روايه عشق الصخر
بقلم شيماء عصمت
الفصل الخامس
«صخر» لو مكنش عايز يتجوزها مكنش دا كله حصل ، بس هو كمان السبب ان ابوكي يكرهك ياعشق؟!
قطع شوردها صوت هي عرفاه كويس
مايا بسخرية: تؤتؤتؤ ياحرام ايه اللي مبهدلك كده ياعشق هو العريس ضربك ولا ايه؟! ولا تكوني معجبتهوش فـ اداكي استمارة 6 وقالك روحي لـ ابوكي ياشاطرة
عشق قامت من علي الارض وبصتلها بأحتقار جنن مايا
عشق: انتي اأقل من اني ارد عليكي
قالت كلامها ومشت من غير ماتسبلها فرصة ترد
هتروح لصخر هو ملجأها الوحيد دلوقتي!!
حاولت تفتكر عنوان قصر «صخر»
بعد محاولات كتير اخيرا وصلت للقصر بقالها ساعة تقريبا ماشية ، رجليها مش حاسه بيها ، عيونها ورمت من كتر العياط! شعرها متبهدل ومتقطع بسبب ضرب ابوها ، وشها اثار الضرب واضحة عليه جداا ، دماغها لسه بتنذف من الوقعة
حرس بيت صخر بلغوه ان عشق بره كان هيطلع يشوفها بس امه اعترضت: خليك انت ياصخر اكيد في حاجة حصلت عشان كده رجعت تاني خليني استقبلها انا
صخر: ماشي يا امي انا هسيبك تستقبليها بس بعد اذنك انا مش عايز حضرتك تتدخلي بيني وبين عشق تاني ، متنسيش انها مراتي!! من النهارده هي مسؤولة مني انا وبس!! انا جيت علي نفسي وروحتها بيت الـحقير اللي اسمه ناصر وانتي عرفاه كويس اووي فياريت تبعدي عن علاقتي بعشق
كريمة: متنساش ياصخر انها اا
قاطعها صخر: عارف انتي هتقولي ايه بس حاليا انا مش عايز اي حد يدخل بعلاقتي بعشق هي لسه متعرفنيش خليها تتقبل علاقتي بيها الاول لو سمحتي يا امي انتي عارفة انا مقدرش اكسر كلمتك متخلنيش اعمل غير كده
كريمة :حاضر ياصخر بس بلاش طبعك القاسي معاها عشق مش هتستحمل قسوة اكتر من كده ، انا هقوم اشوفها اتاخرت عليها اوي
كريمة خرجت تشوف عشق .. صخر قاعد محتار يعمل ايه!! معقول مش عارف يتعامل معاها!! هو عارف انها رقيقة مش هتستحمل طبعة القاسي زي ماقالت والدته قاطع تفكيره
صوت امه وهي بتصرخ قام بسرعة يشوف فيه ايه لاقي عشق فاقدة الوعي وواقعة ع الارض وشكلها متبهدل على الاخر وقف جامد مش مستوعب ان دي عشق!
كريمة ببكاء : الحقني ياصخر اتحرك اتصل بدكتور
صخر قرب من عشق بلهفه وشالها وطلعها اوضته واتصل بـ «علي» يجيب دكـتورة لعشق .. كان قاعد جنبها ع السرير ماسك ايديها ، ملامحه جامدة ، نظرة عيونة فاضية مش باين
اي تأثر عليه عكس تماما البركان اللي جواه!! سؤال واحد عايز يعرف اجابته مين عمل فيها كده؟! رغم انه شبه متاكد ان «ناصر عمران» هو اللي عمل فيها كده بس يتأكد ووقتها هيندمه ع الساعة اللي اتولد فيها!!
مد ايده وبعد شعرها عن وشها .. لمس علي جرحها بحنيه ، قرب منها وباس جرحها وهمس بوجع: اسف اني مقدرتش احميكي!!
اسف ان دا حصلك ،اول واخر مره هتبعدي عن عنيا بمزاجك او غصب عنك مش هتحمل اشوفك كده تاني ومش هسمع كلام اي حد تاني!
