .
قولتله :
- وهجيبه منين ده دلوقتى؟ !!
- ماهى دى الحاجه اللى خبيتها عليك !!
قولتله بعصبيه :
- أنجز يانصير , قول !!!
قالى :
- الجن المعالج اللى حضرناه يوم ما عالجنا معتز ماخدش غير حجر الهبهاب اللى أتحضر عليه بس , و الصراحه انا ضربت على الحجرين التانيين .
قولتله بلهفه :
- يعنى معاك حجر هبهباب ؟!!!
قالى:
- أها بس ماتزعلش منى يانور !!!
قولتله :
- عالج سندس وانا مش هزعل يانصير أنما لو سندس جرالها حاجه مش هرحمك يانصير ... فاهم .
قالى :
- ماتقلقش أن شاء الله خير .
وطلع حجر هبهاب ومد أيده وهو بيقولى :
- خد يانينو وحضر المعالج....
خطفت من أيده الحجر , وجريت كتبت أسم المعالج
وحضرته , فحضر
ونصير بدأ يتكلم معاه، شويه ونصير قالى :
- هيقدر يعلاجها من السحر وطبعا هياخد الحجر اللى أتحضر عليه .
- خليه ينجز يانصير !!
شوفت سندس وهى بتفتح عينيها فجأه و بتشهق شهقة طويله وبعدها نامت تانى .
شويه وحجر الهبهاب أختفى .
سمعت صوت نصير بيقولى :
- المعالج أبطل كل السحر المرضى , وعندى خبر ماعرفش هو حلو ولا وحش !!
قولتله بنفاذ صبر :
- نصير انا مدايق منك , فأنجز فى الكلام ومتنقطنيش !!
- سندس ممكن تحمل , بس الطفل مش هيبقى طبيعى !!
قولتله :
- مش هيبقى طبيعى أزاى !!؟
قالى :
- فى الغالب هيبقى عنده أعاقه أو تش...
قطع كلامه لما شاف سندس بتفوق , أول مافاقت قالت :
- سيدى !!! وحشتنى أوى .. انا حاسه أنى ماشوفتكش من سنين !!
حضنتها وعينى غرغرت وأنا بقولها :
- أنتى اللى وحشتينى أوى ياسندس.
حضنتنى وفضلت تبكى ..
قولتلها :
- بتعيطى ليه !!؟
بطلت عياط وقالت :
- مش عارفه والله ياسيدى!!
وكملت عياط تانى !!
قولتها :
- طيب أيه رأيك نطلب سمك !!
نصير قال :
- طيب هستأذن انا بقى !!!
وأختفى ..
سندس قالتلى :
- اها والنبى ياسيدى, بس نجيب البت فردودس تاكل معانا !!
قولتلها :
- فردوس !! أسكتى مش طلعت جنيه فى الاخر .
قالتلى :
- جنيه !!
قوتلها:
- لا دى حكايه طويله أوى حصلت وانتى نايمه , هحكيهالك واحنا بناكل !!
حكيت لسندس كل اللى حصل والحرب وشهاب !
أستدعيت نصير لما أفتكرت حاجه !!
نصير جه فقولتله :
- انت قولتلى انك معاك حجر هبهباب تانى صح !!؟
قالى وهو متردد :
- هو انا قولتلك أيه بالضبط علشان مش فاكر!!
اها أفتكرت انا قولتلك انى المعالج فى اول مره خد حجرين واتفضل حجر و...
قولتله وانا مضيق عينى :
- لا يانصه انت قولتلى انه اخد الحجر اللى اتحضر عليه بس , يعنى المفروض معاك حجر كمان .
- طيب ماسندس بقت زى الفل اهيه وبتنطط فى الكهف , سيبلى بقى ده خليك جدع !!
قولتله :
- هات الحجر يانصه !!
قالى :
علشان خاطرى سيبهولى , ياخى اعتبره سوفنير (هديه ) تقديرا لمجهودى معاك الفتره اللى فاتت .
مردتش عليه وشاورتله بأيدى علشان يجيب الحجر.
أدهولى وهو مقموص , خدته من أيده وقولتله :
- انا فاكر انك قولتلى انى ممكن أستدعى أى مخلوق على الارض بالحجر ده !! صح ؟!!
-قالي
- أها!!!
قولتله :
- يعنى ممكن أستدعى شهاب نفسه ويحضر؟ !!!
خبط رأسه بأيده وقال :
- أخ !!! ازاى تاهت من دماغى الفكره دى , أها طبعا نقدر نتستدعيه ونستدعى نيللى كمان معاه !!
- حلو أوى !! لم بقى الجن اللى معاك , علشان هقولك هنعمل أيه بالضبط .
نصير واللى معاه حضروا كل حاجه زى قولتلهم بالضبط .
قعدت على الكرسى , وبدأت أكتب أسم شهاب على الحجر وسيبت مكان فاضى على الحجر علشان أبقى أكتب بعد كده أسم نيللى.
خلصت كتابة أسمه وقولت التعزيمة اللى قالى عليها نصير .
شويه وحضر شهاب، اتلفت يمين وشمال وهو بيحاول يدرك هو فين !!؟
لقى نفسه واقف على صاج معدن مبلول و محبوس فى قفص حديد زى اللى كان حابس فيه قرين فردوس !!
بصلى برعب وبأندهاش , وبعدها بص على حجر الهبهاب , فعرف أستدعيته أزاى !!
تمتم بتعزيمات علشان يحضر الجن بتوعه ,فقولتله :
ماتحاولش ياشوشو , محدش هيجى ينقذك هنا !!
بص حواليه علشان يشوف المكان الواسع اللى فيه .
ضحكت على منظره وهو مرعوب وفتحت دراعاتى وانا بقول :
أهلا بيك فى المصنع بتاعى ... هو اه لسه تحت الانشاء , بس أيه ظبطوا مخصوص علشانك.
شاورتله على مولد كهربا ضخم كان شغال و بيطلع صوت مرعب، كان متوصل بسلوك نحاس تخينه، متوصله بقضبان حديد .
ده بقى مولد كهربائى , بس أيه ياشوشو , حاجه عاليه أوى، من اللى بيشغلوا بيه المصانع الكبيره , مفيش جن عندك هيجرأ يدخل المصنع والا هيتصعق زى الناموسه ..
وطبعا ياشوشو أنا منسيتكش فى الحفله , ده انت ضيف الشرف !!
الصاعق ده متوصل بالقفص اللى أنت فيه والصاج المعدن اللى واقف عليه , فشار يا شوشو فشار هقليك زى الفشار .
قالى وهو مرعوب :
نور ... انا ... جيتلك ... ومديت أيدى ..
روحت ناحية سكينة الكهربا ,أترجانى وفضل يبكى و يقول:
أرجوك يانور ... ماتموتنيش .... مش عايز أموت ..أرحمنى ..
قولتله وانا أيدى على سكينة الكهربا :
بتطلب الرحمه ياشهاب؟ !!
كنت رحمت زينة اللى دبحتها ... كنت رحمت فردوس اللى طعنتها فى قلبها , كنت رحمت كل اللى قتلتهم .
أنت كافر ياشوشو ولو أطول أموتك مليون مره كنت هموتك ... ودلوقتى السؤال المهم .
- أين شياطينك الان؟ !!
وبدأت أنزل سكينة الكهربا وازود فى فولت الكهربا واحده واحده.
نزلت بسكينة الكهربا لحد ماوصلت ل300 ملى أمبير
..وشوفته وهو بيتنطط على الصاج الحديد , مسك فى قضبان القفص وصرخ بصوت عالى من شدة الالم ,جسمه كله بيتنفض , عضلاته بدأت تتقلص ونفسه بقى بيطلع بصعوبه .
نزلت بالسكينه مره واحده على 10000 مللي أمبير بدأ جسمه يسود والسوايل اللى فى جسمه تنشف , وروحه خلاص كانت بتطلع .
فنزلت بالسكينه لاخرها وشوفت جسمه وهو بيتحرق من قوة التيار الكهربى ومبقاش فاضل منه الا هدومه اللى كانت مولعه .
روحت قعدت على الكرسى وكتبت أسم نيللى على الحجر
وأستنيت !! وفضلت مستنى كتير !! , بس ماحضرتش!!
أستغربت وقمت من مكانى وروحت وقفت محول الكهربا وأستدعيت نصير .
نصير حضر وكان بيبص على محول الكهربا وعلى باقى شهاب اللى فى القفص وهو مرعوب , قالى وهو بيبلع ريقه :
- أوعى تكون هتكهربنى يانينو علشان خبيت عليك الحجر ؟!!
قولتله وانا بضحك :
- ماتنشف ياد كده , ركبك بتخبط فى بعضها ليه؟!!
يانصير أنت بقيت أخويا اللى مخلفتوش أمى ولا أبويا , بس لو عملتها تانى هحطك مكان شهاب فاهم !!
هز رأسه فى عشم وقال :
- حبيبى يانينو !! و حياتك ماتحصل تانى .. أنت عارف الكيف غلاب!! وادينى اهو مكلتهمش مع انى كنت هريل عليهم بس حسيت اننا هنحتاجهم فى حاجة !!
- ماشى يا نصير, دلوقتى أنا بحاول أستعدى نيللى بس مابتجيش , هو الحجر اخره واحد ولا أيه ؟!!