_____♪______♪______
الدكتورة جت وكشفت علي عشق وقالت ان جروحها سطحية ومش خطيرة وانها ضعيفة ودا سبب الأغماء ومحتاجة تاكل كويس جدا ويبعدوعها عن اي توتر لان واضح ان حالتها النفسية مش كويسه وكتبتلها بعض الفيتامينات
صخر اطمن عليها وكان ماشي
كريمة بـ استغراب: رايح فين ياصخر وسايب مراتك في الحاله دي
رد عليها من غير مايبصلها :رايح اجيب حقها
سابها ومشي وطلع باقصي سرعة على قصر «ناصر عمران» ومعاه «علي» وعربيات الحراسه وراه
فـ الوقت ده كان ناصر قاعد هو وناريمان ومايا
نريمان: تفتكر صخر هيسكت علي اللي انت عملته فـ عشق
ناصر: هيعمل ايه يعني!! اكيد هيشكرني انا خلتها ترجعله وبمزاجها هيعوز اكتر من كده ايه
مايا: انتي يا مامي شغلاه نفسك بالموضوع ليه اكيد صخر دا هو اللي طردها من بيته .. وكملت بخبث وحقارة : بعد مااخد منها اللي هو عاوزه
ناصر: قفلوا على الموضوع ده اااا
قطع كلامه صوت كسر باب القصر وكمية الحراس اللي اقتحموا البيت
وقفوا متلجمين مش عارفين يعملوا ايه
ناصر برتباك: ااانتوا مين!! وعايزين ايه؟!
:_انا هقولك انا مين وعايز ايه
كلهم بصوا لمصدر الصوت
صخر داخل بهيبه وقوتة اللي بيخاف منها الكبير قبل الصغير
مايا عنيها كانت هـ تاكله بتبصله بنظرات وقحه!! عجبها ، عمرها ماشفت حد زيه قربت منه ومدت ايديها تسلم عليه
مايا بدلع مقزز: هاي انا مايا وانت
صخر بصلها من فوق لتحت وتجاهل ايديها وتخطاها ودا عجبها وخليها مصممة اكتر انا تحصل عليه باي طريقة! اكيد هو شخص تقيل!! مين دا اللي يقدر يرفض مايا بجمالها وانوثتها الطاغية دا طبعا من وجهه نظرها هي!!🌚
انت مين وزاي تدخل بيتي بالطريقة دي
دا كان سؤال ناصر اللي تجاهله صخر وقعد علي الكرسي وحط رجل علي رجل واتكلم بسخرية :تؤتؤتؤ والله عيب عليك ازاي يعني مش عارفني!!
ناصر بتريقه: الا تكون رئيس الجمهورية وانا معرفش
صخر بنفس التريقه: لا وانت الصادق انا جوز بنتك ياحمايا معقول مش عارفني!!
التلاته بصوا لبعض بذهول
مايا لنفسها:_ معقول دا يتجوز عشق ونا اللي زي الهبلة كنت فرحانه انها اتجوزت بالطريقة دي وكنت فكراه عجوز ولا يكون شكله مش حلو اااه من غبائي وقعتي واقفه ياعشق الكلب
ناريمان لنفسها:_ بقا دا «صخر نبيل السيوفي» دا اللي فكرته عجوز وقلت لا بنتي مش هجوزها حد اكبر منها زي مانا اتجوزت يارتني كنت شوفته مكنتش هخليه يروح الا لبنتي مش لعشق بنت الـ****
ناصر لنفسه:_ بقا دا اللي واكل السوق كله ياتراي جاي وعايز ايه معقول جاي عشان اللي عملته فعشق ولا عايز ايه بالظبط وليه مخلينيش اشوفه؟! ليه فكتب الكتاب استخبي زي الحرامية؟!
قطع تفكيرهم صخر: مالكم مبلمين كده ليع هتفضلوا بصينلي كده كتير!!
ناصر بتوتر من هيبة وقوة صخر الواضحة: اهلا ياصخر بيه انا سعيد جدا اني اخيرا شوفتك
صخر بصله من فوق لتحت بنظرات وترت ناصر اكتر واكتر
صخر قام وقف فجأة قدام ناصر بطوله وهيبته المخيفه وبصوت مرعب قال: ضربتها بأي ايد
ناصر السؤال لجمه معرفش يرد
صخر بصوت عالي مرعب خوف الكل: انطق اي ايد اللي ضربت مراتي!! مرات صخر السيوفي؟!
ناصر بخوف حاول يداريه رد بتلقائية : دي
وشاور علي ايده اليمين فلحظه واحده كان صخر ماسك ايد ناصر وكسرهالوا .. مايا ونريمان المنظر رعبهم وناصر اترمي على الارض بيصرخ من الوجع
صخر ببرود : دي حاجة بسيطة عشان لو بس فكرت تلمس شعره من شعرها المره الجايه رقبتك اللي هتتكسر مش أيدك
قال كلامة وسابهم ومشي وناصر مرمي علي الارض بيصرج من الوجع
______√_____√______
صخر في العربية راكب معاه «علي» صاحب صخر من وهما صغيرين صخر مش بيثق فحد غير فيه هو دراعة اليمين وشريكة وصاحبة واكتر من اخوه
علي: واخرتها ياصخر اللي انت عملته غلط متنساش انه ابوها واكيد هتزعل عليه لما تعرف اللي انت عملته وو
قاطعه صخر بغضب وصوت عالي: اللي عملته دا اقل حاجة انا المفروض كنت قتلته ابن الـ***** ، بيضربها مش مكفيه اللي عمله فيها من وقت ماتولدت لا بيضربها الـ**** بيضرب مراتي ، مراتي ياعلي عارف يعني ايه
علي بهدوء: متنساش ان انت كمان ضربتها
صخر بصله بغضب ، «علي» بصله فعنيه وكمل كلامة: انت كمان ضربتها ياصخر متفرقش عنه فالحته دي، انت عمرك مامديت ايدك علي واحده!! فيوم ماتعملها تعملها مع مراتك!! لو مريم اختك تحب جوزها يعمل فيها كده ترضهالها ياصخر
رد صخر وتجاهل كل الكلام اللي «علي» قاله وكل اللي حصل: وانت مالك بـ مريم ايه اللي حرقك اوي كده حتى لو حد عمل فيها كده!!
علي بتسرع: عشان اقتله واشرب من دمه
صخر بسخريه : لا والله!! ودا ليه ان شاء الله
علي برتباك: انت هتسيب الموضوع الاساسي وهتحور ولا ايه
صخر بجدية: هحور!! مش ملاحظ انك اخدت عليا اووي ياعلي
رد علي ببرود وهو بيقلد صخر: ان كان عجبك وبعدين انا حاليا بكلم صاحبي واخويا مش صخر السيوفي صاحب شركات الشيوفي
صخر ابتسم وقال: ماشي ياخفيف بس متخدش علي كده
صخر وصل لقصرة وقابل والدته فالصالون وسالها عن مريم و عشق قالتله انه مريم نامت وعشق لسه مافقتش لحد دلوقتي بسبب الحقنة اللي الدكتورة ادتهالها
طلع اوضته ودخل بهدوء لقي عشق نايمه علي السرير وهي زي الملايكة راح الحمام اللي فاوضته اخد شور وغير هدومه ولبس هدوم النوم راح علي السرير وفرد جسمة وقرب من
عشق واخدها فحضنه براحه، دفن وشه فـ رقبتها ، بيشم ريحيتها بمتعه شديدة ريحتها شبه ريحه الاطفال!! ابتسم وفكر هي فعلا طفلة!! بعد شعرها عن وشها وباس مكان ماضربها وباس الجرح اللي في راسها باس خدها وعيونها
وانفها ووصل لشفايفها وقبل مايقرب حس بيها بتتحرك بقلق فاق علي نفسه وعرف ان اللي بيفكر فيه هيوصله لحاجة مش كويسة ابدا ، بهدوء حط راسها علي صدره ونام ، من سنين مانمش كده!! اول مره ينام بالسهولة والراحة دي!!