قالى :
- لا طبعا الحجر ممكن يستدعى اتنين كل واحد لوحده .
قولتله :
- أمال مش شغال على نيللى ليه !!؟
- معرفش يانينو .. زى ماقولتلك الحجر بيستدعى أى مخلوق على الارض فكده اما نيللى ماتت أو مش على الارض !!!
- يعنى هتروح مننا فين .. ادى القفص موجود .. وأدى المحول موجود لكل من تسول له نفسه أنه يخونى .. واخد بالك يانصه !!!
بلع ريقه وقالى :
- حبيبى يانينو !!
معتز باشا رجع مصر واول مارجع الفيلا باعتلى أروحله على طول , حضنى جامد وهحكالى عن أسرته بره , وسألنى الدنيا كانت عامله أيه وهو بره , قولتله :
- الحياة كانت ممله اوى ياباشا ومفيهاش أحداث خالص , مفيش بس غير نيللى وشهاب اللى كانوا عاملين خيمه جمبنا والناس مبقتش تروحلهم وشكلهم هجوا وسابوا البلد خالص !!
قالى وهو متحمس :
- عندى ليك مفأجاه جباره !!
قولتله بفضول :
- أيه !!؟
قالى :
- أما كنت فى أمريكا , أتعرفت بالصدفه على مسئول دعايا وتسويق عالمى , قولتله على المصنع اللى بنعمله وشرحتله الفكره بتاعتك , ومكنش مصدق , وعرض أنه يمول معانا المشروع , بس انا رفضت , فقدم عرض أجمد .
- عرض أيه ؟!!!
قالى :
هياخد المنتج ويسوقه على مستوى العالم , يعنى من الاخر يانور , أنت بعت قبل ماتصنع , شوف بقى الشهره العالميه اللى هتجرى وراك، لا تقولى بعثه ولا بتاع , انت ممكن تبقى زى ايلون ماسك الملياردير بتاع شركة العربيات اللى بتمشى بالكهربا .
- كل ده كلام جميل ياباشا , بس المصنع لسه مخلصش , ده غير المهندسين اللى المفروض هيبقوا معايا .
ـ قالي:
- بالنسبه لانشاء المصنع والمعدات دى امرها بسيط , المشكله هتبقى فى المهندسين , ممكن أخد وقت على ما أجيبلك مهندسين بنفس المواصفات اللى انت عايزها , عباقره يعنى .
- المهندسين عليا يانينو .
- فاكر لما قولتلك انى هعملك مفاجاه لما تبقى ساحر قوى زى جدك ناير ؟!!
قولتله :
- اها !!
- المفاجاه هى أن عندى 10 مهندسين من الجن حبايبى ويخدمونى برقبته، ومن غير فلوس ياسيدى .. أدينى بس حجر الهبهاب اللى معاك وهتبقى مرضيه خالص .
قولت لمعتز باشا :
خلاص يا باشا لاقينا المهندسين , ماتشغلش بالك , هاتلنا انت المعدات وكمل المصنع .
سمعت نصير بيقولى :
- أيه هتدينى الحجر ؟!!
قولتله :
هو مش أنت قولت عاملهالى مفاجأه .. ازاى مفاجأه بمقابل يانصير !! يلا يانصه روح هات المهندسين وتعالا على المصنع بليل عندنا شغل كتير ومحتاج أقعد معاهم الاول .
قالى :
ماش يا نينو، بس خد بالك براحه عليهم عشان دول مش فى خدمتك اصلا !!
طلعت من فيلا معتز على الكهف , لاقيت سندس مستناينى وفى أيدها ظرف تحاليل , أول ماشافتنى نازل من التبه جريت عليا وهيا فرحانه وبتعيط من الفرحه حضنتى جامد وهى بتقول :
- ربنا أستجاب دعايا ياسيدى ... انا حامل ياسيدى فى الشهر الثانى .
قولتلها :
- الف مبروك يا سندس، انتى هبلة يا بت المفروض ترتاحى .. جايه جرى!!
مرضتش اقولها انى عارف انها هتقدر تحمل تانى، سيبتها تتفاجأ عشان اشوف فرحتها دى.
شيلتها ومشيت بيها كانت متنحه فيا وانا شايلها ناحية الكهف , قولتلها :
- متنحه فيا كده ليه يابت ؟!!
- بتوحم عليك ياسيدى .. عايزاه يطلع شبهك.
- وانتى خلاص قررتى انه ولد !!
- حتى لو بت عايزاها تطلع شبهك.
قولتلها :
- هاااح ... أهم حاجه ماتطلعش هبله زى امها.
تمت بحمد